د.كيرلس بهجت

انتي خايفه من ايه ؟؟ من انك ترتبطي بحد كدة ؟! ما انتي خلاص واخده بالك .. غير انتي نفسك قولتي هو كويس بس فيه عيب ما ، عادي كلنا فينا عيوب .. ركزي ف حياتك و ارمي اللي حصل ورا ضهرك عشان مش هتعرفي تغيريه و فكري حتخلي حياتك افضل ازاي

يا عم وهمتك و ضحكت عليك ، خلاص مش نهايه العالم .. خليك واثق ف نفسك كدة و تقيل ، هي خسرت واحد كان بيحبها زي ما هي بتقول .. فوق لحياتك و متفضلش محبوس في افكار مش حتفيدك أنما حتاكل من عمرك و مستقبلك

لو الموضوع مأثر ع حياتك لازم دكتور نفسي تتابع معاه و ممكن يكتب لك ع أدوية ، بس مينفعش تضغط ع نفسك و يكون الموضوع مرضي محتاج علاج متخصص

لازم تروحي لدكتور جهاز هضمي بلاش تاخدي نصائح كدة و خلاص

اقري كتاب فن الحب لاريك فروم

الواحد يشتغل ع حاله ، يلاقي حل لشعوره بالفراغ ده .. يحس بقيمته الحقيقية و ساعتها حيعرف يختار أهدافه كويس ، مش زي الجعان ماشي ياكل من اي حته

مش عارف طبعا التفاصيل الكاملة ، بس الواضح من المظهر الخارجي أن ده مش حب او علاقة جادة ، إنما اقرب لسد فراغ عاطفي أو احتياج ما نفسي و للاسف بيقلب الموضوع ده بكوارث سواء الحكاية كملت او حتي مكلمتش

اول حاجة ربنا معاكي و يقويكي ، بس اعتقد المشكلة انك بتحاولي تقاومي مخاوفك و ده شيء مرهق ، تعايشي معاها افضل .. خليكي خايفة و متوترة بس مقاتلة و قوية ف نفس الوقت .. كلنا عندنا افكار سلبية كتير بس بنقاوم و بنكمل عشان عارفين اننا نستحق الافضل دائمة