Mariam Mohammed

شكرا جدا لحضرتك على الكلام التحفيزي ده❤، ان شاء الله هاخذ بنصيحتك

اذا بتخدم حد فانت بتخدمه لان تربيتك و اخلاقك خلوك كدة و لانه لوجه الله قبل كل شئ و للاسف البشر اكثرهم بقى منافق في الزمن ده فياريت تكوني حذرة و في نفس الوقت تخليكي صاحبة خير و بلاش تحطي الموضوع في نفسيتك بدل ما يتعبك اكتر

حاولي تبذلي مجهودك في الفترة الي انتي فيها دي و تترقي و تبقي حاجة اعلى مش مجموع او ثانوية هي الي هاتحدد حياتك لذلك اتعلمي من اخطاء الماضي و ابذلي جهدك في الحاضر عشان ماتندميش تاني في المستقبل

اذا بيبرر افعاله يبقى النصيحة مش هاتنفع معاه لانه هايتجاهلها او يعمل بيها يومين و خلاص لذلك الحل هو التشجيع يعني فكري انك و انتي معدية تقوليله ما نيجي نسمع لنداء ربنا و نترك هم الدنيا و نروحله نكلمه و نتوددله سوا و تاخديه و تصلي حاولي تحببيه في الصلاة بالافعال و بعد الصلاة اقعدي اتكلمي عن اهميتها و قد ايه هي راحة نفسية و كذا هو حبة حبة هايحب الصلاة و ربنا يهدينا جميعا

بدل ما تحطي نفسك في الشك و الذنب روحي واجهيه و قوليله انك ملاحظه انه كذا و ليه هو كدة و ساعتها هاتفهمي كل حاجة و تعرفوا تتخذوا قرار سوا يمكن هو مفكر انك مش معجبة بيه عشان كدة خايف يصارحك و يترفض ابدأي انتي معاه عشان ماتحسيش بالحزن زي دلوقتي

واجهي مخاوفك عشان تتخلصي منها و ماتعطيش مشاكلك الاهمية الكبيرة استهيفيها

لو بتحبها بجد و عايزها مافيش حاجة صعبة عليك اهم حاجة تتاكد من اخلاقها و دينها و بعدين اسأل اصحابها او معارف ليها و ربنا يكتبها من نصيبك لو فيها خير ليك

ردديها بينك و بين نفسك و اقنعي بيها عقلك الواعي و تصرفي على اساس الاقتناع لحد ما توهمي عقلك الباطن و حبة حبة هتلاقي نفسك اعتقدتي بيها فعلا

كلنا بنمر بالحالات دي و الله يعني مثلا انا في تالتة ثانوي و بمر بيها و حاسة بتأنيب ضمير بس الحل انك تفضل تحاول و تعمل لنفسك جداول و تشجع نفسك لان يمكن كسلك ده بسبب ارهاق او مشاكل و تعب نفسي فمخك بيبقى عايز يكنسل كل حاجة و يجدد طاقته او زي سلام نفسي

دام انها سمعة لازم تتكلمي و تواجهي بس حاولي ماتعمليش مشاكل او تكبري الموضوع عشان هايستلموكي بعدين تجاهليهم نهائيا و لو على الكلام الناس شوية و ينسوا و بكرة سوء اعمالهم يتقلب عليهم هم الاتنين

واجهيه انتي بالحقيقة و سيبيه و اذا انتي هونتي عليه مش لازم تعمليله خاطر لازم تضمني كرامتك قبل اي شي و ربنا يعوضك بواحد احسن منه

لو خير ليكي و مكتوبلك ربنا هايفتحلك كل الابواب عشان انتوا من نصيب بعض انما لو مش خير ليكي ماكنش ده حصل، ربنا يعوضك بالاحسن منه يا رب

ان الله اذا احب عبداً ابتلاه و الابتلاء ده امتحان من ربنا ليكي لانه ميزك عن معظم البشر يعني مثلا شوفي الي بيحصل للناس في فلسطين هل ده معناه ان ربنا بيكرهم او مش عايزهم ينبسطوا لا ابدا و حتى اصلا الفلسطينين عمرهم ما يأسوا من رحمة الله او فقدوا املهم فيهم بالرغم من كل الي بيمروا بيه و هم من اكرم و اشرف بشر الارض الي اصطفاهم الله خليكي عارفة ان الانبياء كانت حياتهم ابتلائات مش نعيم و ان ربنا عايز يزود من ميزان حسناتنا عشان عايزلنا اخرة او حياة ابدية في نعيم و ان نعيم الاخرة هاينسيكي التعب الي عيشتيه في الدنيا فمتفقديش املك في الله و استعيذي بالله من الشيطان الرجيم على الافكار دي و تذكري اختي العزيزة ان الله يحب العبد اللحوح كثير الدعاء و ربنا يفرج همك و همنا اجمعين🤍

خلي حد من عندكوا يتكلم معاهم و يقولهم ان الوسيط فهم غلط و ماتتحايلوش اوي عليهم اعملوا الي عليكوا و خلاص

لا تذمي ولا حاجة نشفي دماغك و قوليلهم لأ و الي يزعل يزعل دي حياتك و حريتك و محدش هايتحملها غيرك

خذي الشجاعة من النهاردة ما تقعديش تماطلي عشان هاترددي كتير

قوي نفسك المرة دي و ارفضي و حتى لو ضربوكي اصري على قرارك و ماتخضعيش ليهم في حياتك عشان محدش منهم هايتحملك او يعيش مكانك لان بصراحة ده الحل الوحيد و ادعي ربنا كتير و اتمنى تلاقي الخير

مهما عملتي مش هاتقدري ترضي كل الاطراف او تخلي الكل مش زعلان لذلك اتكلمي من منظور ان انتوا الاتنين مش عايزين بعض و كل حاجة قسمة و نصيب و انك شايفاه زي اخوكي لا اكثر و هو نفس الشئ

ثقي بربك و بنفسك و اجتهدي و اعملي اللي عليكي و مش هاينولك غير نصيبك مهما توترتي التوتر مش هاينفعك

كوني صديقتهم و اختهم قبل ما تكوني معلمتهم و ابتعدي عن العنف و العصبية و حاولي كل شهر تجيبي مثلا بون بون و توزعيه على الاشطر فيهم بحيث تحمسيهم على المنافسة للاحسن و اهم شئ الضمير في التدريس

الموت هو ظاهرة تمر بها كل الكائنات الحية و ليس دائما الموت يدل على الشئ السئ او المخيف كما يربطه بعض الاشخاص، يعني الموت ده هو انتقال من الحياة الدنيا الى الحياة الابدية او الاخرة و طول ما الواحد مع ربنا يبقى مافيش خوف لو فكرتي في الموت تاني اربطي الفكرة بالايجابيات مش السلبيات زي ان فيه جنة و اننا هانشوف ربنا و بالنسبة لتذكرك لذنوبك دامك بتتوبي ربنا غفور رحيم دي بس مجرد وساوس من الشيطان استعيذي به يا اختي و ان شاء الله بعد فترة هتلاقي الوساوس دي اختفت

اولا حددي نوعية بشرتك لان كل نوعية ليها روتين و كريمات معينة +استعملي غسول بعدين كريم مرطب الصبح و بالليل استخدمي غسول و سيروم و كريم للحبوب و لو طالعة برا استخدمي صن بلوك و اشربي مايه كتير و كلي خضار و ماتستعمليش ميكب عشان ممكن النوعيات الرخيصة تطلعلك حبوب و لما تيجي تشيلي شعر وشك ماتستخدميش سويت او فتلة هاتي شفرة حلاقة مخصصة لشعر الوجه و احلقي في اتجاه نمو الشعر مش العكس و بإذن الله تتحسني

لو بيحبك فعلا يجي يكلم اهلك و يعرفهم مش يكلمك من وراهم و كمان يتهرب منك +الحب مش كل الحاجة فيه برضو حاجات مهمة لازم تاخدي بالك منك زي الاخلاق و التديين و المعاملة الحسنة و اكيد الماديات عشان تعرفوا تعيشوا مرتاحين فياريت تفكري بعقلك مش مشاعرك لان ده قرار مصيري اكيد هايفرق في حياتك

جربي تقوليله انك مش هاتقدري تكملي معاه بسبب الموضوع ده و اتكلمي بصراحة و ماتخافيش من حد لان دي حياتك

شكرا جدا لكلامك الجميل +امين اجمعين🤍🤍

ابعدي عن الحكة و ماتعرضيهاش للمايه و الصابون كتير و اعملي زي ما قولتلك و ان شاء الله تتحسني و الافضل طبعا اذا كشفتي جلدية

و نسيت احكي اني من 3 سنوات تعرفت على ولد و للاسف حبيته بس هو طلع يتلاعب بمشاعري و ده أثر عليا و خلاني اكره نفسي اكتر بس الحمدلله تخطيته و الله يسامحني على فعلي ده

للاسف مشاكل عائلية من صغري و انا طفلة وحيدة و كنت يوميا اتعرض انا و امي للتعنيف من ابي بعدين انفصلوا عن بعض لما صار عمري 10 سنين لما انولد اخي و روحنا نعيش عند جدتي و هناك كنت اتعرض للتعنيف من امي لدرجة جسمي يصبح فيه كدمات و كنت احيانا انطرد من البيت ده غير اني ماكنتش مرتاحة في بيت جدتي من تنمر اولاد خالتي عليا و المشاكل بين مرات خالي و بينا و كنا بنتذل اوي عند تيتا نطبخلهم و ننضف لهم و يعاملونا اسوأ معاملة و كمان امي الله يسامحها اتصاحبت على راجل كان مسافر برا و اتفقوا على الجواز و كانت تجبرني اقعد قدامه بشعري و انا محجبة قبل ما يتجوزوا و بعد ما تزوجوا نقلنا لبيتنا و الراجل ده طلع وحش اوي و كان بيتحرش بيا لفظيا و جسديا قدام ولدتي و هي كانت تعنفني و تطردني من البيت اذا اعترضت على الي بيعمله ده غير انه حالتنا صعبة للاسف و امي كان عليها ديون و ماكناش بنشتري لبس او حتى مصاريف تعليمي و امي حاليا هاتطلق من جوزها التاني و بترغمني غصبا عني انها تتجوز راجل تالت برضو تعرفت عليه من على الفيس مع العلم اني من صغري و انا الي احللها مشاكلها و بسببها ابويا فضل مقاطعني بس الحمدلله اني دائما اصل رحمي و ازوره لحد ما رضى عني طبعا دي مش كل التفاصيل و اسفة لو طولت عليكي

كل ما تتعصبي اكتبي مشاكلك في ورقة بعدين قطعيها او ارميها +اذكري الله كتير لما تتعصبي و خليكي عارفة ان جسمك امانة انتي مسؤولة عنها مش لازم تأذيها و ابعدي اي ادوات حادة عنك و لو مربية ضوافرك قصيها

ربنا خلقنا بمخ عشان نختار قرارتنا بنفسنا مش حد تاني هو الي يتدخل و يختارهلنا للاسف دي غلطتك انك سمحتيلهم يتدخلوا في حياتك لذلك اتخذي القرار الي هايريحك بنفسك و حاولي تتكلمي مع حد من العيلة يكلم باباكي و اخوكي و يفهمهم ان نفسيتك تعبت

كدة كدة هايزعلوا شوية بعدين ينسوا لكن قرار حياتي زي ده هايفضل يأثر عليكي طول عمرك لذلك قوليلهم بشكل مباشر انا مش موافقة انا شايفاه زي اخويا و انك مش عايزة تفكري بأي حاجة غير دراستك و ربنا يوفقك

في بعض الحالات يكون رد فعل طبيعي من الجسم بسبب اشارات عصبية خاطئة لذلك ياريت تنامي في وضعية مريحة و بيئة هادئة و اشربي شي دافي قبل ما تنامي بحيث تكون اعصابك مسترخية

قبل ما تشتري مقشر او اي شئ شوفي نوع بشرتك الاول و بعدين اشتريه على حسب حساسية بشرتك من استشارة صيدلي او طبيب مختص عشان ماتتكررش مشكلتك تاني و في الاول سيبي الاحمرار يهدى شوية ماتحطيش حاجة بعدها بيوم او يومين حطي قماشة مجمدة على مكان الاحمرار و استخدمي كريم مرطب حسب نوع بشرتك و ابعدي عن الصابون و المايه السخنة و ممكن تحطي جل صبار عشان يرطب مكان الاحمرار بحيث البشرة ماتجفش

اكيد دي بشرة جافة لذلك ابعدي عن المسببات الي تخلي ايدك تنشف يعني البسي جلوڤز لو هاتغسلي مواعين ماتعرضيهاش للمايه و الصابون كتير و استخدمي فازلين و جل صبار و فيه زيوت طبيعية دهنية ادهنيها على ايدك قبل ما تنامي زي زيت اللوز او جوز الهند و اشتري مرطبات بشرة جافة حطيها قبل النوم برضو

خليها تسأل صيدلي حتى لو هي خايفة من الكشف و مافيش سبب يخلينا نخاف طول ما ربنا موجود و بيدبرلنا امورنا لازم نثق بالله و نطمئن بوجود نعمه و رحمته علينا

لو من اول ما اتولدتي احتمال تبقى مشكلة او عيب خلقي لو لا قدر الله لكن اكشفي و اعملي اشعة و ماتسكتيش على نفسك و ان شاء الله تطلع مشكلة بسيطة