"حَـفـصـه مُحمد".

هقولك حاجه ي محترم انا برضو تقريبا كنت نفس الموضوع، بس لما قريت كتاب كامل عن الموضوع " شيفرة البدانه" متقرهوش عشان هو بيتكلم عن افكار كتير من ضمنها ان الهرمونات ف فترة المراهقه دي بتتلخبط،(هتاخد الهرمونات بالتفصيل ف ٣ث ان شاءالله)، انا استخلصتها ف ورقه، بس اللي انا استفدته وابتدييت انفذه، اني اقول لنفسي انا عاجبني شكلي كده، انا مبسوطه كده، وانا بحبك كده (اللي هو جسمي يعني) زي م انت.. متتصورش الموضوع هيفرق قد اي لما تحب نفسك، وتقعد تتكلم معاها براحه كده اكنك بتنصح واحد صديقك، تاني هام: ِا بتدي دخل عاده ب عاده براحه من غير م عقلك او جسمك ياخد باله، يعني انا قولت لنفسي اي، بصي الاسبوع ده انا هاكل اللي باكله عادي، بس انا هقطع سكر بس، مش هنعمل حاجه تانيه، والسكر ده انا كنت بشربه ف الشاي ف اضطريت اني اقطع شاي، عشان كان عاملي انيميه، وجيس وات الحمدُ لله قطعت سكر الاسبوع اللي اتفقت مع نفسي فيه، بس انا قولت لنفسي، انا هديكي ف اخر الاسبوع ده كيكه لو قطعتي السكر، ووالله حصل، الاسبوع اللي بعده هزود شرب مايه (دايما خلي جنبك ازازة مايه) وحصل بقيت مبعرفش اقعد من غير المايه جنبي وخد مايه معاك الدروس، عشان تروي جسمك ف الحر ده، والمايه حلوه للتخسيس عفكره، حضرتك بتاكل 3 ارغفه ف الصباح صح؟ ڪُل 3 زي م انت بس انت هتضحك علي نفسك هتمسك الرغيف كده وتقسمه نصين مش زى م احنا بنبسمه لا، مش هم بيبقوا طبقتين فوق بعض كده انت هتاكل طبقه منهم بس وده اسمه رغيف بالنسبالي، بس هو ف الواقع نص رغيف يغالي، فالبتالي قللت الكميه من غير م تحس وخد بالك العيش فيه جلوتين،والجلوتين ده ماشاء الله تبارك الله عليه بيزود الجسم بطريقه رهيبه ، الحاجه اللي بعد كده كُل اى بروتين ف الفطار حتي لو بيضه ده هيخليك مش جعان لفتره، عشان لو بدأت يومك بنشويات "الرز والعيش بالاخص" هتلاقي نفسك طول النهار عايز تاكل وجعان ومش هنخلص، الحاجه اللي مش فاكره هي رقم كام.. ان انت تضبط حياتك بالصلاه ودي اهم نقطه، قوم صلي الفجر عشان النوم الكتير بيزود الوزن، وعشان ده ديننا، انت لازم تصحي للفجر، قال رسول الله ﷺ:«بَشِر المَاشِينَ فِ الظُلَمِ بِالنُورِ التَامِ يَومَ القِيامَة». وكمان قال ﷺ:«بُورِكَ لِأُمَتِي فِي بُڪُورِهَا» يعني وقت الفجر ده ربنا بيبارك لنا فيه ف كل شيء وبيبارك ف الرزق، وانصحك تقوم ف الساعه اللي قبل الفجر لقيام الليل ربنا بينزل فيها ومبيردش سبحانه دعوة أي شخص ف الوقت ده، يعني يرضيك ربنا ينزلنا السماء الدنيا واحنا نايمين مش نقوم نستقبله كده، استقبال يليق بيه سبحانه، د اسمه كلام، قوله يارب انا قومت ليك عشان تستجيبلي ووالله م هيردك، واضبط بقا اكلك ع الصلوات، يعني، تاكل مثلا بعد صلاة الضحي مره، مش عارف تاكل بعد صلاة الظهر بساعتين، شويه العصر وهكذا ومتاكلش بسرعه وسمي الله عشان الشيطان مياكلش معاك، وكل براحه عشان تشبع بسرعه، شوفت أجمل من ڪده والله ديننا جميل، ومسابش حاجه الا وذكرها، واجبلك من القرءان آيه، بقولنا ازاي نضبط اكلنا: ﷽ "وَڪُُلُوا واشْرَبُوا وَلاَ تُسْرِفُوا إنَهُ لا يُحِبُ المُسرِّفِِين". ؐؐ صدق الله العظيم. بس نصيحه متقعدش تبص لنص الكوبايه الفاضي، بص لنص الكوبايه المليان، بحيث انك تبص لانك مش جسمك كله تخين، ياما ناس مش عارفه تمشي من وزنها، فقول الحمد لله يارب علي جسمي ده، ﷽" لَإِن شَڪََرتُمْ لَأزِيدَنَڪُمْ.".، اقعد شوف النِعم اللي ربنا عطهالك اي، واحمده كل يوم، متبقاش عندك كده اللي هو انت تألف النِعَم.. يقول صلى الله عليه وسلم: "مَنْ كَانَتِ الآخِرَةُ هَمَّهُ؛ جَعَلَ اللَّهُ غِنَاهُ فِي قَلْبِهِ، وَجَمَعَ لَهُ شَمْلَهُ، وَأَتَتْهُ الدُّنْيَا وَهِيَ رَاغِمَةٌ، وَمَنْ كَانَتِ الدُّنْيَا هَمَّهُ؛ جَعَلَ اللَّهُ فَقْرَهُ بَيْنَ عَيْنَيْهِ، وَفَرَّقَ عَلَيْهِ شَمْلَهُ، وَلَمْ يَأْتِهِ مِنَ الدُّنْيَا إِلا مَا قُدِّرَ لَهُ". الحياة بسيطة؛ صلي، اشرب الماء بكميات كافية ، تناول الطعام الصحي ، حافظ على رائحتك لطيفة ، ارتدي ملابس مهندمة ، تجنب المقارنة ، اهتم بشؤونك. لا تبالغ في تعقيد الأمر. وبسڪده السلام عليكم ورحمة الله.

وعليكم السلام ورحمة الله وبركاته.. لعلك بخير.. دايما لازم ناخد ف حياتنا ان كل حاجه بتبعد عننا هي مش من نصيبنا او كانت شر لينا وزى م بيقول عمر بن الخطاب ؓ : "لو عرضت الأقدار على الإنسان لأختار القدر الذى أختاره الله له." أنا أستاذ الدين بتاعي ربنا يديه الصحه ويمسيه بالخير كان بيقولنا وأنا ف أولي ثانوي: دايمًًا ادعوا بالزوج الصالح حتي لو الموضوع بالنسبالكوا مش مهم، أنا قبلها كنت بقول جواز اي وبتاع اي وايخيه ولسه بقول يعني 😂.. بس مش زي الأول، دلوقتي أنا بدعي دايما بالزوج الصالح، وأنا قعدت مع نفسي ڪده أشوف الصفات اللي أنا عايزاها فيه عشان أدعي ربنا بيه، وعملت دعاء خاص بيا للزوج اللي أنا عايزاه ان شاء الله مستقبلا ان كان ف العمر بقيه.. وهو: اللهم ارزقني بزوجٍ صالح يعملُ بدينك، ويتقي الله فيَّ ويسعدني وأُسعده ويڪون لي خير رفيقٍ إلي الجنه ويصبُ عليَّ الحُب صبًا ويُعوضُني عن ڪل شيء ويأخذ بيدي إلي الجنه ويُبعدُني عن النار. والحمد لله انا بدعي ربنا ڪل يوم بيه، مع اني معرفش هو مين، مع اني بأُعجب بناس برضوا زمايلي وده غلط أنا عارفه، بس أنا والله بجاهد نفسي اني أغض البصر ع قد م اقدر وبفڪر نفسي دايما طالما عايزه زوج كويس،متبصيش لشخص مش من حقك تبصيله ، وربنا يعيني ويعين اللي عايز/ه يلتزم.. بس اللي أنا عايزه أقوله انك متفڪريش ف الموضوع أصلا، انتي وانا واي بنت وعلفكره برضوا اي ولد، مش قدامنا غير ان احنا ندعي ربنا،ونصبر،ونعف نفسنا عن الحُب الحرام عشان اللي بيبدأ بحرام مش بينتهي غير بحرام "بس الولاد يعني عليهم خطوة التقدم وانه يدخل البيت من بابه ويبقي راجل مش يدخل البيت من واتسابه " ف انتي يروحي متفكريش ف حاجه اصلا، وانصحك تسمعي دكتور عمرو ابو خليل علي يوتيوب بيتكلم عن الموضوع ده وهتستفادى قبل م تُقدمي علي خطوه زي دي، ولو حد اتقدملك اطلبي مهله مثلا بعد الرؤيه الشرعيه انك تفكري واستخيري ربنا 3 مرات الاول ولازم تسمعي دكتور عمرو ابو خليل، وسيبك من أي حاجه، معلش أنا مش عندي خبرات يعني بس اللي انا عارفاه قولتهولك انا لسه قاصر والله 😂. بس اقولك حاجه.. اختاري اللي قلبه نضيف ، اللي يعرف يِحن و يطبطب ، القوي السَّوي ، عشان الحب لوحده مش ڪفاية ، الحب مع العِشره و الأطفال بيبدأ يِقل مش بيختفي "بيقل" و بتفضل بس المُوده و الرحمه ، إختاري الشخص اللي عارف ربنا ڪويس عشان يتقي ربنا فيڪي ، الشخص اللي إن أحبك أڪرمك و إن غضِب لن يظلمك. وبسڪده يبسڪوته ابتسمي بقا.. 🤍

ممكن انصحك بحاجه انا بحبها جدا وهي بودكاست وعي علي اليوتيوب بجد جميله، ف كتب برضو انا قريت جزء منها ونفسي اكمل بس هتشلوح عشان انا بالعافيه بذاكر 😂، وهي كتاب العادات الذريه، العادات السبع للمراهقين الاكثر فعاليه، الرجال من المريخ والنساء من الزهره ده هيفيدك بعدين "بس انا مفتحتوش الصراحه، وف كتير بس انا مش فاكره، لو افتكرت هقولك، بالنسبه للدين، انا مش عارفه قوي كتب او مش فاكره، بس لو انت حابب تقرا اقرأ السيره النبويه" انا سمعت ليها سلسلة السيره النبويه لأحمد عامر ع يوتيوب برضو، بس مكملتهاش الصراحه، هي جميله، ممكن تقرا كتب ف البيزنس وحاجات كتير ، ف حاجات كتير جميله، لو افتكرت هقولك تمام.

"لو ركّزت على اللي ضاع منك عمرك ما هتشوف اللي بيستناك.. شوف رزقك الدنيا واسعة." ڪلنا بنحزن ، وڪلنا بيصعب علينا نفسنا في أوقات ، وبينڪسر بخاطرنا في أوقات ، من الضعيف فينا للأجمد بيحزن ، مافيش استثناء في الأمر دا ، ودا حقڪ ، ازعل شوية وعيط شوية ، ودبدب في الأرض ڪمان ، بس حاول متخليش الحزن يسحبك ويخليك جزء منو ، خد وقتك في الحزن ، بس متطولش.. يقول عمر بن الخطاب : "لو عرضت الأقدار على الإنسان لأختار القدر الذى أختاره الله له."حُسن التوكل على الله والظن بالله، هو الذي يجعلنا نحتسب كل ما يصيبنا عنده، ويجعلنا موقنين أن ما أصابنا هو الذي كان يجب أن يكون، لحكمة لا يعلمها إلا الله

بص انا معنديش خبره اوي ف الحاجات دي بس انا هقولك حاجه كده.. عن الوليد بن عبادة بن الصامت قال: دخلت على أبي (عبادة) وهو مريض أتخايل فيه الموت، فقلت: يا أبتاه أوصني واجتهد لي، فقال أجلسوني، قال: يا بني إنك لن تطعم طعم الإيمان ولن تبلغ حق حقيقة العلم بالله تبارك وتعالى حتى تؤمن بالقدر خيره وشره، قلت: يا أبتاه فكيف لي أن أعلم ما خير القدر وشره؟ قال: تعلم أن ما أخطأك لم يكن ليصيبك وما أصابك لم يكن ليخطئك، يا بني إني سمعت رسول الله -صلى الله عليه وسلم- يقول: إن أول ما خلق الله تبارك وتعالى القلم ثم قال اكتب فجرى في تلك الساعة بما هو كائن إلى يوم القيامة، يا بني إن مت ولست على ذلك دخلت النار. "واعلَمْ أنَّ ما أخطَأَكَ لم يَكُن لِيُصِيبَكَ، وما أصابَكَ لم يَكُن ليُخطِئَكَ، واعلَمْ أنَّ النَّصْرَ مَعَ الصَّبرِ، وأنَّ الفَرَجَ مَعَ الكَرْبِ، وأنَّ معَ العُسْرِ يُسراً" (من حديث عبد الله بن عباس احفظ الله يحفظك)، وكمان لازم تظن بربنا خير وتعف نفسك ي غالي زي م الناس المحترمه دي قالتلك ڪده.. حُسن التوكل على الله والظن بالله، هو الذي يجعلنا نحتسب كل ما يصيبنا عنده، ويجعلنا موقنين أن ما أصابنا هو الذي كان يجب أن يكون، لحكمة لا يعلمها إلا الله.. وكمان يقول عمر بن الخطاب : "لو عرضت الأقدار على الإنسان لأختار القدر الذى اختاره الله له." فـ انت اقبل بقدرك وغض بصرك وعِف نفسك وتوڪل علي الله ي غالي..

___ڪان في حد لطيف قبل ڪده قال إنه إذا الإنسان حس إن يومه عدى من غير إنجاز لأي سبب وبدأ يشعر بالإحباط ، ممڪن يذڪر الله، لأن الذڪر ممڪن يغفر ذنب، يڪتب حسنة، يرفع درجة، يبني بيت أو يزرع نخلة في الجنة، يڪون عدل تحرير رقبة، يعتق من النار، وڪل دي إنجازات جميلة، والأجمل إن ربنا بيذڪره "فاذڪروني أذڪرڪم" ❤""".جـاهـدي واسـعى لهـدفك في الحـياه بكل جـديه ، حـتي لـو كانت خـطواتك بطـيئه وصـعبه ، ومـتهـتميش للـنتيجه ، عـشان الـنتـيجه دي اخـتص بيـها رب الـخير ، وطـالما انتِ سعـيتُ وحـاولتِ الوصول، ربنـا هيـجيبلك كل الـخير وهيكرمك وهيفتح ليك كل الطرق ، حـتى اللي انـتِ عـمرك مـا اتوقعـتيها🤎

ادعي ربنا يشفيك وقرب من ربنا وهو هيشفيك واسمع قرآن كتير وحاول متقعدش لوحدك كتير واشغل نفسك ف اى حاجه روى عن رب العزة: (مَا يَزَالُ عَبْدِي يَتَقَرَّبُ إِلَيَّ بِالنَّوَافِلِ حَتَّى أُحِبَّهُ، فَإِذَا أَحْبَبْتُهُ كُنْتُ سَمْعَهُ الَّذِي يَسْمَعُ بِهِ وَبَصَرَهُ الَّذِي يُبْصِرُ بِهِ وَيَدَهُ الَّتِي يَبْطِشُ بِهَا وَرِجْلَهُ الَّتِي يَمْشِي بِهَا، وَإِنْ سَأَلَنِي لَأُعْطِيَنَّهُ، وَلَئِنِ اسْتَعَاذَنِي لَأُعِيذَنَّهُ، وَمَا تَرَدَّدْتُ عَنْ شَيْءٍ أَنَا فَاعِلُهُ تَرَدُّدِي عَنْ نَفْسِ الْمُؤْمِنِ يَكْرَهُ الْمَوْتَ وَأَنَا أَكْرَهُ مَسَاءَتَهُ).

ـ بصي يحبيبتي الاول كده انتي كام سنه؟ ثانيا.. بصي بقا النوع ده مينفعش تعديله الموضوع ده كده عشان هيزيد فيها وانتي كده هتزدادي خوف منه او من مامتك، انا عارفه انه ممكن يكون اقوي منك وكده، وسواء كان اكبر منك او اصغر منك هقولك تعملي اي، لو ضربك بأي شكل قومي اضربيه، مش انتي كده كده هيضربك وكده كده هتتخانقوا؟ خلاص بقا يبقا لازم تطلعي من الخناقه دي وانتي مبسوطه من نفسك حتي لو انتي انضربتي المهم ان هو كمان انضرب، مش يضربك وتسكتي، عارفه لو حتي بترتعشي منه كده، اضربيه برضوا ان شالله بعصاية المكنسه، حتي لو هيقوم ويضربك اضربيه، عارفه لي؟ عشان انتي لما تضربيه هو هيعمل حسابك بعد كده، حتي لو جيه يضربك بعد كده، مش هيكون زي الاول واوعي تبيني الضعف قدامه خالص،(اعملي نفسك شجاعه،مثلي انك شجاعه) انا قريت مقوله قبل كده بتقول " مفيش فرق بين الشجاع واللي بيمثل انو شجاع عشان مش هتعرف تكشفهم من بعض" ومع الوقت هتلاقي انك مبقتيش تخافي منه خالص، وبالنسبه لمامتك لو جات تعاتبك او تزعقلك مترديش عليها، بصيلها ف عنيها كده لخمس ثواني وابتسمي بأبرد ابتسامه عندك، واوعي تسيبي حقك ابدا مهما كنتي خايفه مهما كنتي ضعيفه ولو ضربك قولي "اللهم كما اراني قوته فيّ اريني قوتك فيه"، اقعدي اكتبي مذكراتك كل يوم وروحي الجيم وابني كتله عضليه ف جسمك عشان تبقي اقوي، وافتكري ان مهما كنتي انتي منين، من الصعيد ولا من اى حته ف العالم، احترامك لنفسك وحبك لنفسك بينبع من جواكي، انتي تحتوي نفسك، انتي بتحبي نفسك عشان انتي تستاهلي الحب ده وتستاهلي كل الخير اللي ف الدنيا، متفكريش ان عشان احنا بنات يبقا احنا ضعاف، لأاه خالص، احنا اقوي من اقوي حد ف الكون ده، ومحدش يقدر يقلل من احترامنا لنفسنا عشان احنا عارفين نفسنا كويس، قريت مقوله بتقول "انت ما تعتقد انك تكون" لو فاكره نفسك ضعيفه هتبقي ضعيفه ولو فاكره نفسك قويه هتبقي قويه،، واتكلمي مع ربنا وخصوصا الساعه اللي قبل الفجر ربنا بينزل فيها وبيستجب الدعاء، ادعيه بيقين وهو هيستجيب، اتكلمي معاه، وفكك من الناس المتخلفه دي، وانا موجوده ف اى وقت حبيتي تتكلمي معايا ي حبيبة قلبي، وربنا انتي قمر وعسل، والقمر ملوش الا القمر اللى زيه، ابتسمي بقا كده وصلي ع النبي يـ سُـڪر 🥰😊

اذكر الله بتجيلك فترة بتبقي عايش من غير روح، كل همك إن يومك يخلص عشان تنام وتبعد عن الواقع.روى عن رب العزة: (مَا يَزَالُ عَبْدِي يَتَقَرَّبُ إِلَيَّ بِالنَّوَافِلِ حَتَّى أُحِبَّهُ، فَإِذَا أَحْبَبْتُهُ كُنْتُ سَمْعَهُ الَّذِي يَسْمَعُ بِهِ وَبَصَرَهُ الَّذِي يُبْصِرُ بِهِ وَيَدَهُ الَّتِي يَبْطِشُ بِهَا وَرِجْلَهُ الَّتِي يَمْشِي بِهَا، وَإِنْ سَأَلَنِي لَأُعْطِيَنَّهُ، وَلَئِنِ اسْتَعَاذَنِي لَأُعِيذَنَّهُ، وَمَا تَرَدَّدْتُ عَنْ شَيْءٍ أَنَا فَاعِلُهُ تَرَدُّدِي عَنْ نَفْسِ الْمُؤْمِنِ يَكْرَهُ الْمَوْتَ وَأَنَا أَكْرَهُ مَسَاءَتَهُ).

مشكوره والله مشكوره اختاه 😂، لو طرأ اى سؤال ف ذهنى هسألك بغاليه 💚

الشكر لله يروحي

حاضر

شكرا يا سلومة على النصايح الجميله والوافيه 🤍🤍

"وَڪُلُ شَيءٓ عِنْدَهُ بِمِقْدَار" اصبري واحتسبي، وادعيه واوعي تيأسي ي ست الكل، اليأس من الشيطان، ومتشليش هم، واحسني الظن بالله 🤍🤍

اسمحلي اقولك ان لساني عاجز عن الشڪر بجد.. انت شخص ڪويس ربنا يبارك فيك ويكرمك، ويجعلني زيك كده، وشڪرا علي الٓايات الجميله دي، الآيات أثرت ف قلبي والله، شڪرا

شكرا يغاليه

وانا برضو نفس مشكلتك

عندي سؤال كمان ازاى اتغلب على مقارنة نفسي بأقراني من الطلبه والطالبات؟

حبيبتي ي ذكيه والله انتي عسوله، انا عايزه اسمع صوتك، عامل ازاى متحمسه انا

ذكيه، ممكن تعمليلي تخطيط اسبوعي ويومي وتعلميني ازاى اعملهم واخطط ليهم + عايزه اعرف مفهوم الخرائط الذهنيه وطريقة صنعها +طريقه لحفظ المواد. وشكرا

وطريقه للمذاكره تنفع معايا

انا عايزه اعرف ازاى اتغلب ع الكسل واقوم اذاكر رغم ان مودى بيبقي وحش

ممكن تنصحني ازاى اذاكر انا ف ٣ث السنادي لاني حاسه اني مش هعدي النص 😅 وبجد خايفه

حضرتك جبت كام ف الثانويه ممكن اعرف.

شيء ڪمان، استغفري كتير، كان ف ست محترمه زي حضرتك كده عندها نفس المشكله قعدت تستغفر بيقين وصبرت والحمدلله بقت بتخلف، وده بجد، وانتهزي اوقات اجابة الدعاء وادعي بيقين اهم حاجه، وربنا كرمه اوسع من مخيلتنا ❤

استخير ربنا ف الأخت اللي باقيه "اللي متعلقه بيك" ولو مفيش نصيب خلاص

مع اللي صورة بروفايله قطه 😂

أنا بتفق معاه 😂

لما تحس إنك متلخبط، وقّف كل حاجه و خد خطوة لورا، وراجع أولوياتك. اوقات كتير بنضيع وقتنا في حاجات ملهاش قيمة. ركّز على المهم 🙌🏾وعن دعاء النبي في الطائف، روى الطبراني برجال ثقات عن عبدالله بن جعفر رضي اللَّه عنهما، أن رسول اللَّه صلى الله عليه وآله وسلم لما انصرف عن أهل الطائف أتى ظلّ شجرة فصلى ركعتين ثم قال: «اللهم إني أشكوا إليك ضعف قوّتي وقلة حيلتي وهواني على الناس يا أرحم الراحمين أنت رب المستضعفين وأنت ربي إلى من تكلني إلى بعيد يتجهّمني أو إلى عدوّ ملكته أمري إن لم يكن بك عليّ غضب فلا أبالِ ولكن عافيتك هي أوسع لي، أعوذ بنور وجهك الذي أشرقت له الظلمات، وصلح عليه أمر الدنيا والآخرة، مِن أن تُنزِل بي غضبك أو تُحِلَّ علي سخطك، لك العتبى حتى ترضى، ولا حول ولا قوة إلا بك».

الشُڪر لله، إحنا اخوات وانا حاسه بيكي، انا ف 3 السنادي وعندي مشاڪل أسوء،بس الحمدلله ثقتي ف ربنا أڪبر من مشاڪلي ومن مستوايا ومن الدنيا ڪلها ، ربنا يڪرمنا جميعًا ان شاء الله ♥

الشكر لله

لأاه طبعًا، ده مدح

انت حد جميل بجد

حبيبي ♡

توكلي ع الله وقربي منه وكلميه وقومى ف الساعه اللى قبل الفجر مستجابة الدعاء

قربي من ربنا وكلميه

وانا برضوا بس اللي انا متأكده منه ان مفيش حد لجأ لربنا وربنا رده، تعرف انا امبارح كنت زهقانه لنفس السبب ونفس المشاعر وكان عندي درس كيميا الساعه سبعه بالليل وكنت زهقانه مش عايزه اروح، قولت خلاص والله منا رايحه، سبت الدرس ورحت اتمشي سمعت الاذان بتاع المغرب، فقلت ادخل الجامع واصلي مع اني بنت، ومكنش في غير 4 ستات بس كبار ف السن، ومع( الله اكبر) فتحت ف العياط وابتديت ابكي وانا برتعش مش عايزه صوتي يطلع قدامهم بس مقدرتش وقعدت اردد الايه مع الامام وهو بيقرا"قل يا عبادي الذين أسرفوا علي أنفسهم لا تقنطوا من رحمة الله " مش هتصدق كمية الطاقه السلبيه اللي خرجت وقتها،سجدت وقولتله يارب انا زهقت ومش عارفه اعمل اي وفي ناس كتير اشطر مني وانا مش زيهم وقعدت قولت كل حاجه والحمد لله هديت وروحت الساعه 8،وانا كويسه،مع اني ضيعت الدرس بس كان خير ، فـ اقف بين ايد ربنا واشكيله وادعيه وهو مش هيردك ابدا، فـ سيبها علي الله وهو هيكرمك وهيكرمني ان شاء الله.