Ramadan Mohamed

اولا حاولي تتابعي مع اخصائي نفسي وتشغلي نفسك ف اي حاجه ف المطبخ ف القراءة ف الصلاه صلي وادعي كتير واذكري الله كتير طول الوقت الموضوع مش بالسوله اللي بتكلم بيها بس لازم هتتعبي شويه بس علي قد ما تقدري متقعديش لوحدك وشوفي صحباتك تخرجي معاهم ومتفكريش ف اي حاجه

حاول ف اقرب وقت انكم تتجوزوا ده انسب حل ليكم وهيحصنكم من الحرام عشان انت اجنبي عنها والحب والشوق كل دي مشاعر غصب عنكم بس تكون ف الحلال وربنا يجمعكم مع بعض علي خير بس حاليا حاول تقرب من والدها اكتر ومن غير ما تكلمه ف الموضوع ده يعني بس حاول تعتذر بطريقه غير مباشره عشان ميقولش كلام يزعلك وده اب وبيغير علي أهل بيته وبينته اي حد مكانه ممكن كان ياخد إجراء بدون تفكير ويعمل مشكله بس انت ابدا من عندك وحاول تلتزم بضوابط الخطوبه علي قد ما تقدر عشان ربنا يباركلكم ده غير أن والدها اكيد بيتابع الشات بينكم كتير

.

اقراي سوره يس قبل المذاكره وقبل الامتحان وادعي وسيبيها علي الله واللي ربنا كاتبهولك هتنوليه ولو التوتر بسبب انك عايزه توصلي لكليه معينه او تجييبي مجموع عالي وخايفه متحليش كويس مثلا ف حاولي انك تاخدي الموضوع ببساطه حتي لو صعب انتي اعملي اللي عليكي والباقي علي الله وان شاء الله خير بالتوفيق ليكي ف حياتك ودراستك

طب ما انتي اللي بتفكري ف المشاكل وانك لوحدك ومفيش حد تحكيله خدي الموضوع ببساطه شويه عن كده متشغليش بالك يعني اعملي اللي عليكي بس اهم حاجه انك تهتمي بالصلاه وذكر الله وورد القرآن ومتفكريش أن عندك مشكله من الأساس وقولي الحمد لله على كل شيء عشان متحسيش بعدم رضا وده غلط

ايه النداله دي 😂

الفكره انك متسبيش نفسك للتفكير مش لازم خروجات كلميهم يجو يقعدوا معاكي ف البيت شويه تسالي مع فيلم حلو ولو فيلم كرتون كمان اللمه حلوه وهتخرجك من المود ده

اعملي ورد من القرآن كل يوم وعلي قد ما تقدري تصلي الفجر وتدعي كتير وربنا يشيل عنك ويرزقك كل خير

طب ليه الإنسان في طبيعته اجتماعي وده هيساعدك تشغلي وقت فراغك علي الاقل تروحو مع بعض الدروس تذاكرو سوا ده هيساعدك اوي الا لو في سبب انك ف مكان بعيد عن منطقه سكنيه مثلا مفيش بنات جيران ليكي أو كده

مع الوقت هيتفاهم بس انت حاول مره واتنين وعشره انك ترجع تقته فيك تاني واستغفر وقرب من ربنا وحاول كمان تعمل جروب ليك انت وهي ووالدها ويكون الكلام ف الجروب ولو عايز تكلمها ترن علي والدها الاول تستاذنه انك هنتكلم معاها فون شويه ويكون كل حاجه بعمله انك تقدره يعني وتحسسه انك فعلا شايف انك غلطان وبتعتذر بطريقه صح وقريب أن شاء الله كل حاجه تبقي تمام ربنا يوفقكم ويجمعكم علي خير

طب صحباتك مثلا عندك صحاب قريبين منك بتخرجي معاهم هو ده ممكن يأثر إيجابي وسلبي بمعني لو واحده منهم مرتبطه وانتي شايفه حياتها حلوه وحد مهتم وعايزه تكوني زيها ده هياثر عليكي أو لو كويسين وملهمش فالكلام ده وقريبين من ربنا دول هيشغلو وقتك عن التفكير ف الحاجات دي يعني ممكن جدا يكون تأثر بالناس اللي حواليكي

غالبا ده بسبب انك بتتفرجي علي مسلسلات زي ما بنشوف وده للاسف كله عكس الواقع وهيخليكي تتخيلي حياه مش موجوده ومش طبيعيه خالص غير أن ده طبعا كلها مشاعر وهرمونات هتبان وهتستقر كل ما سنك يكبر بس الحل انك تقربي من ربنا اكتر ومتتفرجيش علي رومانسيات عموما افلام او مسلسلات أو صفحات سوشيال ميديا لاي كابلز من اللي بنشوفهم دول عشان تعرفي تركزي ف دراستك وحياتك الطبيعيه وربنا يرزقك الهدايه والتوفيق

غالبا عان بحس بفراغ كتير ومفيش حد ف حياتي وكده ربنا ييسر الحال أن شاء الله

بحاول اعمل كده بس بمل بسرعه اوي

أنا مش بيبقي ف دماغي اني هقوم زهقان يوم الجمعه أنا ببقي ناسي ده خالص لحد ما أقوم وافضل شويه افكر ايه اللي مضايقني كده وايه اللي حصل لحد ما افتكر أن النهارده الجمعه و غير كده يوم الجمعه اجازه ف طبيعي بتفق مع صحابي ونخرج معظم اليوم