Hamdi .

عليكم السلام ورحمة الله وبركاته بص يا حبيبي خلينا نمشي نقطه نقطه انت الاول محتاج فعلا تبقا عاوز تتوب وتصلي ركعتين توبه وبالنسبه إنك بتتوب وترجع فده طبيعي انت كدا مش منافق وبالنسبه إنك حاسس بالندم فده معناه إنك قلبك لسه نضيف وده شئ جميل ونصيحه خلي توبتك كل مره أقوى يعني انتكست مره صلي ركعتين انتكست تاني اقرأ جزء من القرآن انتكست تالت صوم يوم وهكذا زود في توبتك كل مره وأهم حاجه ما تيأس من نفسك وافتكر قول الله تعالي (والذين جاهدوا فينا لنهدينهم سبلنا) وأخر حاجه لازم يا حبيبي تب عن البنت اللي انت بتكلمها ولو فعلا بتحبها جهز نفسك وروح اطلبها في الحلال لكن اللي انت بتعمله ده حرام وافتكر إن أي علاقه بدايتها لا ترضي الله نهايتها لن ترضيك ربنا يتوب عليك ويثبتك.

عليكم السلام ورحمة الله وبركاته اللي إنتي فيه ده من الشيطان بس الحل بسيط إتوضي مره واحده بس وتجاهلي أي أفكار تجيلك حتي لو حسيتي إنك ماتوضتيش كويس ما تعديش الوضوء تاني وكذالك الصلاه ماتعديهاش صليها مره واحده بس وحطي في دماغلك إن ده من الشيطان فماتلتفتيش ليه.

السلام عليكم الشغف دا كدبه كبيره مافيش حاجه ممكن تحققيها في حياتك بالشغف لإن الشغف بيروح وييجي لاكن علشان تحققي فعلا تقدم في حياتك لازم الاستمراريه مهما كانت الظراف سواء عندك شغف أو لا لازم تحطي لنفسك قدر تخلصيها في يومك مع الوقت هتتعودي لاكن لو إستنيتي الشغف ييجي يبقا مش هتحققي حاجه.

السلام عليكم ورحمة الله وبركاته. لو هوا فعلا زي ما بتقولي كدا فده أصلا لا يصلح لأي حاجه لازم تعرفي إنك دلوقتي بتختاري شريك يكمل معاكي طول حياتك يشاركك حزنك قبل فرحك يقف جمبك ويبقا سند ليكي بعد أهلك شخص يكون أب صالح لأولادك وزوج صالح ليكي لازم تعرفي إن ده من أهم القرارات في حياتك فماتخليش مشاعرك تعميكي عن الحقيقه لو إنتي مكمله معاه بحجة إنك بتحبيه فالحب ده هيختفي من أول سنه وهيتولد بداله كره وهتندمي إنك ما فكرتيش بطريقه سليمه إنتي بتقولي إنه بيسب الدين معني كده إنه غالبا ما بيصليش يعني أصلا علاقته باللي خلقه سيئه وبيقلل من مشاكلك وعاوزك طول الوقت متفرغاله وخلاكي تفقدي ثقتك بنفسك يأختي دي علاقه سامه هتطلعي منها خسرانه كل حاجه حتي نفسك إنتي متوقعه إزاي إن شخص زي ده هيسعدك نصيحتي ليكي فكري كويس وإعرفي إنك بتختاري شريك ليكي وأب لأولادك فرجعي نفسك وإستخيري ودوري علي الرجل صاحب الدين والحب ده بييجي مع العشره. ربنا يرزقك بزوج صالح يصب عليكي الحب صبا صبا وعابدا لله.

عليكم السلام ورحمة الله وبركاته لم خلق الإنسان؟ (ربنا بيقول في القرآن: "وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ" (الذاريات: 56)، يعني ربنا خلقنا عشان نعبده ونوحده.) و اى اصلا المفروض نعملها في حياتنا؟ القرآن مليان توجيهات، بس أهمها: نعمل الخير ونساعد الناس: "وَافْعَلُوا الْخَيْرَ لَعَلَّكُمْ تُفْلِحُونَ" (الحج: 77).) نصلح في الأرض: "وَأَحْسِنُوا ۖ إِنَّ اللَّهَ يُحِبُّ الْمُحْسِنِينَ" (البقرة: 195). * نبتعد عن الشر: "وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ ۚ" (المائدة: 2). * و هل فيه اشخاص بيكسبو دنيا و آخرة؟ * طبعا، ربنا بيقول عن المؤمنين: "لِلَّذِينَ أَحْسَنُوا الْحُسْنَىٰ وَزِيَادَةٌ ۖ وَلَا يَرْهَقُ وُجُوهَهُمْ قَتَرٌ وَلَا ذِلَّةٌ ۚ أُولَٰئِكَ أَصْحَابُ الْجَنَّةِ ۖ هُمْ فِيهَا خَالِدُونَ" (يونس: 26)، يعني اللي بيعملوا الخير ليهم الجنة وزيادة. * و هل عادي ان يكون الانسان مش حابب يعيش؟ * ربنا أمرنا إننا منقنطش من رحمته: "وَلَا تَيْأَسُوا مِن رَّوْحِ اللَّهِ ۖ إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ" (يوسف: 87)، واليأس ده مش كويس، ولازم الإنسان يسعى ويحاول. * هل ده تفكير بأنانية لرغبة البعد عن الجميع بالموت؟ * الانسان عليه واجبات تجاه أهله ودينه ووطنه، والهروب من المسؤلية نوع من الأنانية. * و ليه اصلا المفروض نكون نافعين و غيره هل هيبقى ذنب إذا ضيعنا الوقت فى حاجه مش مفيدة او حتى في الفراغ؟ * ربنا بيقول: "وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ ۖ وَسَتُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ" (التوبة: 105)، يعني كل عمل بنعمله ربنا شايفه، والوقت أمانة، ولازم نستغله في الخير.

السلام عليكم ورحمة الله وبركاته لازم تبقا عارف إنك دلوقتي في أهم إختيار في حياتك إنتا هتختار إنسانه تعيش معاها عمرك وتربي اولادك وتأمنها علي نفسك فلازم تبقي عارف إزاي تختارها الاول شوف بيت أهله مشهودلهم بالصلاح وبعدين دور علي بنت متدينه وعارفه الحلال من الحرام هيا دي اللي هتسعدك إظفر بذات الدين واهم حاجه الاستخاره وإدعي ربنا دايما إنه يرزقك بخير متاع الدنيا أخر حاجه أسمه جواز مصونات مش صالونات علشان هيا ولا كلمت حد من ورا أهلها ولا عصت ربنا مع شاب صانت نفسها لحد إما ربنا يبعتلها زوج صالح ربنا يوفقك ويرزقك بخير متاع الدنيا.

السلام عليكم ورحمة الله وبركاته بص ماتخليش هدفك أبدا الفلوس الكتير عمرك ماهتوصل وقراراتك الخطأ هتبقى كتير شوف إيه أكتر حاجه أنت بتحبها وشاطر فيها وطور نفسك فيها علشان تقدر تبذل فيها مجهود بشكل مستمر وطبعا لازم تتعلم لغات ولو معندكش شغف لحاجه معينه حاول تدخل مجال الأمن السيبراني مجال مميز جدا ومكاسبه كبيره جدا وسنك مناسب جدا إنك تبدأ فيه.

السلام عليكم ورحمة الله وبركاته اهدى بس صدقني الموضوع بسيط انت علشان لسه جديد مش متعود وباين عليك بتحب أهلك أوي ربنا يخفظهم لك لكن دي سنة الحياه افتكر إنك تقدر تكلمهم في أي وقت وتفتح كاميرا تشوفهم ويشوفوك وافتكر إنك مش في دوله تانيه وشغل دايما قرآن هيونسك وينسيك وصدقني مع الوقت هتتعود البدايه هي اللي صعبه ربنا يهون الايام عليك.

السلام عليكم ورحمة الله وبركاته بالعكس إنتي كدا قلبك لسه صاحي وعاوز يتوب مش لازم يا أختي لما تيجي تتوبي تقعدي تعيطي وتندمي علي كل ذنوبك دا مش لازم يحصل الندم علي الذنب توبه ومع الوقت وكثرة الطاعات الدموع هتنزل لوحدها ندم علي اللي فات وإنك بتقومي وتقعي دا حاجه جميله ربنا قال فيها (والذين جاهدوا فينا لنهدينهم سبلنا) ولما تقعي في الذنب تاني خلي التوبه أشد يعني لو أذنبتي صلي ركتين لله لو أذنبتي نفس الذنب تاني صومي يوم لله وهكذا وإوعي تيأسي من نفسك مش عيب إنك تذنب العيب إنك تصر علي الذمب وماتسرعش في التوبه وأكثري من الصدقات علي قدر إستطاعتك ربنا يتوب عليكي ويثبتك.

السلام عليكم ورحمة الله وبركاته بصي يا أختي انسي خالص إنك عاوزه تقفلي المواد دي علشان لو غلطي غلطه في ماده في الامتحانات ماتفضليش تلومي نفسك وتضيعي باقي المواد، إنتي حطي قدامك هدف حتي لو علشان تفرحي أهلك واسعي علشانه ماتدوريش على الكمال إسعي علي قد ماتقدري وإفتكري دايما قول الله تعالي (وأن ليس للإنسان إلا ما سعى) وعلاقتك بربنا لازم تبقي كويسه ولو ربنا وفقك ووصلتي للي إنتي عاوزاه فاشكري ربنا ولو ماوصلتيش اشكري ربنا مرتين لإنه سبحانه اختار لك مستقبل هتشكريه عليه طول العمر وربنا يوفقك في امتحاناتك ويفتح عليكي كل أبواب الخير بالتوفيق يادكتور أو يا بشمهندسه أو مهما كانت أحلامك بالتوفيق.

السلام عليكم ورحمة الله وبركاته بصي يا أختي أنا مقدر جدا إنك خايفه ومتوتره في قرار زي ده لإن انتي بتختاري شخص تكملي معاه حياتك وده يعتبر أهم اختيار في حياتك فعلشان تختاري صح أولا دوري على اللي بيصلي إوعي تختاري حد مابيصليش، اللي خان عهده مع الله مش هيحفظ عهده معاكي دوري على اللي مقياسه في الحياه الحلال والحرام دوري على الصالح المصلح وانسي الفلوس خذوهم فقراء يغنيكم الله وأهم حاجه صلاة الاستخاره وأكثري من الدعاء وادعي وقولي (اللهم ارزقني زوجا صالحا يصب عليا الحب صبا صبا وعابدا لله ) ربنا يرزقك بالزوج الصالح.

لازم في الاول تعزم أمرك وتتوب لله بصدق وتبدء تتقرب من ربنا وحاول تاخد جلسات نفسيه مع مختصين هتسهل عليك الامر ولما تكون علي وشك الوقوع في الذنب ده قوم غير المكان أو إطلع برا البيت وحاول تشغل نفسك طول الوقت وإلعب رياضه أو روح الجيم هيفرق معاك جدا ربنا يتوب عليك.

الامر بسيط بس محتاج شوية تدريب في الاول هيبان صعب لاكن مع الاستمرار هيبقا سهل جدا الاول قبل ماتنزلي تشتري حددي إنتي عاوزه تجيبي إيه ولما تحددي ممكن تبدئي تحددي اللون اللي عاوزاه فتبقي نازله مقرره هتجيبي إيه ومنين فهيبقا الامر سهل لاكن تجنبي تنزلي وإنتا مش عارفه هتجيبي إيه لإن إنتي هتبقي متردده جدا ومش هتعرفي تشتري.

اشكي همومك لله هو الوحيد اللي فعلا حاسس بيكي وكلميها من أكونت فيك هدديها إنك هتبلغي جوزها إنه على علاقه بطليقها لكن قبل ده بيني لجوزك إنه مبقاش فارق معاكي وما تهتميش بيه زي الاول ولما يسألك إيه سبب التغير قولي له أي إجابه ما تريحوش ولما تبعد عنه حاول تدخلي تعوضي الفراغ ده وحاولي تكلمي خبير علاقات هيفيدك جدا.

عليكم السلام ورحمة الله وبركاته بسم الله والصلاة والسلام علي رسول الله هذه المسألة إختلف فيها أهل العلم منهم من قال وجب قضائها ومنهم من قال لا يجب قضاؤها لاكن إن أردتي قضائها فهذا فيه خير كثير تصلي معا كل فرد فرد يعوض عما فات حتي تنهيهم أما كيفية حسابها فإبني لإحتمال الاكبر وإن إخترتي ألا تقضيها فأكثري من النوافل والله أعلم

اللي فهمته إن هوا قرء فاتحة وبعدين خطبك بعدها بشهرين وبتقولي إن هوا كان عمال يأجل الدهب وإن هوا مابيجبش هدايا وبيشتكي من قلة الفلوس بصي علشان تبقي منصفة لو كان معاه فلوس الدهب من الاول وعمال يأجل ومعاه فلوس يجبلك هدايا وما بيجبش يبقي كدا بخيل والله أعلم ممكن مثلا لو هوا مش مبينلك إذا معاه ولا لا ممكن مثلا تعرفي من لبسه برفانه الاماكن اللي بيروحها وبعدين تحكمي لاكن لو طلع بخيل فعلا فسيبيه لإن البخل مرض ومادام بخيل في الفلوس هيبقي بخيل حتي في مشاعره لاكن لو هوا ظروفه كدا ومعهوش فلوس ومشغول في شغله علشان يعرف يتجوز فممكن تعذريه أو تسبيه دي حاجة ترجعلك لاكن والدتك خايفه عليكي ذي ما بيقولو خايفه قطر الجواز يفوتك ودا غلط لأن الجواز نصيب وإنتي ٢٣ سنه صغيرة لسه مش كبيرة بس الاهل بيبقا خوفهم ذيادة حبتين فإعوذوريها وماتخليهاش بردوا تأسر علي رأيك وتوافقي علي حد يتعبك طول عمرك وربنا يعينك علي ما أنتي فيه ويرزقك الزوج الصالح اللذي يخاف الله فيكي والسلام عليكم.

وعليكم السلام ورحمة الله وبركاته الجمود اللي في القلب بييجي من الاسراف في المعاصي تخيلي مثلا إن القلب دا ثوب أبيض والمعاصي طين كل شوية تحطي نقطة طين عليه بعد سنه هيبقا شكله إيه تب بعد سنتين دلوقتي إنتي بتقولي إنك مش حاسة برمضان تب إنتي كنتي عاوزه تحسي بيه إزاي وإنتي مقصرة في القرءان وفي الصلاة فلازم تغييري الاول من جوا علشان اللي برا يتغير لأن الاناء بيافيض بما فيه فأكيد محدش هيسرف في المعاصي ويلاقي نفسيته كويسه وحياته سعيده مش عقل (إن الله لا يغير ما بقوم حتي يغيروا ما بأنفسهم) فإنتي عاوزه تغيري نفسك للأحسن أول حاجة لازم تعملي لنفسك جدول يشمل أذكار الصباح والصلاة واذكار بعد الصلاة واذكار المساء واذكار النوم وياريت ورد من القرءان الكريم ولازم تلتزمي بده هيبقا صعب في الاول لكن لازم تضغطي علي نفسك وتنتظمي علي ده الشهر كله ولو عاوزه تقييمي الليل ولو بركعة (وتر)يبقا جميل جدا ودا هيساعدك أوي وأكثري من الدعاء لنفسك بالثبات ودايما لما تذنبي إستغري صلي ركعتين توبة ما تسبيش الثوب متسخ وتكملي حياتك القعة لو إتشالت أول ماتقع بتبقي سهلة جدا في الازلة وحتي لو يوم مثلا ضيعتي وماصلتيش او مالتزمتيش بأي حاجة من اللي إنتي حاطها لنفسك ماتيأسيش دا طبيعي وما تخليش الشيطان يدخلك من النقطة دي وتذكي دائما أنه (من تاب وعمل عملا صالحا فإن الجنة هيا المؤوي) وإننا في دار الاختبار وفي النهاية ربنا يثبك علي الطريق الصحيح ويلقي الهداية في قلبك ويصلح قلبك ويجعلكي من الصالحين المصلحين اللذين يحب الله لقائهم والسلام عليكم.

والله مشكلتك صعبة فعلا أعانكي الله وربنا يهدي أخوكي مبدايا هوا بيضرب أمك فدا للأسف وصل لمكان بعيد نسأل الله العافية بصي إنتي ممكن توكلي محامي هوا هيبقي عنده خبرا أكتر او تحاولي تودوه مصحة إجباري لأن دا تأسير االمخدرات وربنا يعينكم علي مأنتم فيه.

بصي مادام الاهل عارفين بعض حاولي تكلمي اهلهم ينصحوهم مادام هما مش قابلين النصيحة منك لاكن انتي بتقولي انك ساعات بتستجيبي ودا أول مدخل الشيطان ليكي هما يمكن بيحبوكي ذي مبتقولي معا إن عمر مكان مدة الصداقة تدل علي قوتها ممكن تعرفي واحدة في كام شهر تبقا علاقتك بيها أقوي واصدق بكتير من صداقة قعدت سنين ولو هما فعلا بيحبوكي ماكنوش طلبوا منك تعملي حاجات إنتي رافضاها وهما عارفين بكدا فامن وجهة نظري إبعدي عنهم لأنهم عاوزينك نسخة منهم وأظن إنتي مش عاوزة كدا والعيش والملح هما باعوه لما حتي ماقبلوش منك نصيحة فهتصونيه إنتي واخر حاجة أحب اقولهالك لا طاعة لمخلوق في عصيان الخالق وربنا يثبتك ويجعلك من الصالحين المصلحين وينفعنا بيكي وخلي بالك هما عاوزين يبعدوكي عن طريق ربنا فامتوفقيش وتذكري أن الجنة هيا المؤوي وربنا يبارك فيكي لأنك سألتي ودا دليل إنك في الطريق الصحيح والسلام عليكم.

ممكن تجمعي بين تخصصك القديم وعلم النفس في إنك مثلا تفتحي قناه علي اليوتيوب تشرحي فيه الحجات اللي إتعلمتيها في كليتك وتستفيدي بعلم النفس في إنك إزاي توصلي المعلومه بسهوله أو تسخدميهم في الدعوه.

هقولك حاجه تعالي نتخيل الفرح بيبقا عامل إزاي زوجك بيحجز قاعه وبيجيب صحابه ورجالة العيله كلهم من الجهتين وبيجيب بنات العيله من الجهتين وبيشغلهم أغاني وطبعا البنات بتفضل ترقص وطبعا أنا وإنتي والناس كلها عارفين إن الرجاله بتفضل تتفرج علي البنات وهيا بترقص وكمية إختلاط وذنوب لا حصر لها وكل ده إنتوا اللي هتشيلوه تخيلتي إن ديه شكرا اللي بتقولوها لربنا بعد ما أكرمكم وجمع بينكم في الحلال وبالنسبه لصحباتك فهما عاوزين يفرحوا ويرقصوا ما لقوش اللي يقولهم إن ده حرام هل تتوقعي بعد كل الذنوب دي ربنا ممكن يبارك في حياتكم؟ صدقيني الحياه أتفه من إن إحنا نلتفت ليها إحنا هنا علشان نطبق الحلال ونجتنب الحرام مش باقولك ماتفرحيش بل بالعكس إعملي فرح بس من غير ذنوب أو ممكن تسافروا بفلوس الفرح أو تعملوا بيها عمره حجات كتير أوي.

لو قصدك من غير أغاني أو إختلاط أو أي شئ يغضب الله فإطمني ما فيش طاعه يجي بعدها ندم بل بعكس بييجي بعدها رضا من الله.

عليكم السلام ورحمة الله وبركاته دا من زوق حضرتك و الشكر لله إنه ماسبلناش سؤال غير وجاوبنا عليه في القرآن الكريم جزانا الله وإياكم خيرا.

حتي لو وقعت تاني قوم وماتستسلمش وإفتكر قول الله تعالي (واللذين يجاهدون فينا لنهدينهم سبلنا)

مافيش غير إنه يبطل لازم يروح مصحه لإن الادمان هيدمر حياته وحياتك

الحل في القرب من الله إشغلي نفسك بالله يشغلك عن حاجه وهتلاقي كل الوساوس إختفت.

علشان لسه مش محتاج مش هوا بيتاجر فأكيد معاه فلوس لاكن لو مش معاه هتشوفوا حاجات ماحدش يتمني يشوفها وكلوا محامي وإشرحولوا الوضع وخلوه يعرض عليكم الحلول وإختاروا أنسب حل

ماهوا أنا مش عاوزك أكيد تسجني أخوكي بس علي الاقل حاولوا تداخلوه مصحة لو منفعش وكلوا محامي.

للأسف اللي بيشرب مخدرات لما بيشرب بيبقا فريسة سهلة جدا للجن لأنوا عقله بيبقا مغيب وبعده عن ربنا بيخليه مباح من غير أي حماية فهوا لازم يبطل مخدرات ويقرب من ربنا وأهم حاجة أن كل اللي في البيت يحافظ علي أذكارة ودايما القرءان بإستمرار يشتغل فاللي إتجمعوا علشان يقسموا يتجمعوا ويودوه مصحة وربنا يتولاه.

صدقيني المرحلة الجاية هتبقي الضرب خصوصا لو مابقاش معاه فلوس يجيب مخدرات أخوكي دلوقتي عامل زي السرطان لتعالجوه بإنوا يبطل أو تشيلوه بأنكوا تحبسوه افضل حل أنا شايفه أكوا تجمعوا أكبر ناس في العيله وتودوه مصحة غصب عنه دا أسلم الحلول وربنا يهديه ويصلحه.

السلام عليكم عليكي البدء بنفسك فالتغير يبدء من الداخل ثم ينتقل إلي الخارج فالبداية تحفظي القرءان وهذا أهم شئ فالقرءان خير مربي للأنسان والتفقه بعض الشي في الدين واتعلم من النبي كيف كان يربي أولاده وكيف كان زوجات الرسول يعاملوه وتاخذي كورسات في أسس التربية الصحية واسس معاملة الزوج وكيفية بناء اسرة مترابطة او تقرئي كتب في هذه المواضيع وتذكري انه عندما يمتلأ الاناء يافيض بما في داخله فإيملاإيه بالتقوي والقرب من الله وعليك داىما بالدعاء وفي النهايه ربنا يجعلك صالحة مصلحة ونافعة لاأمة وخير زوجة وخير أم وبارك الله فيكي والسلام عليكم.