Khaled Adel

أولا ربنا يتم شفاءك على خير الأسنان لما بتقعد فترة مش بتتغسل بيتكون طبقة جير لا يمكن ازالتها بالفرشاة لازم طبيب اللي يشيلها لأنها بتسبب التهاب شديد في اللثة تخلي الدم يقعد ينزل مع كل مرة غسيل الحل بالترتيب ان دكتور يزيل الجير ويتم الحفاظ على الغسيل بالفرشاة بالطريقة الصحيحة اللي هيوريهالك الطبيب ونستخدم مضمضة كويسة تساعد على عودة اللثة لصحتها الجيدة وده طبعاً مع معالجة اي تسوسات أو اي مشاكل أخرى في الفم

الكشف على أسنانك في عيادة متخصصة هو الحل الأساسي

بعتذر عن التأخر في الرد ،،،، ولكن الأفضل في العموم الحاجة الثابتة لكن العوامل المتحكمة في الاختيار كثير بداية من الحالة الصحية مرورا بحالة العظام والحالة المادية والقدرة على التحمل للوصول للنتيجة النهائية السليمة

اعتذر عن التأخر في الرد مكنتش بفتح الابليكشن ....... الكسر ده مش هيضرك كمادة ولكنه أفقد التركيبة قيمتها كوظيفة لأنه مكنش شكل فقط

مفيش حاجة اسمها كده في المطلق لازم نعرف الاول ايه أسباب رائحة الفم السيئة ومن ثم نعالجها وبعدها نشوف نستخدم الاسبراي ده او لأ

يعني ايه اسبريه ؟؟

بيبقى زي الطبيعي لو اتزرع بطريقة صحيحة

حسب حالة الضرس والاشعة

مقدرش احدد بدون ما اشوف حضرتك

المسواك له فوائد كثيرة والعصارة الطبيعية اللي بتخرج منه مفيدة جدا للثة

ينفع طبعاً والوقت بيكون حسب حالة الاسنان ونوع التقويم سواء شفاف أو معدني

مينفعش اي طبيب يحدد السعر قبل الكشف وقبل الآشعة

أهم حاجة لازم تعرفها ان مفيش حد من غير ذنوب ف بالتالي متدخليش الشيطان يدخلك من هنا ويحسسك انك ملاك "قال ما نهاكما ربكما عن هذه الشجرة إلا ان تكونا ملكين"" يعني الشيطان دخل لسيدنا آدم من دينه من الحتة اللي انت فاكرها قوية عندك ..... تاني حاجة لازم تعرف أنت ليه بتلتزم اصلا وبتصلي وكل ده لازم تكون فاهم ان الطريق والالتزام وسيلة للوصول وليس هدف أوعى ..... ربنا يقويك ويثبتك

لازم مثبت يقعد مش أقل من ٥ سنين بعد التقويم لان حركة الأسنان فيها حاجة شبه الداكرة بتخليها من خلال الاربطة ترج تاني ...... بالنسبة للثة لازم طبيب يبص عليها ويحدد الاول ايه أسباب الالتهاب ومن ثم يعالج الأسباب

كراون اللي هو التاج أو الطربوش

مقدرش احكم من غير ما اشوف أسنان حضرتك وهل له مسافة كافية ولا لا .... عامة فيه حل من اثنين لو الأسنان مرصوصة كويس ممكن اللي بعده بيحل مكان الناب شكلا لكن لو الشكل متأثر يبقى نشد الناب وننزله بس دي قصة نتيجتها مش سريعة وفيه حل اخير اننا نحط كراون على الضرس اللي بعد الناب ونعمله شبه الناب

لا مش ده المعتاد بس ممكن يكون في حالة حضرتك فيه مشكلة معينة الطبيبة شايفاها محتاجة تنظيف للجذور كذا جلسة ..... ولازم في مرحلة من المراحل تعمل آشعة

مفيش أعشاب لتطهير الفم في مركبات معينة بتطهر الفم حسب حالته

اه ينفع

اختلاف الأسعار من عيادة للتانية في مصر بيتوقف على عوامل كتير منها العيادة مرخصة ولا لا الخبرة الدرجة العلمية سمعة العيادة وفي الاخر الزرعة نفسها الزرعة نفسها فيها منها أنواع كتير بس الصناعة بتاعة كل واحدة مش بتفرق ف النتيجة نتائج خرافية ممكن يعلي شوية النتائج ومش شرط فالبتالي مش لازم تختاري أغلى زرعة عشان هي الغالية المهم تختاري الطبيب صح وهو اللي هيحدد الزرعة والسعر المناسب لكن عامة أتفق معاكي ان التفاوت كبير وملحوظ

اللي بيحدد الزرع مناسب ولا لا الآشعة المقطعية وحالة الفم والحالة الصحية العامة