د. أمينة عصام

بلاش كورتيزون ابدا غلط جدا جدا على صحتك وممكن يسببلك مشاكل تانيه انتي في غنى عنها . ركزي في وجباتك على الدهون الصحيه مكسرات وزيوت صحيخ زي جوز الهند وزيت الزيتون واوميجا ٣ و اشربي مشروبات بتساعد في تحسين الهرمونات الانثويه زي اليانسون و الحلبه ولو جسمك فيه نحافه ركزي كمان عالبروتين في وجباتك الرئيسيه والعصاير الطبيعيه والحلويات الصحيه بين الوجبات واي ادويه خارجية بلاش منها

عشان ننقذ الموقف الحالي الاول هتاخد نوع كويس مالتي فايتمن من الصيدليه و هتعمل صوره دم تشوف نسبه الحديد كام لان غالبا في انيميا والافضل تعرض التحليل على طبيب عشان يحدد لك النوع المناسب الخطوه التانيه وهوا تصليح الخطأ اللي حصل من البدايه وهوا انك تمشي على نظام غذائي متوازن فيه كل العناصر الغذائيه وتامل فيه خضروات وفواكه بطريقه معتدله وطبعا بروتين كويس عشان نقص الحديد ومنتجات البان عشان نقص فيتامين د. والكالسيوم. وبلاش الانظمه القاسيه لان ده نزول وزن مضر للجسم والاهم من نزول الوزن هوا الحفاظ على الصحة .

السلام عليكم ♥️ ازيك يا جميله متعمليش دايت ولاحاجة مش عشان وزنك هيرجع لان دي نظريه مش صحيحه ولكن كل اللي هتعمليه انك تنظمي أكلك و تبعدي عن العادات الغذائيه الخطأ وزنك هيتضبط مع الوقت بمعنى: ١- استبدلي الحلويات و العصاير والمشروبات الغازيه بفواكه وحلويات صحيه تعمليها في البيت ىالوصفات عالنت كتير. ٢- زودي الحركه شويه يوميا اعملي زومبا او مشي نص ساعه ٣- اشربي ٢ لتر مياه موزعه على اليوم. ٤- نامي ٨ ساعات بالليل من بدري . ٥- نظمي وجباتك ٥ وجبات في اليوم بينهم ٣ ساعات وزودي البروتين والخضار في الوجبات الرئيسيه واهتمي برجبة الفطار وفي السناك كلي زبادي او لبن وفاكهه ٦- متفكريش في الوزن كتيراشغلي بالك بس باستبدال الوجبات بوجبات صحيه وتفنني فيها عشان متزهقيش ودخلي في يومك مكسرات وزيت زيتون و حبوب كامله زي الشوفان والبليله و الفريك هتحسي بالسبع وصحتك هتكون افضل. هتلاحظي مع الوقت ان وزنك بينزل بالتدريج وفي نفس الوقت صحتك كويسه

اولا بحييه على نزول الوزن العظيم ده برافو جدا 👏🏻👏🏻👏🏻👏🏻 ثانيا في حالة الدهون العنيده بيتعمل لها جلسات موضعيه عند دكتور تغذيه متخصص هتساعدك في التخلص من الدهون في المكان كمان الاستمرار على التمارين الرياضيه هيقلل منها مع الجلسات وده على فكره طبيعي مش مشكله فيك لان كل جسم بيختلف عن التاني كل واحد عنده مكان ممكن يتكون فيه دهون عنيده شويه تاخد وقت على ما تتكسر وتخرج حسب الجينات وعوامل كتير

مناسب مفيش مشكله طالما من الصيدليه وشركه معروفه لان المكملات او المالتي فايتمن بيكون فيها النسب اليوميه للفيتامين الي الجسم محتاجها بالنسبه للانواع فستتروم كويس ولميتلس كويس وفي انواع كتير في الصيدليه مناسبه اما لو في نقص فيتامنيات معينه او معادن زي الحديد مثلا والكالسيووم بيتحدد بالتحليل وبيكون في اعراض يعني الحد يد مثلا اعراض نقصه هيا اعراض الانميا وبتختلف حسب درجتها هنا لازم نعمل تحليل عشان نتاكد من النتيجة لو قليله بناخد مكمل فيه حديد وكل الفيتامينات والمعادن لها تحاليل نقدر نعملها ونطمن لو كنا حاسين ان عندنا مشكله او رجعنا للطبيب وطلب تحليل لنوع فيتامين معين حسب الاعراض اللي شايفها

لو وزنك نزل فجأه اعملي تحاليل اطمني عالغده وجرثومه المعده لو في ديدان او انيميا شديده لانها بتسد الشهيه لو الامور دي كلها تمام هتبقي محتاجة بس تنظيم وجبات وتنظيم سعرات عشان الوزن يزيد بطريقة صحية

اولا لازم تعرفي السبب عن طريق تحاليل معينه بتتعمل عشان نعرف لو في انيميا او نقص مخزون حديد و الغده كويسه ولا لا وكمان تحليل بول وبراز . ثانيا هتاخدي قبل الوجبات مهضم للطعام زي الدايجستين او الدايجنورم عيساعدك في الهضم شويه وهيقلل اي الم ومغص بعد الاكل ثالثا نظام اكلك محتاج تعديلات لازم تخافظي على وجبه الفطار وتحافظي على وجود بروتين كويس في وجباتك الرئيسيه أجلي دايما الشوربه والسلطه لاخر الوجبه اختاري رجبات سعراتها عاليه وكمياتها قليله ودخلي دهون صحيه يوميا زي المكسرات وزبدة المكسرات وزيت الزيتون و الطحينه والسمنه البلدي و الزبده البلدي والفشطه وهكذا كلي حاجة كل ساعيتن وخلي بين ااوجبات في عصير طبيعي فريش في البيت خدي معلقتين عسل عالريق لما تصحي وحافظي على شرب المياه ونامي ٨ ساعات في اليوم وقللي شرب الشاي والقهوه في يومك لانهم بيسدوا الشهيه هتاخدي كمان مكمل غذائي مجموعه فيتنامينات مع بعضها اي نوع من الصيدليه مناسب واخر حاجة تلعبي جيم تمارين مقاومه تزود وزن العضلات دي ابرز الحاجات اللي ممكن تساعدك والافضل طبعا تتابعي مع مختص يحسبلك السعرات وتعرفي الكميات المطلوبه منك كويس

مبذئيا لازم نعالج الجرثومه مع دكتور باطني كويس ، وبالاستعانه بطبيب التغذية هيساعدك تاكلي حاجات معينه تقلل من الالم والمغص ، وبعد العلاج هتقدري تزيدي في الوزن ، لان بيكون في مشكله في امتصاص الطعام والم المعده طول ما الجرثومه موجوده ، فالحل الاول انك تعالجي الجرثومه وبعدين تدوري على زياده الوزن و تاخدي بروبايوتيك من الصيدليه هيحسن الدنيا معاكي شويه

السلام عليكم ورحمة الله وبركاته السؤال مش محدد لو حضرتك بنت ولا ولد وكمان مش موضح السن والطول . لكن في العموم طبعا نقدر نخس ونعالج مقاومه الانسولين بدون ما نروح للطبيب بس لازم نفهم حالتنا كويس ونسمع ونتعلم عشان نمشي صح ونقدر نكمل. مبدئيا مقاومة الانسولين مش مرض ، لكن هيا انذار لمرض السكر .يعني لازم نركز كويس ونتابع التحاليل عشان نخلص منها هنحتاج ننزل الوزن بطرق بسيطه ان شاء الله مع الوقت هنتعود عليها وهتكون عاده: ١- هنقسم وجباتنا على ٥ وجبات صغيره بينهم ٣ ساعات حسب عدد ساعات يومي ٣ وجبات رئيسيه وبينهم ٢ سناك . ٢- هنحافظ على كميه البروتين المناسبه في التلات وجبات . الفطار والغداء والعشاء ٣- النشويات هنكتفي بنص رغيف في التلات وجبات ومع الوقت هيقلوا . ويكون عيش بلدي ٤- هنبدل كل النشويات اللي بناكلها او معظمها لنشويات معقده .. زي البرغل والفريك والبليله والشوفان والبطاطس والفشار والذره كل دي نشويات بديل العيش الابيض و المخبوزات. ٥- هنشوب مش اقل من ٢ لتر في اليوم مياه متوزعين عاليوم ٦- هننام مش اقل من ٨ ساعات باللليييييل مش بالنهار . ٧- هنضبط هرمونتنا … يعني نوقف تلقيط ونوقف اي حاجة حلوه ومسكره حتى لو كانت صحيه زي الفاكهه .. الا لو هناخدها بعد وجبه كامله او ناخد معاها علبه زبادي او مكسرات او لبن يقلل من امتصاص السكر . ٨- لينا ٢ - ٣ فاكهه في اليوم بعد الوجبه او زي ما قلت في النقطه اللي قببلها ٩- متقوليش لحد انك عامله دايت 😂 ١٠- امنعي شرب المشروبات الغازيه وقللي الحلويات والشبسيات واي حاجة من بره جاهزه خليها مكافأه كل ١٠ او ١٥ يوم اما تخسي ١١ - متوزنيش كل يوم انسي الميزان واهتمي بالمقاسات . ١٢- العبي رياضه حتى لو مشي بس وابدئي بربع ساعه وبعدين زودي بالتدريج ١٣- خدي مكمل غذائي يساعد قي الحرق لو سنك فوق ٣٠ زي المروماكس او تولانجو سليم مره في اليوم قبل الوجبه ١٤- حللي قيتامين د ومخزون حديد هتلاقيهم ناقصين هتاخدي الجرعه المناسبه حسب التحليل لان نقصهم بيقلل الحرق 👍🏻👍🏻 هتلاقي عالنت وصفات صحيه كتيييييير جدا وسهله وووصفات حلويات صحيه هتساعدك وحوادق كمان لو في اي سؤال تحت امرك

السلام عليكم ازيك يا حبيبتي يارب تكوني في احسن حال قبل اي حاجة لازم تعرفي ان اهم من الوزن نفسه والشكل ان صحتك تكون كويسه بمعنى تحاليلك كلها تبقى تمام مفيش انيميا وفتامين د عندك يبقى كويس مخزون الحديد يبقى كويس وده مهم اوي الغده والجهاز الهضمي تعملي تحاليل بول وبراز وتتاكدي ان الاكل عن ك بيتهضم كويس من خلال التحليل . لو كل ده تمام ندخل عالخطوه التانيه هتهتمي بالعضلات بتاعتك ، بمعنى تاكلي كميه مناسبه من البروتين وتلعبي تمارين مقاومه تحت اشراف مدربه ، العضل هيزودك وهيحسن شكل جسمك كتير بس لازم تاكي معاه كويس ثالت حاجة الاكل خدي قبل الوجبات دايجستين قرص هيساعدك في الهضم والصبح خدي معلقتين عسل نحل طبيعي عالريق وابدئي دخلي في يومك وجبات صغيره سعراتها عاليه زي مثلا المكسرات او شويه زبيب وفواكه مجففه اشربي في السناك بتاعك كوب عصير فريش بسكر طبعا وممكن تدخل الكبيس والمغات كدا يوم ويوم واهتمي جدا البروتين في الوجبات عشان ترفعي نسبه العضل مع التمراين بالتوفيق

السلام عليكم حضرتك محتاج تعمل تحاليل معينه عشان تعرف سبب المغص ممكن يكون في جرثومه او التهاب في المعده او القولون . او عسر هضم شديد هتحتاج تزور دكتور باطني الاول عشان تتاكد لو حليت مشكله المغص الشديد هتقدر تحل مشكله الوزن لان وزنك اقل من الطبيعي هيتحسن بنوع الاكل وكميته والرياضه . محتاج كمية بروتين مناسبة في الثلاث وجبات الرئيسية وممكن نستعين ببروتين خارجي و دهون صحيه وكارب كويس وسوائل باستمرار و هتاخد مكملات غذائيه فيتامينات وحديد والافضل متابعه مع دكتور تغذيه

ازيك يا جميله ♥️ طبعا مش هقدر احكم حالة النحافة واصله فين من غير ما اعرف طولك ولكن في العموم لازم نعالج المشاكل من جذورها الاول وبعدين نشوف الاكل ١- في عسر هضم هتاخدي قبل الوجبه دايجستين قرص او معلقة كبيره دايجينورم شراب وده هيساعدك في الهضم كويس اوي ٢- ضروري تعملي صورة دم ومخزون حديد وتعرضيهم على دكتور واكيد هتحتاجي تاخدي حديد وياريت تختاري نوع كويس سهل وسريع الامتصاص زي ( برافوتين اكياس ) هيرفع معاكي مخرون الحديد ولو عندك انيميا هيعالجها ودي نقطه مهمه جدا جدا ٣- هتتاكدي بالتحاليل بردو ان الغده الدرقية سليمه ولو فيها مشكله هترجعي طبعا لدكتور غدد ٤- ندخل عالكل عشان تزودي سعراتك في الاكل الافضل ترجعي لدكتور تغذيه يساعدك عشان تمشي خطوه خطوه لان مش هينفع تزدي اكلك مره واحده لا هتقدري تستوعبي الكميه ولا معدتك هتتحمل هنصحك بحااجات بسيطه خلال اليوم مهم اوي تهتمي بالوجبات الرئيسيه فطار غداء عشاء ويكون فيهم بروتين نباتي او حيواني لان جسمك محتاجهم جدا و دهون صحيه زي زيت الزيتون او السمنه البلدي والزبده الحيواني وهكذا . ولو حاسه ان كميه البروتين اللي بتدخلك قليله وقتها بندخل بروتين خارجي طبعا ده بردو دكتور التغذيه بيحدد كميته يوميا تاخدي ببن الوجبات من الاختيارات : معلقتين عسل نحل او عسل السود بطحينه او كوب عصير فريش بدل الفاكهه او تمر عليه زبده فول سوداني او طحينه مكسرات مغات ( بتاع السبوع 😂) ممكن تدخلي في العشاء سعرات اعلى زي ساندوتش المربى بالقشطه والحلاوة الطحينيه ومعاهم كوب لبن كاكاو او زبادي بالفواكه اخر حاجة اعملي تمارين مقاومه عشان تزودي نسبه العضل عندك وبعد التمرين كلي كويس بلاش تمارين جري ومشي وزومبا لانهم بيحرقوا دهون

ازيك يا محمد اولا لازم تعرف ايه سبب البطن دي هل بتشرب مشروبات غازيه باستمرار؟ هل بتاكل نشويات كتير خلال اليوم؟ بتاكل كل يوم بالليل قبل ما تنام؟؟ بتاكل منتجات فيها دهون مهدرجة كتير زي الجبن النباتيه او المبيضات بتاعت القهوه زي النسكافيه ٣في ١ ؟ بتاخد مقليات عموما بطاطس طعميه بتنجان…؟؟؟ والمخبوزات والمعجنات اخبارها ايه؟ كل دي حاجات ممكن تكون سبب في ظهور كرش عندك . لو مش بتعملها هوا بتعملها كل فتره الافضل توقفها وتكون بسيطه جدا جدا في نظامك الغذائي وخلي اكلك النسبه الاكبر منه بروتين وخضروات وقلل الكارب . قلله بس متمنعوش ووقف الكارب والسكريات بالليل خاصة لو كان دقيق ابيض . وخلي العشا بتاعك بروتين وسلطه واعمل انبدي شوف توزيع الدهون في جسمك واعرضه على متخصص ولو توزيع الدهون والعضلات كله كويس ووزنك مناسب لطولك ومفيش مشكله ممكن تعمل جلسات لتفتيت الدهون الموضعيه في مركز مع متخصص

ازيك يا جميله ♥️ المشكله الي بتعاني منها مشكله ناس كتير جدا. بس عشان تتخلصي منها لازم تحطي ايدك عالمشكله الاول. ١- لو كان النظام الغذائي الي ماشيه عليه في حرمان من انواع كتير من الاكل ، لازم يتغير وتضمني انك بتاخدي سعراتك كامله وبتاكلي من كل انواع الاكل بكميات محسوبه بدون ما تقطعي عيش ورز وفاكهه والكلام ده ٢- هتحتاجي تاخدي فيتامينات وحديد وفيتامين د لان نقص الحاجات دي هيقلل الحرق وهيقلل نزول الوزن ٣- عشان متضعفيش وتسيبي الدايت لازم تعرفي حاجة مهمه جدا ان نفيش حد بيلتزم بنسبه ١٠٠ في الميه حتى دكتور التغذيه نفسه 😅 ،، كلنا بنقع وتقوم الفكره كلها انك تلحقي نفسك بمعنى كلي من اكل بيتك عادي خالص ومتكلفيش نفسك بس قللي الكميات وغيري طريقة الطبخ وقنني الكميات، طب حصل في يوم انك لخبطتي سولء كنتي زهقانه او عندك البريود او عندك عزومه .. خلاص اللي حصل حصل انسيه وكملي من تاني يوم . وكأن شيئا لم يكن ٤- امشي بطريقة ٨٠ -٢٠ ٨٠ في الميه مضبوط وميه ميه وصحي و٢٠ في الميه حاجة مش صحيه وبتحبيها بس تكون مره في الاسبوع وكدا مش هتحسي بالحرمان بلس انك ممكن اصلا تعملي كل الاكل اللي بتحبيه بطريقة حلوه وصحيه لو دورتي على وصفات هتلاقي حاجات متخطرش على بالك ٥- اهتمي بلعب الرياضه .. نصيحة مني الرياضة عامله زي السحر حرفيا .. بتمسح كل حاجة وحشه بناكلها 😅، وهتسرع نزول الوزن جدا وهتعلي الحرق ده غير انها بترفع هرمون السعاده وهتخلي جسمك مشدود وحلو وهترود ثقتك بنفسك ٦- اخر حاجة واهم حاجة لو مش قادره تاخدي الخطوات دي لوحدك استعيني بحد متخصص يكون فاهم حالتك سواء دكتور تغذيه او هيلث كوتش بس يكون دكتور تغذيه بردو . ولو احتجتي مساعده او سؤال تحت امرك

السلام عليكم ازيك يا حبيبتي ،، الموضوع اللي بتعاني منه منتشر جدا بين البنات في للسن ده لاسباب كتير ،، لو اهلك رافضين الطب النفسي ممكن تتواصلي اون لاين مع لايف كوتش او طبيب نفسي الامور دي اصبحت سهله ، ومن هنا لو قتها انصحك انك تشغلي وقتك وتمارسي هوايه بتحبيها لان انشغالك بحاجة النيه هيشغلك عن انشغالك بالاكل والسعرات . كل كل اللي نفسك فيه بكميات قليله ومارسي الرياضه لانها بتعلي هرمونات السعاده في الجسم . و صروري تتواصلي مع لايف كوتش او دكتور نفسي حتى لو اون لاين .

وعليكم السلام ورحمة الله وبركاته ماشاء الله انت في مرحلة نمو حاليا ومحتاج تغذية كويسه و ونوم كويس ،، ممكن يبان ان النوم ده مش مهم اوي لكن في الحقيقه تنظم النوم وخاصة انك تنام بالليل كويس من ٦ ل ٨ ساعات مهم جدا لعمل هرمون النمو اللي بيتشغل بالليل . ولما نسهر طول الليل للاسف الهرمون ده مش بيتشغل كويس وبياثر على نمو الجسم تاني نقطه في سن الشباب ده محتاج تلعب رياضه مريسع تساعدك انك تزود نسبة العضل في جسمك .. سواء سباحة او كوره ومعاها تمارين مقاومة زي رفع الحديد . ونمو العضلات كويس بيسند العظم وبيعمل مرونه للجسم ثالث نقطه. التغذية المناسبه ودي اهم نقطه في السن ده محتاج كمية بروتين كويسه جدا و فواكه وخضروات ودهون صحيه تساعد جسمك في النمو السليم لو عملت كل ده ومازال فيه الم او ضعف هتطلب المساعدة من متخصص لعمل تحاليل معينه

دخلي خل التفاح في اكلك معلقة في اليوم عالسلطه او في كوب ماء قبل الاكل مباشره هتساعدك مع العلاج . وحاولي تنتظمي عالعلاج . واختاري انواع اكل بعيد عن المقلايات والسبايسي والاكل من بره البيت امنعيه تماما في الفتره الحاليه

معلش انا عارفه الموضوع مش سهل ، بس محتاج شويه صبر وصدقيني هترتاحي بعد كدا ، استمرار وجودها ممكن يعمل مضاعفات اكتر ويحصل قرح وحاجات انتي في غنى عنها .

لازم متابعه مع دكتور تغذيه علاجيه بنتائج التحاليل والعلاج وطريقة اكلك لان ممكن تكون مش بتاخدي احتياج جسمك من السعرات لزياده الوزن .وخلي بالك كل حالة بتختلف عن التانيه في حالات الغده والنحافة

اعملي تحليل فيتامين د وهوا غالبا قليل بس نقصه فعلا بيعمل كسل وخمول وخدي مالتي فايتمن بشكل عام

اكيد طبعا في اي وقت تحت امرك 🌹تقدري تزوري صفحتي في الانستجرام او الفيس بوك ووتواصلي معايا من خلالهم موجودين هنا في صفحتي♥️

السلام عليكم ازيك يا حبيبتي مبدئيا وزنك من ٣ شهوركويس جدا مش محتاجة تخسي ولا حاجة انتي لسه عندك ١٥ سنه يعني مرحله بناء للجسم مش محتاجة دايت انتي محتاجة بس تضيطي اكلك وتختاري الاكل الصحي اللي هيفيد عضلاتك وشعرك وبشرتك وكل حاجة وتقللي من الاكل من بره والحلويات رالسكر وغيره ، متحرميش نفسك لكن خدي بالمعقول انا بالنسبه لشراهة النشويات والسكريات ممكن امون دي فتره قبل البريود عندك وده بيعمل اصلا احساس انك جعانه على طول وعايزه حاجة حلوه لكن لو مكنتش فترة البريود فركزي انك تبدئي وجبتك ببروتين كويس يشبعك وسلطه وبعدين تاخدي الكارب بتاعك في الاخر عشان متاكليش منه كتير متحسبيش بالكالوري لانك هتتعبي جدا ومش هتعرفي تحسبي احتياج جسمك من البروتين والكارب الموضوع مش مساله كالوري بتتحسب وخلاص. ضبطي وجباتك ٥ وجبات في اليوم بينهم ٣ ساعات واشربي ميه كويس وكلي من اكل البيت عادي بكميات معقوله قومي من عاللاكل اول ما تحسي باشارات الشبع قللي خالص العصاير و الحلويات و الشبسيات العبي رباضه يوم … وهتبقي زي الفل ♥️