"حَـفـصـه مُحمد".

حكم فوائد البريد يعتمد على نوع المعاملة. إذا كانت الفوائد ثابتة ومضمونة بغض النظر عن نشاط الأموال، تُعتبر من الربا المحرم، والدليل على ذلك قول الله تعالى: "وأحل الله البيع وحرم الربا" (البقرة: 275). أما إذا كانت الأرباح بناءً على استثمار شرعي (مثل المضاربة)، فلا تُعد ربا. الأفضل مراجعة دار الإفتاء للتأكد بناءً على التفاصيل الخاصة بحسابك.

وعليكم السلام ورحمة الله وبركاته.. مبدئيا يقمر، اسمعي الدڪتور عمرو أبو خليل هتلاقيه علي يوتيوب بيتڪلم عن موضوع الخطوبه والجواز، وازاى تتصرفي ف المواضيع دي في دايرة العلاقات، بس قبل أي شيء استخيري ربنا وشوفي، وأهم حاجه القبول، لو مفيش قبول ليه وخصوصا بعد الاستخاره، خلاص ڪده حطي نقطه واقفلي الصفحه، انك تصارحيه دلوقتي وتبعدو، احسن م تكملو وانتِ مش قبلاه وبعدين يحصل مشاكل ومش هتكملو برضو، ف انتِ قولي لخطيبك ڪده، وحبيت أنوّه بس إن في ضوابط للخطوبه، سواء مع خطيبك ده أو مع أي حد ف المستقبل إن شاء الله، شوفيها للدكتوره هاله سمير او اي شيخ بيتكلم عنها، ثانيا.. حضرتك ليڪي أهميه، يعني حضرتك غاليه أوي، وقيمتك ڪبيره، فـ متسمحيش لأي حد يقلل منك أو يغصبك علي حاجه وخاصة ف الزواج، علشان انتِ اللي هتجوزي مش والدك ولا والدتك، خدي النصيحه منهم باحترام، بس لو انتِ مش مرتاحه يبقي خلاص انتهينا مفيش نقاش، صحيح أنا معرفش حضرتك ڪلية اي، بس ايا كانت كليتك عاليه او متوسطه، مش ده المهم، عشان قيمتك بتنبع منك مش من كليتك، لاني عارفه اى اللى ممكن يحصل ف النقطه دي، لأاه انتِ تجوزي أحسن واحد ڪمان، حتي لو انتِ كليتك مش هاي، وادعي ربنا يرزقك زوج تقي وحنين ويضحكك وبصي بكل الصفات اللي تتمنيها وبالوظيفه اللي انتِ عايزاها، بس ادعي بيقين وهو هيستيجب والله ومش هيسيبك.. ومتشليش هم يقمر وتوڪلي علي الله وسيبيها عليه وهو هيحلها من عنده ❤️‍🩹❤️‍🩹

استخيري ربنا، ومفيش حاجه اسمها "مستقبله مضمون" المستقبل بيد الله، ممكن لا قدر الله يحصل حاجه كده ولا كده، او حتي ينزل قرار مثلا، يوقف مهنة التمريض العسكري، او أيا يڪن، فش مفيش حاجه اسمها ڪده، ڪلية تربيه جميله جدا، ومريحه أڪتر من التمريض، أنا عندي والدتي فـ التمريض وبجد متبهدله جدا، فـ أنا منصحڪيش بيه، سهر بالليل ونبطشيات وقرف، منصحڪيش أبدا، والقرار يرجعلك بالنهايه، بس استخيري ربنا، لأن الخير فيما اختاره الله لڪي ❤️‍🩹

حضرتك مش هتثقي ف نفسك انتِ واثقه أصلا، لازم تحطي ف دماغك ڪده، وبعدين مالها مهنة التدريس، المدرس هو مُنشيء الاجيال، سواء دكاتره او مهندسين او ممرضين او.. او... الخ)، اللي بيقولك كده غير متحضر، وغير واعي، ومتخلف ڪمان.. فـ أنا عايزاڪي تحبي جامعتك وتخصصك، عشان الي حضرتك بتحطيه ف دماغك وتعتقديه عن نفسك هو اللي الناس بتعتقده عنك، امشي واتكلمي وردي بكل ثقه من غير اهتزاز ف نبرة صوتك، ولا تردد ف تصرفاتك، بشرط انها تكون ف السليم زي م الأستاذه شيماء ذڪرت. ومتشغليش دماغك بحد يسُڪره وروقي ڪده 🤍🤍

عشان تلاقي النور وسط الظلام وتخرج من دائرة الفتور والفراغ، لازم تبدأ بقبول اللحظات دي كجزء من حياتك. حاول تشوف الفترات دي كفرصة للراحة والنمو، وتجنب الضغط الزائد على نفسك. كمان حاول تعيد التواصل مع الأشياء اللي بتحبها، زي الهوايات أو الأنشطة اللي بتجلب لك السعادة. أهم حاجة إنك تظل على اتصال بالآخرين وتحافظ على روتين مرن يسمح لك بالتغيير والنمو الشخصي.. لما تلاقي نفسك في لحظات الزهق والفراغ ده ، افتكر انها مش نهاية الطريق، هذه اللحظات ليست نهاية الطريق، بالعكس دي بتكون بدايه جديده عشان تفهم نفسك،تعرف ان واحنا مدايقين بنطلع بأفضل أفكار، الفتور لا يعني ضعفك، بل هو دعوه عشان توقف، لإعادة ترتيب أولوياتك، وانك تشوف النور ف اماكن مكنتش بتشوفها قبل كده . قد يكون النور في لحظة هدوء أو في كلمة طيبة من شخص قريب. ثق أن الفترات الصعبة هي التي تصقلك وتمنحك القوة لتكون أفضل مما كنت عليه. وافتڪر النبي ﷺ لمّا اتأذي من أهل مكه والطائف، وضربوه بالحجاره وخذلوه، ف أشد لحظات حزنه واحتياجه لكلمه طيبه، اللهمَّ إليك أشكو ضَعْفَ قوَّتي، وقلةَ حيلتي، وهواني على الناسِ، يا أرحَمَ الراحمِينَ، أنت رَبُّ المستضعَفِينَ، وأنت ربِّي، إلى مَن تَكِلُني؟ إلى بعيدٍ يَتجهَّمُني، أو إلى عدوٍّ ملَّكْتَهُ أمري؟! إن لم يكُنْ بك غضَبٌ عليَّ فلا أُبالي، غيرَ أن عافيتَك هي أوسَعُ لي، أعُوذُ بنورِ وجهِك الذي أشرَقتْ له الظُّلماتُ، وصلَح عليه أمرُ الدُّنيا والآخرةِ، أن يَحِلَّ عليَّ غضَبُك، أو أن يَنزِلَ بي سخَطُك، لك العُتْبى حتى ترضى، ولا حولَ ولا قوَة إلا بالله " وأمرنا إن إحنا نقول الدعاء ده لما نمر بلحظات زي دي، وهنشوف كرم ربنا بعدها، واحنا بنقتدي برسول الله، ف متيأسش وصلِّ علي النبي ڪده وروق ❤ وبعدين يڪفيك إن حضرتك مسلم ومؤمن بالله والرسول، ده أڪبر إنجاز ف حياتك بجد ❤

بالنسبه للفيديوز اللي انتِ بتتفرجي عليها دي، أنا مش عايزه أهوِّل الأمر عليكِ بس دي بلوه ڪبيره، أسوأ من موضوع المذاڪره، وبالمناسبه أحب أقولك إن المذاڪره ليها علاقه بالموضوع علي ما أعتقد ؛ لأنك لما بتسيبي مذاكرتك بيڪون عندك وقت فاضي، فتزهقي، فيقوم إبليس اللعين يوسوسلك، ويقولك ما تيجي نسمعلنا.... ولا نتفرج علي..... ، وبمجرد م تفتحي خلاص دخلتي ف دوامه ڪبيره أوووي.. ـ طيب والعمل؟! قبل أي ڪلام أنا عايزه أسألك ڪام سؤال الأول: • تخيلي ڪده لو ڪنا احنا ڪ بشر أو بالأصح ڪ مسلمين النبي ﷺ قالنا إن ربنا عز وجل موجود ف السماء الدنيا ونقدر نشوفه منين منبص ع السما زي م بيشوفنا، تمام.. هل ڪنتي هتروحي تتفرجي علي أي حاجه مش تمام، هل ڪنتي هتقدري تقولي لفظ مش أحسن حاجه، هل ڪنتي هتعملي أي حاجه وحشه؟ (أڪيد لأاه صح). • هل لما بتتفرجي علي الحاجات الوحشه دي بتتفرجي عليها قدام الناس أو قدام أهلك وصديقاتك، ولا بتدخلي الأوضه؟ (أتستحين من الناس ولا تستحين من الله). تعرفي أقولك علي حاجه حلوه ڪل م الشيطان يوسوسلك إنك تقومي تعملي ڪده إفتڪري الآيه دي: {وَاللّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُواْ مَيْلاً عَظِيمًا}. بصي يست البنات أول م تفڪري ف ڪده: • قومي اشغلي نفسك بأي شيء، طول م انتِ مشغوله بحاجه طول م ابليس بعيد عنك. • اقعدي مع أهلك كل م يجي علي بالك كده.(متقعديش لوحدك كتير). • شوفي اي اللى بيخليكِ تفكري ف الاباحيه، وطلعيه من دماغك. عايزه أقولك بس إن إحنا ڪ "بني آدمين " عندنا عواطف ومشاعر، عواطفنا دي تُشحن وتُفرغ، فـ لما احنا نروح نفرغ مشاعرنا ف الاباحيه والعاده السريه وو... إلخ) يبقي سبنا اي من عواطفنا لأزواجنا وزوجاتنا ف المستقبل، لما بنسمع الحاجات دي، بنصاب ف المستقبل بالبرود وبتحصل مشاكل بين الزوجين بسبب اي، بسبب اللي كنا بنسمعه زمان واللي أدي إلي أننا أصبحنا معتادين علي الأمور الجنس*يه دي ، وبقت عاديه عندنا رؤيتها بقت معتاده لينا، فنيجي عند الجواز مش هنستمتع بأي حاجه ف الحلال وهتڪون حياتنا وحشه،لأننا استهلكنا كل المشاعر والعواطف،اللي كانت مخزنه للزوج أو الزوجه ( ف الحلال) .. فلازم تحطي ف دماغك الكلام ده، وبقول لنفسي قبلك كمان. وبسڪده ولو في حاجه تانيه هقولك عليها، ولا تقسين علي نفسك، وخليكِ حنينه مع نفسك، ودايما اذكري ربنا، عشان لسانك يتعود، وادعي ربنا يبعد عنك الوساوس دي، ومتسبيش اذكار الصباح والمساء واذكار النوم، وافتكري دايما ان ربنا يراكِ، فمتخليهوش يشوفك علي معصيه أبدا، ربنا ستار ورحيم وصبور ، فمتخليهوش يرفع غطاء ستره عنك لمجرد معصيه، ومتعه زائفه مؤقته، وادعيه وترجيه ووالله م هيسيبك ولا هيردك أبدًا، وشغلي قرءان دايما وخاصةً سورة البقره، وأسألي الله العافيه وأشڪريه علي سترك، وأنا مبسوطه إنك حاسه بالذنب لده، بس أهم حاجه توبي لربنا توبه نصوح إنك مش هترجعي تاني لكده. بسڪده يبسڪوتايه، ربنا يڪرمك يارب ويوفقك ويحفظك ❤❤🦋

وعليڪم السلام ورحمة الله وبركاته.. مبدئيًا ڪده بالنسبه للمراڪمات، عايزه أقولك ڪُلنا هذا الشخص وأنا أولهم، فـ متقلقيش مش انتِ لوحدك، تمام؟ المهم.. حضرتك لو عندك امتحان ولا بتاع ده بيحتتم عليڪِ إنك تذاڪري ليه تمام أنا معاڪِ، بس مش معني اني عندي امتحان يبقي أسيب الدُنيا ڪلها وأرڪز علي الإمتحان ده، لأ غلط، لازم تتعلمي إنك تتصرفي تحت الضغط وتجهزي لده وخاصةً قبل إمتحانات الفاينل، لأنه هيڪون بنفس الطريقه وأعقد بسبب التوتر الزائد، فـ حضرتك لازم تبدأي تڪتبي اللي وراڪِ علي ورقه وترتبي الأولويات.. بمعني، مثلاً انهارده الثلاثاء كان عندي درس احياء وعربي وكيميا والاستاذ بلغنا ان عندنا درس كيميا الحصه الجايه، اللي هي وليكن الخميس، طيب انا محتاجه اذاكر للامتحان عشان الدنيا خربانه معايا، تؤ بس أنا عندي دروس تانيه وواجب وبتاع والتزامات ف دروس تانيه ولازم تتعمل ومينفعش أراكم.. آجي جايبه ورقه وكاتبه فيها كل اللي عليا مذاكرته وارتبهم علي حسب "الاولويات"يعني الاهم والاقرب، وبعدين اشوف الوقت اللي باقيلي علي الدرس الجاى وعلى الامتحان، هلاقي ان انهارده لسه فاضل وقت بالليل بعد م روحت من الدروس عشان اذاكر اللى اخدته انهارده، مسبهوش لبكره، ولو سبته اقوم الفجر اذاكره، المهم ميجيش عليا الحصه اللى بعدها وانا مذاكرتش اللى قبله. • تحددي لنفسك وقت انا داخله اذاكر عربي من الساعه كذا للساعه كذا، مش انا داخله اذاكر عربي وخلاص، واقعد لنص الليل ف صفحتين عربي، لأاه حطى لنفسك حدود. • ذاكري بطريقة البومودورو (٢٥ د مذاكره * ٥ د راحه) والراحه بعيدا عن الفون خالص ها؟ طبعا انا مش خبيره ولا بالصلا ع النبي عليا، بس الحمد لله بحاول، بفضل الله، حتي لسه كنت بسأل الناس المحترمه اللي هنا، ف المهم متيأسيش بس. بالنسبه للفيديوز الاباحيه هرد عليها دلوقتي.

• صلي بيها جماعه وبعد الصلاه سبح علي إيديها وإقرأوا قرءان سوا مع بعض. • شارڪها ف ڪل حاجه وخد رأيها ف ڪل شيء عشان تحس بإن ليها أهميه وأولويه عندك. • جاملها ف الأڪل، لما تعملك أڪل بوس إيدها وقولها "تسلم إيدك يست الڪل". • جبلها ورده أو تشوڪلت معاك وانت جاي من الشغل ڪل يوم، بحيث ان هي لا ارادي هتڪون منتظراك يوميا تفاجئها. • قولها ڪلام حلو ورقيق وحنين وحسسها انها أنثي، مش مجرد ڪائن عايش معاه حياه روتينيه وخلاص. • الحب مش بيجي ڪده لوحده لازم يبقي ليه أساس، وأساسيات الحب: الإحترام، والرفق، واللين، والموده والرحمه. • مقولڪش بقا لو ساعدتها ف شغل البيت هتشيلك من ع الأرض شيل، فاجيئها بـ غسيل الاطباق مره، أي حاجه ڪده، ومش عيب أبداً بالعڪس ده احترام ورجوله، وخير مثال سيدنا رسول الله ﷺ، مش هنڪون أفضل منه. • ضحڪها وقولها نڪت، وأڪيد حضرتك عارف زوجتك ڪويس، اعملها الحاجه قبل م تطلبها. • حسسها بالأمان معاك، ومتهنهاش أبدًا. • خلي في يوم ڪده ف الأسبوع يومك انت وهي بس بعيدًا عن الأولاد وعن الدنيا كلها، يبقي يومكم انتوا الاتنين وبس، اسمعوا فيلم رومانسي سوا، أڪلها بإيدك، سرحلها شعرها وڪده. الحاجات دي مش بس تخلي زوجة حضرتك سعيده وتحبك بس ، دي تخليها تعشقك، وافتڪر ان ڪل م عمرڪم بيڪبر ڪل م الحب بيقل، ولڪن اللي بيخلي الحب يزيد هو الموده والرحمه اللي اتبنت ف الأول، هي دي اللي بتفضل وبتخلي الحب يزيد. علي ما أعتقد يعني عشان دي بتفرح أي بنت وأي ست.

في حاجه بس كمان عايزه اضيفها علي ڪلام حضراتكم الجميل ده وهي بودڪاست، بأمانة ربنا البودڪاست ڪل ثانيه فيه مفيده وأفادتني، وأتمني ڪله يسمعه، مش هتملوا منه أصلا، هتزعلوا لما يخلص، المهم انو ف نصف الكلام بيتكلم عن النسويه، هو البودكاست متقسم اصلا ف الدسڪربشن فالموضوع هيبقي سهل.. https://youtu.be/9mpo8QFdzfs?si=ufLj55NX1rUfxgOw

والله ما تسوى شيء، خليه يبص زي م هو عايز، حضرتك متبصيش ليه ولا لغيره عشان كده غلط وأكبر غلط كمان، نتصور مع بعض لو بعد الشر حضرتك بصتيله وبصلك، كلمك وكلمتيه، دخلتم ف علاقه محرمه، لا يحكمها اطار شرعي، متخيله الموضوع هيوصل فين، ليه نتجاوز حدود ربنا اللي حطها لينا عشانا احنا مش عشان حد تاني؟ ده باب من ابواب الفتن والشيطان بيدخل منه للي زينا وخصوصا سننا ده، عشان الاختلاط والارف اللي بقينا بنعيشه، لو بيحبك اهلا وسهلا، سبيه يحبك براحته، اللي بيحب حد بيدخل البيت من بابه، وبعدين افتكري ان زنا العين النظر ولما ربنا اتكلم عن الزنا قال: " ولا تقربوا الزنا " مقالش ولا تزنوا، لأ ده قال: لا تقربوا متقربيش أصلا.. هتقوليلي اى علاقة ده بالزنا، هقولك ده اولي خطوات الزنا.. وافتكري ان ربنا قال: {وَاللّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُواْ مَيْلاً عَظِيمًا} صدق الله العظيم. هي بتبدأ ڪده دايما، ولو دخلتي الباب ده، مش هتعرفي تطلعي بسهوله ابدا، لازم تكوني صارمه مع الجنس الاخر، ربنا في سورة النور حط لينا منهج لكده روحي اقرأي السورة وانتِ تعرفي الاجابه، هي بتبدأ كده: نظره ثم كلمه ثم لمسه، ثم تعلق،ثم كسرة قلب ثم حاجات مش كويسه ومبروك عليكي يا حبيبي، وغضب ربنا بقا، فمنحطش نفسنا ف حاجات من دي، عشان احنا ضِعاف، ضعاف جدا، وخاصةً ف النقطه دي، ربنا قال: "يُرِيدُ اللهُ أَنْ يُخَفِفَ عَنْڪُُمْ وَخُلِقَ الإِنْسَانُ ضَعِيفًا". صدق الله العظيم. أتمني تكوني فهمتي إن شاء الله.

ياربي اوعي تتعامل اصلا، ده انت ربنا بيحبك، وابعد عن أصدقائك دول لو استمرو علي كده وانصحهم يبعدو عن اللي بيعملوه، انت مش بس متتكلمش معاهم، حضرتك مينفعش تبصلهم اصلا، لازم تغض بصرك وتعف نفسك لحد م ربنا يرزقك بزوجه صالحه ان شاء الله، لأن اللي بتزرعه بتحصده. بس لو عايز تتعامل مع اخواتك البنات ممكن تكون حنين معاهم ومتزعلهمش، لأن "خيركم خيركم لأهله" وممكن تقرأ ڪتاب"الرجال من المريخ والنساء من الزهره".

السلام عليكم ورحمة الله وبركاته.. حبيبة قلبي أنا ف نفس سنك ومتفهمه جدا اللي بتمري بيه. مبدأيا ڪده غشاء البڪاره مش بيتمزق بالشڪل ده ف متقلقيش يحبيبي، بس المهم بقا موضوع اخواتك ده، انتي مش لازم تسمحي بحصول الموضوع ده ابدا معاكي، دي قلة أدب وسفاله، قولي لباباكي، ومش لازم تكوني متساهله ابدا معاهم، اللي يمد ايده اقطعيهاله، متديهمش فرصه انهم يلمسوكي اصلا، متتساهليش ابدا معاهم وخاصةً ف الموضوع ده، ولما تيجي تنامي اقفلي الاوضه عليكي، او نامي مع مامتك، ولو مقدرتيش تعملي حاجه ليهم، اللي يقرب منك صوتي ولمي عليه البيت، واحكي لاهلك لو بس قرب منك، ده او التاني، عشان كل م هتسكتي كل م هيتمادو معاكي بزياده. ومتفكريش ف الموضوع اصلا يروحي، هشان متتعبيش وشغلي القرءان دايما عندكم وسورة البقره وادعي ربنا يهدي اخواتك ويبعدهم عنك، ولو الموضوع استمر هددي اخواتك بحاجه هم بيخافو منها مثلا، ايا كانت اي، اكيدانتي عارفه حاجه يعني بيخافو منها، ومتفكريش كتير واللي حصل حصل، ومتحمليش نفسك فوق طاقتها، واستهدي بالله كده، وذاكري ومتشغليش بالك بحد، ده مستقبلك، وفكري نفسك انك لو بقيتي حاجه كويسه بعد الثانويه ان شاء الله، هم هيحترموكي غصبًا عنهم.. وقربي من ربنا وادعيه انو يحفظك، واقري اذكار الصباح والمساء بنية انو يحفظك ويبعدهم عنك، وربنا عمره م هيخذلك ابدا يحبيبي ❤

السلام عليكم ورحمة الله وبركاته... بص ي أستاذ، أنا أينعم مش خبيره ف الطب أو في الحاجات دي، بس في حد من المقربين ليا كان مر بنفس الحاله دي (الحسد)، قبل مأتكلم ف الحلول وغيره، هقولك إن اللي حضرتك بتقنع بيه دماغك هو اللي هيحصلك، فاهمني؟؟ هوضحلك بمثال حصل علي أرض الواقع.. " راجل في سيرك جاب واحد من الناس اللي قاعده في قاعة المشاهده وقعده علي مقعد وعمل ليه تنويم مغناطيسي ونيمه، وبعدين قال للناس اللي بتتفرج انه هيقول للراجل ده انه هيخليه مختفي، بس عايز منهم يعملوا نفسهم مش شايفينه بجد عشان يصدق، المهم الساحر بتاع السيرك ده صحي الراجل من التنويم المغناطيسي وقاله انه خلاه مختفي ومحدش شايفه غيره هو، ف الراجل مصدقش ونزل من علي المنصه للناس وقعد يلف حواليهم والناس بتتصرف عادي أڪنهم مش شايفينه لحد م الراجل بالفعل اقتنع انه مختفي ومحدش شايفه، مع انه ف الواقع كل الناس شايفاه. عايزه أوصل معاك لـ إيه؟ عايزه أقولك ان الراجل اقتنع فعلا انه مختفي ومحدش شايفه عشان الساحر قاله كده، الساحر هنا بيتمثل ف أفكارنا علي أرض الواقع وأفكار الناس وآرائهم وبالنسبه لحضرتك أفكار الدڪاتره النفسيين بالأخص، ف لما دكتور يقولك انك عندك اكتئاب، هتبدأ تتصرف كأنك عندك اكتئاب بالفعل وهتقتنع بده من غير متحس، وهتقتنع بغيره من التشخيصات، حتي لو انت مش عايز ، لأننا بنتأثر باللى بنسمعه واللى بنشوفه لا اراديا، ف أول خطوه ڪده بسم الله الرحمن الرحيم: • تغيّر أفكارك تجاه نفسك. متقعدش تقول لنفسك انك معدل ذكائك قل، وإنك بقيت غير منتج وإنك وووو..(حتي لو ده كان صحيح) أنا عايزاك تقنع نفسك (اقناع كاذب) انك كويس وان الحادثه دي زي أي حد عمل حادثه في تاريخ الحوادث، طيب تعمل اي يعني، اقعد كلم نفسك وقولها انا جامد جدا، انا كويس، كل اما تلاقي نفسك بتتعرض لتفكير سلبي، كلم نفسك بصوت مسموع وقول لنفسك أنا بخير، انتِ بخير ومفكيش حاجه، خليك حنين علي نفسك، وعن تجربه بجد، انا بعمل كده مع نفسي، وبتنفع جدا.. وافتكر ان ده قضاء ربنا ومش بإيدك تغيره، لا انت لازم تقول الحمد لله يارب، شكرا انها جات لحد كده، يقول عمر بن الخطاب : "لو عرضت الأقدار على الإنسان لأختار القدر الذى أختاره الله له." متقعدش تقنع نفسك ان شهوتك عاليه ومش عارف اى، ده الشيطان م صدق لقي باب يدخلك منه، لأاه لازم توقف المهزله دي وكل اما. يجي يوسوسلك قوله لا يحبيبي امشي من هنا، اومال فين مجاهدة النفس بقا، هو كل اما نفسك تقولك روح شمال هتروح وراها، لا لا كده مش صح، لازم توقف مع نفسك كده وتشوف تصرفاتك، وبعدين حضرتك متعرفش قصة بروسلي.. بروس لي تعرض لإصابة خطيرة في ظهره أثناء تأديته لتدريب مكثف. القصة بدأت عندما كان يقوم بتمرين رفع الأوزان الثقيلة دون إحماء كافٍ،. أثناء التمرين، حدث تمزق في عضلات أسفل ظهره وتضررت الفقرات القطنية بشدة. الإصابة كانت خطيرة للغاية لدرجة أن الأطباء حذروا بروس لي من أنه قد يفقد قدرته على ممارسة الفنون القتالية أو القيام بنشاطات بدنية شاقة مرة أخرى. الإصابة تركزت في منطقة أسفل الظهر، حيث تعرض لتمزق في العضلات و إصابة في القرص الفقري. كان الألم حادًا ومزمنًا، نصح الأطباء بروس لي بالراحة التامة وتجنب أي أنشطة رياضية، مع احتمال وجود خطر دائم في الظهر. رد فعل بروس لي: بدلاً من أن يستسلم، قرر بروس لي أن يحول هذه الإصابة إلى فرصة للتعلم والتطوير. خلال فترة التعافي، قام بما يلي: . التأمل والدراسة: . التأهيل البدني: خضع لبرنامج تأهيلي صارم تحت إشراف متخصصين، واستمر في أداء تمارين خفيفة لتحسين مرونة وقوة عضلات ظهره. . تطوير أسلوبه القتالي: بدأ في تعديل أسلوبه القتالي ليصبح أكثر كفاءة، التأثير على حياته المهنية: على الرغم من الألم المستمر الذي عانى منه طوال حياته، عاد بقوة وقدم أشهر أفلامه بعد الإصابة، إصابة الظهر لم تكن فقط تحديًا جسديًا، بل كانت اختبارًا لصبره وعزيمته، وأثبت بروس لي من خلالها أن الإرادة يمكن أن تتغلب على أصعب التحديات. هو م استسلمش ف لي انت تستسلم؟؟ النقطه التانيه: •انك تروح لطبيب القلوب. ترجع لربنا وتشتكيله وتعيط ليه وتقوله يارب ساعدني، انت فين من قيام الليل ، انت فين من صلاة الفجر، اعرف ربنا ف الرخاء عشان يعرفك ف الشده، بتقرأ قرءان ولا لأ، بتصلي الصلوات ف معادها ولا لأ، ربنا بينزل السماء الدنيا كل ليله عشان بس ندعوه متخيل، ان ربنا بجلالته وعظمته بينزل لينا احنا، واحنا بدل م نستقبله احسن استقبال، بننام، وسبحانه يقعد يقول: "هل من داعٍ فأستجيب له، هل من مستغفر فأغفر له". حضرتك غين من ده كله، مستحيل حد يروح لربنا وربنا يرده أبدا. •سورة البقره. السوره دى متفارقش بيتك، شغلها ف البيت ليل نهار، بجد انت عارف السوره دى، انا كنت ببقي مش قادره والهم كان بيبقا زى الجبل علي كتفي، وكل م. بتقدم ف قراءة السوره كل م بشعر ان الجبل ده بيبدأ يخف من كتفي. وبعدين في.. حديث رسول الله صلى الله عليه وسلم عن سورة البقرة مشهور ويظهر فضلها العظيم. من الأحاديث النبوية المتعلقة بسورة البقرة: 1. فضل قراءتها وطرد الشياطين: قال النبي صلى الله عليه وسلم: "اقرؤوا سورة البقرة، فإن أخذها بركة، وتركها حسرة، ولا تستطيعها البطلة." (رواه مسلم). "البطلة" تعني السحرة، فقراءتها تحمي من السحر والشياطين. 2. حماية البيت من الشياطين: قال رسول الله صلى الله عليه وسلم: "لا تجعلوا بيوتكم مقابر، إن الشيطان ينفر من البيت الذي تُقرأ فيه سورة البقرة." (رواه مسلم). 3. آيتا الحفظ والفضل (آية الكرسي وخواتيم البقرة): قال صلى الله عليه وسلم عن آية الكرسي: "من قرأ آية الكرسي دبر كل صلاة مكتوبة لم يمنعه من دخول الجنة إلا أن يموت." (رواه النسائي وصححه الألباني). وقال عن خواتيم سورة البقرة: "من قرأ بالآيتين من آخر سورة البقرة في ليلة كفتاه." (رواه البخاري ومسلم). قيل إن "كفتاه" تعني الحفظ من الشرور، أو أن قراءتهما تكفي عن قيام الليل. فوائد هذه الأحاديث: سورة البقرة حصن منيع ضد الشياطين والسحر. قراءتها تجلب البركة للبيت وللأهل. خواتيمها وآية الكرسي تحفظ الإنسان من الشرور. لتطبيق هذه الأحاديث، ينصح بقراءة سورة البقرة بانتظام في البيت، أو تقسيمها على أيام إن كان يصعب قراءتها كاملة يوميًا. وبس كده اتمنى تكون استفدت حاجه والسلام عليكم ورحمة الله وبركاته.

قال رسول الله صلى الله عليه وسلم: "اعمل لدنياك كأنك تعيش أبدا، واعمل لآخرتك كأنك تموت غدا." هذا الحديث يعكس التوازن بين الاهتمام بالحياة الدنيا والعمل من أجلها، وفي نفس الوقت التذكر الدائم للآخرة والاستعداد لها. النصيحة هنا هي أن تحرص على أداء واجباتك في الدنيا بما يرضي الله، وفي نفس الوقت تذكر أن الموت قد يأتي في أي لحظة، فاستعد له بالأعمال الصالحة. وكمان.. قال رسول الله صلى الله عليه وسلم: "من لا يشكر الناس لا يشكر الله" (رواه الترمذي). النصيحة هنا هي أهمية شكر الناس على أي دعم أو مساعدة يقدمونها لك، سواء كان في الحياة اليومية أو في أمورك الدراسية. الشكر يعكس تقديرك للآخرين، وفي نفس الوقت هو وسيلة لزيادة البركة في حياتك.

أنا صحيح معرفش كل الظروف اللي بتمر بيها، ومعرفش اي سبب ان والدك ياخد منك الفلوس كده، بس أنا هقول لحضرتك حاجه، عشان انت أدري بوالدك و بـ ليه هو بيعمل ڪده.. بس أنأ اللي هقوله مبدئيا عشان أوصل فكرة إنك تتقبل وضع والدك، وممكن أصدمك وأقولك إنه يحق ليه انه ياخد فلوسك (بشڪل ما) عشان كونه انه والدك وليه حق عليك، والحق ده ربنا فرضه علينا ڪأبناء، بعيدا عن أي شيء، قبل م أتڪلم.. فاهمني يعني أنا هحاول الأول أخليك متقبل اللي بيحصل معاك، مادمت مش عليك مسؤليات تجاه ناس تانيه اللي بيتمثلو ف(زوجه او اولاد) لان حضرتك غير متزوج.. وبعدين هحاول اطلع معاك بحلول للموضوع، بحيث انك تكون راضي الاول، وصدرك منشرح ومش غضبان من والدك، قبل حتي م نفكر ف حلول.. تمام؟ طيب بسم الله.. ممكن أغلب اللي أنا هقوله تكون حضرتك عارفه، بس انا هقول من باب وذڪر، ليا قبل أي شخص: عندنا في ديننا ، التعامل مع الوالدين له مكانة عظيمة ومكانة خاصة ، وأكد القرآن الكريم على ضرورة بر الوالدين، حتى وإن كان هناك صعوبة في التعامل معهما. يقول الله تعالى في القرآن: "وَقَضى رَبُّكَ أَلّا تَعبُدوا إِلّا إِيّاهُ وَبِالوالِدَينِ إِحسانًا إِمّا يَبلُغَنَّ عِندَكَ الكِبَرَ أَحَدُهُما أَو كِلاهُما فَلا تَقُل لَهُما أُفٍّ وَلا تَنهَرهُما وَقُل لَهُما قَولًا كَريمًا"... فأمر بالإحسان إليهما، ثم نهى عن إساءة الأدب معهما، أو إظهار أي تبرم أو تأفف { فلا تقل لهما أف } أي: لا تؤذهما أدنى أذية، { ولا تنهرهما } أي: لا ترفع صوتك عليهما، { وقل لهما قولا كريما } أي: لينًا طيبًا لطيفًا، بتأدب واحترام وإكرام." مهما كان تعاملهم معانا" #(ولو حضرتك لاحظت ان بعد م ربنا قال اننا منعبدش غيره جاب بعدها علطول عدم الاساءه للوالدين من غير فواصل متخيل؟) وكمان النبي صلى الله عليه وسلم قال: "رغم أنفه، ثم رغم أنفه، ثم رغم أنفه، قيل: من يا رسول الله؟ قال: من أدرك والديه عند الكبر أحدهما أو كليهما ثم لم يدخل الجنة." (رواه مسلم). ف احنا لازم نتحلي بالصبر والتسامح معاهم ، كما أمرنا الله ورسوله، عشان أيامهم ف الدنيا معدوده، واحنا مش ضامنين عمرنا.. صح؟؟ سئل الإمام أحمد ـ رحمه الله ـ: رجل يصوم تطوعًا، فسأله أبواه أو أحدهما أن يفطر: يروى عن الحسن أنه قال: يفطر وله أجر البر وأجر الصوم إذا أفطر. وڪمان ربنا عز وجل قال: {وإن جاهداك على أن تشرك بي ما ليس لك به علم فلا تطعهما وصاحبهما في الدنيا معروفا} يقول عمر بن الخطاب : "لو عرضت الأقدار على الإنسان لأختار القدر الذى أختاره الله له." عشان كده لازم تفتكر ان ده دايما قدر ربنا ليك واختباره ليك.

لو وصفنا نفسنا كعرب وكمصريين في علاقتنا بأهل غزة، هنلاقي إننا بنعيش حالة من التناقض الكبير بين المشاعر النبيلة اللي جوانا والتصرفات الفعلية اللي بنعملها. 1. بنتعاطف أكتر ما بنتحرك: إحنا كشعوب دايمًا بنظهر تعاطف كبير مع أهل غزة، سواء في كلامنا أو دعواتنا، لكن لما نيجي للتحرك الفعلي، بنكتفي بالمشاهدة أو نشر الأخبار. التعاطف لوحده مش كفاية لإنقاذ ناس تحت القصف والحصار. 2. بنتكلم أكتر ما بنشتغل: عندنا موهبة في الخطابة والنقاش، لكن لما نيجي نشتغل، بنلاقي الخطوات العملية قليلة جدًا. بنفضل نلوم الحكومات أو الغرب بدل ما نفكر إحنا كشعوب ممكن نعمل إيه بجد. 3. اهتمامنا مؤقت وموسمي: مع كل تصعيد أو عدوان على غزة، بنتحرك ونبدأ نتكلم ونتبرع، لكن بعد ما الأمور تهدى، بيرجع أغلبنا ينسى. وكأن القضية دي مؤقتة مش مستمرة طول الوقت. 4. دايمًا مستنيين حد ياخد المبادرة: إحنا كمصريين، عندنا إحساس إن مسؤولية دعم غزة حاجة أكبر مننا، لازم الحكومات أو المؤسسات الكبيرة تعملها. قليل اللي بياخد خطوة بنفسه ويفكر إنه يساهم حتى ولو بحاجة بسيطة. 5. بنركز على مشاكلنا المحلية: ده طبيعي لأننا بنعيش مشاكل كتير في حياتنا اليومية، بس ده خلانا نتعامل مع غزة وكأنها "قضية بعيدة" أو حاجة ثانوية، رغم إن غزة جزء مننا ومن تاريخنا كعرب. 6. بنخاف أكتر من اللازم: كتير مننا بيبقى خايف يتحرك أو يقول كلمة زيادة، خايف من ردود أفعال أو تبعات ممكن تحصل ليه. الخوف ده خلانا نتقوقع بدل ما نكون سند حقيقي. 7. قصّرنا في التوعية: جيل ورا جيل، معرفتنا الحقيقية بالقضية الفلسطينية وغزة تحديدًا بقت أقل وأقل. ما بقيناش نعرف التفاصيل، ولا نفهم إزاي نوصل الدعم أو نغير حاجة، وده انعكس على ارتباطنا بالقضية. في النهاية... إحنا إيه؟ إحنا ناس جوانا خير وحب حقيقي لفلسطين وغزة، لكن الخير ده محتاج يتحول لفعل. محتاجين نراجع نفسنا، نشيل الخوف من قلبنا، ونعرف إن كل خطوة مهما كانت صغيرة ممكن تعمل فرق حقيقي. إحنا أقوياء لو اتحركنا بجد، بس طول ما إحنا متفرجين، هنفضل مقصرين. ولكن من جهه أخرى: عدم استعدادنا كعرب وكمصريين لأخذ الخطوة الجادة تجاه دعم أهل غزة يمكن تفسيره من عدة زوايا نفسية، اجتماعية، وسياسية. الموضوع أعمق من مجرد الكسل أو اللامبالاة. 1. الخوف من العواقب: كتير مننا بيخاف يتحرك خوفًا من ردود الأفعال، سواء على المستوى الشخصي (زي الملاحقة أو المشاكل الأمنية) أو على المستوى العام (زي العقوبات الاقتصادية أو الضغط الدولي). الحكومات العربية نفسها بتعيش تحت ضغوط دولية وإقليمية كبيرة، فبتحاول تلعب بأقل المخاطر، وده بينعكس علينا كشعوب. 2. إحساس العجز: فيه شعور طاغي عندنا إن أي حاجة ممكن نعملها مش هتأثر، وإن القضايا الكبيرة دي أكبر مننا كشعوب. ده بيخلينا نكتفي بالكلام أو الدعاء بدل ما نتحرك فعليًا. الإعلام كمان ساهم في ترسيخ الفكرة دي، لما بيظهر الصراع وكأنه معقد ومفيش أمل في تغييره. 3. الأولويات اليومية: أغلبنا غرقان في مشاكله اليومية، سواء الاقتصادية، الاجتماعية، أو السياسية. كل واحد بيشوف إن مشاكله أهم وأقرب ليه من قضية زي غزة، حتى لو بيعترف بأهميتها. الظروف الاقتصادية في مصر، مثلًا، خلت الناس تركز أكتر على لقمة عيشها بدل التفكير في قضايا زي دي. 4. غياب القيادة الحقيقية: القضية الفلسطينية افتقدت دعمًا عربيًا قويًا وقيادات ملهمة. لما بيغيب القدوة اللي تحرك الناس أو المشروع الجماعي اللي يوحد الجهود، كل واحد بيبقى مستني غيره يتحرك الأول. 5. تأثير الإعلام: الإعلام العربي، خاصة في السنين الأخيرة، قلل كتير من التركيز على القضية الفلسطينية كأولوية. ده خلق حالة من "التعود" عند الناس، وكأن معاناة أهل غزة بقت أمر طبيعي أو متكرر مش مستاهل التحرك. في المقابل، الإعلام الغربي غالبًا بيغيب الصورة الحقيقية، فإحنا بنشوف نفسنا محاصرين بين تجاهل دولي وضعف داخلي. 6. تفتت الصف العربي: العرب مش متحدين على موقف واحد تجاه القضية الفلسطينية، وده انعكس علينا كشعوب. لما نشوف القادة مش قادرين يتفقوا، بنحس بالإحباط وفقدان الأمل. 7. ثقافة الاتكالية: في مجتمعاتنا، عندنا ميل للاعتماد على الحكومات أو المؤسسات الكبيرة بدل ما ناخد خطوة فردية. كل واحد بيقول "مش دوري"، وده بيؤدي في النهاية لجمود جماعي. الخلاصة: إحنا مش راضيين ناخد الخطوة لأننا عايشين في دايرة من الخوف، الإحباط، والاعتياد على الوضع القائم. التغيير محتاج شجاعة، وعي، وتنظيم حقيقي. لو فهمنا إن كل واحد فينا عنده دور، مهما كان صغير، ممكن نكسر الجمود ده ونبدأ نتحرك بجدية. القضية مش مستحيلة، بس محتاجة إيمان إننا نقدر نعمل فرق.

فوائد اللبن: 1. غني بالعناصر الغذائية: يحتوي على الكالسيوم الضروري لصحة العظام والأسنان، والبروتين لبناء العضلات والأنسجة، وفيتامين D لتحسين امتصاص الكالسيوم. 2. دعم الجهاز الهضمي: يحتوي على البكتيريا النافعة (البروبيوتيك) التي تساعد على تحسين الهضم وتعزيز صحة الأمعاء. 3. تقوية المناعة: اللبن غني بالفيتامينات والمعادن التي تدعم جهاز المناعة. 4. تحسين صحة البشرة: يحتوي على اللاكتوز وحمض اللاكتيك اللذين يساعدان على ترطيب وتنظيف البشرة. 5. تقليل خطر الإصابة بالأمراض المزمنة: قد يساهم في تقليل خطر الإصابة بارتفاع ضغط الدم وأمراض القلب بفضل محتواه من البوتاسيوم والمغنيسيوم. أضرار اللبن: 1. الحساسية وعدم تحمل اللاكتوز: قد يسبب آلام المعدة، الانتفاخ، أو الإسهال لدى الأشخاص الذين يعانون من حساسية الحليب أو عدم تحمل اللاكتوز. 2. زيادة الوزن: تناول كميات كبيرة من اللبن كامل الدسم قد يساهم في زيادة الوزن بسبب محتواه العالي من الدهون. 3. الإصابة بالتهابات: في بعض الحالات، تناول الحليب قد يزيد من التهابات الجسم لدى بعض الأشخاص، خاصةً الذين لديهم مشاكل في الجهاز المناعي. 4. زيادة خطر تكون حصوات الكلى: الإفراط في تناول اللبن الغني بالكالسيوم قد يؤدي إلى تكوّن حصوات الكلى لدى بعض الأشخاص. 5. إمكانية احتوائه على هرمونات: بعض الألبان التجارية قد تحتوي على هرمونات أو مضادات حيوية تؤثر على الصحة على المدى الطويل. الاعتدال في تناوله هو المفتاح للاستفادة من فوائده وتجنب أضراره. # اللبن يُنصح به للرياضيين لأنه يوفر مزيجًا متكاملًا من العناصر الغذائية التي تدعم الأداء الرياضي والتعافي. إليك الأسباب: 1. مصدر غني بالبروتين: اللبن يحتوي على نوعين من البروتينات: الكازين والواي بروتين، وهما يساعدان في بناء وإصلاح العضلات بعد التمرينات. الواي بروتين يُمتص بسرعة لدعم العضلات مباشرةً بعد التمارين. 2. استعادة الطاقة: يحتوي على الكربوهيدرات التي تُعيد ملء مخزون الجليكوجين في العضلات بعد التمرين. 3. تعزيز الترطيب: اللبن غني بالماء، الصوديوم، والبوتاسيوم، مما يجعله خيارًا رائعًا لتعويض السوائل والأملاح المفقودة بسبب التعرق. 4. تقليل آلام العضلات: الدراسات تشير إلى أن اللبن يمكن أن يقلل من آلام العضلات وتحسين التعافي بعد التمارين الشاقة. 5. غني بالكالسيوم وفيتامين D: يدعم صحة العظام وقوتها، وهو أمر مهم للرياضيين خاصة في رياضات التحمل والقوة. 6. وجبة متكاملة وسريعة: اللبن يمكن تناوله كوجبة خفيفة قبل أو بعد التمرين لاحتوائه على البروتين والكربوهيدرات معًا. 7. بديل طبيعي لمكملات البروتين: يوفر اللبن بروتينًا طبيعيًا وغير مكلف مقارنةً بالمكملات الغذائية. نصائح لاختيار اللبن للرياضيين: بعد التمرين: يُفضل اللبن قليل الدسم أو اللبن بالشوكولاتة لأنه يجمع بين البروتين والكربوهيدرات لاستعادة الطاقة وبناء العضلات. إذا كنت تعاني من عدم تحمل اللاكتوز: يمكن استخدام اللبن الخالي من اللاكتوز أو الحليب النباتي المدعم بالبروتين والكالسيوم. تناوله كجزء من نظام غذائي متوازن يعزز الأداء الرياضي ويساعد في تحقيق أهداف اللياقة البدنية.

‏لو بطلتي تستنى هترتاحي في حياتك، متستنيش حد ولا تستنى حاجة من حد، خلي عندك اِكتفاء بنفسك وباللي تملكينه، لو اِكتفيتِ بنفسك صدقيني مش هتستنى حد ولاهتحسي إن يومك ناقص لما يغيبوا، أكبر غلط مُمكن ترتكبيه في حق نفسك إنك تربطي سعادتك بوجود الناس او حد مُعين ساعتها عُمرك ما هتبقى سعيده ابدًا... يقول صلى الله عليه وسلم: "مَنْ كَانَتِ الآخِرَةُ هَمَّهُ؛ جَعَلَ اللَّهُ غِنَاهُ فِي قَلْبِهِ، وَجَمَعَ لَهُ شَمْلَهُ، وَأَتَتْهُ الدُّنْيَا وَهِيَ رَاغِمَةٌ، وَمَنْ كَانَتِ الدُّنْيَا هَمَّهُ؛ جَعَلَ اللَّهُ فَقْرَهُ بَيْنَ عَيْنَيْهِ، وَفَرَّقَ عَلَيْهِ شَمْلَهُ، وَلَمْ يَأْتِهِ مِنَ الدُّنْيَا إِلا مَا قُدِّرَ لَهُ". فمتشغليش بالك بيهم أبدًا وخلي عندك مبدأ أنا ماشيه بيه ف حياتي: " لو مش هيڪسبوني يبقي هيخسروني". وادعي ربنا يبع. هم عنك وبس ڪده يجميله.

هقولك حاجه ي محترم انا برضو تقريبا كنت نفس الموضوع، بس لما قريت كتاب كامل عن الموضوع " شيفرة البدانه" متقرهوش عشان هو بيتكلم عن افكار كتير من ضمنها ان الهرمونات ف فترة المراهقه دي بتتلخبط،(هتاخد الهرمونات بالتفصيل ف ٣ث ان شاءالله)، انا استخلصتها ف ورقه، بس اللي انا استفدته وابتدييت انفذه، اني اقول لنفسي انا عاجبني شكلي كده، انا مبسوطه كده، وانا بحبك كده (اللي هو جسمي يعني) زي م انت.. متتصورش الموضوع هيفرق قد اي لما تحب نفسك، وتقعد تتكلم معاها براحه كده اكنك بتنصح واحد صديقك، تاني هام: ِا بتدي دخل عاده ب عاده براحه من غير م عقلك او جسمك ياخد باله، يعني انا قولت لنفسي اي، بصي الاسبوع ده انا هاكل اللي باكله عادي، بس انا هقطع سكر بس، مش هنعمل حاجه تانيه، والسكر ده انا كنت بشربه ف الشاي ف اضطريت اني اقطع شاي، عشان كان عاملي انيميه، وجيس وات الحمدُ لله قطعت سكر الاسبوع اللي اتفقت مع نفسي فيه، بس انا قولت لنفسي، انا هديكي ف اخر الاسبوع ده كيكه لو قطعتي السكر، ووالله حصل، الاسبوع اللي بعده هزود شرب مايه (دايما خلي جنبك ازازة مايه) وحصل بقيت مبعرفش اقعد من غير المايه جنبي وخد مايه معاك الدروس، عشان تروي جسمك ف الحر ده، والمايه حلوه للتخسيس عفكره، حضرتك بتاكل 3 ارغفه ف الصباح صح؟ ڪُل 3 زي م انت بس انت هتضحك علي نفسك هتمسك الرغيف كده وتقسمه نصين مش زى م احنا بنبسمه لا، مش هم بيبقوا طبقتين فوق بعض كده انت هتاكل طبقه منهم بس وده اسمه رغيف بالنسبالي، بس هو ف الواقع نص رغيف يغالي، فالبتالي قللت الكميه من غير م تحس وخد بالك العيش فيه جلوتين،والجلوتين ده ماشاء الله تبارك الله عليه بيزود الجسم بطريقه رهيبه ، الحاجه اللي بعد كده كُل اى بروتين ف الفطار حتي لو بيضه ده هيخليك مش جعان لفتره، عشان لو بدأت يومك بنشويات "الرز والعيش بالاخص" هتلاقي نفسك طول النهار عايز تاكل وجعان ومش هنخلص، الحاجه اللي مش فاكره هي رقم كام.. ان انت تضبط حياتك بالصلاه ودي اهم نقطه، قوم صلي الفجر عشان النوم الكتير بيزود الوزن، وعشان ده ديننا، انت لازم تصحي للفجر، قال رسول الله ﷺ:«بَشِر المَاشِينَ فِ الظُلَمِ بِالنُورِ التَامِ يَومَ القِيامَة». وكمان قال ﷺ:«بُورِكَ لِأُمَتِي فِي بُڪُورِهَا» يعني وقت الفجر ده ربنا بيبارك لنا فيه ف كل شيء وبيبارك ف الرزق، وانصحك تقوم ف الساعه اللي قبل الفجر لقيام الليل ربنا بينزل فيها ومبيردش سبحانه دعوة أي شخص ف الوقت ده، يعني يرضيك ربنا ينزلنا السماء الدنيا واحنا نايمين مش نقوم نستقبله كده، استقبال يليق بيه سبحانه، د اسمه كلام، قوله يارب انا قومت ليك عشان تستجيبلي ووالله م هيردك، واضبط بقا اكلك ع الصلوات، يعني، تاكل مثلا بعد صلاة الضحي مره، مش عارف تاكل بعد صلاة الظهر بساعتين، شويه العصر وهكذا ومتاكلش بسرعه وسمي الله عشان الشيطان مياكلش معاك، وكل براحه عشان تشبع بسرعه، شوفت أجمل من ڪده والله ديننا جميل، ومسابش حاجه الا وذكرها، واجبلك من القرءان آيه، بقولنا ازاي نضبط اكلنا: ﷽ "وَڪُُلُوا واشْرَبُوا وَلاَ تُسْرِفُوا إنَهُ لا يُحِبُ المُسرِّفِِين". ؐؐ صدق الله العظيم. بس نصيحه متقعدش تبص لنص الكوبايه الفاضي، بص لنص الكوبايه المليان، بحيث انك تبص لانك مش جسمك كله تخين، ياما ناس مش عارفه تمشي من وزنها، فقول الحمد لله يارب علي جسمي ده، ﷽" لَإِن شَڪََرتُمْ لَأزِيدَنَڪُمْ.".، اقعد شوف النِعم اللي ربنا عطهالك اي، واحمده كل يوم، متبقاش عندك كده اللي هو انت تألف النِعَم.. يقول صلى الله عليه وسلم: "مَنْ كَانَتِ الآخِرَةُ هَمَّهُ؛ جَعَلَ اللَّهُ غِنَاهُ فِي قَلْبِهِ، وَجَمَعَ لَهُ شَمْلَهُ، وَأَتَتْهُ الدُّنْيَا وَهِيَ رَاغِمَةٌ، وَمَنْ كَانَتِ الدُّنْيَا هَمَّهُ؛ جَعَلَ اللَّهُ فَقْرَهُ بَيْنَ عَيْنَيْهِ، وَفَرَّقَ عَلَيْهِ شَمْلَهُ، وَلَمْ يَأْتِهِ مِنَ الدُّنْيَا إِلا مَا قُدِّرَ لَهُ". الحياة بسيطة؛ صلي، اشرب الماء بكميات كافية ، تناول الطعام الصحي ، حافظ على رائحتك لطيفة ، ارتدي ملابس مهندمة ، تجنب المقارنة ، اهتم بشؤونك. لا تبالغ في تعقيد الأمر. وبسڪده السلام عليكم ورحمة الله.

وعليكم السلام ورحمة الله وبركاته.. لعلك بخير.. دايما لازم ناخد ف حياتنا ان كل حاجه بتبعد عننا هي مش من نصيبنا او كانت شر لينا وزى م بيقول عمر بن الخطاب ؓ : "لو عرضت الأقدار على الإنسان لأختار القدر الذى أختاره الله له." أنا أستاذ الدين بتاعي ربنا يديه الصحه ويمسيه بالخير كان بيقولنا وأنا ف أولي ثانوي: دايمًًا ادعوا بالزوج الصالح حتي لو الموضوع بالنسبالكوا مش مهم، أنا قبلها كنت بقول جواز اي وبتاع اي وايخيه ولسه بقول يعني 😂.. بس مش زي الأول، دلوقتي أنا بدعي دايما بالزوج الصالح، وأنا قعدت مع نفسي ڪده أشوف الصفات اللي أنا عايزاها فيه عشان أدعي ربنا بيه، وعملت دعاء خاص بيا للزوج اللي أنا عايزاه ان شاء الله مستقبلا ان كان ف العمر بقيه.. وهو: اللهم ارزقني بزوجٍ صالح يعملُ بدينك، ويتقي الله فيَّ ويسعدني وأُسعده ويڪون لي خير رفيقٍ إلي الجنه ويصبُ عليَّ الحُب صبًا ويُعوضُني عن ڪل شيء ويأخذ بيدي إلي الجنه ويُبعدُني عن النار. والحمد لله انا بدعي ربنا ڪل يوم بيه، مع اني معرفش هو مين، مع اني بأُعجب بناس برضوا زمايلي وده غلط أنا عارفه، بس أنا والله بجاهد نفسي اني أغض البصر ع قد م اقدر وبفڪر نفسي دايما طالما عايزه زوج كويس،متبصيش لشخص مش من حقك تبصيله ، وربنا يعيني ويعين اللي عايز/ه يلتزم.. بس اللي أنا عايزه أقوله انك متفڪريش ف الموضوع أصلا، انتي وانا واي بنت وعلفكره برضوا اي ولد، مش قدامنا غير ان احنا ندعي ربنا،ونصبر،ونعف نفسنا عن الحُب الحرام عشان اللي بيبدأ بحرام مش بينتهي غير بحرام "بس الولاد يعني عليهم خطوة التقدم وانه يدخل البيت من بابه ويبقي راجل مش يدخل البيت من واتسابه " ف انتي يروحي متفكريش ف حاجه اصلا، وانصحك تسمعي دكتور عمرو ابو خليل علي يوتيوب بيتكلم عن الموضوع ده وهتستفادى قبل م تُقدمي علي خطوه زي دي، ولو حد اتقدملك اطلبي مهله مثلا بعد الرؤيه الشرعيه انك تفكري واستخيري ربنا 3 مرات الاول ولازم تسمعي دكتور عمرو ابو خليل، وسيبك من أي حاجه، معلش أنا مش عندي خبرات يعني بس اللي انا عارفاه قولتهولك انا لسه قاصر والله 😂. بس اقولك حاجه.. اختاري اللي قلبه نضيف ، اللي يعرف يِحن و يطبطب ، القوي السَّوي ، عشان الحب لوحده مش ڪفاية ، الحب مع العِشره و الأطفال بيبدأ يِقل مش بيختفي "بيقل" و بتفضل بس المُوده و الرحمه ، إختاري الشخص اللي عارف ربنا ڪويس عشان يتقي ربنا فيڪي ، الشخص اللي إن أحبك أڪرمك و إن غضِب لن يظلمك. وبسڪده يبسڪوته ابتسمي بقا.. 🤍

ممكن انصحك بحاجه انا بحبها جدا وهي بودكاست وعي علي اليوتيوب بجد جميله، ف كتب برضو انا قريت جزء منها ونفسي اكمل بس هتشلوح عشان انا بالعافيه بذاكر 😂، وهي كتاب العادات الذريه، العادات السبع للمراهقين الاكثر فعاليه، الرجال من المريخ والنساء من الزهره ده هيفيدك بعدين "بس انا مفتحتوش الصراحه، وف كتير بس انا مش فاكره، لو افتكرت هقولك، بالنسبه للدين، انا مش عارفه قوي كتب او مش فاكره، بس لو انت حابب تقرا اقرأ السيره النبويه" انا سمعت ليها سلسلة السيره النبويه لأحمد عامر ع يوتيوب برضو، بس مكملتهاش الصراحه، هي جميله، ممكن تقرا كتب ف البيزنس وحاجات كتير ، ف حاجات كتير جميله، لو افتكرت هقولك تمام.

"لو ركّزت على اللي ضاع منك عمرك ما هتشوف اللي بيستناك.. شوف رزقك الدنيا واسعة." ڪلنا بنحزن ، وڪلنا بيصعب علينا نفسنا في أوقات ، وبينڪسر بخاطرنا في أوقات ، من الضعيف فينا للأجمد بيحزن ، مافيش استثناء في الأمر دا ، ودا حقڪ ، ازعل شوية وعيط شوية ، ودبدب في الأرض ڪمان ، بس حاول متخليش الحزن يسحبك ويخليك جزء منو ، خد وقتك في الحزن ، بس متطولش.. يقول عمر بن الخطاب : "لو عرضت الأقدار على الإنسان لأختار القدر الذى أختاره الله له."حُسن التوكل على الله والظن بالله، هو الذي يجعلنا نحتسب كل ما يصيبنا عنده، ويجعلنا موقنين أن ما أصابنا هو الذي كان يجب أن يكون، لحكمة لا يعلمها إلا الله

بص انا معنديش خبره اوي ف الحاجات دي بس انا هقولك حاجه كده.. عن الوليد بن عبادة بن الصامت قال: دخلت على أبي (عبادة) وهو مريض أتخايل فيه الموت، فقلت: يا أبتاه أوصني واجتهد لي، فقال أجلسوني، قال: يا بني إنك لن تطعم طعم الإيمان ولن تبلغ حق حقيقة العلم بالله تبارك وتعالى حتى تؤمن بالقدر خيره وشره، قلت: يا أبتاه فكيف لي أن أعلم ما خير القدر وشره؟ قال: تعلم أن ما أخطأك لم يكن ليصيبك وما أصابك لم يكن ليخطئك، يا بني إني سمعت رسول الله -صلى الله عليه وسلم- يقول: إن أول ما خلق الله تبارك وتعالى القلم ثم قال اكتب فجرى في تلك الساعة بما هو كائن إلى يوم القيامة، يا بني إن مت ولست على ذلك دخلت النار. "واعلَمْ أنَّ ما أخطَأَكَ لم يَكُن لِيُصِيبَكَ، وما أصابَكَ لم يَكُن ليُخطِئَكَ، واعلَمْ أنَّ النَّصْرَ مَعَ الصَّبرِ، وأنَّ الفَرَجَ مَعَ الكَرْبِ، وأنَّ معَ العُسْرِ يُسراً" (من حديث عبد الله بن عباس احفظ الله يحفظك)، وكمان لازم تظن بربنا خير وتعف نفسك ي غالي زي م الناس المحترمه دي قالتلك ڪده.. حُسن التوكل على الله والظن بالله، هو الذي يجعلنا نحتسب كل ما يصيبنا عنده، ويجعلنا موقنين أن ما أصابنا هو الذي كان يجب أن يكون، لحكمة لا يعلمها إلا الله.. وكمان يقول عمر بن الخطاب : "لو عرضت الأقدار على الإنسان لأختار القدر الذى اختاره الله له." فـ انت اقبل بقدرك وغض بصرك وعِف نفسك وتوڪل علي الله ي غالي..

___ڪان في حد لطيف قبل ڪده قال إنه إذا الإنسان حس إن يومه عدى من غير إنجاز لأي سبب وبدأ يشعر بالإحباط ، ممڪن يذڪر الله، لأن الذڪر ممڪن يغفر ذنب، يڪتب حسنة، يرفع درجة، يبني بيت أو يزرع نخلة في الجنة، يڪون عدل تحرير رقبة، يعتق من النار، وڪل دي إنجازات جميلة، والأجمل إن ربنا بيذڪره "فاذڪروني أذڪرڪم" ❤""".جـاهـدي واسـعى لهـدفك في الحـياه بكل جـديه ، حـتي لـو كانت خـطواتك بطـيئه وصـعبه ، ومـتهـتميش للـنتيجه ، عـشان الـنتـيجه دي اخـتص بيـها رب الـخير ، وطـالما انتِ سعـيتُ وحـاولتِ الوصول، ربنـا هيـجيبلك كل الـخير وهيكرمك وهيفتح ليك كل الطرق ، حـتى اللي انـتِ عـمرك مـا اتوقعـتيها🤎

ادعي ربنا يشفيك وقرب من ربنا وهو هيشفيك واسمع قرآن كتير وحاول متقعدش لوحدك كتير واشغل نفسك ف اى حاجه روى عن رب العزة: (مَا يَزَالُ عَبْدِي يَتَقَرَّبُ إِلَيَّ بِالنَّوَافِلِ حَتَّى أُحِبَّهُ، فَإِذَا أَحْبَبْتُهُ كُنْتُ سَمْعَهُ الَّذِي يَسْمَعُ بِهِ وَبَصَرَهُ الَّذِي يُبْصِرُ بِهِ وَيَدَهُ الَّتِي يَبْطِشُ بِهَا وَرِجْلَهُ الَّتِي يَمْشِي بِهَا، وَإِنْ سَأَلَنِي لَأُعْطِيَنَّهُ، وَلَئِنِ اسْتَعَاذَنِي لَأُعِيذَنَّهُ، وَمَا تَرَدَّدْتُ عَنْ شَيْءٍ أَنَا فَاعِلُهُ تَرَدُّدِي عَنْ نَفْسِ الْمُؤْمِنِ يَكْرَهُ الْمَوْتَ وَأَنَا أَكْرَهُ مَسَاءَتَهُ).

ـ بصي يحبيبتي الاول كده انتي كام سنه؟ ثانيا.. بصي بقا النوع ده مينفعش تعديله الموضوع ده كده عشان هيزيد فيها وانتي كده هتزدادي خوف منه او من مامتك، انا عارفه انه ممكن يكون اقوي منك وكده، وسواء كان اكبر منك او اصغر منك هقولك تعملي اي، لو ضربك بأي شكل قومي اضربيه، مش انتي كده كده هيضربك وكده كده هتتخانقوا؟ خلاص بقا يبقا لازم تطلعي من الخناقه دي وانتي مبسوطه من نفسك حتي لو انتي انضربتي المهم ان هو كمان انضرب، مش يضربك وتسكتي، عارفه لو حتي بترتعشي منه كده، اضربيه برضوا ان شالله بعصاية المكنسه، حتي لو هيقوم ويضربك اضربيه، عارفه لي؟ عشان انتي لما تضربيه هو هيعمل حسابك بعد كده، حتي لو جيه يضربك بعد كده، مش هيكون زي الاول واوعي تبيني الضعف قدامه خالص،(اعملي نفسك شجاعه،مثلي انك شجاعه) انا قريت مقوله قبل كده بتقول " مفيش فرق بين الشجاع واللي بيمثل انو شجاع عشان مش هتعرف تكشفهم من بعض" ومع الوقت هتلاقي انك مبقتيش تخافي منه خالص، وبالنسبه لمامتك لو جات تعاتبك او تزعقلك مترديش عليها، بصيلها ف عنيها كده لخمس ثواني وابتسمي بأبرد ابتسامه عندك، واوعي تسيبي حقك ابدا مهما كنتي خايفه مهما كنتي ضعيفه ولو ضربك قولي "اللهم كما اراني قوته فيّ اريني قوتك فيه"، اقعدي اكتبي مذكراتك كل يوم وروحي الجيم وابني كتله عضليه ف جسمك عشان تبقي اقوي، وافتكري ان مهما كنتي انتي منين، من الصعيد ولا من اى حته ف العالم، احترامك لنفسك وحبك لنفسك بينبع من جواكي، انتي تحتوي نفسك، انتي بتحبي نفسك عشان انتي تستاهلي الحب ده وتستاهلي كل الخير اللي ف الدنيا، متفكريش ان عشان احنا بنات يبقا احنا ضعاف، لأاه خالص، احنا اقوي من اقوي حد ف الكون ده، ومحدش يقدر يقلل من احترامنا لنفسنا عشان احنا عارفين نفسنا كويس، قريت مقوله بتقول "انت ما تعتقد انك تكون" لو فاكره نفسك ضعيفه هتبقي ضعيفه ولو فاكره نفسك قويه هتبقي قويه،، واتكلمي مع ربنا وخصوصا الساعه اللي قبل الفجر ربنا بينزل فيها وبيستجب الدعاء، ادعيه بيقين وهو هيستجيب، اتكلمي معاه، وفكك من الناس المتخلفه دي، وانا موجوده ف اى وقت حبيتي تتكلمي معايا ي حبيبة قلبي، وربنا انتي قمر وعسل، والقمر ملوش الا القمر اللى زيه، ابتسمي بقا كده وصلي ع النبي يـ سُـڪر 🥰😊

اذكر الله بتجيلك فترة بتبقي عايش من غير روح، كل همك إن يومك يخلص عشان تنام وتبعد عن الواقع.روى عن رب العزة: (مَا يَزَالُ عَبْدِي يَتَقَرَّبُ إِلَيَّ بِالنَّوَافِلِ حَتَّى أُحِبَّهُ، فَإِذَا أَحْبَبْتُهُ كُنْتُ سَمْعَهُ الَّذِي يَسْمَعُ بِهِ وَبَصَرَهُ الَّذِي يُبْصِرُ بِهِ وَيَدَهُ الَّتِي يَبْطِشُ بِهَا وَرِجْلَهُ الَّتِي يَمْشِي بِهَا، وَإِنْ سَأَلَنِي لَأُعْطِيَنَّهُ، وَلَئِنِ اسْتَعَاذَنِي لَأُعِيذَنَّهُ، وَمَا تَرَدَّدْتُ عَنْ شَيْءٍ أَنَا فَاعِلُهُ تَرَدُّدِي عَنْ نَفْسِ الْمُؤْمِنِ يَكْرَهُ الْمَوْتَ وَأَنَا أَكْرَهُ مَسَاءَتَهُ).