Nesma Rizk

السلام عليكم ورحمه الله دا حقك ، و مينفعش الشغل يدخل فيه علاقات شخصيه لأنها بتدمره

السلام عليكم ورحمه الله كل الأعراض الجسميه التي تم ذكرها هي نتيجه لافكارك ، انتي فعلا محتاجه كذا حاجه تنميه و تعديل و تغير افكار و محتاجه تتعلمي تأمل و استرخاء علشان نوقف إيذاء الذات و للاسف الاجابه علي هذه الحاله هتكون مجرد نصيحه لازم يكون فيه تدريب ليكي علشان ترجعي حياتك بشكل طبيعي. ف انصحك بزياره اخصائي أو لو والدك معارض فيه اونلاين تقدري تاخدي الخطوه و ربنا يوفقك و يحسن حالك. تحياتي لك

السلام عليكم ورحمه الله التفكير بيمر بمراحل كتير، و علشان تتخلصي منه لازم تتعرفي علي أنواع التفكير السلبي و ازاي تتخلصي منها، و دا بيحتاج الي جلسات تغير افكار و المعتقدات السلبيه علشان تعرفي تتعاملي معاها و تحويلها الي افكار ايجابيه. تحياتي لك

السلام عليكم ورحمه الله راجعي الاحداث اللي اتعرضتي ليها الفتره السابقه، لأن مفيش سلوك بيحدث من غير سبب و هتعرفي الاجابه ، ممكن تكتبي في ورقه و تمشي ورا الاحداث و اعملي اي حاجه إيجابية بتحبيها و بقالك فتره معملتيهاش تحياتي لك

السلام عليكم ورحمه الله لاشك أن الحياه بتعلمنا دروس بعضها يكون قاسي و لكن مينفعش ابدا نستسلم و ناخد جنب، كل صدمه اخدتيها هي علمتك حاجه جديده ، عرفتي بيها انواع من البشر علشان تقدري وتفادي البشر دي في حياتك. و ياما بنتعلم فيه وجع و آلم بس لازم نستمر و هتقابلي اللي يعوضك إن شاء الله. انتي بس لازم تاخدي الخطوه التفاعل حتي و انتي زعلانه و ملكيش نفس مع الوقت هتلاقي الشعور دا راح. تحياتي لك

السلام عليكم ورحمه الله علي حسب هو عاوز يمشي رأيه في ايه ، ممكن توضحي السؤال أو المشكله اللي بتعاني منها بامثله حتي نستطيع الرد عليكي بشكل صحيح تحياتي لك

السلام عليكم ورحمه الله علي حسب سنك و انت بتعمل ايه حاليا في حياتك و مدي تحجيم الانطوائيه ليك . في الأغلب بتكون محتاج تعرف يعني ايه توكيد ذات و ثقه بالنفس و حمايه حقوقك و ازاي تقدر تعبر عن كل حاجه في الوقت المناسب و ازاي تتحكم في طبقه الصوت و التعرف الأفكار اللي بتخليك تاخد السلوك الإنطوائي ، و اظن الموضوع محتاج تنميه و تعديل افكار لو كنت مواصلة حياتك بشكل طبيعي و مفيش تعطيل .

السلام عليكم ورحمه الله علشان تقدري تتاقلمي معاهم تعاملي معاهم بقاعده كما لو ، يعني كما لو مفيش حد متفق معاكي غيرهم ، كما لو بيقولوا ليكي كلام حلو هتلاقي بدأت تظهر حاجات مشتركه بينكم ،، ضايقوكي و مش قادره تتعاملي في موقف ما خدي جنب و اطرحي 3 من رقم 100 أو 70 و الرقم اللي يطلع اطرحيه من 3 و هكذا بحيث تشتتي انتباهك من الشيء اللي ممكن يسبب خلاف بينكم و ارجعي تكلمي معاهم و افهمي ليه انصرفوا بشكل يضايقك ، و استخدمي قاعده كما لو هتلاقي الأمور بقت افضل يا رب اكون افادتك

السلام عليكم ورحمه الله الزواج سنه و ليس فرض، ف براحتك انتي اعلم باللي محتاجه له. انا الدعاء علي النفس انتي ذكرتي أنه فيه نهي، اما الدعاء التاني هنا بتدعيم لنفسك و ليس علي نفسك

السلام عليكم ورحمه الله نصيحه ادعي الله أن يرزقك الزوج الصالح اللي يسعدك و يريح قلبك و تعيشي معه في سلام انتي و اولادك، فنحن لا نعلم من فينا صالح و من غير صالح، و ممكن تقولي إن كان فيه خير لي قربني منه بالحلال و إن كان شر و انا لا اعلم أبعده عنه و ارزقني الزوج الصالح اللي اسعد معه. و ثقي تماما أن الله هيرزقك بالاحسن و الافضل، لان الزواج رحله طويله إذا كان الزوج تقي و صالح هتكون الحياه الجانب الاكثر فيها خير. تحياتي لك 💐

السلام عليكم ورحمه الله الخوف عباره عن انذار لخطر مهدد ليا ، بيقولي خلي بالك خلي بالك ، المفروض في اللحظه دي جسمي بيقوم بردود فعل سريعه جدا زي اني اهرب و اجري، احاول ابعاد الخطر عني ، و أقوله اهدأ يا جسمي و يا دماغي انا بقيت زي الفل، طيب لو فضلت كل شويه اخاف من اي حاجه و هي ليست خطر او مهدده لحياتي ، هنا بقي بيكون القلق بأختصار شديد جدا ، الحاجات اللي بتتجنبي تعمليها و بتخافي منها زي لما تشوفي صرصار مثلا اعمليها و الحاجات اللي كل مره بتعملها لما تشوفي الصرصار توقفي تعمليها. دا محتاج طبعا تدريب كتير و عزيمه منك تحياتي لك 💐

السلام عليكم و رحمه الله ايه اللي بيجي في دماغك بخصوص العلاقه الجنسيه و مش قادره تتقبليه ؟

السلام عليكم ورحمه الله هنا لازم تشوف ايه الجزء اللي مفقود ، واحده أحبت شخص ٣ سنوات اكيد مش لما تكلمه و يحبها هتسيبه إذا كانت صادقه في الحب ، لازم تراجع احداث بينكم ، يمكن انت أخفقت في شئ، لازم تتكلم معاها و تعرف ايه سبب كل اللي بيحصل دا. و ايه وجهه المعارضه بين انك تشوف حياتك المهنيه و تفضل تقدم ليها الحب و العطاء؟ التوازن مهم جدا، احب زي ما انا عاوز من غير ما أشكل ضغوط علي اللي بحبه، و كمان علشان اشغل بالي لكي انساها لم يجدي نفعا لانك هتفتكرها في كل حاجه بتعملها علشان تنساها، لازم تحل الاول الأمور الخاصه بيها جواك علشان تعرف تنساها لو انت حابب دا. مع تحفظي أن كانت العلاقه بدون علم الأهل و هي خطوبه ، ف راجع نفسك و ابدأ صح أن كنت تريدها و خلي علاقتكم في النور لو حابب تسأل علي نقاط معينه قول عليها

السلام عليكم ورحمه الله افي هذه الحاله اي مساعده هنا هتكون غير مجديه. انت لازم لازم تزور طبيب نفسي. او تتواصل علي الخط الساخن للامان العامه للصحه النفسيه و الإدمان ١٦٣٢٨. هتزور طبيب ليه أو تتواصل مع الخط الساخن؟ لان هما مش مجرد بيقولوا ليك نصائح تساعدك لا ، انت لازم تمشي في خطه علاجيه متكامله علشان تغير كل اللي جواك و تتخلص منه و تبدأ حياتك. اسأل الله أن يرزقك الصحه و العافيه

السلام عليكم ورحمه الله متفهمه مشاعرك و انك بتحبيه و متعلقه بيه ، بس اسألي نفسك هو انا ليه بتصرف معاه كدا؟ هتلاقي نفسك بتديكي كلام و اسباب واضحه لتصرفك زي مثلا بحبه جدا ، خايفه نسيب بعض ، خايفه يعرف حد تاني غيري، اللي بيحب حد لازم يفضل في تفاصيله و هتلاقي كلام كتير، اقعدي بالورقه و القلم كدا و شوفي فكره فكره زي بحبه جدا ف تقولي هل الحب يتعارض مع المساحات الشخصيه للأفراد؟ طيب لو انا فضلت علي الحال دا ايه اللي هيحصل ؟ لحد ما تلاقي الاجابه الصح اللي المفروض تعمليها علشان تحس من علاقتك بيه. و ان شاء الله ربنا ييسر لك امرك

السلام عليكم ورحمه الله الافضل الاتصال برقم فتاوي الأزهر الشريف و رقمه ١٠٧ و هما هيفهوكي ايه دورك ناحيه والدك في هذه الحاله من الناحيه الدينيه

السلام عليكم ورحمه الله علشان تعرفي نفسك لازم تشوفي افكارك و تراقبيها علشان تقدري تفهمي نفسك و تحددي مشاعرك و تعرفي تتعاملي مع الأفكار و المشاعر اللي جواكي. ممكن كمان تكتبي علي ورقه كل اللي بتفكري فيه و ايه اللي مسبب ليكي التعب. لو محتاجه فعلا زياره طبيب أو معالج ف اتكلمي مع أهلك و عرفيهم أن المعالج بيساعدك علي تطور شخصيتك او تنميه مهاراتك أو تغير افكار مشوهه أو تعديلها، و أن فيه مجالات كتيره فيه و ابدأي اقنعيهم، و كمان فيه معالجين اونلاين ف ابحثي و شوفي هترتاحي لايه و نفذي

السلام عليكم ورحمه الله يا رب تكوني بخير انتي هنا محتاجه تتكلمي عن أي تجاوز في حقوقك يحصل، و أفكارك زي انا كدا بحرجها ، انا كدا هكون وحشه، دي ممكن تزعل ، انا كدا هكسر بخاطرها كل الكلام دا اللي بيعطلك انك تاخدي حقك. انتي من حقك تقولي لا ، تقولي ليها لا مش هحاسب انا مأكلتش زيك، تقولي لا انا مبسلفش حد و تقوليها و انتي بصه في عينيها و صوتك واضحك علشان تنقلي ليها الرساله مضبوط و هي تبدأ تعرف انك مش هتسمحي ليها أنها تتعدي حدودها، و البلوزه اطلبيها منها و قولي ليها لا انا عاوزاها و رجعيها لاما متزعليش من اللي هعمله. و علشان انتي مش واخده علي مواجهه الشخص اللي امامك ف هنا هنحتاج انك انك تتخيلي الموقف الاول ، يعني تتخيلي ردك و طريقتك في الرد عليها و بعدين تنفذي اللي كنتي بتتخيليه في الرد بس علي الواقع مع الوقت هتلاقي نفسك بتردي اول باول و مبتسمحيش لحد أن يتعدي حدوده و هترتاحي كتييير . جربي و هتلاقي نتائج مذهله

السلام عليكم ورحمه الله اولا ربنا يعينها و يقويها علي اللي جاي، قوليها خلينا متفقين أن خراب البيوت صعب و مليان خسائر ولكن في هذه الحاله هو مكسب ، كملي في طريقك و اتكلمي مع المحامي بتاعك و اختاري محامي ثقه و يكون شاطر جدا هيساعدك انك تاخدي حقوقك و خليه يلف هو مسيره يرجع يطلب التفاوض لما يتحكم عليه، ساعتها انتي تفاوضي و خدي كل حقوقك و خليكي قويه. 🔹 الضعف و التنازل مش هيجيلك حقك، خليكي قويه ،، طيب تبقي قويه ازاي ؟؟؟ انك تشوفي حقوقك فين و تطالبي بيها و تاخديها و كلام الناس ولا تسمعي له. الله يعينها و يوفقها

مش عارفه ليه الريكوردات ده يعتبر رابع واحد ما اعرفش هو انا يا ريت لو في حد يفيدني بيسمع الريكوردات يبقى يقول لي لما بعدي اكتر من دقيقه بيفصل ما بيتبعدش ولا ايه انا كنت عايزه اقوله لك ان لو لو انت اللي مشخصه نفسك عن طريق جوجل وبداتي تشوفي المحكات وتقولي اه انا انا عندي التعب ده فلا ده كده خطا كبير جدا وما تحطيش في بالك ولكن لو لو انت لو انت رحت الطبيب لا ساعتها ابدئي العلاج وبدات تعالجي لان التشخيص ده بيتم ان الاخصائي النفس بيبدا يعمل لك تقييم نفسي ويبدا يشوف ايه الدرجات بتاعتك على الاختبارات ويبدا يبعتها للطبيب والطبيب بيرد عليك من خلال.

السلام عليكم يا رب تكوني بخير وباحسن حال مش عارفه تتقبلي نفسك وشكلك لو فضلت كده ان قدامك برده مش هيتقبل شكلك ولا هيتقبلك انت كل دي افكار جواك حتى لو حصل انتقاد فالانتقاد ده لا يعنيكي انت او ده اللي ما بيقولش هي دي فايزه ده راي واحد. راي اثنين راي ثلاثه رايهم لا يمثلوكي انت يعني رايهم ده ما لهمش علاقه بيكي. فالكلام الناس زي ما بنقول كده ما نحطوش في الاعتبار خصوصا في نفسنا يعني انا ما اعرفش عنك انت متزوجه هل انت امها هل انت؟ يعني. غير متزوجه. فاكيد انت حتى اخت ابنه اللي لك ادوار كتير قوي قوي في الحياه. فاللي عايزه اقوله لك ان لو فضلنا نجلد ذاتنا اه انا وحشه او الناس بيقولوا عليا وحشه او الناس بيقولوا علي ان انا مش حلوه او انا شكلي مش حلو ده كله اللي هيحصل لك لما تقولي لنفسك كده اقول افكار اللي جواك هتفضل تقول لك كده انا لو فضلت كل يوم اقول لنفسي انا مش هيجي في يوم هص. ان انا وحشه حتى لو انا كنت جميله جدا ولازم نعرف ان ربنا خلقنا في احسن صوره وان انا لو فضلت فعلا اهتم بنفسي اهتم بجمالي الداخلي والخارجي الاثنين انا ربنا كده كده خلقني احسن صوره. كلامي ان الناس بيحبوا الست النقشه الذكيه الشاطره اللي بتعرف تتكلم اللي بتعرف تعبر عن مشاعرها اللي تبقى واثقه من نفسها مين قال ان الثقه بالنفس بتتكلم عن شكل او ان الواحد يحب الناس علشان شكله او علشان ااا او علشان حاجه مش بايده يعني الشكل ده مش بايدينا خالص اللي بايدينا اخلاقنا فاحنا لما نظبط اخلاقنا احنا ظبطنا شكلنا وظبطناه وكل حاجه في حياتنا فاا وقفي الافكار دي يا فايزه فيها وقفيها انك تشتغلي على نفسك بانك انت تهتمي بنفسك ودائما تقولي ان ده راي الاشخاص ومن راي الاشخاص ده ما بيعنيش ليا حاجه وان هو مش انا دي فكره. وخليكي واثقه ان ربنا خالقنا كلنا جمال كلنا فينا حته كده حلوه لازم نكتشفها وندور فيها ونبحث عنها. وهتلاقيها يعني انت هتلاقي في شخصيتك لما تسالي كده الناس اللي حواليك ايه الناس يكونوا عارفينك جدا مامتك جوزك اخوكي والدك صاحبتك ايه احلى حاجه فيها بتحبوها؟ هتعرفي ان في معاني كثير قوي غير الشكل. وهتقدري نفسك قوي وهتقدري شكلك لان شكلك ده سبحان الله يعني مثلا لو عينيك كبيره وجيتي حطيتي عين متوسطه هتلاقي لا شكلك مش حلو هو ربنا خلقنا على الشكل الجميل ده. فا اسال الله لك التوفيق والسعاده وكل الرضا تحياتي ليكي.

السلام عليكم يا رب تكوني بخير وافضل حال. هنا المشكله ان يعني امركم عجيب جدا لما نكون احنا الاثنين بنحب بعض قوي وعايزين بعض وعارفين ان في ضغوط بيمر بها الشخص فبدل ما نبقى واقفين كده ايد واحده ومتكادفين لا بنفهم بعض بسوء ظن هنا انت عايزه تساعديه ولكن ممكن تكون مساعدتك ما تنفعوش على قد ما هي بتضره يعني ايه يعني ما ينفعش يكون زوجي او خطيبي يعني انا مش عارفه العلاقه بينكوا ايه يعني انتوا متجوزين ولا ايه ولكن همم لما هو يبقى في محنه وعارفه ان هو بيعمل حاجه غلط وهي دي اللي مقصره في علاقاته مثلا او الاخطاء او المشاكل او الضغوط اللي هو فيها المفروض اوجههم يعني انا مش عارفه هو ده اللي انا فهمته من الكلام انك انت بتجمليه يعني بالمشاكل مش بتقولي له عليها او مش بتشوري له على الاخطاء اللي عنده بحيث ان هو يعدل منها. بالعكس الناس القريبين مننا بنحتاج منهم هم التشجيع يعني انا احتاج من حبيبي ان هو لا انت في النقطه الفلانيه او لما اتكلمتي الاسلوب ده كلام كده هيغلطك لما تتكلم بانفعال هيغلطك مثلا لا انت لما بتطنش الناس بتاخذ عليك اكثر بياذوك اكثر لا انت لازم تبقى صامد اكتر. يعني خليني اقول لك في ريكورد ثاني على بس يا رب اكون انا فاهماكي صح يعني يعني كلامي اللي انا قلته لك ده مناسب لجوابك. قصدي. خليني اقول لك ان الراجل كمان. خليني اقول لك ان من المهم جدا ان احنا نسمع بعض حتى وفي وقت الانفعال يعني لما هو يبقى متضايق قوي فيبدا يقول انا مش قادر اتكلم خلاص خلينا نوقف هنا فانا احترم او لما احس ان هو عصبي جدا انا قبل ما انا اتعصب واخد رسالته ان هي بقى بيتكلم بقى عليا بيهاجمني او بيتحداني او كده لا خلاص انا عارفه ان هو مضغوط ان هو ان هو ممكن يطلع يطلع يطلع زي ما بنقول كده وينزل لا ما فيش ما بيعملش حاجه طيب يعني. خلاص انا هقفل الموضوع خلينا نتكلم في وقت ثاني انت تبقى احسن انت تبقى رايق اكتر ده هيخلي لغه الحوار بينكم احسن في كلام لو هحس ان هو في جدال ما اردش يعني انا مش عايزين يبقى في تحدي دايما دايما عايزين تبقى انت يعني مستانس بيه كده دايما دايما كده انت الحته الحنينه عنده رمز الامان انت بيشوف كل حاجه فيه حلوه معاكي ولو في حاجه وحشه حصلت له يجي لك انت فهو ده دور الزوج والزوجه مع بعض او ان خطيبي بعوته من كده من دلوقتي ان حصل اي حاجه لا انا معاك لا انت معايا خصوصا ان في بينكم حب. اللي بيحب بجد وانت بتبحثي ومنزله سؤال وعايزه ازاي تصلحي العلاقه فدي حاجه كويسه ومبادره منك هايله يا ريت فعلا تاخذي بالنصايح سواء مني من زمايلي من اي حد هيفيدك باذن الله ويا رب يسعدكم ويفرح قلوبكم ولو احتاجتي اي حاجه احنا معاكي كلنا في فيدني.

السلام عليكم ورحمه الله يا رب تكوني بخير ترققك لعلاقه محرمه ده يعني نعمه من عند ربنا ان هو فوقك او خد بايدك وكتب لك التوبه ودائما التوبه والباب اللي فيه خير الشيطان مش هيسيبنا كده بقى يلا روحوا بقى لا بالعكس ده هيفضل يقعدنا شويه كده يندمنا شويه كده يحسسني ده كان الاول احسن ده انا كنت بحس بالشعور اللذه والفرحه وديه زمان عملت كده فده شعور طبيعي جدا جدا في الاول وهتتخطيها ازاي هتتخطيها انك دايما تعملي انشطه او تمارسي هوايات او تخرجي مع صحابك او تقراي قران او تشوفي ايه الموهبه اللي عندك وتبداي تنميها تتكلمي مع والدتك ترسمي اي هوايه انت بتحبيها لو لسه بتدرسي ابدئي وشوفي المجال بتاعك دلوقتي وصل لفين اا ذاكرتي ايه المذاكره اللي عليك لو انت لسه طالبه. هتلاقي مع الوقت كده ويومك بينشغل لما تعملي روتين لك اليوم بينشغل والحياه هتاخديكم ربنا رايد لك خير ان شاء الله ان شاء الله ربنا هيكتب لك الخير لان من ترك شيئا لله يعني ربنا بيعوضه خيرا منه ده باذن الله يا رب وان دي كانت توبه نصوحه لله وان شاء الله ان شاء الله ان شاء الله ربنا يكرمك ويفرح قلبك ولكن هنا الحل زي ما قلت لك في انك انت تجيبي انشطه. او تمارسي هوايات او تخرجي مع اصحابك بحيث انك تملي الوقت اللي عندك ما تسيبيش وقت للفراغ لان الفراغ قاتل تفضل تفكربي تفكري تفكري فلا احنا مش عايزين فراغ واسال الله لك التوفيق والثبات.

السلام عليكم يا رب تكوني بخير الواحد لما بيعبر عن مشاعره بيعرف يتصرف بشكل احسن ولما بيفهم مشاعره بيعرف يعيش بشكل افضل بيعرف يتواصل مع الناس بفاعليه اكثر لما الواحد يقول انا تعبان نفسيا مختلفه تماما عن لما يقول انا تعبانه عقليا يعني هو اللي تعبانه عقليا ما بيبقاش عارف ان هو تعبان يعني ما بيبقاش مستبصر فهنا في خلط في المجتمع كبير قوي بين المريض النفسي والانسان اللي عايز ارشادات نفسيه واللي عايز تنميه في مهارات معينه فده ظلم وعدم معرفها كامله بالخدمات اللي بتقدمها الصحه النفسيه. انك تعبري عن مشاعرك ده من حقك جدا انك تستحقيها ولا لا على حسب ايه اللي انت بتفكري فيه او ايه الموقف اللي حصل لك لكن مش طبيعي ابدا ان الواحد يكبت مشاعره او ينكرها او يقلل منها ده مش طبيعي ومحتاجه دايما تطلعي الطاقه اللي جواكي وتفرغي مشاعرك علشان تتصرفي بشكل احسن او تعيشي بالصحه نفسيا ده دي كل الحكايه ولكن اراء الناس حوالين انك انت لو كلمتي مختص او او زرت طبيب او ايا كان. يطلعك يعني؟ مريضه نفسيه زي ما بيقولوا يعني او مجنونه او الكلام ده فيعني قولوا اللي يقولوه هو اهم حاجه راحتك انت وانك تعيشي بسعاده او بوعي .

السلام عليكم يا رب تكوني بخير الوسواس هو عباره عن فكره ملحه بتلح عليك قوي قوي قوي وما بتحسيش بالراحه غير لما تعملي يعني اغلبها بتبقى معاها افعال قهريه اللي هي بتجبرك انك تغسلي ايديك كويس بتجبرك انك تفضلي يعني تستخدمي المرهض او التويليت فتره طويله فكل ده لما انت بتعملي لما انت فعلا بتعملي الافعال القهريه دي خلاص الفكره هتروح تجيلك ثاني وثالث ورابع طب هي ليه الفكره بتجيلك بتجيلك علشان احنا عندنا دوائر كده. في في دوائر كده بتبقى للحاجات اللي ليها لازمه وفي دوائر كده الافعال اللي هي ملهاش لازمه انت عكستي بقى اخذتي اللي هي الحاجات اللي ما لهاش لازمه دي ورحتي حطاها في الوعي اللي هو يعني اعملها. هنا العلاج ما بيبقاش تجاهل الفكره انك انت لما تتجاهلي الفكره هتهاجمك اكثر وهتزيد عليك اكثر الحل الامثل في الموضوع ده كانك بتتفرجي على شاشه التلفزيون. يعني انت لما تيجي تتفرجي على نشره الاخباريه بتلاقي تحت كده شريط كده نشط بيعدي انت نفس الكلام كانك شايفه المنشيه تحت واقرا الفكره اللي هو ايه انت لو قمتي دلوقتي من على التواليت انت كده مش هتبقي طاهره انت لازم تقعدي فتره اطول لا عادي استخدمي المرهض وسيبيه وقومي. هتيجي تغسلي ايدك انت غسلتيها ثلاثه مش غسلتيها اثنين عادي انت كانك بتسمعي موسيقى بتسمعي حد بيوجه لك رساله يعني ما تاخديش اي رد فعل يعني انت بتسمعيها او بتشوفيها وخلاص سيبيها تنر لو انت كنت شايفه انت غسلتي ثلاثه يلا خشي على ايدك ما تديش اهميه. لو انت بتشوفيها بس جربيها هو ده اللي بيجيب نتيجه حتى لو في الاول ممكن بالتدريج ما تعمليش كده في الاول يعني ممكن انت في الاول تقولي انا هستخدمه مثلا هعمل ايديا بعد بعد 10 دقائق مثلا. مع الوقت هتلاقي مثلا بعد ربع ساعه بعد نص ساعه مره ثانيه هتلاقي نفسك قعدت ساعه ومع الوقت هتلاقي نفسك خلاص الموضوع راح الفكره اصلا تلاشت وانتهت يعني جربي وان شاء الله خير.

السلام عليكم ورحمه الله اهلا بيكي الأمر دا ليه حلول كتيره و كل حل مختلف علي حسب سن الام و رغبتها. انتي لما تتجوزي طبيعي تنشغلي بزوجك و بعد كدا اولادك و حياتك الجديده. ✴️ اولا حطي نفسك مكانها بظروفها 🔹و خلينا متفقين أن الزواج شرع الله و يحل لها الزواج إذا كانت صغيره بالسن و تريد الزواج خليها تتجوز بعد اما تتجوزي و تعيش حياتها، و هنا الزواج للونس اكتر لان الوحده صعبه اوي. و اعرضي عليها ايه رأيك تتزوجي و دا حقك ربما تنكسف من اول مره و لكن كلميها بوضوح. 🔹إذا هي كبيره في السن ولا تريد الزواج يمكنك متابعتها و تعملي ايام تروحي ليها لان الوحده قاسيه.

السلام عليكم ورحمه الله اهلا بيكي اكيد الاهانه شعور صعب و خصوصا امام خطيبك، و لكن لماذا قام والدك بالشتيمه أمام خطيبك! ممكن تقولي الحدث كامل علشان اقدر اساعدك ؟

السلام عليكم ورحمه الله اهلا بيكي 🔹أتفهم شعورك، كوني علي اليقين أن الإنسان الذي لا يعرف حقوقه كويس و يطالب بيها محدش بيجبهاله لحد عنده، و المطالب اللي بتطلبيها من حقك في المأكل و الملبس و المسكن علي حسب قدرتكم الماديه. 🔹أما عن شعور ولدتك عندما تاخدي المال و تقول هذا قليل أو كثير لا تهتمي و مع الوقت مش هتقولك كدا أو انتي كمان مش هتشوفي دا في عينيها لأن خلاص بقيتي عارفه أن دا من حقك زي ما اخوكي من حقه و مادام دا علي قدر قدرتكم الماليه. 🔹 أما عن والدتك و اخوكي و التصرفات التي تصدر منه، اخبري والدك عن تلك التصرفاتك فهو سوف يعمل اللازم، اما من ناحيه المصاريف الذي يأخدها فهم احرار طالبي انتي بحقك و دعيه و شأنه، و لكن اخبريها أن كثره المال مع بعض الشباب مفيده و ربما يسلك طريق المخدرات أو غيرها من السلوكيات المدمره لشبابه و صحته. 🔹 حرصي من اخوكي و خدي كل احتياطات الآمان، و اصبري علي هذا الآلم الذي بداخلك عن طريق التعقل و التأمل في مخلوقات الله، و اعلمي أن كل هذا خارج عن قدرتك فأنتي لا يوجد بإيديكي شئ

السلام عليكم ورحمه الله وبركاته اهلا بيك 🔹دائره الاباحيه عباره عن حلقات متصله ببعض ، الاول بيكون مشاهده عابره، ثم تتحول إلي مشاهده دائمه ثم يتحول الأمر إلي الإستثاره من التصرفات الجنسيه زي ما حصل معاك حاليا. 🔹تصاب بالقلق أو الاكتئاب لانك بتكون ملازم الغرفه بتاعتك. 🔹تبدأ كراهيه الذات و لون الذات بل الي الانتحار عندما تزيد الأمور سوءا. ✴️العلاج ايه في الحاله دي ؟ علاج عن طريق معالج نفسي و حاليا بقي فيه اونلاين او انك تزور العياده، و مش لازم تعرف حد خاالص من أهلك انك بتروح عياده لأنك بتروح مره واحده في الاسبوع لمده ساعه او ساعه و نصف علي حسب كل معالج. ✴️✴️لو انت عندك أستعداد للقراءه ف يوجد كتاااب رااائع دليل علمي يستخدمه المعالج و مدمنون الاباحيه للتعافي أيضا اسمه التغلب علي الإدمان الجنسي موجود في مكتبه الانجلو ، ترجمه / ا.د محمد الصبوه و د. مروه عبدالستار هايل و هيساعدك كتير جدا أن شاء الله. ✴️ خد الخطوه لانك تستحق انك تعيش حياه طبيعيه، اتخلص من هذه العاده بعد اما تفهمها كويس جدا علشان تقدر تتعامل معاها ، و تريح دماغك اللي بتفكر ليل و نهار في هذا الأمر. ابدأ و أن شاء الله ربنا يعينك ، الله معك

السلام عليكم ورحمه الله وبركاته اهلا بيكي العلاج الوحيد ليكي هو زياره طبيب أو معالج نفسي. و الطبيب النفسي أو التدخل النفسي ليس للمجانين. فيوجد ٥ طرق للتدخل ؟ 1️⃣ تغير افكار و معتقدات. 2️⃣ تأهيل و إعاده تأهيل. 3️⃣ تنميه المهارات. 4️⃣ الوقايه. 5️⃣ العلاج. فكل واحد علي اللي بيعاني منه بيتحدد هيحتاج انهي طريقه من التدخل. و قولي لهم ان المجنون غير مستبصر، ازاي هنشتغل معاه و نعلمه يطلع من المعاناه اللي هو فيها !!! و كلها فكار مغلوطه حول الصحه النفسيه،

السلام عليكم ورحمه اهلا بيكي هل هو اشتغل قبل كدا و حدث احداث غير ساره له ف حاسس منها بالفشل ؟ ام هو لم يقوم بالتجربه ؟ 🔹العلم بيسهل نص الطريق علي الانسان، بالعلم في اي مجال بيخلي يتفادي الأخطاء الشائعه و التوجيه الصحيح حتي ينجح و يستمر بالنجاح فلابد من دراسه المجال الذي يريد أن يعمل به. 🔹 لو حاسس بإنعدام الشغف و الطاقه ف قولي له أن الإنسان في كبد دائما، و مين فينا بيحب ينزل الشغل و يصحي من الساعه ٦ الصبح يجهز نفسه! او ينام بدري علشان شغله الصبح, القيمه و التكليف في إعمار الأرض هو اللي بيخلينا نعمل كدا. ف لازم يحدد ايه القيمه بتاعته في الحياه. 🔹 ممكن تخليه يحدد ايه الانشطه الساره اللي بحبها و بقاله فتره كبيره اوي ممتنع عنها و يبدأ يعملها تاني. 🔹و خلي فيه نشاط من الانشطه اللي بحبها يكون مشترك بينك و بينه علشان يساعده في الاول، و خليه يعمله حتي لو هو مش مستمتع بس دا حل ليه في تعديل مزاجه.

السلام عليكم ورحمه الله اهلا بيكي خلينا متفقين و انتي في هذا السن غير مكلفه، و علي غير علم بالحرمانيه هذا الفعل، و حدث مره واحده بحياتك. و لم تفعلي هذا الذنب مره اخري، فالتائب من الذنب كمن لا ذنب له، و لو هنفترض مثلا مثلا انك هتتحاسبي عليه ف انتي خلاص توبتي ف من كل النواحي ربنا هيغفر ليكي أن شاء الله. ✴️طيب الأفكار دي تعملي فيها ايه، شوفتي المنانشيت اللي بيكون تحت القناه الاخباريه؟؟؟ اتفرجي علي الفكره اللي بتجيلك زي المنانشيت كدا بالضبط بصي عليها و متعمليش اي تعليق بدماغك خليها تمر هتلاقيها تلاشت و مبقتش تيجي في دماغك

السلام عليكم ورحمه الله اهلا بيكي الله يرحم والدتك و يغفر لها و يجعل مثواها الجنه، شعورك طبيعي و هو الحزن علي وفاه الوالده و لكن لو فكرنا بالمنطق و شرع الله هو من حقه الزواج لأسباب لا نعلمها نحن هو الوحيد اللي عايش و عارف ايه احتياجاته و دا حق من حقوقه. 🔹و هنا لازم تفصلي بين حق والدك الشرعي و بين حزنك الطبيعي جدا انك تحزني علي والدتك. 🔹 لو كنتي متزوجه ف هو عاوز حد يرعاه و يرعي باقي اخواتك، وجود الست مهم جدا في البيت و بيساعد الراجل في حياته، و لو كنتي لسه مش متزوجه ف مش هتقدري تقومي بكل المهام لانك ابنه و ليست زوجه و هيجي اليوم اللي برضو هتشوفي حياتك فيه. 🔹 روحي معاه و شوفي معاه ست بنت حلال مناسبه ليكم و تخاف عليكم و حبوها و تقبلوه. 🔹و خليكي علي علم أن الزوجه لا تنافس والدتك في اي شئ. 🔹 و تذكري أن الدنيا دار ابتلاء و محن و صعوبات، ف ارضي والدك و ساعديه في الخير حتي و إن كان صعب و لكن الاجر علي الله

السلام عليكم ورحمه الله اهلا بيكي ✴️محاولات التفكير في الانتحار مؤشر خطر علي حياتك، و لذلك قرار الذهاب الي طبيب نفسي عين الصواب، اطلبي أيضا أن يكون فيه جزء من العلاج علاج كلامي و ليس علاج دوائي فقط. 🔹هترجعي تضحكي و تفكري بشكل عقلاني اكتر في المواقف، و تدي الأمور حجمها الطبيعي و كمان هتتعلمي مع اختك و كل اللي حواليكي بطريقه هترضيكي أن شاء الله. 🔹 العلاج الكلامي بياخد وقت بس النتائج بتاعته ممتازه. ✴️ خذي الخطوه و أن شاء الله ربنا يكتبلك كل الخير

السلام عليكم ورحمه الله اهلا بيكي مقدره جدا ان الانعزال عن الناس مزعج جدا ليكي. 🔹الانعزال ناتج أفكارك السلبيه اللي بتفسير بيها الأحداث سواء في الحاضر أو الماضي أو الذكريات. 🔹 مثال: لما خرجت من البيت كان في اتنين بيضحكوا مع بعض ، انتي هنا ممكن تفسير دول بيضحكوا عليا ف تحسي بالزعل ف تدخلي البيت تاني و متخرجيش ( دا مثال توضيحي للأفكار السلبيه اللي بنتعامل معاها) 🔹نفس المثال لو فكرت فيه بشكل إيجابي زي بيضحكوا علي موقف حصل، او بيستعيدوا الذكريات، هتلاقي نفسك بتكملي عادي و روحتي مشوارك. ✴️ف هنا محتاجه تعرفي ايه الأفكار اللي بتجيلك تسبب ليكي العزله. 🔹الضحك الهستيري : بيكون ناتج عن تقليل الخوف و التوتر اللي جواكي، لان الانسان طول ما هو بيضحك بيكون في أمان ف جسمك بيحاول يقولك انتي في امان اطمني علي شكل نوبات الضحك. 🔹 الثقه بالنفس: محتاجه تعرفي ايه الأفكار اللي بتخليكي متثقيش بنفسك؟ و تعالجيها لما تعرفي حقوقك المشروعه و تطالبي بيها بطرقه تخلو من العيب و الحرام و العنف و العدوان. ✴️ مواجهه المواقف بشكل مناسب هيخليكي متفاعله و العزله دي هتنسيها تماما.

السلام عليكم ورحمه الله التفكير في المستقبل أمر مرهق جدا بالتأكيد و لذلك يجب ممارسه تمارين الاسترخاء و التأمل و الإلهاء و التشتيت حتي تقل الأفكار لديكي

السلام عليكم ورحمه الله اهلا بيكي يجب عليكي زياره معالج نفسي لانه من الواضح كان يوجد محاوله انتحار سابقه، و تتعلمي معه كيف تتعاملين مع الأفكار التي تجتاحك و تلح عليكي حتي تستطيعي تعيشي حياتك كالسابق.

السلام عليكم ورحمه الله اهلا بيكي عندك حق العلاج الدوائي وحده لا يكفي و لذلك يجب متابعه معالج نفسي حتي تتم الخطه العلاجيه بالشكل الصحيح ، الدواء يظبط هرمونات الدماغ تاني، و العلاج الكلامي يساعدك في التفكير بشكل صحيح و تنميه مهارات الإجتماعيه و الانفاعليه و غيرها. لذلك لابد من وجود الاتنين معا لنتيجه أفضل و تشوفي الفرق .

السلام عليكم ورحمه الله اولا الحمدلله علي سلامتك ، و البقاء و الدوام لله ربنا يرحم صاحبك، اربع مرات محاوله انتحار دا خطر جدا علي حياتك لذلك يجب زياره طبيب نفسي حالا، حتي تحافظ علي حياتك و تعيش الحياه التي تستحق أن تعاش. لذلك لازم لازم لازم زياره طبيب نفسي.

السلام عليكم ورحمه الله 🔹علشان تتخطي الخوف ، اعرفي جيدا أن ٣ ثانوي زيها زي اي سنه دراسيه فقط التزمي بهذه الأمور 1️⃣ الاستعانه بالله و الدعاء بالتوفيق و السداد. 2️⃣ أختيار مدرسين كفاءه. 3️⃣ عمل جدول يومي بمواعيد الدوري و المذاكره. 4️⃣ المذاكره أول بأول حتي لا يتراكم عليكي اي جزء. 5️⃣ ممارسه انشطه بتسعدك متنوعه حتي لو مره كل اسبوع عند الانتهاء من مذاكره طول الاسبوع. 6️⃣ تكافئي نفسك كل شهر بحاجه اكبر شويه من الانشطه اللي هتمارسيعا كل اسبوع، لأنها بتديكي حافز اكبر. و ربنا يوفقك يا رب العالمين

السلام عليكم ورحمه الله اهلا بيكي لاشك أن التفرق أمر قاسي خصوصا بين الأخوات و لذلك عليكي التحدث مع والدتك بكل هدوء عن مشاعرك انتي ، مثال يا ماما انا بزعل لما بلاقي بتكلمي اخويا في أمور معينه و انا لا و بفهمها انك مش بتحبيني ، ممكن تبقي تشاركيني الكلام حتي لو حاجه بسيطه ... خلي كلامك دائما بتتكلمي فيه عن مشاعرك انتي و ليس عنها يعني متقوليش انتي بتحبي اخويا اكتر مني او اي شئ من هذا القبيل حتي لا تأخذ هي الدفاع عن نفسها.

السلام عليكم ورحمه الله اهلا بيكي المستشفيات اللي بتقدم دعم و علاج نفسي في العيادات الخارجيه لديهم في نطاق الجيزه و القاهره هيكونوا مستشفي العباسيه ، الدمرداش. و في كل مستشفي جامعي بيكون فيها قسم خاص بالعلاج النفسي في العيادات الخارجيه الخاص بيهم.

السلام عليكم ورحمه الله اهلا بيكي الثقه بالنفس و توكيد الذات دي مهاره مهمه جدا لانها بتنفعك في حياتك الاجتماعيه، طول ما بتعرفي تتصرفين كويس في المواقف كل ما الحساسيه اللي عندك هتقل و لوم الذات يقل و لذلك انصحك بقراءه كتاب أنه من حقك يا أخي للدكتور عبدالستار إبراهيم هتلاقي نازل منه نسخ كتيره علي الانترنت pdf تقدري تنزليها و تعرفي معني توكيد الذات و تطبقيه في حياتك. بالتوفيق لك

السلام عليكم ورحمه الله اهلا بيك مقدره حالتك و اللي بتحس بيه و انت مش لوحدك في العالم بتحس بالمشاعر دي او المشاكل السلوكية دي، انت محتاج معالج نفسي و يمشي معاك خطوه خطوه هو دا الحل الوحيد لك ،، تروح لمعالج و تتخلص من كل دا او تفضل في المعاناه دي طول حياتك. لانه هيسلعدك تتعامل مع إنفعالاتك و و هيعلمك إزاي تفكر بشكل إيجابي و هينمي عندك مهارات الثقه بالنفس و إتخاذ القرار بنفسك.

السلام عليكم ورحمه الله الله يعطيكي الصحه و العافيه خطأ كبير وقف الجرعه من تلقاء نفسك، قومي بإستشاره الطبيب قبل أخذ الجرعه مره اخري.

السلام عليكم ورحمه الله اهلا بك مقدره شعورك اتجاه كل اللي قولته و لكن هنا اتخاذ القرار مختلف عن ارتكاب معصيه، ارتكاب معصيه ربما تكونت لديك إدمان سلوكي لشئ معين محتاج جهد حتي تتخلص منه و تتعرف ازاي تطلع من السلوكيات الخطا دي بإعاده البناء المعرفي لديك. و ارحم نفسك و ساعدها لا يوجد مستحيل، و تذكر أن خير الخطائين التوابيين. الله يرزقك ما ترجوه و يعينك عليه ، تحياتي 🌹

السلام عليكم ورحمه الله اهلا بك دينيا دا متفق عليه ، اما العرف و العادات و التقاليد مختلفه ، ايام زمان كان الرجل فيه صفات كتييره من أهمها الشهامه و الكلمه بتاعته عقد ، لكن الان فيه مشاكل كتيره بتتعرض ليها الست، و مبقاش الأهل يوافقوا علي الكلام دا إلا نادر. الأهل بيكون عندهم سؤال واحد بس، ايه ضمان بنتي لو جيه قالها في يوم خلاص كل واحد يروح لحاله؟؟ دلوقتي القائمه دا حق من حقوق الست و للاسف لو فيه حد قال مفيش قائمه الشك بيصيب قلوب الناس نظرا للمشاكل الكثيره اللي بتحصل. ثانيا وجهه نظر اهلك نظره موضوعيه جدا ، الاجهزه دلوقتي بمبلغ كبير جدا و العفش دا غير تجهيز الشقه نفسها و الدهب و المؤخر لو هتاخده في الاول ، الموضوع فعلا محتاج مصاريف كبيره.. دا غير ان اي بنت عاوزه تنقي حاجتها بنفسها و بتكون مستنيه اللحظات الفرحه دي من زمان.. الست بتحتاج مكان و عفش محدش عارف ايه اللي ممكن يحصل، يعني لو أهلها جرالهم حاجه و جيه الزوج محصلش وفق و سألوا بعض و معندهاش مثلا مكان تعمل ايه؟؟ ايام الرسول صلى الله عليه وسلم كان فيه شهامه و معاني كتيره للرجوله مبقتش موجوده حاليا للاسف مع بعض الناس، ف الأهل هيطمنوا ازاي!و دا حقهم الصراحه، لان الست هتفضل ست و الراجل هيفضل راجل. بمعني هيقدر يتصرف و يروح و يجي، أما الست صعب و دا اللي بيميزها و بيخلينا نفكر مره و اتنين و عشره في موضوع القائمه. اما بالنسبه للفرح في ناس بقت تعمل كدا و يطلعوا عمره عادي او يسافروا اي مكان. ربنا يوفقك و يرزقك بالزوجه الصالحه

السلام عليكم ورحمه الله اهلا وسهلا بيكي في هذه الحاله انتي مش محتاجه نصيحه علي اد ما انتي محتاجه علاج نفسي سواء كلامي أو دوائي، إذا اردتي عمل اختبارات نفسيه و نقوم بدراسه الحاله و نفهم طبيعه اللي بتمري بيه راسليني.

السلام عليكم ورحمه الله ✴️ربنا يوفقك في امتحاناتك و تحصلي علي اعلي الدرجات . 🔹خلينا عارفين أن خير الخطائين التوابون، و أن مش العيب انك تحاولي و تحاولي لحد اما تتوبي توبه بدون انتكاسه. ✴️ الشيطان دائما عاوز يجرك الي النقطه دي و هي انك متحاوليش و تفضلي في المعصيه ، و ربنا سبحانه و تعالي عاوزك دائما في رجوع و توبه حتي يغفر لكي ذنوبك، و نحن بشر يعني غير معصومين من الخطأ و لكن يكون الخطأ بدون قصد أو نيه. ✴️ لازم تراجعي الأحداث اللي قبل المعصيه و تعرفي السبب وراء المعصيه علشان فعلا يحصل تغير في السلوك المؤدي الي المعصيه ، لان طول ما مفيش مراجعه ايه الأسباب اللي بتوصلني لكدا ف هيفضل فيه انتكاسه. ✴️ الدعاااء دائما ادعي ربنا أنه يساعدك علي التخلص من هذا الذنب و أنه يقويكي، الدعاء بيغير كتير و كمان الاستغفار بنيه أن ربنا يبعد عنك اي شر و أنه يرزقك فضل الاستغفار و الصلاه علي النبي تزيل الهم و الغم. ✴️ ركزي حاليا في مستقبلك و امتحاناتك و متخليش الأفكار دي تسيطر عليكي و تلهيكي أسال الله لك التوفيق و النجاح تحياتي لك 💐 💐

مش هيخيبوا ظنك أن شاء الله تواصل معاهم و توجد عيادات خارجيه بالقصر العيني و بمستشفي العباسيه للصحه النفسيه و بالمجان و تتابع مع الدكاتره و تلتزم بالعلاج هتكون احسن مما تتصور أن شاء الله و هتلاقي الحياه اللي حقيقي تستحق انك تعيشها. خد الخطوه ، الخوف هيكتفك و هيزود معاناتك فقط لكن عمره ما هيحصل ليك المشكله

تمام، ادام كلام كأصحاب و فضفضه ف ممكن تعملي كدا مع اصحابك البنات و تبقي عملتي عاده إيجابيه بدل السلبيه ،،، استخدمي التعقل و التأمل لكي توقفي التفكير بشكل موقت، أن ارتاحتي علي التعقل خلاص لو لسه تعبانه يبقي تشوفي اخصائي أو تتابعي معاه علشان تتخلصي بشكل كامل من المعاناه

انتي ايه اكتر حاجه تعباكي ، و طلبتي الخدمه علشانها ؟؟؟ هل بتعاني من اي مشاكل اجتماعيه او جسميه او شخصيه او سلوكيه ؟؟ ما طبيعيه الكلام بينك و بين الشباب؟؟؟ ماذا عن طفولتك ؟ ايه هي مواطن القوه عندك ؟؟ و ايه هي مواطن الضعف؟؟

مش فكره طبيعي او لا، لأن لازم يكون فيه كذا حاجه مشتركه، كلام شباب دا سلوك خاطئ و لكن مش معناه انك شخصيه بينه.. و بالتالي بنمر لفحوصات كتيره علشان نقدر نحدد انتي شخصيه بينه ولا لا، عموما مش هقدر اسألك عن أشياء نظرا الخصوصيه و لكن اقدر اقولك علي اشياء تساعدك إذا كان لديكي الدافعيه للتغيير ، تراقبني تصرفاتك و دي اهم نقطه علشان تعرفي ليه بتحصل الانتكاسه ؟ و ليه بترجعي تاني؟ و تتعرفي علي افكارك و شعورك وقت الانتكاسه ,,,, و كمان تقدري تلهي نفسك في الخروج أو دراسه حاجه جديده او تستخدمي التعقل و التأمل هتفيدك جدا

ادمن فيدني اهلا وسهلا بك، بالفعل عامله الابديت منذ عده ايام ولكن لا اعرف لماذا لا يتم إرسال الصوت

اختي الكريمه هذا غير مختص، و ربما تعاني من هذا لفقد شعورك بالحب من الاسره او تجاوزتي سن معين و تريدي الزواج مثل اي فتاه و اي حد هيمر بعدم إشباعه من الحب و الحنان بشكل كافي ممكن يختار غلط مجرد بس أنه يخرج من الجو اللي هو فيه،، ف لا م تبقي عارفه انا ليه بتصرف كدا ؟ و ازاي اقدر اختار صح؟ و ازاي تخرج المشاعر اللي جوايا ؟ ... و خلي بالك الشخصيه البينه بيكون تعدد العلاقات مش مجرد كلام فقط بل يتتجاوز ذلك بكثير .. كل ما عليكي فهم نفسك و كيفيه تنظيم انفعالاتك و ترتيب افكارك

كنت بقولك أن اضطراب الشخصيه البينه يجمع بين المرض و الانحراف و لازم نعمل تقيم علشان نفهم الشخص و نعمل دراسه حاله و نشوف هو بيعاني من ايه بالضبط و الشده الانفعالات ، لانه بيكون شديد جدا في الانفعالات و العواطف بتاعته غير الطبيعيه و انفاق الفلوس غير طبيعي و الشهوه عنده مبيعرفش يسيطر عليها سواء جنس أو مخدر أو ايا كان . ف مش من السهل خالص التشخيص من خلال فيديو و هذا غير علمي

الريكوردات شغاله؟

سأرسل لكي واحد اخر

نحن لم نعلم الغيب ، و بإيديك تعيش حياه سعيده. الحياه كبيره و مليئه بالمواقف إذا كل موقف حدث لشخص و التزم المنزل لا يوجد احد علي الكوكب خارج المنزل. و انت تريد أن تتخلص من كل هذا التعب و الكدر و لذلك قومت بالسؤال عن الحل... لذلك انصحك أن تقاااوم و تذهب للطبيب

انت أمام أمرين ليس لهم ثالث اخي عبدالرحمن، اما ان تزور الطبيب و تنتهي و تشفي من كلا من : من دائره الآلم الجسديه و الأفكار السلبيه التي تجعلك لا تستطيع النوم، و تسبب لك الكدر الانفعالي و حياتك التي أصبحت معطله و كراهيه الذات و لوم الذات و كل هذه الأفكار. لاما تسيب نفسك للانتحار و ربما المره القادمه لا يستطيع أحد انقاذك ، الخيار بيدك انت وحدك ....

لا شكر علي واجب، دا واجبنا هنا علي موقع فيدني، و إذا احتاجت اي شئ نحن جميعا معك و نساعدك. اسأل الله لك التوفيق في رحلتك القادمه و أن شاء الله تتخلص من كل شئ . تحياتي لك 💐

https://www.facebook.com/profile.php?id=100082614862493&mibextid=ZbWKwL ... إن شاء الله يساعدك

علي الاذقاني من الزملاء المجتهدين وارشح لك اي معالج سوف تختاره عن طريق التعرف علي تخصصه الدراسي و يكون آداب علم نفس أو طبيب نفسي و يكون حاصل علي دورات تدريبيه سواء العلاج السلوكي و الجدلي السلوكي و غيرها من الدورات دول اهم شي تاخد بالك منه و تسأل فيه حتي تكون رحله علاج مثمره و يعطيك افضل النتائج.

فيه كتاب اسمه سيكولوجية المشاعر و تنميه الوجدان للدكتوره كريمان، و ممكن يكون كتاب أنه من حقك يا اخي للدكتور عبدالستار إبراهيم بيعرفك فيه حقوقك و ازاي تطالبي بيها و فيه كمان تدريبات

اه الكتاب مفيد جدا و هيساعدك و لو حاجه وقفت معاك و معرفتش ازاي تطبقها أو مش فاهم المقصد في اي جزئيه راسلني اشرحلك تعملها ازاي و بالمجان

ممكن تعبري في البدايه عن طريق الكتابه و ممكن عن طريق التواصل بلغه الجسد أن يكون فيه تواصل بصري فعال أثناء الكلام أو الابتسامه البسيطه عند رؤيه الآخرين و لازم تكوني عارف اسماء المشاعر الاساسيه و الفرعيه علشان تفهمي ايه اللي بتمرير بيه في اللحظه الحاليه..... و تجنبي اللوم اثناء الحديث عن مشاعر، اتكلمي عن نفسك زي انا مبحبش الفعل الفلاني بدل ما تقولي مثلا انت أفعالك الفلانيه بتضايقني لأن الطرف اللي امامك هيبدأ يحس انك بتهجميه و هيبدأ يدافع عن نفسه حتي و إن كان هو اللي غلطان، ..... خلي كمان عندك روح لسماع آراء الاخرين .... و انتي بتتكلمي حسيتي انك هتبدأي تروحي لنقطه بعيده في المحادثه هتجيب مشاكل وقفي كلام و قولي لما نكون اعصابنا كويسه نتكلم علشان نلاقي حل..

كدا ممكن يكون في حاجه من الاتنين لاما يبقي فيه افكار بتمنعك من التعبير، او انتي محتاجه تنمي مهارات التعبير عن مشاعرك

التجارب اللي خرجتي بيها في العلاقات السابقه هتعلمك في العلاقات اللي جايه ازاي تتعاملي و تكوني مقدره نفسك، اغلب العلاقات بتبوظ لما تكوني متساهله في حقوقك، عبري عن اللي جواكي مع الاشخاص اللي بتحبيهم و واثقه فيهم، بلاش تداري و تتجنبي الاختلاط ، لان التجنب هيؤدي الي المزيد و المزيد من التجنب. تخيلي كدا انك في اوضه فاضيه و كل شويه حد يدخل عفش فيها انتي مش بتحبيه ف تقولي خلاص هروح اقعد في زاويه تانبه في الاوضه و حد يدخل حاجه برضو مش بتحبيها و تفضل الناس تعمل سلوكيات أو مواقف تتعبك و تزعلك و انتي بدل ما تعبري و تواجهي بتسكتي و بالتالي الاوضه هتتملي عفش لحد ما مش هتلاقي ليكي مكان فيها و هتفضلي مضايقه و مزاجك وحش و مش مرتاحه و دا اللي بيحصل جواكي دلوقتي. ف الأحسن انك تعبري عن مشاعرك و كمان مارسي التعقل و التأمل :ركزي علي اللحظه اللي انتي فيها علي نعمه من نعم الله بدون إصدار أحكام. اخرجي مع زملائك أو تتعرفي علي ناس جديده . لو مش بتشتغلي تشتغلي . كل دي حاجات هتساعدك انك تختلطي اكتر و المشاعر دي مع الوقت و التجارب هتختفي لو واجهتيها

اشكرك ، ربنا يوفقكم يارب

حاولي تلعبي حتي لو بالبيت تمارين التسخين اللي بتكون قبل الرياضه لمده ٣٠ دقيقه او اكتر لحد اما تخلصي امتحانات و ترجعي تاني للتمارين لانه مفيد جدا ليكي . أما عن طريق الأشخاص اللي حواليكي ف انا مش قادره احط ايدي علي المشكله علشان اقدم ليكي حلول تقدري تنفيذها و لكن إذا كانت هناك علاقه مش عجباكي و حاولي مره و اتنين و مفيش فايده يبقي خلاص سبيها و كوني علاقات تانيه ، و لو مينفعش تغيريهم لأنهم أهل مثلا يبقي تقبليهم و تقبلي أن محدش معصوم من الخطا و اكيد زي ما ليهم عيوب اكيد ليهم مزايا و ابدأ مارسي التأمل و التعقل حتي تصرفي تركيزك عليهم و تفصلي دماغك من التعب و التفكير .. و كلام صحبتك كويس كل واحد بيحب بطريقته و بيشوف هو دا الحب بس ممكن جدا تتلاقوا في النص و كل واحد يكون راضي عن العلاقه و مبسوط فيها.

لا شكر علي واجب ، اسأل الله لكي التوفيق و السداد 💐💐

لا شكر علي واجب ، إذا احتاجت اي مساعده انا هنا لمساعدتك و مجتمع فيدني المتميز ، اسأل الله لك التوفيق و السداد 💐

و دا اللي هتكوني عايشه فيه لو حصل بينكم زواج ، سبحان مجمع القلوب و سبحانه اللي جعل التوافق و التكافؤ اهم عنصر من عناصر الزواج الناجح . صلي استخاره و اسمعي صوت عقلك و ربنا يكتب ليكي الخير و يوفقك 💐💐💐

علي الرحب و السعه 💐💐

ربنا يرحمها و يغفر لها ، اتفق معاكي أن الوجع من الأهل أو الأقارب بيكون ١٠ أضعاف اي حد تاني ، و كان مقصدي علي اي شخص سواء كان اصدقاء او أقارب. تحدثي معاها إن كان يهمك علاقتكم تستمر ، و لو شايفه دا مش هيريحك خلاص متفكريش في الموضوع تاني ، اعملي لنفسك إلهاء و تشتيت ، اشغلي نفسك و وقتك ، تأملي الكون ، مارسي تمارين الاسترخاء. و لكن التفكير المفرط بدون أخذ موقف هتفضلي في نفس الدائره المفرغه و هتعاني كتير.

💐💐💐💐💐

ابعتيلي ، ادخلي علي الصفحه هتلاقي حجز استشاره اضغطي عليها ، هتحولي رساله علي الواتس و هيتم التواصل

الاقارب تحطي ليهم حدود و متسمحيش لحد التدخل في امورك الخاصه ، في الاول ممكن تكون صعبه عليكي شويه علشان (مثال: ممكن تقولي كدا هيزعلوا مني و كدا هكون بحرجهم ، لكن لو قولتي لنفسك ازاي تسألني سؤال كدا ، دا مرفوض بالنسبالي ، لازم ارد رد ناشف علشان ميتكررش ، و بالتالي مع الوقت هيعرفوا أن دا بقي اسلوبك و مش هيسألوكي تاني علي امورك الخاصه ، لان النتيجه كانت غير مرضيه ليهم ف بالتالي مش هيكرروا اسئلتهم السخيفه تاني ..... أما تتخطي اصدقاء ف التعرف و تكوين صداقات جديده و انتي مع فرق اللي هتشوفيه أن شاء الله و راحتك معاهم هتلاقي نفسك نستيهم

البعد عنهم غنيمه ، خصوصا من رحمه ربي جعل الصداقه من اختيارك حتي تتألف النفوس بدون إجبار و تحسي بمعاني الصداقه الحقيقيه ، فالصديق الحق يبقي جانبك لا يري عيوبك و اذا رآها يكون ستر عليك يمدحك أمام الناس و بمفرده ، ابعدي عن كل ما يؤذيكي و استمتعي مع ناس تشبهك ، الحياه مليئه بالناس و ربنا يعوضك خيرا منهم

اطلبي مساعده مامتك و خالتك خاصه انهم مرحبين بالأمر ، هتلاقيهم بيساعدوكي و هيقربوا بينكم المسافات ، و أن شاء الله خير

شكرا بجد اوي علي الدعوات اللي لمست قلبي دي ، و لكي المثل أن شاء الله. الله يوفقك و يسدد عنك كل التوفيق يا رب العالمين 🤍

و يجازيكي كل الخير يا رب ، اشكرك لكلماتك النبيله . ،، لو انتي من مصر ف دراسه قسم النفس التابع لكليه الاداب بمصاريف عاديه جدا زيه زي اي قسم كانت من ٤ سنين ٥٠٠ ج للانتظام و ١٠٠٠ ج للانتساب . و فيه كليه تقريبا في طنطا بتدخلي علي طول في علم النفس الاكلينكي معرفش دي اللي تقصديها ولا لا بس مش غاليه اوي برضو ... و الافضل بينهم هو دراسه علم النفس العام و بعد كدا تتخصصي بحيث تبقي شوفتي كله و بقي عندك حصيله علميه كويسه . أما ممكن تكوني سمعتي عن أن المشوار بيكون طويل شويه حاجه بسيطه علشان الكورسات اسعارها غاليه نسبيا و الكتب و لكن ربنا هتلاقيه بيفتحها عليكي في حاجه تانيه .. اذا كنتي حابه التخصص اتوكلي علي الله و ربنا يوفقك 💐

العلم الحقيقي يكون مبني علي التعليم ثم التطبيق ( الممارسه) ثم التعميم ( اي اعمل اللي اتعلمته في المواقف المشابهه ) لذلك أخذ خطوه تكمله التعليم خطوه جيده ، و ترفع من مستواك المهني بشكل كبير و تزود من فرص دخل مادي افضل و بالتالي عليك التوجه إلي اقرب جامعه لك و الجامعه التي تسمح لك بالإنضمام لها لأن كل عام يوجد تعليمات جديده خاصه بالتعليم العليم العالي و تتابع الدراسه بشكل منتظم ، و بالتوفيق و السداد

كل حاجه في الدنيا تبدأ بخطوات، النجاح محتاج خطوات ، الاستمرارية في النحاج محتاجه خطوات و علشان ننجح لازم نراجع خطواتنا إذا كانت في جزء غلط مش شرط خالص يكون فينا ممكن البيئه اللي حوالينا و لذلك انصح بعمل اختبارات حتي يمكننا التعرف علي الجزء اللي فيه قصور و نقوم بأصلاحه حتي تتمكن من النجاح و العمل بشكل أفضل.