Shimaa Elsawy

وعليكم السلام ورحمة الله وبركاته: تعرفي أنتِ مش عاوزه أو مش علاجك المواساة، علاجك أن حد يسمع منك ويعطيك حلول أو يقدر إنه يخليك تتخطي ده كله، يعني يسمع ويحللك بعدين يكلفك قدام نفسك بعدين تبدء مرحلة العلاج وال هتكون أولها المساعدة علي التخطيط بعدين هتخليك تركزي علي الموضوع من جانب تاني غير ال أنتِ شيفاه وده بيكون أول مراحل الشفاء "الإدراك" فأنتِ محتاجة أخصائي نفسي سواء زيارة فالعيادة أو عن طريق أي أبلكيشن نفسي أون لاين، دي رواسب من الطفولة لازم تعالجي نفسيتكمنها عشان تقدري تكملي من غير عواقب وعوائق نفسية، وطبعا اللجوء لربنا والمداومة علي قراءة القرآن لأنه شفاء وربنا ذكره بأنه شفاء🤍

أكيد هيفيد التواصل مع معالج نفسي، ويفيدك أكتر علاقتك مع ربنا

متكلمهوش أنتِ بجد، ولو أتصل أو غيره المفروض نصًا تقولي كده ليه بتكلمني وأنت لسه بتفكر هتكمل ولا لأ، لأ لو سمحت ي ريت ميكونش فيه تواصل تاني لحد م تاخد قرارك، لأن أنا مش متاحة ليك طول الوقت، ولا المفروض علاقتي بيك تكون واقفة علي آه أو لأ منك أنا ال مش عاوزه ده، ي ريت متتصلش تاني بيه أنا مش شايفة من موقفك أصلًا أني أكمل معاك بجد أنا واحدة من الناس قرأت كلامك عرفت أنه أحتمال ميكملش أصلا وده مجرد بيخرج من العلاقة بشويش، الحركات والمواقف دي شوفتها علي جروبات البنات بالتكرار، ولعلي أساءت الظن به لو قولتيله الكلام ال فوق ده وهو فعلا مش بيتلكك هياخد خطوة جد، لأنك كده هتبقي حسمتي قرار فالعلاقة دي، وصدقيني مش معني أنه معرفك علي مامته الكلام ده كله يبقي صادق بعدين حبيبتي، أنتِ مسلمة! بجد العلاقة دي بتاخدي عليها ذنب لأن الإسلام محرم ده ودي علاقة غير شرعية حتي لو كملتوا وأتجوزتوا الجواز مش هيغفر ذنوبكم، وال كلمتيه وكان ليك نصيب فيه، هو نفس الشخص ال هتاخديه لو مدخلتيش معاه في علاقة غير شرعية وأقصد هنا خطوبة أو جواز فليه ناخد نصيبنا وأحنا مرتكبين ذنب كبير زي ده، ولو مطلعش هو نصيبك ال ربنا كاتبهولك! هتكوني أستنذفتي قلبك فعلاقة غلط، وقلبك مش بسهولة هيرجع زي م كان، طب وقتها هتقدمي إيه للشخص ال من نصيبك؟ وهيكون إيه وفين مكانه من قلبك؟! طب وطاقتك ال هتستنزفيها فمكان مش مكانها ليه أصلا منصبرش غشان نحفظ قلبنا وطاقتنا لمكانها الصح والمكتوب ليها، ربنا يهديك ويحفظ قلبك من الأذي والجرح

الحمدلله الذي عافانا مما أبتلي به غيرنا حضرتك كده علشان تعافي وتعالج نفسك، فيه خطوتين مهمين مفيش غيرهم أولهم علاقتك بربنا تكون كويسة أسمع للشيخ علي اليوتيوب وزود نفسك بأعمال صالحة أكثر، ومعاها ضروري جدا جدا دكتور أو معالج نفسي تحكيله ويقدر يساعدك تتخطي وتتغلب علي نفسك وعلي وساوسها أنا أصلا فالمجال النفسي لكن للأسف لسه مش مؤهلة أني أقدر أساعدك، لكن فيه أبلكيشنز كتير تقدر تكلم أخصائي نفسي أو دكتور نفسي منها طبيب نفسي وهبحث وهزودك بمعلومات أبلكيشنز أكثر إن شاء الله ولو قدرت تنزل لدكتور عيادة هتبقي خطوة كويسة لكن رشحتلك الأبلكيشنز الاون لاين عشان حضرتك ذكرت أن الحالة المادية مش كويسة ربنا ييسرلك أمورك بخصوص أن حضرتك متدين ومبتلي بهذا أقدر أقول نفسك ضعيفة لدرجة أنها هي المتحكمة فيك وده هتتعب فيه لحد م تقدر تكون متوازن تاني لكن مقدمكش غير أنك تتحدي نفسك وتحاول تتخلص من ذنوبك وبالأخص ذنبك هذا، ومتيأسش مفيش حد بينجح أنه يتغير بسهولة أو أول مرة لازم بتتعب ولازم تكون صادق ونيتك سليمة علشان ربنا يكرمك ويوفقك ف ترك الذنب هذا(وألزم ذكر الله طول الوقت وبالأخص الأستغفار ويكون من قلبك وذنب اللذي تستغفر من فعلهحاضر في ذهنك) ي رب تدخل شهر رمضان وأنت تارك وكاره هذا الذنب، وبادئ مع ربنا من جديد، نادم علي فعلك وعلي غفلتك، ربنا يتوب عليك ويجعلك من التوابين، ربنا يجمع بين ظاهرك وباطنك بالخير والعمل الصالح، ويهذب أخلاقك وطباعك ويجعلك له أقرب

سيبك من أولي وتانية عاوزهم فإيه دلوقتي وليه شاغلين بالك ملهمش لازمة يكونوا ف تفكيرك الايام دي؟ الفرنساوي دي مادة مفيش في سهولتها لو عطيتلها من وقتك ساعة يوميًا هتكون ممتاز فيها الجغرافيا محتاجةمجهود لكن تتلم شوف إيه مش واصلك فيها وأسمعه يوتيوب جزء جزء وعلي فكرة حكاية مش بعرف أذاكرها دي مبتكونش بناءًا علي الشرح لأ بناءًا لما تيجي تحل عليها أسئلة أنت ممكن تتفاجأ بالرغم إحساسك من قلة تحصيلك للشرح إلا أنك حليت لحد ما حل كويس وعموما مادة زي الجغرافيا مادة واسعة وليها جوانب كتير ف طبيعي تحس كده وقت المذاكره وسماعك للشرح لإنك لسه بتكون محتاج معلومات أكتر عشان تقدر تلم ال بتذاكره

لو الموضوع نفسيًا عاملك عائق أوي ألبسي النقاب! غير كده متتلفتيش ولا تلقي للأمر أهتمام الموضوع ميستحقش إرهاق نفسك كده

بجد أعظم والنصايح فالموضوع ده لن تغنيك عن صلاة قيام الليل تتكلمي مع ربنا وتدعي يزول همك ويساعدك ويهدي باباك ويحذف في قلبه الحنية علي مامتك وعليك، حاجة تانية رغم جرحك الكبير معذرة لو هقولك بالرغم ال بتحكيه قربي من باباك بجد وده من وجهة نظري ليه فايدة وده لأن زي م قولتي أن شخصيته ضعيفة يعني ممكن جدت مراته الأولي وولاده هما سبب غضبه عليكم وتسخينه، ف يمكن رد فعلكم لو معاكس لفعله يتذبذب ف لهيتحاشى أصلا لإما هيهدي خالص لكن هرجع وأقول أن هيهدي وهيثور ومش هيستقر لكن علي الأقل هيكون فيه مدخل كان المفروض وأسفي ليك أن مامتك تتطلق من إيمتا وربنا بيرضي الذل والإهانة لعباده لما أحنا نرضاه علي نفسنا؟! لكن معلش ده إبتلاء وهتأجري عليه وهيتحاسب عليكم وارجع وأقولك ربنا بيهدي قلوب ناس كانت كالحجارة مش قادر أنه يهدي قلب باباك ويحننه عليكم؟ أنتِ بس صلي قيام ليل وأدعي واحكي لربنا هيحلهالك وهيصبر قلبك وقلب مامتك حتي تتهيئ الأسباب؟ بتصلي؟ صلي لو مش بتصلي ملكيش غير ربنا وصلاتك وقربك من ربنا والله العظيم تربك الظالم والقاسي

بتحبيه، وبيحبك، معتقدش أن بعد الاوبشن ده تكوني مترددة خالص، ربنا يسعدكم بيحبك يعني: هيحترمك، وهيقدرك، لو حصل مشادة أو سوء تفاهم مش هتهوني عليه، وهيكون فيه تفاهم، ف ليه لأ!!!

مش يمكن ميكونش حب، ويكون إنبهار بشخصيته، وأن فيه المميزات ال بتحبيها أو ال تتمني تكون ف شريك حياتك؟! يعني مثلا ممكن لو معرفتيش تتقربي من مديرك، وبعد فترة أتصادفتي مع حد مشابه ليه من جانب مميزاته وشخصياته، وبرفاناته تعجبي بيه وتصرفي نظر عن مديرك؟! ده مش حب حبيبتي، ولو حب مش حب ناضج أبداا، لأن الحب الناضج هو أن أحنا نحب شخصية الإنسان وداخله وطباعه، بمميزاته وتقبل عيوبه، وإزاي نتصرف معاها، ده الحب ال بيزيد عن يوم عن التاني والصحي لينا، لأن الأعجاب بالمظهر، و بالتسهيلات ال مع الطرف الآخر مش هيدوم، دي نظرة مش صحيحة منك للجانب ده، ومقصدش طبعا الجانب المادي؟ حبيبتي، أنتِ مسلمة؟! طيب مش ربنا أمرنا بغض البصر، لأنه عز وجل أعلم بقلوبنا، وأنها ممكن تتخدع وتقف ف محطات مش بتاعتها، ف تنضر وتتأذي، ونحزن، ونستهلك عاطفتنا علي الفاضي، ف لما ييجي المناسب لينا، بنحس أن إيه ده قلوبنا مالها، ي ريتها م أتعلقت بحد، ربنا يجبر بخاطرك، وي رب من أحلامك ال يكون فيها الخير ليك تكون من نصيبك 💙

الشغل مش هيبعد الاكتئاب، الشغل هيلهيك، فيحصل موقف هتحسي نفسك اتهديتي وذبلتي، ربنا يجبر بخاطرك، ويسعدك، مجال شغلك إيه وأكتبِ علي جروبات الفيس ال تخص مجال شغلك، وإن شاء الله تلاقي، بس حاولي تكوني أحسن من حيث النفسية، نفسيتك وراحتك أهم الأول عشان تقدري تكملي ومتبذليش، وصلي قيااااام ليل كتيييير، بجد الكلام مع ربنا أحلي، وأي دعوة هتدعيعا بإذن الله مجابة❤️❤️

الناس هتبدء تحبك وتقدرك وتحترمك لما يلاحظون إنك بتعملي ده مع نفسك، بتحترميها وتقدريعا وبتحبيها، وبتسعي تكوني أحسن، دي أول خطوة لازم تعمليها وتقعدي مع نفسك وتدركيها الناس هتكون حواليك لما يدركوا إنك حياتك من غيرهم تمام، وإنك بتسعي إن أهتمامك يكون بنفسك، وتتعاملي مع الناس أقل وقتها بتكوني بالنسبالهم حلو يتقربوا منهم، لأن مش ده العادي ال بيشوفوا من الناس صاحب بودكاست فنجان، قال كلما زادت مهاراتك، زادت حاجة الناس إليك، أسعي إنك تكوني شخص يملك كثير، مش فلوس طبعا، بس يملك ال يخليه ناجح ف عين نفسه، فينكس ده ف عيون الآخرين، وقتها أنتِ كشخص ناجح تقرري أنتِ عاوزه مين ف حياتك، ومين لأ طبعا وأهم سببب وعلاقة لازم تصلحيها، هي علاقتك بربنا ومداومتك علي قرءاة القرآن أحنا من غيره تايهين جدا، ملناش غير ربنا، وقت م بالجمله بيسمع، بجد، اليوم لو فاضي بس مصلية صلاتك الخمسة ده بيكون ناتج عنه راحة كبيرة، ال هو إيه ده أنا معملتش حاجة ف يومي، بس لأ أنا النهارده صليت وقابلت ربنا خمس مرات، أنا النهارده طعت ربنا، ربنا يجبر بخاطرك وأشوفك شخص جميل جدا جدا من جوا، وناجحة وراضية عن نفسك ومدركة قيمة نفسك، ولو عاوزه صحاب أنا موجودة بجد يعني، ومش كلام وخلاص، وأنا أصلا عسل وأتحب😅💙💙، وأكيد أنتِ كذلك❤️🦋 دومتي بخير'

مش بسهولة، لازم تبقي مدركة أن ده تأثير لوم كتير ومتكرر من الطفولة أتجاهك من أشخاص مسؤولين عنك، ف كبر معاكي أحساس بعد كل فعل تعمليه الندم وإنك مكنش ينفع تعملي كده، وتقريبا أو مؤكد بتبقي ف حالة مش طايقة نفسك فيه، وبتتخيلي كمان رد فعل الناس ال كانوا حاضرين الموقف، فعشان الموضوع ده يتحل عندك، لازم تبدأي بشخصيتك، وإزاي تقوي نفسيتك، لأن ف دول المشكلة، شخصيتك ال أتعودت علي اللوم، ونفسيتك ال بتتأثر علي طول، وبتعدميها أنتٍ بجلدك لذاتك، ف أبدأي وابحثي علي اليوتيوب علي بودكاست ودورات تطوير ذات ونضج،وأقرأي فيما يخص مشكلتك، أصدمي نفسك ب ضعفها علشان تقويها وتسعيلها أنها تكون أحسن، القرأن بيطمن خليلك ورد بنية أنه ورد يومي حتي لو صفحتين، أنا كنت من فترة زيك، لكن لما أدركت أن محدش مهتم حواليا، ف قرأت وقويت نفسيتي، ولو حصل فعل محبتوش وزعلت أن أنا عملته، مبندمش، لأ بتصالح مع نفسي و بتعلم من خطأي وبكل صراحة بقول لشيماء ال هي أنا مش هعمل ده تاني، مش هحاول أعيش الشعور ده تاني، أحنا مستحيل نعيش من غير ما نخطأ ونزعل علي بعض أفعالنا، هي الحياة تجارب أصلا، فلازم يكون العادي عندنا أننا منطولش فالزعل ونتعلم من غلطاتنا ونكمل عشان منتهدش من الحزن واللوم

خايفة ليسيبك؟!!!!! حبيبتي وأختي فالللة، ده مجرد الكلام مع بعض خارج وجود علاقة شرعية حرام، ده لو مخطوبين مازال أجنبي عنك ولازم كلامكم يكون علي القد وتتعارفوا علي بعض بحدود، م بالك بال بتعملوه، ليه تعملي كده ليه، هو مش هيعبرك ولا هيخطبك وأنتٍ خايفة تواجهيه عشان عارفة ومتأكدة رد فعله هيوجعك وهيعرفك بقيمتك عنده، أنتٍ وهو فالإسلام ليكم أسم مذكور فالقرآن بيطلقوه علي ال بيعملوا كده وليه عقاب وعقابه شديد، طيب بنتك فالمستقبل هتعلميها إيه بجد حتي لو أتجوزك، حبيبتي أنتٍ هتتعب جامد ف حياتك، وهتتجرحي جدا منه أو من غيره لومندمتديش علي ال عملتيه وتوبتي، ربنا يهديك ويرزقك بحد يقربك من ربنا ويساعدك، ويحفظك من كل سوء، أبعدي ي حبيبتي وصلي وأذكري ربنا كتير، وأندمي من قلبك وخدي قرار العلاقة دي لازم تنتهي وعلاقتك بربنا تبدأ بقي تكون صح، أنتٍ زعلتني عليكي بجد، ليه، ربنا يحببك في قربه ويرزقك توبة صادقة من القلب ويعينك علي ال هتقابيله ف حياتك بسبب فعل زي ده، أنا مش بقلقك ولا بقلل منك، بس بالله أرجعي لربنا❤️‍🩹🤍

كشباب بياخدوا الموضوع بهزار وتحفيل وبيقولوا ي دحيح و الموضوع بيكون خارج إطار الجد منهم

سمعت شيخ من يومين بيقولك أن بر الوالدين فيما يخصهم، يعني برك لوالدينك ف ال ليه علاقة بيهم، مش ليه علاقة بحياتك

سمعت شيخ من يومين بيقول بر الوالدين هو برك لهما فيما يخصهم وله علاقة بيهم وليس بما يخصك ويخص حياتك،

حبيبتي مشكلتك إنك أتعودتي علي الملهيات وتضييع الوقت، وده خلاك تتشتتي بسرعة، وتزهقي من الحاجات ال بتتطلب منك تركيز وجهد، ومعندكيش مانع للفيديوهات والريلز لأن ده تسليه ومفيش جهد و مش بيزهق، فتكتشفي فنهاية اليوم إيه ده معملتش ال خططتله فاليوم ده وتندمي، وتزعلي من نفسك، وتقولي بكره هركز ومش هكرر ده لكن للأسف بيتكرر تاني، لحد م بتلاقي مشكلتك مع نفسك بتكبر وأتخنقتي من ده، فأنتٍ مشكلتك حاجتين الملهيات، والتسويف، التسويف من الصفات ال الشيطان بيحاولوا يوسوسلنا بيها أننا نشوف أي عمل هيفيدنا وهيصلح منا وده محتاج منك جهد إنك تتغلبي علي نفسك وتقوي عليها عشان تقدري تواصلي ال حابة تخلصيه وتتعلميه، الملهيات بقي دي أول حاجة هتتغلبي عليها بأولوياتك حددي حاجة تتعلمها كورس بقي أوي أيا كان، وفيه أكثر من أبلكيشن بيقول التطبيقات دي لحد ما تخلصي بجد فيه اكتر من تطبيقات تحديد وقت لمهامك وتقسيم الوقت عليها وبيحددلك بريك أنا شايفة إنك هيكون أحسن لو تنزليهم، نيجي بقي لل هتشوفيه أو تتعلميه نفسه لو الفيديو طويل قسميه يعني لو ساعة أسمعي ربع ساعة ووقفي الفيديو وأعملي مشروب أو هاتي تسالي وأرجعي أسمعي ربع ساعة ووقفي وروحي هزري مع ماما أو حد من أخواتك دقيقتين خمس دقايق وأرجعي أسمعي ربع، بعدين هاتي نوت مثلا وأكتبي فيها حاجة مثلا أو نامي علي السرير وأرفعي رجلك علي الحيطة، ده بيقلل التوتر بجد😂💚 لمدة خمس دقايق كده أو دقيقتين وأرجي أسمعي آخر ربع وبس كده عالنمط ده ممكن هتجيبي نتيجة، وكمان هتخلصي الساعة ف ساعة وتلت أحسن ما اليوم يعدي ومستفدتيش بخمس دقايق حتي

حضرتك لازم تعرفي الأول الأسباب ال بتعصب عشانها دي تستاهل ولا تافهة، كمان وقت عصبيته سيبيه يطلعها وبعدين تتكلمي معاه، وأصلا لازم تعرفي عصبيته دي مكتسبة ولا متوارثة، ولا من قلة أهتمام، أو إيه، طفل وعصبي لازم ده شئ نفسي مأثر عليه لو مقدرتش توصلي معاه لحل، أتواصلي مع أخصائي تخاطب أو تعديل سلوك

لو بنت فالمفروض النسبة تكون من٢٠_٣٠% ده المعدل الطبيعي للجسم

فيه أكتر من أبليكيشن بيساعدك إنك تقفلي برنامج عاي الموبيل برمز تعريف

صلي أستخارة وشعورك وقتها أعملي بيه، بس أنا من وجهة نظري الناس ال بتملك شخصية زي شخصيته دي بتكون أكتر ناس حنونة بجد، كمان سكوته ده ممكن تكون طبع أو تكون صفة مكتسبة دون إرادته لما بيئته مكنش فيها أهتمام ليه أو غيره، يعني حتي لو صليتي أستخارة وأرتحتي وخلاص هتكملي لازم تظهري أنك متقبلة الجانب ده في شخصيته أو تحاولي تتجاذبي معاه الحديث، ولما ياجي مثلا يزورك حاولي تتكلمي معاه حاجة بتحبيها وتسأليه عن رأيه في حاجة هتجبيها، حسسيه أن أهتمامك هو جانب منها، كمان حبيبتي مامته قالت أنه متدين وكلامه بحساب لحد م تكوني مراته، صراحة دي حاجة تحترم جدا إنه بيحافظ علي ضوابط الخطوبة، وإنه لسه أجنبي عنك، لكن ده ميمنعش إنكم لازم تتعرفون علي بعض في جوانب كتير عشان تشوفوا هتكملوا ولا لأ، ولو حابة تتكلمي معاه تاني في الجانب ده إنه مبيكلمكيش كتير و كده أتكلمي بس متبقاش زنانة؛ ووصليله إنك متقبلة ده ومتفهماه ومعنديش مانع في كده بس عاوزه تعرفي ليه؟! ومتسأليهوش وتسكتي، لأ وصليله وجهة نظرك وكملي الكلام بهدوء وتفهم

أقعدي معاها بورقة وقلم، أكتبي عيوبك ولو مش عارفاها فكري فيها، وأكتبي مميزاتك، أكتبي أكتر صفة بتحبيها فيكي، وأكتر صفة مبتحبهاش وتتمني تتغلبي عليها ومتكنش فيك، واكتبي الحاجة ال بتحبي تعمليها، وال شغفك فيها، أكتبي ال بيضايقك من الناس ال حواليك ونوع الناس ال بتحبي تتعاملي معاهم، أكتبي عاوزه إيه وهدفك إيه، الإنسان طبيعي بيلاقي نفسه تايه لو وقته علي السوشيل وليله زي نهاره، لازم يكون في يومك وقت لنفسك لوحدك ريحي دماغك وفكري وتأملي، ومتنسيش أحنا هنا فالدنيا وجهتنا الأساسية الصلاة وعلاقتنا بربنا، ف طبيعي من غيرهم ضايعين💜

أحسن إنه مشي، حتي لو كنتوا كملتوا، كنتٍ هتكوني مرتاحة معاه وهو أي تصرف بيعمله معاك بحساب و قلة الذوق دي؟

بصي كده كده هتبعدي، بس تبعدي دلوقتي وتحاولي واضغطي علي نفسك لفيابه، أحسن م تبعدي بعد ما طاقتك تستنزف ومتقدريش تساعدي نفسك ولا نفسيتك، خدي قرار وابعدي وحاولي تكوني قد قرارك لازم، لأن كمان الشخص لو شاف ترددك ده، أو مقدار تحملك هتتأذي أكثر، ف ليه تذبلي كده وال بيأذيك هيكمل عادي ومش هيفرق معاه ولا هيحس بيك، لأن لو يفرق معاه، مكنش أذاك، كأنه بيقولك أمشي أنا فاتحلك الطريق، وأنتٍ بتقوليله لأ أجرحني وزعلني أكتر

ده طبيعي حبيبتي مشاعرك نحيته متجمدة لأن لم يؤدي الوظيفة المطلوبه منه كرب أسرة ولا أب ولم يقدم مشاعر حتي تقدم أو تعود له، ربنا يهديه ويدرك ما فاته، أدعيله كتير وأكيد ربنا هيستجاب لك أم هيعوضك خير، ربنا يسعد قلبك ويجبر خاطرك

معتقدش قولت حاجة تخليه يحبط حبيبتي ، مش عارفة ليه حاسة أن كلامي وصلك بطريقة معاكسة لهدفي منه ، وآه طبعا كلنا عندنا ذنوب ولولا ستر ربنا مكنش حد بص ف وش التاني، والدعاء ال أنا كتباه فأول الكومنت ليه ده عشان ال يقرء غيري وغيرك ميبصش أو يحتقر الشخص ويفتكر لما يقرءه أنه أبتلاء ربنا أبتلى بيه غيرنا وعفانا منه🤍 طبعا بداية أزمته مكنش هو السبب فيها لكن بأيده أنه يكمل أو يعالج نفسه ف مش الصح أن أحنا كل م نتكلم نحطه ف دور الضحية لأن كده للأسف مش هتكون فيه نتيجة لصالحه أبدا، لازم نعرفه هو ف إيه وبيمر بإيه وإيه الآثار ال هتترتب علي ده لو أستمر فيه سواء علي المستوى النفسي أو الديني، ولو هتكلم علي المستوي النفسي فأن أنا أفضل أذوق الكلام للعميل أو للحالة ال عندي وأحاول أخليه يفضل حاطط نفسه فدور الضحية حتي لو هو فعلا ضحية ده مش هيحصل حاجة أبدا وهكون بضره كمعالج ليه أنا ال تربطني بالعميل علاقة مهنية مس عاطفية فالتعامل بحزم مرة آخري مواجهة وصراحة وفي بعض الأوقات أظهرله مدي تعاطفي وتقديري لل مر بيه ده هيجيب نتيجة أني أخرجه من أزمته النفسية أولا ثم بعد كده أبدء أّهله أنه يتخلص منه وإزاي فأوقات حاسس أنه عاوز يرجع تاني يتعامل إزاي وغيره حبيبتي من خطوات ضرورية للتعافي

أفهم الجرامر، وكل يوم أحفظ عدد معين من الكلمات وزودهم بحل يعني ساعة يوميا للفرنساوي حتي لو قبل النوم نهاية كل أسبوع مثلا فعلا هتلاقيك حصلت فيه حاجة

ي يوسف صراحة يبقي أنت مبتديهاش ولا سعة كافية ليها من وقتك المادة مش صعبة بس مش سهلة لأن جوانبها ومعلوماتك كتير المادة هتكون لذيذة جدا لو عطيتلها وقت أكتر وتدريب علي الحل والأسئلة، بالورقة والقلم وبدون مشتتات جنبك ذاكرها وعيد مرة وأتنين، وهقولك علي حاجة بدون نقاش فيها يعني مستحيل تكون عاطي مادة الوقت الكافي ليها حتي لو كانت صعبة وتيجي تحل متلاقيش نتيجة أو متلاقيش نتيجة عمومًا فأديها وقتها مرة بعد مرة بالتدريب هتكون سهلة ومش لازم علي فكرة المادة تكون سهلة عشان نقدر نحل بنتيجة ومجهود واو فيه مواد صعبة كتير وبحل الشرح والفهم بتكون صعبة وبعد التدريب بتكون صعبة بس بالتدريب والحل الكتير بتكون صعبة بس أنا متمكن فيها صعبة وبحل فيها رغم مستوي المادة، ف ال لازم تتعلمه وتدركه أن مش المادة ال هتكون سهلة عشانك لأ أنت ال تكون متمكن فيها مهما كان مستواها أنت ال بتطور نفسك فيها وتوصل لمستواها ف بتبدء تحل فيها وبتنمي مستواك ومجهودك فيها ودي قاعدة لأي شئ عموما ف حياتنا

تسلميلي 💙

قوله آه بدعيلك، لكن متقوليش دعيت بإيه أعتقد ده الصح، ولو مش عاوز تقوله إنك دعيتله، وقالك أنا دعيتلك رد وقوله من قلبي لقلبك مرسال وبس كده🚶‍♀️

أتدربي عليعا، وأعملي من الكلمات ال حفظتيها جمل، وحطيها في جمل، كمان أسمعي بودكاست أنجليزي كأستماع وترديد نطق بعض الكلمات فيها لتصليح للنطق الصحيح، كمان يوجد ثلاث قنوات علي اليوتيوب أتابعهم لتطوير فالإنجليزية، وهي1 English lessons with Adam 2 Speak English with Veanessa 3 Rachel's English

مش شيفاها غلطة دي تجربة لازم تطلعي منها بدرس، أحنا بنشوف الناس بال في قلوبنا، الطبيعي أن أحنا نحسن الظن بالناس، مش ذنبك ولا غلطك إنك شايفة أن العادي والطبيعي أن صاحبتي تكون زيي، بتحبني، وتسمعني، أمينة ووفية، زي م بعمل معاها كونا صحاب ويومنا فيه تفاصيل وحكايات مشتركة مع بعض، لما بيخذلونا ونتفاجأ أنهم مكنوش يستاهلوا المكانة ال كنت حطاهم فيها يبقي مش غلطنا ده درس، لازم نتعلم منه و نحط حدود عشان منتأذيش، ولا نفسيتنا تكون علي هوي الناس وتصرفاتهم لينا، أختاري راحتك وراحة نفسيتك، أنا مش عارفة بكتب إيه عشان ماشية علي أمتحاني😅🚶‍♀️، العفو حبيبتي أنتٍ أختي 💚💚

ربنا يهون علي قلبك، ويعوضك شخص سكون الصديق والحبيب والشريك، وبالنسبة لعشرة العمر، أنا واحدة ٢٠ سنة وليه مبدأ ماشية بيه هقولهولك كنصيحة، الحدود حصن لأي علاقة مهما كانت، أي كان مين لازم لنفسك فالعلاقة دي مساحة خاصة وحدود فيها أسرارك وحكايات مش كل شئ يتقال عشان لما الشخص يخذلك أو حقيقته تبان تبقي علي الأقل طلعتي بنفسك ويكفي زعلك علي الشخص،

برنامج ذا أمريكان أنجلش لإبراهيم عادل، جميل جدا جدا نزليه، واسمعي بودكاست أنجلش

الأهتمام معناه عند الطرف الثاني، هو إنك واخد بالك من تفاصيله وال بيحبه ولا ميفضلوش، هدية، تطمن، تقدير، وإنك تعمل ال بيحبه الطرف ده، تسأله عن تفاصيل يومه وتسمعها ومشاركه فيها، لو زعلان ومعرفتش أفهمه أو أخرجه من حزنه أكون معاه، الأهتمام شغف أن يكون التاني جزء من يومك لازم،

خلينا متفقين أن مكنش ينفع كلام أصلا وبينكم رابط شرعي، لكن متسيئش الظن الله أعلم ظروفها، ممكن تكون رفضت دون إرادتها لرغبة أهلها، أو أي ظرف غير ده، ربنا يعوضك ويعوضها خير

عادي حبيبتي

جمع الجرامر فكشكول خاص بيه، وأسبوعين تخرج بحصيلة كلمات كويسة، ونصيحة ذاكر المعلومات مرة واحدة وحل وتدرب علي أسئلة كتير، أصلا لو جمعت الجرار ف كشكول، وكل يزم مثلا قبل م تنام تحفظ كلمات حتي لو١٠ كلمات، ومثلا وقت مش قادر تذاكر فيه أو وقت راحة تتدرب علي حل ترجمة وقطع هتكون كويس جدا جدا فيه،

وأنك تاخدي بالك من ال بيعصبه، وتهتمين فعلا بإنك متعملوش، لما يلاحظ أو يوصله الفكرة دي، عصبيته بتقل،

بهدوء، وأن وقت عصبيته متكونش محفزة إنك تردي حتي لو معاك حق، أكتبي أنتٍ نقطة ووقت ما تشوفيه هادي عاتبيه، هو كل الفكرة ف معاملته أن الرد أو المواجهة أو إنك تطلبي حاجة متكونش وقت عصبيته، يهدي عاتبي

أنا شايفة أن حسب راحتك وقدرة أستغنائك عنهم، لكن لو شايف إنك مش عارف توازن ب القرار ده ف تقدر تنزلهم وتنزل أبلكيشن تقدر من خلاله تحدد وقت معين ومدة معينة فاليوم تفتحهم فيه

مفيش خطوات معينة تمشي عليها، أقرء فالمجال ال أنت بتحبه ولاقي نفسك فيه هتكتسب كم كبير، متقرأش ف مجال مش مهتم بيه، مش هتلاقي محصلة وتقريبا هيحصل فتور من القراءة، هي نصيحة لأن بقرء من وأنا ١٢ سنة

مثقف، ولا لديك واعي معرفي!! الشخص ال يملك وعي معرفي، هو ال بيقرء كتير، يعرف معلومات تقريبا في شتي المجالات ، وهكذا إنما المثقف بمعناه الصحيح، هو الشخص ال قادر علي تقليل سلبياته وسلبيات البيئة عموما(بيته مثلا)، وقادر علي قيادة نفسه، إيمتا الذي يملك وعي معرفي يكون مثقف؟ لما يقدر أن يطبق ال بيقرءه عملي علي نظام حياته، بمعني أني مثلا قرءت كتاب عن تطوير الذات، وحبيته جدا وحبيت النصائح ويحتوي الكتاب، بس محاولتش أطبقها ولا يومي مش منتج ولا بحاول أخليني نسخة أفضل من نفسي، أستفدت إيه من القرءاة وقتها، قدرت أشرحلك بشكل مناسب ولا عكيت؟!😂🥸

بعرف أجاوب وبلاقي إجابة، سؤال عادي لشخص متصالح مع نفسه، ونفسيته قوية فهيقدر يجاوب علي السؤال عادي، آه فيه عيوب، من العيوب دي ال بسعي أغيرها علشان نفسي، ومنها ال متقبلاها جدا

بالنسبة إنك تعزز الإرادة، فأنا مش هقولك غير حدد هدف ومجهود السنة هو المحصلة إنك توصله، لما تلاقي نفسك أثرت دون إرادتنا أو مضغوط أو حتي كسل، أسئل نفسك بتأثيرك ده هوصل لهدفي؟؟، طيب هبقي مبسوط لو موصولتلوش، هتجاوز خسارته عادي، إرادتك هي أنت عاوز توصل ليه وهتقدر علي خسارته ولا لأ، بإختصار عاوز تعزز إرادتنا صمم علي هدف، وأسعي إنك متخسروش، بالتوفيق

تقوي نفسيتك بقربك من ربنا وإنك متشغلش نفسك بحاجات تانية السنة دي، أنت بس عاوز تعيش مرحلة الثانوية صح، ومتطلعش ندمان وخسران، ده يكون ال فدماغك، وفر وقتك وراحتك للمذاكرة وإنك تكون مش مضغوط، وتأجل أي حاجة تانية لبعد ما تخلص، نصيحة: ذاكر وراجع وأخرج عادي، أرتاح وذاكر، ترتاح وتذاكر أحسن م تذاكر وأنت مش كويس ف متلقيش محصلة لمذاكرتك فتزعل وتتأثر، خدها بسلاسة، ومتبدأش بقوة، وتبدأ السنة تموت نفسك من المذاكرة، لأ أبدء السنة بالراحة وكل م تدخل فالمنهج أكتر ضاعف مذاكرتك، لكن هتيجي فالأول تموت نفسك من المذاكرة، هتيجي فالنص هتفضل وتقع ولما تقوم هتحسك مضغوط وفايتك شوية، ف لأ زود سرعتك بأنتظار عشان طاقتك تتوزع علي السنة مش علي جزء فيها

علي موقع إدراك، رواق، معارف، كورسيرا، edx, udemy نزليهم وابحثي عن أي كورس محتاجاه حبيبتي

شكرا

شكرا

هل أبلكيشن؟

أقدر أبحث بالعربي عادي داخل الأبلكيشن نفسه؟؟

ده أبلكيشن أقدر أنزله؟؟

م أحنا بتجاوب علي سؤال ذكية أهو

ليس فقط جانب الوقت ما يمنعهم، أعتقد أن الأغلبية منا تفتح التطبيق لتسأل عن ما تحتاج وربما لا تفتحه بشكل دائم، وأيضا أعتماد البعض أن الأجابة ليس معتمدة عليه فقط وربما يجيب عليها البعض الآخر!!

أعتقد ليس بخل، لكن بهم بعض من الإتكالية والكسل، أن هناك من يجيب،

هل أنتٍ حزينة لذلك زكية؟!

مثل ماذا، أريد أن أقدمه بتقييم أكثر من جيد

أرسلت المقال في التعليقات علي السؤال.

كيف أرسله لك؟ لا أعرف كيف أرسله علي رابط التحرير الخاص بي، هل هناك طريقة أخري؟؟

هل تستطيع أنتَّ مساعدتي في هذا الأمر زكية؟