Dr Paskhiroun Rabea

استمري في شغلك ولا تشغلي بالك لكن قصة انك توقفيه دي عند حده لازم تعملي زيه تعملي محضر وانه اتعدي عليك وضربك ولازم يكون فيه اصاابات وتعملي تقرير طبي بكدة علشان تضغطي عليه ويسيبكم في حالك لانه مستقوي عليكي

خلي المحضر يمشي زي ما هو ولا تروحي ولا تيجي وخلي محام يتابعلك المحضر لانك لو رحتي هيحصل بهدلة وتتحجزي

هل فيه بينك وبينه اي رسائل شات عن الموضوع تؤخذ كدليل تنفعك

يعني عمل محضر ومنتظر سؤالك بس ف النيابة واللي عايز اقوله انه بعد سنة جه عمل محضر ..المحضر ده اذا النيابة نزلته جنحة هتاخدي براءة اطمني لكن اواي تروحي النيابة ولا تتسالي علشان النيابة متاخدش قرار بانك تتحجزي علي سبيل التحريات وبهدلة ..

المشكلة مش صعبة ولازم تحفظي حقك بعمل تلغراف في اي سنترال قريب منك للنيابة العامة وده خطوة سابقة له قبل ما يعمل محضر وطمني نفسك ده الاهم بقي هو عايز ايه منك الهدف يعني اقصد او فهمتي ليه بيعمل كدة

الموضوع ولا هيعرف يعمل معاكي اي شي اطمني وبلغني زي ما بلغت حضرتك واحفظي حقك ولابد ان يكون معاكي محام لانه الوحيد اللي هيساندك ضد الراجل ده مش هتعرفي تتحركي لوحدك

هو جاي بعد 8 شهور يعمل محضر بعد ما مشيتي من الشغل ازاي بس ..اطمني محضره كدة مش هيبقي ليه لازمة لان قانونا لابد من انه كان يعمل محضر قبل مرور ثلاث شهور من تاريخ علمه بالسرقة دي فبكدة سقط حقه في عمل المحضر وكمان ف اسوء الظروف اذا عمل المحضر ..لا تروحي ولا تيجي الا لما تيجي قوة ضباط يعني من المركز تقولك عايزيك غير كدة لا تروحي استيفاء نيابة ولا غيره واطمني وشوفي حياتك وشغلك واعملي بلوك واذا رن عليكي تاني روحي اي سنترال بتاع وي قريب منك اعملي تليغراف لرئيس النيابة عندكم بالمكان يحفظ حقك للزمن ان الرقم الفلاني بيهددني ويبتزني ويتهمني بالسرقة وجهي واعملي تليغراف برضوا بنفس النص كدة للمحام العام التابع لمحافظتك وبس كدة واذا حبيتي تروحي تدلي باقوالك وتسبيقيه وتعملي المحضر هتروحي النيابة تتابعي التلغراف ده وتقولي اللي حصل وهتمشي فورا ..واي استشارة تحت امرك عبر فدني او الواتس او اي وسيلة ..استاذ د. بسخيرون ربيع المحامي

هل الإيصال كان علي بياض ام مدون به المبلغ ومكتوب يا استاذة ..

لازم تشوف اي حد في بيتهم كبير وعاقل يتفهم الموقف ده ويقدر يساعدها ويقف جنبها ويحل الموضوع يا اما تروح تعمل بلاغ ف مركز الشرطة ضده وهما هيتصرفوا والنيابة هتحقق في الموضوع وتتحال طب شرعي للكشف عنها وهل كان فيه كاميرات ام لا ف المكان وليه التاخير ده كله قبل تقديم شكوي ضده الموضوع صعب ومتفهم شعورها لكن كان لابد تدخل احد الاهالي لحل القصة دي ولكن هيقابلها خوفها من الفضيحة ومن الناس ..بس لازم يتجاب ويكتب عليها ويسترها ..من لله يا اما تجازف بقي وتتحمل وتروح تعمل شكوي وحقها هيرجع والنيابة هتتولي انها تحقق وتجيبه بطريقتها عادي وتاخد حقها مفيش قدامها غير الحل الوحيد والقوي ده مادام كل الببان مقفلة.

التخصص عنوان الحياة ..وبدل التشتت واهدار الوقت وضياع الطاقة لابد من التركيز في مجال واحد شايف نفسك مبدع فيه علشان تتطور نفسك فيه دايما وتشتغل عليه وبكدة هتحقق الشغف اللي محتاجه من خلال التطور لان اي مجال الانسان مش هيجيب اخره من العلم فيه والبحث والتدقيق اما قصة انك تشغل نفسك في كذا شي امر صعب وده مش بعقدك نفسيا لا لان اللي سبقونا خبرتهم ونصايحهم اثبتت كدة .

خطفك لاولاد بيعرضك للخطر والحبس وهي هترجعهم اذا عرفت المكان لان حضانة الاطفال حتي 15 عام من حقها عالج المكشلة بشكل صحيح بديل من خلق حلول صعبه لك واذا كان هناك عقد اتفاق بينكم علي المفارقة والطلاق وهي هتتنازل مكنش حضرتك هتاخد الاطفال وتهرب هناك حلقة ناقصة ف الحديث علشان نرشدك صح

حضرتك رجع حق زوجتك وظبط امور النفقة الشهرية لاولادك وبعد كدة تروح لمحام يعملك معارضة وزوجتك تيجي تتصالح لك .

للاسف فعلا ده بيحصل لكن دون علم الجهة مثلا ..ولكن اذا علمت سيتم تحريك الطريق القانوني ضده من ينشر لان زي ما القانون اتاح حرية الرائ اتاح تقنيينه ةعلي المضرور اللجوء الي القضاء دي قاعدة .وياريت عدم اتاحة سرية معلومات شغلك حفاظا عليك وعليهم وده مبدا ف قانون العمل بيعاقب عليه القانون .

العفو .اي استفسار اكتبه ع الموقع وسنقوم بالرد فورا في اتاحة الوقت الذي نمتلكه

الحديث يصبح مبهم بمعني لا تذكر اسم الشركة ولا بطريقه مباشرة حتي لان بكده هتقع تحت طائلة القانون وتحاسب ويرفعوا ضدك تشويه وتشهير سمعة شركة ويطالبوا بتعويض لما تحب تتكلم اتكلم براحتك بحرية عادي وممكن حابب توضح للناس اسمها خليه رمز حروف مثلا كتلميح بس علشان الناس تفهم انت بتتكلم عن ايه ..لكن لا تتحدث بصورة مباشرة اطلاقا ..والتلميح بيبقي عن مجال شغلها مثلا وسرد الحقائق دون ذكر الاسم .حتي لا يصبح تشهير .

سوري نسيت اقولك انك مغلطتش بالعكس انت مشيت صح عادي وده حقك ووفرت للمحام ربع شغل القضية يعني مفيش اي خطا ارتكبته من رفعك بشخصك للقضية

روح لمحام وخليه يكملك القضية عادي علشان الموضوع حاليا ف موقفك ده بيعتمد علي ان المتهم يتقبض عليه ويتاخد من المباحث التابعة لمركز شرطة اقامة المتهم فحضرتك مش هتعرف تتابع الاجراءات دي لانها صعبه حبة ومحتاجة محام واتعابه هياخدها مش منك انت هياخدها لما تاخد حقك انت الاول ويتصالح هو للمتهم وياخد اتعابه منه .دمت بخير

عفوا يا فندم

لا الامر اختياري لمامتك وده حقها كارملة قانونا ولكن علشان صلة الرحم اذا حبت ممكن توزع المتجمد حسب ما هي تحب مش عايزه خلاص ده حقها قانونا وشرعا لما هي فيه حالة ارملة فاستحقت معاش ابوها علشان انها ارملة فمحدش من حقه انه ياخد معاها .دمتي بخير

لا بحق ده حقها علشان هي ارملة صح كدة من حقها هي فقط المتجمد ده لانه مبلغ كبير فهيطمعوا معاها وهتاخد فيزا تصرف بيها كل شهر مبلغ كويس يتعدي 1300 جنيه

اذا كان احد اخواتها ارملة او مطلقة او عاجز فقط لا غير تلك الفئات من تستحق معها صرف المعاش للاب من الام ولكن اذا كان لا يوجد فذلك هي المستحقة فقط لا غير ومن حقها هي فقط .

اولا اتعلم انك متتصرفش تاني بحسن نية بالشكل ده تاني ..ثم ثانيا اطلع علي اقرب مركز وبلغ فورا بانه سرق الموتوسيكل منك وهما هيبعتوا المحضر للنيابة العامة والنيابة هتأمر بالتصرف بالتحريات وضبط المتهم وهيجي يحل معاك ويديك حقك وتابع مع محاميك الموضوع وهو هيعرف شغله ويجبلك حقك .دمتم بخير .

جزاك الله كل خيرا ..العفو والشكر لله دائما 🌹

اولا اخبارك ايه ..لعلك بخير ..ثانيا مش هقولك متبكيش لا البكاء صفاء للقلب ونقاء للحياة بالذات من صدمة وجع الفراق انا حاسس بمرارة الفقد والحيرة والوحدة اللي سببتهولك الصدمة كلنا مرينا بفقد اعز ما لينا وكانوا السند لينا بعد ربنا اقرب ناس لكن اللي عايز اقولك مش جاي اقدم تصيحة لكن اللي عايز اقولك ان محدش فينا هيشعر بمرار الفقد اللي انتي فيه لكن بكل ثقة اطمني انها موجودة معاكي وف قلبك وحواليكي وشايفاكي يعني لازم تكملي حياتك وتنجحي اكتر ومتفضليش علي نفس وتيرة الحزن دي وهتمر الايام وافتكري كلامي ده ان ربنا انعم علينا بنعمة النسيان للحزن فتم تسميتنا انسان جاءت من انه نسي ولكن الجميل اووي ان اعز التاس لينا عايشين دايما بالقلب ولولا ارادة الله في الحياة والموت كنت لاحقنا بهم واخيرا خرجي نفسك من دائرة الحزن دي بقي وقومي اعملي خير وساعدي غيرك صدقة علي روح والدتك هتفرحي قلب الغلبان وهتفرحي برحمة الله ليه وعلي روح والدتك وافتكري ان اي عمل خير بنعمله لروحهم هيخلي لينا شغف جميل ونجاح اعظم هيفتخروا بيه دايما لحد ما توصلهم بالرحلة اللي هنقضيها في الحياة ..ربنا يرحمها ويعزي قلبكم بكل الصبر والسلوان ويعطي جميع من فقدنا راحة ورحمة ابدية من عند الله ..دمتي بخير

يا صديقي اجعل الله امامك اولا واخيرا ولا تسلم حياتك للشر العظيم ده الموضوع بسيط ومفيش اي شي في الدنيا يحبطك بالشكل ده الحياة رحلة وهتنتهي لكن تنتهي بخير وسعادة لرب كريم افضل من كمية الاحباط والتفكير السلبي ده ..قرب من ربنا اكتر وغير اسلوب حياتك وقرب من اصحابك واخرج واتفسح وحطط احلام وخطط لحياتك وابدا واسعي لتحقيقها بلاش الفراغ يقتل جواك كل شي متسلمش نفسك للروتين القاتل غير يومك وعاداتك علشان تقدر توصل لاي طاقة تجدد حياتك للافضل ..مارس اي هواية انزل جيم سافر اتفسح وعيش يومين هتلاقي الدنيا اتغيرت معاك .فيه حلول كتيرة جميلة وبسيطة اما انك تتكلم بالطريقة دي فده مش حل ولا قرار اصلا انت اللي هتتحمل نتيجته مش هنوعظك ولا ننصحك ونقولك اعمل وسوي اللي عايز افهموهلك انك من جواك مش هتعمل كدة كل الحكاية ظرف طارئ مريت بيه او وقت صعب ومحنة هتعدي بس محتاج تثق ف ربنا ان القادم احلي دائما وان الحياة ابسط من اني اتخنق او اياس منها بالشكل اللي يخوف كدة . بلاش تعمق الفكرة لان اللي نعتقده ونفكر فيه هو اللي هيحصل ع فكرة ففكر في حياتك واسرتك وازاي تبقي ناجح مش انك تجري علي ابسط الحلول واوحشها وهي الانتحار ..بالعكس انت ناجح ومحبوب من اللي حواليك اقف بص ف الصباح ف المراية واشكر ربنا علي الللي انت فيه وخليكي واثق وانك جميل في عيونك وعيون كل محبيك ..ربنا معاك ويحفظك يا صديقي وبكرة هتكون افضل باذن الله دائما .دمت بخير

الذهاب الي مكتب محاماة وهو هيساعدك ويعرف اخر ما تم ف القضية ولماذا لم يتم تحديد جلسات لها او اتخاذ اي موقف او حضرتك تذهب تسأل علي قضيتك داخل المحكمة وتفهم ايه اللي تم فيها مفيش غير الحلين

اولا اذا اخدوا حكم ياريت تخلي المحام بتاع يطلع صورة طبق الاصل وتوديها مديرية الامن التابعة لمكان المتهمين وهما يشوفوا شغلهم في التنفيذ او محامين يرفع قضية ضد مأمور المركز المتقاعس عن تنفيذ حكم الحبس ضد السارقين ..لكن نقطة ان القصية بعد ما اخدت حكم صدر امر بالحفظ ده كلام خطا واذا اخدوا حكم فلابد ان يتاخدوا ويعملوا معارضة ولكن في ده كله علشان متعبكش ف الشرح المحام بتاع هو اللي هيشوف شغله ويعرف ينفذ الحكم ازاي ومازال حق مضمون وشوف التقصير فين بالضبط ..

اتفضلي ارسلي استفسارك ف اي وقت يا فنذم وسيتم الرد عليكي ف اقرب وقت ممكن والارسال بالضغط علي العلامة اعلي مربع التعليق

يتم الترخيص لمن يرسو عليه المزاد طبقا لقانون المرور رقم 121 لسنه 2008 ويحصل على كتاب من مرور الميناء الذي تم عليه المزاد وكتاب آخر من الإدارة العامة لجمارك السيارات ويتوجه به للمرور محل إقامته للترخيص ولكن جميـع السيارات المباعة بصفـة لا ترخص يتم طمس رقـم الشـاسيه تحت إشراف الجهة ولجنة التسليم ويتم عمل محضر بذلك ويوقع عليه مندوب الجهة والمشترى ولا يجوز استخراج أية بيانات عن السيارة بعد البيع جميع السيارات بالجمارك (حوادث – محروقة) يتم تكهينها وتخريدها طبقا للشروط الجمركية ويتم توقيع لجان الجمارك على ذلك.

حقك مثبت بعقد البيع لا شك فيه وبحكم صحة التوقيع مثبت بشكل اقوي ..والمرافق ليست دليل ملكية زي الكهرباء او المياة والملكية يمكن اثباتها باكثر من طريقة مثل وضع اليد ومعني ذلك انك تكون عايش في الشقة فترة 15 عام

مش عيب انك تروحي تتابعي مع دكتور نفسي بجلسات وتدريبات علشان تطلعي نفسك من الاذي ده .المشكلة ان ثقافة الذكتور النفسي ليست دارجة لدينا وبنحس انها عيب والناس تقول علينا ايه والثقافة دي ..لكن الحل الامثل ان ده افضل حل الدكتور وشهرين بالكتير هتبقي تمام وربنا يكمل معاكي .

تجاوز الاولي بانك تطولي بالك حبتين وبلاش التسرع والحكم علي الامور من اول وهلة ...التفكير الزائد شي صعب يبدد المشاعر ويفقدنا السلام الداخلي حله بسيط يكمن في انك تهربي منه بانك تشغلي بالك باي شي تاني ومتستسلميش لاي فكرة بسهولة اشغلي وقتك دايما هيبعد عنك لان العقل الفارغ معمل للشيطان ....اخيرا الحزن والندم ثقي انه مش هيرجع اي شي ولا هيعوض اللي راح ولكن تعويضك عند الله بس وانه هيختارلك الصالح دائما لان اي شي عدت وكانت سبب حزن ليكي لو فيها خير مكنتش مرت ولكن اوقات مرت لانها خير لينا لكن قصر النظر مننا مش بنشوف الخير ده والنذم عمره ما حل ولا رجع الدنيا الافضل اني مكررش الخطا تاني مبقاش زي الاعمي افضل اقع ف نفس الحفرة كل يوم اعتقد هغير وجهتي للسير ف اتجاه اخر .دمتي بخير .

علشان تقتلي البرود ده اتقلي شوية لحد ما يفضفض معاكي لكن مش قوي علشان ميطول النفور بينكم الاهم انك تهدي ومتتكلميش كتير وهو هيرجع يكلمك علطول ..علشان كتر التقرب اوقات بيسبب البرود والنفور يعني خلي فيه اشتياق بينكم بسبب بعد المسافات او قلة الكلام ده حل نفسي وواقعي مع العلاقات اوقات كتيرة ..ولكن ابحثي مع اقرب الناس ليه ف بيته شوفي هو بيعاني من مشكلة ومسببة مضاية ليه ولا الامور تمام بكدة هتعرفي السبب وحله بين الامرين .واطمني ادام ماسكين في بعض عمر ما في اي شي هيبعدكم ودي امور طبيعية بسبب ضغوط الحياة اوقات كتيرة ..تحياتي

الشك زي الغيرة نار بتحرق جنتك اللي عايشة فيها وبعد كدة ملهوش لازم الندم ..ثقي ف نفسك الاول علشان تقدري تثقي في زوجك بمعني بلاش تحولي الشك لمرض يلتهم الهشيم ويدمر حياتك الايجابي انك عارفة المشكلة ولكن الافضل انك تحاولي تعتني اكتر بزوجك واسرتك وتصلي كتير لربنا ينزع عنك فتيل الشك ومعونة ربنا هترتاحي جدا لان مفيش حلول بعد خراب البيوت بسبب الشك لان الثقة حياة بسيطة ومريحة بين القلوب جدا ..ربنا يحفظكم ويبعد عنكم الشر .

الشكر لله 🙏

ادام دي ملكية خاصة بيكم وورقها سليم باسمكم خلاص مفيهاش اي مشكلة وحصل هدم للمنفعة العامة في احدي مشروعات الدولة يحق لكم صرف المبالغ للشقتين مع رفع دعوي تعويض عن فرق السعر .

شرفت بتواجدي وسطيكم وربنا يقدرني واكون اضافة مريحة علي القلوب للجميع 🙏تحياتي

بطلي جلد للذات وحاولي تحبي نفسك وتهدي روعك بداخلك جميل حساب النفس لكن السلبي انك كل شوية تخسسيها بالذنب وتجلديها هتتاذي جدا وتوصلي لمرحلة صعبه من عدم الثقة فيها ولكن علي الجانب الاخر شجعي نفسك وكافئيها لان ليها حق ومادام بترضي ربنا في كل شي وصريحة وواضحة مع نفسك حياتك هتبقي افضل وتتغير للاحسن لكن جلد النفس بدرن اسباب هيوقعك في مشاكل نفسه وانعدام ثقة صعب تخرجي منه ..وابدائي قراء كتب قي تنمية الذات وطوري مهاراتك والاهم اشغلي وقتك علي قد ما تقدري علشان الافكار السلبية تبعد لان العقل الفارغ معمل للشيطان وطوري مهارات جديدة واخرحي غيري جو باماكن جديدة ..والاهم توصلي لزيادة الثقة بنفسك انك تقدري تعدي المرحلة دي وياما عديتي باكتر من كدة .