basmala saad

أنا موجودة و بس والنبي ما تعملي في نفسك حاجة

استهدي بالله بس روحي الاول خدي دش و اتوضي وصلي ركعتين و تعالي نتكلم

لو حابة نتناقش أنا موجودة فضفضي براحتك عيطي براحتك بس متخسريش روحك يقلبي

أنا زيك بجد كأنك بتوصفيني بصي متجبريش نفسك تتعاملي مع الناس ( اللي انتي مش حباهم او مش متقبلاهم ) ممكن تكون البيئة اللي أنتي فيها مش حابة الناس اللي فيها ميولهم واهتماماتهم ومواضيعهم ، أنتي محتاجة اللي يبقي شبهك تلاقي حد عنده اهتمامات قريبة منك نفس اخلاقك وقيمك ومع الوقت هتلاقي أنا عندي صاحبة واحدة بس دي اللي بحسها فاهماني وبتشجعني اتغير شوفي الناس اللي شبهك وكوني معاهم بس لازم الاول تتأكدي أنهم كويسين وناس مش توكسيك ومتاخديش بردوا بالمظاهر وأنهم ناس تستحقي أنك تقعدي معاهم ، بلاش أقولك تبقي وحيدة عشان ده هيتعبك مش هيطلعك من المشكلة اللي انتي فيها وانتي مش مجبرة تقولي كلام مش عايزة تقوليه و تتصنعي خالص خليكي علي طبيعتك وركزي علي أهدافك اللي انتي محدداها مع الوقت ومن غير مجهود ولا محاولة منك هتلاقي ناس شبهك بتجتمع بيكي لما يشوفوا شخصيتك وحاولي تبقي قريبة من الشخصيات المهمة عشان بردوا تتعلمي منهم وتكتسبي مهارات زي زميلة متفوقة دراسيا مش شرط تبقوا صحاب خالص بس العلاقة بينك وبينها أنك بتحاولي تتعلمي منها وبطريقة غير مباشرة بالنسبة بقي لحوار الضحك اللإرادي المشكلة دي تحليها واحدة واحدة خلي وشك مرتاح وهادي وابتسامتك بسيطة واتفرج علي الناس اللي بتضحك ببساطة أو مش بتعمل ريأكشنات بوشها كتير زي شخصيات في مسلسل ، عندك البلوجر سارة هاني لازم تاخدي طبيعتك مع الناس وشي عادي خالص مفيش حاجة تدعو أني اصتنع بالنسبة العياط عيطي براحتك بس قدام الناس اللي بيحبوكي ويحترموكي وبيخافوا علي مشاعرك بس حاولي متعيطيش قدام شخصية توكسيك أو كده وتتخذي وضعية البرود وتقنعي نفسك انك قوية قدام الشخص ده وانه مش فارق معاكي

أنا أصغر منك و زيك حاولي تبعدي عن المواضيع اللي بيتذكر فيها الجواز و الافلام والمسلسلات اللي بتسلط الضوء علي الحاجات دي ودايما تذكري الحياء و استمتعي بحياتك كسنجل عشان الجواز مسئولية تقيلة ومرهقة جسديا و غير الحمل صعب و الولادة وموال كده ف استمتعي بشبابك وافتكري دايما ان دينك واهلك ربوكي علي الحياء ف خلي تفكيرك راقي و محترم وبعيد عن الحاجات دي و اقعدي اقنعي نفسك انك لسه صغيرة و كتكوتة 😂 وان الحاجات اللزجة دي متفرقش معاكي بحاجة 😌 ولو يومك بيعدي وانتي مش بتعملي أي حاجة لا انزلي العبي رياضة اخرجي مع صحابك الكويسين اعملي حاجة جديدة و طلعي الموضوع ده من دماغك خاااااااالص

طب ايه السبب ؟ البيئة بتاعتك بيئة تافهة بيحبوا يتكلموا علي عيوبك قدام الناس بشكل ساخر أو أنتي مش حابة ميولهم واهتماماتهم ؟ أهلك واخدين الحياة باستقامة دايما مش مرنين مش بيحاولوا يتفاهموا معاكي دايما حازمين وحياتهم جد ومشقة وتحمل مفيش حاجة اسمها نقعد مع بعض أو نتبسط أو نتقبل بعض او كده ؟ حياتك أصبحت اعتيادية مفيش شئ جديد يذكر ؟ الأحداث الحلوة اللي كنتي بتعيشيها في الماضي معنتيش بتعيشيها دلوقتي مفتقرة للحظات دي ؟ فيه ذكريات وحشة عيشتيها وانتي صغيرة واتكررت لما كبرتي أو دايما حد بيعايرك بيها بشكل ساخر ف بقيتي تخاف تتواصلي مع أي حد ؟ الناس اللي حواليكي بيمارسوا البرود عليكي ؟ حصلك تروما من تجربة مؤلمة عيشتيها ؟ ايه السبب اللي وصلك لكده الحياة بالنسبة لك بقيت كليشيه ؟

بصي شوفي ايه أكثر حاجة بتحبي تلبسيها وبتليق عليكي لو بتحبي جيبة وعليها بلوزة جيبي جيبة شيفون مشجرة علي بلوزة حلوة كده لونها لايق مع لون الجيبة وطرحة حلوة تليق عليهم و اخرجي دوري علي محلات وخدي وقتك عشان تختاري حاجة لايقة عليكي وشوفي نفسك في المراية ومتستعجليش وانتي بتجيبي اللبس شوفي Pinterest بيبقي عليه صور حلوة اوي لفساتين وجيبات وكده أو تلبسي بنطلون قماش كده ممكن سادة أو مشجر وتبقي قماشته قطن وعليه بلوزة حلوة تليق عليه

لا حول ولا قوه الا بالله العلي العظيم استهدي بالله بس طب نتناقش لو حابة واهدي كده

لو حابة اشتغل في الجرافيك و اللوجو والحاجات دي وأنا معنديش لابتوب اعمل ايه وبعد ما اتعلمت إزاي أسوق لنفسي ؟

حبيبتي أنا معملتش حاجة 🤍 وانتي ذوق وعسل و هتتغير و هتبقي أحسن واحسن ربنا يوفقك في حياتك اللي جاية يقلبي

ربنا يفرج كربك يا رب ويهدي أهلك ويصلحهم يا رب ويرزقك بصحاب كويسين و ناس لطاف زيك

ممكن ارشحكلك مسلسلين كوري كده حلوين هيعلموكي كتير اوي ، اسمهم ( تزوجي زوجي ) والتاني ( المرأة القوية دو بونغ سون ) قصتهم حلوة جدا جدا ، المسلسل الأول هيعلمك إزاي تبقي قوية و تتعاملي مع اللي بيضايقك بذكاء ، التاني بيحكي عن بنت عندها قوة خارقة بس مامتها بردوا بتنبذها و بتميزها عن اخوها شوفيهم هيعلموكي كتير

حاولي تفصلي نفسك وتعزلي نفسك عن مامتك وأخواتك أنا مش مرتاحة وأنا بقولك ده بس قربك الشديد منهم هيضغط عليكي جامد حاولي تقللي الاحتكاك بيهم ، زي ما قولتلك ممكن تقنعيها تنزلي كورس أو تلعبي رياضة ولو موافقتش روحي كلمي باباكي شوفي مين بيقنعها وروحي كلميه ممكن خالتك جدتك أي حد تعرفيه المهم تروحي مكان يخرجك من جو البيت الخانق و تتعرفي علي ناس أكثر وكده ده هيفيدك جدا جدا جدا وخليكي مصرة علي اللي انتي عايزاه لغاية ما يزهقوا ويقولولك ماشي 😂

بجد انا زعلانة لزعلك وللي بتمري بيه بجد يمكن انتي شخصية جادة بتحبي تعملي الصح وكده وهم مش عايزين كده ، عايزين حد يسقفلهم علي الغلط وكده وتعملي اللي هم عايزينه مش اللي أنتي عايزاه أنتي ماشية مظبوط مفيش فيكي أي حاجة غلط خالص يمكن هم بس اللي محتاجين يتغيروا ، مش عارفة اللي فهمتوا صح ولا لاء ، أن مامتك ممكن مش بتحب قرايبك ف بتضايق لما أنتي تبقي معاهم هي عايزة تتملكك وخلاص مش عايزاكي تحبي حد غيرها أو تهتمي بحد غيرها بس احب اقولك أن ده مش صح ، الأم بتبقي مبسوطة لما تشوف ولادها مع اهل وقرايب كويسين و صحاب كويسين ده ميزعلهاش في حاجة ، في الحالة دي قربي من باباكي وكلميه قوليله أيه المانع اخرج مع صحابي واشوف قرايبي ماما بتمنعني عن ده وخليه يتكلم معاها براحة خليه يقنع مامتك أنك تعيشي حياتك زي ما أنتي عايزة طالما مش بتعملي حاجة غلط ، فيه حاجة مؤلمة ومش حلوة أني أقولهالك بس مفيش حل غير كده ، حاولي تقللي النقاش مع مامتك واختك لأني شايفة أنهم مش متفهمين شخصيتك وأسلوبك و للأسف التغيير مش هيحصل غير لما يقتنعوا أنهم فعلا غلط ف خلي التعامل سطحي علي قدر الإمكان يعني علاقتك بمامتك تكون مساعدة في البيت ، تجيبي معاها الطلبات تراعيها كأم ،بس متنتظريش منها حاجة وحاولي ردودك تكون مختصرة وتهدي الدنيا علي قدر الإمكان ، ولازم ولازم تقربي من باباكي و يساعدك تاخدي قراراتك وتعملي اللي انتي عايزاه من غير ما حد يقف قصادك أو يضايقك وهو هيتصرف ولو حد رفضلك حاجة أو ضايقك من اخواتك روحي قوليله علطول متسكتيش ومتجادليش معاهم وهو يتصرف وزي ما قولتلك عيشي حياتك واخرجي و أنا فهماكي في حتى أنهم بيحبوا ينكدوا علي الواحد فرحته و لما تحبي تعيطي عيطي براحتك متكتميش في نفسك ، إن شاء الله ربنا يعوضك خير و يرزقك ناس الكويسة في حياتك و حقيقي صبرك علي أهلك جزاؤه عند ربنا عظيم جدا أنتي مش متخيلة

وحاجة كمان شوفي رياضة أنتي حاباها واشتركي فيها مثلا تنس سباحة كيك بوكسينج أي رياضة واستمري عليها هتفرق معاكي و هتخرجك من الوضع اللي أنتي فيه واخرجي و اعملي اللي نفسك فيه الدنيا فانية يقلبي مفيش حاجة مستاهلة تتعبي نفسك عليها لو آمنت ب ده هترتاحي

اولا اعرفي نفسك وتعمقي فيها بمعني اعرفي عيوبك ومميزاتك دي حاجة هتفرق جدا معاكي هتخلي التركيز كله علي نفسك وهتفهمي نفسك بعيد عن الناس وآرائهم و نظرتهم السطحية طب اعرف ده إزاي راقبي مشاعرك شوفي بتحبي ايه و بتكرهي ايه ايه الحاجة اللي بتسببلك خنقة وأعرفي أسبابها اقرأي كتب عن الذات وكده فيه كتب كتير عن كده ممكن تبدأي بكتاب عقدك النفسية سجنك الأبدي و كتاب محاط بمرضي نفسيين ودوري فيه كتب كتير واقرأي قراءة موسعة عن الدين و شوفي تفسير قرآن والسبب أنك لما تعرفي الصح من الغلط هتقدري أنتي تقيمي نفسك مش حد يقيمك فهماني ؟ هتتخلصي من آراء الناس و شكوك اللي بتدور في نفسك بسبب طريقة تعاملهم معاكي وكده ونظرتهم ليكي وهيزودك ثقة في نفسك وراحة نفسية لأنك هتبقي ادري بنفسك أنا عارفة أنا بعمل ايه ف رأي الناس مش هيلزمني بحاجة لأنك هتدوري علي رضا ربنا ولازم تبقي صادقة مع نفسك عارفة العيوب اللي هي عيوب فعلا والمميزات اللي هي مميزات فعلا ثاني حاجة اتكلمي ضروري مع مامتك لوحدكم بعيد عن اختك طبعا وصارحيها بكل مشاعرك باحترام طبعا لو تفهمت ده. ف خير وبركة متفهمتش ده وقعدت تبرر وفضلت تقولك أنتي معرفش ايه وبتاع ف اقفلي الحوار بهدوء وتقبلي الوضع و أسالي نفسك بردوا ايه نوعية الحوار اللي بيدور بين اختك ومامتك هل حوار مفيد و كده ولا بيتكلموا علي حد ؟ هل بيفكروا بشكل سطحي ؟ ف انتي شايفة أنهم بيفكروا بشكل غلط او بيتكلموا في حاجة غلط ؟ هل ذوقك مختلف عن ذوقهم ؟ هل نوعية المواضيع اللي بتتكلمي عليها غير اللي بيتكلموا عليها ؟ هل انتي اسلوبك في حوار عنيد وعنيف بتدخلي الحوار بشكل ناشف وجامد ف ده بينفرهم منك ؟ ف انتي دوري واتعمقي هتفهمي ، و افهمي شخصية مامتك واختك كويس جدا هتفهمي ليه بيتعاملوا معاكي كده بالنسبة لباباكي اتكلمي معاه و صارحيه بمشاعرك بردوا لازم تتكلمي معاهم وتفهمي شخصيتهم يحبيبتي وتقربي منهم وتتعاملي بقي علي أساس شخصيتهم و لو مقدرتيش تعالجي ده ف فوضي امرك لله واصبري وإن شاء الله ربنا هيجازيكي علي صبرك علي أهلك وحاولي تتدوري علي الحاجات الكويسة اللي بيعملوها بردوا عشان منقعدش نفكر في السلبيات وبس و اقراي كتاب سندريلا سيكريت هيساعدك تغيري طريقة تفكيرك و يديكي الدافع تحسني من نفسك ومن حياتك ، بصي أنا حاسة بالعجز الشديد لأني عارفة أن حوار الأهل ده صعب جدا ومعقد جدا وربنا يعينا يعني بس آخرتها خير إن شاء الله وربنا يرزقك يا رب في المستقبل بزوج صالح و اولاد صالحين يعوضوكي عن أهلك اللهم آمين يا رب العالمين ، وراعي أهلك عشان ربنا يكرمك فيما بعد ويرزقك بناس كويسة ، بالنسبة لحوار الصحاب كلنا قابلنا ناس مش كويسة ومأثرين علي نفسيتنا جدا ودمروا فينا حاجات حلوة كتير بس احنا في الأول والآخر بنتعلم يحبيبتي لازم تبدأي تلغي من حياتك أي علاقة سلبية و توكسيك و لازم تبقي قوية وتاخدي القرار ده وتحطي حدود لكل واحد محدش يتخطاها ، وده ميمنعش أنك تصاحبي بس بعقل خليكي شخصية غامضة متحاوليش تعرفي حد حاجة عندك وادرسي الشخص اللي قدامك كويس جدا قبل ما تفكري تصاحبيه و متعمليش حاجة غصب عنك لو مش حابة تقعدي مع حد متقعديش لو مش حابة تخرجي مع حد متخرجيش متجبريش نفسك علي حاجة أنتي مش عايزاها تحت مسميات ملهاش لزمة واللي ميقدرش مشاعرك متقدريش مشاعره واخيرا اصنعي لنفسك هدف تمشي عليه اوصلي لمكانة عالية و اصبري علي نفسك وشوفي أنتي بتحبي ايه واعمليه واستغلي عليه اتعاملي مع كل الناس عشان بس تفهمي الحلو من الوحش عشان تختاري الناس بعناية و ادي مساحة لمشاعرك عيطي وقت ما انتي محتاجة ده فرغي مشاعرك متراكميش في نفسك حاجة خاااالص إياكي والمراكمة ومتسمحيش لحد يفرض عليكي حاجة ، دوري علي قرايبك الكويسين اللي بيحبوكي ومن فترة لفترة كده زوريهم واتعاملي معاهم ده هيحسن من نفسيتك صدقيني ودوري علي الناس الكويسة اللي في حياتك ربنا معاكي ويصبرك و يرزقك التوفيق والنجاح والسداد في حياتك يقلبي

مش قصدي 🥺💔 أنا بحاول أفهم السبب ورا اللي انتي فيه بس

دايما شوف الجانب الإيجابي اللي هتاخده لما تعمل الحاجة دي و سيبك من الجوانب السلبية لأنها ممكن تكون مش موجودة ولو حتي موجودة ف تقدر تتعامل معاها وتتكيف معاها مع مرور الوقت واقنع نفسك لو فضلت اركز علي الحاجات السلبية واتجنبها ومحاولتش أخوض التجربة في أي حاجة هفضل محلي السر وحياتك هتبقي مجرد سيناريو واحداث متكررة بسبب خوفك من التجربة أو من الجانب المحبط أو السلبي من الحاجة دي إيجابيتك بتبدأ لما تشوف الجوانب الجميلة الواقعية في الحاجة دي الموضوع محتاج قراءة وتثقيف وافهم الحاجة ومميزاتها واعرفها عيوبها بردوا بس شوف هتتصرف إزاي وتتعامل إزاي معاها

حضرتك بتفكرني ب بابا لأنه نفس شخصية حضرتك أفضل شئ أن حضرتك تجمعهم و تتكلم معاهم وتعرفهم أنك بتعمل كده عشان بتحبهم و عايز توجههم للحاجة الصح وتعرف مشكلة الاخت مع أخواتها ايه و تعترف ليهم أنك بتحبهم وأن علاقتهم بيك لازم تكون بر و ود ومحبة مش خوف وجبن وبس كده أتمني اكون أفادت حضرتك

وأنا بردوا