زينة محمد

أنا شبهك تقريباً وكتير شبهك كمان استعينى بسورة البقرة هتحسيها تقيلة عليكى فى الأول...معلش قسميها ١٠ صفحات مثلا بين كل صلاة وصلاة حقيقى هتفتحلك مغاليق الأبواب وسورة الفتح أيضا جميلة. امسكى دفتر واكتبى فيه زى أهداف ولو صغيرة حتى قراءة القرآن والاذكار اجعليهم من ضمن الأهداف دى واشطبى على كل هدف وحطى مكافأة تغرى بيها نفسك فى نهاية اليوم ( أكلة حلوه تعمليها ، حاجه تتفرجى عليها..كدا ) شوفى ناس إيجابية ع السوشيال أحمد عامر ، هالة سرحان ، اسمعى النقشبندى أول ما نصحى ، وخلى المكان حواليكى رايق ومرتب ومكان مفتوح صلى على النبى بالصلاة الإبراهيمية مثلا ابدأى ب ١٠ وزودى كل مرة لحد ما تبقالك عادة. وعادى تنتكسى كتير هتقومى مرة وتقعى عشرة بس وحدة وحدة هترجعى الحياة مليانة والضغوطات بتزيد ولازم يجيلنا وقت وننهار ونضعف ونفشل لازم تعيشى دا فمتحسيش إنك وحدى اللى ممكن تكونى مريتى أو بتمرى بدا كل إنسان لازم يمر بالفترات ديه خصوصاً الناس الشاطرة هترجعى وتكونى أشطر وأقوى وأقرب لربنا صدقينى 💚 وادعيلى معاكى لأنى بردو بحاول.

فى سور من القران لأشياء معينة يعنى يقولك مثلا سورة الواقعة تزيد من الرزق والعاديات لقضاء الدين وص وغافر تسخر لك الخلق والمؤمنون تعصمك من الذنوب والضحى للنسيان والبقرة تحفظ من كل شئ وهكذا يعنى والله أعلى وأعلم.

وفى الصلاة على النبى بالصلاة الإبراهيمية دى جميلة كنت قرأت ناس كتير كانوا بيدعوا بيها واستجاب لهم

وفى صيغة دعاء يقولون إن بيها اسم الله الأعظم..." يا حى يا قيوم يا حنان يا منان يا بديع السماوات والأرض يا ذا الجلال والإكرام ادعوك باسمك الأعظم الذي إذا دعيت به اجبت وإذا سئلت به أعطيت أن ( وتقول حاجتك ) "

وممكن بدل لا إله إلا أنت سبحانك إني كنت من الظالمين تصلى على النبي قبل وبعد الدعوة

قبل ما تدعى قول لا إله إلا أنت سبحانك إني كنت من الظالمين... ثم قل دعوتك وقل مرة تانية لا إله إلا أنت سبحانك إني كنت من الظالمين....بحب أدعى بالصيغة دى

وأفضل حيي وكريم وغض بصرك أفضل من إنك تكون شاب بجح ...للأسف ٩٠٪ من الشباب دلوقتى كدا ومبيتكسفوش ...ربنا يوفق ما بينكم ويجمعكم ع خير يارب

لا خالص ....كلنا كان فينا حاجات احنا وصغيرين واتغيرت ... أنت من سبع سنين غير من خمس سنين غير دلوقتى ...دا عادى وطبيعى جداً وميهزش من ثقتك فى نفسك ...المهم هى تشوف شخصيتك دلوقتى ناضجه وواعيه اد ايه ...وسيدنا عثمان رضى الله عنه كانت تخجل منه الملائكة من شدة حيائه فدا مش عيب حتى لو لسه باقى فيك الحياء دا يعنى

هتتعلمى منه حاجات كتير اوى إن شاء الله ... انوى إنه لاء أنا قبل ما أقابل ربنا عايزه أعمل حاجه حلوه فحياتى وابدأى أسعى فى دا ومهما كان بلاءك اعلمى إن غيرك مبتلى بالاعظم والاعظم فقولى الحمدلله من قلبك ... واستغلى الأيام المباركة دى إنك تدعى وتستعينى بالله ...وسورة البقرة وصية من الرسول صلى الله عليه وسلم ...داومى عليها ...ربنا يراضيكى ويصلحلك الأحوال يارب

امسكى جانب جانب فى حياتك وشوفي ممكن يتصلح ازاى ...الدين أخباره ايه ؟ القرآن فحياتنا أخباره ايه ؟ نقرا كتب ... ندور ع مجال ممكن نشتغل فيه ولو من البيت ...لو بتعرفى تطبخى مثلا ممكن تعملى أكلات وتبعيها فى المنطقة حواليكى ... أو تعملى حاجات يدوية لو بتعرفى دا ...فى جروب ع الفيس اسمه no zero days ادخليه

بصى أنا بؤمن بحاجه إن الإنسان جواه معجزة لو عايز يعمل أى شئ هيقدر ....عايز تغيرى حياتك تمام ..تقدرى ...بس لو انتى عايزه دا ...المرض النفسى مش هتخفى منه إلا لو انشغلتى بحاجات تانيه ...الحياة مليانة جوانب كتير اوى ابدأى شوفيها

اسمعى فيديوهات عن فن التعامل مع الزوج ... انتى عشان لسه صغيرة فمش عارفه تتعاملى ربنا يهدى سركم ويألف بين قلوبكم حبيبتى يارب ❤️

ما تبقيش مدلوقه ... تعاملى بحكمة ...اهتمى بنفسك وببيتك واعمليله واجباته بالذات فى الوقت اللى متخانقين فيه صدقينى الأزواج أطفال من جواهم عايزين بس اللى فاهمهم كويس وازاى يتعامل معاهم هتلاقيه بدأ يتحير ومش عارف يعاملك ازاى ...وحدة وحدة هتلاقي غصب عنه أسلوبه بقى محترم معاكى وهيحترمك ويحبك أكتر

تروحى فى اوضه تانيه مثلا أو تعملى نفسك مشغولة بحاجه فى المطبخ كدا يعنى ... كل ما يجى يبدأ خناق ردي انتى بالاحسان ....وما تسيبيش بيتك لأنه كدا هيتعود .. حصلت خناقة ما بينكم تردى زى ما قولتلك فوق وتقفلى اوضه ع نفسك وتصحى الصبح بابتسامه ولا كأن حصل شئ هو هيتغير بتغيرك انتى

مفيش حاجه اسمها محدش يقولى أبعد عنه أنا راضية بغلبه! هو بقى كدا عشان شايفك كدا ...هيرجع يحبك ويعاملك بما يرضى الله لما يبقالك شخصية ...ومش شرط عشان يكونلك شخصية تبقى تردى عليه وراس ب راس بالعكس ... إن يبقالك شخصية يعنى يبقى احترامك رقم واحد ...يجى يهينك تتكلمى باحترام ( لو سمحت أنا مش مقابلة اهانتك لما تهدى نتكلم ) وتسكتى خالص وتمشى م

اوعدى ربنا إن دى أول وآخر علاقة حرام تدخلى فيها ...وبالنسبة ل كلام الناس فمفيش كلام بيدوم الكلام سواء بالمدح أو الذم بيموت احنا نفسنا بنموت فمتحطيش الحتة دى فبالك المهم ربنا هيشوف وحدة جديدة ولا هتفضلى زى ما انتى فى الحياة دى ...صاحبى ناس كويسه عشان يشدوكى معاهم ...اقرى كتب واتثقفى واملى دماغك وعقلك وقلبك ....وكل يوم خلى ورد من الاستغفار تقوليه ....لسه الحياة قدامك واحنا بشر وبنغلط بغض النظر عن حجم الغلط المهم نكبر ونفوق ونعرف اننا غلطنا ونصلح دا باننا نتغير ...ربنا يصلح حالك حبيبتى ويغيرك لكل ما يحب ويرضى

توبى ل ربنا توبة نصوحة ...يبنتى انتى لسه صغيرة ع القرف دا لسه فى حياة مستنياكى .. عايزه تبدأى صفحة جديدة ابدأيها بجد مع ربنا ..واستغلى الأيام دى فى أخد خطوة زى كدا ...غيرى لبسك ولو لبسك محترم خليه محترم اوى ..اقرى قرآن بنية ربنا يغفر لك ..خلى كل الحواليكى يلاحظوا اد ايه اتغيرتى ويبقى تغير بجد مش عشان الناس

خلى الرقيب عليكى هو ربنا . ولو بتعرفى وعندك basics وحد فاهم وهتعرفى تطلعى نتايج التحليل صح يبقى تمام لأن دى أرواح ناس وهتتحاسبى عليها قدام ربنا. أما لو ترددك من باب حتة السحب وبس فدى هتيجى مع الوقت والخبرة وطالما بتعرفى وجربتى قبل كدا أكتر من مرة يبقى تمام. واستخيرى ربنا هتلاقيه بينورلك الطريق 🤍

روحى. دى فرصة كويسة ليكى.ومش دايما بتجيلنا الفرص دى فالحياة. الشغل دا هو اللى هيديكى الخبرة وهتتعلمى بسرعة. فى ناس مش بتكون سحبت غير مرة وبتمسك شغل عادى. وحالة ورا حالة بتبقى بيرفكت. ربنا معاكى 🤍

هبعتلك ازاى طيب ؟

عايزانى أتواصل معاكى. ابعتيلى أى حاجه توصلنى بيكى برايفت ماسنجر أو فيس وأنا هتواصل معاكى .هقولك كلام كتير بإذن الله يريحك وتعمليه عملى. أنا دكتورة وأكبر منك ب ٨ سنين كدا. وقابلت حد شبه حالتك كدا.ربنا يريح بالك حبيبتى

علفكرة أنا دكتورة ...اصغر بحوالى ١٨ سنة كدا .. فاعتبرينى اختك الصغيرة أو بنتك ...لو عايزة تبعتيلى واتكلم معاكى من فترة للتانية أنا موجودة 🤍

حبيبتى انتى مش أقل من أى إنسان لازم تكون له حياة كريمة هادية ...وانتى أحق الناس اللى تسعى لأجل نفسها. .. اطرقى الحياة من كل أبوابها لأجل تغيير قدرك واستعينى بالله فى كل شئ والله ما راح يتركك🤍 لازمى سورة البقرة وابدأى مشاورك فى حفظ كتاب الله وتفقهى فى الدين واقرى عن رسول الله وصحابة رسول الله واسجدى لله كتير وادعى من قلبك واجعلى دعوة ثابتة كل يوم ( يارب غيرلى قدرى ، يارب أحسن إلىَّ برحمتك ..) وهكذا كيف ما تحبى تصغيها... وادعى يارب حنن قلوب اخوتى عليا ... وفى طريقة معينة للدعاء أولها يا حنان يا منان يا بديع السماوات والأرض ( ابحثي عنها ع جوجل هتظهرلك ... الصيغة دى فيها اسم الله الاعظم أدعى بيها دايما ) وما تنسيش حكاية صوم اثنين وخميس والله راح تحسي بحياة تانبة كأنك بعالم تانى بإذن الله .... واحضرى يوتيوب عليه اشياء كتير حلوة ممكن تتعلميها .. واقولك سر ( لو تقدرى تطلعى صدقة بأى شئ لو بسيط هذه بمثابة سحر فى تغيير الأقدار واستجابة الدعوات والله ) اسأل الله أن يبشرك برؤية الحبيب محمد الليلة ويجبر بخاطرك ويصلح أحوالك ويهون على قلبك حتى تطمئنى ورحمة الله على والديكِ الله يجعل مثواهم الجنة 🤍🤍🤍.

أنا كملت قراية كل الكلام اللى كاتباه .. هقولك حاجه أنا كمان من الصعيد بل من جوف الصعيد بس الإنسان هو اللى بيخلى نفسه محاصر فى فكر معين ( يعنى الإنسان لو فضل طول عمره يقول احنا صعيد ما لنا حق التعلم ما لنا حق العمل ما لنا حق الحياة! خلاص راح تصير حياتنا كدا ) فوقى واطلعى من الحياة اللاحقيقية اللى عايشاها حاليا.... انتى جواكى قوة تقدرى تعملى بيها أى شئ فقد إن جعلنا الله رقم واحد فى حياتنا ... إن ثقتنا تكون فيه مطلقة

روحى مكان أوقاف مثلاً أو حد من كبارات البلد اللى انتى فيها واحكيله أمرك وخليهم يشهدوا إن محدش منهم يتعرضلك تانى وابدأى اشتغلى أى حاجه...الشغل هيقويكي وهيخلي الكل يحترمك

اقرى كتب ... اقرى كتير ...المعرفة وحفظ القرآن هيخلوكى واعية اوى وهيطلعوا شخصية قوية ... لازم تبقى شخصية قوية ...متسمحيش لحد يمد ايده عليكى .. انتى بشخصيتك اللى ممكن تفرضى احترامهم ليكى .. لو فى إمكانية إنك تشتغلى أى شغل اعملى كدا والشغل كتير ومش عيب بس اللى يسعى ويدور

تانى حاجه ... التعامل معاهم .. حاولى متتعامليش أصلا.. عيشي كأنك عايشه لوحدك .. كل ما هتقللى تعامل كل ما هيقل أذاهم ناحيتك ..اعتبريهم مش موجودين ...حطى همك وانشغالك كله فى الحاجات اللى فوق دى ...هما نفسهم هيتجننوا من دا وهيستغربوا ازاى بقيتى كدا ووقتها بس هتكونى قدرتى تستردى حقوقك وكرامتك

الحاجات دى هتساعدك تنسى الوحدة اللى انتى فيها وهتكونى فى معية ربنا وهتضمنلك مكان فى جنة الرحمن مع الصالحين والصالحات بإذن الله.

ويسلام لو قدرتى تقرى سورة البقرة كل يوم أو يومين مثلا ...لو هتعيشي تعملى الحاجه دى بس هيبقى عندك كنز 🤍 الرسول قال فيها ( أخذها بركة وتركها حسرة ولا تستطيعها البطلة) فأنصحك بيها جدا

الأذكار ثم الأذكار... داومى عليها خلى رقم معين كل تسبيحة مثلا كل يوم + أذكار الصباح والمساء هيكونوا حماية ليكى بإذن الله

نزلى تطبيق فيه قصص الأنبياء والصحابة واقرى عنهم ...راح تحسي بونس... كمان ممكن تسمعى الحاجات دى على اليوتيوب

ابدأى صومى اثنين وخميس كل أسبوع لحد ما تبقى عادة عندك ...راح تضمنى باب الريان فالجنة بإذن الله 🤍

دى جزئية القرآن... نيجى للصلاة ..لو مش بتصلى صلى بانتظام وما تتركى فرض وابدأى صلى السنن وحافظى على صلاة الفجر ...دى ما بيصحاش ليها غير اللى ربنا بيحبهم

وشهر رمضان المبارك داخل .. دا هيساعدك جدا إنك تاخدى خطوة زى دى

ننوي أمام الله بحفظ كتاب الله .. ما فى شئ راح يصلح أيامك اد القرآن 🤍 ...راح تكونى فى معية الله وراح تضمنى أنس بالدنيا ونعيم بالآخرة ... ويسلام لو تحفظى بالتفسير يعنى تاخدى جزء تقرى تفسيره الأول وتفهميه كأنك بتقرى قصة وبعدين تحفظى فيه وهكذا ...وتطبيقات كتيرة متوفرة مجاناً راح تساعدك فى الحفظ والتفسير وفى أصوات كمان كتير حلوة ...راح تلاقي صعب هذا فى الأول شئ طبيعى جدا بس كملى

أمرك ما فى غير حل واحد هو تغيير حياتك بيدك .. هم ما راح يتغيرون ..راح يفضلوا إلى أن يلقوا الله هكذا ( وعند الله تجتمع الخصوم حبيبتى فلا تحزني ) خلينا بالمهم ايش رأيك لو نبدأ حياة جديدة نخلقها احنا لنفسنا ؟

ابتلاكِ الله فى أهلك وفى وحدتك بالحياة ..أدرى ما معنى الوحدة وألمها ..لا تظنى إن الله لا يهمه أمرك أو إنه تارك فى هذه الدنيا لأنك ما الك قيمة! لا أختى الله رحيم عدل وحكيم بذات الوقت .. بيعوض فالدنيا والآخرة بس علينا بشوية صبر واللجوء إلى الله

عايزاكى تاخدى نفس عميييق الأول واستعيذى بالله من وسوسة الشيطان وانسي كل شئ واقرى كلامى ربما يجعل الله فيه ضالتك وانفراج همك 🤍بصى اختى لازم تفهمى إن ده ابتلاء جعله ربنا فى حياتك فلا تيأسى أبدا ربما بعد هذا العمر الله يخبألك شئ يكون سبب فى دخولك الجنة ..

السلام عليكم ورحمة الله وبركاته أختى🤍

وانتى اللى تقدرى تغيرى نظرة الحواليكى فيكى ...من نظرة عروسة بتترشح لأى حد بيتقدم ل طالبة أهم حاجه عندها حاليا دراسة ومستقبل وبس مهما كانت الظروف ... ربنا يحميكى من كل سوء وينورلك بصيرتك.

وإن اللى عايزك حالياً هيعوزك ليه أصلا ؟ شوية وهتترمى وهتلاقى نفسك بلا كيان ولا شهادة وهتدخلى فى مأساة ملهاش نهاية ف ليه تدخلى نفسك فى الحياة دى ...عيشى سنينك فى الحياة اكبرى وانضجى واتعلمى فيها عشان محدش يضحك عليكى ووقتها بس هتقدرى تختارى إنسان سوى بيحبك.

الحب والجواز لسه قدامك كتير اوى مش أقل من 6 سنين كمان ف ليه نفكر فى دا من دلوقتى ؟ وليه نضيع مستقبلنا وأحلامنا وطفولتنا ونسبق كل حاجه بأوانها ...كل المطلوب منك دلوقتى تركزى فى دراستك عشان بعد كام سنة متندميش وتقولى ياريتنى ...وهقولك حاجه حبيبتى الشخص اللى الفرق بينك وبينه 13 ..14 سنة سورى يعنى هو لو شخص سوى كان هيدور على حد اده مش هروح يدور ع وحدة اد بنته!

بصى حبيبتى أنا أكبر منك يجى ب 7 سنين يعنى انتى زى اختى الصغيره فاسمعى النصايح دى كويس ومتضيعيش نفسك ب نفسك ... انتى حاليًا فى مرحلة مراهقة ودى أصعب مراحل بيمر بيها أى حد فسنك .. طبيعى هتعجبى بناس كتير وهتقابلى كتير وجواكى هتقولى هو ده الإنسان اللى عايزه أكمل معاه بس ده ملهوش علاقة بالحب ده اسمه مجرد اعجاب وعدم نضج

فى جروب حلو اوي ع الفيس اسمه No Zero days ( فى منه كذا جروب ادخلي اللى فيه عدد كبير ) هتلاقي فيه حاجات كتيره اوى ..ناس بتحكي عن تجاربها أو عن حاجات استفادت منها أو اسماء تطبيقات تفيدك ...ادخلى الجروب واكتبي أفضل التطبيقات هتلاقيهم ظهروا .. فى برناج اسمه ( التقوى) مليان اسئلة دينية حلوة هتنميلك دينك ..وفى تطبيقات تانيه كتير عن الثقافة .. وممكن تنزلي كتب pdf تقريها ...ربنا يخليلك ابنك .. كفاية إنك حافظه كتاب الله وإنك بتدورى تكونى أحسن ..ممكن تبدأي فى تفسير القرآن بحيث متنسيش اللى حفظتيه ويثبت

بصي حبيبتي هقولك نصيحه انتي دلوقتي فى أهم سنة فحياتك ففكك من أى دماغ صغيره وانتبهي لمستقبلك بجد عشان متندميش بعدين ...وشوية شوية هتكبري وهتفهمي إنه لعب عيال وابعدى عنهم شويه هتلاقيهم هما اللى بدأوا ياخدوا بالهم ويسألوا عليكى ولو ما اخدوش يبقي ربنا مش عايزهم فحياتنا وعايز مصلحتنا وقدام هتلاقي ناس حلوة شبهك تفهميهم ويفهموكي ..ربنا معاكي ❤️

طالما بنعمل اللى علينا وإن كل حاجه مقدرة عند ربنا فملوش لازمه اننا نفكر كدا وخلي ليكِ ذكر معين كل ما تجيلك الأفكار دى افضلى كررى الاذكار دى كتير .. اشغلى نفسك ..اقري واسمعي عن المشكلة اللى عندك.. ممكن تلاقي متخصصين ع اليوتيوب يفيدوكي... وممكن تقولى كمان الدعاء دا جميل حفظته عن والدتي ( ربي لا تشغل عقلى بما يقلقه ولا قلبي بمن لا يرحمه ولا وقتي بما لا ينفعه ربي اجعلني بك أقوى وبك أغني عن العالمين ).

ممكن نقول دى أفكار سلبية ممكن تيجي لناس كتير فينا فمتخافيش ...بس لازم تبدأى تواجهي ده ..انتى محتاجه تعززي الثقة فنفسك علفكرة ولو عملتي اختبار ذات ( فى تطبيقات كتيرة ممكن تبينلك شخصيتك منها تطبيق ذاتك ) ...اعرفي إن كلنا فينا عيوب ونواقص عادى وإنك عادية جدا زى اللى حواليكِ ... وإن مفيش حاجه وحشه هتحصل

ولو جرك مرة التانية ل كدا حذريه لو كررها تانى اعرفى إنه حد مش كويس ومش بيصونك ولو وصلت إنك تقوليله هننفصل اعملى كدا.

هاتي مصحف فى يوم وحطيه قدامك وقدامه وأحلفوا يمين على المصحف إنكم مش هتكرروا الغلطة دى تانى ، ومتقعدوش لوحدكم أصلا غلط القعدة وحدكم لازم حد تالت وإلا يكون ثالثكما الشيطان ودى اسمها خلوة وهى اللى بتجلب كل المصائب اللى بيقعوا فيها المخطوبين ، كونى على علم إنه حتى لو بتموتوا فى بعض فالله أعلم هتكملوا مع بعض ولا لاء لأن النصيب غلاب وفى قدر مكتوب انتوا الاتنين متعرفهوش ، فحافظى ع نفسك عشان تكوني كلك لنصيبك .

لو تقدر تسافر أعمل كدا ...ارمي نفسك فالشغل ولو هتقدر تشتغل شغلانتين بحيث تنشغل أعمل كدا بردو .

أشغل حياتك اوى الأيام دى وقرب من ربنا اوى ...لو مش بتصلى فى المسجد ابدأ صلى فى المساجد واقعد فيها شوية بعد شغلك واتكلم مع ربنا وأنت ساجد قوله يارب أنا تعبان من الدنيا كلها وجايلك وأنت وحدك قادر تخرجني من اللى أنا فيه ..استغفر ربنا ومتمشيش فى طريق الشرب والضياع ، نفسك أغلى إنك تضيعها عشانها ، لو مش عشانك فعشان أهلك ع الأقل ...ربنا يصلح حالك يارب ويدبر أمرك ويهدي قلبك.