Shahd Ghazy

مشاكل كتير كانت بتحصل وكنت دايما بكتم جوايا اي حاجه مضيقاني لحد مبقيت مبعرفش احكي حاجه خالص والموضوع دا من فتره طويله ممكن سنتين بس زاد الفتره دي جامد وكل شويه بيزيد اكتر ودا مأثر على دراستي جدا وحياتي عموما

هو مشاكل شخصيه مش عضويه

مش بحس بالامان في اي مكان حتى ف البيت وسط اهلي ودايما خايفه وطول الوقت حاسه ان ممكن حد يدخل يقتلني ف اي لحظه وبتأثر ب اي حاجه صغيره تحصل يعني بتعملي تراست ايشوز (حرفيا اي حاجه صغيره بجد) ودايما قلقانه ومتوتره وحاسه بالضغط ومبقتش بعرف اذاكر خالص بالرغم اني طول عمري من الاوائل وكنت بحب المذاكره جدا ومبقتش بعرف اثق ف اي حد مهما كان الشخص دا قريب مني قد اي وبحب دايما العزله ومش بحب اتعامل مع اي حد خالص ودايما ذهني مشتت ومش بعرف اركز خالص ودايما بسرح ودايما خايفه من الموت ان ممكن حد من اهلي يحصله حاجه والموضوع مش راضي يروح من بالي ولو لقيت بابا او ماما نايمين وبنادي عليهم عشان اصحيهم ومش بيردو عليا اترعب والاقي قلبي بيدق بسرعه واعصابي تسيب كدا ومش بحس ب اي شعور فرح او سعاده نهائي بقيت حاسه بالحزن بس طول الوقت وسعات بيجي عليا وقت بسأل نفسي هو انا لازم اكل واعيش يعني واكمل حياتي وكدا، لو انا خرجت خروجه حلوه واتفسحت مع ناس بحبها او عملت اي حاجه انا كان نفسي بيها بكون ف الاول متحمسه اني هعمل كدا بس بعد مبخرج مش بحس ب اي حاجه بالرغم اني قضيت وقت حلو بس مش حاسه بفرح خالص ولا ب اي شعور أكنو يوم عادي يعني، اسفه اني طولت وفي حجات تانيه غير دول كتير

ممكن طب حضرتك تقوليلي اوصلهم اونلاين ازاي