hanan 23

متعمليش كده نهائي خالص واحده جارتنا عملت كده وموضه الحاجات قدمت وكان في اشكالو وحاجات احسن لو حابه تعيني لولادك حاجه فعلا اشتري دهب او قطعه ارض وسيبيها افضل ولما تقرري تبيعيها اسألي شخص متخصص اذا دا الوقت المناسب ولا لا انك تبيعها علشان متخسريش

انواع المنح كتير في منح من الحكومات وعلي الاغلب بتكون مموله بالكامل زي منحه الحكومه الصينيه ومنح الحكومه التركيه ومنح الحكومه الكوريه وفي منح الجامعات بقدمها ودي بتدخلي علي الجامعه وتدوري لان تقريبا كل الجامعات بتقدم منح وفي منح الشركات بتعملها مع الجامعات ودي بتبقي حاجات بتتغير كل سنه وفي منح بتفتح ومنح بتتلغي .بس بالنسبه للمواقع في موقع اسمه فرصه دوري عليه

انا شخصيا معنديش خبره في التدريس بس كطالبه وكبنت لمدرس بقاله بيدرس اكتر من ٢٥ سنه .هديك شويه نصايح حاول تثق في نفسك ومادتك العلميه وتطورها واعمل علطول مسابقات وجوائز حتي لو شهاده او حلاوه حتي صدقني الحاجات دي احنا كلنا بنحبها رغم انها هايفه اوي.وفكره الهزار والجد وغيره فيها جزء من الحقيقه مينفعش الحصه كلها تبقي جد أو كلها هزار فحاول تخفف الجو بنكته او اتنين في نص الحصه بس هنا لازم تركز انك تسيطر علي الطلبه واول ما الضحك يخلص نرجع للجد علطول وحضرتك ادري بذلك .وبعدين في الأول والآخر التوفيق من ربنا ومهنه زي التدريس بالذات في الدروس الخارجيه مصدر دخلها مش ثابت .احنا بنتعرض لده كل سنه ساعات الطلبه يروحوا فجأه من عند بابا وساعات يجي طلبه كتير الموضوع محتاج صبر علي ما تعمل سمعه كويسه وتتعرف

حبيبتي انت مغلطتيش في انكم مش هتكملوا انتي والشخص ده طالما افكاركم مش واحده فاوعي تقبلي بحد انت مش موافقه عليه لمجرد انه هيعوضك عن فقد .الجواز حاجه كبيره وقرار مهم مش لازم ناخد علي اساس مشاعر مؤقته .نيجي بقي لبكره انك مكتئبه وتعبانه بما انك قلتي انك الدخل مش هيساعد علي فكره الدكتور النفسي فابعدي عن الفكره دي خالص .اقعدي مع نفسك واسألي نفسك شويه اسأله. انا ايه اللي محسسني بنقص عاطفه انتي قلتي انه بسبب علاقتك بباكي ...اسألي نفسك ايه المشاعر اللي انت كان نفسك ببالي يديهالك واديها لنفسك لانه صدقيني لو انتي مش متزنه عاطفيا ومش واخده مشاعر الحنان دي من نفسك شخصيا اي حد هيستغلك وكلمتين حلوين هتحس انك حبيتيه وارتاحتيله مع انه ممكن ميكونش كويس .حبي نفسك ودلعيها واديلها كل حاجه انتي نفسك حد يديهالك واقعدي مع نفسك واساليها ايه صفات الشخص اللي انا نفسي فيه فعلا بس يكون تصورات واقعيه ومتقبليش بحد اققل من تصوراتك واوقعاتك لأي سبب.وصدقيني ربنا بيجيب العوض في اوقات متتخيليهاش وكل ما صبرتي كل ما نلتي ...وفي النهايه احب اقولك كل التوفيق في الدنيا دي من ربنا وكل ما تقربي من ربنا كل ما يرضيكي

مبدئيا انا شايفه ان الغلطان الرئيسي هنا هو المدرس .لان ده مش موقف انسان كبير وعاقل انه يحرجك لمجرد انك قولتي مع ان اللي قولتيه مفيهوش حاجه غلط .دا غير ان صحبتك كان المفروض تفكر وتراعي ايه اللي ممكن يحصل لو هي قالت ده للمدرس .بس بما ان ده حصل وانت قلتي انكم كنتم اتصالحتم فعلا بس بعدها اللي قطعت كلام معاكي .ف والله يا حبيبتي احسن انه جي من عندها .خليكي عارفه انه طبيعي مش كل علاقتنا هتكمل معانا لأننا بنتغير والناس حوالينا بيتغيروا فمتفكريش فيها كتير وركزي علي نفسك .الله اعلم هي عملت كدا قاصده ولا لا بس عامه عامليها بالحسنى وخلاص

اقدر رايك

انا شخصيا اريد تجربه الدراسه والعيش في مكان وحدي .هناك الكثير من الأشياء التي اريد تجربتها لكن قلق عائلتي الزائد يمنعني من ذلك .وايضا الدراسه بالخارج هي فرصه كبيره وبنيه تحتيه تعليميه افضل بكثير من مصر .خصوصا دول شرق اسيا فهي دول متقدمه تكنولوجيا والمجال الذي اريد دراسته له علاقه بالتكنولوجيا .لكن سؤالي علي قدرتي علي التأقلم. صحيح أنني المحكمه في هذا الشعور لكن اظن ان جميع من سافر روايه هذا الشعور فقط اريد ان اعلم كيف تعاملوا معه

ربنا يوفقك

بصي انا كنت زيك بالظبط للاسف .كل ده لان الناس مش متعوده انك بتعبري غن مشاعرك فأنتي بتدخلي العلاقه بحاجه وبعدها بستغربوا .ايه ده هي جايه دلوقتي تقول انها مش بتحب ده ؟...فأنتي لما تيجي تعلقي علي حاجه انتي مش بتحبيها لاكنك عديتيها ليهم في الأول هيستغربوا وهيبقي رد فعلهم كدا .فلازم من البدايه يكون موقفك حاسم تجاه الحاجات الي انت بتحبيها او لا وتبقي واضحه تجاه مشاعرك سواء بينك وبين نفسك او بينك وبين الناس .لما حاجه متحبيهاش .قولي لا والله مش بحبها حتي لو اللي أقدامك ادايقو .لان دي نفسك الحقيقيه مش لازم تخبيها او تغيريها علشان حد .وحتي لو صحابك التانين سابوكي فصدقيني اللي هيسيبك لمجرد انك عبرتي عن رأيك ومشاعرك فهو مش شخص مناسب يبقي صاحبك وصديقك ...بالنسبه لمامتك فهو للاسف انتي ممكن تكوني بتسمعي كل حاجه وبتنفجري مره واحده فمامتك بتتعصب عليكي وتظهر بدور الغلطانه .لو مشكله حصلت اهدي خالص وكلميها .قوليلها انتي ليه بتعملي كذا وكذا وكذا .علفكره انتي كده بتدايقيني وبتخلي مشاعرك ناحيتك وحشه ..وصدقيني حته ان امك بتقولك انك مبتعمليش حاجه في البيت موجوده في كل الأمهات المصريه 😅..واخر حاجه هقولها صدقيني مامتك مش بتكرهك بصي كدة عليها لما بتتعبي انا مش عارفه بتبقي عامله ازاي بس انا متأكده ان أهلنا لو تعبنا مش بيسيبونا..علطول حطي نفسك مكانها هي اكيد صدقيني مضغوطه والايام دلوقتي بقت صعبه اكيد في حاجات كتير هي بتفكر فيها ومخنوقه منها ..وليه متفترضيش انها ممكن تكون زيك مش بتعرف تعبر عن مشاعرها مشكلتنا اننا بتكبر علي تهيؤ ان أهلنا اكبر واحسن غالبا فبنحس ان هما بيعملو معانا كده ليه وبننسي انهم بني ادمين زينا .فحاولي تصاحبني مامتك وتقعدي معاها لأنها الوحيده اللي هتحبلك الخير و متنسيش ان أهلنا بيكبروا فلو احنا ناس اغنياء المفروض يكون أهلنا برتاحو دلوقتي لان اغلبهم كبروا معرفش اهلك قد ايه بس صدقيني هما شافو من الدنيا مرار كتير فممكن يكون رد فعلهم احيانا سطحي .انا هزعق للي بيزعل سواء هو الغلطان او لا فهمتي ..فقربي من أهلك ومامتك وحطي نفسي مكانها علطول واحمدي ربنا علي وجودها .دي نعمه عمرك ما هتحسي بيها ابدا غير لما تروح منك وهيجي يوم وحد هيروح فاعملي كل حاجه كويسه بينكم علطول قبل ما تندمي واعرفي ان مامتك دي طريقك للجنه

من حقك تاخدي رد فعل وتعبري عن مشاعرك

دوري علي مهارات الفري لانسر او العمل الحر وشوفي ايه بيجذبك في الحاجات دي لأنها كتير وحاولي تتعلميها الموضوع عايز صبر وجهد علي ما تلاقي شغل كويس بس في حاله لو ربنا كرمك في الحاجه اللي انت اختارتيها هيبقي حاجه كويسه جدا ليكي في المستقبل

ربنا يوفقك ويفقني واي شخص في ضيقه يا رب

اقعدي معاها وتكلموا بهدوء وشوفي هي بتعمل كدا ليه وايه السبب وحاولوا تحلوه مع بعض

انا في تالته ثانوي زيك .انا بقولك متضيعيش تعبك بالتفكير كل حاجه قسمه ونصيب وتوفيق من الله سبحانه وتعالي .انت ممكن تذاكري طول السنه وتتعبي في لجنه الامتحان وتضيعي كل حاجه .بس في الحقيقه مفيش حاجه ضاعت اللي ربنا كاتبهولك هيوفقك بيه وهيسهلهولك فاعملي اللي عليكي وذاكري كويس ومتفكريش في الامتحان هي سنه زي غيرها