Mariam Mohammed

طب بص بقا علشان انا مريت باللي انت فيه ده كله قبل كده كان الحل عندي التنظيم وبدايه اليوم من بدري يعني كنت بصحى من قبل الفجر اصلي ركعتين قيام ليل حتى لو بجزء صغير من القران والفجر ياذن اصلي وابدا اذاكر لمعاد اول درس وارجع اكمل مذاكره واعمل واجباتي بصراحه انا كان نفسي اوي ادخل صيدله كلينك بس الحمدلله على كل حال جيبت 85% انا كنت دفعه 2023 وبسبب اني مجيبتش المجموع اللي يدخلني الكليه دخلت تجارة بالرغم ان كان متاح ليا كليات كتير بس انا صممت على تجارة انجليزي ساعات معتمده واجتهدت فيها واطلعت من سنه اولى بامتياز مرتفع وده كله بالتنظيم وحته حب الاكل دي انت مش سهل تتخلص منها انت بس عليك انك تحدد على الاقل نص ساعه غي الجيم هتفرق معاك في جسمك ونفسيتك ودايما في المذاكرة رتب بالاولويات وابدا وقول لنفسك مش هقوم الا لما اخلص المهام بتاعت اليوم اللي لازم تكون كاتبها في اول اليوم بس متافورش وتكتب حاجه انت عارف انها فوق طاقتك واعرف بس ان مش الشاطر اللي يجيب مجموع في ثانويه عامه بس الشاطر هو اللي يثبت نفسه في اي كليه دخلها وبالتوفيق ليك ولاي حد في ثانويه عامه وربنا معاكو ويقويكو يارب

طب بعد اذنك يا دكتور انا من صغري والدكتور بتاع الطفال كان قايل لماما ان معدتي ضعيفه بس الفتره الاخيره معدتي بقت بتوجعني من الاكل بس بتفاوت على حسب نوع الاكل ومش عارفه اظبط اي الحاجات اللي المفروض اكلها واي لا ومبقدرش اني اخد اي منتجات البان لانها بتوجعلي بطني جامد فلما سالت قالولي لازم اروح لدكتور تغذيه يظبطلي الاكل

عارفه انها صعبه لما تيجي من الاهل لانهم المفروض الدعم والسند انا يمكن صغيره اني افيدك لان انا لسه عايشه معاهم بس صدقيني لم تفكري في نفسك وتنسي الكل تسالي عليهم من باب البر وصلة الرحم وانك بتعملي كده لله هترتاحي انتي عمرك ما هتغيرهم او تبعدي لان في الاخر دول اهلك فالاحسن انك تنشغلي بنفسك وحياتك وتحاولي تنسي الماضي علشان تتاقلمي معاه لان جرح الاهل عمرك ما هتقدري تتخطيه انتي بس هتتعايشي معاه زيه زي المرض المزمن بالظبط متقدرش تتخلص منه بس بتتعايش معاه واسفه على التشبيه بس صدقيني طالما انا اقدرت اتعايش وانا معاهم في نفس البيت فانتي اكيد هتعرفي تتعايشي بالذات انك بعيده

بصي انا مريت بتجربة الثانويه مش بقالي كتير انا حاليا داخله تانيه جامعه اول حاجه هتعمليها تقللي توترك لأن ده سبب النوم الكتير والخمول اللي انتي فيه تاني حاجه هتبدأي تنظيم وقتك براحتك خالص ابدأي يومك من الفجر أو اصحي قبله بشويه صلي ركعتين وصلي الفجر ابدأي راجعي انتي هتاخدي اي قراءة سريعه يكون عندك معلومه بس وذاكري لحد معاد اول درس خلصتي دروسك روحي البيت ارتاحي نص ساعه وابدأي ذاكري انا عارفه أن مواد الأزهر كتير علشان كان ليا في ثانوي صحاب ازهر وكنت يشوفهم بيعانو كتير من المواد فاللي انتي فيه طبيعي وصدقيني المدرسين محدش بيعمل حساب انك ازهر أو عام أو عندك مواد تانيه هتتذاكر لأن كل واحد بالنسباله الطالب مش بيذاكر غير مادته وبالنسبة لحوار الحفظ دي ميزة علفكرة مش عيب زي ما الناس بتعايرك لانك عندك القدرة انك تفهمي بس الموضوع بياخد وقت مش اكتر أما اللي معندوش القدره أنه يحفظ مهما عمل بينسى وانا كنت كده مكنتش بعرف احفظ وكنت بعاني أما انتي فانتي عندك قدرة الحفظ وكمان تقدري تفهمي بس بتاخدي وقت اهم حاجه تنظيم وقتك وتحلي واجباتك بانتظام وياريت متراكميش على قد ما تقدري واليوم الإجازة في الاسبوع حاولي تلمي اي حاجه متراكمه عليكي على قد ما تقدري متحمليش نفسك فوق طاقتها وبالنسبة لأهلك فدي حاجه حلوة علشان لما تجيبي مجموع حلو هيحسوا بفرحه كبيرة ولو لا قدر مجموع كان متوسط لاني واثقه انك شاطرة وهتجيبي مجموع كويس جدا فمش هيزعلو زي لو كان عندهم أمل كبير انك تجيبي كليات مجموعها عالي وصدقيني انت في كلية اي مش مقياس للشطارة المهم انت هتعمل اي جوا الكلية ياما ناس ممتازة ودخلوا كليات مش طبيه فربنا معاكي وحاولي متتوريش لأن ده اللي بيسبب مشاكل كتير وبلاش احباط لانه هيأذيكي وللمرة التالته بلاش توتر بلاش توتر

يا بنتي حرام عليك نفسك انت كده بتاذي نفسك انت مش بتاذي حد ثاني غيرك مش كل كلمه حلوه تصدقيها لان على معظم الكلام اللي بيبقى في السن ده بيضحكوا بيه عليكي يعني مامتك معاها مستقبلك اهم استثمري في نفسك مش تسيبي نفسك حاجه زي كده حاجه زي ديت تخلي عندك ايه الثقه بالنفس قله ثقه بالناس ضعفه في شخصيتك هتسبب لك امراض نفسيه على المدى البعيد هتاذيك انت بعدين اسمعي مني هتتاذي نفسيا وجسديا وكمان هتخسري حاجات كثيره في نفسك وانت ساعتها هتبقي كارهه نفسك لما تكبري

حط حد ليهم واقفلهم وفهمهم أنهم ولا حاجه بس بطريقه مخفية هتلاقيهم بيبعدوا من نفسهم أو تجنبهم وحسسهم بعدم الاهتمام وعاملهم بلا مبالاة وكأنهم مش موجودين اصلا لان الاشخاص دي طول ما انت بتعاملهم كويس هيفتكروا نفسهم محور الكون بالنسبالك وهيتمادوا معاك

بصي أنا تقريبا مريت بموقف زي ده مع صحبتي كنت دائما أنا اللي اروح اصالحها لحد ما تعبت واكتئبت بسببها فيا حبيبتي بلاش تيجي على نفسك علشان حد وطالما انتي متمسكه بيها هقولك على حل روحي واجهيها بكل اللي انتي حاساه ده واطلبي منها تبرير للي بيحصل ده وعلى أساس رد فعلها هتقرري لو تفهمت كل حاجه وفعلا قالتلك تبرير للي بيحصل أفضلية معاها واقفي جنبها لاخر لحظه بس لو اتخانقت معاكي على كلامك فابعدي عنها احسن ليكي لأن شخصية زي دي مش هيفرق معاها غير نفسها ونصيحة مني بلاش تتعلقي بحد لان مهما كان مين الشخص مسيره في يوم هيختفي الناس في حياتنا فترات بيجوا يعلمونا درس ويمشوا