Abd ElRahman Hasan

هل عندما أبدا في قراءة الكتب في ترتيب للقراءة فيهم أم كلهم نفس المحتوى حبيت أسال حضرتك على حسب قرائتك لهذه الكتب

تحاولي تطبقي ولو من كل النصائح اللي بتقوليها لغيرك تعملي ولو كل فترة كل أسبوع مثلا أو كل كام يوم بشيء من النصائح لغيرك وتحاولي يبقي الموضوع زي إلزام منك تعمليه بحيث تجدي ثمرة كلامك في الكلام اللي نصحتي بيه غيرك والموضوع قبل كلامي ده بيحتاج إستعانة بالله وصدق في الدعاء أنه يوفقني لكل ما بنصح بيه غيري في الخير

أول شيء تستحضر أن ربنا يراك وده هيساعدك كتير في موضوع البعد عن العادة وغض البصر الأمر التاني لما تكون عارف أن اللي أنت عليه ده طريق عاقبته مش طيبة وبيسبب أضرار تحديدا موضوع العادة وأيضا موضوع غض البصر ليه تأثير على قلبك في علاقتك بربنا واخيرا تجاهد نفسك تخالفها مش تقرب للأماكن اللي ممكن تقع بسببها فعادة أو إطلاق البصر وتكون في بالك قول الله تعالى ومن جاهد فإنما يجاهد لنفسه

مستشعر والله حالك وأنا بقرأ كلامك اللي أقدر أنصحك بيه الدعاء حاولي تدعي في أي وقت وأنتي بتصلي أو حتى في غير وقت صلاة وإن شاء الله هتلاقي تأثير لدعائك مع إحسان ظنك بالله عزوجل والنصيحة التانية حاولي لما يجيلك تفكير في موضوع الانتحار استعيذي بالله من الشيطان ومن شر نفسك علشان الموضوع يروح من على بالك النصيحة التالتة حاولي تشغلي قرآن في اوضتك بحيث بسمعاك للقرآن مش تحسي بأي ضغط ولا بأي تعب ربنا يصرف عنك كل أذي وشر

ربنا يقوي نظرك في كل يحبه الله عزوجل ويرضاه وييسر ليكي كل خير بفضله وكرمه . ، فكرة أن شخص سواء من الأهل أو غيرهم أن يسخر من أحد أصيب بشيء من قدر الله عليه ده شيء لا يرضاه الله ولا يحبه الله عزوجل ، حاولي لما حد يقول لحضرتك أي كلام لا تحبيه من قريب أو من بعيد ذكريهم بالله أن اللي أصابك ده من قدر الله تبارك وتعالى مش شيء منك أنتي وأكيد إن شاء الله لما تذكريهم بالله حالهم ينصلح معاكي طالما أن في قلبهم خوف من الله جل وعلا ، موضوع أمورك ادعي ربنا عزوجل كتير في تيسير أمورك وأن ربك يسهل ليكي كل ما تحبيه طالما فيه رضا لله عزوجل ولما تدعي خلي حسن الظن في ربنا مع الدعاء لأن أوقات في شيء بنحتاجه وبيتأخر تحقيقه وتأخيره هو الخير لينا لأن ما يقدره الله تبارك وتعالى هو الخير

أعرفي أن ربنا جل وعلا بعده عنك لأجل أن ده الخير ليكي ويمكن لو كملتي معاه يحصل ليكي أي شيء مش تحبيه أوقات كتير اختيارات ربنا عزوجل خير أكبر لينا وافتكرى أن ربنا عزوجل قال : ( وعسى أن تحبوا شيء وهو شر لكم ) .، ونصيحة أخيرة اشغلي وقتك بكل ما يدخل عليكي من نفع مثل قراءة في مجال معين أو سماع محاضرات نافعة تستفيدي منها وهكذا ومش تسيبي نفسك كتير للتفكير

علاج حضرتك في الموضوع ده بأمور أولها وأهمها أنك تدعي ربنا يثبتك في الحفاظ عليها علشان ربنا عزوجل قال عن الصلاة : ( وإنها لكبيرة إلا على الخاشعين ) . ، الأمر التاني : أقرئي عن قدر الصلاة وأهميتها في الشريعة في كتاب تقريبا إسمه : أول مرة أصلي لإدهم الشرقاوي غالبا كتاب طيب إن شاء الله يكون هذا الكتاب معين ليك بعد توفيق ربنا عزوجل ليكي في الثبات على الصلاة ، الأمر الثالث التأهب للصلاة والأمر ده بيجي من قبل الصلاة أن أكون عارف المغرب بيأذن الساعة كذا فإكون على وضوء وأكون جاهز للذهب للمسجد فدول أسباب يجعلك إن شاء الله تكوني مواظبة على الصلاة ربنا يجعلنا من المحافظين عليها دوما لأن النبي صل الله عليه وسلم قال عنها : وجعلت قرة عيني في الصلاة ، وقال النبي صل الله عليه وسلم في حديث آخر لسيدنا بلال رضي الله عنه: أرحنا بها يابلال.، قالمفروض من خلال الحديثين دول وغيرهم نستشعر أهمية الصلاة في أيامنا آسف على الإطالة على حضرتك

أتعلمي مفيش مشكلة بس لو ظهر منه شيء أثناء الشرح أو في وسط كلامه الافضل تتركيه

يارب أكون حاولت أفيدك وبكون الكلام واضح ليكي في فهمه وأخيرا مجرد نصيحة دينك أهم شيء تحافظي عليه علشان دينك هو نجاتك

موضوع مذاكرتك لو فيها حاجات غلط أهم شيء وانتي بتذاكيرها أو بتراجعي تكوني من داخلك عارفه أن في كلام في المادة اللي بتتكريها كلام مش صح مش من دينك فيكون الكلام ده مجرد كلام بس مش تخليه يبقي ثابت عندك في ذاكرتك ده مهم في موضوع المذاكرة واللي بيقولك تذاكري أكيد يقصد في الغالب أنك تهتمي بدراستك بس مش يقصد شيء تاني ده اللي فهمته من كلامه وهو بيقولك كده وحاولي لما تذاكري مش تخلي الكلام ده يأخد تركيزك في التفكير فيه لو تعتبريه مجرد كلام في مادة

لو كلمتي ناس أصحابها عاديين مش بيتكلموا معاكي في أي أمور من أمور الدين مفيش مشكلة إن شاء الله والأفضل ليكي يكون الأكتر من أصدقائك مسلمين

تجنبي الكلام معاها طالما أنك عارفه عنها أنها بتكلم غلط في الدين لما بتبقي معاكي حفاظا على دينك

هو الأصل أنك لما تكوني بتدرسي في مدرسة عادية مش تكون مدرسة خاصة بديانة معينة ولكن طالما بتدرسي فيها غير مسلمين أهم شيء تكوني فاهمة دينك كويس من خلال أنك تسألي حد ثقة في الدين لو أتغرضتي لشيء علشان تكوني عارفه الصح من الغلط وبحيث مش تقعي في شيء مش صح بسبب عدم المعرفة فالسؤال هيكون مهم موضوع أنك لو دخلتي جامعة والشغل الأفضل تكون جامعة من الجامعات المعروفة في بلدنا بلاش تكون جامعة خاصة بديانة معينة ده الأفضل وموضوع الشغل شغلك طالما هيكون مع شركة من الشركات إن شاء الله لا يوجد شيء فيه والله أعلم

طالما مش أنتي اللي بتسخدميها يبقي مفيش مشكلة إن شاء الله بس تكوني عارفة أنها حاجات مش صح ومينفعش تتعمل في دين الإسلام

موضوع تعلق التميمة على اليد أو أي مكان آخر في البيت لا يجوز والدليل النبي صل الله عليه وسلم قال : من تعلق تميمة فقد أشرك . فالمعنى العام اللي في الحديث أن اللي بيلبسها فعله غلط لا يجوز

لا هي مش سبت الدين وأكيد لما قالت البنت دي قالت كده كان بسبب أنها في آيات شافتها على النت فحست أنها صعبة بسبب معرفتش تفهمها علشان مثلا مسألتش حد أو سمعت تفسير بسيط ليها فقالت الجمبة دي بس لو أنتي تقدري تغيري ليها الآيات اللي شايفاها صعبة من خلال القراءة في كتاب مختصر في التفسير. بحيث نبين ليها سماحة الإسلام هيبقي موضوع جميل جدا ويجوز أنك تتكلمي معاها بس بلاش تتدخلي معاها في أمور في الدين ولو فتحت معاكي كلام في الدين حاولي يكون ردك مثلا هسأل حد فاهم في الدين وهرد عليكي حاجة زي كده وطبعا أنتي تعملي كده في حالة واحدة لو زملبتك عاوزة تفهم وتعرف الإسلام وفي طرق تانية ، موضوع الاحتفال بالاعياد الخاصه بيهم لا يجوز شرعا أنك تحتقلي معاهم أنك مثلا تروحي الكتيسة الخاصه بيهم والدليل النبي صل الله عليه وسلم قال: من تشبه بقوم فهو منهم. فالمعنى العام الحديث مينفعش أروح أحتفل معاهم لأنها أعياد مش من ديني من دين آخر وحاجات تانية ، موضوع الفراعنة كفار ولا لأ دي مسألة فيها خلاف بين العلماء وفيهم كلام كتير أما أنها متعلقة في جامعة أو مدرسة فده موضوع تاني

لازم يكون بداخلك إرادة حازمة وعزيمة قوية وقبل دول الدعاء والاستعانة بالله عزوجل والاعتصام به والاحتماء به أنه سبحانه وتعالى يحميكي منه فالإرادة والعزيمة سببان تعرفي من خلالهم تساعدي نفسك بيهم بعد الدعاء والاستعانة بالله والاعتصام به ومش تسلمي نفسك ليه بسبب أنك عارفه أنه مش صادق وبيلعب على مشاعرك علشان تبقي معاه لازم في مواقف في حياتك تبقي فيها قوية وأقوي من أي شيء في حياتك يسبب ليكي أي متاعب نفسية وغير ذلك امنعي أنه يعرف يوصل ليكي عن طريق تغيير رقم الهاتف ترك أصدقاء ليكي بيوصلك من خلالهم حاولي مش تأذي نفسك بسبب شخص أنتي عارفه عنه أنه بيلعب على أي شيء علشان يقضي وقت فراغه بس معاكي أنتي أهم من يكون شخص زي ده في حياتك كوني قوية أمام أي شيء تمر بيه يسبب ليكي ما ذكرتيه وآسف على الإطالة

بخصوص التعامل مع القرآن وأي عبادة تانية ربنا بيوفقك ليها حاول تقرأ عن كيفية الخشوع في الركوع والسحود وده هيجي معاك من خلال فهم معاني سبحان ربي العظيم وسبحان ربي الأعلى فهتلاقي فرق في فهمك لمعاني هذه الأذكار وهتختلف صلاتك إن شاء الله ، وفي كتب وفي مادة مرئية عن الموضوع ده ، وعلاقتك بالقرآن هتختلف لما تقرأ عن عظمة القرآن وأمةر تانية كتير حول موضوع القرآن فهنختلف في سماعك لكلام ربنا جل وعلا ، ربنا ييسر ليك كل خير

حاول تقرأ عن الخشوع الموضوع هيختلف معاك علشان الخشوع لما تقرأ أو لما تسمع شيخ فاضل بيتكلم عنه هتعرف أن الخشوع مش على درجة واحدة أو مرتبة واحدة الخشوع عبارة عن طرق مختلفة بتختلف من شخص لآخر في تأديته لها لو مش عندك وقت للقراءة عن الخشوع أسمع في مقاطع موجودة ع اليوتيوب لأفاضل بيتكلموا عن موضوع الخشوع هتستقاد كتير منها

حاضر إن شاء الله تبارك وتعالى

شكرا جزيلاً لحضرتك على هذه الإفادة

شكرا لحضرتك على الإفادة

معذرة هل أسماء هذه الكتب يوجد بها كتب مقدمة في القراءة بحيث يكون كتاب كذا رقم واحد وهكذا أم أبدأ بأي كتاب منهم أردت السؤال لسبب أن تكون قراءتي تدريجية فقط عذرا على الإطالة على حضراتكم

شكرا جزيلا لحضرتك

أولا حتى ولو مش بيكمل في أي شغل لازم يشوف شغل تاني ومش يقعد في البيت يشتغل أي شيء بحيث يقدر يصرف على أهل بيته ده شيء الشيء التاني بلاش تفكر في موضوع الطلاق تصرف تفكرها في الموضوع ده بكل ما تستطيع لحد ما تشوف هيعمل إيه هيغير من نفسه ولا هيفضل على كده ولو ليه أخ أكبر معاه أو والد أو عمه يتكلم معاه بحيث يكون كلامه معاه يحصل منه اثر ومش كل الحلول بتكون حلها الطلاق بس في حلول تانية قبل التفكير في الطلاق

شكرا لحضرتك على الإفادة