Nada 😊

انتي عملتي الصح طالما كل الظروف مكانتش مناسبه يبقي كان فعلا لازم تنهي الموضوع وربنا يعوضك خير ان شاء 💗

بصي هي فكره انك قولتي ليه انك بتكرهيه دي جامده اوي واكيد وجعته انتي كان ممكن طالما انتي كمان بتحبيه تقوليله لو عايزك يجي يتقدم لكن علاقه محرمه اكيد لا

كلامك كله جميل بس انا بتكلم عن احساس الحب هو الحب من وجهة نظرك انك تكلمي حد من ورا الاهل او كده لا طبعا ده حرام انا عارفه ولكن انا قصدي انك تحسي مشاعر لحد بينك وبين نفسك مش اكتر تحسي انك حابه الشخص ده

في نقطه التواصل انا بصراحه مقدرش اروح اتكلم في حاجه زي كده معاه وانا الي اكون بدأت الكلام مقدرش اعمل كده اكيد هو لو في مشاعر ناحيتي هيتكلم فا لازم الخطوه دي تيجي منه هو انا بالنسبه لمشاعري انا مش عارفه بصراحه انا ببقي ناسياه وبقول لنفسي مش هفكر في الموضوع عشان جاين احساسي غلط ولكن بتصرفاته بيجبر عقلي انه يرجع يفكر في الموضوع تاني ومش مرتاحه خالص ولا عارفه احدد هو عاوزني ولا لا بس انا مش متأثره عشان مش معشمه نفسي ولكن عاوزه عقلي يبطل تفكير مش اكتر بس مش عارفه اتأكد من مشاعره

السلام عليكم حضرتك مش غلط خالص ان المدرس يكون شديد وبرضو في حدود لان في مدرسين بتستعمل الشده بقسوة جدا وطبعا ده مرفوض لانه بيعقد الطالب في نفسه وبيكرهه في المادة وبالنسبه لحضرتك والله حضرتك عملت الي عليك وحذرت مره واتنين وتلاته ومفيش فايده فا المفروض ساعتها انك تبلغ ولي الأمر بالتقصير ولو ماخدتش موقف في حاجه اسمها تصفيه للطلاب ومش عيب انك تمشيه انت مشيت الطالب ده بعد ما اديته فرص كتير وهو مستغلهاش وبرضو مفروض حضرتك حاول تعمل نظام متابعه دايم مع ولي الأمر يعني تبليغ بكل الدرجات وتقرير شهري مستوي الطالب وكل ده من الحاجات المهمه عشان يبقي ولي الأمر علي درايه مستوي ابنه لكن حضرتك في الموقف مغلطش في حاجه بس كده وربنا يقدم لحضرتك الي فيه الخير

في الغالب الحل النقاش بينكو واسمع اسباب رفضه للموضوع وحاول معاه تاني جايز يقتنع بس والله نصيحه دايما الاهل بيكون عندهم نظرة لقدام وحاجات احنا مش بنبقي شايفينها ولا واخدين بالنا منها ونصيحه لو باباك فضل علي رايه هي صعبه انك تخسر الي بتحبها وكل حاجه ولكن قارنها كده ب رضا اهلك عنك وانك متخسرهمش هتلاقيهم هما اهم وجايز ربنا يهدي الحال بعد النقاش ووجهه نظر والدك تتغير ان شاء الله

بالظبط كده انتي انهي الموضوع بشكل لطيف معاه

بصي انا معاكي أن كل إنسان يستاهل فرصه تانيه بس في موضوع الشرب والادمان والحاجات دي معتقدش انتي الي هتتعبي لان الحاجات دي بتكون صعبه انه يوقفها مش بارادته غصب عنه ولو وافقتي انا شايفه انك هتظلمي نفسك بصراحه وبنسبة كبيره مش هيتغير فا انتي انهي الموضوع بذوق وقوليله انه مفيش نصيب وانك اخوات بس كده

بصي متزعليش مني بس إنتي غلط من البدايه اصلا مكنش ينفع تكلمي شاب وحب وكل الكلام ده ومفيش بينكم اي شئ رسمي يربطكم ببعض وفي دينا مفيش حاجه اسمها مرتبطين لأنها كده علاقه محرمه فا المفترض دلوقتي انك تنسي خالص بقا الكلام ده والي حصل في حياتك قبل كده وتفتحي مع ربنا صفحه جديده وتستغفري علي اي معصية عملتيها خلال الفترة دي او في حياتك عمتا يعني وحاولي قربي من ربنا اكتر والله غفور رحيم وصدقيني والله نصيبك هيجيلك من غير اي ارتباطات والمجهود منك اصلا عشان اكيد ربنا كاتبلك الي فيه الخير ليكي وأهم حاجه من ده كله انك خلاص متكرريش الغلط تاني عشان تكسبي رضا ربك وكمان متتوجعيش تاني وربنا يقدملك الي فيه الخير يارب 💗

عارفه والله الفكره انه مش بيبقي باين عليها في الأول مبعرفش بقا اذا كانت كويسه بتحبني بجد ولا لا دي الفكره لكن اكيد لما حد ياذيني ببعد بس انا انصدمت فيها بعد عشره مدة طويله اوي ومكنتش انكشفت شخصيتها دي فا دي المشكله ومش عارفه افهم ازاي الي حواليا بقا

شكرا بجد علي كلامك ده ده من زوق حضرتك وفعلا عندك حق في كل كلمه ☺️

العفو يا جميل مفيش بينا شكر اتمني اني اكون ريحتك ولو بقدر صغير

بجد بجد والله ماشاء الله عليكي ربنا يبارك فيكي يارب هي اينعم مش اهانه ليه هي مجرد انك هتخلي حد ينبهه بس انك مترضيش تعمليها وتخافي علي شكله ربنا يحفظك يارب

ان شاء الله والله تأكدي ان ربنا هيعوضك بفرحه كبيره والله عوض ربنا جميل اوي وبكره يرزققك بزوج صالح وحياه مستقره ان شاء الله وتنسي كل ده ربما يارب يريح قلبك ويصلحلك الأمور يارب 💗

بصي بالنسبه للشغل ده انتي لو مرتاحه تمام حاسه انك مظلومه وكل ده ضغط عليكي واتكلمتي معاه اكتر من مره ومفيش فايده يبقي مفيش حل غير انك تشهدي حد زي عمامك مثلا جدك للو لسع عايش او عمتك كده لازم حد يوقفه

بصي يا جميل هي حاجه جميله انك تعتمدي علي نفسك وكل حاجه ده في شباب حاليا مش جدعين زيك ولكن الغلط هنا في انك عودتيه علي كده ده مكنش ينفع من الاول كان المفروض تعرفيه انك بتعملي كده مساهمة منك مش اكتر وده ميمنعش انه يفضل متكفل بكل احتياجاتك زي اخواتك

قربي من ربنا لو بعيد عنه ادعيه في كل صلاه ليكي انه يهدي الحال وان شاء الله ربما يستجيب لدعوتك

بس سيبي الحل ده اخر حاجه خالص بعد ما تكلميه مره واتنين وتلاته عشان تبقي عملتي الي عليكي جايز الوضع يتصلح من غير دخول حد بينكو ان شاء الله بس لازم تتكلمي وتتصرفي عشان الوضع لو فضل كده انتي هتتعبي بجد ومش غلط ولا عيب انك تفهميه انك مهدور حققك وبكل ادب ربنا يقدملك الي فيه الخير يارب يا جميل والله روقي كده وكل حاجه هتتصلح ان شاء الله

هو في حل تاني بس انا مش مرجحاه بصراحه ولكن الحل ده هيكون لو ملقتش منه استجابه وفضل علي وضعه ده وهتكون ساعتها مضطرين نعمله وهو انك لو عندك عمك او عمتك او كده قريبه منك ممكن تفهميها الوضع وتكلمه هي جايز لما تيجي من حد يرجع عن الي هو فيه ده

بصي انا بجد مش عارفه اقولك ايه وعارفه انك موجوعه وده احساس صعب انا مقدره بس انتي لازم تبقي قويه لازم تتكلمي معاه متخافيش وتعيطي لا كلميه بكل ادب واحكيلع الي مضايقك لان ده حققك عنده انه ما اب انه يتكفل بكل احتياجاتك وقوليله انك مسؤوله منه مش مجبره تشتغلي انتي بتعملي كده ما مساعده مش اكتر عشان تخففي عنه شويه وانتي برضو مش ملزمه بده لازم تتكلمي معاه لان هو يا اما مش حاسس او قاصد بس عاوز حد ينبهه الله اعلم

بصي يا جميل انا مقدره كلامك ده والله بس عاوزه اقولك انه مفيش اب بيكره ولاده ممكن انتي بقا تعملي ايه حاولي اتكلمي معاه بالراحه افتحيله قلبك احكيله الي مضايقك جايز هو في غفله او كده او مش حاسس انه بيعمل حاجه بتاذيكي نفسيا جايز لما تتكلمي معاه يتغير وياخد باله من التصرفات دي انا بصراحه م لاقيه سبب لتصرفه ولكن خلينا زي ما قولتلك نلتمس ليه العذر وحاولي اتكلمي معاه ممكن كمان تكلمي مامتك وخليها تتكلم معاه برضو وان شاء الأمور تتصلح بينكو يارب

شكرا ليكي بجد علي كلامك وتفهمك ليا ❤️

شكرا بجد ❤️

ممكن بس انا حاليا عندي أصحاب كتير الحمد الله بس مش عارفه اثق في ولا واحده خايفه تطلع زيها ومش عارفه اتأكد ازاي من حب الي قدامي بجد ليا وانه مش بيخدعني وانا بحبهم كلهم وهما كمان بيحبوني بس برضو خايفه

عارفه اني غلطانه والله وبحاول اتغير فعلا بس مش عارفه ابدا ازاي

والله مكنتش ساعتها بفكر في فكره احتاج انا كنت بس بحبها بجد والله بس معرفش كنت ازاي مش شايفه الي كل الي حواليا شايفه

وبرضو تفكري تقولي اني مكنش ليا غيرها كانت دايا تزعل لو حد دخل حياتي وعاوز يصاحبني كانت تقولي لا احنا الاتنين بس محدش يدخل بينا ومتصجبيش غيري فا كان الي حواليا مجرد زمايل محدش قريب غيرها فا جايز برضو ده السبب

بصراحه مش عارفه جايز تعلق واني كنت لما مثلا تزعلني واجتنبها اشوفها مثلا هتدور عليا ولا كده الاقيها جايه ليا ولكن ده كان من زمان ولكن موخرا مكنش بيحصل بس لما قولت للي حواليا الي نصحوني ابعد كده قالولي بتمثل عليكي الحب وانا أقف قدامهم واقولهم ازاي دي صحبتي وبتحبي وكله كان يقولي صدقيني هتبيعك وده الي حصل فعلا فا تقدري تقولي امي كنت مغيبه لاسف

فعلا ده الي بيحصل معايا بس ببقي عادي مش يترجمها لحاجه وحشه للأسف ومش عارفه اعمل ايه بجد بحاول افهم بس مش بعرف برضو لاسف انا الموضوع ده مش هياثر عليا بس في صداقات يس ولكن هياثر عليا بعدين في اختيار مثلا شريك حياتي والكلام ده عاوزه احاول افهم عشان متخدعش في حاجه كبيره زي دي

ملحوظه بس هي اتغيرت بزياده من بعد ما دخل صاحبه تالته بينا ومقجرش اقول انها هي الي فرقت بينا لان الي بيحب حد مش هيسمع لكلام حد انه يسيبه

انا معاكي اننا كنا كويسين ال ١٢ سنه او جايز انا الي كونت شايفه كده برضو كل الي حواليا حتي اهلي حذروني منها كتير واصلا كان في بينا خلافات كتير ولكن كنت بعدي عادي بصي هو المفروض لما يحصل خلاف بين اتنين صحاب بدون ما ادخل بس في تفاصيل المشكله المهم انها باجماع اراء الناس حواليا بأن انها الي غلط في المشكله ولكن هي مصممة اني الي غلط ولكن مش مشكله بعدنا ولكن خليني أوضح اني وقتها كنت مستعده اسامح في المشكله ونكمل ولكن هي الي بعدت قولت لنفسي تمام وخلاص كل واحد يبقي في حاله هل من الطبيعي بقي انها تدور ازاي تأذيني وتطلع عليا كلام وتحاول تبعد صحابي عني وسمعت كلامها بنفسي وهي بتقولهم يا تصاحبني انا اوهي وسكت ومردتش أكلها ولا اعمل مشكله عشان العشره فا ده ردي علي فكرة الي ١٢سنه والله كنت شايفه فيها عيوب ومع ذلك اتغاضيت عنها وانا عارفه انه مفيش انسان كامل وكلنا فينا أخطاء

والله بحاول بس الفكره ان انا مش عارفه الغلط فين يعني صاحبتي دي كنا ١٢سنه امل شرب خروج دروس كل حاجه سوا ومكتشفتش ولا شكيت خالص انها مش بتحبني فا دي الفكره انا حاليا اصلا مبقتش بثق في حد وخايفه اثق اتخذل تاني

ان شاء الله تعدي علي خير وترجعي احسن من الاول

العفو يا حبيبتي علي ايه بس ❤️

بصي يا جميل الي اقدر اقولهولك انه مفيش حاجه تستاهل انك تاذي نفسك وتغضبي ربنا وكمان تقلقي اهلك عليكي لو حصلك حاجه بسبب الي تعمليه ده ايه يعني حب من طرف واحد عارفه انها بالنسبه ليكي حاليا اذمه بس جايز انتي مقابلتي صعوبات تانيه في الحياه وصدقيني الحياه تمشي بيه او من غيره وانتي بكره ربنا هيرزققك بشخص احسن منه ربنا كاتبه ليكي وتضحكي وقتها علي وقفك الي كنتي واخداها ده

ولا مشكله ولا حاجه يا جميله كل الموضوع انه نصيبك لسة مجاش وربنا لسه مبعتلكيش الشخص الي يقدرك ويعرف قيمتك بجد واكيد ربنا هيرزققك بالزوج الصالح في الوقت المناسب الي ربنا كاتبه ليكي واكثري من الاستغفار والأذكار دايما شغلي قرآن في البيت ربنا يقدملك الي فيه الخير يارب

مفيش حاجه هتخليكي متسمعيش كلامهم غير قناعتك انتي وتمسكك برايك وحبك للحاجة دي ويكفي انتي شايفه نفسك جميله فيها وكفايه اوي رضا ربنا عنك دي بالدنيا اصلا والجواز والكلام ده كله نصيب والله وعلي فكره الي بيتحوز دلوقتي بيدور علي ام تصلح لولادة مش شكل لبس وكده

بصي هي مساله انها خيانه صاحبتك فا لا هي مش خيانه ولا حاجه لانك معملتيش حاجه اصلا ده مجرد شعور داخلي جواكي انا بقي نصيحتي ليكي انك متعلقش نفسك بحد عشان متتعبيش لو الشخص ده مكانش من نصيبك سيبيه هو لو فعلا بيحبك وجواه ر مشاعر ليكي هيجي ويتقدملك وطبعا قبل كل ده لو في فعلا الخير ليكي ربنا هيكتبه من نصيبك من غير اي مجهود

المفترض استشاره طبيب هي كا اعراض من الواضح انها مجرد إرهاق بس وسوء تغذية فا دي علاجها فيتامينات كويسه واكل صحي طبعا ولكن طبعا لازم الفيتامينات دي تكون استشاره الطبيب الأول ولكن حاول تعمل فحوصات تتأكد بيها من صحتك وبرضو عشان لو فيه لقدر الله حاجه تانية تعالجها

بصي مبدأياكده مفيش ام بتكره ولادها وده مجرد وهم في دماغك مش اكتر تاني نقطه متزعليش مني واجب عليكي انك تساعديها لان اكيد الحمل عليها كتير وهي اكيد تصرفها ده من الضغوطات مش ونصيحه مني حاولي قربي من مامتك اتكلمي معاها علي الي مضايقك احكيله عملتي ايه في يومك مثلا قربو من بعض ولما ده يحصل انتي بنفسك هتعرفي أنه كل الي كان في دماغك ده مجرد وهم

فكري هل الشخص ده يستاهل يكون في حياتك ولا لا وطبعا ده هتسبيه من خلال اهتمامه رغبته انه يكون معاكي ولا لا ولكن لو بيبعد ويقرب فا ده متخليهوش في حياتك لانك مش تحت امر حد وقت ما يحتاجك يلاقيكي ساعتها هيعرف قيمتك بجد

بصي احمدي ربنا ودايما قولي لنفسك انك احسن من غيرك وارضي بالي ربنا كتبه ليكي كفايه انك من جواك عارفه انك عملتي الي عليكي تعبتي بس برضو ده الي ربنا كتبه ليكي واكيد ده الخير ليكي فا خلاص انسي الي عدي وركزي في طريقك الجديد واسعي انك تثبتي نفسك في مجالك الجديد والله ياما دكاتره وفاشلين فامش بانتي دخلتي كليه ايه لا بتتحسب ب انتي حقتي فيها نجاح ايه وربنا يقدملك الي فيه الخير يارب

بصي نصيحه مني طالما ملقتش التقدير والاحترام من الاول للي بتحبيه متفكريش انه هيجي بعد الجواز الي بيقدر ويحب ويحترم بيبقي من الاول وانا راي انك تخليكي مع العريس القديم طالما بيقدرك وبيحترمك وعلي كلامك انك مرتاحه معاه اما بالنسبه الحلاوه البدايات دي حاجه في علم ربنا بس كله الي اقدر اقوله صلي ستخاره وشوفي لو لقيتي نفسك مرتاحه للعريس القديم كملي معاه لكن التاني ده نصيحه متكمليش معاه

بصي اهم حاجه انك تختاري حاجه انتي حباها وعارفه ومتاكده انك قدها وهتقدري تكملي فيها وانا معاكي انه الطب مش سهل خالص ولكن لو شايفه انك هتضغطي علي نفسك تكملي فيه تمام بس نصيحه اقعدي مع نفسك وشوفي انتي ايه الي شبهك وانتي شايفه نفسك في انهو مكان وبرضو صلي استخارة وربنا يقدملك الي فيه الخير