انا داخله على علاقة ارتباط واتمنى من ربنا انها تنجح وكنت محتاجه اخد كورس في العلاقات وكيفية عمل علاقات صحية نفسيا بحيث لا اؤذي ولا يؤذني الطرف الاخر .. محتاجه حد يقولي اسماء كورسات او اماكن بتقدم حاجه زي كده
تم النشر الثلاثاء، ٢١ مارس ٢٠٢٣
معتقدش ان ده رهاب اجتماعي.. اعتقد بس انك شخصية خجوله ومتعاملتيش مع الناس كتير .. انا كنت كده في اولى وتانيه جامعه .. وده شيء عادي وهتلاقي ناس كتير زيك على فكره .. كل اللي هتعمليه انك حاولي تتصاحبي على ناس كتير وخدي الجرأه في انك تبدأي الكلام وبعد ما تتعرفي عليهم خدي رقمهم ومش شرط تصاحبيهم .. ممكن تاني يوم تتعرفي على ناس جديده تانيين لحد ما تلاقي صحاب تحبيهم وترتاحلهم .. واللي فعلا هيساعدك تاخدي الجرأه وتتعرفي ع الناس هو انك تشتركي في activity او في الانشطه اللي بيعملوها الطلبه في الجامعه .. لأنهم اكتر ناس عندهم انفتاح وبيتكلمو مع الناس وهيعلموكي ازاي تتصاحبي على ناس جديده بسهوله .. وممكن برضو تشتركي في انشطه تطوعيه زي جمعية رساله او اي نشاط تطوعي يكون جماعي عشان تقابلي ناس جديده كتير .. وكل ما هتقابلي ناس كتيره كل ما هتكوني اجتماعيه مع الوقت
تم النشر الأربعاء، ٢٢ مارس ٢٠٢٣
انا شايفه الكلام اللي الناس بتقولهولك رائع فعلا . . بوصي انتي عندك حل من اثنين .. اما انك تستحمليها زي ما هي وتفضلو زي مانتو لحد ما السنه تخلص والدروس والمذاكره والامتحانات تخلص وساعتها حطي خطه انك تبعدي عنها في الصيف وتبدأي تصاحبي ناس تانيه جديده وابدأي حطي خطه انك تدخلي بعد كده دروس ومجموعات مع الناس الجديده واخلعي نفسك من صاحبتك حبه حبه وهي هتيجي في وقت تفهم وهي كمان تنشغل مع صحاب تانيين .. الحل التاني هو انك تبدأي تصلحي علاقتك بيها .. وفهميها بالراحه وبذوق انك بتتضايقي من الدبش بتاعها وشكوتها على طول عشان تقلل منه اثناء وجودك معاها .. وبصراحه وفي كل الاحوال عشان تبقي عارفه ان المشكله مش في صاحبتك .. المشكله عندك .. انتي بتقولي ان صاحبتك هي اللي قربت منك وخلتك جزء من يومها .. ده معناه انك اديتيها مساحه تقتحم حياتك وترغمك تصاحبيها وتحبيها من غير ما يكون ده اختيارك .. وده شيء مش حلو .. لأنك لازم تقعدي مع نفسك وتعرفي انتي بترتاحي مع صحاب مواصفاتهم ايه وبعد ما تحددي المواصفات اللي بتريحك ابدأي دوري حواليكي من البنات على حد بيريحك وفيه المواصفات دي .. وعاوزه اقولك في كل الاحوال . خليكي عارفه ان الصداقه يعني ونس ويعني سعاده وتقضية وقت جميل مع بعض مش ضغط نفسي ومحاولة تقبل حاجات مش بنحبها .. فلو مش بتضحكي وتنبسطي بشكل كافي مع صاحبتك يبقى اقعدي لوحدك افضل
تم النشر الأربعاء، ٢٢ مارس ٢٠٢٣
لازم دكتور نفسي .. فيه دكاتره نفسيين كمان بالتليفون على مواقع الانترنت وتطبيق زي فيزيتا
تم النشر الأربعاء، ٢٢ مارس ٢٠٢٣
لو الانجليزي بتاعك كويس او معاكي اي لغة ممكن تشتغلي كول سنتر من البيت اكتبي في البحث على الفيسبوك call center work from home ودوري على شعل فيهم بيقبل الطلبة
تم النشر الأربعاء، ٢٢ مارس ٢٠٢٣
شكرا جدا ليكي واتمنالك كل الخير واتمنى تحققي كل امنياتك يا رب
تم النشر الثلاثاء، ٢١ مارس ٢٠٢٣
اكيد طبعا تقدري تكملي تعليمك وتاخدي كورسات وتشتغلي .. الموضوع هياخد منك مجهود في الاول بس بعد كده هتقدري تشتغلي بمرتب كويس .. وبما انك عندك اولاد ومش عاوزه تنزلي وتسيبيهم . حاولي تاخدي كورسات اونلاين ع النت .. وعلى فكره فيه شغل كول سنتر عربي وانجليزي من البيت برضو .. اكتبي في خانة البحث على فيسبوك كلمة شغل من البيت او work from home
تم النشر الثلاثاء، ٢١ مارس ٢٠٢٣
لعرض الملف الشخصي في فدني اضغط هنا