Adam Zayn

أولا ، اهتمي بشكلك ونضافتك ولبسك. ده اول الطريق لحب الذات ثانيا، اقرأي عن تطوير الذات وعن مشاريع صغيره تقدري تبدأي فيهم في البيت لان دول هيضيفوا Sense of accomplishment أو احساس الانجاز في انك بدأتي مشروع صغير تربحي منه. ثالثاً بقه. ينحرق الناس كله، متجريش ورا رضا الناس لأن غاية الناس لا تدرك فا هما في الحلو هيتكلموا وفي الوحش هيتكلموا. فا فاكس منهم

من ناحية الاختيارات ، لازم تعرفي عيوب الشخص/ الشئ قبل مميزاته عشان تقدري تتعاملي مع العيوب دول وخدي وقتك في الموضوع ده لان الاستعجال هيكون غلطة كبيرة هنا.

بص ، الناس دايما بتحب تتلم حوالين الشخص المحبوب الناجح. في الحالة دي انت فعلا محتاج تشتغل علي نفسك وتبني كارير ناجح وتهتم بلبسك وشكلك ونضافتك لان دول عوامل أساسية عشان تجذب الناس ليك ، وكمان لو هما عندك على الفيس او الانستغرام ، اعملهم انفريند أو unfollow وشوف ناس تانية. صدقني ، نفسيتك هتتحسن لما تبعد عنهم و ده عن تجربة

بص ، طالما هي اللي اختارت كده. خلاص اختار أن انت تبعد انت كمان، لأن انت كده بتتذلل قدامها. ودي مش حلوة في حقك. انت عملت اللي عليك وهي مقدرتش ده، خلاص ابعد عنها. مصيرك هتلاقي واحده احلي منها

ان انتي تفركشي وتخطبي بعدها بأسبوع غلط تماماً ، المفروض تدي لنفسك وقت طويل تتعافي من الانفصال وتحسني من نفسيتك اكتر. وطالما الشخص ده كويس ومحترم وفيه صفات نادره جدا وبيحبك وبيحترمك فعلاً ، اخطبيه . لان انتي لو بعدي عنه هييجي شخص صفاته مش احسن حاجة ليكي. وحاولي أثناء الخطوبة تحسني من نفسيتك والكارير بتاعك ودراستك وعلاقتك مع ربنا.