كيف التعامل مع مشكلة إيلاف النعمة ؟ الله عز وجل يرزقنا و ينعم علينا بنعمه الكثيره التي لا تعد ولا تحصى و كل يوم يرزقنا و يكرمنا و يعطينا عطاءً مستمراً لا يتوقف ابدا و يستجيب لدعواتنا و لا يخذلنا ابدا ابدا و مع ذلك .. نقصر في حق الله و نألف هذه النعم، و نسعي لإرضاء أنفسنا و اهواءنا و من حولنا كل السعي و لا نسعي لإرضاءه عز وجل في المقام الأول الشعور الخفي بداخلنا بأن هذه النعم حتماً ستستمر و هذا الرزق لن يتوقف و هذا الكرم هو حق مكتسب يجعلنا لا نلقي بالا و لا ننشغل ب إرضاء المولي عز و جل. هذا المشكلة تلاحقني في الفترة الأخيرة و تجعلني احتقر نفسي و لكن ما باليد حيلة ، فهل إيماني ضعيف أم سيطرت الدنيا علي قلبي أم سيطر الهوي علي نفسي؟؟ فهل من نصيحة أو علاج لهذه المشكلة ؟
تم النشر الاثنين، ١٥ يوليو ٢٠٢٤
السلام عليكم أولا ألف سلامة علي والدة حضرتك ربنا يشفيها و يعافيها يارب ثانياً انا مش طبيب انا مازالت طالب .. يعني كلامي متاخديش بيه بالمرة .. انا مجرد بس هشاركك معلوماتي البسيطة اللي أخدتها في القسم و كمان عندي تجربة سابقة مع والدي و كان عنده بردو غضروف في الرقبة و لكن مش متذكر فقرات كام الحقيقة لأن الكلام من حوالي 10 سنين. خلاصة التقرير أن الغضروف متأكل بين الفقرات من 4 لـ 7 و لكن بدرجات متفاوته ، و دا أدي لـ أن فيه ضغط متواجد علي جزء من غشاء السائل النخاعي و الأعصاب المتواجدة في المنطقة فـ اعتقد كدا والدتك بتشتكي من تنميل أو وجع في دراعها و ايدها حسب بقا الأعصاب المضغوط عليها . الحالات اللي زي دي بنبدأ العلاج الاول بـ : راحة من اي مجهود .. تلبس حزام الرقبة .. مسكنات ل الألم + علاج طبيعي بسيط و حركات بسيطة للرقبة في اتجاهات معينة. اللي بيحصل أنك لو روحتي لـ دكتور جراحة مخ و اعصاب غالباً هيقولك عملية علطول و دا مش صح و معظمهم مش بيراعي ضميره و بيبص للموضوع بشكل مادي ودا حصل مع والدي و راح لدكتور قاله لازم عملية و هو مكنش عاوز يعمل عمليات ف راح لدكتور تاني و بدأ معاه ب العلاج اللي قولتلك عليه و دا الصح و دا اللي بندرسه في الكلية .. و الحمد لله والدي بخير و الالم و التنميل عنده خف و عدي 10 سنين علي الموضوع و بفضل الله معملش عملية .. ف انصحك تروحي لدكتور عنده ضمير و إن شاء الله اللي فيه خير ربنا يقدمه ، و ألف سلامة علي والدتك و ربنا يطمنك عليها يارب
تم النشر الاثنين، ١٥ يوليو ٢٠٢٤
احييكي علي جرأتك و أنك متجاهلتيش المشكلة و حبيتي تشوفي حل .. نصيحتي ليكي هي اشغلي وقتك عشان متفكريش في الحاجات دي يعني اتعلمي مهارة خدي كورس اسمعي دورة دينية ... و طبعاً لو في حاجه معينة هي اللي بتخليكي تفكري في الحاجات دي لازم تبعدي عنها سواء كانت سوشيال ميديا و صور الشباب( مثلاً )علي انستجرام ، أو حتي أفلام و مسلسلات أو واحدة صاحبتك بتكلمك في المواضيع دي ... طول ما حاجه بتفكرك بالموضوع هتكوني بتصعبي الموضوع علي نفسك اوي.. ابدأي دخلي لعقلك أفكار تانية عن الجواز زي مثلاً أن الجواز مسؤولية و حب و احساس بالأمان مش مجرد علاقة جنسية ، و بالتالي هتبدأ تحطي معايير لنفسك و للشخص اللي هييجي يتقدملك .. يعني تبدأي بنفسك و تاخدي دورات عن تربية الأطفال مثلا ، أو عن ازاي تعيشي حياة سعيدة مفهاش مشاكل بعد الجواز .. وسعي مداركك و حاولي تشوفي الصورة كاملة .. ونفس الكلام مع الشخص اللي هييجي يتقدملك هتحتاجي توافقي علي شخص ملتزم و تقي و عارف ربنا و كمان بيتحمل مسؤولية و تقدري تحسي معاه بالأمان .. الخ من الآخر فلتري الأفكار اللي في مخك دي عشان تقدري تشوفي الصورة كاملة زي ما قولتلك.
تم النشر الأربعاء، ١٠ يوليو ٢٠٢٤
جروبات الفيس بوك و الواتساب بينزل عليها دايما فرص شغل أو تدريب
تم النشر الاثنين، ٨ يوليو ٢٠٢٤
ليه ؟ إجابتها طويلة اوي أفكار و عادات و تقاليد ترسخت في عقول المجتمع و بقوا بيمشوا عليها بمبدأ هذا ما وجدنا عليه آباؤنا بالظبط طيب خلاص فيه مشكلة محتاجين نتحرك و نلاقي نحل ؟!! الحل هو أن احنا نبدأ بنفسنا ب مجتمعنا الصغير اللي هو البيت ، الأب و الأم و الاخ و الأخت و الابن و البنت .. نبدأ نرمي الأفكار الصح وسط الكلام منغير ما تكون موجهه لحد عشان ميحصلش نقاش ملوش اي لازمة بعدها ، المهم الأفكار تتقال و يتم ذكرها مرة و اتنين و تلاتة و ندعي أن ربنا يغيرنا جميعاً للأفضل
تم النشر الأربعاء، ٣ يوليو ٢٠٢٤
وعليكم السلام ورحمه الله وبركاته الحياة صعبة و احنا كلنا بنعيش في كبد فعلاً ، كان الله في عونك و في عوننا جميعاً. اعتقد حضرتك لازم تاخدي إجابة من اخصائي نفسي أو طبيب لأن واضح أن فيه ماضي للمشاكل دي و حضرتك لازم تتكلمي عن كل حاجه.
تم النشر الاثنين، ١ يوليو ٢٠٢٤
وجهه نظري أنه لازم يتفضح و لازم أهله و مراته يعرفوا و المكان اللي هو شغال فيه كمان و لو شاغلك اوي أن بيته ممكن يتخرب ، فـ احب اقولك لو اتخرب يبقي هو السبب ، لكن ذنبهم اي أهالي البنات يحصل في بناتهم حاجه زي دي؟ ولو فيهم بنات ساذجة شوية ممكن الموضوع يوصل لأبعد من كدا بكتير لقدر الله ! ساعتها هتكوني بتتمني لو فضحتيه و عرفتي الدنيا كلها. و حابب احييكي علي شجاعتك و قوتك في التعامل معاه ، فربنا يبارك فيكِ و يحميكي و يحميي كل بناتنا يارب. وأخيراً حاولي تستشيري حد كبير قبل ما تاخدي اي خطوة ضده عشان يكون في حد في ضهرك و بيساعدك.
تم النشر الاثنين، ٣ يونيو ٢٠٢٤
كونك جايه تسألي و عاوزه ترجعي دا اكبر دليل انك حاسه بتأنيب ضمير و نفسك فعلا ترجعي لربنا زي الأول و تتوبي من اي ذنب بتعمليه ، ولكن الموضوع ممكن يكون انك مكسوفه من نفسك قدام ربنا و بتحاولي تتجاهلي تأنيب الضمير دا أحيانا عشان مش عارفه تتحمليه .. كلنا كدا صدقيني .. ربنا يتوب علينا جميعا و يغفرلنا ذنوبنا و يقوينا علي نفوسنا و علي شياطين الانس والجن.. بالنسبة للتوبة .. مفيش حد ميئوس منه ، باب التوبة مفتوح لحد آخر نفس في عمرك ولكن لازم نسارع بالتوبة دي محدش عارف عمره هينتهي امتي .. اهم حاجه اوعي تقسي علي نفسك و تشوفيها وحشة و مفيش منها امل ، كلنا بشر و كلنا بنغلط و لسه هنغلط ، و لازم كل مرة نتوب ، و هنغلط بعدها و نتوب تاني و نغلط و نتوب تالت.. لازم كل مرة نغلط نتوب ، مش هنسيب الشيطان يضيعنا .. اسمعي الفيديو دا ضروري .. https://youtu.be/OY5uHXTnCxQ?si=QOwPSbGyzZCYryip بالنسبة للانتظام علي الصلاة .. اسمعي دول و إن شاء الله خير https://youtu.be/RSAZdk64d5s?si=oh9rVx5j_aiQTjHA https://youtu.be/HlU82zvITEo?si=0e0uf6_koimGRA37 https://youtu.be/x5pamG7YPhs?si=TnKXZxaZA2oWmcoq
تم النشر الأحد، ٢١ يناير ٢٠٢٤
بص يا بطل انت مش محتاج تحفيز عشان ترجع تلم المتراكم عليك ولا محتاج حلول من حد .. الحل عندك انت. اصل اللي يبدأ تالتة ثانوي بمذاكرة فوق ال 10 ساعات دا اصلا واحد واعي و فاهم ، و عارف هو عاوز ايه كويس و عنده هدف محدد و بإذن واحد أحد هيوصله .. فـ انت بالنسبة لك كل اللي حصل هو شوية تعب بعد مجهود كبير .. انا فاكر بردو لما كنت في تالتة ثانوي جه عليا شهر 1 دا كنت بنام 14 ساعة في اليوم و مكنتش قادر اذاكر ساعتين علي بعض ، ف دا طبيعي جدا بعد مجهود اتبذل الفترة الأخيرة ،وانت بردو جيت علي نفسك جامد لان 18 أو 15 ساعة مذاكرة دا كتير ، المذاكرة بالعقل و التركيز مش بالوقت.. ممكن اذاكر ساعتين تلاتة بتركيز يعوضوا يومين تلاتة مذاكرة والله . المهم يا بطل ان كل اللي عليك تعمله دلوقتي بس انك تنظم الدنيا شوية ، يعني قول لنفسك كدا مش هنذاكر عدد ساعات كتير الفترة دي ، حلو اوي 8 ساعات .. مش قادر ابدأ ب أقل مش مشكلة خالص صدقني بس المهم يبقي عندك خطة و تبقي عارف انت هتصحي من نومك هتعمل ايه في يومك .. كمان حاول ترفه عن نفسك شويه و متضغطهاش اكتر ماهي مضغوطة ، و اهم حاجه طبعا مش محتاج اقولهالك هي علاقتك ب ربنا ، والله من غيرها ما هتوصل لحاجه حتي لو بتذاكر 24 ساعة في ال 24 ساعة .. و اخيرا بالنسبة لحوار التراكمات اللي عليك دا ف طبعا انت مش محتاج اقولك تعمل ايه ، هو حته جدول معفن هتكتب فيه كل المتراكم عليك و هتديله ساعتين بس في يومك و هتهتم بالجديد اكتر طبعا .. في خلال شهر بإذن الله هتكون لميت كل اللي فات و هتجيب زمايلك و هتبقي احسن منهم كمان .. اجمد كدا يا بطل انا عارف انها صعبة بس انت قدها و تقدر تعملها إن شاء الله زي ما غيرك عملها ووصل لحلمه ربنا معاك و ييسر لك امورك كلها يارب
تم النشر الأحد، ٢١ يناير ٢٠٢٤
وعليكم السلام ورحمه الله وبركاته معظم الحاجات اللي انتي ذكرتيها دي مش مشاكل اصلا ، و كمان في حاجات انا متأكد 100% أن انتي مزوداها شوية فيها و مكبراها و شايفاها خطيرة جدا و دا يرجع لشخصيتك اللي واضح انها قلوقة و متوترة دايما .. والحقيقة في بردو حاجات انتي ذكرتيها محتاجه متخصص يتكلم معاكي و يتابع معاكي فيها .. تحديداً حالتك النفسية نتيجة المشاكل بين والدك و والدتك أما بالنسبة للرهاب الإجتماعي و الجوسكا ف هما مرتبطين ببعض اصلا .. الجوسكا بتعتبر زي defence mechanism كدا عشان تهربي من الواقع و الناس ، انا كان عندي رهاب إجتماعي بنسبة كبيرة جدا و جوسكا بردو ، الحمدلله قدرت اتخلص من الرهاب الإجتماعي لوحدي وهقولك ازاي ، ولكن الجوسكا بردو لسه عندي و بقعد ارسم في خيالات في دماغي في المستقبل ولكن الشخصيات معظمها بتبقي حقيقة ولكن المواقف كلها خيال طبعا و الموضوع مش مضايقني قد كدا بصراحة بالعكس ساعات ببقا مستمتع و بقعد اضحك علي المواقف دي كلها و الحمد لله بردو بعرف اتحكم في نفسي يعني لما بقول خلاص بوقف فعلا و بركز في الحاجة اللي هعملها أو لو داخل انام مثلا .. ف الموضوع هييجي بالتعود بس بالنسبة بقا لموضوع الرهاب الإجتماعي حله في حاجتين.. الأولي الإدراك وانك تدركي قيمة نفسك بالنسبة لنفسك و بالنسبة للآخرين و كمان تدركي قيمة اللي حواليكي بالنسبة لك .. مش هتعرفي تعملي حاجه زي دي منغير ما تسمعي فيديوهات عن الموضوع ف لازم من دلوقتي يبقي عندك كل يوم وقت مخصص لأنك تسمعي اكتر عن المشكلة و حلها .. انصحك بردو ب كتاب جلسات نفسية لدكتور محمد ابراهيم . الحاجه التانيه هي المواجهة بعد الإدراك و المعرفة لازم تاخدي قرار بالمواجهة .. اكسري دايرة الخوف اللي عندك دي .. لو قاعدة وسط ناس خدي قرار و اتكلمي ، ماشية في الشارع خليكي اجرأ و امشي بطبيعتك و متتكسفيش و متتوتريش و افتكري دايما جملة " هل دا يستاهل ؟ " اصل في مواقف الإنسان ممكن يتحط فيها و يكون متوتر و مش علي بعضه دا طبيعي ، لكن هل المشي و القعده وسط الناس و أن حد يبقي بيبصلي دي حاجه تستاهل ؟؟؟! انا عارف أن الموضوع هيكون صعب عليكي في الأول و لكن واحدة واحدة هتتحسني إن شاء الله
تم النشر الأربعاء، ٢٧ سبتمبر ٢٠٢٣
هل انتي اتعرضتي لأي صدمات الفترة اللي فاتت ممكن تكون هي اللي مأثرة عليكي ، صدمات عاطفية ، في الدراسة ، في الحياة عموما ؟ علاقتك مع أهلك من زمان هي كدا ولا حديثا موضوع العصبية و الزعيق و الصوت دا العالي دا ؟ علاقتك بربنا عامله ازاي ؟ دراستك بتحبيها ولا لا ؟ ، هل بتحطك تحت ضغط ؟ علاقتك بالسوشيال ميديا عامله ازاي و هل حاسه انك بتقضي وقت كتير عليها بدون فائدة ؟ اتكلمي و اكتبي كل اللي جواكي متخافيش أيا كانت المشكلة إن شاء الله في حل
تم النشر الاثنين، ٢٥ سبتمبر ٢٠٢٣
انصحك بمتابعه مادة فقه النفس لدكتور عبد الرحمن ذاكر الهاشمي علي اليوتيوب .. انتي فقط محتاجه تقرأي نفسك و تفهميها و تنفضي كل الشوائب و الأفكار اللي مغطيه عليها ، محتاجه تفهمي عقلك شغال ازاي و ازاي بيخدعك و بيدخلك في دوامه من المخادعات النفسية ، محتاجه تفهمي ازاي تتعاملي مع اللي حواليكي و فيه جمله دكتور عبدالرحمن دايما بيقولها (نفسك اولا ثم الآخرين) لو انتي بطبعك شخصية كويسة مع اللي حواليكي و بتدي ولكن مش بتلاقي في المقابل فـ بما انك شخصية عاطفية دا هيأثر عليكي و هيكون طبيعي انك تهربي من الواقع و تعيشي في احلام يقظه .. إلخ الدكتور اتكلم في الحاجات دي كلها في اكتر من سلسلة و دورة ، تقدري تبحثي و تدوري و تفهمي و تقوي نفسك بنفسك و كل شئ هيكون تمام إن شاء الله
تم النشر الأحد، ٢٤ سبتمبر ٢٠٢٣
علاج الخوف .. المواجهة ، لو قرأتي الف كتاب منغير ما تواجهي خوفك دا كأنك معملتيش حاجه ، صدقيني دا الحل .. وابدأي تدريجي .. يعني ارمي نفسك في جروبات بنات علي التليجرام و ابدأ المبادرة بالحديث و افتحي مواضيع و اتكلمي و قولي رأيك و اكسري الحاجز دا ، واحدة واقفة جانبك في الكلية ابدأي انتي كلام معاها و تكوني محضرة هتقولي ايه .. بالنسبة للامتحانات الشفوي دا مش مقياس نهائي و الخوف و التوتر أمر طبيعي حتي للناس اللي معندهاش خوف من الحديث قدام الناس لأن استرجاع المعلومات الكتير أمام الدكتور في وقت قليل دا كفيل اني يخلي الواحد يتلعثم عادي جدا و كلنا للأسف كدا في الشفوي😂🤦🏻♂️ ، ف توكلي علي الله و ابدأي بس و ادعي ربنا كتييير أنه يكرمك و تتخلصي من المشكلة دي .
تم النشر السبت، ٢٣ سبتمبر ٢٠٢٣
لو صاحبتك تهمك و مش حابه تخسريها و أنتي فعلا متأكدة من ناحيتها أنها مش شخص سئ يبقي لازم تشاوريلها علي الحاجات اللي بتضايقك قوليلها بكل صدق انتي قولتي كذا كذا و دا ضايقني و الموقف الفلاني دا زعلني جدا و انتي عارفه اني بتأثر بالحاجات اللي زي دي . ساعتها رد فعلها هو اللي هيحدد تعملي معاها ايه و تتعاملي معاها ازاي ، و انا بخبرتي مع الناس في المواقف اللي زي دي بقولك أنه غالبا هيطلع مكنش قصدها حاجه و كان هزار و الكلام دا كله ولو هي باقيه عليكي فعلا هي هتفهم مشاعرك دي و هتعذرلك و كل اللي جواكي دا هيبقي طلع و هتبقي ارتاحتي و المعامله معاها هترجع زي الاول. ولو لقدر الله طلع غير كدا هتبقي شوفتي الحقيقة بعينك بردو و ريحتي ضميرك و عرفتي مين اللي ينفع تبقي عليه و مين لا .
تم النشر السبت، ٢٣ سبتمبر ٢٠٢٣
اول اسبوعين بيبقا الالم مش طبيعي و هتحسي أن عضلاتك كلها متخدرة و هتيجي تغييري لبسك هتبقي مش قادرة ترفعي ايدك اصلا .. كل دا طبيعي اول اسبوعين احنا ك رجالة اصلا بنبقا مش قادرين 😂 واحدة واحدة بعد كدا هتلاقي الدنيا بقيت احسن و بتتعودي .. اوعي بس تلاقي نفسك مش قادرة تقرري ما تروحيش ، الحل انك تروحي وتفضلي منتظمة عشان عضلاتك تتعود و تفك
تم النشر الثلاثاء، ١٦ مايو ٢٠٢٣
العادات السبعة الطريق الى القرآن لأنك الله
تم النشر الاثنين، ١٥ مايو ٢٠٢٣
تم النشر الأحد، ١٤ مايو ٢٠٢٣
نعم يجوز ، بل و فيه خير و بركه بإذن الله ❤️
تم النشر الأحد، ١٤ مايو ٢٠٢٣
الحقيقة مسمعتش بودكاست عن الشغف و الدراسة قبل كدا بس ممكن تشوفي فيديوهات احمد ابوزيد أو كريم إسماعيل أو عبدالله العلاوي الناس دي بتتكلم عن الدراسة و الإنتاجية و الشغف بشكل مستمر و كلامهم جميل جدا وكريم اسماعيل له فيديو اسمه (محتاج حافز ) بيخلي الواحد عاوز يقوم يكسر الدنيا 😂❤️ ولكن بطبيعة الحال الوضع مش بيستمر كتير💔 فيه الفيديو دا كمان لياسر الحزيمي https://youtu.be/00Yy0NqNF6M انا لسه مسمعتوش عشان مش فاضي حاليا بس الراجل دا محترم جدا وكلامه واقعي وجميل .. فـ ممكن يفيدك واخيرا.. استعيني بالله اولا و جددي النية قبل أي فيديو تسمعيه عشان ربنا يكرمك .. بالتوفيق ❤️
تم النشر الأحد، ١٤ مايو ٢٠٢٣
متوتريش نفسك بس عشان انتي مش ناقصة .. واحدة واحدة كدا نظمي وقتك و اكتبي كل دقيقة بتضيع في ايه .. + لازم تقفلي سوشيال ميديا تماما و الموبايل استخدميه في الحاجات المهمة و الضرورية فقط .. قللي اكل الفترة دي و نامي خفيفة دايما عشان تنامي كويس و تصحي مركزه لليوم اللي بعده .. لو فيه دروس تقدري تاخديها اونلاين من البيت عشان توفري المجهود و الوقت يبقي افضل .. شوفي فيديوهات تحفيزيه دايما عشان الملل في الفترة دي خطير جدا جدا جدا ... بلاش تقولي لنفسك جمل فيها يأس و احباط لانها بتثبت في عقلك الباطن .. بعد ما تعملي الكلام دا اقعدي بقا مع نفسك كدا قاعده رايقة و اكتبي كل اللي متراكم عليكي و اعملي جدول صارم جدا بحيث تراجعي بتركيز و الحاجه اللي تذاكريها لما تيجي ترجعلها قبل الامتحان متاخديش فيها وقت كتير .. الموضوع سهل ؟ اكيد لا لو سهل كان كله وصل للي هو عاوزه .. الموضوع محتاج شخص عنده عزيمة و إصرار علي حلمه .. محتاج قوة و إرادة و صبر غير عادي اعتبريه تحدي بينك و بين نفسك الشهر اللي فاضل دا .. عشان وانتي قاعده مستنيه النتيجة بتاعتك كمان كام شهر يبقي من جواكي عارفه انك عملتي اللي عليكي . ربنا يوفقك انتي و كل اللي في ثانوية عامة يارب ❤️
تم النشر السبت، ١٣ مايو ٢٠٢٣
ايا كانت الغلطة هي ايه .. ف حابب أقولك أن كلنا بنغلط الرسول صلي الله عليه وسلم قال ( كل ابن آدم خطاء وخير الخاطئين التوابون ) .. والله عز و جل في القرآن يقول ( مَّنْ خَشِيَ الرَّحْمَٰنَ بِالْغَيْبِ وَجَاءَ بِقَلْبٍ مُّنِيبٍ ) و معني منيب اي المعترف بذنبه أو خطأه في خلوته فيستغفر منه .. وانتي الحمد لله اعترفتي بغلطك و توبتي و حاولتي تصلحي و ربنا كرمك و الدنيا بقيت تمام يعني بإذن الله خطأك مغفور ايا كان هو ايه . انتي حاليا كل اللي مضايقك الضغط اللي عليكي لما حد عرف الغلط دا و دي حاجه طبيعية انك تزعلي و خصوصا أن الدنيا بتتصلح زي ما بتقولي ، ف انتي مش بإيدك حاجه تعمليها فبلاش تكوني قاسية علي نفسك انتي اعترفتي بغلطك و صلحتيه .. دلوقتي مفيش حاجه تقدري تعمليها غير الدعاء .. ادعي ربنا يفرج همك و يزيح هذا الكرب و الغم و الضيق عنك ، ولا تستهيني بالدعاء نهائي ، سلاح عظيم والله بس اللي يعرف يستغله .. ادعي ربنا بنية صادقة .. ولو مش لاقيه حد تفضفضي معاه ؟ قومي صلي ركعتين و اسجدي و فضفضي مع ربك و قولي كل اللي في نفسك و ابكي بين ايديه .. الرسول صلى الله عليه وسلم يقول ( إن الله تعالى حيي كريم ، يستحي إذا رفع العبد إليه يديه أن يردهما صفرا ) ربنا مش هيخذلك ابدا خلي يقينك في ربك كبير مهما كان ذنبك صغير او كبير ربنا كريم و هيزيح عنك كل ضيق بإذنه فقط ❤️
تم النشر السبت، ١٣ مايو ٢٠٢٣
توبتك مقبولة في كل وقت مادام فيك نفس بإذن الله فقط اخلص النية و أقبل علي الله ♥️
تم النشر الجمعة، ١٢ مايو ٢٠٢٣
1- روبوت أو تطبيق يحكي قصص خيالية بشكل مبسط لتدعيم إدراك بعض المبادئ زي العدل ، المساواة ، الاخلاق ، الحب ، الكرم ..الخ 2- روبوت أو تطبيق يكون اسمه ( الكابتن ) يكون دوره أنه يعمل تدريب أو تمرين بشكل منتظم بحركات بسيطة جدا و يكون له صوت مميز أو لهجه مميزه بحيث الشخص المبتلي بالإعاقة يربط بين سماع صوت الكابتن و معاد الحركة أو التمرين 3- تطبيق فيه صفارة و نربطها بعمل أنشطة معينة زي تعلم الرسم مثلا او اي هواية تانية . 4- روبوت مبرمج أنه يرد علي الأسئلة في مختلف المجالات ونطلب من الأشخاص المعاقين أنهم يبدأوا يسألوا بنفسهم و يتعلموا عشان نطور عندهم المهارة دي . 5- جهاز بسيط يكون مرسوم عليه مجموعة من ال emotions اللي بتعبر عن الحالات النفسية ( فرح ، حزن ، غضب .. الخ) .. تقدر تدي للشخص و تطلب منه يضغط علي الايموشن اللي بيعبر عن حالته النفسية و بعدها يبدأ يتكلم و يفضفض و يقول اللي جواه و بكدا نكون ربطنا بين اكتر من مهارة في نفس الوقت حلو اوي كدا عشان انا صدعت من التفكير 😂❤️ يارب اكون قدرت أفيدك بأي حاجه❤️
تم النشر الجمعة، ١٢ مايو ٢٠٢٣
انتي طيبة و جميلة اوي من جوا عشان كدا بيبقي عندك عشم ان اللي قدامك هيسمعلك و هيكون مبسوط أنه بيسمعك و مهتم ب اللي بتقوليه لكن للأسف دا مش دايما بيحصل .. أنك تتكلمي كتير أو تحكي أو تفضفضي ايا كان بقا دي نعمة كبيرة جدا في ناس بيبقي نفسها بس حد ييجي يتكلم معاها و يفضفض و يحس أن في حد مهتم يشاركه حياته و هو كمان يشارك و يتكلم .. ف اللي انتي بتعمليه دا حاجه جميلة جدا و اي حد يتمناها و خصوصا من الشخص اللي بيحبه .. لكن هقولك حاجه ، اختاري الوقت المناسب و كمان الشخص المناسب بمعني ان الموقف اللي ممكن تحكيه ل اختك و ممكن متكونش مهتمه تسمعه .. ممكن مامتك تكون مهتمه أو صاحبتك .. فهماني ؟ كمان ممكن المود بتاع الشخص اللي جايه تحكيله حاجه لا يتناسب مع الموقف ، يعني مثلا جايه تحكي احداث ورا بعض و هو مشغول ف بلاش تحكي دلوقتي ، حاجه تتكلمي عن موقف بيضحك و هو مضايق دلوقتي أو شكله لسه مش في المود ف بلاش . يعني حاولي تختاري صح الوقت و الشخص قبل ما تحكي ، انا بعمل كدا لما باجي احكي حاجه ل أختي مثلا حسيت انها مشغولة أو حاجه مضيقاها بوقف كلام و بقولها بعدين ، ساعات الاقيها هي جايه تسألني كنت عاوز تقول ايه ، أو انا الاقيها في مود كويس ف اقعد احكيلها و هي كذلك بردو . يارب اكون فيدتك بأي حاجه ❤️
تم النشر الخميس، ١١ مايو ٢٠٢٣
مضادات الاكتئاب بتعمل ادمان .. عشان كدا مينفعش نعمل للدوا انسحاب مفاجئ بنعمل انسحاب تدريجي Gradual withdrawal .. بنقلل الجرعة واحدة واحدة + تمشي علي بديل للدوا ميكونش بيعمل إدمان الأفضل تروحي لطبيب نفسي تفهمي منه اكتر و يكتبلك علي الدوا و الجرعة المناسبة
تم النشر الخميس، ١١ مايو ٢٠٢٣
فيه مواقع عربية مستقل خمسات أريد مواقع عالمية Upwork Freelancer fiverr
تم النشر الجمعة، ٥ مايو ٢٠٢٣
وعليكم السلام ورحمه الله وبركاته يفضل تشوفي شغل اونلاين افضل و تشتغلي من البيت عشان تعرفي توفقي ما بينهم و ميبقاش فيه ضغط عليكي أو تيجي علي حاجه علي حساب حاجه تانية .. و كمان ساعتها الدنيا هتبقي سهلة سواء في إجازة أو دراسة
تم النشر الأربعاء، ٣ مايو ٢٠٢٣
متسمحيش لحد يوترك .. طمني نفسك بنفسك فكري نفسك دايما أنه النتيجة مكتوبة عند ربنا و أن درجاتك محطوطة اصلا و مقدرلك هتجيبي كام بالظبط و لو انتي ثانوية عامة ف خليكي علي يقين أن كليتك اللي ربنا كاتبهالك هي دي الخير ليكي ايا كانت هي ايه و انتي بس داخلة الامتحانات دي عشان تجيبي اللي ربنا كاتبهولك .. خلي عندك ثقة في ربنا و في نفسك أن انتي تعبتي و تعبك مش هيروح بإذن الله انا والله كنت بتوتر جدا أيام ثانوية عامة بردو ولكن الكلام اللي فوق دا كنت بطبقة علي نفسي و كنت كل امتحان وانا في اللجنة اسمي الله و أول ما أمسك الورقة اقول يلا نشوف ربنا كاتبلي اجيب كام في المادة دي .. و الحمد لله كله عدي عادي و دخلت الكلية اللي كنت عايزها .. كلمة السر ثقي في الله بجد ❤️
تم النشر الأربعاء، ٣ مايو ٢٠٢٣
لو اهتماماتك مختلفة عن القريبين منك ف دي حاجه عادية جدا احنا كبشر مختلفين .. و النقطة دي كانت عندي بردو و مكنتش بقول لحد انا بعمل ايه و لا بشارك اي حاجه مع حد خوفاً من أن حد مبيفهمش حاجه يتريق او يقولي كلمة ممكن تحبطني من الحاجه اللي بتعلمها او اللي انا مهتم بيها و يمكن يكون عندي طموح و أهداف مستقبلية فيها كمان ف كنت بخاف اني أتكلم للأسباب دي و كنت بشتغل مع نفسي في صمت و دا كان صعب عليا طبعا لان الإنسان مهما كان قوي ف هو محتاج يشارك اللي حواليه و ياخد رأيهم ، ينصحهم و ينصحوه و كدا يعني ولكن كنت بحس أن طالما انا صح و بعمل الحاجة اللي حاببها فمش مهم حد تاني يهتم ..المهم قعدت كدا لمدة 6 شهور مثلا و بعدها ربنا بكرمه بعتلي صحبة صالحة بقيت بشارك معاهم حاجات كتير جدا ولقيت أن اهتمامتنا زي بعض في حاجات كتير وحتي لو مختلفين فكنا بنتقبل الاختلاف دا و نشجع بعض عادي جدا .. ف اللي عايز اقولهولك ان أيا كانت اهتماماتك ايه ، طالما حاجه مش حرام اوعي تحسي انك بتعملي حاجه غريبة أو شاذة عن الناس اللي حواليكي بالعكس انك تكوني غريبة في الزمن دا حاجه كويسة جدا .. ف استمري في اللي انتي بتعمليه عادي و ربنا يكرمك بناس تبقي عندها نفس اهتماماتك ان شاء الله و ممكن كمان تدوري بنفسك علي جروبات الفيس او الدورات اللي بتبقي علي التليجرام مثلا .. أما بالنسبة للنقطة التانية وأنك بتخافي تتكلمي أو تقولي رأيك و تنصحي الناس .. ف هقولك حاجه فكك من الناس خالص .. وابدأي حلي المشكلة دي لنفسك عشانك و عشان مستقبلك انتي في المستقبل هتكوني زوجة و أم و هيبقي واجب عليكي أنك تتكلمي و تنصحي ، و ممكن تكون بتشتغلي في مكان ما ف لازم يبقي ليك رأي وتعرفي تعرضي وجهه نظرك صح .. ف اوعي تخافي و شيلي الاوهام دي من دماغك و عادي اغلطي و اتعلمي و اتكلمي بأي طريقة و كل مرة طوري منها و قولي رأيك في اي حاجه بردو عادي .. احنا مش مسؤولين عن بجاحة اللي حوالينا اللي ممكن يحسسونا أن رأينا ملوش قيمة أو أننا بنقول أي كلام .. فـ خدي قرار انك تعملي دا لنفسك و بس وتقدري تشوفي حد علي اليوتيوب مثلا بيتكلم في الموضوع دا و ان شاء الله الوسواس دا يروح و تبقي تمام ❤️
تم النشر الأحد، ٣٠ أبريل ٢٠٢٣
محتاجه تتكلمي مع حد متخصص لو في المقدرة .. لو مفيش يبقي ابدأى حجمي شهوتك .. اشغلي نفسك .. قربي من ربنا بالصلاة و القرآن و الصدقات و اسمعي كلام الشيوخ عن العادة السرية و قد ايه ممكن تأذيكي في حياتك الجنسية مع زوجك مستقبلا .. دا غير أنها بتضيعلك وقتك و ثقتك بنفسك و بعدها ندم و اكتئاب و جلد ذات وانتي بنفسك بتقولي حالتك النفسيه مدمرة لدرجة أن معصية خليتك تكرهي نفسك و تفكري في الانتحار و ربنا اسمه الغفور الرحيم. توبي الي الله ، خدي قرار انك هتعفي نفسك عشان ربنا يرزقك بزوج صالح يسعدك و تحسي بالمتعة الجنسية في الحلال عادي .. هي فطرة فينا و احنا كشباب سواء ولاد أو بنات العادة السرية مشكلة كبيرة لينا لكن مينفعش نسلم لشهوتنا دايما .. محدش هيتأذي غيرنا و هنا بتكلم بصيغة الجمع لأن كلنا بلا استثناء بنجري ورا شهواتنا بسبب ضغوط الحياة و بتبقي العادة السرية وسيلة هروب أو الافلام أو اني اكلم بنت او انتي تكلمي ولد .. كل دي وسائل هروب مش اكتر و بتدخلنا في دائرة الإدمان للأسف .. فـ زي ما قولتلك شوفي متخصص افضل تتابعي معاه وتقدري تتكلمي معاه براحتك و بدون احراج .. شهوتك لازم تحجميها بأنك تشغلي وقتك و ترجعي تذاكري و تجتهدي عشان تحسي بقيمتك و تستوعبي و تدركي انك بتعملي حاجه حرام و غلط هتأذيكي جدا و هتضيعك.. و الإدراك مهم عشان تاخدي قرار صح اسمعي فيديوهات لـ د.حازم شومان مثلا اتكلم اكتر من مرة في ازاي نبطل العادة السرية .. كمان بشمهندس علاء حامد له محاضرات جميلة جدا و ازاي نتعافي نهائي من الإدمان دا و نرجع لحياتنا الطبيعية واخيرا اشغلي نفسك و شوفي صحبة صالحة حتي لو اونلاين لأن ممكن علي أرض الواقع يكون الموضوع صعب .. فيه جروب علي الفيس اسمه No zero days .. جروب جميل جدا الناس هناك بتحفز بعض اللي عنده مشكلة بيعرضها .. في بنات كتير جدا محترمات و عندهم دين وربنا رازقهم العفة ما شاء الله عليهم تقدري تصاحبيهم و يشغلوكي بحاجات مفيده من اللي بيعملوها و هياخدوا بإيدك لحاجات كتير تحسسك بقيمتك بعيدا عن الشهوة .
تم النشر الأحد، ٣٠ أبريل ٢٠٢٣
ورد ذكر ثابت مع كثرة الاستعاذة و الاستعانة بالله علي هذا الوسواس و بإذن الله الأمور تتحسن . ونصيحة .. لو الموضوع مشتتك و شاغل تفكيرك ابدأي فرغي كل اللي في دماغك علي ورقة هتلاقي معظم الكلام ساذج و سطحي و ملوش معني و فقط الوسواس كان مسببلك تشتت و ازعاج و مش مخليكي مرتاحة ... لما تتأكدي من دا ابدأ قطعي الورق دا و ارميه في الزبالة عشان تدي ثقة لنفسك و تثبتي لـ عقلك مدي سخافة الأفكار و الوساوس دي في لحظاتك ايمانك ، و أنها فقط بتسيطر عليكي في لحظات الضعف .. استعيني بالله و الأمور هتتحسن ان شاء الله.
تم النشر الجمعة، ٢٨ أبريل ٢٠٢٣
الاغاني موسيقي و كلمات .. الكلمات حكمها كحكم الشعر .. الكلام الطيب حلال و الكلام الفاحش حرام طبعا أما الموسيقي فالموضوع فيه خلاف بين العلماء يفضل تشوف بنفسك أو تقرأ الخلاف و أسبابه عشان تاخد قرار لنفسك . وبالنسبة ل الرأي اللي انا باخد بيه فهي حرام لما ورد عن الرسول صل الله عليه وسلم (سيأتي علي امتي أقوام يستحلون الحري و الحرير و الخمر و المعارف) وايضا لما فيها من فساد للقلب علي مستوي الفرد و فساد للمجتمع عموما و انا عشت دا بنفسي و شوفت ازاي كانت مآثرة عليا بالسلب فعلا . لو اقتنعت انها حرام و لكن مش عارف تبطل تسمعها ف البديل ساعتها هي الاناشيد اللي بدون موسيقي و في اناشيد كتير جميلة جدا تقدر تسبدل بيها الموسيقي لو انت بتحب تسمع شئ و انت بتذاكر أو بتشتغل..الخ
تم النشر الأحد، ٢٣ أبريل ٢٠٢٣
اولا و قبل كل حاجه استعيني بالله أنه يقويكي عللي اللي انت عاوزه تنجزيه .. ثانيا دي خطوات عملية و عن تجربة تقدري تعمليها و هتفيدك بإذن الله 1-امسحي كل تطبيقات السوشيال ميديا .. فيس انستا تويتر تيك توك .. و نزلي برنامج يحددلك وقت استخدامك لباقي التطبيقات المهمة اللي علي الموبايل عشان الوقت مينفعش يضيع علي الفاضي 2-ورقة وقلم و اكتبي عاوزه تنجزي ايه و خلال قد ايه 3- اعملي جدول واقعي .. يعني بلاش حماس البدايات و تحطي جدول يعجزك أو يخليكي تكسلي تبدأي اصلا .. و بردو متحطيش جدول خفيف جدا تخلصي اللي فيه بسرعة و تحسي بالملل و تعوزي ترجعي تاني للسوشيال ميديا. 5- لو الحاجات اللي عاوز تنجزيها كبيرة أو تحتاج وقت طويل قسميها ل تسكات قليلة بحيث كل ما تخلصي task يبقي دا إنجاز صغير. 4- كافئي نفسك بعد كل إنجاز يتم بحاجه بتحبيها 5-لو حصل و جيتي بعد فترة و كسلتي أو زهقتي تصالحي مع نفسك و انك بشر و دا طبيعي .. و افهم المشكلة فين و حليها وابدأي من الاول. ربنا معاكي .
تم النشر الأحد، ٢٣ أبريل ٢٠٢٣
العفو علي اية ربنا يطمنكم يارب ❤️ انا شايف انك تشوفي دكتور مخ و اعصاب تاني افضل و يكون عنده ضمير ، دكاتره العظام بيكونوا شاطرين جدا بردو فلو تعرفي دكتور عظام شاطر روحيله بس هي الحالة دي تبع قسم المخ و الاعصاب مش العظام ولكن الموضوع منتشر أن دكاتره العظام تاخد حالات زي دي ف مفيش مشكلة بردو المهم الدكتور يكون بيراعي ربنا في المرضي و ترتاحوا معاه
تم النشر الثلاثاء، ١٦ يوليو ٢٠٢٤
دي وجهة نظري يعني ، أن لازم رجل يتصدر المشهد دا
تم النشر الثلاثاء، ٤ يونيو ٢٠٢٤
يعني لو أهله من الأساس ناس سيئة و مراته معندهاش دين ولا اخلاق سهل جدا تقول إن انتو اللي بتتبلوا علي ابنهم و علي جوزها و الأمر يتقلب ضدكم حتي لو معاكم سكرينات و شاتات مسجلة و .. و ... و ..
تم النشر الثلاثاء، ٤ يونيو ٢٠٢٤
حضرتك ليكي كل الاحترام ولوالدتك ولكن يجب أن يكون معاكم رجل في موقف زي دا يقف جنبكم و تتسندوا عليه عشان لقدر الله نتائج الموضوع دا مكنتش زي ما انتو متوقعين !
تم النشر الثلاثاء، ٤ يونيو ٢٠٢٤
علي ايه بس .. ربنا معاك و يوفقك ❤️
تم النشر الأحد، ٢١ يناير ٢٠٢٤
العفو ، ربنا معاكي ❤️
تم النشر الأربعاء، ٢٧ سبتمبر ٢٠٢٣
بصي احنا كشباب عشريناتي و مقبل علي الجواز مش هيهمنا اوي الجمال الفائق علي قد ما يكون الشكل مقبول بس عشان كلنا عارفين عمليات الصنفرة اللي البنات بتعملها في وشها اليومين دول 😂 ، فالاهم من الشكل هو الاخلاق و التوافق ما بينا و النضج الكافي لإقامة بيت و أسرة ، فلو دي حاجة مخوفاكي انسيها خالص الجواز دا رزق يعني و ادعي ربنا يرزقك بزوج صالح ، ثانياً انتي لو مبطلتيش مقارنة مع الآخرين عمرك ما هتحبي نفسك ابدا ،و مش لوحدك يعني انا بردو لو قعدت اقارن نفسي باللي حواليا مش هحب نفسي واي حد كدا ف لازم تبطلي العادة السيئة دي و تنسفيها خالص من دماغك لأن هي سبب كل دا .. كمان لازم تدركي الاختلاف بين البشر و أن دي حاجه طبيعية دا قصير و دا طويل ، البنت دي بيضة و دي سمرا شوية احنا كبشر مختلفين عن بعض ولازم نتقبل دا و منكترش ف التفكير فيه ، ولازم بردو تظبطي علاقتك مع ربنا و تدعي ربنا دايما أنه ينزل عليكي السكينة والطمأنينة كدا و أن دماغك متقعدش تحود للحاجات اللي ملهاش لازمه دي فيه دعاء اسمه ( دعاء السكينة ) ابحثي عنه و قوليه علطول ، و علي الجانب الآخر بردو لازم تقدري قيمة نفسك كدا و تحبيها زي ماهي و تحسسي نفسك بجمالك و أنوثتك ( طبعا جوا بيتك بس مش تفرجي أنوثتك للبشر كلهم ) ، يعني تهتمي بنضافتك الشخصية و بشعرك و بشرتك و شوفي البنات بيعملوا ايه و اعمليه ، و شوفيه فيديوهات علي اليوتيوب لو عندك مشكلة ما .. عيشي ( حياة صح ) كدا و فكك من الحاجات اللي ملهاش لازمه دي
تم النشر الأربعاء، ٢٧ سبتمبر ٢٠٢٣
انا مقولتش انك زودتي بالعكس انتي عبرتي عن اللي جواكي فعلا ولكن أنا قصدي أن دي مش حقيقة دي مجرد مشاعر سطحية .. يعني انتي معندكيش اكتئاب ولا حاجه دول شوية زعل و حالتك النفسية مش كويسة ، الاكتئاب حاجه تانية خالص ربنا يعافيكي منه ، نفس الكلام قولتي عندي كسل مش طبيعي و جسمي مكسر مع أن دي حاجه عادية بس انتي شايفاها مشكلة ، انا بكلمك دلوقتي وانا تعبان جسمى مكسر و مش قادر اعمل حاجه بس انا عارف إني دي مش مشكلة يدوب هنام ساعتين و اصحي أكمل الحياة عادي ، بردو قولتي أن نظرتك لنفسك سيئة و معندكيش ثقة في نفسك و بتقارن نفسك باللي حواليكي كتير و مش عاوزه تخلفي ومش قد المسؤولية.. كل دي مشاعر سطحية و ليست مشاكل أو عقد الحمدلله .. زي ماقولتلك محتاجه بس تهتمي بنفسك شوية و تحبيها و تصلحي المفاهيم الغلط اللي عندك و ترجعي تواجهي العالم الصعب دا بنفس جميلة طيبة و خالية من المشاعر دي كلها
تم النشر الأربعاء، ٢٧ سبتمبر ٢٠٢٣
ربنا معاكي و يوفقك و ييسرلك أمورك كلها يارب
تم النشر الاثنين، ٢٥ سبتمبر ٢٠٢٣
هو الطبيعي في سنك دا انك بتركزي في مذاكرتك و في نفسك و في أهدافك و .. و .. ، و الكلام دا غير مناسب ليكي فعلا ، لكن انتي دلوقتي في مشكلة غير مسؤولة عنها و لكن بالطبع انتي مسؤوله عن انك تلاقي لها حل و زي ما قولتلك في الأول المشكلة دي محتاجه متخصص يتابع معاكي و نقطة . ، ولكن لو تقدري تعرفي مشكلتك فين و تبحثي و تدوري و تلاقي لها حل و تصلحي المفاهيم المغلوطة عندك يبقي احسن ، لو مش هتعرفي و خايفه تدخلي في متاهات و تتلغبطي اكتر خلاص بلاش و متحطيش الموضوع في دماغك لحد ما ييجي السن المناسب و بعد كدا تقدري تشوفي دكتورة كويسة تتابعي معاها ... ، بالنسبة لنقطة عيب و حرام فلا طبعا انتي بتصلحي المشاكل اللي عندك و بتفهمي الصح بنية انك تكوني زوجة صالحة في المستقبل ، العيب و الحرام هو اللي انتي اتعرضتيله والله و منقدرش نقول غير حسبنا الله ونعم الوكيل
تم النشر الاثنين، ٢٥ سبتمبر ٢٠٢٣
عشان كدا سألتك ... والدك للأسف معندوش اي وعي بخطورة اللي كان بيعمله دا ، انتي لسه صغيرة و للأسف اتعرضتي لمواقف اكبر من سنك و عقلك بكتير و لو قولتلك فاكره ايه تاني انا متأكد انك هتحكي مواقف تانية ، ف لازم تحاولي من دلوقتي أن يبقي عندك ثقافة جنسية سليمة عشان ميبقاش عندك مشكلة مستقبلاً ، في ناس متخصصة علي اليوتيوب بتتكلم عن العلاقة الجنسية و المواضيع دي في صورة علمية و بشكل في وعي كبير انتي محتاجاه، انتي محتاجه تدفعي كل الحاجات الغلط اللي اتخزنت في عقلك اللاواعي بحاجات صح و بعلم و معرفة حقيقية .. و ربنا يحميكي و يحمي كل بناتنا يارب
تم النشر الاثنين، ٢٥ سبتمبر ٢٠٢٣
طب انتي متأكده انك معندكيش مشكلة مع فكرة العلاقة الجنسية نفسها أو رهبه أو تخيل مش صحيح ..لأن زعلك الاوڤر دا من مامتك رغم انك عارفه الظروف بالنسبة لي غريب جدا و انا خايف مشكلتك دي تكون مخبية وراها مشاكل تانية كتير تأثر عليكي لما تكبري و تتجوزي في المستقبل إن شاء الله ، ف بسألك عشان لازم تطلعي كل اللي جواكي و مينفعش تفضلي مخبية كدا ، لأن لو فعلا عندك مشكلة في الموضوع دا لازم تتعالجي و تتعرضي علي متخصص ، أما لو مفيش مشكلة و الموضوع مجرد تأثر نفسي بالاحداث اللي بتحصل ف زي ما قولتلك أنني محتاجه تصبري بس شوية و تدعي ربنا يصلح الحال .
تم النشر الاثنين، ٢٥ سبتمبر ٢٠٢٣
انتي رديتي علي نفسك علفكرا .. هي والدتك بتشتكي و زعلانه و الوضع مش عاجبها و لكن هي فعلا لو رفضت يبقي حرام عليها ف هي متقدرش ترفض ، ف انتي المفروض تعذريها مش تقرفي و الكلام دا ، و اعتقد هي بردو شايفه أن الانفصال مش حل مناسب ليها أو ليكي ف حاولي تكون رحيمة بوالدتك شوية .. أما عن والدك ف للأسف انتو ضحية لشهواته و اندفاعه وراء الملذات دون التفكير في عواقب الأمور .. ف ما باليد حيله ، فقط ادعيله ربنا يهديه و يصلح له حاله و يرجعه لصوابه و الأمور تتحسن و لعلها قريبه يعني إن شاء الله ، اي حد بيمشي ورا شهواته كدا لما الموضوع بيوصل معاه للقاع بيفوق و يرجع من تاني ، ف اصبري و احتسبي و ادعيله ، و بجد ربنا يقويكي انتي و والدتك
تم النشر الاثنين، ٢٥ سبتمبر ٢٠٢٣
تمام جدا ، انا سألتك عن مشاعرك تجاه والدك و عن الاعتداء و العنف و الافلام الإباحية عشان افهم لو انتي عندك مشكلة مع الموضوع اصلا لأن فيه بنات لما بتعرف عن العلاقة الزوجية و بتشوفها في الافلام غير الواقعية دي بيجيلها رهبة و خوف منها و تخيلات غير حقيقية في خوفت تكوني ربطي بين الحاجات دي كلها و عشان كدا مش متقبله العلاقة الطبيعية بين والدك و والدتك لكن معني كلامك أن مشكلتك الوحيدة مع والدك هي التغيير اللي حصل و العنف اللي بقا فيه و أن هو مش مهتم بيكو و بمشاعركم و بيجري ورا شهواته و حبه القديم و الكلام دا ، و مشكلتك مع مامتك أنها مستسلمه ليه و بتمارس معاه العلاقة عادي حتي و هما بينهم مشاكل صح كدا ؟ + معلش سؤال اخير و ياريت تجاوبي عليه بكل صراحة هل لو والدك ربنا هداه و رجع معتذر و معترف بغلطه و مامتك سامحته و رجعوا يعيشوا في هدوء و منغير مشاكل هل هيبقي عندك مشكلة ولا انتي تتمني حاجه زي دي اصلا ؟ وهل لو هما علي الحالة دي و انتي بالصدفة بردو عرفتي أنهم بيمارسوا العلاقة الزوجية هل هتضايقي منهم ولا هيكون مشاعرك ايه ناحيتهم ؟؟
تم النشر الاثنين، ٢٥ سبتمبر ٢٠٢٣
انتي بتقولي انك بتتعرضي للعنف الأسري من وانتي 5 سنين .. هل معني كدا أن حتي من قبل الموقف دا ما يحصل كان جواكي كره أو مشاعر مش كويسة تجاه باباكي ؟ ، ثانيا لما حصل الموقف دا اول مرة ايه اللي كان في تخيلك و خلاكي تعيطي ؟ يعني هل فكرتي باباكي بيضرب مامتك فهي صوتت ف عشان كدا عيطي ولا حاجه تانية هي اللي خليتك تعيطي ؟ ثالثا هل تذكري انك تعرضتي لأي اعتداء أو تحرش من وانتي صغيرة أو لما كبرتي ؟ رابعا لما كبرتي و عرفتي معني العلاقة الزوجية وأنها فطرة في الإنسان و عرفتي أن الصوت دا كان صوت والدتك أثناء العلاقة ، ليه معتبرتيهاش حاجه عادية و خدتي الموضوع وكأنه خداع منهم ليكي و ازاي يعملوا كدا و هما بيكونوا زعلانين مع بعض ؟!! هل دا ليه علاقة بمشاعرك تجاه والدك ولا في سبب تاني ؟ اخيرا هل انتي اتعرضتي لافلام إباحية قبل كدا ؟؟
تم النشر الاثنين، ٢٥ سبتمبر ٢٠٢٣
اتعلمي مهارة من ع اليوتيوب ، ديزاين ، مونتاج ، موشن جرافيك ، كتابة ، ترجمة ، ppt .. اي مهارة حاباها .. و ابدأي اشتغلي علي مواقع الخدمات المصغرة
تم النشر الأحد، ٩ يوليو ٢٠٢٣
كتير عليكي كدا في الاول .. قللي شوية لحد ما تنتظمي فترة
تم النشر الثلاثاء، ١٦ مايو ٢٠٢٣
العفو علي ايه ، ربنا يوفقك و يجبر بخاطرك ❤️
تم النشر الأحد، ١٤ مايو ٢٠٢٣
عربي وليد محسن ، محمد طارق ، عبد الله الشهاوي انجليزي و فرنساوي اي حد كان بيحل اسئلة كنت بسمعه مش فاكر اسمائهم بصراحة ، اكيد في ناس تانية دلوقتي انا علي ايامي مكنش فيه علي اليوتيوب كتير احياء نبيل رجب .. الراجل دا عبقري فعلا فيزيا ادهم سمير ودا المدرس اللي كنت باخد عنده اصلا و ما شاء الله عليه يعني https://youtube.com/@AdhamSamir94 + محمود مجدي طبعا كيميا عبد الجواد ، عبدالله حبشي
تم النشر الأحد، ١٤ مايو ٢٠٢٣
ولا يهمك ، ربنا يوفقكم جميعا يارب .. هقولك مدرسين كنت بسمعهم حاضر
تم النشر الأحد، ١٤ مايو ٢٠٢٣
الشكر لله ❤️ + انا شاب مش بنت 😅......متخافيش مفيش وقت تخافي ، انا كت ثانوية عامة دفعة الكورونا و اخر 3 شهور قبل الامتحانات خدتهم كلهم من البيت اصلا اونلاين و يوتيوب بسبب الظروف ساعتها و الدنيا كانت جميلة جدا ، وحاليا اختي قدك في ثانوية عامة و لسه محولة نص الدروس اونلاين بردو ومبقتش تنزل غير درس او اتنين ، صدقيني هتوفر عليكي وقت جامد
تم النشر السبت، ١٣ مايو ٢٠٢٣
هو دا الكلام التمام 😂 .. العفو علي ايه بس ❤️
تم النشر الجمعة، ١٢ مايو ٢٠٢٣
صدقيني دي ميزة مش عيب يا شيماء ، حبي نفسك كدا زي ما انتي متوجعيش دماغك بالناس ، هو من امتي الناس بتريح حد اصلا .. متعليش سقف توقعاتك للناس اللي حواليكي وخليكي flexible كدا اللي عاوز يتكلم معاكي و يسمع يتفضل اللي مش عاوز هو الخسران وانتي زي الفل مفيش اي حاجه ، وان شاء الله ربنا يرزقك بصحاب ولاد حلال يقعدوا يسمعوكي و يحفزوكي و يستمتعوا برغيك دا و يحبوكي زي ما انتي كدا ❤️
تم النشر الجمعة، ١٢ مايو ٢٠٢٣
معتقدش أنها كدا خالص .. انا حتي لو مش مهتم باللي بيتحكي هفضل أسمع احتراماً و حبا للشخص اللي بيتكلم و المفروض دا الطبيعي يعني ، يعني هما كدا اللي عندهم مشكلة .. ف لو انتي حاسه انهم مش مهتمين ف حاولي تقللي كلام معاهم و اتكلمي مع حد مهتم اكتر صاحبتك أو قريبتك .. أو ممكن تتكلمي علي الابلكيشن هنا الناس هنا محترمة و بترد دايما 😂❤️ ، شيلي من دماغك بس فكرة انك بتتكلمي كتير دي عشان مفيش حاجه اسمها كدا انتي اكيد جميلة بعفويتك و كلامك الكتير و حبك وعشمك في الناس في دي حاجه لا تدعو للقلق تمامًا
تم النشر الجمعة، ١٢ مايو ٢٠٢٣
العفو
تم النشر الجمعة، ١٢ مايو ٢٠٢٣
حضرتك قصدك ايه بالمواقع اللي فيها فرص عمل عن بعد ؟
تم النشر الجمعة، ٥ مايو ٢٠٢٣
اتعلمي اي مهارة .. ديزاين وتصميم ، مونتاج ، كتابة محتوي ، ڤويس اوڤر .. الخ ، فيه حاجات كتير ف علي حسب انتي حابه ايه ، ولو مش حابه حاجه ف ابدأى خدي فكرة وشوفي ايه اللي عاجبك اكتر و شوفي علي اليوتيوب كورسات ، لو خدتي كل يوم ساعة بس ، تقدري تشتغلي خلال شهر مثلا .. و الشغل يا اما هيكون من خلال مواقع ال freelancing أو جروبات الفيس بوك و كدا
تم النشر الأربعاء، ٣ مايو ٢٠٢٣
انتي ثانوية عامة ؟
تم النشر الأربعاء، ٣ مايو ٢٠٢٣
خلاص تقدري تتكلمي هنا علي الابلكيشن دا ..عندك اوبشن انك تفضفضي براحتك ومنغير ما حد يعرفك بردو و هتلاقي ناس كتير بترد عليكي لكن الفكرة أن الكلام هيبقي عايم شوية عشان مش من حد مختص فعشان كدا كان يفضل تشوفي دكتور افضل أو متخصص صحة نفسية أو حتي حد بيدرس عشان يكلمك علي اساس علمي مش من تجربته الشخصية .. لكن هنا بديل كويس بردو وبإذن الله ربنا يكتبلك العافية و تخرجي من السجن دا .. بتمنالك كل خير .. ربنا معاكي و معانا جميعا يارب ❤️🙏
تم النشر الأحد، ٣٠ أبريل ٢٠٢٣
صدقيني انتي محتاجه حد تتكلمي معاه و تفضفضي مش اكتر .. حد متخصص هو الانسب حتي لو اونلاين .. مفيش يبقي لازم تشوفي حد ثقة وابدأي الكلام بطريقة غير مباشرة عشان لو حسيتي أن مش دا الشخص المناسب يبقي تشوفي غيره .. انتي باين عليكي طيبة والله و علي نياتك و ربنا هيكرمك و ييسرلك أمورك بس لازم تعملي حاجه عشان دا يحصل .. ( إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ ) استعيني بالله و خدي قرار غيري بيه حياتك ، ربنا يقويكي 🤍
تم النشر الأحد، ٣٠ أبريل ٢٠٢٣
حرام طبعا و انك تكلمي ولد و أنا كدا مرتبطة بيه ف دا حرام بردو .. فلازم تاخدي بالك كويس لأن زي ما قولتلك الحرام مفيش اسهل منه دلوقتي .
تم النشر الأحد، ٣٠ أبريل ٢٠٢٣
ايوة لازم تبعدي .. الدنيا مبتقفش علي حد عادي صاحبي غيرهم و ابعدي عن أي حد شمال .. اصل طبيعي لما تلاقي واحده بتكلم واحد قدامك تحسي انك كمان محتاجه دا ف تتجهي للحاجه اللي بتهربي بيها اللي هي العادة أو انك تدخلي تكلمي ولد .. ف اختاري صحبتك كويس .. و متقوليش صعب .. انا اقرب ناس فطليا دلوقتي اعرفهم من 8 شهور بس و في ناس غيرهم أعرفهم من 10 سنين و مبقوش صحابي لأن كان لازم ابعد عنهم .
تم النشر الأحد، ٣٠ أبريل ٢٠٢٣
لاحول ولا قوة الا بالله .. احمدي ربنا و اعرفي أن انتي اغلي من أن حد يضحك عليكي بالطريقة دي + اللي عندهم دين قليلين دلوقتي مينفعش تاخدي دينك من اي حد كدا .. دا واحد بيطلب منك تصوري نفسك وتبعتيله صورك ازاي تاخدي منه حكم في الدين ! .. في حاجه مش عارفه حلال و لا حرام اسألي حد فاهم أو تقدري تبحثي بنفسك و تشوفي الشيوخ قايلين ايه .. عندك شيخ عثمان الخميس حد ثقة و ممكن تاخدي منه فتوة صح لكن مش اي حد يجي يقولك الحاجه دي حلال عادي تعمليها .. انتي اكيد اذكي من كدا .
تم النشر الأحد، ٣٠ أبريل ٢٠٢٣
مش لازم تعرضي مشكلتك بشكل مباشر .. تقدري تنزلي بوست انك بتضيعي وقت في حاجاتخمش كويسة و عاوزه ترجعي تذاكري و تحسي بقيمتك و .. و .. وهتلاقي كتير بإذن الله بيساعدك .. وزي ما قولتلك انتي واضح جدا أنك محتاجه حد في حياتك تفضفضي معاه ف حاول تختاري حد حكيم كدا و بيحبك و تفضفضي معاه وقت ما تحسي انك مضغوطة أو عندك افكار مش تمام .. الصحبة مهمة جدا والله + من الاخر غيري روتين حياتك و ابدأى دخلي نفسك في الحياة من تاني بدل ما تعيش مع إحساس انك عاوزه تخرجي منها دا ... ارجعي ذاكري أو شوفي حد تذاكري معاه أو شوفي تحفيز للمذاكرة .. اتحركي من مكانك بدل الوقفة اللي ملهاش معني دي .. انا قولتلك كلنا عندنا مشاكل في حياتنا و ادمانات و بلاوي كتير .. و كلنا بنعافر عشان ربنا يكرمنا فـ بالله عليكي بلاش تفضلي واقفه في مكانك كدا .
تم النشر الأحد، ٣٠ أبريل ٢٠٢٣
ممكن تكوني محتاجه لحد تتكلمي معاه مش اكتر + عندك شهوة .. ف بتكلمي ولد و الكلام يبدأ ياخدكم لحته مش تمام ويبقا ضربتي عصفورين بحجر .. و السكة دي بتبدأ ب شات عادي بعد كدا صور و نودز و بعد كدا فيديو و بعد كدا للأسف زنا و تبقي محتارة بعدها اعمل ايه يا جماعة انا دخلت في علاقة مع ولد !!! بعد الشر عنك يعني .. اصل الولد اللي بتكلميه دا مش داخل يكلمك عشان جمال عيونك هو كمان عنده شهوة سايقاه و داخل عشان يهرب زيك بالظبط .. ف يا بنتي اجمدي شوية و قومي نفسك بنفسك عشان الدنيا صعبة و الحلال صعب و الحرام مفيش اسهل منه .. ولو عفيتي نفسك ربنا يرزقك بواحد محترم وساعتها دا بقا اللي هيكلمك عشان جمال عيونك و هتحسي ساعتها فعلا أن اللي كنت بتعمليه دا قرف فعلا مش متعة ولا حاجه ... بالنسبة ل الآية فالمقصود بها أي حاجه غير الزواج الحلال (فمن أبتغي وراء ذلك ) يعني اي حاجه غير كدا .. ف هي تشمل الزنا و العادة السرية .. و تقدري تبحثي بنفسك عن دليل حرمانية العادة السرية شوفي اي موقع زي اسلام ويب مثلا هتلاقيه عارضلك كل الأدلة و الأقوال و تفاسير الآيات و الأحاديث .
تم النشر الأحد، ٣٠ أبريل ٢٠٢٣
بما انك في الجروب ف يلا خدي خطوة حقيقية و غيري حياتك بنفسك .. صدقيني احنا نستاهل نعيش حياة أفضل من كدا و نخرج من سجن اي حاجه بتقيد راحة بالنا و صحتنا النفسية .
تم النشر الأحد، ٣٠ أبريل ٢٠٢٣
أما بنسبة لموضوع مش لاقيه دليل انها حرام .. ف ربنا في سورة المؤمنون بيقول في صفات المؤمنين (وَالَّذِينَ هُمْ لِفُرُوجِهِمْ حَافِظُونَ (٥) إِلَّا عَلَى أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ (٦) فَمَنِ ابْتَغَى وَرَاءَ ذَلِكَ فَأُولَئِكَ هُمُ الْعَادُونَ (٧) ) فمن أبتغي وراء ذلك .. اي حاجة غير كدا .. فأولئك هم العادون .. المتجاوزين لحدود الله .. الكلام واضح جدا .. احنا كبشر ربنا خلقنا بفطرة الشهوة و الانجذاب لبعض و أحل لينا أن احنا نفرغ الشهوة دي بالحلال الطيب اللي كله مودة و حب و مشاعر .. وغير كدا تجاوز لحدود الله .. وسبحان الله الواحد بعد العادة السرية بيحس بكمية ندم و حسرة و ضيق في الصدر مش طبيعية ودا لأنها تجاوز لحدود الله .. بنحس أن احنا صغيرين اوي و ملناش قيمة بعدها لأنها ببساطة تجاوز لحدود اللي خلقك و فطرك علي فطرة سليمة واحنا فقط بنشوهه.. فـ نسأل الله السلامة و العافية و ربنا يعافينا جميعا يارب .. ف اول خطوة لازم تاخديها انك تعترفي انها حرام و غلط و انك مش بتعمليها فضول ولا حاجه .. لأ دا إدمان ولازم تجاهدي نفسك عشان تبعدي عنه ..
تم النشر الأحد، ٣٠ أبريل ٢٠٢٣
مش مدمناها دي كلمة مش صح .. لفظ الإدمان مش بالضرورة يكون الصورة النمطية اللي احنا واخدينها عن ادمان المخدرات مثلا اللي هو هيبقي اسود تحت عنيكي و هتقعدي تهرشي في جسمك عاوزه المخدر .. الإدمان عبارة عن عادة انتي بتعمليها و بتكرريها و بتسببلك متعة ، ف مخك رصد عنده الفعل دا .. فبقيتي كل ما تبقي مضيقة أو في ضغط عليكي المخ تلقائيا يوجهك للحاجه اللي بتبسطك .. يعني مثال صغير انا كنت مضايق جدا عشان زوري واجعني وقولت هقوم اعمل ينسون لقيت نفسي دخلت المطبخ ومنغير ما احس عملت قهوة .. انا هنا مدمن قهوة وانا عارف دا كويس فلما كنت مضايق عملتها تلقائي .. نفس الكلام بيحصل معانا كلنا مع الموبايل .. ماسكة الموبايل إدمان .. السوشيال ميديا إدمان و الجيمز ادمان ف لازم تحطي في دماغك أنك عادي تكوني ادمنتي الفعل دا لأنه بيبسطك .. والأسباب التانية دي زي انك بتعمليها فضول أو زهق و الكلام دا بتكون من الشيطان عشان يحسسك انك بتعملي الموضوع دا بمزاجك وانك تقدري تسيبيه بمزاجك و الحقيقة لأ والدليل انك جايه تسألي ازاي تتخلصي من المشاكل دي كلها .. والادمان كدا كدا متفاوت بين الناس ف مش عيب علفكرا انك تقولي دا .. و يا ستي انا كمان مدرك إني مدمن العادة بنسبة ما و فعلا إدراكي دا بيساعدني جدا اني أستمر في التعافي .. وعشان كدا أكدت عليكي فوق في حته الإدراك . لان دا بيخليكي عندك رؤية كاملة للموضوع وأنه مش من يوم و ليلة هيختفي ..
تم النشر الأحد، ٣٠ أبريل ٢٠٢٣
بيبقي في جروبات علي الفيسبوك لكل مجال .. تصميم مثلا ، كتابة ، ترجمة كدا يعني .. الناس بتعرض شغلها هناك و بيبقي في ناس محتاجين شغل بردو وبأسعار مناسبة ف سهل جدا تلاقي شغل بإذن الله ... لازم بس يبقي عندك معرض اعمال عشان تلاقي شغل بسرعة .
تم النشر السبت، ٢٩ أبريل ٢٠٢٣
لعرض الملف الشخصي في فدني اضغط هنا