مروى حافظ

اولا انت محتاج تعرف احساسك الخوف بدأ معاك من امتى و هل فيه موقف اتعرضت له سبب عندك الخوف من المواجهه؟ لكن بغض النظر عن الأسباب انت محتاج تعزز ثقتك في نفسك و تواجه مخاوفك لذلك انت محتاج مساعده من متخصص يرشدك لكيفية السيطره على خوفك

احساسك طبيعي جدا صعب اننا نتخيل واحده تاخد مكان والدتنا و تشاركنا في أبونا. اولا القرار انه يتجوز صح جدا متبصيش في دلوقتي بصي لبعدين والدك محتاج ونس معاه واحده تشيله لما يكبر لان لو فضل لوحده انتي طبيعي لازم تتحملي مسؤليته افرضي ظروفك مسمحتش وقتها حتتصرفي ازاي يبقى الجواز انسب حاجه ليه. تما بالنسبه لتفكيرك هل زوجته حتكون سيئه او لا دي حاجه في علم الغيب و بلاش تفرضي سوء النيه المهم انتي عامليها بما يرضي الله و احتويها و لو حصل مشاكل تعاملي مع المشكله بدبلوماسيه او تجنبيها مؤقتا بس اوعي تبعدي عن والدك او يحس انك نافره منه

ابنتي العزيزه طبيعي اللي انتي بتمري بيه مش غلط ان ييجي وقت تفقد فيه الشفف بالحياه و كل ما فيها لكن الغلط اننا نستسلم الحمد لله انتي حياتك كويسه و دي أهم حاجه اقري قرآن كتير و سبحي و واظبي على الصلاه و ابتدي فكري تعملي حاجات تحبيها اعملي قائمه يوميه بأنشطه مختلفه مثلا تعملي اكله، تهتمي ببشرتك، تشوفي ايه هواياتك و تشتغلي عليها، قربي من ماما و بابا و افتحي معاهم طريق للحوار

نصيحه مني لازم تتابعي مع دكتور انتي شخصيه حساسه و ده أثر على صحتك الجسديه ابعدي عن أي ضغط و نتستسلميش لحاله اللي انتي فيها و مستنيش مساعدة من حد ساعدي نفسي بنفسك و الجاي لشخص مختص

بصي يا حبيبتي اولا طبعا انا حاسه بيكي وحاسه باللي انت بتمري بيه بس انا في حاجتين عايزه اقولهم لك اولا محدش فينا بيختار اهله. احنا ربنا اتولد عندنا اب بيبقى عندنا ام بغض النظر الاب شكله ايه او امنا هي ربتنا ازاي وبتتعمل ازاي محدش بيختار ما عندناش رفاهيه الاختيار فلازم نتقبلهم على حالهم في حاجه كمان بقى النقطه الثانيه بس ديت عايزه ده تعليق من اللي انت كاتباه انت بتقولي ان باباكي حنين معاكي وبيتعامل معاكي كويس فهو من اللي انا فهمته من كلامك ان هو ما قصرش عليك في حاجه وحشه او هو معاملته لك ما كانتش وحشه كان بيتعامل معك كويس مشكلته كلها كانت مع اخوك باباكي متدين شويه ومتحفظ ااا انا مش شايفه ان ده حاجه غلط ما دام ما جاش عليك ما قصرش عليك بالسلب انت هل هي مشكلتك لو مشكلتك اخوكي ولا اخوكي مر بيه واللي باباك عمله معاه اولا انا عايزاك تبصي من ناحيه ابوه ابوكي مش قاسي ابوكي مش انسان وحش ده اب شاف ابنه ااا بياذي نفسه وبيضر نفسه ورايح للتهلكه هو لازم يوقفه لازم يبقى في راضع له اخوكي كان بيضيع نفسه وبينتحر بال. دي وصل لمرحله ان ان الموضوع لحد دماغه انه اثر على مامته رفع عليها السكينه وسرق ذهبها فانت لو بصيتي لها من الجانب دوت هتعذري باباكي ومامتك هتقدري اللي عملوه عشان اخوك لكن لو الفكره الموضوع لسه ماثر عليك انت حاولي على قد ما تقدري ان انت تتخطي الموضوع دوت تبصي للجوانب الكويس شوفي ماما وبابا بس بيمثلوا لك ايه في حياتك قصروا عليك ازاي عملوا معاكي ايه حلو الوحش اللي تفكري فيه حاولي تخليه يخرج من جواكي طلعي مشاعر اللي جواك ماما وبابا مش عيب انك تكلمي معاهم دلوقتي وتطلعي تفرغي مشاعر السلبيه اللي جواكي والوجع اللي جواكي انت بتقولي ان اخوك بقى كويس يعني معنى كده برده هرجع اقول ان هم كانوا بيعملوا كده خوفا عليه باباك عمل كده خوفا عليه اجابتي لك باللي انت بتقوليه ان باباكي ما اذكيش في حاجه كان حنين عليك ومشكلته ان هو كان معاملته مع اخوك لكن اي تصرفات سلبيه انت شفتيها في البيت لازم تتخطيها اشتغلي على نفسك همم افرضي دايما وبصي ان ربنا ما بيعملش حاجه وحشه وان احنا دائما ربنا بيبتلينا عشان يختبر ايماننا وصبرنا بنتعلم علشان نقف على رجلينا اي درس او اي موقف وحش.

حقيقي صاحبتك محظوظه بيكي لانه مش سهل الواحد يلاقي صديق مخلص و دي فرصه لازم تستغليها دايما شجعيها و عززي ثقتها في نفسها فكرتها بالحاجات الحلوه اللي فيها خليها تكتشف امكانياتها بتحب ايه، هوايتها ايه حاولي تشغليها على ادي ما تقدري و لازم تفهم ان في الاخر ملهاش غير نفسها لازم تهتم بيها، تشتغل على نفسها ممكن كمان تخليها تكتب كل المشاعر اللي مكتومه جواها كأداه لتفريغ مشاعر الغضب و الألم اللي جواها

السلام عليكم الموضوع دوت لو من فتره قريبه فقط حضراتكم في البيت لازم تشوفوا ايه اللي حصل جديد في البيت؟ هل في مواقف معينه حصلت البنت تعرضت لها هل البنت بتمسك الموبايل كثير شافت حاجات المفروض ما كانتش تشوفها طيب العلاقه مثلا بين الاب والام في خلافات بينهم احنا ساعات احنا كامهات واابهات غصبا عننا بيجي علينا موقف اييي نغضب ونزعل وممكن نقول كلام مش كويس او نشتم في حد او نجذب دوت بيبقى غصب عننا وبنبقى ساعتها فقدنا اعصابنا هل البنت شافت موقف زي دوت من حد كبير؟ او ابسط حاجه ان الاب والام ياخدوا البنت يلا نصلي سوا ايه رايك تعالي نتوضا تعالي نقرا مع بعض قران بالراحه من غير ما نقول لها لا ده غلط وازاي تعملي كده وما يصحش تقولي كده وحرام وربنا هيدخلك النار لان هي مش فاهمه لسه البنت ست سنين بتكون فكره عن الحلال والحرام فما ينفعش ان انا اخضها وما دام الموضوع ده يعني بقى له فتره قليله يبقى احنا نقدر نعالجه بسرعه نقرب البنت مننا لو هي بتقول انها خايفه على مامتها.

ده طبيعي جدا في مرحلة المراهقة بسبب التغيرات الفسيولوجيه اللي بتمر علينا. متحسسوش انه عمل خطأ شنيع احتويه و قربه منك و انصحه بطريق غير مباشر و مينفعش تقوله لا بدون إبداء أسباب خليه يثق فيك و يحكيلك كل حاجه. حاول تقوله امثله مختلفه لنفسك موقفه و خليه يقولك رأيه كأنك بتعكس الأدوار

مش غلط ان الانسان يشتغل حاجه مش بيحبها كل طريق بنمشيه في حياتنا بيعتبر درس لازم نتعلم منه اؤمني بقدراتك و دايما ادي لنفسك دافع و قوه انك تقدري تعملي بجد لازم يكون عندك ثقه في نفسك و اسألي الناس اللي معاكي من غير قلق أو كسوف طبيعي انتي لسه في الأول و محتاجه تفهمي اوعي تحسي انك أقل من اللي حواليكي خلي دايما راسك لفوق

معالج نفسي/لايف كوتش

خدي وقتك و فكري بعقلانية و ربنا معاكي