The secret girl

بصي اللي عملتيه ده مش مبرر لصغر سنك ممكن نقول انك مكنتيش فاهمه ساعتها بس حاليا فيه مشكله وان الولد ده طلع عليكي سمعه وحشه واللي مفروض تعمليه حالا انك تنفي كل ده انك علي الاقل تلاقيه صديقه ليكي او اتنين من الفرقه يقفوا معاكي ويبقوا قادرين انهم يقولوا الحقيقه ، خوفك من أهلك ده عامل حاجز كبير جدا ومهما مين قالك هيبقي صعب عليك تروحي تقوليلهم حاجه زي دي بس لازم تواجيهم بحاجه زي دي مهما كانت العواقب لأن لو حد جه من بره وقولهم حاجه زي دي مش هيثقوا فيكي ابدا واحتمال يعاقبوكي عقاب تلومي نفسك عليه باقي حياتك اول حاجه في ايدك حالا انك تبرئ نفسك قدام باقي جروب الفرقه لأن ده حقك انتي ممكن تقولي للمدرب وتفهميه علي كل حاجه وتخليه يساعدك ولو هو كويس فعلا هيساعدك ولو الولد ده في نفس الفرقه لسه تتفقي مع المدرب أنه يبقي قريب وتروحي تكلميه مثلا وتقوليله انت ليه عملت كده وانا معملتش حاجه وتسجليله وتسمعي التسجيل ده لكل جروب الفرقه وعلي الاقل علشان هو بأخلاقه دي اكيد مش اول مره يتمادي مع بنت كده واكيد هو مش طبيعي ف انتي في ايدك انك تقولي للناس الحقيقه وتبرئ نفسك وفي نفس الوقت تحمي اي بنت من أنها يحصل معاها اي حاجه زي كده ومش هقولك اكيد انك مش غلطانه اكيد انتي غلطانه وهو غلطان واكيد فيه سبب أنه يعمل كده ، لبس ملفت ، طريقه فتحتله المجال لكده ، كلامك معاه بدون مبرر او سبب واجب عليكي بس المهم حالا أن رب الخير لا يأتي إلا بالخير ويمكن ربنا سترها المره دي علشان يعلمك الدرس علشان لو كنتي لسه عارفه الولد ده او كنتوا لسه بتتكلموا كان حصل الاسوأ بس الحمد لله ربنا رحيم بعباده قربي من ربنا وحاولي تصلي وتنتظمي في الصلاه وتدعي ربنا أنه يغفرلك ويغيرك للاحسن ، عارفه انك ممكن تكوني مصدومه أو في حاله صدمه من اللي حصلك ف لازم تتكلمي مع حد وان مكنش دكتور نفسي يبقي حد انتي بتثقي فيه ونصيحه بلاش اي حد بره مامتك أو باباكي أو حد من اخواتك لأن أي حد تاني ممكن يستغل ده ضدك في أي وقت هو عايز يلوي دراعك بيه وحاولي تتكلمي مع أهلك في اقرب وقت لأن انتي مش عارفه ممكن حد يقولهم من بره وممكن يقول ايه ويخبي ايه حاولي تتكلمي مع مامتك الاول حتي لو انتي خايفه اكسري حاجز الخوف ده علشان متخسريش أهلك بجد واتوضي وصلي ركعتين لله واحكي لربنا كل اللي في قلبك وربنا اكيد هيدلك للطريق الصحيح وهيبعد عنك كل شر ويخفف عنك ، ثقي في ربنا ، ربنا وعدنا أنه لا يرد دعوه مظلوم ولا يكسر بخاطر عباده ، ومتنسيش كل ده واوعي ترجعي تاني لاي حاجه من دي ولا تصاحبي ولاد ولا تتعاملي معاهم حتي بحسن نيه انهم كإخواتك أو اصدقائك او ما الي ذلك ، ربنا أمرنا بالاحتشام والبعد عن خطوات الشيطان وحرم علينا حاجات كتيره لانه عارف ايه عواقبها ربنا خايف علي عباده مش بيأذيهم بحاجه بعدها عنهم ابدا .

اوقات بيجي ناس احنا شايفين انهم مناسبين في أوقات غير مناسبه ممكن احنا بتكون ضعاف فيها ممكن مكسورين أو مرينا فيها بحاجات مأثره علي نفسيتنا ف مجرد أن شخص يظهر في الوقت ده من حياتك وارد جدا انك تتعلقي بالشخص ده ف انتي مهما بتمري بحاجات وتحسين انك خلاص نسيتيه بترجعي تاني لان الموضوع لسه فيه شباك مفتوح بالرغم من انك قفلتي الباب وحسيتي أن ده كفايه وان الشباك ده مش هيأثر ، الشباك اثر معاكي في مشاعرك حاليا انت مش واحشك الشخص انتي واحشك الشعور اللي انتي مفتقداه وده صعب جدا انك تتخطيه بس مش مستحيل انتي حاسه ان فيه فراغ في جزء معين في حياتك وده مأثر عليكي حتي لو مش حاسه بس لازم تكوني عارفه أنه لو كان خيرا لبقي وربنا مش بيظلم عبد من عباده ابدا بس انتي ارضي وربنا هيوريكي عجائب الدنيا في رزقه متهربيش من المشكله علشان مسيرك هترجعي تاني لنفس نقطه البدايه واجهي المشكله بأنك تبدأي وتفهمي نفسك انتي وتبقي عارفه ومقتنعه انك ايوه ممكن تزعلي بس الزعل ده ميطولش معاكي اكتر من يومين تلاته لأن وقتك ده انتي أولي بيه من انك تزعلي علي اي حاجه او حتي اي شخص والقرب من ربنا تخفيف من الهموم ومن كل حزن حاولي تقربي من ربنا وادعيه بكل اللي في قلبك وهتلاقي نفسك بقيتي احسن وتحسي أن ربنا بيبعدك عن أي كسره او اي مشكله او الذي ممكن يحصلك

المشكله دايما بتبدأ في العقل وتنتهي فيه يعني انت شايف نفسك انك مش بتعرف تتعامل ولا تتكلم مع الناس لانك بتقنع نفسك بده لازم تبطل تقنع نفسك وتسستم نفسك انك فعلا مش بتعرف تتعامل مع الناس بطل تقول لنفسك كده ابدأ والتعامل مع الناس بدون تفكير أو توتر هتلاقيه بتتعتمل عادي انا مريت بحاجه شبه كده وفاهمه كلامك كويس ومن حيث الطموح ممكن تكون انت نفسك مش فاهم نفسك انت محتاج قبل كل حاجه تفهم نفسك ودي رحله طويله شويه بس رحله تستاهل بصراحه وهتغير مفهومك من حيث حاجات كتيره اوي لما تفهم نفسك هتعرف انت بتحب ايه وعايز تعمل ايه وتكمل فيه ومن غير م انت تحس هتلاقي انك عايز تعمل الحاجه دي لانها بقت شغف وكونت طموح وامل عندك و ممكن علشان تحاول تفهم نفسك اكتر في بودكاستات تحفه علي اليوتيوب ممكن تنزلهم صوت وتسمعهم في أي وقت وأي مكان زي بودكاست ايه المشكله / وعي وحاجات كتيره اوي تانيه هيساعدوك تفهم نفسك بطريقه مبسطه وتلاقي النقط بتتحط علي الحروف لوحدها وقبل كل حاجه لازم تحسن علاقتك بربنا وتتقرب منه وادعيه بكل اللي في قلبك ربنا مش بيظلم ولا بيكسر بخاطر عبد من عباده ابدا قرب منه بس وادعيله وانت هنشوف المعجزات واللي كنت بتقول عليه مستحيل بيتحقق قدامك بقدره ربنا ، ثق في ربك ثم في نفسك انك تقدر

عارف انت فاكر المشكله من بره بس اللي انت مش واخد بالك منه أن المشكله من جواك من الطفل اللي جواك اللي شال مسؤوليه في وقت مش متدارج فيه أن الأطفال في السن ده يشيلوا مسؤوليه دي مش حاجه وحشه بالعكس بس برضو فيه حته جواك مش موجوده انت مفتقدها مفتقد انك معشتش طفولتك صح كانوا الاطفال بيلعبوا بس انت بتشتغل ، الطفل ده ممكن يكون صحي حالا لازم تفهمه وان ملهوش ذنب في ده كله زي م انت حاليا ملكاش ذنب فيه بس ممكن مثلا فكره انك مكنتش لاقي حد يوجهك صح او يقف جمبك وينصحك ممكن تكون دي اثرت فيك ، بس ملحوقه مفيش حاجه ضاعت ولا حاجه انت عندك 27 سنه مش كبير يعني بتقوله كده كأنه رقم ناس كبار في السن انت لسه شاب والرزق والخير ده بإيد ربنا وحده لا كان بإيدك ولا بإيد اي حد من عباده ، فيه مصطلح اسمه "الاحتراق الداخلي" ده بتكون انت مريت بحاجات كتيره الحاجات دي اثرت فيك وفي نفس الوقت انت متدهاش وقت علشان تتخلص من آثارها ونتائجها ف ده اثر عليك بالسلب ممكن تكون بقيت عصبي شويه وشويه صفات اتغيرت فيك بس ده مش بإيدك بس اللي في ايدك بجد انك تبدأ تاني وتحاول وتجربة وتعافر مع الدنيا تاني ونالت ورابع اجمد كده يا بطل انا عارفه انك مبقتش قادر وانطفيت بس ابدأ تاني وانت فاهم بقا وعندك خبره من اللي فات ابدأ انك تفهم نفسك جرب شغل تاني ودور علي حاجه انت بتحبها بجد وكمل فيها دور علي حاجه متبقاش متضايق وانت رايح تعملها بل بالعكس انك تبقي حابب تروح تعملها علشان انت بتحب الحاجه دي وانت اللي مختارها وصلي وادعي ربنا دايما هو الغفور الرحيم ارجعله وادعليله بكل اللي في قلبك ربنا وعدنا أنه ميردش عبد من عباده ابدا ادعيله بكل حاجه نفسك فيها فالدعاء بيغير الأقدار

ده طبيعي جدا وفي حالتك انك لسه صغير الي حد ما وشايل بيت كامل وأخواتك ومسؤليه كبيره عليك ف أنت هتحس بده بس في نفس الوقت متخليش ده يأثر عليك بالدرجه دي حاول تقرب من ربنا اكتر صلي وانت ساجد بين ايدين ربنا ادعي ادعي بأي حاجه انت عايزها ، احكي لربنا اللي في قلبك وكل اللي انت سائله فوق كتافك وعيط ده اكيد هيخفف عنك كتير ، واعرف حاجه دايما أن أهل بيتك مش عايشين حاليا ولا كويسين كده بسببك لكن ده بسبب ربنا ، انت سبب بس لكن المسبب فوق هو اللي دبر ده كله متنساش أن ربنا مش بينسي عبد من عباده ابدا وبص حوليك هتلاقي مطلقه بس ربنا رازقها بشغل ، ارمله ربنا رازقها بإبن يخفف عنها ويساعدها ، ناس بسيطه ومديونه لكنهم راضيين وسعداء ربنا بيراضي دايما بس انت عليك الصبر بس ، وبعدين يا عم انت اصلا 18 سنه يعني لسه صغير وقاعد علي قلب اهلك اهوه هتروح فين يعني ، أن شاء الله خير متخفش ربنا المدبر ف مش هينسي عباده

حاولي تستخيري ربنا الاول قبل اي حاجه او اي قرار وشوفي نيتك هتبقي ايه من ناحيته وحاولي تتكلمي مع حد اكبر منك بتثقي فيه مع مامتك مثلا او اختك او باباكي بس بلاش يخرج بره دول بلاش قرايبك مش قصدي حاجه بس ده الاحسن وهو عليه أنه يحاول مع أهلك ويجي يتقدملك تاني ويبرأ نفسه قدام اهلك ويقولهم الحقيقه ويبينلهم أنه فعلا كويس ويحاول مره واتنين وتلاوته ومييأسش فعلا لو هو شاريكي ومتأخريش الوقت اكتر ولا يقولك محتاج وقت ولا اكتر بعد م يخرج ب شهر بالكتير اوي ويجي يتقدملك بس انتي قبليها حاولي تمهدي الموضوع لأهلك

حاولي تستغلي رمضان بأنك تبدأي من بعد العشاء وتذاكري الساعه 4 مثلا وتكوني محدده اللي هتذاكريه ولو تقدري تحددي وقت المذاكره للاجزاء نفسها ده كويس وبعدين صلي الفجر ونامي لغايت الساعه 9.5 أو 10 واصحي روحي دروسك لو جيتي مثلا قبل الفطار بشويه ممكن تحلي في الوقت ده وانصحك بلاش انك تذاكري جديد في الوقت ده لان تركيزك بيبقي صفر تقريبا وافطري واقعدي مع عيلتك شويه وبعدين صلي العشاء والتراويح وادعي كتير ومتنسناش معاكي وابدأي تاني ، وربنا معاكي يا بطله وانتي قدها ...🤍

يمكن الكلام ده انت تشوفه صعب انك تتقبله بس ممكن كره القدم دي مش خير ليك أو ربنا مش كاتبلك الخير فيها ، صلي صلاه استماره بنيه الفرج وادعي ربك أنه يوصلك للطريق الصحيح وان لو ملكاش خير في الرياضه دي ربنا يصرف قلبك عنها ويهديك لطريقك الاحسن يمكن ربنا واضعلك الخير في مكان تاني بس انت مش شايف الخير ده متيأسش عافر وربنا مش هيسيبك لما يلاقيك بتعافر بجد ...

بصي انا حاسه بيكي اوي وفهماكي ممكن تكوني بتدوري علي فارس الاحلام زي م كنا بنسمع في الروايات والقصص وكده ودي مش حاجه وحشه بس في نفس الوقت عايزاكي تعرفي أن الشخص المناسب لما يجي كل المعايير دي هتختفي حتي ولو كان فيه صفات عكس اللي انتي كنتي بتضوري عليها اصلا ، عايزه اقولك أن الحب مش كل حاجه الاحترام اهم ، العشره اهم ، التفاهم اقوي، دي حاجات مهمه جدا في اي علاقه الحب مهم بس دول اهم ، الحاجات دي زي الشراره الأولي اللي بتولع والحب مجرد الحطب اللي بنحطه علشان النار متطفيش ، ادي نفسك فرصه كمان حاولي تتكلمي اكتر معاه ادي نفسك مثلا deadline لغايت م ينزل إجازته الجايه ولو مفيش حاجه اتغيرت أو انك لسه حاسه بنفس الشعور اتكلمي معاه هو قوليله انك حاسه بإيه علشان متظلمهوش معاكي وفي نفس الوقت انتي متتظلميش، فهميه في الاول انك متلغبطه وفيه مشاعر داخله في بعضها ومش عارفه تعملي ايه متتردديش في حاجه زي دي ، في المستقبل القريب أن شاء الله لو ربنا أراد ده هيبقي زوجك هتبقوا مع بعض في كل حاجه في وقت الزعل والفرح وقت الجد والهزار و وقت المشاكل الصغيره قبل المشاكل الكبيره فكري كويس ومتقوليش خلاص محدش فاهمني وتبيعي القضيه لا متتظلميش نفسك ابدا وواظبي علي الصلاه والدعاء لربنا بنيه أنه يبينلك الخير ليكي وصلي استخاره ادعي ربنا أنه لو مكنش خير ليكي يبعده عنك ويلهمك الصواب والطريق الصحيح ليه دايما وأنه لو خير ليكي يثبت قلبك من ناحيته وربنا مش بينسي اي عبد من عباده ، ربنا أمرنا بالدعاء ادعي ومتيأسيش بس ...🤍

محمد الفرماوي وده يوتيوبر وحسن محتواه بدرجه كبيره وبيرد علي الاسئله اللي بتجيله وبيرد علي التمرينات المنتشره وبيفهمك حاجات كتيره في الدين فهو حد كويس فعلا ممكن تتابعيه.

سندريلا سيكرت كتاب تحفي وعلفكره مش للبنات بس ممكن تلاقي اسمه بناتي شويه لكن هو بيحل مشاكل كتير ومشاكل نفسيه وكتاب بصراحه اقل ما يقال عنه تحفه " بإختصاؤر يعني لوز اللوز 😂 "

يمكن حاله صدمه من الخبر ، أو كان متعلق بأخوه لدرجه انه مش عايز يتقبل الواقع أنه خلاص مش هيشوفه تاني ، حاولي تكلميه كتير تملي اي وقت فاضي ممكن يقعد فيه لوحده ويفكر في الموضوع ده ، لأنه اقل حاجه ممكن يعملها أنه يوصله لمرحله اكتئاب ، اتكلمي معاه حسسيه انك جمبه دايما ، اتكلمي معاه وقوليله انا فاهمه شعورك وحاسه انك تايه ومتلغبط بس انا معاك ، اتكلم معايا قولي حاسس بإيه لو حابب تحكي اي حاجه في اي وقت كلمني بس وانا في استعداد اني اسمعك ، حساسيه بالأمان فعلا أنه يجي ويحكيلك اي حاجه واي شعور يجيله ، ومتستهتريش ابدا بمشاعره لأن الموقف عامل زي الاوضه المقفوله اللي جوه الاوضه مش زي اللي خارجها ، حاولي تخرجه من الاوضه دي وتفهميه اكتر يمكن يتحسن فعلا.

حاول تكتشف نفسك اكتر ، اتعرف علي نفسك ، كون صداقه مع نفسك ، اعرف مين هو فعلا مصطفي ، يمكن تكون دي حاجه غريبه بس احنا محتاجين نعرف نفسنا فعلا ، دور علي الهوايات اللي كنت بتحبها زمان وكنت متعود تعملها ، استرجع زكرياتك مع نفسك ، لو مش فاكر أو معندكاش هوايات عادي ، اعمل هوايات جديده ، جرب اي حاجه ، اي رياضه ، اي هوايه ، لغايت م تلاقي هوايه فعلا انت مبسوط فيها وحابب انك تكمل فيها ، نزل برنامج لياقه بدنيه وامشي علي التمرينات ، نزل كتب او روايات pdf واقرأهم ، اكتب يومياتك مثلا ده هيفيدك جدا ، خصص يوم تتفرج فيه علي فيلم مع عيلتك أو تعزم صاحب عندك في يوم وتقضوا اليوم مع بعض مجرد انكوا بتهزروا وتضحكوا وتقضوا وقت حلو مع بعض مش اكتر ، اهم حاجه ممكن توصلك لده فعلا انك تفهم وتعرف نفسك ، ونصيحه اخيره لو انت بعيد عن ربنا قرب من ربنا وصلي وادعي وهتلاقي ابواب الدنيا كلها بتتفتح في وشك والدنيا ماشيه معاك " زي الحلاوه في السكينه ".

ممكن تكوني بتمري حاليا بفتره ضغط فده ممكن اللي يكون موصلك الشعور ده بس اعرفي اللي حوليكي ملهموش ذنب في ده ، اعملي حدود في التعامل مع الناس يعني مش لازم علشان تبقي مدايقه أو مخنوقه انك تأثري علي اللي حواليكي وتكلميهم بطريقه مش كويسه تأثر عليهم وتخاليهم يتضايقوا ، افهمي نفسك وتعرفي انك في حاله مش كويسه وتفهمي ده مع نفسك وحاولي تمري بيها وتصلي تاني وحاولي علي قد م تقدري انك تواظبي ومتسبيش فرض يمكن ده سبب خنقتك فعلا وانك تحسي بكده

بص هو انا شايفه أن المشكله نفسيه اكتر ، ممكن نقسمهم لتلات أشخاص "اسلام الطفل" "اسلام المراهق " " اسلام " - اسلام الطفل اتعرض لصدمات كتيره أثرت علي طفولته منها عنف أسري ، قله احتواء ، جفاف مشاعر واكيد الحاجات دي أثرت علي طفل مش فاهم اصلا حاجه في الدنيا لسه ف اكيد دي عملت بدايه الفجوه في عدم فهمك أو معرفتك الكويسه لنفسك وعملتلك شظيه أو بدايه للاكتئاب واللي اترتب عليه ، عايزاك تعرف أن اسلام الطفل ملهوش اي ذنب في اللي حصل وعايزاه ميلومش اللي حوليه علشان اللي حصل حصل وخلاص الوقت عدي ولازم هو يتحمل مسؤوليته أنه ياخد قراراته بعدين وأنه هو يبقي المؤثر الوحيد اللي في حياته حاليا وبعدين ويحاول يتعافي من صدمات الطفوله اللي حصلتله - اسلام المراهق هو اسلام في مرحله بعد الطفوله اللي كمل بعد العنف الأسري ونقص الحنان وقله المشاعر ف اتعامل كرد فعل أنه يبقي عنيف أو غشيم في تصرفاته عدت الأوقات ومن كرم ربنا وكل الدعم لاسلام المراهق أنه متجهش لطريق يأذيه أو مستنقع يقع فيه وميعرفش يطلع منه ويدمر حياته الحاليه وينهي حياته الجايه ، اسلام المراهق مر بفتره صعبه كان محتاج يحس أنه متطمن ، يحس بالأمان ، و التشجيع في فتره معينه وهي فتره الثانويه وخصوصا 3 ثانوي بس اسلام ملقتش ده فتكونت عنده كلاكيع اكتر ، كانت الصدمات بتزيد عليه كل شويه ، بس اسلام المراهق كان ربنا مانحه قوه تحمل أو استيعاب للي بيحصل معاه فنجاه منها بدون الحمد لله - اسلام ده الشخص الحالي اللي اتكون بعد كل اللي عدي بيه اسلام الطفل واسلام المراهق بقي عنده صدمات كتيره ، بقي عنده قله ثقه في الناس ، بقي عنده عنف ناتج عن العنف اللي شافه بمعني اصح اسلام بقي 2 في واحد ، لتحاول تخفي جزء الطيبه والحنيه اللي جواك لانك شوفت عنف كتير من اقرب الناس ليك فعايز تخرج طاقتك السلبيه أو ضيقك بنفس الطريقه اللي شوفتها من والدك وانت مش واخد بالك ، بس خد بالك انت ممكن تبقي شبهه ، متخليش اللي حصل فيك أو اثر عليك يخليك تتحول لشخص لما تبص في المراه متعرفهوش ، لشخص انت كارهه تصرفاته بس مش عارف تغيره ، خليك انت الشخص الاحسن ، خليك اسلام اللي وقف علي رجليه لواحده وبدأها من الصفر بعد لحظه أنه افتكر أن كل حياته خلاص ضاعت وقف علي رجليه و اشتغل ودخل مصدر فلوس ليه وبقي انسان مسؤل ، اسلام اللي مر بكل ده قادر أنه يعدل كل ده ويشيل شويه بشويه السحابه اللي اتكونت جواه غطت علي اسلام الحقيقي ، خليك انت الايد اللي تعتمد لاسلام الطفل واسلام المراهق علشان تشجيعهم انهم يطلعوا للنور تأني ، خليك انت الايد الحنينه اللي اديك المشاعر الدافئه اللي تستحقها ، ساعد نفسك خليك انت في صف نفسك مش تقف معاهم ضدك ، عارفه أن ده صعف حاليا علي اسلام لانه الطوبه اللي اتكونت من رمل الذكريات مش هتنتهي في لحظه بس ممكن نرجع نفتت الطوبه دي واحده واحده علشان تتحول من تاني لرمل ويطير وتتخلص منه ، حاول تروح لدكتور نفسي جرب علي الاقل مش هتخسر حاجه ، انت جربت حاجات كتير انها تحسنك بس منفعتش يمكن ده اللي يجيب فايده ، روح عند دكتور حاول تتكلم معاه تحميله عن اسلام الطفل واسلام المراهق ، تحميله انت حاسس بإيه ، نفسك في ايه ، ويمكن بعد كده اسلام يعرف هو عايز ايه فعلا والرؤيه توضح قدامه ، فكر في نفسك أو علي الاقل في انك تتحسن علشان متعملش نفس اللي حصل فيك في عيالك في يوم من الايام ، وقرب من ربنا وصلي وادعيه وربنا مش هيسيبك وهيبعتلك السند اللي يقف معاه وتكمل حياته معاك وتبقي أحسن بكتير ، ثق في ربنا أنه ممكن يحسن حياتك ويرزقك الرزق الطيب اللي تفتخر انك انت اللي بتجيبه مش بتحتاج تمد ايك أو تذل نفسك علشانه ، ساعد نفسك انت محتاج بس أن حد يمدلك أيده وكون انت الشخص ده لما تبدأ اول خطوه وتبدأها بأنك تروح لشخص يساعدك فعلا ، شخص متخصص هيفهمك ويفهم انت حاسس بإيه فعلا.

ممكن تكون بتحن لبعض المشاعر بس المؤكد انك عايز تعرف السبب انها تبعد فجأه أو تتخطب لشخص تاني غيرك ، يمكن لما تعرف السبب وأنها هي اللي باعتك بدون سبب يمكن حبها يمشي من قلبك أو علي الاقل يقل ، اعرف انها اختارت شخص تاني عليك يعني شخص يكمل معاها حياتها وهي سعيده حاليا معاه وانت اللي بتتعذب تعتبر ضيعت من عمرك سنتين هباءا لانك بدأت الارتباط أو الحب بطريقه غلط ، وأولها انك ارتبطت بطريقه غير شرعيه بيها ، ربنا معانا عن ده لانه شايف أنه خير لينا مش عايز يعلق قلبنا بحاجه ممكن تجرحنا ، ربنا عارف وادرس بقلوبنا مننا عارف ان الانسان ضعيف علشان كده بعدنا عن الطريق ده خالص وبجد مدام انت كشخص توبت الي ربنا ولي امورك ليه وخليك انت من جواك عايز تنسي الفتره دي من حياتك وادعي وانت ساجد وعيط وطلع كل الطاقه السلبيه اللي جواك وانت بتحكي لربنا وعن انك فعلا توبت وندمان فعلا علي غلطك ، ابدأ صفحه جديده من حياتك من النهارده لا من الثانيه دي ، ابدأ تركز في حياتك انت اشغل يومك اتعرف علي صحاب جداد ، صحاب متدينين من اللي انتوا بتقعدوا ارحموا عليهم وتقوللهم " الشيخ كذا جه اهوه يا جماعه" اتعرف علي أشخاص يشدوك للخير ويبعدوك عن الشر مش العكس ، اخلص في عبادتك لربنا وبينبه انك توبت فعلا واتغيرت وعايز تبقي احسن ، أتعلم عن دينك واقرأ قرٱن يمكن لعل ايه من القرٱن تحدث وقعها في قلبك ف تثبتك علي اللي انت فيه وتبعدك اكتر عن اي طريق آخر ممكن تسلكه أو حتي تفكر فيه ، وربنا مش هينساك ابدأ هيبعتلك الشخص المناسب ليك ، اللي انت تستاهل بعد م اتغيرت وربنا شاف تغييرك ده فعلا ، هيبعتلك الشخص اللي يحثك فعلا علي الصبر وعباده ربنا و يقربك من ربنا اكتر ويبعدك عن اي معصيه ربنا سبحانه وتعالي قال في كتابه الكريم " أن الله مع الصابرين " فاصبر لعل الله يؤخر عنك ما تريده الان خيرا لك ، وثق في ربنا أنه مش هيسيبك لو انت مش عايز تسيب طريقه ، ثق في ربنا أنه ممكن يقلب حياتك ويبعدك عن ده كله ويغيرك 180 درجه ، ثق في ربنا.

بصي انا ممكن انصحك اول نصيحه انك تقربي من ربنا وتصلي الفروض في وقتها وانتي بتسجدي كلمي ربنا قوليله يا رب انا متعلقه بالشخص ده انا مش عارفهه هو خير ليا ولا لا يا رب لو كان خير ليا قربه مني في الحلال يا رب ولو كان شر ابعدني عنه وأبعده عني يا رب وعن تفكيري ، ربنا الوحيد اللي حاسس باللي جواكي وعارف انتي عايزه ايه بالظبط ، تاني نصيحه بقا ممكن انصحهالك انك لما تلاقيه بيعاملك ببرود افتكري دايما انك انسان ومتستحقيش كده انتي تستحقي أن أي حد مهما كان مين هو أنه يحترمك ابدأي حطي حدود مثلا اشغلي نفسك بأي حد غيره لما تتجمعوا مثلا كلمي اختك او اخوكي وانتوا قاعدين مع بعض حسسيه أنه مش موجود او مش مأثر عليكي وحاولي تقنعي عقلك بده عارفه أنه صعب بس حاولي علي الاقل ، اعملي حاجه بتحبيها أو أتعلمي مهارات جديده ، شوفي انتي كنتي بتحبي ايه وانتي صغيره وليكي شغف اتجاهه وابدأي أو حاولي تعمليه تاني ، اشغلي وقتك وأملي قلبك بالمشاعر اللي هو محتاجها علشان ميبقاش ذليل اي شعور بيجيله من بره من اي حد، ولو بجد هو ليه مشاعر اتجاهك أو ليه نيه بجد هيأخد الخطوه في الحلال غير كده يبقي بيتسلي مش اكتر ، عززي نفسك و عامليه بنفس البرود مش اكتر وحتي لو هتعيطي بعد م يمشي لكن تعرفي ساعتها انك عززتي نفسك وعلي الاقل ممكن يفكر ايه اللي غير طريقتها معايا ويفكر ويمكن لوحده يتغير معاكي وتبقي طريقته احسن ولو ده حصل اوعي تقبلي أنه ترتبطي بيه مثلا او اي كلام من ده ، هو عارف بيتكوا لو كان جد هيجي يتقدملك فعلا غير كده العديد عن اي حد ممكن يلعب بمشاعرك

حاولي تتكلمي مع مامتك أو باباكي اللي تحسي مثلا أنه ممكن يتفهم الموضوع شويه ويخفف عنك واحكيله ان حصل كذا كذا ومكنش بإيديك بس انتي ناويه أن شاء الله تركزي وهتأخدي الماده دي سمر وتجتهدي وتذاكر اكتر علي قد م تقدري وصلي استخاره وشوفي ربنا هيوجهك لانهي طريق علشان تبقي مستريحه وهتلاقيكي ساعتها مطمئنه وانتي بتاخدي الخطوه وهتحسي أن الباب مفتوح قدامك

يمكن ربنا شايلك الافضل وعايزك تصبري بس ، ربنا مش ناسي حد يمكن بس يأخرلك نصيبك علشان تحسي بقيمته بعدين ، يمكن الميعاد لسه مجاش علشان تقابلي الشخص اللي يستاهلك فعلا ، اصبري واستني كرم ربنا وهتتفاجئي باللي ربنا مخبيهولك

يمكن علشان دي حاجه مش منتشره في المجتمع بتاعنا شايفين أن مفيش حاجه اسمها تحسن صحتك النفسيه يعني انا لما اروح اتكلم مع الشخص الغريب ده واحكيله كل حاجه عن حياتي ومشاكلي هيقولي استني علاء الدين هيجي بالمصباح اهوه ويحللك مشاكلك نسبه من الناس شايفه أنهم مش هيستفادوا حاجه من الكلام مش هيحسوا بالتغيير لما يحكوا بس انا شايفه انك بتبقي احسن لما تحكي وتفرغ شحنه الطاقه السلبيه اللي جواك وفي حين انك بتتكلم مع شخص متخصص هيبقي فاهم اكتر انت ممكن تكون حاسس بإيه ممكن يوصلك انك تبقي احسن فعلا بس حاول ، المرض النفسي مش عيب ولا المعالجين النفسيين مجرد ناس بتسمع وخلاص ، حاول علشان نفسك المرادي يمكن تبقي احسن.

لأن ببساطه مش كل الناس هتفهمنا مش كل الناس هتفضل معانا يمكن هم مش خير فربنا بيبعدك عنهم بطريقته علشان ميكسرش قلبك ف قربي من ربنا اكتر وتعرفي انك مهما كنتي انتي كويسه بس يمكن ربنا عايزك تقربي منه اكتر وهو هيفتحلك الابواب كلها أن شاء الله

العفو وان شاء الله خير

بصي اول حاجه لازم تعرفيها انك مش السبب وتشيلي حته لوم نفسك دي من دماغك لان ده قضاء ربنا و ربنا كاتبه وانتي لسه متولدتيش اصلا و بعدين يا حبيبتي مش يمكن ده خير ليكي انت مش عارفه كان ممكن يحصل ايه بدل كده قولي الحمد لله ان ربنا رأف بيكي و رحمك والحمد لله محصلش اكتر من كده وتحمدي ربنا وتقربي منه ، ربنا احن علي العبد من اي حد ، هو اللي خلقك واعلم بحالك ، يمكن ربنا ابتلاني علشان عايزك تقربي منه اكتر ، صلي وقربي من ربنا و ادعي ، ادعي بكل اللي في قلبك ، وانتي ساجدك احكي لربنا كل حاجه في قلبك و قوليله علي كل اللي انتي نفسك فيه ، ادعيه بأي حاجه حتي لو انتي شايفاها مستحيله من وجهه نظرك ، ادعيه وقولي يا رب اتشفي يا رب حتي من غير م اغير مفصل انت قادر يا رب علي كل شئ ، قربي و ادعي كتير لان الحاجه الوحيده اللي ممكن تغير القدر هي الدعاء وصلي اهم حاجه الصلاه وانك تقربي من ربنا لأنه هو المنجي الوحيد ليكي من اي حاجه بجد

العفو يا حبيبتي

يمكن لانك شايفه أنه ممكن يكمل حته ناقصه جواكي أو بيحسسك بشعور انتي حاباه يمكن انتي مبهوره بس بس يمكن حاجات كتيره متوقفه عليكي وعلي مشاعرك اوقات بتحسي انك نسيتيه وخلاص بقا وأوقات تانيه ممكن تعيطي لمجرد انك عايزه تتكلمي معاه بس ، بس كل ده بيبان بالوقت واقنعي نفسك أنه لو كان شاريكي بجد أو مهتم انك علي الاقل تبقي في حياته مكنش وصلك للشعور ده لكن في فئه هي مجرد أنها عايزه تاخد كل الاهتمام بس تديه لناس معينه بس وليهم مصالح معاهم ف متحطيش نفسك في الدائره دي حاولي تلبي الشعور اللي ناقصك بجد بعيلتك ، بصحابك ، بنفسك انتي تقدري تعدي كل ده بس انت تقنعي نفسك من جوه انك تقدري بجد ومتستهونيش بنفسك في أي حاجه ، والله فتره وتعدي، هتعلم في قلبك شويه وهتأثر فيكي شويه بس هتعدي بس انت ثقي في ربنا ثم في نفسك انك تقدري تتخطي كل ده وبأقل خساير

يا رب اللهم امين

انت بدأت في طريقك اهوه حطيت رجلك علي اول خطوه حاول بقي متتجهش لاي اتجاه تاني يشدك احكم قلبك واشتغل بعقلك فكر أن اول حاجه هتساعدك في الموضوع ده هو قربك من ربنا ودعائك ليه ، الدعاء بيغير الأقدار ف متستهونش بيه ابدا ، وربنا اكيد حابب يديك فرصه انك تقرب منه اكتر "لا يحمل الله نفسا إلا وسعها " قرب من ربك وادعيه كتير واتوكل عليه طالما انت ماشي صح ومش بتعمل حاجه تغضب ربنا ربنا هيوفقك ويفتح ابواب الرزق ويجبر بخاطرك دايما ثق في ربنا و توكل

الوصول المشكله أول طريق الحل ليها انت عرفت اصل المشكله عندك ودي حاجه كويسه جدا حاول تبدأ بنفس راضيه وتبقي ماقبل كل اللي حوليك وكل اللي حصلك وكل اللي مريت بيه فعلا وابدأ تغير وتأثر انت مش تبقي دايما اللي بيقع عليك التأثير افهم نفسك اكتر وقرب من نفسك وحبها لأن ده اهم واحسن حاجه ممكن تعملها لها انت عنيت كتير وده مفروغ منه لكن كفايه بقا كفايا العمر اللي ضاع واعرف انك عمرك م كنت هتفهم الا بالطريقه دي لأن ربنا مش بيظلم عبد من عباده ابدا تقبل كل ده واعرف انك استفدت من ده حتي ولو بطريقه مش صحيحه ، عقلك بقا اكبر من ناس كتير اوي في نفس سنك ومدرك اللي حوليك اكتر ، ابدأ بنفسك وتوكل علي الله ، اخرج في يوم اتمشي في مكان لطيف وفكر مع نفسك انت عايز ايه خلاص اللي عدي عدي حالا ايه اللي انا عايزه وعايز اعمله في الاول هتبقي مشتت وده طبيعي جدا بس حاول وجرب مجالات جديده وهتلاقي مكانك اكيد في حاجه انت بتحبها واكيد هتبدع فيها اول خطوه انك تثق في ربنا وفي نفسك انك تقدر ...

العفو يا حبيبتي

بلاش انتي تتكلمي معاه علطول اول لما يطلع سبيه شويه ولو هو متكلمش معاكي ولا حاول أنه يفهمك اللي حصل اصلا ف لا خلاص هو كده قفلها من عنده

بصي يعني نصيحه ليكي سيبك من الموضوع ده خالص علشان ممكن انتي بس اللي تكوني بتخططي من ناحيتك لكن هو لا عارفه أن التعلق صعب وانه كمان كان جاي يتقدم لكن لو هو خير ليك اكيد ربنا مش هيبعده عنك ولو حصل ايه هتتجمعوا مع بعض تاني سبيها علي ربنا بس وحاولي تنسي اللي حصل ده كله ولو هو خير فعلا ربنا هيبين الحقيقه

بصي بصراحه انا من وجهه نظري انك تعرفيه بس انك لسه مستنياه وانك واقفه جمله لو هو شاريكي فعلا بس ابعدي عن جو انكوا ترجعوا مرتبطين وكده لانه اولا حرام ثانيا مش هينفعك بعد اللي حصل بل هيضرك وتنسب حل فعلا أنه يدخل البيت من بابه وبس

بصي مهما كنتوا متفاهمين أو هو بيسمعك الكلام ده محتاج انكوا تتكلموا وانتوا قصاد بعض ميبقاش في هروب من حاجات ايا كان الكلام اللي جواكوا بجد تصارحوا بيه بعض لو ينفع تسأليه أنه لو هينزل ولو يومين تلاته بي قريب وخلاص ده هيبقي احسن من انك تكلميه في الفون بي لو منفعش خليكي لآخر رمضان وقوليله بعد اسبوع العيد مثلا بس حاولي انتي من جواكي طالما انتي شايفه أنه شخص كويس وممكن يتحب بجد بس في نفس الوقت لو لا من جواكي يبقي لا متضوريش علي أي مبررات مهما كان

امين يا رب جميعا

العفو يا حبيبتي و ربنا معاكي 🤍

يا رب وان شاء الله تبعد عن اي طريق يسببلك الاذي وتلاقي بنت الحلال اللي تشدك لطريق ربنا وتكمل حياتك في سعاده انت وكل أمه المسلمين آمين يا رب العالمين

لا ، ممكن في مجال مشاكل مراهقه اكتر ، صدمات طفوله ، اكتئاب ، ضغط كبير ومسؤليه زياده

انت عارف أنه غلط وقربت من ربنا فعلا فمتضيعش فرصه رضا ربنا عنك بنذوه ممكن تجيلك في وقت معين واعرف انها مش غلط وبس بل إنها من الكبائر مش هتعدي بالساهل ، اعرف انك هتقابل ربنا وانت عامل ذنب كبير ربنا نهانا عنه وقالنا في كتابه الكريم " لا تتبعوا خطوات الشيطان " ربنا مقالش لا تتبعوا الشيطان بل قال منتبعش الخطوات لانه عارف ان الانسان بطبعه ضعيف ونفسه اماره بالسوء فأمرنا بغض البصر دايما وأننا منختلطش بأماكن فيها نساء ونتجنب الاحتكام بهم دايما لأن مجرد خطوه وراء خطوه الشيطان هيوصلك لكبيره من الكبائر اللي انت مش عارف ساعتها انت هتكون بتفكر ازاي أو هتوب ولا لا ، هتموت وانت حالتك ازاي ، لو جالك ذكري او انك تفكر في اللي عدي ده غمض عينك وفكر بس انك غضبت ربنا وعملت الحاجه دي ها وبعدين ، لما عملت كده هتحس بالذنب بس انت خلاص عملتها ، ربنا يمكن غفرلك اول مره بس هل انت عارف ممكن يغفرلك المره دي ولا لا ، وبعديها افتح عينك لو انت مقتنع فعلا انها حاجه مش حرام فعلا وانت قادر تعملها بكل نفس مطمئنه ومش هتندم عليها لو عملتها أو متأكد أن ربنا هيسامحك وهيغفرلك عادي علي كبيره من الكبائر فساعتها بس انت ممكن تعمل الحاجه دي، غير كده فوق لنفسك اتحكم في نفسك متخليش نزواتك هي اللي تتحكم فيك خليك انت المسيطر وبس ، متقعش تاني في حفره انت م صدقت انك طلعت منها وربنا نجاك ، يمكن ربنا مينجكاش المره الجايه ، خاف من عقاب ربنا ، وتشغل نفسك بأي حاجه وأملي يومك متسبش فيه ساعه فاضيه علشان متخليش للشيطان طريق أنه يوسوسلك فيها ، "لا يلدغ المؤمن من جحر مرتين".

بص هو احساسك بالذنب حاليا هو اللي مسيطر عليك انت غلطت فعلا لما ضعفت ، توب لربنا والتعلم من غلطك ، ربنا غفور رحيم وان شاء الله يقبل توبتك ، وفي نفس الوقت متفكرش فيها تأتي لأنها فعلا لو كانت بتحبك أو بتفكر فيك كانت علي الاقل واجهتك انها هتتخطب لحد تأتي فعيش حياتك وسببها خلاص واكيد ربنا يعوضك بالتحسن منها طبعا ، متضغطش علي نفسك ولو حاسس فعلا انك مضغوط وحابب تتكلم اتكلم مع شخص قريب منك يفهمك أو حتي روح لطبيب نفسي واتكلم معاه قوله كل اللي جواك وتابع معاه يمكن فعلا تتحسن

https://fedni.net/profile/15836270

هي مش مشكله ليا حاليا بس لشخص تاني وعايزه يبدأ مع دكتور نفسي لانه عنده مشاكل وتقريبا صدمات نفسيه

فيه نوع من الصدمات مخفي جوانا صدمات طفوله ، صدمات مأثره علينا مهما حاولنا مش هتعرف تتجاوزها ، انك تستفيد من شخص متخصص أو حتي تحاول انك تخلي شخص خارجي يساعدك مش حاجه عيب أو حاجه تنقص من قدرتك لكن هي تجربه ممكن تفيدك وبشده

بعيدا عن أن دي اجابه نموذجيه بس فيه اوقات الصدمات والظروف اللي حوالينا بتأثر علي الشخص وبتخليه محتاج فعلا للعلاج النفسي علشان يلملم الباقي منه

انك تاخد الخطوه دي فعلا كفيله انك تعرف انك انسان كويس فعلا وعايز تتغير للاحسن ، فيه دكاتره كتير نفسيين وظهروا وبقي عادي انك تتابع معاهم ومبقاش فيه نفس العقليه القديمه اللي بتفكر بالشكل الراجعي ده ، ثق في نفسك انت مش بتعمل حاجه غلط ، انت بتعمل صح الصح فعلا ، جرب تدور في البلد أو المحافظه اللي فيها وممكن تلاقي دكاتره كويسين وفيه هنا ممكن تلاقي دكاتره نفسيين ممكن تتابع معاهم برضو

يا رب ويعينا جميعا

بحاول اتقبل ده الحمد لله

اتأذيتي كتير وعيطت قدامهم ومن وراهم واظن انهم عندهم عقل وتفكير يعرفوا ايه اللي ممكن يأذي فعلا وايه لا بس انا شيفاها عقليات وتفكير مختلف بس عموما الحمد لله

فهماكي والله وحاسه بيكي بس في نهايه الامر هم هيعرفوا ولما يعرفوا لوحدهم ممكن يلوموكي اكتر ، عارفه انك تايهه ومش عارفه تعملي ايه اهدي بس وصلي استخاره يمكن ربنا يفتحلك باب انتي مكنتيش شايفاه قدامك

بصي بصراحه انا مريت فعلا بموقف زي ده كان شخص معرفش عنه معلومات كتير غير المعلومات البدائيه بس اتعلقت بيه لدرجه اني حسيت أنه تلاقي أرواح فعلا اني عايزه اقضي معظم الوقت معاه ، عايزه أكلمه علطول ، بس أجبرت نفسي اني ابعد عنه ، فكرت أنه بجد لو كان بيفكر بنفس الطريقه بتاعتي مكنش سابني كده ، كان يحارب زيي ويبين ليا أنه علي الاقل مهتم أنه يكلمني ، يسيب اللي معاه ويسبب صحابه علشان يكلمني انا ، لكن ده مكنش بيحصل الي حد ما ، لغايت م اقتنعت فعلا أنه شايف حياته مع شخص تاني ، انا ليه ابقي عايزه افضل في حياه شخص أو مع شخص هو مش عايزني معاه ، فبعدت وكل م احن أو افتكر اي حاجه عنه مجرد اني افكر بس أنه يمكن عايز يعيش حياته مع شخص تاني مش عايزه أظهر تاني علشان يمكن بس أنه بيحاول يظبط حياته ويمكن ظهوري تاني يلغبط حياته تأتي ويعمله مشاكل ويقيد الشمعه اللي جوايا اللي خلاص بتطفي خلاص ، بقيت ماشيه بمبدأ " من لا يريدنا لا نريد ولو كنا نختنق في بعاده "حتي لو اتخانقنا شويه من بعده بعد شويه هنتنفس هواء نقي احسن من الهواء الملوث اللي كنا بنتنفسه في قربه ، ف خليكي عزيزه ومتقبليش أنه يلاقيكي مدلوقه أو هتموتي عليه لأنه اقل حاجه أنه هيسيبك كده لانه عارف انك زي العروسه الخشب اللي هيبقي متحكم في حركاتها وكمان مشاعرها ، لما يحب يضحك هيضحك ولما يحب يحزن أو يتعصب عارف انك مش هتزعلي منه اوي ولو اخدتي موقف هيعرف يصالحك بكلمتين بس لانه عارف تعليقك بيه فعلا ، فصلي صلاه استخاره بجد وحاولي تبعديه عن تفكيرك دايما ولو ربنا شايفه خير ليكي والله العظيم هتلاقيه جاي لواحده وقاعد مع باباكي بيشربوا القهوه او الاحسن منه يقعد يشرب نفس القهوه مع باباكي ثقي في ربنا بس وأنه قادر علي كل شئ.

اتكلم اقول ايه لقولهم كلامهم اللي بيقولوه بيجرحني وبيخليني اوصل لاني اعيط في أغلب الوقت هم عارفين بيقولوا ايه وعارفين وقع كلامهم وحش ازاي بس في نظرهم انهم كده بيعاقبوني أو كده هيخلوا اللي قدامهم شخص كويس واحسن مش فاهمين انهم كده بيعكسوا النتيجه اللي المفروض يوصلوا ليها وبحلول فعلا اكتب بقالي فتره وادون مذكراتي

ان شاء الله خير وان شاء الله بكره يبقي احسن من النهارده وشكرا ليك 🤍

حاولت بس ديما مفيش اهتمام بأي حاجه ، بالنسبالهم عادي لسه شايفين اني غلطانه واني استاهل ده

المشكله انهم عائلتي وزي م قلت اني مش هينفع ولا حتي هعرف العد عنهم واتجنبهم بس يعني انا ضيعت 3 سنين من صحتي النفسيه ولسه كمان انا غلطت مش هقول لا بس اتعلمت وخلاص كفايا بقا انا تعبت لكن هم مش فاهمين ده كله كل اللي فاهمينه اني غلطانه ومش محل ثقه وخلاص.

قريبين

بص اصلا انا وصلت لمرحله اني بسمع وانا ساكته بس لما بتعصب مثلا او اتخانق بطلع انا دايما اللي غلطانه بحس أن فيه حاجه مأثره عليا حاسه ان فيه سحابه سوداء علي قلبي مش قادره اتفس بطريقه طبيعيه بستني في امل ان يمكن السحابه دي تمشي لوحدها واني اتحسن بقربي من ربنا وابقي احسن

المشكله اني انا عايزه أتجاوز المرحله دي لاني شايفه انها طولت معايا اوي لكن كل مره اقعد معاهم اشوف نظرات اللوم في عيونهم كلامهم المستخبي اللي انا فاهماه كله بس ببين اني مش فاهمه كتيره الخاطر اللي دايما لما بيلاقوا اي وقت مبيضيعهاش ويكسروا بخاطري انا وصلت لمرحله اني ببقي قاعده ساكته علشان مغلطش بكلمه ف اتعاير عليها أو حد يزعقلي عليها مثلا محدش حتي مديني حتي نسبه نجاح أن الفتره دي هتعدي وهننسي وخلاص مش عارفه حتي اعمل ايه انا سعات ببقي كويسه وبتقبل ده بس فيه اوقات كتير بنتكس ومبلقيش غير ايدي اللي بتطبطب عليا ، تعرف انا اول مره عرفت حوار الطبع الفعليه علي النفس ده الكلام ده من سنين كنت معيطه ونايمه في مره وحلمت اني قاعده ولقيت ايدي حوليا وطبطبت عليا وقولت معلش معلش كله هيعدي.

شكرا 🤍

هو انا الي حد ما انطوائيه بس عادي لو حد جه اتكلم معايا هزر بتاع باخد عليه والمشكلة معايا اني بتعلق بسرعه جدا يمكن علشان انا مببينش مشاعري ف هم فاكرين ان مفيش حاجه بس بفكر اني اشوف دكتور نفسي اونلاين فيه اقتراحات.

يمكن علشان بنخاف ، بنخاف يظهر فعلا أن عندنا مرض نفسي ، بنخاف اننا نواجه نفسنا ، بنخاف يمكن ده السبب.

فكرت في ده بس فيه عواقب كتير أولها اصلا انهم مش فاهمين اللي انا بمر بيه انهم فاكرين أنه عادي فتره وهتعدي أو اني بتدلع وخلاص محدش هيفهم ده وحتي سني مش هيسمحلي اني اخد القرار ده من نفسي

بصي هو من وجهه نظري أن ليه اسأل عن حاجه في وقت انا مكنتش فيه ولا هو كان يعرفنيفيه اصلا، فيه فترات بتمر علينا بنعمل حاجات غبيه وبنندم عليها وبتقول حالا ازاي انا مكنتش بفكر كده وعملت كذا... اه لو كنت معملتش كذا ده كان زماني مرتاح ومكنتش هحس اني مخبي سر عن الجميع لكن الحقيقه انك مكنتش هتتعلم الدرس أو هتوصل للي انت فيه حالا لولا أن ربنا شاف انك مش هتتعلم غير بالطريقه دي ، كلنا بلا استثناء عندنا غلطات وعملنا حاجات كتيره وعارفينها لولا ستر ربنا علينا الحمد لله ف متدوريش علي حاجه ممكن تزعلك أو تنهي علاقتك بحد كان ممكن تكملوا مع بعض لانه لو شايف أن الحاجه دي عقبه أو هتأثر في علاقتكوا قدام اكيد هيقولهالك غير كده انا شايفه أن ماضيه ليه هو مدام هو أتعلم منه ومش هيأثر عليكوا بعدين بأي شكل من الأشكال.