Mariam Mahmoud

دى حالة عند ناس كتير اوى و انا من ضمنهم الحل انك تكتب كل اللى جواك فى ورق لو حاجة وحشة قطعها و ارميها و لو حلوة احتفظ بيها كمذكرات و حاول تتفرج على فيديوهات دعم نفسى و إن شاء الله كل حاجة هتبقى تمام

بصى طالما متعرفوش حاجة عن بعض يبقى ده مجرد اعجاب الحب بيبان فى التعامل و المشاكل مش فى النظرات و التعامل السطحى و من رأيى متبادريش أكيد لأن ده ممكن يبقى شعور عابر فترة و يروح و حتى لو بتحبيه فعلاً مش المفروض تقولى الطبيعى أنه هو اللى يبادر مش انتى طبعاً

ولا يهمك انتى مطولتيش ولا حاجة احنا هنا كلنا عايزين نسمعك انتى مش لوحدك و محدش كبير على الغلط بس المهم ان احنا نصلحه زى ما قدرتى مرة تبعدى عنه هتقدرى تانى انتى اقوى مما تتخيلى علشان قدرتى تعدى كل ده انتى ظروف الحياة اللى خليتك كده انتى حد مش وحش ابدا بس المطلوب منك حاجتين بس اول حاجة تحسنى علاقتك بالله سبحانه وتعالى و هو عنده الحل لكل شىء و هيصلحلك كل حاجة بدون مجهود منك و تانى حاجة انتى محتاجة تقطعى علاقتك بحبيبك خالص و متحاوليش تراقبيه واجهى نفسك و اعرفى أنه خلاص عاش حياته و انتى كمان لازم تعيشى حياتك و تنتبهى لنفسك و تعملى كل اللى بتحبيه لو احتاجتى تروحى لأخصائي نفسى موثوق اعملى كده و صدقينى كل شىء بيداويه الايام مهما كان كبير و مهما كنتى متخيلة أنه صعب هيعدى كله هيعدى ربنا يسعدك و يوفقك و يكرمك و تبقى أحسن و اقوى من الأول مليون مرة انتى قدها يا بطلة

فى برامج و مواقع كتير أوى للبيع من أشهرهم برنامج أوليكس ده لبيع اى حاجة مش شرط ملابس ممكن أجهزة و شقق و كل شىء جربى اعملى عنه سيرش و تتعرفى عليه اكتر و إن شاء الله يفيدك و تلاقى اللى انتى عايزاه

حقك طبعاً طبعاً انك تتعب نفسياً دى مش حاجة قليلة بس صدقني دى فترة من حياتك مش حياتك ربنا مش بيعمل حاجة وحشة قرب منه و ادعيله من ناحية و خفف و هون على نفسك من ناحية حاول تخرج تسافر لو تقدر تطلع عمره ياريت و حاول تعمل الحاجات اللى بتحبها و اعرف إن ربنا مش هيسيبك و هيعوضك أحلى من ما تتخيل

أول شىء اعملى استخارة و تانى شىء اعملى فحوصات قبل الزواج و ادعى ربنا يختارلك و ميخيركيش و يكتبلك الخير كله و إن شاء الله كل حاجة هتبان أهم حاجة تتأكدى الأول بالراحة و منغير اى استعجال و ربنا يوفقك و يكتبلك الخير يا رب