منى توفيق

اولا وعيك باخطاءك ورغبتك في انك تتغير وتصلح اخطاءك دي خطوة اولي في اصلاحك وتغييرك وده نعمه من ربنا انه يفوقك وتكون عندك رغبه في الرجوع من الطريق ده وياريت لو تابعت مع مختص يتابعك بس مبدئيا طبعا التوبه والنيه علي عدم الرجوع حافظ علي صلاتك ابعد عن كل شئ يوصلك لاصحاب السوء دول ابدأ اعمل اصحاب جداد اختارهم كويس يقربوك من ربنا العب رياضه اهتم بدراستك اعمل خطه للسنه الجايه حدد ايه الاهداف اللي محتاج تحققها السنه الجايه وخطه محدده بزمن هتنفذها ازاي اكتب ايه الخساير اللي حصلت من الطريق اللي كنت ماسي فيه عشان تشوفها قدام عنيك وتثبتك انك مترجعش شوف مين من اللي حواليك حد كبير من اهلك قرابيك حد تثق فيه واطلب مساعدته في انه يدعمك واخيرا الدعاء والتزم بصلاتك وربنا مش هيسيبك ان شاء الله من تقرب الي شبرا تقربت اليه ذراعا

ايه يمنعك انك تمارس هواياتك وتحول مواهبك لعمل كمان وانت بتمارس شغلك الطبيعي انت تقدر تعمل الاتنين انت بس محتاج تتعلم اداره الوقت ومحتاج تغير تفكيرك الفكره السلبيه نكد وتعاسه والايجابيه سعاده وانجاز شوفها من منظور مختلف غير الشمعه اللي بتتحرق انت قيمك ايه مسئوليه الاهتمام بالاسره حماية نفسك واسرتك من الاحتياج للاخرين يبقي اللي بتعمله ده انت محتاجه قبل الاخرين لو خدت كورس او قريت وسمعت فيديوهات عن اداره الوقت والتخطيط ووضع الاهداف هيفرق معاك كتير

ربنا يشفيك ويعافيك ويبصرك اولا انت محتاج مساعده وقت ما المخ يعرف الادمان في اي شئ مفيش حاجه اسمها اتعالجت وخلاص هتضعف وتتغر بقدرتك عالتعافي وتقول انه سهل وهترجع تاني فانت محتاج متابعه مستمره مع حد متخصص يثبتك ويساعدك ومبدئيا بالورقه والقلم اكتب كل الخساير اللي خسرتها بسبب الادمان وبعدين الاضرار اللي سببتها لكل اللي حواليك بسببه واكتب ايه الاشياء اللي حرمتك المخدرات منها وبعدين اعمل خطه ازاي تصلح كل الخساير اللي اتسببت فيها لنفسك وللاخرين وانصحك بالاستعانه بمختص هيساعدك بامر الله تتجاوز المرحله دي

أنتي جميله ما شاء الله عليكي صابره وراضيه وان شاء الله ربنا هيردلك بنتك ردا جميلا ويشفيها ويعافيها بحوله وقوته يارب وده بس مدخل للشيطان عايز يضعفك لكن انتي قويه وربنا هيثبتك ان شاء الله افضلي ادعي واستعيني بالله اوقات ربنا بيبتلينا بعض الابتلاءات لرفع درجاتنا والوصول لمكانه مكناش هنقدر نوصلها بعباداتنا وعملنا استعيني بربنا وهو مش هيخذلك ابدا

انتي حكمتي علي نفسك بالفشل وده من أخطاء التفكير اللي بتعطلنا وتوقف حياتنا قولي انك عملتي حاجات مش ناحجه او مشيتي في الطريق الغلط وده امر طبيعي وارد يحصل لاي حد الاول جددي نيتك واستعيني بالله انه يساعدك من الحاجات اللي تساعدك حددي فين المشكله حللي كل المحاولات اللي منجحتش معاكي وشوفي فين الخلل ايه اللي اتسبب في فشلها ياتري طريقه تفكيرك او الطريق الغلط الخطوات اللي عملتيها مثلا او صحبه كانت معاكي فكري كويس وشوفي ايه المشترك واخرجي بنقاط اكتبيها عشان متكرريهاش تاني الخطأ اننا نحاول نحل مشكلاتنا بنفس الطريقه كل مره اللي مش بتوصلنا لحاجه واينشتين قال لن تستطيع ان تجتاز المشكلات بنفس العقليه اللي اتسببت فيها من الحاجات اللي بتحفزنا اننا نحاول نحفز ونشجع حد تاني ده بيرجع مردود عليكي كمان ممكن تحاوطي نفسك بالناس الايجابيه اللي تدعمك وتسندك وتشجعك ده هيفرق معاكي وربنا يوفقك ويكتبلك الخير يارب

دي من الاقدار اللي معظم الناس بتواجهها الفرق احنا استقبلناها ازاي وقررنا نتصرف ازاي بعدها انتي تقدري توصلي وتنجحي بدليل انك عملتي ده قبل كده تعبتي واجتهدتي ووصلتي ده معناه انك تقدري تحققي النجاح ده واكبر منه كمان لانك بقيتي اكتر خبره واصقلتي نفسك اكتر اللي فات ده مضاعش ولا خسرتيه انتي لما بدأتي اول مره بدأتي من الصفر النهارده هتبدئي بخبره سنتين وبنجاح سنتين حققتيه بالفعل وان شاء الله هتحققي نجاح اكبر بكتير من اللي فات استعيني بالله توكلي علي ربنا وخدي خبرتك وحققي النجاح الاكبر

عايزه اسألك تحبي تكملي حياتك وانتي غرقانه في مشاعر الخزي والخسارة دي والا تخليها جانبك وتكملي بالرغم من وجودها وتعملي اللي فيه مصلحتك وينفعك المعاناه في العلاقات دي من سنن الحياه قابلتيها ولسه هتقابليها طول ما انتي عايشه المهم استقبلها ازاي واتعامل معاها ازاي الناس اضافه لحياتك مش كل حياتك وقت ميبعدوا تقعي فكري نفسك بده كويس افتحي صفحه جديده مع نفسك اعترفي بالمك وقدري نفسك انك اتحملتي كل ده وانك تقدري تتجاوزه وتبدئي صفحه جديده تخيلي نفسك بعد سنه من دلوقتي حطي اتنين سيناريو لو فضلتي بنفس المشاعر ونفس العجز وعدم تركيزك في تعليمك شوفي شكلك وحياتك هتكون ازاي وتخيلي بعدها شكلك وحياتك لو قدرتي تتخطي المشاعر دي وتركزي وتكملي حياتك مشاعرنا دي حاجه بتاعتنا احنا نقدر نديرها ونغيرها كمان افهمي الاول الدرس كويس اللي تخرجي بيه من اللي حصل ده حصل عشان يعلمك حاجه ياتري ايه هي فكري في ده وابدئي ارسمي لنفسك الحياه اللي تستحقيها والنجاح اللي من حقك توصليله

اساءات الطفولة للاسف تأثيرها بيستمر معانا وتأثر علي حياتنا بشكل سلبي ان متمش معالجتها والتعافي منها احتسبي ألمك ده عند ربنا وان شاء الله ربنا هيأجرك عليه بس ده لا يسقط مسئوليتك انك تتعافي منه وانتي تقدري ان شاء الله .. الاب والام بنخرجهم من حسبه الناس المؤذيه نقاطعهم لكن ممكن نحجم علاقتنا بالشكل اللي مش يأذينا باباكي ضحيه هو كمان لاب قاسي ويمكن اقسي منه هو عمل معاكوا اللي في حدود وعيه وتربيته وعلمه والحل مش انك تقاطعيه وانتي خايفه تسببي ألم لحد وواضح ان مقاطعتك ليه بتؤلم والدتك .. لو تقدري تتكلمي معاه تحكيله عن مشاعرك كلميه لان المشاعر اللي جواكي دي وعدم مسامحته بتأذيكي انتي قبل اي حد لو مش هتأمني رد فعله او مش هتقدري تعملي الخطوه دي هاتي ورقه واكتبيله جواب اكتبيله كل المشاعر اللي جواكي وحستيها عشان كذا وكذا وكذا وازاي هي اثرت علي حياتك وشخصيتك واكتبي اتسبب في ايه ليكي وف الاخر انك قررتي تتحري من المشاعر دي وتسامحيه عشان ربنا وعشان نفسك خرجي كل اللي جواكي كل ألمك ووجعك عالورقه وبعدين فطعيها ده هيساعدك انك تفرغي كل المشاعر السلبيه المؤلمه اللي جواكي ولو ده فك هيفك معاكي جلد الذات وارضائك الزائد للاخرين وضعف ثقتك بنفسك ربنا يكتبلك الخير كله يارب انجاز.

حبيبتي الدراسات اثبتت ان الثقه بالنفس 93% منها مكتسب و7% بس فطري ده معناه اننا نقدر نشتغل علي ثقتنا بنفسنا ونرفعها .. اولا موضوع انك بتنفعلي بسرعه العصبيه والانفعال ده شعور ثانوي الشعور الاساسي اللي وراه شعورك بالضعف وعدم الثقه من مدمرات الثقه بالنفس المقارنه بالاخرين والاهم مقارنتك انتي لنفسك بالاخرين نصيحتي اتكلمي مع اهلك عبري عن مشاعرك وان انتقادهم المستمر ده ليكي ومقارنتك باختك بتتعبك وتأذيكي وانتي وقفي اي مقارنه مع اي حد .. حبي نفسك وتقبليها زي ماهي لو متقبلتيش نفسك محدش هيتقبلها اعرفي ايه نقاط ضعفك واشتغلي عليها وايه نقاط قوتك وطوريها واستخدميها .. وقفي احكامك علي نفسك وغيري حوارك الذاتي مع نفسك ده كمان من مدمرات ثقتك بنفسك بلاش كلام انا ضعيفه انا مبعرفش اتكلم لو اتكلمت هيعيبوا عليا خلي حوارك مع نفسك ايجابي مع الوقت شعورك هيتغير وثقتك بنفسك هتعبا .. اعملي انجازات حتي لو خطوات صغيره اوي وكل حاجه تعمليها قدري نفسك عليها انجازاتك هتديكي ثقه بنفسك عاليه واخيرا متستنيش ان الاخرين هما اللي يمدحوكي والا يرفعولك ثقتك بنفسك انتي المسئوله عن ده اقبلي نفسك انتي تستحقي ربنا خلقك ونفخ فيكي من روحك ليكي قيمه واهميه استشعري قيمتك وانك تستحقي

طيب مبدئيا خلينا نقول مفيش حاجه اسمها ربنا مبيحبنيش ربنا هو اللي خلقنا وبيحبنا وبيفرح بتوبتنا ورجوعنا ليه وأنعم علينا بنعم وفضل كبير اوي دوري ف حياتك هتلاقي نعم ربنا وامتني ليها وقدريها بيقولوا الشكر بيديم النعم … الانسانه المؤذيه دي سيبك منها متفكريش فيها نهائي وتجاهليها لو علاقتك بالناس متزنه وكويسه مش هتقدر تعمل حاجه بكلامها . عايزاكي تفكري بحياديه ومنطق الخمسين واحد اللي انتي متخانقه معاهم ايه المشترك في الخلافات دي ممكن يكون ده نقطه ضعف عندك محتاجه تشتغلي عليها يعني مثلا تكوني بتتعصبي بسرعه ده بيضايق الناس او غير كده …. ممكن اقولك نصايح سريعه تساعدك في علاقاتك لما تكوني مع ناس خليكي مستمعه جيده ومتقاطعيش اللي بيتكلم شاركي الناس اهتماماتهم وافتحي حوار عن الحاجات المشتركه بينكوا يعني مثلا اتكلمي عن ماده بتدرسوها رأيك فيها او في المدرس او الدكتور وهكذا شاركيهم مناسباتهم السعيده وتعاطفي معاهم في اي حدث سئ وانتي معاهم متنشغليش بالموبايل خليكي مركزه في الحوار بينكوا حسسيهم بالتقدير والاحترام والاهتمام ابعدي عن النقد واللوم واصدار الاحكام

واضح ان سنكوا صغير وده مش توقيت علاقات نهائي لان اخرها انك هتتأذي ولا هترتبطوا ولا حاجه من دي هتحصل حبيبتي بلاش نغضب ربنا وحافظي علي نفسك اقطعي الموضوع تماما متسيبيش الباب موارب زي ما بيقولوا لان ده هيجرك لحاجات اكتر واكتر والنهاردة سهل تبعدي بعد كده صعب اقفلي اي باب نهائي للكلام متتابعيهوش عالسوشيال ميديا وعرفيه انك بتنهي الموضوع نهائيا ولو ليكوا نصيب ربنا هيجمعكوا وقتها اشغلي نفسك باي حاجه مفيده تعمليها تطوري بيها نفسك رياضه اقري كتب اي انشطه بتحبيها وكل ما يجي علي بالك اطردي اي افكار عنه مع الوقت هتنسيه وربنا يحفظك ويحميكيي يارب

كل ده وبتقولي عليها صاحبتك ابعدي عنها دي انسانه بتسئ ليكي وبتحسسك بمشاعر سلبيه طول الوقت حتي لو معاكي في نفس المكان حجمي علاقتك بيها متحكيش ليها اي حاجه تخصك قللي كلام معاها علي اد متقدري ده غير ان كلامها عن الاولاد ده برضه مؤشر سئ استعيني بربنا وادعيه يصرفها عنك ويحميكي من اذاها لان لو ده اللي جواها بجد ممكن تأذيكي اكتر من كده اعتزل ما يؤذيك وربنا يحميكي ويحفظك يارب

حبيبتي حاسه بيكي جدا وبألمك والماضي اللي سايب ندوب فيكي بتسببلك في الحزن والحاضر اللي مازال بيؤلمك نصيحتي ليكي اولا ارفعي تقديرك لنفسك انتي بطله مريتي بازمات ومواقف صعبه ومؤلمه واتحملتي خليكي فخوره بنفسك وبقدرتك علي التحمل واشتغلي علي استحقاقك انتي تستحقي وربنا خلقك ليكي قيمه ومكرمه اي اساءه او اهانه او تنمر من اي حد ده يرجعلهم وللي جواهم مشكلتهم هما مش مشكلتك انتي مش كلامهم ثانيا حطي حدود مع اي حد متسمحيش ليهم يتجاوزوها وقفي كل واحد عند حده ومتقبليش اهانتهم ردي عليهم وخليكي واثقه من نفسك متخافيش محمد علي كلاي كان ليه مقوله جميله : عش ضعفك امام الله فقط ثم اخرج لهم بكامل قوتك اما باباكي فهر عمل اللي كان يعرفه واتربي عليه في تربيتك وفي النهايه ابوكي مينفعش نتعدي حدودنا معاه احترميه بس اقفي قدام اي اهانه منه وعبري عن مشاعرك ورفضك لده بهدوء وخلي كل الظروف الصعبه دي حافز ليكي انك تنجحي وتتطوري نفسك وتخرجي من البيئه المؤذيه دي اما اوجاع الماضي دي صدمات متخزنه في ذاكرتك محتاجه تتعالجي منها ربنا معاكي ويكتبلك الخير كله يارب

تقريبا انتي اتعرضتي لنقد كتير وانتي طفله فكبرتي بتخافي من نقد او تقييم الناس وبتحاولي تتجنبي ان ده يحصل محتاجه تشتغلي علي تقديرك لنفسك محتاجه تحبي نفسك وتتقبليها وتقدريها انا كده كده بحب نفسها وبقدرها سواء عجبت الاخرين وحبوني او لا لو غيرتي افكار انهم بيضحكوا عليكي او بيتكلموا عليكي مش هتحسي بالتوتر ده

اولا انتي تحكمي علي نفسك لما بتقولي محدش بيتمسك بيا وده محصلش التمسك او التخلي ده في العلاقات واللي فهمته من كلامك محصلش علاقه اصلا مع حد واتخلي عنك دي افكار سلبيه عن نفسك اتخلصي منها ثانيا انتي مش مطلوب منك تتوددي لحد او تحاولي تجذبي حد كل الموضوع ان الامور دي بتاخد وقت وده نصيب خليكي طبيعيه بشوشه والتعامل بحدود وممكن فكره خوفك من ان العلاقه متكونش رسمي تخليك مش بطبيعتك او مشدوده وانتي بتتعاملي خليكي طبيعيه متصديش ومتتقربيش من حد حياديه في تعاملك معاهم انتي تستحقي علاقه امنه ومستقره مع حد يستاهلك وان شاء الله ربنا يرزقك بالزوح الصالح اللي يفرحك ويقدرك

حبيبتي انا حاسه بيكي ومتفهمه جدا وجهه نظرك ومشاعرك بس لازم تعرفي ان الاب والام ليهم حسبه تانيه في تعاملاتنا غير اي حد تاني يعني هو عمل معاكي اللي يعرفه واتربي عليه وممكن يكون كلام الاباء القاسي من وجهه نظرهم وبوعيهم هما ان ده لمصلحة ولادهم عشان يبقوا احسن ويشتغلوا علي نفسهم في النهايه هو باباكي علاقه مينفعش نقطعها او نبعد عنها حاولي تتكلمي معاه قوليله مشاعرك وانتي بتحسي بايه لما يقولك كده واسمعي مبرراته المشاعر اللي جواكي دي هتأذيكي انتي حاولي تتكلمي مع حد قريب منك ممكن يستوعبك وخرجي كل اللي جواكي ولو مفيش حد تكلميه اكتبي وابقي قطعي الورق بعد كده لو قلقانه حد يشوفه

هل اتعرضتي لفقد حد قريب منك ممكن يكون ده سبب خوفك من الموت الخوف من الموت ده امر طبيعي بس مش لدرجه انه يعطلك ويوقف حياتك وربنا قال انا عند ظن عبدي بي خلي ظنك ان ربنا هيغفرلك ربنا رحمته وسعت كل شئ متكونيش قاسيه علي نفسك وتفترضي ان توبتك متقبلتش متستسلميش للافكار دي راقبي افكارك وكل ما تحسي انها افكار سلبيه افتكري رحمه ربنا وعفوه واتخلصي من الافكار دي افكارك هي اللي وصلتلك لمشاعر الخوف دي استعيني بربنا وساعدي نفسك ووقفي حديثك السلبي وربنا معاكي ويطمن قلبك يارب

رغبتك في عدم تكوين صداقات ده راحع لطفولتك ممكن لاسباب كتير منها مثلا انك بتخافي من الهجر وانك ممكن تبعدي عنهم لو قربتي منهم وتتوجعي محتاجه تشتغلي علي ده وتشوفي ايه اسبابه بالظبط بالنسبه لصاحبتك نصيحتي ليكي انتي محتاجه تتكلمي معاها وتقوليلها مشاعرك وحاسه بايه تجاهها ممكن يكون في سوء تفاهم ويزول حاولي تعملي الخطوه دي

انت محتاج تقبل عشان تعدي الفتره دي اقبل انك سيبت الشغل وف شغل تاني حتي لو اقل من الاول مشكلتك انك غرقان في فكره تعلقك بالشغل الاول اسأل نفسك هل ممكن ترجع الوقت وترجع للشغل الاول .. طيب ايه الخساير اللي ممكن تحصلك لو سيبت الشغل الحالي وهل فيه مميزات حتي لو بسيطه وايه ممكن تعمله عشان تنجح فيه وتوصل لمكانه اعلي فيه احيانا تعلقنا بأشياء او اشخاص في الماضي بيحرمنا من نعمه الاحساس بالموجود في ايدينا محتاج تعمل تمرين الامتنان يوميا وهو انك تستشعر نعم ربنا عليك وكل يوم تكتب خمس حاجات انت ممتن عليهم وتحمد ربنا عليهم حتي لو حاجات بسيطه صحيت من النوم قدرت تمشي فنجان قهوه شغل ودخل اي شئ مع الوقت هتحس باثره في حياتك اما بالنسبه لعلاقاتك ده برضه من اسبابه تعلقك باللي فات وبشغلك الاول وتفكيرك المستمر في الماضي ومحتاج تتأني في اختياراتك وتشوف ايه كان غلط في اللي فات ومتكرروش واللي فات ده يعلمك ايه

اسألي نفسك لو هي اللي مكانك وانتي مكانها كانت عملت معاكي ايه رأي الناس فيكي دي حاجه تخصهم هما دليل علي اللي جواهم وتفكيرهم مالوش علاقه بيكي انتي محتاجه تعملي حدود واضحه خدي القرارات الصح ومتسمعيش لحد وخلي بالك ان الناس هتشوفك بعنيكي كل ما كانت ثقتك بنفسك عاليه وشايفه انك بتعملي الصح هما كمان مع الوقت هيشوفوا ده

انتي كل اللي محتاجاه تراحم ذاتي وقتها تفكيرك هيتغير وبالتالي سلوكك وتصرفاتك هتتغير انتقادك لنفسك اصعب بكتير في تأثيره عن انتقاد الاخرين ليكي اعترفي لنفسك بانك بشر يعني انسانيتنا في عدم اكتمالنا واخطاءنا جزء من رحلتنا وهي اللي بتعلمنا وتعرفنا الطريق الصح المهم لما نغلط نشوف ازاي نصلح الخطأ ده محتاجه تشتغلي علي ثقتك بنفسك عشانك انتي مش عشان الاخرين اما علاقتك بربنا هو الغفور الرحيم بمجرد ماترجعيله هيقرب منك من تقرب الي شبرا تقربت منه ذراعا اهم حاجه متفقديش الامل وربنا هيعينك ويقويكي

احساسك بالذنب ده مؤشر كويس انت من جواك رافض العلاقه الحرام دي بس ده مش كفايه انت بتدور علي مبررات وتعلق ده علي شماعه ان في حاجات ناقصاك في طرق كتير لحل المشكله دي غير انك تدخل في علاقه محرمه استعين بالله وربنا هيساعدك ويفك تعلقك بيها كل انسان ليه رصيد من الستر لو استنفذه خلاص كل شئ هيتعرف وساعتها خسارتك هتكون كبيره والندم مش هيفيد تخيل الخساير اللي ممكن تحصل وقتها اكتبها وشوفها قدامك هتقدر تتجاوزها وتتحملها لاي درجه الموضوع محتاج منك حسم وقرار توب لربنا وادعي يساعدك ويعينك ويثبتك وارجع لمراتك واتكلم معاها بصراحه قولها احتياجاتك وان عدم استجابتها ممكن يوصلك لحلول تانيه زي انك تتجوز هي في النهايه مشغوله ببنتكوا ويهمها بيتها واستقراره اتكلم معاها وشوفوا طريقه للحل وابعد عن مداخل الشيطان اللي في النهايه هتوصلك لخساره بيتك ربنا يعينك ويصرفك عن الحرام ويباركلك في زوجتك وبيتك

متضايقيش نفسك انتي بالفعل كنتي بتكتبي وتنجزي وتطوري من نفسك وتقدري ترجعي تعملي ده واكتر منه كمان اللي بيحرك الانسان في الحياه القيم هي المحرك والدافع اللي بيدفعنا لاي سلوك نعمله اسألي نفسك ايه قيمك او ايه اللي بيخلي للحياه معني بالنسبالك في ناس من قيمها مثلا الانجاز التعاون العيله التطور وغيرها فالاول اعرفي قيمك ادخلي ابحثي عن القيم وحددي قيمك تاني حاجه تخيلي حياتك لو عديتي المرحله دي وقدرتي ترجعي تنجزي وتعملي الحاجات اللي بتحبيها وبقي لحياتك معني شكلك هيكون ازاي مودك مشاعرك حياتك تالت حاجه افتكري موقف كنتي فيه راضيه عن نفسك وبتنجزي فيه ايه اللي كان بيحفزك ويشجعك افكارك كانت ازاي ايه كنتي بتعمليه وقتها ممكن يساعدك دلوقتي واخيرا حاوطي نفسك بالناس الايجابيه اللي تساعدك وتدعمك ربنا معاكي يكتبلك الخير كله يارب

مقدرة جدا لمشاعرك وعارفه انها مؤلمة جدا بس خليني اقولك ان عدم السماح مؤذي جدا ليكي مش للاخرين بيؤلم النفس وكأنك شايلة حمل تقيل وماشيه بيه غير تأثيره السلبي علي سلوكياتك من نوبات غضب زائد لانطواء وانسحاب وتجنب سماح الشخص مش اعتراف انه ما اخطأش لكن تخفيف للحمل اللي شايلينه ثانيا الاب والام ليهم حسبه اخري في التعامل مع الاساءات ده ابوكي مش هتقدري تبعدي عنه ومن واجبك بره بس عايزاكي تعرفي انه اكيد بيحبك بس هو اتصرف في حدود علمه واللي يعرفه واتربي عليه هو اكيد ضحيه اخري لنمط تربيه خاطئ واكيد كان بيعاني في طفولته من اساءه ما وبالنسبه للثقه بالنفس انتي تقدري تشتغلي عليها وتكتسبيها من الحاجات اللي هتساعدك علي ده حبي نفسك واتاكدي انها تستحق الناس هتشوفك بعنيكي شوفي نفسك انسانه تستحق وليها قيمه اشتغلي علي نفسك وحققي انجازات وقدري نفسك علي كل انجاز تعمليه خلي كلامك مع نفسك ايجابي كلمي نفسك زي ما بتكلمي حد بتحبيه وتهتمي بيه

خلينا الاول نقول ايه الفرق بين التعلق الصحي والمرضي الصحي انا بحب الانسان ده بكون سعيده في وجوده بس حياتي مش واقفه عليه بمعني اني عايشه حياتي ومكمله بيه ومن غيره هو اضافه لحياتي مش كل حياتي لكن لما حياتي تقف عليه وما اعرفش اعيش من غيره لما يتحكم في سعادتي ومزاجي لما اقبل اهانته وتجاوزاته واساءته وتعديه علي حدودي هنا ده تعلق مرضي ايه الحل اولا كوني واضحه مع نفسك لازم يكون عندك وعي بالتعلق المرضي ده اعترفي بيه ودوري جواكي واسألي نفسك ايه اسباب تعلقك بيها غالبا اسبابه شئ افتقدتيه من طفولتك لغايه دلوقتي وبتحاولي تعوضيه بيها وكوني رحيمه مع نفسك مش غلطتك انك حبتيها بس هتبقي غلطتك لو ما اخدتيش موقف تجاه اساءاتها المستمره عشان انتي بالنسبالها مضمونه هترجعي مهما عملت فك التعلق بيكون الاول علي مستوي سلوكياتنا بمعني وقفي اي اتصال او كلام معاها بلاش تتابعيها عالسوشيال ميديا مثلا او تسالي عنها حد وتتابعي اخبارها كل ما تحسي بحنين ليها فكري نفسك بكل الحاجات الوحشه اللي عملتهالك مع الوقت علي مستوي افكارنا التعلق هيقل هتفتكريها اقل ومع الوقت اكتر هيحصل ده علي مستوي مشاعرك وتنسيها وطبعا الدعاء الدعاء ان ربنا يثبتك وينزعها من قلبك بس نصيحه لو في افكار انتحاريه انتي محتاجه مساعدة متخصص شوفي معالج وتابعي معاه ربنا معاكي ويكتبلك الخير كله يارب

فكري ايه يساعدك تخرجي من دايره الكلام المحبط ده واستشعري نعم ربنا في حياتك هيفرق معاكي كتير

اسألي نفسك هل تفكيرك بالطريقه دي فعال معاكي بيفيدك بيخليكي تقومي بالمطلوب منك والا معطلك تخرجي منه ازاي بتغيير افكارك والرضا واللجوء لربنا سبحانه وتعالي هو القادر علي تفريج الكرب وتثبيتك

الف سلامه عليكي اشربي ميه كتير وخلي اكلك صحي واكشفي نظر عند دكتور تاني عشان تتأكدي لو كنتي في احتياج للنضاره

للأسف انتي كبرتي علي الخوف وعدم القدره علي اخذ القرارات اللي تخصك واللي زود الخوف ده كتمانك لمشاعرك وعدم التعبير عنها مبدئيا انتي محتاجه مساعده بما ان الموضوع وصل لافكار انتحاريه ومحاولذ انك تأذي نفسك انصحك تستعيني بمعالج .. وزي ما اتعودتي علي الخوف وعدم الكلام ومشاركه اهلك لمشاعرك ابدئ عودي نفسك علي العكس وده جزء كبير من انك تتعافي من الالم اللي جواكي ساعدي نفسك بانك تعبري وتتكلمي عن مشاعرك وتطلبي احتياجاتك استخدمي جمل أنا حاسه بكذا أنا محتاجه كذا بلاش انت عشان ميعتبرهاش اللي قدامك هجوم عليه منك من حقك تعبري عن اللي جواكي حاولي مره ورا مره هيسمعوكي .. ثانيا محتاجه تكتبي مشاعرك مع كل موقف والافكار اللي كانت بتدور في دماغك لان الافكار دي هي اللي اتسببت في الشعور اللي بتحسي بيه وبيضايقك مع الوقت الكتابه هتغير تفكيرك وتشوفي الامور من زوايا مختلفه جديده .. اكتبي قائمه بالحاجات اللي تبسطك وتغير مودك وكل يوم اعملي حاجه منها .. اشتغلي علي نفسك اقري اسمعي فيديوهات خدي كورسات اي وسيله تناسبك تشغل وقتك وتنمي من وعيك وتبعدك عن الافكار اللي ممكن تأذي بيها نفسك ربنا ييسرلك اكورك كلها يارب

حبيبتي خوفك ده وراه توقعاتك السلبيه وافكار وتخيلات منك ليه تتوقعي التخلي والهجر في علاقه لسه مبدأتش راقبي افكارك وحالولي تتخلصي من اي افكار سلبيه تجيلك في الموضوع ده وكل مره تجيلك فكره سلبيه اكتبيها واكتبي حسستك بايه وبعدين اكتبي فكره ايجابيه بديله ليها مع الوقت التفكير ده هيقل توكلي علي ربنا وظني خير ان شاء الله ربنا هيديكي الخير

عشان متغرقيش في الشكوى من الظروف دي وتوقفك وتتسببلك في مشاعر مش كويسه بالرغم من الظروف دي بس في نعم في حياتك حاولي تشوفيها وتركزي عليها وكل واحد ليه اعذاره متعتمديش علي اعذار الاخرين ولا تستنيها بس فكري ازاي في التحديات دي والظروف الصعبه تقدري تنجحي وتبقي نسخه افضل من نفسك

وعشان

طيب بما ان الموضوع ده مش في ايديكي تغيريه ايه اللي ممكن تعمليه تساعدي بيه نفسك

ماما ربنا معاها ويعينها متيأسيش منها حاولي تاني كتير لانها محتاجالك زي ما انتي محتاجالها بالظبط

حبيبتي خوفك ده درجه من درجات القلق وسببه الافكار اللي بتفكري فيها والتوقعات والتخيلات السلبيه لاحظي نفسك اول ما تلاقي الافكار دي اتخلصي منها واستعيني بربنا كلنا هنموت دي اقدار محدش هيقدر يغيرها لكن كل واحد ليه رساله في الدنيا حطي لنفسك اهداف وابدئي تحققيها وطوري نفسك نجاحك هيفرق كتير واعملي جدول بكل المواقف اللي بتحصل ومشاعرك ايه في كل موقف وافكارك كانت ايه مجرد رصدك لافكارك ومشاعرك هيغير طريقه تفكيرك وربنا يرزقك السكينه والطمأنينه يارب

اتكلمي معاها قوليلها انك حاسه بيها وبمعاناتها ومقدره لتعبها واحتمالها وبعدين فهميها انك محتاجاها تكون قريبه منك وتحسي بحبها وادي نفسك فرصه تقربي من اللي بيحاولوا يكلموا واعملي صداقات جديده انتي محتاجه ألفه ودعم وصداقات جديده في حياتك

انتي مش محتاجه تقنعي حد او تبرري لحد وكلام الناس ده مش انتي ده طريقه تفكيرهم هما واسألي نفسك انتي عايزه تنجحي عشان نفسك والا عشان الناس متسجنيش نفسك في كلامهم ورأيهم عندك اشتغلي علي تقديرك لنفسك وانتي تستحقي بدرجات قليله او درجات عاليه المهم تحددي اهدافك وتتخيلي نفسك عايزه تكوني ايه بكره وفين وربنا معاكي يوفقك يارب

وعلاقتك بمامتك ايه

ربنا سبحانه وتعالى ليه حكمه في كل شئ ومبنكونش مدركين وقتها ممكن الجامعة اللي دخلتيها يكون مستقبلك وفرص شغلك فيها اكتر بكتير من اللي كنتي عايزاها انتي مشكلتك في القبول لو تقبلتي الوضع الحالي والكليه اللي دخلتيها هتذاكري وترجعي زي الاول اما بالنسبه للعبادات والصلاه واضح ان قلبك متعلق بالصلاه والذكر ورافضه من جواكي البعد اللي بتمري بيه دلوقتي كلنا ممكن تمر علينا اوقات نرجع فيها لورا في عباداتنا و تثبط همتنا احنا عاملين برنامج اسمه مسار المحبين الي رمضان للبنات والسيدات جروب بنتجمع فيه انا واتنين كوتشز معايا برنامج مدته شهرين ونص يبدا اول رجب بنمشي فيه علي روتين وعادات يوميه من اذكار لحفظ وتلاوه قران لفيديوهات اثرائيه وبنعمل جروب كوتشينج كل اسبوع عن امور تهمنا ويحفزنا اتواصلي معايا وليكي دعوه مجانيه تحضري معانا البرنامج ان شاء الله

لازم تعرف وتحدد ايه بيمنعك من انك تبدأ واكتب الخساير بسبب انك بتتردد وتأجل والمكاسب اللي هتحققها لو خدت الخطوه الاولي قسم اي هدف لاهداف صغيره وحدد خطوات بسيطه صغيره وابدأ بخطوه واحده وقدر وكافئ نفسك علي كل خطوه تمشيها وربنا معاك يكتبلك الخير يارب

اعمل بحث عن مصحات التعافي في القاهره هتلاقي كتير كلمهم وقارن الاسعار انا للاسف معرفش حاجه معينه ولو الامر مجهد ماديا ليك كوتش ياسمين كتبتلك رقم الخط الساخن لمكافحه الادمان عندهم رعايه ومتابعه مجانيه وانصحك بالدعاء كتييير ربنا يعينك ويقويك ويرزقك بمدد من عنده يارب

ربنا يشفيك ويعافيك بحوله وقوته يارب طلبك للتعافي دي كده خطوه انت مشيتها وان شاء الله هتكمل بس انت محتاج مساعده لوحدك مش هتقدر في مراكز كتير دور واسأل وان شاء الله توصل لحاجه كويسه الادمان للاسف مبيكونش تأثيره علي الانسان المتعاطي لوحده لكن علي عيلته كمان تأثير كبير جدا اقعد مع نفسك بالورقه والقلم اكتب الخساير اللي حصلتلك بسبب التعاطي ده وبعدين الخساير والضرر اللي وقع علي اي حد تاني قريب منك بسببه وبعدين تكتب هتصلح ده ازاي ورقه تانيه اكتب حياتك من غير حشيش هتكون شكلها ازاي استحضر نيه التعافي ومنع الضرر وتوكل علي ربنا اطلب منه المدد والعون ربنا مش هيسيبك وخد اول خطوه وشوف مصحه او مركز تعافي وربنا معاك

انتي جربتي عدم السماح وشايفه حجم المعاناه والالم النفسي اللي بتعاني منه مش هتخسري حاجه جربي انك تسامحي وشوفي اثره في علاقات في حياتنا مش هينفع نتخلص منها ولا في ايدينا نغيرهم الحاله دي الحل بيكون في القبول اولا اقبلي المك من حقك تتألمي اللي شوفتيه صعب واقبلي وجود العلاقه مع باباكي بس خدي ف اعتبارك حاجتين اولا هو بيكبر في السن وكل ما الوقت يعدي هيكون اضعف ومحتاج تكوني رحيمه معاه ثانيا انتي كمان محتاجه تكوني رحيمه بنفسك عبري عن مشاعرك بهدوء مع المواقف اللي بتأذيكي عرفيهم انك بتتأذي ومش قابله ده واطلبي احتياجاتك ده حقك وكل ما اشتغلتي علي نفسك اكتر ده هيكون سهل عليكي ربنا يرزقك الطمأنينه والسلام النفسي والرضا

المشكله انك متعلقه بالاعتذار ده الاعتذار مش هيغير اللي عيشتيه ولسه انتي حاسه بالألم عشان معلقه راحتك النفسيه وسعادتك علي الاخرين متخليش سعادتك في ايد حد انتي تقدري تسعدي نفسك بحاجات كتير فكري ايه ممكن يسعدك ويبسطك واعمليه فكري ازاي تشتغلي علي نفسك وتطويرها ومع كل انجاز ثقتك بنفسك هتترفع ولما تعملي ده الغضب اللي جواكي هيقل انتي تستحقي تعيشي في سلام نفسي واول خطوه ليه انك تسامحي وتحرري نفسك من الالم ده

وازني بين الاتنين وشوفي ايه يهمك اكتر انك ترجعي تكلميها وبعدها يا ترجعوا يا تفقدي الامل وتبعدي والا شكلك قدام الناس ايه يفرق في حياتك اكتر او ايه ممكي يسيب اثر سئ عليكي اكتر في دول وعايزاكي تتخيلي ان دي مشكله واحده صاحبتك ياتري لو بتنصحيها هتقوليلها ايه

لو انتي عايزه تكلميها عشان تحاولي ترجعيها تاني واتصرفت معاكي بنفس اسلوبها المعتاد معاكي واهانتك هتحسي بايه

وتوقعي رد فعلها علي المستويين لو استقبلت ده كويس او استمرت في اسلوبها السئ فلو استخلصتي نيتك انك تقفي جنبها ف الوقت ده فأنتي هدفك مرضاة الله فمش هتزعلي ايا كان رد فعلها وتتصالحي مع ده.

انتي اللي تقدري تحددي وتاخدي القرار مينفعش حد يوجههك ليه علشان ايا كانت النتيجه يكون ده قرارك انتي وتقدري تسالي نفسك نيتك ايه من انك تكلميها عايزه تسالي عن ابنها وتقفي جنبها ف الموقف ده علي المستوي الانساني وتحتسبي ده عند ربنا والا شايفاها فرصه ترجعي تكلميها تاني