مى معز

إجابة دار الإفتاء المصرية على كلمات الحب بين المخطوبين يارب تفيدك https://youtu.be/FXqXikcJM74?si=HZTcywwy4zD0SGbW

طيب انتى خايفة من ايه؟ من الجواز عامة ولا من خطيبك؟ ولا قلقانة أن يحصل اى حاجة فى المستقبل؟ هل كان بيحصلك ده قبل كده مع حد تانى ولا ده اول مرة؟ ولا ده اول حد فى حياتك ولا ايه؟ اشرحيلى الخوف إلى بيجيلك بشكل ادق

انا فخورة بيك والله وبرحلتك إلى ماشى فيها عشان تبطل وتكون انسان افضل كل الكلام الى قلته سليم جدا عن الادمان وده بيخلينا ندور فعلا عن الأسباب والمعتقدات الرئيسية حواليه إلى بتوصلك ليه فى كتاب اسمه إرادة الإنسان فى علاج الادمان ممكن يفيدك شوية وفى منظمات خاصة بالتعافى من الادمان .. فى زمالة المدمنين المجهولين NA ودى بتشتغل على خطوات التعافى ال ١٢ فى مجموعات بتتقابل بشكل دورى مهم جدا انك تتابع مع حد مش مهم الحد مين سواء كانت مجموعة أو طبيب أو معالج (مع أن فى الغالب المجموعات بتجيب نتائج أفضل) بس المهم انك متزهقش وتكمل رحلتك واكيد هتوصل للى محتاجه

اتأكدى إن ربنا مبيعملش غير احسن حاجة لينا دعائك ده لو هو مش خير ليكى ربنا مش هيحقق الطلب ده لكن هيديكى الحاجة الاحسن ليكى المهم انك متاخديش اى خطوة ناحيته لان ده هيكون خيانة ومين عارف مش يمكن ربنا شايلك إلى احسن وافضل وأقوم ليكى منه؟ ربنا يسعد قلبك

اتكلمى معاه بصراحة واسأليه هو بيعمل ده ليه؟ واتكلمى معاه كمان فى الحاجات إلى بتضايقك منه وانك مش قابلة ابدا التصرفات دى وشوفى هو هيقولك ايه والله لو فعلا بطل يعمل إلى بتضايقك كان بها لكن لو أصر على تصرفاته إلى رافضاها ف دى مش حاجة كويسة ابدا

مهم جدا انك تكونى متقبلة شريك حياتك الى هتبقى عايزة تقضى حياتك معاه لو موضوع المناخير مضايقك اوى وفعلا مش عارفة تعديه ده مش هيخليكى عارفة تتعاملى معاه فى ناس لما بتحب بتشوف العيوب مزايا وفى ناس مبتقدرش أنها تقبل حاجة معينة وتخليها بعد كده متحبش الإنسان ده بسببها انتى اقعدى مع نفسك وبصى لصور خطيبك وشوفى هل انتى منجذبة ليه فعلا ولا لا من غير مقارنات بحد تانى لو لقيتى نفسك مش منجذبة صارحيه. الانجذاب ركن مهم جدا فى علاقة الجواز الصحي..لأن العلاقة بتتبنى على ٣ حاجات الانجذاب والصداقة (وده اننا نكون بنعرف نعمل حاجات مع بعض ونتكلم ونتناقش ونلعب ونخرج وكده) والالتزام (وده انى التزم بأنى فى علاقة بالشخص ده ومش اى حد تانى وبعمل إلى عليا فى العلاقة)

فى حاجة حصلت الفترة الى فاتت وصلتك لده؟ بتشوف كل الناس اغبياء؟ كلهم ولا فى ناس قريبة منك تقدر تشارك افكارك معاهم؟ أو حتى شخصيات عامة شايف أنهم كويسين؟

انتى بتقولى أن عندك وسواس قهرى ورهاب هل ده تشخيص دكتور؟ يعنى روحتى لدكتور قبل كده وقالك أن ده عندك؟

الرسول صلى الله عليه وسلم قال إذا جاءكم من ترضون دينه وخلقه فزوجوه..إلى آخر الحديث الشريف انتى دلوقتى بصى على الشخص إلى هيبقى عايش معاكى طول الوقت وهتكونى مسئولة منه وهيكون اب لاولادك فى المستقبل ده هل انتى فعلا ترضى بيه أنه يؤدى كل الأدوار دى ولا مينفعش ادرسى أخلاقه ودينه كويس جدا قبل ما تتجوزيه وتحكمى على اولادك أنه يكون والدهم إلى اكيد هياخدوا من طباعه وهيتأثروا بيه كتير وفى الاول والاخر ده قرارك انتى

بتعملى ايه غير المذاكرة لنفسك فى وقت الدراسة؟ هل بتلعبى رياضة معينة أو بترسمى أو بتخرجى مع اصحابك؟ ايه إلى بتحبى تعمليه وبتستمتعى بيه؟ خلى المذاكرة أو اى حاجة عليكى انتى محتاجة تعمليها ومش عايزة تعمليها يكون ليها مكافأة ولو معملتيهاش يبقى تشيلى حاجة انتى بتحبيها مثلا لو بتحبى تخرجى مع اصحابك ف بتقولى لنفسك انا هذاكر الصفحات من كذا ل كذا وده لو عملته هخرج مع اصحابك ونروح كذا ولو معملتهاش ف مش هتفرج على المسلسل إلى بحبه مثلا محتاجة انك تكتبى بقى من اول الاسبوع انتى هتعملى ايه وامتى وده هياخد وقت اد ايه كل يوم لكل مادة ومتخليش اى حاجة تتأخر معاكى لو ابتديتى من اول اسبوع انك تذاكرى كل إلى بتاخديه فى نفس اليوم وتكافئى نفسك عليه مش هتتأخرى فى اى حاجة وفى نفس الوقت هتستمتعى بوقتك لأن لو مستمتعتيش بوقتك مش هتقدرى تعملى إلى وراكى بعد كده ربنا معاكى ويوفقك يارب😍

الف سلامة عليكى يا جميلة موضوع أن الاكتئاب موقف حياتك ده عرض كبير من أعراض الاكتئاب إلى فعلا تقول انك محتاجة تتابعى مع دكتور وواضح أن الموضوع بقاله فترة كبيرة كمان لانك بتقولى انك سيبتى الشغل ٥ مرات السنة الى فاتت هل ده معناه انك مكتئبة بقالك سنة؟ ولما بتيجي الأعراض دى بتستمر اد ايه؟ اسبوعين ولا اكتر ولا اقل؟ وهل الأعراض بتختفى فترة ولا مأثرة على اغلب الوقت فى حياتك؟ وطالما الموضوع مأثر فى حياتك اوى كده ايه إلى موقفك انك تروحى للدكتور؟ واولا واخيرا الاكتئاب مرض عضوى زيه زى اى مرض تانى محتاج يتعالج ربنا يقويكى ويخفف عنك يارب😍

ايه كان حلمك إلى راح؟ ثقتك بربنا ضعفت عشان مدخلتيش الكلية إلى عايزاها؟ ولا فى حاجات تانية؟

محتاجة ضرورى تروحى لدكتور نفسى الموضوع ده خطير ومفيهوش هزار انا عارفة اد ايه الدنيا اكيد صعبة معاكى جدا بس فعلا مفيش حل غير انك تتابعى مع دكتور

ممكن توضح اكتر ايه اعراض الاكتئاب إلى عندك؟ وهل السبب الوحيد أن معندكش اصدقاء فى العمل ولا فى مشاكل تانية؟

ممكن تقوليلي ايه هى الصفات إلى محتاجة انها تكون فى الإنسان إلى تحبى انك ترتبط بيه؟ وهل دى كانت أول علاقة حب فى حياتك ولا لا؟

اذتك نفسيا ازاى؟ ممكن نحدد الأذى ده فى نقط؟ ولا الموضوع أن العلاقة انتهت وانت محتاج تتخطاها ؟

طيب الجزء الاول الى بتتكلمى فيه ده من اعراض القلق الاجتماعى هل كنتى طول عمرك كده بتخافى تتكلمى قدام الناس؟ ايه صفات الناس الى ممكن تكونى صداقات معاهم؟ انتى كشخصية اجتماعية؟ بتحبى تتعرفى على ناس كتير ولا بتحبى تكونى لوحدك اغلب الوقت؟ وهل ده كان متغير على مدار حياتك ولا طول عمرك كده؟

فى حاجة حصلت الفترة الى فاتت بدأت بعدها الأعراض إلى بتحكى عليها دى؟ حياتك كانت عاملة ازاى قبلها؟

دى حقيقة القلق فعلا بيأثر على صحتنا الجسدية ده غير أنه بيكون بمثابة الأساس لباقى الإضطرابات النفسية التانية كويس جدا انك قادرة تحددى حاجة من إلى مسببالك القلق ده دلوقتى هل ده حصل ليكى قبل كده؟ ايه اخبار أكلك بتاكلى كميات كتير أو قليلة عن العادى؟ ايه اخبار نومك بتعرفى تنامى ولا عندك ارق ولا بتنامى ساعات كتير اوى أو قليلة اوى؟ هل ده كله مأثر على علاقاتك الاجتماعية؟ وازاى؟ وهل مأثر على حياتك المهنية؟ وازاى برضه؟

احب احييكى على انك اتواصلتى وحكيتى على المشكلة إلى بتعانى منها دى اول خطوة أن الدنيا تتحسن تانى خطوة هى أن انتى فعلا محتاجة زيارة لمختص نفسى لأن موضوع الانتحار مفيهوش هزار بالنسبة لينا دى حاجة كبيرة ومحتاجة طبيب أو اخصائى يتابع معاكى انتى رحتى لحد قبل كده؟ هتقدرى تعملى ده؟

طيب أولا مبروك انك عديتى بكل سنين الدراسة الى فاتت ونجحتى فيها لحد ما وصلتى انك تبقى فى ثانوية عامة (ده فى حد ذاته إنجاز حتى لو مش شايفة ده دلوقتى) ثانيا معضلة كليات القمة (الى بتحتاج مجموع كبييير) هو انها فعليا فى الزمن ده الى بيتخرج منها وبيشتغل بشهادته منها اغلبهم بياخدوا فلوس قليلة جدا مقارنة بمجالات تانية كتير ممكن تدخليها من أى كلية (وده عن تجربة شخصية) ثالثا بقى وده الاهم انتى ممكن بعد ما تدخلى كلية وتخلصيها وتاخدى شهادتك احتمال تغيرى المجال بتاعك تانى لحاجة انتى شايفة نفسك فيها اكتر، احنا برضه لما بنكون فى سنين المراهقة بتاعتنا مبنكونش على دراية كافية بنفسنا ولا بتوجهاتنا وقيمنا الى غالبا بتظهرلنا بعد كده فى سنوات الرشد لما بنبتدى نتعرف على نفسنا اكتر ونعرف اكتر عن العالم الى حوالينا والمكان الى عايزين نكون فيه - هنروح بعيد ليه! عندك انا مثلا كنت علمى رياضة فى ثانوية عامة ودخلت كلية هندسة واتخرجت منها واشتغلت معيدة وبعدها ب 6 سنين قررت ان مش دى الحياة الى عايزة اعيشها ولا ده الطريق الى عايزة اكمل فيه ف عملت تغيير مجال العمل وبقيت اخصائية صحة نفسية وعندى دلوقتى 31 سنة ولسه بتعلم عن نفسى ومكانى فى العالم- نيجى بقى لنقطة الشغل والجواز كلنا عارفين طبعا ان دول بيكونوا رزق وبأننا نشتغل على نفسنا ونسعى عشان ناخد او يجيلنا المناسب لينا (فى كل الاحوال اتأكدى ان دايما هتاخدى الاحسن ليكى طول ما انتى بتشتغلى عليه) ولو على موضوع الفشل ف فعليا مفيش نجاح من غير فشل ف متخافيش انك تفشلى مرة واتنين وعشرة لأن فى كل مرة بتفشلى فيها بتكتسبى معلومة او مهارة جديدة انتى مكنتيش تعرفيها قبل كده وده الى بيقربك خطوة وخطوات كتير للنجاح (قليل اوى الى بينجح من اول مرة فى حاجة جديدة يجربها بالعكس الاكتر والاعم بياخدوا وقت ومجهود ومحاولات كتير عشان ينجحوا فى الى هم عايزينه) ف خلينا نغير نظرتنا للفشل على انه نجاحات صغيرة اوى بتؤدى لنجاح كبير. الى عايزة اوصلهولك من الرغى الكتييير ده ان اوقات كتير مبنشوفش الحاجات الكويسة الى جوانا او حوالينا عشان مخنا بيكون مركز بس على الخوف او اسوأ سيناريو، وفى الاول والاخر دى مش الحقيقة، الحقيقة هى ان كل دى احتمالات وارد تحصل او متحصلش محدش فينا يعرف المستقبل لكن طول ما بنحاول اكيد بنوصل لاحسن حاجة لينا. ربنا معاكى فى الدراسة انا عارفة اد ايه ثانوية عامة بتكون سنة صعبة جدا والضغط النفسى بيكون فيها عالى بس نصيحتى ليكى هى إنك تاخدى بالك من نفسك الاول بإنك تعملى حاجات انتى بتحبيها جنب المذاكرة لأن بأى حال من الاحوال إنتى أهم من كل الدرجات والكليات والمذاكرات :)

ايه إلى حصل من اربع أو خمس سنين وصلك لده؟

طول عمرك كده ولا ده اتغير مؤخرا؟ ولو اتغير من امتى؟

شايف ليه انك متستحقش الكلية بتاعتك؟ وليه مفيش مستقبل؟

طيب خلينا نتفق على أن مفيش حد بيشخص نفسه زى ما مفيش حد بيعالج نفسه (حتى الدكتور لما بيتعب بيروح لدكتور تانى عشان يعالجه) .. ف محتاجين نروح ل دكتور .. ولو فى مشكلة فى الفلوس ف المستشفيات الجامعية بتقدم خدمة العلاج النفسى بسعر رمزى جدا وبيكون فيها دكاترة شاطرين تقدرى انك تروحيلهم

المهم انك تاخدى الخطوة انك تتابعى مع دكتور عشانك انتى

طيب هو الدوا لو مش عايزة تاخديه مفيش اى حد يقدر يجبرك عليه.. ده غير أن الدكتور اوقات مبيديش أدوية اصلا وبيشتغل علاج سلوكى يعنى بتتعلمى معاه مهارات تعرفى تتعامل بيها مع الاكتئاب.. بالنسبة لموضوع مامتك مش لازم تقوليها اول ما تروحى ممكن تقوليها بعدين لما تكونى قادرة انك تعملى ده وبطريقة هى تقدر تتفهمها

حاولى انك تلاقى حاجات تانية تحبى تعمليها وتتعرفى على ناس تانية ممكن يكونوا احسن ليكى

اكيد طبعا دى حاجة طبيعى انك تتأثرى بيها جامد

جهاز بيكهرب!! .. خلاص متروحيش للدكتور ده تانى فى دكاترة كتير تانيين ومبيستخدموش اكيد الأسلوب ده فى العلاج ... لو انتى من القاهرة قوليلى ارشحلك دكاترة شاطرين وثقة

العفو 😍

ده طبيعى بعد اى علاقة بنتخذل فيها من الشخص إلى معانا .. خدى وقتك فى انك تتشافى (healing) من الموضوع ده والى بالمناسبة بيختلف وقته من حد التانى... خدى وقتك تمرى بكل خطوات ال grief الخمسة إلى هم الانكار والتفاوض والحزن والغضب والقبول .. ممكن تقرى عنهم اكتر طبعا على النت...وخلى حواليكى الناس إلى بتثقى فيهم ويقدروا أنهم يساعدوكى تتخطى المرحلة دى .. عشان انتى فعلا محتاجالهم الفترة دى اكتر من اى وقت تانى

طيب ف فى حاجة انتى متفقة فيها مع باباكى أن على شانها مينفعش اننا نتجوز حد مش بيشتغل لأن الجواز مسئولية كبيرة على الطرفين لو طرف فيهم مش هيشيل مسئوليته يبقى مينفعش الطرف التانى هو الى يشيل كل حاجة

طيب خلينا الاول نعرف أن لما طرف فى علاقة بيخون الطرف التانى ف ده لأن هو عنده مشكلة حقيقية محتاج يشتغل عليها هو وملهاش علاقة بالطرف التانى ... ولو الإنسان ده كمان بيكذب على شريكه ف دى برضه عشان مشكلة فيه هو مش فى الطرف التانى إلى هو انتى ... الاشخاص دول بيكونوا محتاجين أنهم يحلوا المشاكل إلى عندهم دى الاول قبل ما يدخلوا فى علاقة مع اى حد. متقعديش تسحلى نفسك فى التفكير فى ليه هو محبكيش او اى اسئلة مش هتفيدك .. الفكرة كلها اننا بنتعلم من تجاربنا كلها وانتى دلوقتى دخلت فى علاقة صعبة واتأذيتى يمكن ده عشان تعرفى بعد كده تختار حد يكون مناسب ليكى اكتر

ايه إلى حصل خلاكى تفقدى الثقة فى الناس؟ .. وايه إلى حصل خلاكى تفقدى الثقة فى نفسك؟

اكيد كل إلى مريتى بيه اثر جامد عليكى فى الموضوع ده ... اهم حاجة انك عارفة انتى عايزة ايه فى الناس إلى تقربيها منك بس برضه مش هنقدر نعرف الناس دى فيها الصفات دى ولا لأ الا لما نتعرف عليهم شوية ... مش شرط خالص إن إلى حصل زمان يتكرر تانى اقعدى فكرى نفسك إن إلى حصل معاكى فى المدرسة ده كان فى الماضى انتى دلوقتى اكبر وقادرة انك تتحكمى فى حياتك بشكل أكبر (انتى مش نفس الإنسانة إلى كنتى عليها زمان) ولو حد دايقك دلوقتى هتعرفى تردى عليهم احسن من زمان .. ربنا يقويكى انا عارفة أنه مش سهل انك تخرجى بره إلى متعودة عليه بس برضه عارفة انك تقدرى تعملى إلى شايفاه احسن ليكى

ابعتيلى على الواتساب وانا هبعتلك تفاصيل المعالجين عشان مش عارفة لسه ابعت ده هنا ازاى ... رقم الواتساب 01111238364

بالظبط عشان كده محتاجين خبير فى الموضوعات دى هو الى ياخد بأيدينا لحد ما نخرج منها ونقدر نعيش حياتنا عادى وده إلى بيعمله المعالج النفسى ... زى ما قلتلك انا اعرف معالجين متخصصين فى الحالات دى لو تحبى انا ممكن ارشحهملك وتشوفى انتى عايزة تعملى ايه

ده واحد من الاضطرابات النفسية إلى بتحصل لناس كتير جدا معظم الناس مبتحلش تأثير الصدمة عليهم ف بيفضلوا فى دوامة الخوف من تكرار الصدمة وده بيبعدهم شوية شوية عن الحياة ككل ... الصدمات إلى مريتى بيها اكيد عملتلك اثار اكتئاب وقلق وده صعب جدا على الإنسان أنه يتحمله لوحده عشان كده فى علاجات معرفية وسلوكية كتير للإضطراب ده الفكرة كلها انك محتاجة حد يمشى معاكى الرحلة دى لحد ما تتخطى الصدمة لان مبينفعش اننا نواجهها لوحدنا بالعكس جهازنا النفسى بيحاول بكل الطرق أنه يحمينا من اننا نتعرض للأذى تانى فمبنعرفش ابدا نحل الصدمات لوحدنا عشان كده بتكون محتاجين مساعدة فيها

حاسة أنه بيعبر عن حالتك شوية؟

طيب ايه رأيك تقرى فى الموضوع شوية وبعدين نتكلم؟

طيب فى حاجة اسمها كرب ما بعد الصدمة سمعتى عنه؟

الأعراض الاكتئابية والأفكار الانتحارية بدأت بعد الصدمات دى؟

أما بالنسبة للحزن بقى ف انا محتاجة اعرف هو جى منين .. هل هو فى موضوع العلاقات الاجتماعية بس ولا فى مشاكل تانية؟؟

حلو جدا انتى عارفة انتى عايزة ايه وتستحقى ايه فى الناس إلى تبقى قريبة منك وواضح كمان انك ناضجة فى الموضوع ده بالنسبة لسنك ودى حاجة مش بتبقى سهلة واكيد بتعانى منها مع الناس إلى حواليكى .. ايه رأيك تحاولى فعلا مع البنت دى انكوا تكونوا اصحاب وقوليلى ده عمل ايه معاكى؟

طيب الزميلة إلى فى احتمال انها تبقى صاحبتك دى شخصيتها قريبة من شخصيتك ولا مختلفة عنها؟ و بتحسى انك تقدرى تبقى على راحتك معاها ولا لازم تبقى شبه الناس التانيين؟

الاصوات والكلام إلى بنسمعه من الناس القريبين مننا اغلب حياتنا بيكون ليه تأثير كبير اوى على نظرتنا لنفسنا حتى لو قعدنا نحاول بجد جدا بشكل واعى اننا عكس إلى كنا بنسمعه غصب عننا فى اللاوعى بيكون عندنا اعتقاد أن الكلام ده حقيقى وانى مهما عملت مش هنجح بالعكس هكون زى ما بيقولوا عنى .... محتاجين نفرق بين الخرافات إلى سمعناها من إلى حوالينا والحقيقة الفعلية إلى على أرض الواقع بتقول اننا ناجحين عشان طول ما الصوت ده جوانا وبنصدقه عمرنا ما هنحس بالنجاح إلى بنعمله ... الفشل فى الحقيقة هو أننا نبطل نحاول لكن طول ما بنحاول ف احنا اكيد هننجح .. لو قدرتى تتغلبى على الصوت الى جواكى إلى بيقولك كلام سلبى ده ف أكيد القلق هيقل كتير وهتقدرى تعملى إلى انتى عايزاه .. لو كان صوته عالى اوى ومقدرتيش تعملى ده لوحدك ف استعينى بحد مختص يمشى معاكى الرحلة دى هيفرق معاكى كتير .. قلبى معاكى انا عارفة أنه مش سهل بس عارفة برضه انك تقدر تعملى ده ❤️

طيب ايه الى بيحصل عشان الزمايل دول ميتحولوش لاصحاب؟ هل شخصيتهم مختلفة جدا عنك ؟ أو انتى مش بتحاولى اصلا أن تقوى علاقتك معاهم؟ أو مش حاباهم؟ ولا ايه بالظبط؟؟

الزمايل دول ممكن يبقوا أصحاب ولا ده مش متاح خالص؟

مين إلى بتحبى تكونى معاهم بره البيت؟ حد من زمايلك ولا حد من عيلتك؟

بتحبى تقعدى لوحدك يعنى ده بيبسطك؟ .. وبتعمل ايه لما بتكون لوحدك؟

الصفة دى فيكى من وانتى صغيرة ولا ظهرت من امتى؟ ... وهل كان فى اى حد فى حياتك بيشجعك على انجازاتك؟ ولا مكانتش دايما متشافة ومهما عملتى ومهما نجحتى ف لو مجبتيش ١٠٠٪ ده معناه إن ده فشل؟

مين البشر إلى بتتخنقى جدا وانتى معاهم؟

انتى بتحسى انك مش شاطرة والناس إلى حواليك بيقولوا العكس ... طيب انتى بتحاولى دايما انك تطلعى اى حاجة بحيث تكون ممتازة جدا ومفيهاش غلطة؟

انا فاهمة إن ده طبعا كان بالنسبة ليكى محبط جدا خصوصا انها كانت أول حد حطيتى فيه الامل أنه يساعدك ... انا بأقولك أهه هى مش الدكتورة الوحيدة إلى موجودة انتوا مكنتوش مناسبين مع بعض عادى بتحصل .. العلاقات العلاجية زى اى علاقة فى الدنيا محتاجة أن الطرفين يكونوا منسجمين وعارفين يتعاملوا مع بعض

هى الفكرة أن المعالج بيشتغل معاكى على ده ..بيشتغل معاكى على ليه احنا خايفين اوى اننا نبقى لوحدنا .. وليه معندناش أصحاب وازاى نغير ده ... بنتعلم شوية مهارات بتساعدنا فى حياتنا اننا نحسن من جودة حياتنا ف الأعراض إلى مضايقانا فى حياتنا دى تقل جدا جدا او تختفى خالص

اكبر عرض هو أن فعلا حصل محاولة انتحار الحمد لله انها منجحتش قبل كده

المريض النفسى انسان طبيعى عادى هو بس بيكون عنده شوية اضطرابات نفسية مش عارف يتعامل معاها ... ولأ إحنا مبنصفش الناس هم مرضى أو لا على اى حاجة كده ... فى مراتب كتير تانية للصحة النفسية زى السليم نفسيا والخالى من المرض النفسى ودول بيكون عندهم شوية مشاكل محتاجين يعرفوا ازاى يتعاملوا معاها وبس

وممكن حتى لو متعرفيش ناس منهم انا ممكن ارشحلك ناس منهم بس بجد انتى محتاجة ده الأعراض إلى عندك مش بسيطة بحيث أن ينفع معاها انك متتابعيش مع حد

فى دكاترة جنب الادوية بتدى علاجات سلوكية عادى وفى دكاترة مبتستعملش الأدوية حتى لو الحالة فعلا مش مستاهلة

حبيبتى انتى محتاجة تتابعى مع حد ضرورى جنب الادوية

يعنى رحتى لدكتور اداكى أدوية وبس لكن مكانش فى اى علاج سلوكة أو معرفى؟ محدش قعد يتكلم معاكى يعنى ويتابعك كل اسبوع؟