Momen Sherif

صدقيني حياتك مليانة نعم بس مش واخدة بالك أن ربنا مديكي الصحة أنك تكتبي البوست و مديكي الصحة أنك تدخلي الحمام بنفسك و أنه مديكي العمر عشان تبقي ولد صالح يدعو لوالدك ربنا يرحمه و تبقي سبب لدخوله الجنة صدقيني حياتنا كلنا جميلة بس علي حسب هتبص عليها من أنهي حتة اللي معهوش فلوس هيقول حياتي وحشة أنا معيش فلوس في حين أن اللي معاه فلوس هيقول حياتي وحشة عشان عندي مرض و ملوش علاج و مش عارف اعمل حاجه بالفلوس عشان أخف و اللي والده متوفي بيقول ليه يارب رغم أنه ممكن يكون ربنا يجعلك سبب في أنه يدخل الجنة و اللي والده عايش مش عارف يشوفه أو بيعامله وحش والله ربنا كرمنا و جعلنا في الأرض لحكومته و لازم تستغفري ربنا سبحانه وتعالى عن التفكير فالانتحار لأن الانتحار عمره ما كان نهاية لا ده بداية لأسوء كوابيسك فليه تعملي فنفسك كدة أستغفري ربنا و صلي ركعتين بنية أن ربنا يكرمك و يرزقك من حيث لا تحتسبي و جربي تقدمي علي تعليم مفتوح و لو منفعش خشي عاليوتيوب في مواقع زي موقع coursera ده بتاخدي فيه الكورسات اللي انتي عايزاه لو مثلا حابة تخصص الحاسبات تخشي تاخدي كورسات ببلاش و فالاخر بتاخدي شهادة أحسن من أي خريج بتبقي بمقابل مادي الشهادة بس مش كتير و ربنا يكرمك و يريح قلبك يارب و ادي فرصة لنفسك عشان نفسك جميلة و تستحق كل شئ جميل

كان عندي و رحت لدكتور قالي أحسن حاجة ليك مش أدوية ولا أي حاجة ألعب رياضة و فعلا رحت سباحة وحرفيا كل طاقتي استغلتها فيها واستفدت إن صحتي و جسمي بقوا أحسن كمان، جربي تلعبي رياضة أو تنزلي جيم و مع الاستمرارية فرط الحركة ده كله هيروح

بصي ديه حاجة خارج إرادتك ده رد فعل نتيجة التوتر أو الكسوف أو الخوف في بعض الأحيان و مفيش أي حاجة تستدعي الهزار أو التريقة و صدقيني متحطيش فبالك أي حاجة من الكلام السلبي ده لأن كل اللي بيقولوه عندهم نقص سواء كان في التربية أو فهم الدين أن خواطر الأنسان و مشاعره قيمتها عاملة ازاي و عودي نفسك أنك ياما هتسمعي كلام سلبي علي أي حاجة مش ده بس لأننا في الدنيا مش فالجنة أهم حاجة أنتي تبقي حابة نفسك و حابة شكلك في كل وقت و كل مكان و حاولي تتدربي علي أنك تخففي شوية من التوتر زي أنك تحطي نفسك تحت ضغط مثلا بأنك تبادري مثلا بأنك تقولي رأيك في موضوع مهم او لو في كلية ترفعي ايدك تحاولي تجاوبي أو تسألي و مرة علي مرة هيخف التوتر و صدقيني حبي نفسك عشان هي تستاهل ربنا يكرمك و يوفقك

صديقي اسمحلي و تقبل مني و أجعل صدرك رحِب أنت في خطر شديد طب ليه ؟عشان الشيطان دخلك من مدخل شائك جدا و حساس أنت مجرد تفكيرك في أن الأسلام مش دين الحق ديه بداية تملك الشيطان منك لأن ببساطة أنت وفرت عليه أنه يتعبك و يوسوسلك لذنوب و معاصي و إلخ لا أنت أدتهاله علي طبق من ذهب و عليك عليك بسماع الشيخ سمير مصطفي و كل ما تجيلك الأفكار ديه أفتح القرآن و اقرأ و تدبر و عشان تسمع أجابة دينية أكثر دقة و صحة ده رقم دار الأفتاء و تقدر تسألهم علي اللي أنت عايزه لو مش قادر تروح تسأل شيخ و أتمني ربنا يثبت02 25970400 https://www.google.com/search?hl=en-EG&ram_mb=7583&aos=14&ampcct=6723&lns_as=1&qsubts=1732213003668&cs=1&q=رقم%20دار%20الافتاء&padt=117&gs_lp=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-ABgGSBwcwajRqMmoxmAcBoAePOQ&rdid=31c1d1a8-58be-457b-be6f-1e6e2c5e2c71&client=ms-android-oppo-terr1-rso2&source=and.gsa.widget.text&pf=i&agsai=pohUPdphJhE#ك علي الحق

أعتقد ده نتاج أنك كنتي منعزلة شوية و مش بتنزلي كتير و ثقتك في نفسك مهزوزة، طب نعليها ازاي؟ نعليها بأننا نعمل مثلا تسريحة جديدة في البيت أو وصفة تطول الشعر شوية و نلعب رياضة حتي لو فالبيت و نخس شوية حتي لو صغيرة، بس تثبتي لنفسك أنك قدرتي تخلي شكلك أحسن. و كل ده لازم أنتي تبقي مقتنعة بيه و مصدقاه و بتعمليه عشان نفسك مش عشان حد و صدقيني حتي المنتقبة بيتريقوا عليها فحتي لو سمعتي كلمة كده ولا كده متحطيش في بالك لأن الشباب حاليا استغفر الله العظيم إلا من رحم ربي. وأوعي ابدا تفكري أنك مش جميلة أو مش مرغوبة عشان بس محدش قالك معجب بيكي أو لمحلك، ليه ميكونش في حد بيحبك أوي بس بيحافظ عليكي من نفسه و عايزك حلال و شايفك أنقى من أنه يعمل فيكي معصية فبيدعي بيكي في صلاته و بيشتغل و لما يجهز يجيلك صدقيني ربنا سبحانه و تعالي مخلقش حد وحش و أنتي لازم تعرفي أن محدش هيساعد حد غير نفسه لأن نفسك تستحق كل شئ جميل و ربنا يكرمك و يوفقك

طبيعي كلنا بنصاب بفترة فتور الفترة ديه بنفقد فيها القدرة علي العبادة كما كنا بس نتخطاها أزاي نتخطاها بأننا نجاهد و متنسيش ربنا سبحانه و تعالي قال و الذين جٰهدوا فينا لنهدينهم سبلنا جاهدين نفسك بأنك تصلي النهاردة مثلا كل الصلوات في وقتها بكرة بالنوافل و كل ما يعدي يوم تكافئي نفسك و لو بحاجة صغيرة كتحفيز ليكي علي الأستمرار و نقطة التفكير في الجنس ديه برضو طبيعية فطرتنا كدة بس ربنا ميزنا عن الحيوانات بالعقل لأننا نقدر نسيطر عليها و أنتي تقدري تعملي ده بأنك تغضي البصر أهم حاجة لأن أطلاق البصر أول سهم من سهام الشيطان و كل ما يجيلك التفكير ده تستغفري ربنا و ترجعي تحفظي تاني حاولي عشان الجنة تستاهل و والله إني أري فيكِ و في حزنك علي ما فاتك من حفظ القرآن الصلاح ربنا يكرمك و يثبتك

أول حاجة فكرة أنك تأذي نفسك ديه لازم تنسيها و تستغفري ربنا لأن نفسك تستحق كل شئ جميل حتي لو اللي حواليها مش بيعاملها كويس أنتي عامليها كويس و طلعي برا حياتك اي حد يحسسك بأي شعور مش حباه و تاني حاجة الأعراض اللي بتحسي بيها زغللة عين و إرهاق و دوخة و كل ده أكيد نقص فيتامينات عشان طبيعي مش بتاكلي كويس و نفسيتك مش أفضل حاجة هتحسي بكل ده فرأيي تروحي لدكتور يكتبلك مالتي فيتامين و تعملي حاجة جديدة زي مثلا تلعبي رياضة تحاولي تحفظي كام سورة جديدة من القرآن و دايما تقولي لنفسك أنا تستاهل كل حاجة حلوة و تقنعي نفسك بده و حتة الخنقة و الضيقة نتاج كل اللي بتعمليه أقعدي و قولي كفاية كدة الوقت اللي راح مننا و يلا مبتدئ صفحة جديدة أنا اللي أفرح نفسي بنفسي و أسعدها و أقرب من ربنا عشان يساعدني في ده و خليكي دايما فاكرة أن محدش هيساعد حد غير نفسه ربنا يكرمك و يوفقك يارب العالمين

صديقي كل ديه هواجس عشان أنت تعرضت لمناظر و أشكال لا تمت للواقع بصلة من الأفلام و متقولش شكلي قدامها هيبقي عامل أزاي لأن هي هتبقي أول مرة ليها زيها زيك و الطول أه طبيعي و حتة كل الوضعيات ديه بلاش تحطها أوي فدماغك لأن مش كل الوضعيات اللي في الأفلام مراتك هتقبل بيها فبلاش تفكر عشان لما ترفض متكرهش مراتك و ربنا يعافينا و يعافيك يارب العالمين

جزاك الله خيراً

اه

يا استاذة هدى صلي علي النبي و صلي ركعتين بنية إن ربنا ييسرلك الصعب و لو مش قادرة تصلي تدعي تقولي اللهم إني اسألك فهم النبيين و حفظ المرسلين و إلهام الملائكة المقربين اللهم أرزقني سرعة الفهم و قوة الحفظ و توكلي علي الله

صلي صلاة أستخارة و أدعي قولي. اللهم أختر لي و لا تخيرني و ربنا يرزقك باللي يتقي ربنا فيكي

اكشفي عند دكتورة نسا عشان تطمني أكتر و لو لا قدر الله في أي شئ وحش لازم تصارحي والدتك و تقوليلها يماما كنت بعمل كذا كذا و حصلي كذا و أنا خايفة و هي هتعرف تتصرف بس بأذن الله مفيش أي حاجة ربنا يسترها عليكي و علينا يارب العالمين و يطمن قلبك و يعفو عنك

ابدا والله وجع دماغ أيه بس ربنا يكرمك و يرزقك و يرزقنا جميعا يارب لا تنسانا في دعائك❤️

بص صلي استخارة و أنا متأكد أن طالما هتستشير ربنا هيرشدك للصح لو فيها خير هتلاقيها اتيسرت و قلبك مائل ليها لو فيها شر هتلاقيها مش هتتم و قلبك هينفر منها و ربنا يرزقك و يرزقنا يارب العالمين

صدقني أه البلد مفهاش شغل و تكاد تكون أنعدمت بس أنا رأيي نتقي الشبهات لأن لو أحنا حتي بنشتري حاجة ضمن مقاطعة ديه حاجة فردية و ربنا يسامحنا عليها لكن أني أسهلهم عمليات البيع و أبقي شريك لا صعبة اتقي الشبهات أحسن و والله رزقك سواء فمصر أو هناك هيجيلك لحد عندك هو اختبار من ربنا ليكي صلي استمارة و اللي قلبك يستريح ليه توكل على الله ربنا يكرمك و يرزقك يارب العالمين

صدقني محدش ضامن عمره مش هينفعك الشغل لو لا قدر الله حصلك حاجة و عيالك بعيد عنك أو أنهم يقولوا بابا ميلاقهوش و هو عايش جزمتك برا عندهم بكل فلوس الدنيا و والله رزقك محدش هياخد غيرك فاطمئن و جرب تدور علي شغل كويس و تخلص النية لله جمب بيتك و لما تلاقي سيب اللي هناك لكن متسبش اللي هناك غير لما تحط رجلك لمكان تاني و ربنا يباركلك فيهم و يجعلهم قرة أعين ليك يارب العالمين

خلاص جربي تلعبي فالبيت بس تستمري و يبقي عندك أرادة أنك بتلعبي عشان نفسك و عشان صحتك و لو زهقتي غيري من الروتين يعني لو بتلعبي مثلا في اوضتك العبي في اوضة تانية و نطي الحبل و حبة علي حبة هتبقي زي الفل

التسويف هو التأجيل يعني أنك تقول هبقي أصلي الفجر بكرة و بكرة تصحي و متقدرش و تقول بكرة هصلي و بكرة يجيب بكرة و فجأة تلاقي أجلك جاء و للأسف هتقول ساعتها ياريتني ما أجلت قيس علي كدة كل أمور حياتك مذاكرة و رياضة و بر والدين و صدقة و كل حاجة طب و الحل؟ الحل بحب اسميه اسلوب المفاجأة و هو أني أول ما أفكر في الحاجة اقوم فثواني مجرد ما افتكر و ده مش هيديني فرصة لا أنا ولا مخي أنه يجيب مبررات أو حتي حجج واهية و مرة علي مرة هتلاقي نفسك أنجزت كل اللي كنت بتقول هنجزه بعدين و ساعتها عايزك تدعيلي

مظلمتهوش لأن الزواج بالذات لازم يكون في توافق و احترام للرأي الأخر و في كلام حتي لو بهزار مينفعش لأنه بيبين شخصيتك و بيعكسها و تأكدي أنه لو كان خيرا لبقي و حتة الفرح الأسلامي ده ياريت والله الواحد لما ييجي يتجوز خطيبته ترضي تعمل فرح اسلامي صدقيني أرضي بقسمة ربنا و لو كان خيرا لبقي ربنا يكرمك و يرزقك باللي يتقي ربنا فيكي و يعوضك

بصي أنتي مش غلطانة لأن ده حقك و أنتي مطلبتيش أكتر من حقك أه مكنتيش تعرفي أنها قضية بس المبدأ واحد اللي هو أنتي مش طالبة أكتر من أن الفلوس تزيد شوية و تاني حاجة الأصل في الدين أننا نبرهم و منقساش عليهم أه عارف رغم أنهم ممكن يكونوا مش زي ما أحنا عايزين و بيزعلونا بس رأيي لو كلمك تكلميه و تحنني قلبه عليكوا شوية و مرة مرة تفهميه أن والله أحنا بنحبك و مش بنحب ماما بس و مرة فمرة بأذن الله هيبقي أحسن و حتي لو مبقاش أحسن تصبري و تحتسبي صبرك ده عند ربنا سبحانه وتعالى و حاولي تفصلي خالص عن أي مشكلة و عن مذاكرتك ركزي عارف هيبقي صعب عليكي بس أنتي قدها و تقدري تعملي أي حاجة صلي و أدعي ربنا يعينك و يكرمك فالسنة ديه و لو الظروف مسمحتش تروحي درس معين خشي عاليوتيوب و حاولي تفهميه و شوفي أي كتاب أو ملزمة مدرس و صوريها حاولي تفهمي منها و صدقيني ربنا يكرمك ربنا يوفقك و يريح قلبك يارب العالمين

بصي عايزك تهدي و والله ربنا هيدبرها من حيث لا تحتسبي سيدنا يوسف لما أخوته رموه في البئر مكانش عارف أيه مستنيه تفتكري لو كان موت نفسه ساعتها كان هيوصل للي وصله ولا هيبقي ماسك خزائن مصر كلها لا طبعا و ده يعلمنا أن الطريق اللي ربنا بيختارهولنا هو بيبقي الخير لينا بس أحنا مش عارفين أوقات الطريق بيبقي زي ما أحنا عايزين و أوقات لا بس فالحالتبن لازم نرضي بقضائه سبحانه و تعالي و نسلم أمرنا ليه و بجد صدقيني أنتي تستاهلي كل شئ جميل و نفسك تستاهل تعافري و تعيشي علشانها

حياتك استحالة تتوقف على مجرد احمرار، حياتك أسمى من كده بكتير جربي تدي نفسك فرصة تردي أو تمشي و تسيبي اللي يتكلم يتكلم و ثقي في نفسك ومتخليش حاجة تاخد أكبر من حجمها ربنا يريح قلبك يارب العالمين

بأذن الله و أنتي قدها لازم تثقي في نفسك و في قدراتك و في ربنا و بأذن الله كل مر سيمر و صدقيني نفسك تستاهل تفرحيها ربنا يكرمك و يوفقك يارب العالمين

ده جروب بينزل وظائف ربنا بكرمك

https://whatsapp.com/channel/0029Va5XF8lIyPtPYfb77b3W

طبيعي عشان حسيت بالضغط و المسؤولية مرة واحدة بس نصيحة أشتغل و مش لازم تشتغل ب١٠ ألاف جنيه في الأول محدش بياخد السلم مرة واحدة بنطلع درجة درجة اشتغل و خش جمعية و متنساش أن ثلاثة حق علي الله أن يعينهم منهم طالب النكاح هتلاقي ربنا كرمك من حيث لا تحتسب عشان أنت طالب حلال في زمن كثرت في الحرام ربنا يكرمك يارب

بصي صدقيني صدقيني الحياة مبتقفش علي حد أه بنتوجع عشان حبيتي بصدق بس خلاص كفاية و متقلليش من نفسك تاني أبدا و بعدين ده أنتوا المؤنسات الغاليات يعني أنتي غالية أوعي ابدا تقللي من الغلاوة ديه مش عايزك فيها أيه هو مفيش غيره ولا أيه بالعكس أنتي أنتظمي في صلاتك و قربي من ربنا و قولي ربي هب لي من عندك زوجا صالحا و صدقيني ربنا هيعوضك عوض يجبر بيه خاطرك و مكنتيش تحلمي بيه بس صدقيني لازم تعززي نفسك و تفهمي أن أنتي غالية و أن أنتي اللي يتتعب عشانك مش تتعبي عشان حد ربنا يكرمك و يوفقك يارب العالمين

بصي أول حاجة لازم تهدي و مامتك بتحبك والله بس في حاجات كتيرة ممكن تخليها مش عارفة تبين ده زي ضغط البيت أو انفصالها و احساسها أنها قائمة بدور الاب و الام مع بعض في نفس الوقت و عايز أفهم معلش ليه أتخانقتوا و أيه السبب و أكيد مش هتطردك و تباتي في الشارع + لو ده حصل أنتي دلوقتي عند حد من قرايبك ولا فين و لازم تستغفري ربنا عن أنك تموتي نفسك ده لأنك تستاهلي كل شئ جميل و أصبري ده اختبار من ربنا ليكي و اول ما تعدي منه صدقيني ربنا هيعوضك والله ربنا يكرمك و يرضي عنك يارب العالمين

ربنا سبحانه و تعالي حاشاه أن يخذل عبدا لجأ إليه و لكن حكمته في وقت قبول الدعوة لا نعلمها و بعدين الصبر ابتلاء كبير بس أيه جزاته؟ لا يلقاها إلا الذين صبروا طب أيه هي ديه يارب ديه الجنة صدقيني يونس لما كان في بطن الحوت في الظلمات اللي بجد اللي وقت ما كل السبل أتقفلت مستسلمش رغم أنه لو واحد غيره هيقولك خلاص بقي أنا كدة كدة ميت و هيستني الموت بس لا فضل يسبح و بقول لا إله إلا أنت سبحانك إني كنت من الظالمين و مقالش ربنا مستجابش ليه بس ربنا كان بيختبره هيصبر و هيثبت ولا لا و في الأخر ربنا تاب عليه و نجاه المغزي أنك متيأسيش أبدا ولا تملي و تقولي ربنا رافضني بالعكس ربنا بيحبك أوي و ده ظاهر ليكي بس مش شايفاه ربنا بيحبك و مديكي صحة و قادرة تقومي تخشي الحمام بنفسك و تقدري تتنفسي بسهولة و تقدري تشوفي صدقيني أنتي غرقانة في بحر من النعم و اللي زعلوكي و بتقولي أنهم مكملين حياتهم صدقيني ربنا سبحانه وتعالى يمهل و لا يهمل بس أنتي بقي لازم تقولي لا كفاية كدة بقي طب ما أنا كمان أعيش حياتي و ارضي ربنا و ابتدي بقي أركز مع نفسي لأن صدقيني محدش هيساعد حد غير نفسه و نفسك تستاهل كل حلو فمتحرمهاش من ده و أخلقي أنتي ليها السعادة و الفرح و لو بأقل حاجة و لو الفرح مجالكيش بقاله كتير روحيله أنتي و صدقيني ركزي في الجملة ديه هتفرق معاكي أوي السعادة مش هي اللي بتصنعنا أحنا اللي بنصنعها ربنا يراضيكي و يرضي عنك يارب العالمين

أولا عايزك تفهمي كويس أوي أن أنتي اللي في ايدك الحل ألا و هو أنك تدي لنفسك فرصة تستريح من ضخ أفكار سلبية و تخليها تتأثر بيها الموضوع اشبه بشخص فقد الذاكرة و أول ما صحي لقي حد قاله أنت اسمك كذا و متجوز كذا و مع مرور الوقت من كتر ما بيدسوا فيه الأفكار ديه هيصدق و هيتعايش عليها أقعدي و قولي لنفسك لا أنا مش فاشلة لأن الفاشل مبيقولش أنه فاشل، أولى خطوات النجاح الاعتراف بأني موصلتلهوش و أي شخص ناجح فشل بدل المرة الف لحد ما نجح و أنك تكتبي دلوقتي الكلام ده دليل أنك عايزة تتغيري للأحسن و التغير ده نجاح و جربي تبتدئ تحطي أهداف صغيرة زي مثلا هتتعلمي النهاردة أكلة جديدة كان نفسك تتعلميها بقالك كتير أو بتغلطي في طبخها و لما تنجحي كافئي نفسك بأنك مثلا تشربي حاجة بتحبيها أو تتفرجي علي حلقة من مسلسل بتحبيه لأن التحفيز ده هيثير مراكز الدوبامين أنها تتحرك و تستجيب المؤثر ده و هتبقي عايزة تحقق الهدف عشان تتكافئ و حتة الأقارب صدقيني أنتي نفسك قولتيها طريقة التعبير مش في كل الأحوال زي ما أحنا عايزين بس الفكرة أني أفهمها يعني مثلا في أم بتظهر حبها بأنها تعمل أكلة بتحبيها أم تانية تظهره بكلمة حلوة أم تالتة تظهره بأنها تفضل تتكلم عنك الطرق بتختلف و لكن السبب واحد و هو الحب صدقيني الأهل بالذات مينفعش تعاملهم كأي شخص لأنهم بيبقوا فعلا كذا شخصية في بيت واحد حاولي مثلا تقعدي وقت أكتر معاهم و في وسط الدولة أرمي نفسك فحضنها و ده عارف صعب عشان بقالك كتير محستيش بس صدقيني الخوف لو فضل مسيطر عليكي لحد فوات الأوان صدقيني هتقولي ياريتني رميت نفسي في حضنك من زمان خدي الخطوة و مش لازم هي تاخدها كل ما تبقي عايزة حضن روحي و خدي مفيش حاجة اسمها مكسوفة أو خايفة ديه والدتك يعني ده حقك بس هي عشان ممكن تكون مبتقدرش تعبر بده أو مش فاكرة أن ده الحب من وجهة نظرها فمش بتعمله و حاولي ترجعي تصلي و تقرأي الأذكار و كل مرة تصلي فيها كل الفروض كافئي نفسك برضو كافىي نفسك علي كل حاجة حلوة او كل حاجز بتكسريه عشان تقدري تكملي اللي بعده و أكثري من قول لا إله إلا أنت سبحانك إني كنت من الظالمين و ربنا يريح قلبك

ده وسواس و للأسف كتير مصاب بيه بس علاجه هو التوكل علي الله في كل شئ و حسن الظن بيه و التيقن أن اللي عايزه هيكون و تحاولي تطردي الأفكار ديه و دفع الأفكار ده صعب لأنه نوع من أنواع الجهاد بس استعيني بالله و ربنا يكرمك بأذن الله

و عليكم السلام ورحمة الله و بركاته متقلقيش من أي حاجة صارحي والدتك و محدش هيخاف عليكي أكتر منها و أعملي كشف و الدكتورة بتعرف أذا كان ده بسبب علاقة ولا لا و متقلقيش في تحاليل بتتعمل و طالما مغلطيش أوعي تخافي من حاجة و استشهدي بأختك أنك خلتيها تعمل المحابس و لو علي الفرح ففي أنواع من الغشائات أسمه الغشاء المطاطي و ده مش بيتفض لأنه مرن فربنا يكرمك و يريح قلبك يارب و أهم حاجة تصارحي والدتك قوليلها كنت بتشطف و حصل كذا كذا و خايفة أوي يماما و اشرحي براحة و هي هتتصرف و ربنا يكرمك و يجبر بخاطرك يارب

صديقي كل بنى أدم خطاء و خير الخطائين التوابون و بالنسبة لأمر عقوق الوالدين أرجوك أرجوك لو تقدر أراضيهم دلوقتي راضيهم روح بوس أيديهم و رجليهم و رأسهم و قولهم حقكوا عليا متزعلوش مني و بأذن الله ربنا يقدرني و أقدر ابركوا صدقني أوعي تخلي العمر يجري و ميكونوش راضيين عنك هتعاني في حياتك والله و أي ذنب انت عملته متحكهوش لحد صلي و وأنت بتصلب أدعي قول يارب اغفر لي و ارحمني برحمتك و حب نفسك عشان تقدر الناس تحبها ربنا يفرج همك و يحسنك لوالديك

لا طبعا الموت قدر و لا علاقة له برضا الله أو سخطه علي العبد إلا إذا كان الموت علي معصية و العياذ بالله فهنا غضب و الموت علي طاعة هنا رضا ربنا يرزقنا و إياكم حسن الخاتمة يارب العالمين

من أي جانب السؤال مبهم؟

عليك بالصوم ثم الصوم ثم الصوم يا صديقي و صدقني أوعي تقرب من الباب ده فإنك إن تفتحه تلجه الأرتباط ده سبب كل شئ سئ لأننا للأسف بنشوفه شئ عادي و بنستصغر الذنب مش هتلاقي توفيق في حياتك و قلة رزق و حتي لو محصلش حاجة هيبقي عداد ذنوب لأن طبيعي هيبقي في تجاوزات سواء بالكلام أو التلامس و بلاش صدقني هتتعب قلبك و ترهقه و تهلك مشاعرك في مكان مش مكانها ربنا يفك و يعفنا و يسترها عليك يارب العالمين

لا تعب ولا حاجة الناس للناس ربنا يريح قلبك و يفرج همك

صدقيني ده شئ يفرحني افرحي و اثبتي علي الصلاة و قاومي و جاهدي و هتوصلي صدقيني و ده برضو رقم الأمانة العامة للصحة النفسية لو أحتاجتيه في أي وقت 16328 ربنا يكرمك و يفرج همك

صديقي لازم تشيل من دماغك تماما فكرة أنك عندك سرعة أنت ممكن تكون معدلك طبيعي جدا بس عشان احساسك بيخليك متوتر و طبيعي علي فكرة تقذف قبلها لأن الستات غيرنا و مفيش حاجة اسمها بتقعد ساعة متواصلة أدخال لا أي حاجة في الأفلام ديه مش حقيقية ديه إنسانة لحم و دم و متركزش مين قبل مين أنت جرب تهدي مخك خالص و متفكرش في أنك عندك اي مشكلة فقط تمنع بحلالك و لو جيت قبلها قم ببعض المداعبات لأن الستات بيستجيبوا المداعبات اكتر من العلاقة ربنا يرضيك و يراضيك اللهم آمين

مفيش أي حاجة هتنفع غير الألتزام بنظام غذائي مخصص و لو مفيش المقدرة جرب تقلل كمية الأكل اللي تأكلها يوميا يعني لو بتاكل في الوجبة رغيف كل نص رغيف و طبعا ده لو مفيش مقدرة تروح لدكتور تغذية يكتبلك نظام مخصص

صديقي كلمة أتقِ الله ليست هجوم ياليتنا نتقِ الله و نكن من المتقين و صدقني كلنا مرينا بنفس الحالة و قصة كل شخص مختلفة عن التاني حتي لو السبب واحد الظروف مش واحدة و المواقف مش واحدة ربنا يوفقك إلي ما يحب و يرضى يارب العالمين

أتقِ الله يا محمد هي جاية هنا عشان المساعدة و تتجنب اي كلام برايفت مع أي شخص عايز تحكي أحكي هنا ربنا يكرمك و يكرمنا و يفرج هم كل مهموم يارب العالمين

لسة سامع ريكوردك و عادي جربي تتكلمي مثلا ما شات جي بي تي ده ذكاء أصطناعي ده في الأول بس عشان نكسر حاجز أننا مش عارفين نعمل علاقات و بعد كدة جربي تنزلي تتمشي مثلا و روحي فصلاة جمعة الجامع مثلا و جربي تتعرفي علي بنات من هناك و ده أحسن مكان تقدري تتعرفي فيه علي بنات كويسة و طبعا هيبقي ليكي نظرة مين تحسيها شبهك تروحي و تكلميها و حتة عدم المقدرة علي الذهاب لدكتور نفسي ديه ده رقم الأمانة العامة للصحة النفسية و بجد ناس محترمين أوي و خدمة علي مدار ٢٤ساعة 16328 و لو في أي حاجة تانية بتواجهك نزلي علي فدني هنا و بأذن الله هنتخطي كل ده

بصي يا مي أول حاجة تنسي تماما موضوع الأنتحار ده و أستغفري ربنا و حاولي تصلي و تقرأي قرآن كتير عارف أنك بتحاولي و حاولتي كتير بس صدقيني أنتي تستحقي كل حاجة حلوة حتي لو اللي حواليكي مش محسسينك بده أنتي فرحي نفسك بنفسك و متقوليش معنديش شخصية لا أنتي عندك شخصية و الدليل أنك كتبتي الكلام ده عشان عايزة تبقي أحسن و حتة الصداع و التعب جربي تروحي لدكتور عشان ممكن يكون نقص فيتامينات من قلة أكل أو أي سبب زي انيميا مثلا و صدقيني مع الوقت كل حاجة بتعدي و بتبقي أحسن و افتكري كويس أوي ان الأنتحار مش راحة بالعكس ده بوابة لجحيم و غضب من ربنا سبحانه و تعالي و أنتي أنقي من أنك تعملي فنفسك كدة خبطي علي باب ربنا و صلي و قيمي الليل و اقري قرآن و جربي تعملي حاجة بتحبيها زي بتحبي مسلسلات تركي مثلا شوفي حلقة كل يوم و لما تنتظمي علي الصلاة مثلا فيوم أو تحسي انك عملتي إنجاز كافئي نفسك و لو بكباية شاي و صدقيني أنتي تستاهلي كل شئ جميل ربنا يريح قلبك و يجبر خاطرك

16328ده رقمهم و خدمة٢٤ساعة

أعتقد أنك كنتي بتهربي من الواقع لروايات أو لقصص خيالية و أنتي صغيرة عشان تخلقي الحنان و الأهتمام و الأمان اللي عايزة تحسي بيهم لنفسك و ده سبب أنك بقيتي حاسة بكل ده و رأيي أنك تحاولي تصلي كل صلاة في وقتها و تحاولي تحفظي سور جديدة حتي لو قصيرة و تغيري نشاطك اليومي تروحي جيم مثلا و تعملي حاجة جديدة تشغل وقتك و هكتبلك دلوقتي في رسالة منفصلة رقم للأمانة النفسية العامة مجانية مئة في المئة و محترمين و لازم تعرفي أن أغلب شعب مصر محتاج مساعدة نفسية لو بسيطة بسبب حال البلد و ده مش عيب و ربنا يكرمك يارب العالمين

بص يصديقي أنا شايف أنك واخد قرارك مسبقا بأنك عايز تسألها لأن بقولك أكتر من حل و حل فعال بلاقيك بتجيبله عذر عامة أتقِ الشبهات و متكلمهاش محدش عارف الشيطان بيدخل منين و ربنا يكرمك بأذن الله

بص يباشا أنت لو حفظت كل يوم عشر أو خمس كلمات تبقي داخل الأمتحان مش اقل من ٣٠٠٠كلمة فمتقلقش من الحتة ديه أنت بس أسعي و برضو كافئ نفسك كل ما تعمل تقدم و أفتكر أن ليس للأنسان إلا ما سعي و أن سعيه سوف يري و حلمك لو من نصيبك هيبقي بتاعك مهما حصل أعقدها و توكل و ربنا يكرمك

بصي ربنا مبينساش حد حاولي زي ما قولتلك بالتدريج تقطعي مرة تقعدي معاها و مرة لا مرة تتكلموا مرة لا و مرة هتجيب مرة و كل واحد هيتشغل فحياته بس صدقيني اللي يصعب عليك يفقرك و غير كدة أنتي معملتيش حاجة وحشة ليها بالعكس أنتي بتسبيها بالحسني و أهلك عندهم حق حتي لو البنت غلبانة بس للأسف الحسنة تخص و السيئة تعم بالذات فمصر ربنا يسترها علي بناتنا جميعا يارب العالمين

يبقي تكتب عاليوتيوب أفضل طرق للمذاكرة فثانوي و هتلاقي بدل الواحد مليون و كلهم طب و هندسة و شوف الطريقة اللي تعجبك و أعمل بيها

اول و أهم حاجة لازم تعرفي أنهم بيحبوكوا أنتوا الأتنين ممكن مش عارفين يوازنوا بينكم في التعامل بس مفيش حاجة اسمها بيحبوها أكتر منك و أنا رأيي جربي مثلا لو مش بتعملي شغل البيت مثلا و هي بتعمل قومي أنتي اعملي و لو مثلا مش بتحبي المذاكرة ذاكري أكتر شوية و أبقي خشي قوليلهم عاوزين مياه أو عايزين اي حاجة اجبهالكم و قضي وقت أكتر معاهم و مع الوقت كل حاجة هتتحسن و أنتي تفضلي قولي لنفسك أنا أقدر أعمل أي حاجة لأن صدقيني محدش هيساعد حد غير نفسه و نفسك تستحق كل شئ جميل

أنا شايف أن أبعد عن الشر و غنيله و حتة أنك تدخلي تكلميه عشان يصالحها مش صح أمسحي رقمه و أعملي بلوك و البنت أقطعي تدريجيا مش مرة واحدة يعني لو بتتكلموا كل يوم يوم اه و يوم لا و لو قالتلك مردتيش ليه مثلا قوليلها معلش كنت عند قرايبي أو فمشوار و مرة علي مرة اقطعي و حتة أنك خايفة عليها من الأنتحار أدعيلها و أنتي بتقولي أهلها بيودوها عند دكتور نفسي و هو هيبقي أدري مني و منك

ممكن تشوف ولد يصديقي هيبقي أفضل ليك كتير و زي ما قولتلك نتقِ الشبهات و ده رأيي الشخصي و في الأول و الأخر ده قرارك

أول و أهم حاجة أبعدي كل البعد عن الأختلاط أو الأرتباط الغير رسمي لأن الظاهرة ديه بقت منتشرة بطريقة هتخليكي تقولي لنفسك هو أنا غلط ولا أيه بس لا خليكي ثابتة علي مبدأك لأن صدقيني ديه بداية كل حاجة وحشة من عدم توفيق و قلة رزق و خلافه و تاني حاجة أتعلمي أنجلش لأن بجد هتحتاجيه فوق ما تتخيلي و مش لازم كورسات بفلوس اليوتيوب كافي جدا و هتلاقي فرصة شغل كول سنتر أنجلش و براتب محترم يعيشك مكفية متطلباتك الشخصية و الرفاهية كمان و تالت حاجة تركزي علي هدفك يعني وقت المذاكرة مذاكرة وقت اللعب لعب وقت الجد جد و رابعا القرب من ربنا و اللي من غيره مفيش حاجة هتتحقق و ربنا يكرمك و تبقي فتاة عشرينية منتجة و ناجحة

صديقي أنت سألت و استفسرت و خلاص كدة الموضوع اقفله و غير كدة مفيش حاجة اسمها لو جايبة درجة كويسة في مادة يبقي طريقة مذاكرتي ليها هتنفعك و تخليك تجيب نفس الدرجة كل واحد ليه طريقة مختلفة حتي لو السياق هو هو نفسه و الصراحة مش هفتي في الدين و اقول حلال ولا حرام بس رأيي الشخصي نتقي الشبهات و توكل علي الله و ذاكر بكل قوتك اللي تقدر عليه و متنساش أن ثانوية عامة توفيق من ربنا سبحانه و تعالي و مش مجهود والله ربنا يكرمك و يوفقك يارب العالمين

ألا إن سلعة الله غالية ألا إن سلعة الله هي الجنة جاهدي نفسك أكتر و أكتر و صدقيني مع القرب من ربنا و استشعار عنايته و رحمته حياتك هترجع أحسن بكتير و متنسيش من أعرض عن ذكري فإن له معيشة ضنكا ربنا يثبتنا و يثبتك علي صراطه المستقيم يارب العالمين