عائشة محمد

لو انت رضعت من امها هي فكل من رضعوا من هذه الام يكونوا اخوة لك بالرضاعه اما لو هي ال رضعت من امك فكل من رضعوا من امك يكونوا اخوة بالرضاعه فلو انت ال رضعت من امها فبالتالي لا تحل لك اختها لانك كده انت اخ لها ولجميع اخوتها بالرضاعه اما لو العكس فهي بس ال اختك بالرضاعه انت واخوتك وبهذا اختها تحل لك

ربنا يوفقك ويقدر لك الخير اللقاء ده مهم جدا فحاولي تستعدي له بشكل كويس ومتكونيش متوترة ولا مرتبكه مهم جدا تكوني بطبيعتك وتكوني تلقائية متكونيش متكلفه في كلامك ولا لبسك ولا اي شئ مهم جدا جدا تعرفي وضعه الديني واساليه اسئله مياشرة زي ايه اخبارك مع الصلاة محافظ عليها بانتظام ولا بتقطع بتصلي في المسجد ولا لا حافظ حاجه من القران اسأليه عن طبيعة شغله وهل شغله مختلط مع رجال ونساء ولا رجال بس علاقته باخواته ووالدته واهله عموما هل بيحب السفر والانتقال ولا بيحب الاستقرار من كلامه هيبان ان كان شخص طموح وبيجدد في معلوماته وبيسعى لمستوى افضل ولا لا وهو كمان هيسالك عن حاجات تانيه تهمه فعتلاقي نفسك بداتي تكوني فكرة بسيطه عنه وعن شخصيته وهتشوفي نفسك مرتاحه ولا لا

مبدأيا كده حفظ القران مش فرض ولا واجب ولكن في ينبغي على المسلم الا يخلو يومه من القران حتى لا يكون من الهاجرين ويقع تحت هذه الاية ( وقال الرسول يارب ان قومي اتخذوا هذا القران مهجورا ) في من العلماء من صنف هجر القران لخمس اقسام هجر التلاوة هجر العمل به هجر التدبر هجر السماع فالنبي صلى الله عليه وسلم كان يحب ان يسالقران من غيره هجر الحفظ حاولي الا يخلو يومك من الورد اليومي في التلاوة كما تفعلين الان وتستطيعين ايضا النظر في تدبر او تفسير لو ايه واحده مما تقرأين بالنسبه للحفظ فلابد من تعاهد الحفظ بالمراجعه اليوميه المستمرة لانه يتفلت بسرعه وكثرة التكرار والمراجعه تزيد الحفظ والتثبيت احفظي كل يوم ايه واحده فقط واليوم التالي راجعيها مع الايه الجديدة وفي نهايه كل اسبوع تتوقفي يومين عن الحفظ الجديد وتخصصيهم لمراجعه ما تم حفظه خلال الاسبوع وفقك الله وتقبل منك

ممكن هو من النوع ال بيعتقد انك لما تكوني حزينه انه يسيبك فترة لغاية ما تهدي وتصفي مع نفسك ولو في حاجه هتحكيها لوحدك عشان كده الافضل انك تتكلمي معاه وتسأليه وتفهمي وجهة نظره او طريقه تعامله في المواقف دي لان ده موقف وارد يحصل كتير وانتم متزوجين ان شاء الله فافهمي منه ليه بيعمل كده وفهميه انك بتحبي انه يهتم ويسالك ويتعاطف مع شعورك في الاوقات دي

اوقات بتكون الاحلام من حديث النفس ومن مخزون العقل الباطن ولكن انصحك انك تطبقي اداب النوم كل يوم وان شاء الله تهدأ نفسك وتنامي نوم هادئ بدون كوابيس تتوضي قبل النوم وتنامي على وضوء تنامي على جنبك اليمين وتضعي كفك تحت خدك الايمن تجمعي كفيك وتقرأي فيهم اخر ايتين من سورة البقرة ثم سورة الإخلاص ثم المعوذتين كل واحده ٣ مرات ثم تنفثي في كفيك ٣ مرات وتمسحي بهم على ما استطعت من جسدك تقراي اية اية الكرسي وسورة الكافرون وتقولي ادعيه النوم ( باسمك اللهم اموت واحيا) ( باسمك ربي وضعت جنبي وبك ارفعه اللهم ان امسكت نفسي فارحمها وان ارسلتها فاحفظها بما تحفظ به عبادك الصالحين) ( اللهم اني اسلمت نفسي اليك ووجهت وجهي اليك وفوضت امري اليك والجأت ظهري اليك رغبه ورهبة اليك لا ملجا ولا منجى منك الا الامنت بكتابك الذي انزلت و بنبيك الذي ارسلت) ( اللهم قني عذابك يوم تبعث عبادك) ( تقولي سبحان الله ٣٣ مرة والحمد لله ٣٣ مرة والله اكبر ٣٤ مرة وممكن تقراي سورة الملك لو عملت كل ده باذن الله مش هتشوفي حاجه وحشه وياريت لما تصحي بعد اي كابوس او حلم مزعج تتفلي على يسارك ٣ مرات وتستعيذي من الشيطان وتقولي ( اعوذ بما عاذت به ملائكه اللله ورسله من شر رؤياي هذه ان يصيبني منها ما اكره في امر ديني ودنياي )

مبدأيا كده الترياق ده عشبه بيشربها المسحور بالسحر المأكول او المشروب لاستفراغ السحر وخروجه من الجسد باذن الله كون هو شيخ ولا دجال ده بنعرفه من طريقه تعامله معاك هو ازاي اكتشف انك ( بك شئ) هل قرأ عليك ايات الرقيه فظهرت عليك اعراض السحر ولا عمل ايه بالضبط عشان يكتشف ده بالنسبه للعسل هل قرأ عليه امامك ولا قال لك اقرا عليه ايات الرقيه ثم اشربه ولا اداهولك كده وخلاص الاجابه على كل ده هتوضح هو ايه نظامه ان شاء الله ولكن بالنسبه لتعب معداك لو حضرتك سليم جسديا ومفيش اي اسباب عضويه او جسديه او مرضيه ففي الاغلب وللاسف الشديد قد يكون فعلا سحر مأكول او مشروب ولهذا التزم بسورة البقرة يوميا حاول تقرأها وتسمعها واقرا ايات الرقيه على ماء بنية الشفاء واشربه باستمرار واقرا ايات الرقيه على زيت زيتون وادهن جسمك به وحاول الالتزام بالصلاة مهما حسيت بثقل او ممانعه او مقاومه والتزم بالاذكار وادعي ربنا كتير انا يعافيك ويصرف عنك هذا البلاء العظيم واصبر واحتسب انما يوفى الصابرون اجرهم بغير حساب

شفاك الله وعافاك انصحك تلتزمي بسورة البقرة يوميا او كل ثلاث ايام اسمعيها واقرأيها اد ما تقدري واقرأي ايات الرقيه الشرعيه على زيت زيتون وادهني جسمك به واقرأيهم على ماء بنية الشفاء واشربي منه باستمرار وادعي ربنا كتير انرف عنك هذا الاذى ويعافيك

باختصار في مشاكل بتنشأ عند الطفل ال بيكون وحيد منها مشاكل نفسيه ومشاكل اجتماعيه وغيره وفي مشاكل بتكون في شخصية الطفل بيكون علاجها الفعال وجود اخوة واخوات يشاركوه يومه وحياته فيما بعد ولم ار في حياتي اسرة اكتفت بطفلين فقط مش طفل واحد كمان الا وندموا ندم شديد عندما كبروا ورايت بنفسي مع اكثر اسرة الاطفال عزوة ونعمه ودايما حضرتك وزوجتك تذكروا ( إن الله اذا كلف اعان ) ولما بيكبروا باذن الله بيكونوا سند لبعض وبيستشيروا بعض في امور كتير وبيسندوكم حتى انتم في كبركم ان شاء الله لو معندكمش مشاكل صحيه والموضوع كله نفسي فتجاهلوا الافكار السلبيه دي تماما وتوكلوا على الله واجعلوا نيتكم تكثير المسلمين وانجاب طفل موحد عابد لله ده بالنسبه لنقطة الانجاب بالنسبه للشقه وتنظيفها حضرتك حاول تساعد زوجتك فيما تقدر عليه حضرتك بتقول ان لد عنده فرط حركه فقد يكون بيصيبها اخباط واجهاد انها تكون بتنظف او تروق ومتكملش دقايق ويكون الولد بهدل المكان تاني ده حتى الاطفال ال معندهاش فرط حركه بتبهدل الدنيا بشكل مستمر وحضرتك بتقول انها بتشتغل فاكيد في جزء كبير من طاقتها بيستنزف في الشغل ده بيتها ومملكتها واكيد هي مش حابه يكون مبهدل ولا مش نظيف وقد تكون مستاءة اكثر منك بس مفيش طاقه عندها الله يعينها ويبارك في صحتها ومجهودها والطفل ال عنده فرط حركه بيحتاج مجهود برضه مش زي الطفل العادي لو الموضوع عامل ازمة كبيرة ممكن تشوف واحده امينه وثقه تيجي تساعدها مرة كل اسبوع مثلا ودلوقتي في شركات بتقدم الخدمة دي بالتوفيق

لا مينفعش طبعا الكلام هتسمعيه في كل الاحوال لو موافقتيش هتسمعي ولو وافقتي هتسمعي فمتخليش كلام الناس مقياس لقراراتك حاولي تطنشي وتتجاهلي اد ما تقدري لغايه ما شويه شويه هتلاقي نفسك وصلتي لمرحله اللامبالاة التامه بالكلام ال بتسمعيه ودايما خليكي مقتنعه انك لو وافقتي بحد مش مناسب خوفا من العمر يعدي فالعمر يعدي وانت بسلامك النفسي والعصبي افضل كتير من انه يعدي وانت في ضغط نفسي او عصبي او عدم توافق مع الشخص الاخر الاخر او تحت ضغط الخوف من لقب مطلقه لا قدر الله او معاك طفل او طفلين لو الكلام دلوقتي صعب فهو هيكون اصعب واسوأ بعد الموافقة على الشخص الغلط ادعي دايما رب اني لما انزلت الي من خير فقير رب ارزقني زوجا صالحا تقيا نقيا واستخيري كتير قبل اي قرار وفقك الله

الحجامه مفيده جدا جدا جدا للجسم عموما حتى لو مش بتشتكي من اي حاجه وليها تاثير طبعا عالامراض الروحيه زي السحر والحسد وقد يخرج الاثر الروحي او يقل بالحجامه بفضل الله بالنسبه للاماكن فهي لها اماكن عامه واماكن سنه واماكن خاصه الاماكن العامه والاماكن السنه اي حجام بيكون عارفها المفروض ودي بتتعمل لل بيشتكي وال مش بيشتكي من اي حاجه بتتعمل للكل وتقدر تلاقيها في جوجل لو كتبت مواضع الحجامه امااماكن الخاصه فدي بترجع للشكوى ال حضرتك بتشتكي منها بتقول للحجام انك بتشتكي من كذا وهو حسب علمه بيزود الكاسات في المنطقه المطلوبه او يضيف كاسات لو هي منطقه مش من المناطق العامه يفضل جدا تختار شخص امين وخبرة وايده خفيفه وعنده علم طبعا الناس ال بتعمل جلسه مساج بالزيوت الطبيعيه والرقيه الشرعيه قبل الحجامه بتكون افضل من ان نعمل حجامه بدون مساج بس لو مش متوفر موضوع المساج مفيش مشكله السنه في الحجامه مش المساج يفضل ككان انك تقرا كويس جدا تعليمات ما قبل الحجامه وتعليمات ما بعد لحجامه وتلتزم بيهم كويس جدا عشان تحصل على افضل نتيجه لو بتستعمل الحجامه للعلاج يفضل تكرارها كل شهر مرة لمدة اربع شهور تقريبا او سته ضروري جدا تتاكد معندكش انيميا او سيوله قبل الحجامه ضروري جدا تتعامل على ان ان الحجامه هي سنه وسبب للشفاء والشفاء من الله سبحانه وتعالى فقط شفاك الله وعافاك

اشرب مشروبات دافئه قريبة للسخونيه مش دافيه جامد يعني ويستحسن ايا كان النشروب كمون شمر نعناع او اي اعشاب تضيف عليه زنجبيل واعمل غرغرة ميه بملح كتير على مدار اليوم كل ثلاث ساعات مثلا لو في سخونيه مع الوجع فممكن تحتاج مضاد حيوي لكن لازم تستشير دكتور في الموضوع ده لو في سخونيه

المجال ده مجال اي حد يتمناه دلوقتي وفرص الشغل به اونلاين كتيرة جدا وانت قاعد في بيتك فحضرتك اسعى في موضوع السفر لغاية ما ربنا ييسره وخلال فترة السعي دي امسك شغل اونلاين اكسب منه ده المجال ده في ناس بتعمل به دورات وكورسات للاطفال والكبار بيعلموا برمجه ومجالات تانيه كتيرة ودايما ادعي ربنا يقدر لك الخير يمكن السفر مش خير ليك عشان كده ربنا مش ميسره معاك واستغفر كتير واسال الله البركة

النذر زيه زي القسم ( الحلفان يعني) لو مش هتعمليه يبقى تطلعي كفارة يمين وكفارة اليمين بتكون بالترتيب كده اطعام عشرة مساكين او كسوتهم لو مش قادرة او مش معاكي فالكفارة هتكون صيام ثلاثة أيام وبعد كده بلاش تنذري بحاجه ولكن اعملي الطاعه والامور الصالحه وادعي ربنا يحقق لك طلبك بدون نذر

غالفترة دي فترة ذهبية جدا لحفظ القران حاولي تحفظي كل يوم لو ايه واحده واليوم ال بعده تراجعي الاايه ال حفظتيها مع حفظ ايه جديدة وتقراي كل يوم تفسير ايه واحده فقط عالاقل حاولي تتعلمي علوم شرعية فقه عقيدة حديث ممكن تجيبي الكتب الخارجيه بتاعه منهج الازهر في العلوم الشرعيه وتقرايها وتتعلمي منها او تسمعي فيديوهات علاء حامد وراغب السرجاني حاولي تتعلمي حاجه يدوية تكوني بتحبيها تطريز اكسسوارات كوروشيه تريكو ريزن خياطه كل الحاجات دي تعلمها في السن الصغير بيكون اسرع وافضل من السن الاكبر حاولي تدخلي المطبخ وتعملي اكلات بسيطه واليوتيوب مليان عشان تتعودي على الطبخ ولم المطبخ ومتتعبيش في ده لما تتزوجي ان شاء الله حاولي تقرأي روايات وكتب مناسبه لسنك حاولي تعملي رياضه كل يوم ربع او نص ساعه عشان جسمك يكون قوي ومشدود وصحتك كويسه بالتوفيق

لا طبعا ولا ظلمتيه ولا حاجه يعني انت بتقولي ان الوضع العام مش مريح ولا مناسب معاكي ولبسه وسلاسل في رقبته حسب كلامك دي حاجات مش مريحه انت ال هتعيشي مع شريك حياتك مش اهلك ويفترض تواجههيهم وتقوليلهم بصراحه ان الاان الامور دي مش مريحه ومش مناسبه معاك وانك مش قابله شخص بالشخصية دي وبسس في امور بيتم التغاضي عنها وبتتغير مع الوقت والعشرة بس في امور زي ما انت بتقولي مينفعش توافقي عليها على امل انكم هتغيروا بعض انا شايفه انك بتفكري صح ومفيش ظلم ولا حاجه دي حياتك ومينفعش تتزوجي من غير رضاك ربنا يقدر لك الخير ويرزقك زوجا صالحا تقي

طبعا مينفعش تروحي تقوليله انا اتريقت على شكلك ولكن في عدة امورعمليها اول حاجه ممكن تستسمحي منه بشكل عام انا بطلب منك تسامحني عن اي سلوك سئ صدر مني في حقك بقصد او بدون قصد ان كنت اغتبتك او اسأت اسأت الظن فيك او ضايقتك او أسأت لك باي شكل وجزاك الله خيرا تاني حاجه انك بتذكريه بالخير في نفس المكان ومع نفس الناس ال اغتبتيه وسطهم وتثني عليه ثالث حاجه طبها وهي اهمهمك تتوبي لربنا وتستغفري عن ده ومتعمليش كده تاني رابع حاجه ممكن تطلعي صدقه اي صدقه عن الشخص ده ال انت اغتبتيه خامس حاجه انك تدعيله بظهر الغيب سادس حاجه تدعي ربنا الدعوتين دول كتير جدا ( اللهم انك عفو تحب العفو فاعف عني ) ( اللهم اخرجني من الدنيا وليس لاحد من عبادك علي حقا .اللهم ارزقني عفو كل من له حق علي من عبادك في الدنيا ) سابع حاجه ثقي في رحمة ربنا وعقوه ولطفه وكرمه

وعليكم السلام ورحمه الله وبركاته معنى كلامك انك محتاجه تتعلمي امور الدين وده دلوقتي الحمد لله بقي متاح جدا ووسائل الحصول عليه سهله جدا جدا ممكن تقدمي في اكاديمية زاد للعلوم الشرعيه اونلاين طبعا والدراسه فيها متقسمه كويس وفيها متابعه اسبوعيه بامتحانات بسيطه تثبت المعلومات في ذهنك ممكن تجيبي كتب زي فقه المراة مسلمه او اي كتب بتشرح العقيدة والفقه حتى هتجيبي الكتب الخارجيه بتاعه منهج الازهر في العلوم الشرعيه كبدايه بسيطه مثلا تتعلمي منها ممكن تشوفي وتسمعي فيديوهات لناس ثقه زي راغب السرجاني مثلا ممكن تسمعي فيديوهات الفتاوى للشيخ العدوي مثلا كتر سماع الفتاوى بيعلمك امور كتير عن طريق المواقف ال بتسمعيها ممكن تسالي في الفيس بوك عن بودكاست فقهي او ديني يكون موثوق لما تقراي قران ابحثي عن تفسير الايات ال بتقرايها هتلاقي في احكام معينه مشروحه بتفسير الايات واخيرا ادعي كتير اللهم فقهني في الدين وعلمني ما ينفعني ربنا يتقبل منك ويعلمك دينك بما يرضيه عنك

ان شاء الله تكوني حامل وربنا يرزقك بالذرية الصالحة المباركه الطيبة وكل مشتاقة استني كم يوم تاني وروحي عيدي تحليل الدم في معمل تاني انا اول مرة اسمع ان تحليل المنزلي يظهر ايجابي والمعمل يطلع سلبي لان المشهور العكس ان المنزلي هو ال يغلط وميبينش الحمل فوارد يكون المعمل نتيجته غلط فجربي معمل تاني الا لو كنتي من الاول الشرطتين بتوع التحليل المنزلي كانوا مش واضحين كويس او انتي تهيأتي بكده من شدة رغبتك في الحمل ونصيحه متفكريش كتير في الموضوع عشان الضغط النفسي والتفكير الكتير بيزود شعورك بالاعراض جدا وبإذن الله تكوني حامل وربنا يرزقك الذريه الصالحه المباركه وكل مشتاقه

كلمة الأرجنتين مشتقة من اللفظ اللاتيني ارجنتيوم والذي يعني الفضة ، مع العلم أن الأرجنتين لا تحوي أي مصادر للفضة ولكن سميت هكذا لأن الغزاة الأسبان أتوا إلى تلك الأراضي بعد انتشار الشائعات بأنها تحوي جبالاً من الفضة.

عادي جدا في السن ده وبيكون اكتر عند البنات اكتر من الاولاد بس الغلط انك تتجاهليها متتجاهليهاش خالص افضلي كرري الكلام معاها كتير اوي ان وسوسه وان الشيطان بيكون عاوز يفسد علينا حياتنا واقنعيها انها لو فضلت كده ومتجاهلتش الافكار دي ان الموضوع هيكبر ويزيد معاها وهيمسك في كل حاجه في حياتها واي حاجه تشك فيها قوليلها انا معاكي اهو مفيش حاجه حصلت وقوليلها ان المخ ال فيه وسوسه بيكون دايما هو الصح والوسواس هو ال غلط يعني شاكه غسلت ايدي تقوليلها لا اعتبري نفسك غسلتيها ومتدخليش تغسليها تاني مش فاكرة صليت ازاي لا انت صليت صح ومتعيديش الصلاة تاني ودايما حسسيسيها انها لما بتتجاهل وسواسها انها بتنتصر على الشيطان ومش بتحقق له غرضه وبتكون اقوى منه في كل مرة بتنتصر انا عملت كده مع بنتي رغم انها اصغر من بنتك بس الحمد لله الموضوع تحسن جدا جدا ويكاد يكون اختفى بفضل الله قوليلها اول ما يجيلك شك في حاجه اعتبري انك عملتيها وقومي على طول مثلا احري رايح جاي عشر مرات او ااو اعملي شكل بالمكعبات او ارسمي رسمه قوليلها تعمل اي حاجه تلهيها وهي فترة مرهققه شويه ليكي وليها ولكن لو تعاملتي معاها بصبر وبتكرار التوجيه كتير مش هتطول خالص ان شاء الله

اواكم الله ثبتكم الله نصركم الله ايدكم الله حفظكم الله

هتحطيها في صفاية كبيرة وتفتحي عليها المياه كانك بتغسليها لغاية ما تلاقي اثر الشربات اختفى تبداي بقى تعمليها من اول وجديد

كنت زيك والحقيقه ان القولون العصبي على اد ما هو ابتلاء ومتعب وبيضايق نفسيا بالذات في الوضوء والصلاة الا انك لما تتعاملي معاه صح بترتاحي بنسبه كبيرة باذن الله وبتعيشي حياة صحية اول حاجه لاااازم تعرفي ان طبيعة قولونك كده عصبي ولازم تتجنبي عصبيته ولااازم تقللي من الاكلات التي تهيج القولون واشهرها مخبوزات ومعجنات الدقيق الابيض والمقليات وكمان البقوليات زي الفلصوليا البيضاء والفول والعدس والاكل والاكل الحراق وال فيه توابل كتير وبعض الناس بيتعبها الفلفل الرومي واننت بقى مع الوقت بتكتشفي ال بيتعبك وبتقلليه بالتدريج غيري نظامك الغذائي وخليه يعتمد على الخضروات اكثر من النشويات لما تحوعي كلي خيارة جزرة زبادي موزة تفاحه اعملي سلطة فواكه من الفواكه المتوفرة عندك لو مش بتحبي الخضار بشكله العادي ابشري الجزر او افرميه فرم ناعم وقطعي معاه الخيار خلي عندك طبق شوربة خضار باستمرار ابعدي عن الفينو واستعملي عيش بلدي اسمر لما تاكلي ا لغداء ابداي بكوبايه مية وبعدها طبق سلطه كبير وبعدها شوربة خضار مع بروتين هتلاقي في الاخر بتاخدي بعد كل ده معلقتين رز او مكرونة ومش بتقدري تاكلي تاني بلاش تاكلي للغاية ما معدتك تتملي تماما دايما قومي قبل الشبع بشويه واشربي مية قبل الاكل وبعده اهتمي بكمية المياه اليومية ال بتدخل جسمك حاولي تعملي تمارين بطن كتير ومنها تمرين العجلة مريح جدا للقولون اشربي مشروبات شمر بابونج كمون كراوية مش هقولك ان تغيير النظام الغذائي سهل ولكن ابداي و حاولي وهتلاقي فرق في اليوم ال تلتزمي فيه بتقليل النشويات والمقليات والمعجنات عن اليوم ال مش بتلتزمي فيه حاولي تعملي حجامة جافة باكواب الحجامه على منطقة السرة وما حولها او تعملي زي تدليك دائري لمنكقة البطن بالنسبه للصلاة حاولي تتجنبي ان القولون يتهيج قبل الصلاة لانك فعلا مش هتعرفي تصلي ولا تركزي وهتحسي بان الصلاة ثقيله عليكي عشان كده حاولي تتصالحي مع عصبية قولونك عشان التوتر ده يخف وتعرفي تصلي شفاك الله وعافاك

يعني ايه لقيتي عندك كام مرض نفسي وملقيتيش حل !! مش انت رحتي لدكتور نفسي وقال لك عندك ايه ؟ ليه مقالكيش ايه الاسباب وايه العلاج بس انت سنك صغير الحقيقه وغالبا انت معندكيش امراض نفسيه تحتاج علاجات نفسيه لان العلاجات دي اوقات بيكون ضررها اكبر من نفعها انت لو عندك حاجه نفسيه هتبقى ضغوطات خارجية مثلا او صداقات غير مناسبه معك او مشاعر سلبية داخليه لكن مش لدرجة امراض نفسيه تستدعي علاجات نفسيه انت غالبا محتاجه رقيه شرعيه والتزام بالصلاة في اوقاتهاوالتزام باذكار الصباح والمساء وسورة البقرة يوميا تسمعيها او تقرأيها وبسسسس تقدري كمان تكشفي باطنه غالبا هتحتاجي شويه تحاليل زي الهيموجلوبين وفيتامين د والغدة الدرقية صورة دم كامله وكده عسان تبين سبب الدوخة المستمرة والارهاق شفاك الله وعافاك

كل انسان في الدنيا دي له شخصيته وتفضيلاته والحاجات ال بيحبها وال مش بيحبها مفيش حاجه مثاليه في الحياة بشكل ينطبق على كل الناس بدون استثناء وعلى راي المثل لولا اختلاف الاذواق لبارت السلع قيسي بقى الكلام ده على سؤالك كل رجل له رغبته ونظرته وتفضيلاته في ال بيحب الجسم الرفيع وفي ال بيحب الجسم التخين وفي ال بيحب ثدي كبير وال بيحب ثدي صغير وفي رجال لا تهتم باي شئ من هذا في جسم المرأة وبتهتم بجوانب اخرى شياكتها مثلا او نضافتها او طريقه اكلها او ترتيبها او كلامها او او او الخلاصه من ده لا تسعي لتغيير شكل جسمك ارضاء لاي شخص لان ده حرفيا مش مطلوب منك اصلا ولا هو غايه في حد ذاته احرصي فقط ان تعيشي بصحه وعافيه لو جسمك تخين او محتاج اكل صحي او محتاج رياضه او ما شابه اهتمي بالجوانب دي اما الوضع ال ربنا خلقك به تقبليه وتعاملي على انه ل شكل واحسن تقويم وحبي نفسك كما خلقها الله ولا تغيري فيها الا لمصلحتك وفائدة جسمك وصحتك فقط غير كده هتضري نفسك واحب اقولك انك ممكن تلاقي راجل بيحب الجسم التخين والثدي الكبير والمظاهر الانثويه البارزة وبعد فترة من حياته تفضيلاته تختلف تماما ويحب عكس كل ده وهو هو نفس الرجل فمتغيريش جسمك ونفسك عشان حد

الحكه اوقات كتير بتكون علامه على وجود حساسيه من شئ معين حاولي تشوفي ايه ال دخل جديد على يومك هل في اكله معينه اكلتيها بدا بعدها يحصل كده هل في نوع ملابس من خامه معينه لبستيها فعملتلك كده هل انتقلتي لمكان معين مثلا فيه اتربه او غبار وخلافه هل هل استعملتي منظفات معينه سببت ده كل دي اسباب تعمل حساسيه وممكن تكون سبب للحكه لو عرفتي السبب حاولي تتجنبيه وتبعدي عنه تماما وشوفي لو محصلش تحسن راجعي طبيبة جلديه شفاك الله وعافاك

تقريبا انت لسه مش عارفه ايه الطريقه ال مخك بيستجيب لها في التعلم اكثر في ناس لما تقرا المعلومة تثبت عندها وتزود عليها وتتعلم في ناس لما تسمع المعلومة تثبت افضل في ناس لما تشوف الحاجه مصورة وفيها حركه واكشن وصور توضيحيه المعلومة بتثبت عندها اكتر في ناس لما تتلقى المعلومة من شخص بتحبه اورتاح له وتقعد تتماقش معاه فيها بتثبت عندها في ناس لما يتقال لها الموضوع على شكل فزورة او نكته او قصه بتتشد اكتر وبتثبت المعلومة ال بتعرفها بعد القصه اكتر انت اشتريتي كتب بس متحمستيش تقرايها لانك غالبا مش دي الطريقه ال بتشدك للتعلم او بتثير فضولك ورغبتك اكثر المعلومة حاولي تجربي اكتر من طريقه واكتر من اسلوب لغاية ما توصلي لانك تفهمي مخك بيستجيب لانهي طريقه بالنسبه للكسل احيانا بيكون من الايحاء المعلومات المطلوب تعلمها كتييييييرة جدا جدا فالانسان بيرخي بقى ويحس انه مهعمل مش هيعرف يحصل على كل حاجه فيروح يسيب كل حاجه ودي حلها بسيط انك تخصصي لنفسك وقت ثابت رايق قصير يوميا وبسسس مثلا انت بعد المغرب بتكوني رايقه مخلصه معظم مسرولياتك. ومفيش حاجه شاغلاك خصصي عشر دقائق او ساعه فقط ومتزوديش عن كده في الوقت عشر دقائق او ربع ساعه تعلمي جزئيه صغيرة من الحاجه ال عاوزة تتعلميها سواء بالقراءة او بالسماع او باي طريقه واليوم ال بعده مراجعه سريعه عال تعلمتيه امبارح مع عشر دقائق معلومة جديدة وهكذا اهم حاجه وقت ثابت رايق قصير يومي بالتوفيق

لو الاختلاف بسيط ومش كبير فده عادي متقلقيش منه وممكن لما تكبري اكتر تلاقي المشكله اختفت لكن احب اصحح لك نقطه ان ده بسبب عدم لبس حمالة الصدر ..مفيش علاقة بين اختلاف حجم الثديين وبين لبس حمالة الصدر اوقات بتكون مجرد تغييرات هرمونيه واسباب عيه لا تستدعي القلق باءن الله لكن لو كان بيسبب لك الم او ااو الاختلاف كبير وملاحظ جدا فالافضل تستشيري طبيبة وتشوفي لو في سبب مرضي غير واضح

انا مش طبيبة ولكن احب انصحك لو والدتك مش بتعاني من انيميا او سيولة في الدم انصحك وبشده تعملي لها حجامه دموية علاجيه وهي بتكون حجامه دمويه عاديه ولكن يتم تكرارها عدة مرات متتاليه مثلا ٣ الى ٥ مرات حسب الحالة ولكنها فعلا مفيدة جدا جدا و مريحه جدا بس اختاري واحده شاطرة وبتفهم وايدها خفيفه شفاها الله وعافاها

حياتك في بيت والدك سواء هيتزوج او مش هيتزوج هي الوضع الطبيعي والمتعارف عليه لانك مسؤولة منه اما ال مش طبيعي هو حياتك عند اختك وزوج اختك وده موضوع لا تؤمن فيه الفتنه ولا تؤمن فيه المشاكل ولا هو امر مقبول عرفا ايه ال مخليكي مش عاوزة تكملي السنه ال باقيالك على الزواج في بيت والدك ؟ هل خوفك من الوضع الجديد ؟ لو ايوة فده تقدري تتتناقشي فيه مع والدك بصراحه او تحطي حدود خاصه بيكي من البدايه لكن مش واضح قدامي سبب لرغبتك في ترك البيت

أقدر جدا خوفك على صديقك وقلقك عليه ولكن مع احترامي دي مشكله صحية كبيرة مينفعش يتسكت عليها خالص ولا يتم التبرير لها انه خايف يروح يكشف بالعكس ده لازم يكشف في اقرب فرصه ممكنه تجنبا لحدوث اياعفات لا قدر الله نغزات القلب لها اسباب كتيرة تتعلق بالشخص وبحياته هل بيدخن هل عنده سكر هل بيعاني من ارتفاع ضغط الدم هل عنده انيميا؟ لو ده متزامن مع انه بياكل ووزنه بيقل فممكن يكون اضطراب في الغدة الدرقيه او اي اسباب اخرى تبعا لتاريخه الصحي واسلوب حياته اوقات بيكون الموضوع سليم صحيا لكن حالته النفسيه سيئه وفي موضوع تاعبه نفسيا بيسبب له الشعور ده زي الذبحه الصدرية الكاذبه وضيق التنفس ال بيكون ناتج عن التعب النفسي رغم ان اموره الصحيه تمام وسليمه المهم انه لازم يكشف في اقرب وقت لان لا قدر الله لو اهمل اهمل ممكن بعد الشر تقلب بجلطه فخليه يروح يكشف ويعمل التحاليل والاشعات المطلوبة وميقصرش في حق نفسه شفاه الله وعافاه

اتوقع انك تجاوزت الامر وتخطيتي الماضي على المستوى الشخصي الداخلي ولكن في تعاملك مع اولادك ربما انت لم تتعلمي طريقة تربوية اخرىني انت بتطبقي طريقه التعامل الوحيدة ال انت شفتيها في حياتك ولم تتعلمي غيرها عشان كده ممكن يكون الموضوع ملهوش علاقه بالماضي ولا بحاجه هو بس محتاج تقرأي شويه في التربية واسمعي فيديوهات تربوية كتير وحاولي تطبقي اي فكرة حلوة تتعلميها هتلاقي علاقتك باولادك تحسنت وبقيت افضل وهتتعلمي كتير وتذكري حديث النبي صلى الله عليه وسلم ( ما كان الرفق في شئ زانه وما نزع من شي الا شانه ) كل حاجه بهدوء وضحك وعالم الاطفال ده اقل حاجه بتبسطهم ربنا يصلح لك حالك

بينفع اه بس لازم الدكتور ال هيعمل العمليه هو ال يحدد النسبه دي قابله لاجراء العمليه ولا لا ..اعرضي الكشف ده على دكتور عيون بيعمل ليزك لانه حتى لو النسبه مقبولة وينفع معاها عملية الليزك في فحص تاني اسمه فحص سمك القرنيه لازم يكون في سمك محدد يقدر يعمل معاه العمليه لو كان السمك قليل مش هينفع تتعمل وتوقعي انه يطلب منك بعض التحاليل او ميطلبش ولكنها كلها اجراءات ضروريه قبل اتخاذ قرار العمليه

هو ايا كان ال بتمري بيه ربنا يعينك ويساعدك ويخفف عنك ويجعل لك مخرجا بس بلاش تدعي على نفسك باي شئ سئ سئ لا بالموت ولا غيره النبي صلى الله عليه وسلم قال ما معناه ان حد يئس من حياته فليقل ) اللهم احيني ما علمت الحياة خيرا لي وتوفني ما علمت الوفاة خيرا لي ( وقال كمان ما معناه ) لا تدعو على انفسكم ولا اولادكم عسى ان توافق ساعة اجابة ) فبلاش خالص تدعي الدعوة دي مهما حصل بالنسبه لحالتك اكيد في شئ جديد حصل في حياتك خلاكي تبقي كده بمعنى اخر امتى بداتي تعاني من الحالة دي تحديدا ؟ اجابة اجابة السؤال ده هتساعدك تفهمي مشاعرك ان شاء الله ثالثا ياريت ترقي نفسك يوميا وتحافظي على اذكارك وتسمعي سورة البقرة او تقرأيها كل يوم شفاك الله وعافاك

مجال طب الاسنان من المجالات المهمه جدا والمطلوبه جدا والممتازة جدا وانت فاضل لك سنتين يعني هانت ان شاء الله رايي انك لا تشتت نفسك وتهمل في دراستك ابذل كل ال تقدر عليه عشان تتميز في مجالك وتكون شاطر فيه ومش لازم تنزل جيم او تعمل ست ساعات الفترة دي اعمل تمارين في البيت ونظم وجباتك وكميات اكلك من اكل البيت برضه مترهقش نفسك بطعام مخصص لغاية ما تخلص السنتين بتوعك على خير ان شاء الله وبعدها ابدا اهتم بجسمك بشكل اكبر عطيه اولويه بس بعد ما تكون تفوقت في مجالك ومخسرتش مهنة مهمه جدا زي دي

هو حضرتك محتاج تحدد سبب الكحه ايه لان بيكون لها اسباب كتيرة ممكن حساسيه صدريه ممكن ربو ممكن التهاب رئوي ....الخ هل حضرتك لاحظت ان كحه مرتبطه بمكان معين اوتوقيت معين يعني هل بتهيج الكحه وقت النوم فقط مثلا او او في النهار فقط مثلا هل بتزداد داخل المنزل ام خارج المنزل هل مرتبطه بانك بتشغل تكيف حار او دفايه هل مرتبطه بتعرضك لغبار او مكان مكتوم او او او على اي حال انصحك باستعمال القسط الهندي الذي نصح به النبي صلى الله عليه وسلم وتقدر تبحث في اليوتيوب عن كريقه استعماله لعلاج الكحه ثانيا جلسات البخار ممتازة جدا ومفيدة جدا جدا لو عندك جهاز بخار احرص انك تعمل لنفسك جلستين الى ثلاثه يوميا ولو معندكش اغلي مية بملح واستنشق بخارها وهي عالنار خمس دقائق كمان في صفحه عالفيس بوك اسمها منتجات اسواني سوداني بتعمل خلطة للكحه عليها تقييمات حلوة والناس بتشكر فيها ادعي ربنا كتير يشفيك ويعافيك واخرج صدقه وارقي نفسك

هي الادوية دي كانت موجودة وناقصه حاليا لو ايوة فهي مش ناقصه غلاسه من المصنع هي اكيد ناقصه بسبب مشاكل استيراد او عدم توفر المواد الفعالة او اي مشاكل اخرى المصنع غير قادر على حلها حاليا وبالتالي مش قادر يوفرها في لدالصيدليات فحتى لو حضرتك رحت للمصنع وقلتله انا هتكفل بالمصروفات وان كان ده بيحتاج تكاليف ضخمه جدا جدا فممكن تكون مشكلة المصنع مش ازمة مصروفات اد ما هي ازمة عدم القدرة على ادخال ادخال المواد الخام لاسباب اخرى غير معلومة حضرتك عاوز تجرب جرب تسال شخص في المجال او تسال صاحب مصنع بالفعل لكن كسؤال عام على الاغلب الاغلب الاجابه هتكون لا

التثدي مشكلة معروفه ولها درجات بتبين هو في انهي مرحله وهل محتاج عمليه ولا محتاج دواء بدون عمليه كل ده لازم يتم بمراجعه الطبيب المختص هيطلب منك تحاليل وفحوصات معينه يحدد على اساسهاه العلاج المناسب المهم تختار طبيب ثقه وامين وشاطر عشان ميوفلكش حاجه مش مناسبه

استغلي وقت البكور فيه البركة كلها تصلي الفجر وتقولي اذكارك وتقراي ورد القران وبعدها ابداي يومك مباشرة هتلاقي بركه كبيرة جدا وانجازات كتيرة حافظي على صلاة الضحى وحافظي على صلواتك في اوقاتها وقبل النوم يوميا تسبحي ٣٣ وتحمدي ٣٣ تكبري ٣٤ ودي كانت وصية النبي صلى الله عليه وسلم لفاطمة وعلي رضي الله عنهما ابعدي عن التليفون قدر المستطاع لانه بيهدر وقت كبير وبيسرق العمر قسمي اعمالك لاجزاءيرة يتم انجاز جزء كل يوم عشان متعمليش حاجه كبيرة فتشعري بالارهاق وتكسلي وتملي

اول سنه زواج انتوا لسه بتتعرفوا على بعض وبتتاقلمواوعلى طباع بعض في حاجه مهمه لازم تعرفيها ان الرجالة مختلفين جدا عن النساء بالذات في نقطه المشاعر دي هل زوجك طباعه الباقيه كويسه بشكل كبير وتعامله معاك كويس لو ايوة يبقى في نقطتين النقطة الاولى انه ممكن مش بيكون عارف ازاي يصالحك ولا قادر يعرف ايه ال زعلك اصلا او بيعتبر انك زعلانه مع نفسك وشويه وهتروقي وخلاص ودي علاجها انك في وقت صفا تعاتبيه وتعرفيه انك لما بتزعلي او اسلوبك يتغير بتحتاجي انه يجي يصالحك او يتكلم معاك او يسمع منك او يحضنك او يجبلك حاجه حلوة او اي طريقه تناسبك وتريحك الرجالة فعلا مش بيكونوا عارفين في البدايه الحاجات دي وانت لازم تعرفيه وتتعلموا سوا طريقه الحياة مع بعضكم وده مش هيجي غير بالمواقف والكلام والشرح والتوضيح فمتستتجليش ومتزعليش النقطة التانيه انصحك تقراي كتاب شريك حياتي من فضلك افهمني وكتاب الرجال من المريخ والنساء من الزهره وتتابعي صفحة دفا البيوت - محمد فتحي بتقول نصائح جميله جدا وبيتكلم كلام واقعي مش كلام نظري وخلاص وتتابعي هاشتاج بيت طيب للاديب محمود توفيق وهو عمل منه كتاب برضه بنفس الاسم وزوجك يتابع معاك الصفحتين دول او انت لو لقيتي كلام مناسب ابعتيهوله وواحده واحده لو زوجك كويس معاك احمدي ربنا وكل الحاجات ال بتيجي بالتعلم والمواقف دي بتكون سهله باذن الله وبتزيد الحب بينكم والعشرة بتعلم كتير

ربنا يثبتك ويجزيك خير لا تنقطعي عن تذكيرهم بحرمة ما يفعلون كثرة التذكرة والتكرار مرة تلو الاخرى الاخرى تجعل القلب يلين وادعي لهم كثيرا ان يهديهم الله ويتوب عليهم من هذا الذنب العظيم وكوني على يقين ان الله سيستجيب دعاءك ولكن يوجد نقطه مهمه وهي لا تجعلي زوجة اخيك ضحية هذا السلوك السئ صاحبيها واشعريها انك في صفها وانك ضد ما يفعله اهلك معها وتحملي اي انفعال او غضب يصدر منها وصبريها واحتسبي الاجر والثواب عند الله انت بتقولي تعبتي ونفسك ترجعوا زي الاول وانا بقولك احمدي ربنا ان ربنا لم يجعلك مشاركه في هذا الذنب العظيم بل جعل ابتلائك في مقاومة هذا الذنب والتصدي له وتذكري الحديث ما معناه ( من ذب عن عرض اخيه ذب الله عن وجهه النار يوم القيامة) وحديث اخر ما معناه ( ما من مسلم ينتصر لمسلم في موضع ينتقص فيه من شانه الا نصره الله في موطن يحب فيه نصرته وما من مسلم يخذل مسلما في موطن ينتص فيه من شانه الا خذله الله في موطن يحب فيه نصرته ) انت في ابتلاء ولكن الله اصطفاك لشرف كبير وانت بإذن الله لن تفرطي فيه

انت صغيرة وموت جدك يبدو انهل صدمة فراق حد قريب منك تمري بها كل ال انت بتقوليه ده طبيعي جدا يحصل ولكن لا تستسلمي للافكار عشان متتعبيش كل ما تجيلك الافكار دي هتعملي ٣ حاجات تستعيذي من الشيطان ٣ مرات وبعدين تعملي الاتي تستغفري وتصلي على رسول الله صلى الله عليه وسلم ١٠ مرات تقولي ( اللهم ارزقني طول العمر مع حسن العمل ) تقومي تنشغلي باي شئ وتغيري ال بتعمليه تلعبي رياضه خمس دقائق تتصلي بحد من صاحباتك تسلمي عليها تدخلي المطبخ تعملي سندوتش او حاجه تاكليها تروقي حاجه ترسمي رسمه وطولي بالك شويه لان الخروج من الحالة دي بيحتاج انك تدربي نفسك كتير وبياخد شويه وقت عشان مخك يقتنع ان مفيش حاجه عندك ولغاية ما مخك يقتنع لازم كل يوم تعملي الحاجات دي وتكرري بينك وبين نفسك انك سليمه ومعندكيش اي مشاكل الحمد لله

اول نصيحه استعمليها في كل حاجه الالوان الفاتحه الهادية دي وسع للمكان وراحه كبيرة للعين تاني حاجه خلي الشقه كلها لون واحد فاتح بيدي وسع للمكان وراحه كبيرة جدا للعين واكتر الالوان المتعارف عليها هي الاوف وايت - الفانيلا لاتيه - البريز لو بتحبي الالوان ممكن تخلي حيطه واحده بس هي ال لونها مختلف في كل غرفه وبرضه يكون لونها فاتح وهادي وان كنت بفضل توحيد اللون بالنسبه للركنة هتلاقي عندك اتجاهين االاتجاه الاول انك تخليها كلها لون واحد ساده وتغيري في رسومات المخدات والخداديات كل فترة ولو هتمشي بكلام الاتجاه ده هتلاقي ناس بتنصحك تخلي اللون غامق عشان يستحمل الوساخه والبهدله وناس تانيه تقولك خليه فاتح عشان الوسع وحافظي عليه وهاتيله كسوة تغطيه بيها انا من الناس ال بحب ان اللون يكون فاتح ونحافظ عليه قدر المستطاع وحتى لو اتسخ بشكل كبير فشركات تنظيف الانتريهات والمفروشات مش بتقصر الاتجاه التاني انك تخلي جسم الركنه لون والظهر والقعدة لون مختلف ويكونوا اللونين لايقين على بعض الاتجاه ال ماشي اكتر دلوقتي هو انك تخلي الركنه كلها لون واحد وتغيري في المخدات والخداديات بعيدا عن الالوان بالنسبه للركنه منصحكيش تعملي كابوتونيه ال هو زي النغزات او الحفر في الظهر او اليد لانه بيلم تراب بيكون متعب جدا في تنضيفه ومش سهل اما الكاوبوتونيه ال هو خياطه منظر بس بيكون لطيف وبيدي شكل حلو لو حبيتي تضيفيه انصحك كمان تقولي للنجار يخلي القعدة واسعه تحديدا يكون صافي القعدة بعد ما يحط مخدات الظهر تكون ٦٠ سم يعني لو مخدات الظهر هتاخد ١٠ سم اذن يكون القعده كلها ٧٠ سم بالنسبه لوجود مخدات للظهر او لا ده راجع لتفضيلك انت في ناس بتحب الظهر يكون شلت متحركه وناس بتحبه ثابت حاولي تشوفي اي كرسي او كنبه عندك وخدي متر وقيسي القعده بالنسبه لك مريحه بمخدة ولا من غير المهم سواء كده او كده خلي صافي القعده ٦٠ سم بالنسبه لتنجيد المخدات والخداديات المنجدين عندهم حاجتين في منجدين بينجد فايبر على اسفنج وده اسمه مفروم وفي منجدين بينجدوا فايبر فقط الفايبر على اسفنج بيكون ناشف شويه وبيدي المخدات شكل ثابت وماسك نفسه بس بيكون ناشف شويه على الظهر اما الفايبر لو نوع نظيف اسمه هولو او سوفت بيكون مريح جدا في القعدة بس بعد فترة من الزمن بيهبط بنسبة بسيطه ووقتها ممكن يتملي تاني او يتزود يعني عشان ينفخ تاني انصحك تعملي المخدات والخداديات والشلت ال هتقعدي عليها كلها بسوسته تتفك تتغسل وتتركب تاني ده بيسهل عليكي تنظيفها جدا اطلبي من المنجد يخلي القعده سفنج كثافته عاليه متقلش عن ٣٥ في موضه طالعه حاليا وهي خداديات الفرو هي بتكون شكل ومنظر حلو لكن مش عمليه في الاستخدام غير ان ان الفرو النضيف سعره عالي فلو حبيتي تعمليها اعملي حسابك انها بتتغسل عالايد وتسرحيها وتكويها لما تنشف ومتعصريهاش جامد وفي ناس بتغسلها في الغساله بس هي ونصيبها يعني بالنسبه لقماش الركنه الحقيقه موصلتش لراي ثابت ناس كتير جدا بتشكر في القطيفه وناس كتير جدا بتشكر في الجلد المقلوب وناس كتير جدا بتشكر في الكتان وبرضه ناس كتير جدا بتشتكي من ال ٣ انواع عشان كده انصحك اختاري القماشه ال تعجبك بس هاتيها من مكان كويس انا بحب القطيفه وشكلها وملمسها والحقيقة تنظيفها من اسهل ما يكون ومن اسرع ما يكون الكتان متين اكتر وبيستحمل هبد وبهدلة اكتر ولكن في ناس اشتكت انه بيلم تراب بين انسجته مش بينضف وفي انواع جديدة طالعه منه ضد الاتساخ وضد المية لكن في ناس جابتها واشتكت برضه فانت شوفي ال بترتاحيله لاني ملقتش اي اتفاق على اي حاجه بخصوص القماش بالنسبة للصالون هتلاقي برضه رأيين راي يقول خليه كله لون واحد وراي يقول خليه لونين انا بشوف اللونين بيدوا بهجه اكتر بس يكونوا لونين هاديين وفاتحيين في ناس كتير بتختار اللون الاول بيج او اوف وايت او كافيه واللون التاني لبني او منت جرين او بني في ناس بتختار بينك او كشمير مع رمادي في لون جديد اخد الموضه حاليا وهو الاخضر الملكي بيكون اخضر غامق بس لامع شويه بس انا محبتهوش هو لون جميل بس مش فاتح حاولي متكتريش الخداديات في الصالون عشان بتعمل زحمه انصحك تكتبي في جوجل صور ركنة لونين واتفرجي على الصور صور صالون مودرن واتفرجي صور ركنه لون كذا واتفرجي مع كتر التفرج هتلاقي في حاجه معينه عينك اتشدت لها وعجبتك لان في الاخر كل انسان له تفضيلاته في الالوان فانت شوفي اللون ال يعجبك والتصميم ال يريحك وده بيجي من كتر التفرج على الصور والموديلات اوضه النوم واوض الاطفال حاولي متحطيش تفاصيل كتير وخليها بسيطه جدا اد ما تقدري كتر الرسومات والنقشات والزخرفات بيتعب العين وبيهيص الدنيا عالفاضي كل ما كان التصميم بسيط وهادي كل ما كان مريح جدا وجميل جدا خلي بالك ان اوض النوم اجزاء كتير من الحيطان بتتغطى بالدولايب والسراير والعفش فحاولي كتحطيش حاجه على الحيطان غير بعد ما تثبتي اماكن العفش بالتوفيق والف مبروك ربنا يتمم لك بخير

طيب مبدأيا كده حضرتك واصح انك طيبة وبتتصرفي بحسن نية ولكن مفيش حد مش بيغلط والعاقل هو ال يتعلم من اخطاؤه مش يتجاهلها ويكررها تاني حضرتك غلطتي اول مرة خالص لما فضلتي مستوى بنتك التعليمي على شعورها وراحتها النفسيه ومشاعرها ناحية المعلمه رغم ان نت ٣ سنين ونص يعني مش مستقبلها هيضيع بكرة لو تاخرنا شويه وقت نجرب معلمه جديدة فدي نقطه خلي بالك منها ----- التعليم براحة نفسيه افضل وبيثبت في الذهن اكتر من التعلم بضغط نفسي وعصبي ثاني غلطة وهي الاهم والاكبر وال سببت مشاكل كتير بعدها انك حكيتي معاها عن مشاكلك مع اهل زوجك وده اكبر درس تتعلميه مشاكلك الشخصيه مع زوجك واهله متخرجش برة بيتك ابدا الا لشخص ناصح او امين وتكوني اختبرتي الشخص ده اكتر من مرة في كءا موقف وتاكدتي من نصحه وامانته والمشاكل متخرجش من باب الفضفضه تخرج في الضرورة فقط في حالة الحاجه الى نصيحه او استشارة وانك مش عارفه تتصرفي ازاي غير كده لا وفي اي حاجه هتامني حد فيها على سر فكري مليون مرة ان كلام ده لو اتقال باي شكل هيكون ضرره عامل ازاي فبلاش يتقال لشخص مش هيهتم به من الاول ثالث خطا انك اثبتي لها ان نقلها لاسرارك نقطة ضعف عندك بذهابك اليها في بيتها وده مكنش المفروض يحصل حتى لو هي هددتك باي شئ انت لو على كلامك ال حكيتيه مش شايفه انك ظلمتيها في حاجه انت ولا اكلتييها فلوسها ولا شهرتي بيها وباهلها ولا اي شئ فبالتالي مهما كتبت ومهما عملت طالما متاكده انك لم تؤذيها ولم تظلميها يبقى متقلقيش من اي شئ ربنا عليم ومطلع على كل شئ بس بلاش تكرري اخطائك تاني

رضا ربنا عن الانسان مش معناه انه ميعانيش في حياته ولا دمه ميتحرقش ولا ميحصلش حاجه ضده النبي صلى الله عليه وسلم وهو نبي واحب خلق الله لله لما راح الطائف ضربوه بالحجارة واذوه ولما راح قعد تحت الشجرة ودعا قال في دعاؤه ( ان لم يكن بك علي غضب فلا ابالي ولكن عافيتك هي اوسع لي ) وفي غزوة احد كسرت رباعيته ال هي اسنانه الاماميه ودخلت اداه من ادوات الحرب في خده واوذي كتير ومعظم الانبياء عانوا مع اقوامهم ده مش معناه عدم رضا ربنا عنهم ولكن كل انسان له قدره ونصيبه في هذه الدنيا ومسؤول عن تصرفاته تجاه هذه الاقدار هل يواجه الصعوبات والاضرار بصبر واحتساب وقرب من الله ولا يبعد عن طريق ربنا هل يواجه النعم والراحه بالشكر والالتزام ولا لا هل بيؤدي فروض ربنا ويصاحب المصحف والاذكار ويحرص على رضا الله وتقواه في كل كبيرة وصغيرة ولا لا هل لما بيتعرض لاي موقف بيفكر ده يرضي ربنا ولا لا يوافق الشرع ولا لا كل ده لو كان مستقر في قلبك هتواجهي اقدار الله برضا وتسليم تام ايا كان شوفي الناس في غزة بتفقد بيوتها واهلها وولادها وشغلها واكلها وشربها ومع ذلك تلاقيهم بيقولو الحمد لله الحمد لله يارب بس تكون راضي عني واكيد شفتي فيديوهات كتير لمصائب لا تتحملها الجبال ومع ذلك تلاقيهم مسلمين امرهم لله وبيحمدوه البلاء ليس دليل على غضب الله على العبد ابدا قوي ايمانك والتزمي بفروض الله واوامره ولا يضرك اي شئ يحصل بعد كده

شوفي سبب الحالة دي ايه غالبا هتحتاجي شويه تحاليل تطمني بها ان مفيش سبب مرضي ان شاء الله لو في سبب مرضي تبداي تعالجيه كويس لو مفيش فحاولي تعملي الاتي ١ نوم الليل افضل مليون مرة من نوم النهار فحاولي تنامي بدري ويكون معظم نومك بالليل ان شاء الله ٢ ايا كان وقت نومك سواء بالليل بدري او متاخر لازم تقومي لصلاة الفجر تصليها في وقتها وخدي اول ساعتين بعد الفجر وقت البركه كلها اعملي فيهم اي حاجه من ال وراكي لانك طبيعي لو نمت ساعتين تلانه بالليل وقكتي صليتي مش هتعرفي تدخلي في النوم تاني بسرعه بعد الصلاة فوقت البركه ده مهم جدا فوق ما تتخيلي هتلاقي نفسك بتعملي فيه حاجات كتير اوي ولسه اليوم معاكي مخلصش ٣ قبل النوم احرصي تسبحي ٣٣ مرة وتحمدي ٣٣ مرة وتكبري ٣٤ مرة ضروري جدا تعملي ده عشان تنجزي ال وراكي ودي هي النصيحه ال النبي صلى الله عليه وسلم نصح بها ابنته فاطمة الزهراء رضي الله عنها لما طلبت خادم فقال لها ان افضل لها من الخادم ٤ اي وقت بتدعي فيه ربنا متنسيش تدعي الدعاء ده ( اللهم اشفني من النوم باليسير وبارك لي في عملي ووقتي ) بالتوفيق

حددي السبب لو مركبة لولب فاللولب بيسبب النزيف ده وده معروف لو مش مركبه لولب فضروري تعملي تحليل انيميا وتلتزمي بعلاجها كويس مش اقل من تلات شهور لتقليل المزيف ايا كان سببه بمجرد ما تنزل الدورة تبداي تاخدي حبة دافلون وحبة كابرون مرتين يوميا حتى يقل النزيف الدافلون مقوي للاوعية والشعيرات الدمويه والكابرون بيعمل على تقليل النزيف بشكل ملحوظ وحاولي تهتمي في اكلك بالاطعمه الغنيه بالحديد اللحوم الحمراء والكبده والعسل الاسود والتفاح والباذنجان وافضل شئ انك تاكلي تاكلي حاجه فيها حديد مع حاجه فيها فيتامين سي عشان يسرع امتصاص الحديد في الدم شفاك الله وعافاك

شوف السبب اوقات ده بيحصل في الشتا من كثرة عدد الطبقات ال بنلبسها فالمنطقه دي بتسحن وتعرق وتسبب الحكه دي واوقات بيكون حساسيه من نوع ملابس معين ممكن تكون بتتحسس من الصوف او الفرو او او القطيفه او او الملتون وكل ما الاقمشه دي تلامس الرقبه بتتهيج وتسبب الحكه اوقات بيكون جفاف في الجلد بسبب قلة شرب الماء او طبيعه الجلد جافه فمحتاج تدهنها مرطب كل يوم مرة اتنين لو في التهاب مع الحكه او احمرار شديد يفضل تراجع طبيب جلديه

ايه المانع من ده طيب اليوتيوب مليان فيديوهات لتمارين لكامل الجسم وفيديوهات لتمارين لمناطق معينه ايه ال يخليه مش ممكن ولا سؤالك هل ده صح عالعضلات ولا لا ؟؟

بالنسبه للوسوسه ده طبيعي وبيحصل كتير للناس ال بتكون حريصه عالالتزام والطاعه وقد ذكره النبي صلى الله عليه وسلم عندما ساله الصحابه فيما معناه ( انا لنجد في انفسنا ما ان يخر احدنا من جبل احد ولا ان يتكلم به ) فقال النبي صلى الله عليه وسلم ذاك صريح الايمان الوسوسه علاجها بامر ابامر ال بسيط ولكن يحتاج منك انهمي انك في حرب مع الشيطان فلازم تكون عندك عزيمه شديده للتغلب عليه والطريقه بسيطه مجرد ما تاتي لك الوسوسه اول حاجه تقولي امنت بالله وبريوله ثم فورا تنشغلي باي عمل صالح او مباح طبعا هي مش هتمشي مباشرة هتفضل تزن عليكي الافكارتر فانتي هتفضلي على حالك تقولي امنت بالله وبرسوله وتبداي تعملي عمل صالح تسبحي ١٠٠ مرة تستغفري تقراي قران تصلي على النبي صلى الله عليه وسلم اي عمل صالح طبعا ده فائدته ان يطان سيجد انه كل وسوسه انت بتكسبي حسنات فيبدا ينصرف عنك ويبطل يوسوس لك ولكن الموضوع مش بيجي من اول ولا تاني ولا تالت ولا عاشر مرة اعطي نفسك مدة شهر هتحاولي تجاهدي قدر المستطاع والافكار تحاصرك وامت تقعدي تذكري ربنا وتقولي امنت بالله وبرسوله وهتفضل تيجي وتروح كل شويه فحاولي تتحملي جدا وتقاومي كتير واي فكرة تيجي وانت بتعملي العمل الصالح تجاهليها تماما النبي صلى الله عليه وسلم قال لا يلتفت يعني تجاهلي الامر تماما ولا تشعري بالذنب اطلاقا كانه شئ مش موجود استمري في الطاعه ال بتعمليها وتكرار قول امنت بالله وبرسوله الموضوع في الاول صعب وبتتعبي شويه ولكن النتيجه جميله جدا ومريحه جدا بفضل الله بالنسبه للامر الثاني محتاجه تحافظي جدا جدا على اذكار الصباح والمساء واذكار النوم وحاولي تقراي سورة البقرة او تشغا وتسمعيها كتير وركزي فيها وانت بتسمعي تحصني بالرقيه الشرعيه كويس جدا والموضوع كله بسيط بامر ابامر ال لا تقلقي ولكن التزمي بالكلام ال كتبتهولك ده واصبري وادعي كتير بدعاء ( رب اعوذ بك من همزات الشياطين واعوذ بك رب ان يحضرون ) شفاك الله وعافاك