Amaal Elmaky

شكرا لحضرتك على المشاركة 🌷 منذ متي تم تشخيصك من قبل طبيب نفسي ؟ كلميني اكتر عن عدم قدرتك علي العلاج بمعني ايه ؟

شكرا ليكي علي المشاركة 🌷 عند تشخيصك من طبيب نفسي بالاكتئاب هل كتب لك علاج دوائي ؟ متابعة مع اخصائية جلسات نفسية؟

🖼️ صور مرفقة

البقاء لله تعالى وحده اللهم اغفرله وارحمه وتجاوز عنه وارزقه الفردوس الأعلى من الجنة وأبي وجميع موتي المسلمين أجمعين 🤲 فقد أحد الوالدين وفجأة من الصدمات القوية والأليمة علي النفس هذا أمر الله ولكن العقل وتعلقنا البشري لايستوعب هذا الأمر بسهوله فبتكون فجوه بين اللي أنا محتاجاه والحقيقه الحاصله بتزيد اكتر إني أُنكر الأمر او معطيش الشعور حقه واعيش مشاعر الحزن والألم علي الفراق وأظن دا فهمته من كلامك لما قلتي انك دايما بحاول مكنش ضعيفه امام اخواتي لانهم بياخدوا قوتهم مني في مراحل طبيعيه بيمر بيها الانسان في حالة الفقد وكل انسان مختلف عن غيره في تخطي مرحله الي أخري

لامسني صدق كلامك والألم مع كل وقعة والإحساس بالذنب والانهزام ومبسوطة انك قادر تقول ده وبتقوم من كل وقعة تاني علي رجلك لوحدك فدي شجاعة منك وقوة انك قادر تقوم كمل قوتك انك تشوف الاسباب اللي وقعتك وتعالجها او تتغلب عليها وكون الصلاة والعبادة سبب ليك فدا حافز حقيقي جواك طبيعي ان الانسان يقع ويفشل عشان يتعلم من ده لو حابب تحكي أكتر عن الادمان او الفخ الخاص بيك

بارك الله لكما وبارك عليكما وجمع بينكما في خير باقي اسبوع ع الفرح ربنا ييسره ويعدي بهدوء وسلام فالأيام القليلة قبل الزواج يكتر القلق والتوتر وارتباطات كثيرة كل طرف حابب ينهيها للتفرغ فالزوج اكيد فحالة توتر وقلق وزنقه وقت فله عذر وله كل التقدير والاحترام ولكن الاب فمكانة مختلفة تماما لايقارن بأحد مادام مازلتي في منزله ولكن تتميز النساء باللين فالتعامل ودي نعمه فممكن تليني الكلام مع الاب والزوج لتقريب وجهات النظر ولكي يعذر كل منهما الأخر خليكي سبب انك تحسني العلاقة بينهم دائما ربنا يكتبلك الخير ويتم علي خير يارب

لا اشعر بحاجة للعلاقة وهذا يؤثر علي حياتي الزوجية الحياة الزوجية قائمة علي إشباع احتياجات الطرفين ومن الاحتياجات الطبيعيه بعد الزواج العلاقة الحميميه وفيها عفة للطرفين قد يكون مدخل من مداخل الشيطان او أثر لتراكمات او مشاكل لم تحل فيحدث فتور فالعلاقة أنا شايفه انك حريصة علي حياتك الزوجية وممكن نعتبرها هدف تسعي لتحقيقه يحتاج بعض المجهود لمعرفة فوائد العلاقة لكي وللطرف الاخر ولإنجاح العلاقة الزوجية بشكل يرضي الله اولا ويرضيكي دور العلاقة الحميمية في تكوين علاقة زوجية صحية هو جزء مهم في الحياة الزوجية وذلك نظرًا لعدة أسباب منها: 1. فرصة للتواصل بين الشريكين. 2. الشعور بالثقة والجاذبية. 3.الشعور بمزيد من الأمان في العلاقة الزوجية. 4.تعزيز التقارب والانسجام بين الشريكين. 5.فرصة لتعزيز مشاعر الحب والعاطفة بين الشريكين. 6.تخفيف التوتر، وتحسين الصحة النفسية والعاطفية للشريكين. دور العلاقة الجنسية في تحسين الصحة العقلية والجسدية والعديد من الفوائد على الصحة النفسية مثل: 1. يحقق صورة أفضل للذات حيث يمكن للجنس أن يعزز احترام الذات ويقلل من الشعور بعدم الأمان، مما يؤدي إلى تصورات أكثر إيجابية عن النفس. 2. يزيد معدلات السعادة وفقًا للدراسات يزيد من إفراز هرمون السعادة. 3.يتم إطلاق مواد كيميائية في الدماغ أثناء الممارسة تقلل من مشاعر الاكتئاب، وتعزز الشعور بالهدوء والرضا. 4. يحسن جودة النوم، فتؤدي إلى إفراز هرمون البرولاكتين الذي يساعد في النوم. وأيضًا دور كبير في تحسين الصحة الجسدية مثل: 1.لياقة بدنية أفضل، يعادل الأنشطة البدنية المعتدلة، مثل المشي السريع أو صعود الدرج، ويساعد في شد عضلات البطن والحوض ويضيقها. 2.تحسين وظيفة الدماغ، وتحسين أداء الذاكرة. 3. رفع المناعة للطرفين و يقلل من احتمالية الإصابة بالأنفلونزا، والأمراض المناعية 5.التأثيرات القلبية الإيجابية يساعد في انخفاض ضغط الدم، وتوسيع الأوعية الدموية، مما يزيد من وصول الأكسجين إلى جميع أنحاء الجسم. ومن أجل حياة زوجية سعيدة 1. إعادة تعريف العلاقة الجنسية، وأنها ليست مجرد تواصل جسدي فحسب، وإنما هي تواصل أيضَا عن طريق المشاعر، والمثيرات العاطفية الأخرى. 2.محاولة التجديد والابتكار في تفاصيل العلاقة. 3.خلق الوقت الخاص للشريكين. 4. الحفاظ على الثقة والصراحة المتبادلة بين الطرفين. 5. الاهتمام بامتاع طرفي العلاقة لبعضهما البعض. 6. الحوار المفتوح حول العلاقة الجنسية. 7. التواصل مع استشاري علاقات زوجية لكسب أفضل النصائح فلا خاب من استشار .

يحدُث اضطراب السلوك نتيجة عوامل بيئية ووراثية العوامل الوراثية مُرتبطة بحدوث خلل في الدماغ، هذا الجزء من الدماغ يعمل على تنظيم عدد من المهارات المعرفية أما العوامل البيئية المُرتبطة باضطراب السلوك، فقد تتضمن تعرُّض الطفل للإيذاء، وجود الطفل في عائلة مُفككة، تعاطي آباء الطفل للمخدرات أو الكحوليات، أو وجود الطفل في عائلة فقيرةجدا في وسط غير متكافئ فيشعر بالتدني يجب أن يُعرض الطفل على اخصائي للصحة العقلية او طبيب نفسي تخصص أطفال ومراهقين والذي سيقوم بتوجيه بعض الأسئلة له ويحدد درجات الشدة او وجود الاضطراب من عدمه

كلامك لمسني جدا وحابه تتكلمي اكتر عن ازاي عرفتي ان عندك اكتئاب حاد ومين شخصك اضطراب شخصية حديه احكي اكتر عن الافكار السوداويه اللي عندك ايه ممكن يساعدك ؟

كل شعور ربنا خلقه جوانا لسبب الشعور بيجيلنا برسالة محتاجة تتفهم طيب لو الشعور ذاد عن الطبيعي زي الخوف مثلا بنحاول نشوف الخوف ده مبرر ولا غير مبرر يعني ليه اسباب تتحل او اعرفها ولا أنا اللي خايفه من حاجات جوايا كخبره سابقه مثلا او احد الوالدين خوفني منها او هيا مجهوله بالنسبالي خايفه منها فممكن ندور ايه ورا الخوف ؟ ايه الرسالة اللي وراه؟

وعليكم السلام ورحمة الله وبركاته كنت حابه أعرف ازاي امسك أعصابي مع ابني بحط قدامي ايهما اهم علاقتي بإبني ولا نجاحه وانه يجيب درجات عاليه ويغلطش واحط قدامي لو ابني له سلطة اكبر مني هل نتعامل معاه بنفس المعامله واحط قدامي ان ابني هدية من ربنا وهيحاسبني علي سوء استخدامي ده واحط قدامي اني بحفر ذكريات ابني بإيدي دلوقتي حابه اكتب ايه عني واحط قدامي اني ممكن اكون سبب لاذي ابني ويفضل طول عمره يتعالج بسببي واحط قدامي هيفتكرني بإيه بعد وفاتي هيدعيلي ولا ؟ نفكر كده شويه ونبدأ بعدها ازاي نصحح الوضع

الكسل كل فتره بيزيد وبيبعدها عن الصلاه وكتير بيتحول لفراغ بينتج عنه تصرفات سلبيه ومضره نفسيا وغيرها من أهم الخطوات لبداية حياة إنسانيه صحية معرفه احتياجاتك وتسديدها بشكل صحي الانسان الطبيعي له احتياجات روحيه واحتياجات جسدية واحتياجات نفسية الاحتياج الروحي وهوا تقوية العلاقه بالخالق في كل الديانات الممارسات الدينية أمر الإنسان بيلزم بيه نفسه لانه غذاء الروح ومرضاه للخالق وابتغاء الثواب وحصول الاجر الاحتياج الجسدي مأكل ومشرب وملبس ونوم باعتدال وأقرب الي الطبيعة والصحي ممكن تكتب انت عندك النقاط دي ملباه عندك ولا لأ وهل بشكل صحي ؟

مببقاش عايز أزعلها او بخاف أزعلها احساس جميل منك طبعا خوفك علي زعل والدتك سواء حابب تراضيها او بتقلل نقاط الخلاف خوفها عليك أزايد عن اللزوم مش هنقدر نتحكم فيه لانه خارج نطاق سيطرتك ممكن نفكر خلال يومك ايه ممكن تعمله يخفف لودها عليك ويكون تمام معاك

عايز اكون قوي الشخصية ممكن اقرأ عن صفات الشخصية وايه فيها اقدراتعلمه واكتسبه ممكن كمان اعمل اختبار لإظهار نقاط القوة عندي وأفعّل النقاط دي ممكن كمان ألازم شخص قوي الشخصيه حتي لو شخصيه عامه ممكن أتابعه ويكون مثل أعلي اكتسب منه صفاته كلامه حركاته ردود فعله والاهم التطبيق فالحياة أجرب مرارا وتكرارا حتي تصل وتكون موقن بالوصول وعايز اعرف أواجه وأحل مواقف دا بيكون بالممارسة أعرف أنا غلط فإيه المره السابقة وأحسن ده واتدرب بيني وبين نفسي علي الردود لحد ماتطلع تلقائية

الاكتئاب الضاحك او المبتسم هو مصطلح أطلقه أطباء علم النفس على من يعانون من أعراض اكتئابية، لكنهم يخفون ذلك وراء حياة ناجحة، وعلاقات اجتماعية عديدة، بينما يعانون ويقاسون أعراض الاكتئاب وحدهم. عادة لا يلجأ من يعانون من الاكتئاب المبتسم لتلقي العلاج اللازم لحالتهم، وذلك بسبب طابع حياتهم ونمطه الذي يبدو طبيعياً، لذا قد يكونون أكثر عرضة لإيذاء النفس اللي يحدد وجود هذا الاضطراب من عدمه او يحدد مدي شدته هو الطبيب النفسي

الف لابأس عليكي ربنا يصرف عنك ويتم شفاكي علي خير يارب دا ممكن يكون ايه ؟ الرد هايكون عند طبيب أفضل بعد الفحص ممكن تكشفي عند دكتور باطنة قريب منك وهوا هيوجهك لعمل التحاليل والفحوصات اللازمة وظني فالله خير هتلاقيه ان شاء الله 🌷

ماشاءالله عليكي أنا شايفة من كلامك فتاة أزهرية مثابرة نجحت فالإعدادية وكانت من الأوائل اللهم بارك يعني حطت هدف قدامها وحاربت ووصلت الحمدلله يعني ممكن يحصل تاني اه جدااا وأحسن من الاول لان عندك خبره سابقة لده ممكن نعرف بس ايه حصل كان سبب رئيسي فالتشتت وقلة التركيز ؟ومن امتي ؟وهل ده فالمذاكرة فقط ؟

أسيبه ولا أنتقب وخلاص في فرق ان يكون في نقطة خلافيه بيني وبين شريك الحياة ممكن نتناقش فيها وان يكون اما تواجهني صعوبه فالتواصل اسيب او اخسر الحوار او الشخص النقاب او اي عبادة بتتعمل لله خالصه لوجهه الكريم مش عشان شخص اما الشخص اللي بيعرض الأمر ممكن اوصلله وجهة نظري بهدوء مرة واتنين واوضحله ان الامر لله والأفضل يكون من جوايا وان في نقاط كتير زي كذا وكذا مثلا أنا بعملها تقرّبني من الله أكثر واني اما احاول فخطوة تقربا لله تكون خالصة لله في نقطة مهمة وهي الحوار والتواصل بينكم مش فالموضوع ده فقط ممكن تقرأي اكثر عن النقطه دي 🌷

عصبية قوووي وعصبيتي بتوصل اني ممكن اصوت واعطي وأكسر حاجة غاليه عندي واحساسك بعد ده أكيد أصعب انك خسرتي الشخص مثلا او خسرتي اللي اتكسر بالفعل لو ممكن نرجع خطوة لورا ايه سبب العصبية اللي بيوصلك لده وكم مره تقريبا بيحصل ده ؟

شكرا لحضرتك علي المشاركة انتي ماشاءالله عليكي شاطرة ومتفوقه وذكية والدليل انك لحد الاعدادي جايبة ٩٩🥰 لو ركزتي علي هدف وسعيتي لتحقيقه هتقدري توصلي بكل سهولة ان شاءالله الزواج دا ليه وقت ربنا كاتبه عنده والأفضل ان البنت تتجهز علميا ومنهجيا للمرحلة دي ان اراد الله الزواج كان وان لم يرد دا رزق عشان تقدري تحسني الاختيار لازم تكوني حاطة معايير لهذا الاختيار والتعليم طريق من الطرق اللي ممكن تفتح منظورك للحياة وتوسع مداركك اراء كتير بنقرأها ولكن بنأخد منها مايلقي في قلوبنا صدي ممكن اراجع نفسي هل في مرجع لهذا الكلام الكلام دا إيجابياته ايه وسلبياته ايه علي نفسي علي المدي القريب والمدي البعيد ولو احتاجتي اي مساعده فالتفكير أنا معاكي

شكرا لحضرتك علي المشاركة بعد اي تجربة مؤذية لنفسنا بنحتاج ناخد هدنه ودا بالفعل انتي عملتيه ولكن عشان الهدنة تجيب نتيجة لازم احميها بسور من الحدود الشخصيه تحميني من الاذي في مرحلة التعافي الحدود دي بتحافظ عليا وبتخلي في مسافه بيني وبين الناس عشان محسش بالاذي منهم حتي لو اقرب الناس ليا دا حق طبيعي لكل انسان انه يضع حدود لنفسه ويحاول يحافظ عليها بعدم الاختراق لانها زي الدرع للانسان اعرفي حدودك وحافظي عليها هيساعدك كتير🌷

شكرا لحضرتك علي المشاركة واضح من كلامك وردودك ان الوضع صعب عليكي ودا طبيعي انه يحسسك بعدم الثقة فالنفس او الخوف من ردة فعل اللي قدامك او التوتر بشكل عام انتي شايفة ممكن نساعدك ازاي ؟

شكرا لحضرتك على المشاركة🌷 حاسه بيكي جدا وحقك انك تزعلي وانك تطالبي زوجك بإحتياجاتك منه بتختلف لغة الحب من شخص للتاني يعني ممكن يكون دي اللغه اللي بيعرف يعبر عن حبه ليكي بيها طيب أنا دلوقتي محتاجة لغه تانيه اعمل إيه افهم لغته وأقدرها واثني عليه فيها وافهم هوا بيقبل اي لغه اقدر أوصله اللي جوايا تخيلي كده واحد بيتكلم ياباني مثلا وانتي محتاجة توصليله اللي جواكي هتعملي ايه ؟ وأظن ان الجانب من ردة فعل زوجك انه عنده استعداد للاستقبال بدليل كلامك انه امًا بتواجهيه بيعيط فمش قادر يعبر عن اللي جواه بكلام وانتي بتقولي برده انه بيتعب فشغله فأكيد محتاجك جنبه فممكن تتعبي شويه انك تفهمي لغه للتواصل بينكم وتعلميهاله بوحمه منك للوصل كل امًا كانت نيتك طيبة وصالحة هتوصل

شكرا ليكي على مشاركتك 🌷 احساس الفراغ النفسي الداخلي دا شعور مميت بيساعد الانسان انه يدخل في مود اوحش وانه ملوش لازمه فالحياة حتي التعامل الطيب من اقرب الناس ليه بيضغطه دا بيجي من ايه ؟ بيحصل مع عدم التعبير عن اللي أنا حاساه دلوقتي فمع كبت المشاعر بيحصل جهل بيها وانكار ليها فأنا موجوعه من جوايا بس مش عارفه ليه ولا قادره اعرف فبالتالي مش قادره اعيش الحياه بحلوها ومرها من اهم المهارات اللي المفروض تكون ميسره للكل هي التعبير عن المشاعر وفهمها لان ربنا باعتها لينا برساله فأما اقفل الإرسال خالص بكده هاقفل استقبال فهمنا التواصل زي الموبايل من غير شحن كهربا ولا خط هيكون ايه لازمته ففكري معايا كده ممكن نشحن ازاي ؟ بإيه ؟

شكرا لحضرتك على المشاركة معاناة حقيقية بدأت بمشكلة بسيطة وعدم التعامل معها ادي الي تسلسل عدة من مشاكل مختلفة الذهاب لدكتور نفسي خطوة مش سهلة علي اي بني آدم انه يتخذها ويصل اليها بعد معاناته الشديدة مع نفسه ولكن بعد اتخاذها من الضروري مناقشة الدكتور فالعلاج ان كان تاعبني او مريحني بتحسسني بشعور جديد مضايقني بينيمني بيأثر علي آدائي فأي نشاط ممكن الدكتور يغير العلاج او يغير الجرعه او يغير معاد تناول العلاج ودا بيأثر جدا علي المتعالج والوضوح بيكون علاقة علاجيه بين المعالج والمتعالج ومن الافضل مع العلاج الدوائي يكون في علاج نفسي مع اخصائي او معالج نفسي ودا بيساعد المتعالج انه يشوف هوا وقع فالمشكلة ليه ويقدر يطلع نفسه منها ازاي بتعلم مهارات وتكتيكات علاجية ومتابعة دورية لادراة المشاعر ورصد الأفكار ودا بيخلي المتعالج متحكم اكتر فأسلوبه وانفعالاته واما أوصل لده هعرف اتعامل مع اي مشكله مع نفسي او مع الأخرين وتكون ردة فعلي علي المواقف مختلفه مع التعمق فالجلسات وحاليا متاح العلاج فمنصات مختلفة مجانيه وبأجور رمزيه بس الاهم الالتزام والاستمرار

شكرا ليكي علي المشاركة تحبي من كل قلبك دا دليل علي فطرتك السليمه النقيه ولكن تعرضك في كل علاقاتك الي الخذلان ممكن يكون قله تواصل او عدم علمك بمهارات تساعدك علي التعامل مع الناس او مع مواقف مختلفه ممكن تحكيلي اكتر يعني ايه خذلان بالنسبه ليكي ؟وموقف حصلك حسيتي فيه بالخذلان ؟

شكرا علي مشاركتك عندك حق جدا ان تتألمي من احساس الرفض فهو احساس مؤلم حقا ولكن كل امر ربنا بيسوقه لينا بسبب قد اكون غير جاهز نفسيا فكريا لاقامه حياة مستقله او ان الله يبعدني عن ضرر لا أراه الآن بنظرتي البشرية المحدودة كل موقف بيحصل في حياتنا بيكون جاي برساله لينا تفتكري ايه الرساله اللي ربنا بعتها ليكي من الموقف ده ؟

وعليكم السلام ورحمة الله وبركاته شكرا علي مشاركتك الاستغراق فالقصص و الروايات قد يفصلنا تماما عن الواقع ودي موهبه قد تستغل صح ممكن تفكر تستغلها ازاي ؟ وقد تكبت واكون مش قابل بيها فبتتخزن جوايا فبالتالي بتأثر عليا بالسلب سؤالك هوا ده عرض ولا مرض ؟ هوا عرض لعدم تفريغ الطاقة دي من جواك ممكن تفرغها بالكتابه وتعدد المجالات وتبدع فيه ميكون المجال العاطفي فقط وممكن تنشر القصص الخياليه دي ولو لقت استحسان تجمعها في كتيب او مجموعه قصصيه وبدل من ان الموهبة دي تكون معطلة ليك قد تستغلها لصالحك واتمني لك التوفيق

شكرا لحضرتك علي المشاركة كن رحيم بنفسك وحافظ علي الطفل اللي جواك بإنك تشوف احتياجاته النفسية وتراعيه استقبال الصدمة بتختلف من شخص لآخر ومن هول الصدمة وزيادة الخوف والرعب بتوصل احساس الانسان للخدر وهوا أنا مش حاسس باللي حواليا ودا اللي حصل مع والدتك محاولات الانتحار ومحاولات اذي النفس دي من تراكم الاذي علي مر سنين بدون رد فعل من جواك احساس بالعجز عدم القدرة علي التصدي وطبعا مفيش مقاومة فالفكر نفسه بيتطور فالأذي ودا اللي وصلك لافكار قتل متوجهه لعناصر كنت تأمل منهم الحماية زي والدتك لابد من الذهاب لطبيب نفسي لإعطاء العلاج المناسب لتقليل الأفكار المؤذية للنفس والآخرين والمتابعه مع معالج ذو خلق لتعلم مهارات حياتية تساعد بيها نفسك وتساعدك علي التعامل مع الأخرين المشوار للتعافي موجود ومتاح مجاني وبفلوس بس القرار قرارك ووجودك هنا دا دليل علي نيتك علي التخلص من كل هذا ووصولك لكم الاذي والألم النفسي اللي انت فيه خليه حافز ليك لانتشالك منه وتعافيك بأمر الله ربنا يوفقك ويرشدك للصالح

شكرا علي شجاعتك علي المشاركة 🌷 في مقياس بسيط للتأكد من الحالة دي وصلت للإدمان ولا سلوك متكرر ولو كان ادمان بنطبق مع بعض خطة علاجية للتعافي والأفضل تتابعي مع نفس جنسك ولو احتاجتي مساعده أنا معاكي

شكرا لحضرتك علي المشاركة كلامك لمسني جدا وحاسه باللي بتمري بيه تماما وعن تجربة شخصيه اختاري نفسك مع مراعاة حقوق العباد انتي حاطه المشكلة بتاعتك قدام عينيكي ومركزه فيها ومبروزاها فمش شايفه غير ها شوفي ايه متاح تعمليه من البيت يسعدك ويساعدك بدون غضب زوجك بيع اونلاين تعلم كورسات تعلم مهارات تعلم تربيه لبنتك وازاي تنمي مهاراتها تسمعي كتب مقروءة وانتي بتعملي شغل البيت تركزي مع نفسك اكتر وايه هيا احتياجاتك وإزاي تقدري تسدي هذه الاحتياجات وماشاء الحاجات دي متاحة للجميع وأغلبها مجاني ادخل الأنشطة اليومية اللي تدخل السرور علي نفسي وبتكون بسيطة ومتاحة واما تكون احسن نفسيا هتقدري تجعلي بيتك مستقر اكتر وتكوني سبب في سعادة أسرتك الصغيرة ولو احتاجتي مساعدة أنا معاكي وربنا يرشدك للي فيه الخير ليكي ولبيتك 🌷

شكرا لحضرتك علي المشاركة المود الحالي للأغلبية هو الحزن والألم لمايحدث فالعالم وعجزنا عن مد يد العون فضلا عن ذلك مايحدث من ضغوطات يوميه اجتماعية او مادية فمنا من يستسلم ويترك نفسه ويزداد حزنا علي نفسه ومنا من ينجو بنفسه ويسعي ويحاول علي قدر استطاعته كل منا يختار ألمه الم الحزن ام ألم السعي والمحاولات اعتبري نفسك فاتحة الGPS لحياتك حددي نقطة الوصول واسألي نفسك كيف اقدر اوصل ؟ بحيث قدامي امكانياتي اقدر اعمل ايه حاليا مين ممكن يساعدني اول خطوة اعملها ايه ايه اللي يخليني مستمر وتفندي الحاجات دي في نقاط علي ورق وخطة عمل وفي سؤال مشابه لده هبعتلك ردي ممكن يساعدك👇🏼

شكرا لحضرتك علي المشاركة شكرا ليكي علي اهتمامك بشئون صاحبتك وحرصك علي مساعدتها الحياة الزوجية حياة خاصه بالطرفين مهما حد تدخل بتكون الصورة ناقصه لانه استحاله تكوني عارفه كل تفاصيل الطرفين وايه حصل بالظبط وهيا لجأت للقضاء لحل مشاكلها مع زوجها انتي دورك معاها الدعم والمسانده وتوعيتها بالاهتمام بصحتها النفسية والجسدية والاهتمام بتربية طفلتها اوقات كتير من صدمة المشكلة الشخص بينغمس فيها بدون ادراك منه لنفسه وحياته وأدواره ايه وايه ممكن يخليه احسن دور الصاحب هنا يرجعه لدنيته تاني يكون مصدر امان بالنسبالي بدون ماندخل فتفاصيل كتير حصلت ونعيد ونزيد فالماضي بدون فايده غير اجترار الألم والوجع النفسي وربنا يعينك ع الدور ده ويجعله في ميزان حسناتك 🌷

شكرا علي مشاركتك 🌷 بعض مسميات الامور جوانا بتكون غير الحقيقة الواقعية يعني كل مفهوم جوانا بيختلف من شخص للتاني والأصل ان احنا نرجع للعلم او الكتب او حد متخصص مين شخصك بالرهاب الاجتماعي ؟ (مابعرف كيف اعتمد علي حالي او احل مشاكلي ) دا بيكون نقص مهارات ناتجة عن حاجات كتير بيكون فيها تأثير قوي انها تكون موجوده منها الاهل التربية اللوم والنقد نقص الثقة فالنفس الحل بيكون بتعلم مهارات حياتية تساعدك بتارجت مشكلة واحدة واتعلم مهارة تساعدي وأطبقها واستمر شويه عليها نكتسبها بكل سهولة ان شاءالله والثقة بتبني واحدة واحدة فهتلاقي المشاكل بتزول واحدة واحدة ممكن تبدأي مع نفسك وممكن تتابعي مع حد للمتابعة واختصار الوقت والطريق عليكي ولو احتاجتي اي كتب تساعدك أنا معاكي

شكرا علي مشاركتك 🌷 التفكير الزايد او المفرط بيسبب مشاكل كتير منها القلق والتوتر والأرق لوفصصنا التفكير كده بيكون فالماضي ولا المستقبل بيكون خيالات ولا حاجات واقعيه موضوع واحد ولا مواضيع مختلفه كتيره

شكرا علي مشاركتك لينا🌷 كونك مدركة معني ان جواكي خوف من ربنا دي لبنة لأساس طيب جواكي حاولي ابني عليه بإنك تزودي الجانب الروحي عندك بممارسة العبادة بمختلف اشكالها وتحسين العلاقة بالله دا هينقل عقلك بوعي مختلف كمان ممكن احدد أنا بيحصلي كده امتي ؟ واتعامل مع امتي دي ألغيها احلها ابعد عنها أتقبلها واتعامل معاها اكون متواجده مع ناس ساعتها وهكذا كاني بدرب نفسي تكون رده فعلي مختلفة فبالتالي النتيجة (السلوك )هيكون مختلف احاول ادور أنا هنا ليه ربنا خلقني فظروف دي ليه ؟

شكرا لحضرتك علي المشاركة 🌷 مين شخص حضرتك ان عندك اضطرابات طعام ؟ من اسهل الأشياء علي النفس إلقاء اللوم علي الآخرين طيب هنا في مشكلة قايمه وهي زياده الوزن مثلا لازم تفاصيل دقيقة لمتابعة الحالة طيب لو تخيلنا حد قدامك ومحتاج نصيحة منك فنفس مشكلتك وعنده نفس ظروفك فكري ممكن تنصحيه بإيه ؟ مين يقدر يساعدك؟ ايه ابسط خطوة تقدري تعمليها لوحدك

شكرا لحضرتك علي المشاركة 🌷 لغات الحب بتختلف من شخص لاخر ممكن بالعطاء بالكلام بالمواقف بالكتابه وفي كمان بس أنا شايفة الموضوع انك مش محدده بالظبط احتياجك فالعلاقة الطبيعي ان بيكون في انجذاب من طرفين مع وجود الحياء او الكسوف بس بيكون موجود فدوري جواكي فالنقطة دي هوا موجود اصلا وانا مش قادرة اصرح بيه ولا مش عايزة ولا متحفظة عشان المرحلة ولا مش موجود؟ محتاجة توسعي معرفتك بالقراءة او سماع بودكاست عن العلاقات السوية وازاي اختار شريك حياة مناسب ازاي اقدر اخد قرار ازاي اقدر احدد احتياجي وهكذا

شكرا لحضرتك علي المشاركة🌷 انتي محتاجة تدوري ورا احساس الذنب اللي جواكي ؟ ولا محتاجة تتعاملي مع مخاوفك ؟ كل اما احدد بالظبط اشتغل علي ايه هيكون سهل عليا الاقي نتيجة مرضيه حددي وانا معاكي

شكرا ليكي علي المشاركة🌷 حياتنا كلها بمافيها عامله زي رسم القلب زي الزجزاج كده طالع ونازل فساعات كتير بيطلع الرسم لفوق وبعدها هبوط جامد ولكن مايطمئننا انه بعد الهبوط له صعود مره أخري الشغف ده الزقة الاولي انك تنجزي امر معين ولكن الاستمرار فيه بيتطلب إلزام والتزام اني الزم نفسي بهدف محدد وزي ماذكرتي مثلا دخل زيادة وشهرة علي نطاق أوسع والالتزام بأداء مايوصلني للهدف ده حتي ولو امر بسيط ولكن باستمرار ولكن من اهم الحاجات اللي بتحفز ع الاستمرار هوا أخذ هدنة استراحة محارب او اجازه افضل خالص بيها واعمل فيها حاجة بحبها لنفسي بعيدا عن الشغل خالص عشان ما نوصل لحالة من الاحتراق النفسي زي ماحصل كده

شكرا علي مشاركتك 🌷 اني اقبل الشعور دا بيسمح للشعور انه يمر بسلام إنكاري للشعور بيقيم جوايا عاركة قايمه ليل نهار جوه دماغي وشعور بالغضب والحزن الزيادة الذي يؤدي للاكتئاب احيانا وبيأثر علي حياتي وأداء أدواري فالحياة بالسلب بالظبط زي الموجه ناخد نفس ونغطس لحد ماتعدي من فوق راسنا ونكمل استمتاع بعدها انما لو صدناها هنوقع فالميه وممكن نتأذي انتي اخدتي قرار بالانفصال واكيد مش من فراغ احترمي قرارك للآخر من جواكي كمان ومش عشان انتي اللي طالبه الانفصال مش هتكوني مضايقة الطبيعي انك هتضايقي فمتنكريش ده علي نفسك كلام اهلك قدامك بس انك تتعاملي معاه بالرفض انك تبلغيهم انك مش عايزه تتكلمي فالموضوع ده بكل هدوء وإصرارك علي ده مره علي مره ده هيبني جواكي حاجز ضد الكلام نفسه فمش هيأثر عليكي راجعي أدوارك فالحياة وحاولي تقومي بيها علي قدر استطاعتك كونك تعدي يوم واحد بإنجاز واحد فده فحد ذاته انجاز متقارنيش نفسك بقبل كده قارني نفسك باليوم اللي قبله وحسنيه علي قدر استطاعتك ركزي مع نفسك واحتياجاتك

شكرا ليكي علي مشاركتك لينا 🌷 وصلتي احساس كل كلمة كتبتيها ومدي الالم والأدب النفسي الواقع عليكي اوقات كتير الضغوط بتبدلنا حرفيا واحنا نفسنا بنتفاجئ بردود افعالنا بتقولي من سنتين ؟ هل حصل موقف ليكي او لافراد اسرتك حسيتي بعدها بالتغيير؟ وأوقات رعب الثانوية العامة بيكون معطل فحد ذاته الاهم من اللي حصل ماينتج عنه يعني انتي الحمدلله تعاملتي مع الموقف وأجلتي علي قد ماتقدري ودخلتي حتي لو مش راضية تمام الرضا عن أدائك بس كفاية قووي انك واجهتي خوفك ودخلتي الاختبارات النتيجة دي علي ربنا وان شاء ربنا هيقدرلك الخير اينما كان قد يكون ابتلاء وبعده فرج ان شاءالله هوني علي نفسك الرقيقة وكوني رحيمة بنفسك وتعاملي معها كطفل صغير محتاج اليكي تخيلي كده ممكن تطمنيه ازاي ؟

شكرا لحضرتك على المشاركة اللي مريتي بيه مؤلم جدا ان فيوم فرحتك يحصل كده وانك تلاقي ردة الفعل دي من اهله الزواج لايقوم علي شخص فقط او شعور واحد فقط يعني ايه يعني الارتباط بيكون ارتباط وتوافق عائلة بأخري وتقدير عائلة بأخري واحترام الطرفين ومراعاة ظروفهم ولايقوم علي شعور الحب فقط فالحب نفسه متغير ودا لاينفي أهميه الحب فأي علاقة وإنما احتياجات المرأة للاهتمام والتقدير والحضور والعطاء مهم جدا ممكن احول الموقف كله لدرس اطلع بإيه من اللي حصل انتبه لاحتياجاتي عشان أفهم أنا عايزة ايه الاذي الواقع عليا أعالجه ازاي ؟

شكرا لحضرتك علي المشاركة هل من الطبيعي اني اتكلم مع نفسي اه جدا مع اختلاف المسميات بقي الضمير او العقل الباطن او أنا ونفسي ممكن تكون افكار باخد وادي مع نفسي فيها وهكذا امتي اقلق ان تكون معطلاني عن ممارسة حياتي والأدوار اللي بأديها علاقتي بربنا وبنفسي وبأسرتي والدوائر الأبعد او تكون كلها سلبية وهدامة لنفسي او تكون مؤذية لنفسي او لغيري طيب لو كانت حاجة من دول خلاص كده اكيد لأ كده المفروض استشير معالج اوأخصائي واتابع ولو لزم الامر يوجّهك لطبيب نفسي اما النسيان فله اسباب كثيرة جدا منها الضغوطات التغذية الغير صحية عدم انتظام النوم مواقف مؤلمة مرت عرض لأمور اخري عدم تركيز كثرة مشتتات فممكن نعمل استبعاد للامور دي ونشوف مع نفسنا ايه اقدر اعمله مع نفسي

شكرا ليكي علي المشاركة من اوحش واقسي التجارب ع النفس ان تكون العائلة هي مصدر الوجع النفسي اول خطوة واهم خطوة هيا فهمك لنفسك واحتياجاتك تاني حاجة وضع حدود واضحة لنفسك داخل الاسرة وخارجها وبكده هتحمي نفسك ومش من يوم وليله هيحصل ده ولتغيير نظرة الاهل جوانا بنحط نفسنا مكانهم عشان نفهم هما اتصرفوا كده من منطق ايه هل كان لمصلحتي ؟ولاهربت منهم؟ ولا كان قصدهم يئذوني ؟ ساعات بنكون شايفين الموقف بنظارة معتمه شويه وعلي اساسها بنبني باقي التفكير

شكرا لحضرتك على المشاركة دكتور عماد رشاد له تسجيلات ع الساوند كلاود واليوتيوب خاصة بهذا الجزء من السلوكيات او الإدمانات ومتاح جروبات مغلقة لمجموعة مدمني الجنس المجهولين للتعافي وتطبيق مدرسة ال١٢خطوة مع مشرفين متعافين ودا بيدعم جدا وبالذات وقت الانتكاسات ويفضل المتابعة مع نفس جنسك

شكرا ليكي علي المشاركة 🌷 أعاني من شخصية حدية!؟ مين اللي قام بتشخيصك ؟ من امتي؟

شكرا لحضرتك على المشاركة بقالك اكتر من سنة في هلع وخوف وقلق ايه المواقف اللي بيزيد عندك فيها؟ وبتتعامل ازاي؟

شكرا لحضرتك على المشاركة لقد أرشدنا الرسول ‏ﷺ إلى حسن اختيار الزوج بقوله ‏ﷺ: "إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير". وعند النظر للحديث، فإنه واضح وصريح في حسن الاختيار، حيث ارتكز على صلاح الدين وصلاح الأخلاق، فعند توفر ذلك، يقينا سيكون زوجا صالحا. ودا الأصل فالاختيار مع اعتبار التكافؤ وقد شرعت فترة الخطبة فرصة للطرفين لمعرفة البعض عن قرب مع الالتزام بالضوابط اما الحب هوا مهم طبعا ولكن بالأفعال والمواقف ودا بيتعرف مع مرور مواقف حياتيه مختلفة ورد الفعل عليها والالتزام بالمسؤلياات استوقفتني نقطة مهمة لسردك وهي كلمة أنا مطلقة ووراها علامات استفهام الأفضل تكوني واضحة فيهم مع نفسك هل تخطيتي جرح الطلاق نفسه؟ ازاي شايفه نفسك دلوقتي ؟ اخدتي وقتك للتعافي ؟

شكرا ليكي علي المشاركة🌷 مرحلة المراهقة مرحلة مرهقة للشخص نفسه افكار كتير متلغبطة مشاعر فياضه غير موجهة سلوكيات غير مفهومة ودا يخلينا نحاول نفهم عنها اكتر ونعلم نفسنا المشاعر عموما بتيجي برسالة لينا فكري كده ممكن تعلقك بالمدرس يكون بيشد احتياج ايه عندك ساعات بيكون عندنا نقص فاحتياجات أساسيه واول باب بنقابله بنحس ان ده هوا اللي احنا محتاجينه بالظبط ممكن تشاركيني حاسه المشاعر دي ايه الرسالة بتاعتها؟

انتي اكتر واحده حاسه بالمعاناه اللي بتواجهيها وبتعيشي الصراع اللي جواكي لوحدك في ساعات أقوال مغلوطة وإشاعات عن الاستمرار ع العلاج النفسي احنا بنستعين ربنا فالاول وفالاخر والعلاج ماهو إلا سبب وسعي مننا للتخفيف من الاعراض واي حد بياخد العلاج وعنده قناعه انه مش هيستفيد منه فده سبب رئيسي لعدم الاستفاده فممكن نظن فالله خير ولو الكشف مش من فتره طويله نلتزم بالعلاج الدوائي مع جلسات نفسيه علاجك بإصرارك علي التعافي والسعي لده 🩵

وسنك كام دلوقتي ؟

في برنامج واعي يوجد برنامج يتم تطبيقه مع مشرفين للاقلاع عن ادمان الاباحيه ومتاح كتب بخطوات عمليه ممكن تحاول تطبقها مع نفسك هارسل الغلاف تبعهم ولو احتاجت اي منهم ولم تجده متاح عندي يمكنك التواصل

ابدأبخطوة محدده بسيطة قابله للتحقيق

آخر ٧نقاط ذكرتها ممكن تقرئيها مره اخري وتشوفي ممكن تعملي ايه منها

قرة عين الشيطان التفريق بين الزوجين والتفريق بين الزوجين من أخطر الأعمال فلذلك نجده أهم الأعمال عند إبليس، ففي صحيح مسلم: إن إبليس يضع عرشه على الماء، ثم يبعث سراياه فأدناهم منه منزلة أعظمهم فتنة، يجيء أحدهم فيقول: ما تركته حتى فرقت بينه وبين امرأته، فيدنيه منه، ويقول: نعم أنت، فيلتزمه.

ايه يخليني منتظم فبند واحد واحاول احافظ عليه في كل احتياج ؟

نشغل نفسنا احل ازاي بدون ماأفكر لغيري أكيد ربنا عالم وهوا عنده الحساب فنفكر مع بعض ايه ممكن يساعدك ان يخف لودها عليك

ربنا يصرف عنك ويطمنك 🩵

اولا الاستعانه بالله وكثرة الدعاء ثانيا اعمل تحليل دم ممكن يكون عندي ضعف مأثر ع التركيز ومحتاج مكملات غذائية. ثالثا ارتب المحيط اللي بذاكر فيه رابعا ارتب أولوياتي في يومي لمذاكرتي خامسا أضع جدول يكون محدد قابل للتحقيق ومرن علي حسب وقتي وقدرتي سادسا الاهتمام بوقت الراحة واندمج فنشاط او تنفس بوعي او أيا كان سابعا مكافأة نفسك كل فتره علي الالتزام ثامنا الاستمراااااااااار حتي لو وقعتي او لخبطتي

عادي جدا ان يحصل هبوط للمستوي في فتره من الفترات ممكن يكون له اسباب ملموسه او نتيجة لحاجة انتي نفسك مش فاهماها وحياتنا كلنا زي الزجزاج في رسم القلب كده معني الخط المستقيم والثبات فيه هو الوفاه فنطلع من ده بإيه ان زي ماوقعت اقدر اقوم تاني واكمل واكون أقوي من الاول ان شاءالله بس نتبع خطوات نلزم نفسنا بيها

ان شاء الله خلي عندك نية الوصل مع كل نقاش وكوني رحيمة بنفسك وبيه وربنا يصلح مابينكم 🌷

اول مؤسسة خيرية للدعم و العلاج النفسي . متاح جميع الاختبارات النفسية . تواصل معنا على واتس اب 01555121622 تداوى مساحة أمان للجميع.

- مستشفى العباسية للصحة النفسية، وهي متاحة طوال أيام الأسبوع عدا الجمعة من الساعة 2 إلى 5، ويوم الثلاثاء يكون مخصص للسيدات فقط. - في مستشفى مصر الجديدة للصحة النفسية «المطار». - في مستشفى حلوان للصحة النفسية، ويمكن الكشف فيها يومي السبت والأحد، من الساعة 1 إلى الساعة 4. - في مركز «العزيمة» لعلاج ومكافحة الإدمان مجانا بالغردقة. - داخل مستشفى قصر العيني في الجيزة، أيام الأحد والثلاثاء والأربعاء من كل أسبوع. - داخل مستشفى القوات المسلحة بالمعادي، يومي الإثنين والأربعاء للرجال، ويوم الثلاثاء للسيدات. - في مركز الطب النفسي بالدمرداش. - في مستشفى الحسين الجامعي. - في واحة الأمل كاريتاس بمحافظة الجيزة. - في مستشفى بورسعيد للصحة النفسية، يومي الأحد والخميس من الساعة الثانية مساء إلى الخامسة مساء. - في مستشفى العزازي بالشرقية. في مستشفى المعمورة للطب النفسي بالإسكندرية. - في مستشفى أسيوط للصحة النفسية بـ4 شارع الملك فيصل بجوار مستشفى الصدر. في مستشفى طنطا للصحة النفسية، ويقدم خدماته أيام الإثنين والثلاثاء والخميس من الساعة 2 إلى الساعة 5. - في مستشفى شبرا قاص بالغربية. - في مستشفى شبين الكوم للصحة النفسية بمحافظة المنوفية بمجمع المستشفيات ميت خلف شبين الكوم مدخل برج الحمام.

وزارة الصحة والسكان مستشفيات الصحة النفسية تقدم خدمة استشارات الصحة النفسية المجانية عبر خدمة الخط الساخن على مدار الـ 24 ساعة يوميًا، من خلال الرقمين "08008880700، 0220816831"

للأسف الحشيش هيزود الاعراض وبيدخلك فأعراض ازيد ومتاح العلاج مجاني في مستشفيات العزيمه في اغلب المحافظات في مصر واونلاين مؤسسة تداوي والخط الساخن

طبعا اتفضلي ابعتيلي خاص

اتمنالك التوفيق وان ربنا يرزقك الهدوء والسكينة وحسن التصرف🌷

حلو قوي أنا مقصدي من أعمل العكس انك تعملي عكس خوفك انه يتقدم لو أتقدم فعلا وكان انسان كويس معاكي كل مخاوفك دي هتزول وحتي لو طلع عكس توقعاتك هتكوني عرفتي ساعتها الحقيقة وهتقدري تحطي حد لمخاوفك

مدام مواضيع واقعيه ومختلفه هنكتبهم علي ورقه قدامنا وبعدين نقسمهم ايه اقدر اتحكم فيه وايه مش بإمكاني اتحكم فيه

وممكن العكس يكون ايه كمان

وانا معاكي فأي وقت

لو فكرتي انك تعملي العكس تماما هيكون ايه؟

في مهاره اسمها اعمل العكس ودي بتساعد قوي لما تكون مشاعري مسيطرة عليا ومش قادرة اتحكم فيها زي الخوف اللي جواكي بيمشيكي ناحيه انك تفضلي محيرة نفسك وعماله تفكري وبس

ايه ممكن يحسسك بالذنب كمان غير الموقف ده

وايه كمان دوري جواكي

طب ممكن تعملي ايه ؟اسمحي لنفسك وللشعور انه يمر بسلام اعترف بيني وبين نفسي بالأمر ده وأشغل نفسي بامور تنفعني نفسيا وصحيا دينيا ودنيويا اهتم بنفسي من بره ومن جوه ودا كله اسمه باشتغل علي نفسي واني احسن من جوده حياتي للافضل

طول ماانتي حاطة فدماغك فكره ايا كانت بتجاهدي نفسك عشان تطلعيها من دماغك او تنسيها فمجهودك ده هيثبتها اكتر

انما الخوف فالعموم فبيكون اما خوف وهمي ودا بكون خايف من حاجة متخيلها وملهاش إثبات او خوف فعلي ودا واقعي له إثبات ودليل ودا يمكن التعامل معاه

لو الرعشة انت فقط اللي حاسس بيها بتكون اثر شدة الاعصاب او زيادة العصبية وممكن هنا نتعامل مع الغضب الواقع وازاي اديره

لو الرعشة ملحوظة جامد ومأثرة عليك لازم مراجعة طبيب اعصاب

شايفه ممكن تعملي ده ازاي؟

ايه المواقف اللي بيزيد فيها؟

الاحساس اللي عندك طبيعي جدا بس ممكن مسمياه جواكي غلط انك متعلقه بيه كشخص مش كمدرس ودا عشان انتي لسه قايله أنا متعلقات بحد غير عيلتي يعني لسه مفيش خبره فالعلاقات ومسمياتها جواكي حاجة جديدة عليكي وانتي لسه قايله بردوا ان صاحبتك مصاحبة يعني بيكون عندك فضول تحسي نفس المشاعر وتجربيها حتي من طرفك انتي

انتي اكتر حد تعرفي عن حياتك فتدوري جواكي ايه بيبسطك ايه بيحسسك بالإنجاز اي بيشعرك بالقيمه

حلو انك عارفة احساس الامان بالنسبة ليكي ايه دا يخليكي تحاولي تفهمي نفسك زيادة اقري عن الاحتياجات وهل هيا ملباه ولا لأ وتقدري تلبيها ازاي بطرق آمنة سليمة

انتي مش قادرة تواجهيها وهيا متغيرتش دورك انتي معاكي ايه ايه اللي ممكن تقدري تغيريه فيخليكي احسن

ممكن تستشيريه فالتشخيص ليكي بالتحديد او تستشيري طبيب آخر ليكي

معاكي طبعا ممكن تتواصلي معايا خاص

افهم الشعور جاي ليه كل شعور ليه رسالة

اشوف نقط القوة الموجودة هنا ودلوقتي فحياتي وأمسك فيها وأقويها كمان واكون واعية بيها

ممكن يكون اللي انتي واصله ليه دلوقتي من اثر الانتقاد الزائد اللي تعرضتيله فنعود نشتغل علي الصورة الذاتية لنفسك

من ضمن كلامك احد الحلول لعلاج مشاعرك الملغبطةوهو انك تقولي لنفسك كلام حلو واقعي مش تضحكي على نفسك لغة الإنسان لنفسه بتفرق جدا في رفع معنوياته ورفع مستوي الثقة بالنفس

اوصفيلي الفتاة التي تتمني ان تكون أنتِ🌷

ولو عملت الخطوات دي ومعرفتش ممكن تحتاج مساعدة ان متخصص يمشي معاك خطوات فعليه

اي مهارة جديدة وبالذات اما تكون هتاخد مسار تغيير فالأفكار بتكون صعبة فالاول بتعوز أتعلمها وأطبقها واستمر عليها فتره وهتلاقي النتيجة ان شاء الله

مدام في دكتور كتب علاج يبقي حالتك محتاجة ده ممكن ترجعي تناقشي الدكتور فالأعراض والمخاوف اللي عندك

https://www.facebook.com/share/r/aA1gdMFZxdGHig9P/?mibextid=8O0DfK

تمام أنا فاهمه حضرتك بس حضرتك بتقول حاولت اشغل نفسي بحاجة تانيه عن التفكير فالأولي الأفضل ندّي نفسنا فرصه نهدي من جوانا شويه نعرف محتاجين ايه وكل ده اما يكون تحت مظلة المسؤلية وأخذ خطوات جدية بيكون افضل وربنا يوفقك فالاختيارواخذ القرار الافضل والمناسب ليك

ولو احتاجتي اي دعم أنا موجودة للمسانده🌷