انا حاليا لسه اولى جامعه دخلت كلية تجارة علشان حابة مجال البيزنس بس والدي كان عنده اعتراض لان مجموعي كان جايب كليات تانيه زي علوم وتربية وكان عاوز اني ادخل كليه منهم بس وافق على قراري في الاخر دلوقتي مش بقالي غير اسبوع واحد في الجامعه مش اخدت فيه حاجات كتير كان اسبوع تعارف على المواد اللي هناخدها والدكاترة اللي هيدونا بس من دلوقتي وبابا بيقولي ذاكري عاوزك تبقي دكتوره في الجامعه بس انا داخله الكليه علشان اشتغل في مجال البيزنس والشركات والبنوك وكده وغير كده انا عارفه اني ممكن اه اتفوق بس مش لدرجة اكون الاولى او التانية على الدفعة لان في معايا ناس كتير افضل مني انا نفسي اوصله الفكرة دي بس مش عارفه لانه مش عنده نقاش في حاجه زي دي ارجوكم حد يقولي اعمل اي
تم النشر الخميس، ٥ أكتوبر ٢٠٢٣
انا داخله اولى جامعه عاوزة يبقى عندي بيزنس خاص بيا بجانب الدراسة بس انا مش بخرج ومش هعرف اشتغل بره البيت لان اهلي بيخافوا عليا علشان كده ممنوع اني اشتغل فانا عاوزة الاقي مهارة او مشروع اشتغل بيه من البيت من غير ما احتاج يكون عندي راس مال كبير
تم النشر الأحد، ٢٤ سبتمبر ٢٠٢٣
أنا عاوزة ادخل كليه تجارة وعاوزة اعرف معلومات عن الكلية ودراستها من شخص جربها او عنده معلومات عنها
تم النشر الجمعة، ٢٥ أغسطس ٢٠٢٣
أنا لسه مخلصة ثانوية عامة وجبت 84.5% مجموعي كويس نوعا ما كنت عاوزة ادخل حاسبات ومعلومات وقدمت عليها في الرغبات في تلات جامعات قريبين مني وبعد كده كتبت تجارة مع أن مجموعي يجيب كليات تانية كتير كويسه بالنسبة لاهلي زي علوم وتربية بس أنا حابة كده وهما بداو يشككوني في اختياري بعد ما كنت واثقة من اختياري بقيت متلخبطه مش عارفه أنا صح ولا لا
تم النشر الخميس، ٢٤ أغسطس ٢٠٢٣
يا بنتي حرام عليك نفسك انت كده بتاذي نفسك انت مش بتاذي حد ثاني غيرك مش كل كلمه حلوه تصدقيها لان على معظم الكلام اللي بيبقى في السن ده بيضحكوا بيه عليكي يعني مامتك معاها مستقبلك اهم استثمري في نفسك مش تسيبي نفسك حاجه زي كده حاجه زي ديت تخلي عندك ايه الثقه بالنفس قله ثقه بالناس ضعفه في شخصيتك هتسبب لك امراض نفسيه على المدى البعيد هتاذيك انت بعدين اسمعي مني هتتاذي نفسيا وجسديا وكمان هتخسري حاجات كثيره في نفسك وانت ساعتها هتبقي كارهه نفسك لما تكبري
تم النشر الأحد، ٢٤ سبتمبر ٢٠٢٣
حط حد ليهم واقفلهم وفهمهم أنهم ولا حاجه بس بطريقه مخفية هتلاقيهم بيبعدوا من نفسهم أو تجنبهم وحسسهم بعدم الاهتمام وعاملهم بلا مبالاة وكأنهم مش موجودين اصلا لان الاشخاص دي طول ما انت بتعاملهم كويس هيفتكروا نفسهم محور الكون بالنسبالك وهيتمادوا معاك
تم النشر السبت، ٢٦ أغسطس ٢٠٢٣
بصي أنا تقريبا مريت بموقف زي ده مع صحبتي كنت دائما أنا اللي اروح اصالحها لحد ما تعبت واكتئبت بسببها فيا حبيبتي بلاش تيجي على نفسك علشان حد وطالما انتي متمسكه بيها هقولك على حل روحي واجهيها بكل اللي انتي حاساه ده واطلبي منها تبرير للي بيحصل ده وعلى أساس رد فعلها هتقرري لو تفهمت كل حاجه وفعلا قالتلك تبرير للي بيحصل أفضلية معاها واقفي جنبها لاخر لحظه بس لو اتخانقت معاكي على كلامك فابعدي عنها احسن ليكي لأن شخصية زي دي مش هيفرق معاها غير نفسها ونصيحة مني بلاش تتعلقي بحد لان مهما كان مين الشخص مسيره في يوم هيختفي الناس في حياتنا فترات بيجوا يعلمونا درس ويمشوا
تم النشر الجمعة، ٢٥ أغسطس ٢٠٢٣
شكرا ويمكن حضرتك معاك حق يمكن اقدر اعمل كده ربنا يسهل وان شاء الله هعمل بكل طاقتي 🌹
تم النشر الجمعة، ٦ أكتوبر ٢٠٢٣
شكرا بجد وان شاء الله هعمل كده 🌹
تم النشر الجمعة، ٦ أكتوبر ٢٠٢٣
انا ناوية اتخصص ادارة اعمال يعني موجود قسم التسويق وال hr والعلاقات العامه وكده وانا شعبة لغة انجليزية يعني لازم معايا الانجليزي
تم النشر الجمعة، ٦ أكتوبر ٢٠٢٣
اجتهدي في دراستك واشغلي وقتك بحاجه مفيدة وممكن تبدأي مشروعك الخاص في اي مجال تتعلميه ولما تكبري هتبقي ناجحه بإذن الله ♥
تم النشر الاثنين، ٢٥ سبتمبر ٢٠٢٣
شكرا جدا طمنتني أنا كنت خايفة جدا اني اخد قرار اني ادخل انجليزي
تم النشر الاثنين، ٢٨ أغسطس ٢٠٢٣
درستها وبالذات نظام الساعات المعتمده انجليزي والمواد اللي هدرسها وهل في كورسات اقدر اخدها قبل ما ادخل تهيأني للكلية والدراسة فيها
تم النشر الاثنين، ٢٨ أغسطس ٢٠٢٣
شكرا جدا هو اه أنا مش ازهر بس فادتني المعلومات الموجودة شكرا
تم النشر الأحد، ٢٧ أغسطس ٢٠٢٣
خلاص اتجنبهم وسيبك منهم حاول تبعد عنهم على قد ما تقدر
تم النشر السبت، ٢٦ أغسطس ٢٠٢٣
أنا عاوزة اتخصص إدارة
تم النشر الجمعة، ٢٥ أغسطس ٢٠٢٣
هو انا كتبت الرغبات وجاتلي تجارة بس في احتمالية اني اقدم على كلية تانية وكنت مقتنعه بس أنا خائفة من تحمل نتيجة اختياري
تم النشر الخميس، ٢٤ أغسطس ٢٠٢٣
حاسبات مجموعي مش جابها وتربية أنا مش بعرف اشرح أنا اصلا كلامي العادي محتاج حد يشرحه
تم النشر الخميس، ٢٤ أغسطس ٢٠٢٣
لعرض الملف الشخصي في فدني اضغط هنا