اسفه على الاطاله انا عندى ٢٦ سنه بحب واحد جدا بقالى ٥ سنين واتخطبنا بس هو عصبى اوى اوى لو قولت كلمه مش على مزاجه يشتمنى ولو قدامه يضربنى بيعمل حاجات كتير وحشه وغريبه اوى هحكى موقفين انا شيفاه غلطان فيهم وهو يقولى انتى غلطانه الاول كان فيه مشكله بينه وبين اخويه بسبب انه بيساله عمل اى وجاب اى واخويا قاله كلام مش حلو بصراحه وزعله وبابا مكنش فى البيت خطيبى نزل زعلان قمت متصله بابا واخويه التانى عشان يتصلو يصالحوه وفعلا اتصالو صالحوا وماما كمان اتعركت مع اخويا بسببه وكانت مشكله كبيره وكانت نفسيتى زى الزفت بعدها عشان كل المشاكل ديه حصلت بسبب خطيبى وانا اليوم اللى بيجيلى فيه ببقى تعبانه فى توضيب البيت والاكل وانى بستنى اليوم اللى هيجى فيه بفارغ الصبر واتصلت حكتله على اساس انه يهون عليا مفيش نام وسابنى فانا زعلت انه ازاى يسبنى فى الظروف ديه وكل المشاكل ديه حصلت بسببه اصلا المهم بعدها بيوم اتصل بيا رديت عليه قالى انا اسف وبحبك وبتاع قولتله ماشى وانا كمان بس كان كلامى واقف شويه بسبب نفسيتى واللى حاصل راح قافل السكه فى وشى وشتمنى وقالى انتى مريضه ونمروده انتى تحمدى ربنا انى بصالحك وقالى كلام وحش اوى وشتمنى بالفاظ قولتله انا عايزه كلام يطيب بخاطرى عشان الىى حصل ماثر على نفسيتى راح عملى بلوك رحت حكيت لماما وخليتها تكلمه يجى ياخد حاجته وفعلا جه ومرفضش بياعنه ليا سهل اوى ببقى نفسى يقولها ديه مشكله صغيره بلاش نكبر الموضوع خصوصا انى بقالى كتير بستحمله وبعدى وعملت عمليه كبيره وعندى مليون مشكله معاه وبعدها عايز يرجع بس كل ميكلمنى يقولى انتى اللى غلطانه انتى مكنتيش ادتينى دهبى مهما حصل قولتله انت ليه تشتمنى وانا نفسيتى تعبانه كدا يقولى انتى اللى غلطانه بردو المفروض اما اجى اصالحك تتصالحى علىى طول ولما اتناقش معاه يقفل ويعملى بلوك الموقف التانى انه بعد ماقعدنا ٤ شهور يرجع ويسبنى رجع قالى خلاص انا هتغير وكل دا انسيه وفعلا بقى كويس بس انا غصب عنى كل شويه بفتكر اللى حصل وببقى عايزاه يطمنى انه هيبقى كويس جيت قولتله انا مش مطمنه انا مش مرتاحه قالى خلاص امشى سكت وعملت نفسى همشى فعلا راح مكلمنى قولت هيصلح لقيته عمال يجادل معايا انى مش المفروض اخاف وانى كدا نكديه وانى وحشه مع انى نفسى بس فى كلام يريحنى بعد ماسبنى كل الفتره ديه يقولى معنديش كلام طلاما وفقتى ترجعى يبقى تنسى وتسكتى ودا اللى عندى انا كدا غلطانه 😓💔 انا مشكلتى انى بحبه بجد ونفسىى انه يبقى حنين ومتمسك بيا والمشاكل متخليهوش يسبنى نفسى يبقى ناضج بحس كل همه انى مزعلهوش حتى لو زعلنى هو انا اسكت لحد مايجى يصالحنى وانا بحب لما يزعلنى نتناقش ونخلص الموضوع ويتاسف لا هو بيتاسف بعدها ب٤ ايام وبعدها يقرر الغلط تانى عادى انا بتنازل عشانه ديما وبحوش فلوس واديهاله او اشترى حاجه فى الجهاز عشانه وماما كمان شيلاه فى حاجات ياما واما بيطلب منى حاجه قبل مايخلص الجمله بعملها بس مبيقدرش حاجه ومبيشليش دا مجرد مازعله يرمينى ويسبنى ويعملى بلوك حتى لو غلطتى رد فعل على غلطته تعبت اوى😣
تم النشر السبت، ٢٧ أبريل ٢٠٢٤
بصى انا من وجهه نظرى بحب متديش حد اهميه اكتر من اللازم طلاما هى كل شويه تقرب وتبعد او بتتغير تبقى شخصيه مش اساسيه فى حياتك لان الشخصيات الاساسيه عمرها مبتتغير علينا واعرفى ان ديه مش الصحبه المناسبه ليكى لسه هتقابلى ناس احسن انا كان معايا صاحبه بقالها ٨ سنين وبعدت عنى فاجاه عرفت انها مكنتش شبهى وانى اخترت شخصيه غلط اصاحبها والحمد لله ربنا كرمنى بناس احلى وناس بتزود ثقتى فى نفسى وديما فى ضهرى فاللى معاكى ديه مش صاحبه اعتبريها معرفه ودورى على ناس تانيه شبهك احسن متضيعى عمرك فى التفكير فى عمايلها
تم النشر السبت، ٢٧ أبريل ٢٠٢٤
طلاما خايفه ابعدى وهو لو بيحبك هيتغير ويرجع ونصحيه ابعدى بجد خالص اختفى من الحياه اشتغلى حتى شهر او انزلى اعملى اى حاجه اشغلى نفسك شهر لقتيه اتغير ورجع كويس وندمان كملى مرجعش كويس اديله حاجته وبالسلامه وعلى فكره تجربه شخصيه مفيش حد بيتغير انا قعدت ٤ سنين مع شخص على امل انه يتغير متغيرش وانا اللى اتغيرت ودفنت نفسى بالحياه عشانه وفى الاخر سابنى بردو متقبليش بحاجه وحشه عشان بتحبيه احنا نستاهل احسن من كدا ولو حتى مجاش الاحسن فقعدتنا فى بيت اهلنا ارحم بكتير من جوازه فاشله
تم النشر السبت، ٢٧ أبريل ٢٠٢٤
حاولى تقولى لحد من اخواتك او خلاتك انه يفهمها انك تعبانه وانك بتزعلى من اهملها ليكى حد يكون مامتك بتحبه وبتسمع كلامه او انتى اتكلمى معاها بهدوء فى الاول وفى الاخر اكيد مامتك بتحبك وبالنسبه لامهات كتير البرد حاجه عاديه
تم النشر الخميس، ٣٠ مايو ٢٠٢٤
حاولى تمنعى نفسك تشوفيه خالص اى مكان حاسه انه هيبقى فيه مترحهوش لحظ متتعافى تماما وتنسيه خالص ميجيش على بالك حتى واشغلى نفسك بحاجه مفيده وادعى ربنا يعوضك❤️
تم النشر الاثنين، ٢٩ أبريل ٢٠٢٤
والمصيبه بجد ان كل مره يزعلنى يقولى انتى اللى بتعصبينى لمجرد مثلا انى بقوله انا خايفه تسبنى قلقانه مش مطمنه انا قسيت عليا كتير بفضل يشتم فيا ويعملى بلوكات ويقول عليا نكديه كل دا مش فاهمه ليه مع انى ببقى عايزه كلمه واحده تطمنى لا يفضل بالساعات يتكلم فى اد اى انا نكديه وغم ودراما لكن يقول كلمه حلوه عشانى لا صعب مش فاهمه ليه هو بالشخصيه ديه مع انى حنينه جدا معاه
تم النشر الأحد، ٢٨ أبريل ٢٠٢٤
الريكورد التانى مش شغال
تم النشر الأحد، ٢٨ أبريل ٢٠٢٤
والله دا هو واهله كمان بيقولولى انه شتمنى عشان انا غلطت لما كان جاى يصالحنى مرضتش اتصالح فى ساعتها ورديت رد واقف شويه بكلم مامته بقولها دا شتمنى قالتلى شوفى انى عملتى اى عشان يشتمك
تم النشر الأحد، ٢٨ أبريل ٢٠٢٤
فعلا والله حاضر ربنا يخليكى يارب♥️
تم النشر السبت، ٢٧ أبريل ٢٠٢٤
حاضر معاكى حق
تم النشر السبت، ٢٧ أبريل ٢٠٢٤
فعلا هو اتعود انه يهنى ويرجع يصالحنى اتصالح بسرعه انا اللى عودته على كل دا يارب بجد
تم النشر السبت، ٢٧ أبريل ٢٠٢٤
النهارده كلمنى بقوله حتى او انا غلطانه ونكديه المفروض متسبنيش هدينى وانا هبطل نكد او اسكت لحد ماهدى يقولى لا هعملك بلوك انتى نمروده وتستاهلى البلوك وكل ماتفتكريلى حاجه وحشه عملتها من اسبوعين هعملك بلوك مع انى اللى بفتكره ابدا مش حاجه سهله انا كنت بعيط بالايام وبتمنى الموت وكنت هنتحر يقولى المفروض طلاما رجعتلك تنسى انتى كدا قلبك اسود وبتحبى الدراما
تم النشر السبت، ٢٧ أبريل ٢٠٢٤
فعلا واكتر حاجه صعبه بجد انه كل حاجه شايف انا الغلطانه مع انى بحس مشاعرى عاديه وكلمه حلوه تنهى الموضوع مببقاش طالبه حاجه كبيره بس هو حرفيا عايزنى كويسه طول الوقت سواء هو عاملنى حلو او وحش اكون كويسه وبعامله حلو ومتجاهل اى حاجه ليها علاقه بالمشاعر كل ماقوله انا زعلانه يقولى انتى نكديه ودراما وفنانه وممثله☹️😣
تم النشر السبت، ٢٧ أبريل ٢٠٢٤
ربنا يخليك يارب شكرا 🩷
تم النشر السبت، ٢٧ أبريل ٢٠٢٤
بصى قربى من ربنا اوى وادعى وافتكرى ديما وانتى بتعامليه انك كل حاجه هتعمليها معاه هتتردلك يعنى اى كل ماتيجى تقولى كلمه او تعملى فعل افتكرى انك متحبيش انها تحصلك حاولى تنسى اللى فات خالص وتتعاملى مع الشخص زى مابيعاملك لانه ميستهلش انه يتعامل وحش بسبب حاجه هو مالوش زنب فيها عشان ميزهقش منك وكل ماتحسى انك مضايقه وعايزه تضايقيه قومى صلى وادعى ربنا
تم النشر الاثنين، ١٥ أبريل ٢٠٢٤
لعرض الملف الشخصي في فدني اضغط هنا