لو عاوزه أشتغل كول سنتر ف شركه محترمه زي Vodafone UKاي المقومات اللي محتاجاها واي الشركات المتاحه وأقدم إزاي ؟! ولو تخصصي انجليزي اي المجالات غير التدريس استغلها وتكون م البيت
تم النشر الجمعة، ١٤ يونيو ٢٠٢٤
خريجة أداب إنجليزي وقررت اعطي دروس تأسيس وابتدائي .. إزاي أكون متميزه ف مجالي وأبقي مدرسه كويسه مش عاوزه أكون حد عادي وخلاص ؟ واعتمد علي مصادر اي مثلا حاسه اني اترميت ف البحر واتقالي عومي وانا مش بعرف
تم النشر الاثنين، ١٧ يوليو ٢٠٢٣
استخدمت مزيج من الشمع النخيل والشمع الأموك نسبة 60 ٪ نخيل ونسبة 30٪ شمع أموك. ميكروكريستالين10 ٪ و 10٪ الماده العطريه ومع ذلك الشمعه طالع فيها نقط بيضاء كتير وباظت كذا تجربه أي الحل ؟
تم النشر الثلاثاء، ٢٧ يونيو ٢٠٢٣
إزاي اتعلم أعمل شمع عطري بالنخيل
تم النشر الأربعاء، ٢١ يونيو ٢٠٢٣
https://x.com/Khaledhesham95/status/1795396666046214364?t=or8qd9IX11nrzzK39OISvA&s=19 ممكن تشوف اللينك دا يارب تفيدك وربنا ينفع بينا يارب
تم النشر السبت، ٢٩ يونيو ٢٠٢٤
طالما شايفه انكوا مش شبه بعض وكل واحد منكم عنيد يعني بتستهلكوا طاقتكم ومشاعركم ف الفاضي ف ليه متقبلين وضع مش مريح والمفروض أن احنا بنبقي عايزين شريك عشان نلاقي الراحه ؟؟؟؟؟
تم النشر الجمعة، ١٤ يونيو ٢٠٢٤
عليكي بقيام الليل والدعاء أن ربنا يختارلك الخير وميخيركيش لو الشخص دا خير ليكي يجيلك ف الحلال ولو مش خير نفسك معتش تفتكره ربنا يرزقك الخير 🤍
تم النشر الجمعة، ١٤ يونيو ٢٠٢٤
أنتي لو مهتمتيش برعاية نفستك مش هتعرفي تأدي دورك كأم ف أنتي صح اهتمي وراعي وخصصي وقت لسلامك النفسي عشان تقدري تقاومي البيت والزوج والولاد ... المهم نفسك وبيتك مش هما اللي يقولك رأي مش عاجبك قوليله انت ع راسي من عنيا وتجاهلي الموضوع طالما شايفه انك مش مقصره ف انتي زي الفل
تم النشر الأربعاء، ١٢ يونيو ٢٠٢٤
حاول طول الوقت تتنفس بعمق حاول تستغفر كل م تحس نفسك بدأت تقلق مارس رياضه حتي لو جري كل يوم تأمل خلق ربنا اكتب كل يوم قايمة إمتنان لحاجات بتشكر ربنا عليها متسيبش اذكارك صبح وليل وقبل النوم حاول تقرأ كتب عن القلق وإزاي تواجهه اسمع ڤيديوهات كتير عن الموضوع اللي قالقك وحاول تستفيد وتنفذ الحلول اللي تقابلها لو حسيت أن الدنيا مش أظبط حاجه ف كده محتاج أخصائي نفسي يساعدك أكتر
تم النشر الأربعاء، ١٢ يونيو ٢٠٢٤
مشاعرنا أحياناً بتكون صح ف أنتي مش مرتاحه ف ابعدي
تم النشر الأحد، ٩ يونيو ٢٠٢٤
تقدر تشتغل ؟ حتي ف الاجازه لو نافع تشتغل وتحوش ف دا هيكون أحسن ليك بدل م تحس بالذنب طول الوقت انك عامل حاجه غلط اتكلم مع والدك وقوله أنا ظروفي كذا واحتياجاتي كذا وأنا مقدر أن الدنيا صعبه عليك واحنا عايشين ف خيرك بس معلش حاول تزق الدنيا معايا معرفش هتكلمه بأنهي طريقه بس كلمه بالحسني وحاول تخلق نقاش
تم النشر الأحد، ٩ يونيو ٢٠٢٤
أنا شايفه أنك تدخلي تكلميه وتعرفيه اي اللي حصل وانك زعلانه ومش عايزه تخسريه وتعرفيه إن كان في مشاكل هي اللي غيرتك
تم النشر الثلاثاء، ٢٥ يوليو ٢٠٢٣
انا قعدت سنين كتير مبطله قراءه ولما رجعت بدأت بالكتب الصوتيه وسمعت كتاب لكنود وكتاب زاد وحقيقي كانوا قادرين يحببوني فالقراءه من تاني 🤍 وبعدين اشتركت في أصبوحه ودا جروب فيسبوك فيه قائد بيتابع تقدمك طول الوقت وكل أسبوع في تقييم 🤍
تم النشر الثلاثاء، ٢٥ يوليو ٢٠٢٣
البعد ف الحاله دي اكتر حاجه صح عشان لو فضلت موجود كده بتأذي طرف ملوش اي علاقه بأن دماغك متردده وبتنجذب لأي حد
تم النشر الاثنين، ١٧ يوليو ٢٠٢٣
مش ممكن انتي متعلقه بسبب الرفض؟ ولو اتعاملتي مع الشخص دا هتحسي أنه أقبح عن قرب ؟ فكري ف أن دا مش هيرضي ربنا وانتي اصلا شايفه أن دا ضد فطرتك .. استودعيه لربنا وادعي كتير بالخير ولو هو خير هيجي ف الوقت الصح .. تجنبيه وهمشيه م الدنيا اصلا ولا تبصيله ولا تركزي
تم النشر الاثنين، ١٧ يوليو ٢٠٢٣
انها تزعل دلوقتي أحسن م تتعلقوا بحاجه حرام ف ادخل اتكلم بكل صراحه بلاش لف وحوارات
تم النشر الثلاثاء، ٢٧ يونيو ٢٠٢٣
شكراً يامحمود ربنا يباركلك 🤍
تم النشر الجمعة، ١٤ يونيو ٢٠٢٤
طب لو لقيت ممكن كومنت باللينكات!!
تم النشر الجمعة، ١٤ يونيو ٢٠٢٤
الله المستعان ربنا يرزقنا الخير 🤍
تم النشر الاثنين، ١٧ يوليو ٢٠٢٣
ياريت تقول هكون ممتنه لحضرتك جداً 🤍
تم النشر الاثنين، ١٧ يوليو ٢٠٢٣
طب م تنزل ابلكيشن بودكاست عليه بودكاستات مفيده جداً.. بصراحه معرفش الابلكيشن التاني دا
تم النشر الاثنين، ١٧ يوليو ٢٠٢٣
ممكن تدخل جروبات عشوائيه خاصه بالكليه دي ف أماكن مختلفه وتسأل الله يعينك ويوفقك
تم النشر الاثنين، ١٧ يوليو ٢٠٢٣
انا بشوف ف الأوقات اللي زي دي أن الاستشاري هو أفضل حل لأن مش طول الوقت هنعرف نعمل كنترول أو نساعد نفسنا ف مفيهاش حاجه لو طلبنا مساعده من حد فاهم شخصياتنا اكتر 🤍
تم النشر الاثنين، ١٧ يوليو ٢٠٢٣
عليكي بالدعاء 🤍
تم النشر الاثنين، ١٧ يوليو ٢٠٢٣
انا كمان مش فاهمه .. الحاجات دي بتكون عايزه الموضوع م الاول .. يعني أنا شايفه أن الشخص اللي بيسأل مش فاهم فعلاً وعايز يعرف المكان بجد مش روشنه .. والشخص التاني بيرد بطريقه عصبيه اوي ف مش فاهمه العلاقه بينهم اي اصلا
تم النشر الاثنين، ١٧ يوليو ٢٠٢٣
بالتجارب الجديده أعتقد ..ومحاولة الصبر ع اللي بتعمله .. انا مش واثقه ف إجابه لأن دا بيحصلي بردو بس دا شعور فطري لازم نحس بيه .. بس الاستسلام للشعور هو اللي غلط
تم النشر الأربعاء، ٢٨ يونيو ٢٠٢٣
في بودكاست ( وعي ) عن الصداقات بين البنت والولد فيها كل حاجه تقدر تفيدها إن شاء الله .. قولها إن القرب من ربنا أحسن ..عرفها انها حد مش وحش وأنها كويسه وانت بتدور ع الخير ليك وليها .. قولها الجنه تستاهل نبعد عن حاجات احنا لينا شغف ليها .. في فيديو ل شريف علي ١٢ دقيقه مفيد بردو .. ابعتلها كل حاجه واعتذر عن انك هتبعد وبعدين متستناش رد وعتاب ونقاشات ف الآخر مش هيكون ليها لزمه .. بس خليك صريح بجد الصدق بينجي
تم النشر الثلاثاء، ٢٧ يونيو ٢٠٢٣
بعتذر لو أسلوبي مش لطيف بس أحياناً الواقعيه بتكون الحل الأمثل .. وهي هتزعل دلوقتي بس بعد وقت هتفهم أن دا كان صح وهتحمد ربنا انك كنت شخص كويس
تم النشر الثلاثاء، ٢٧ يونيو ٢٠٢٣
ظبطي أكلك واعملي رياضه وتابعي ڤيديوهات زي كوتش سما أو في واحده اسمها نوران بردو ع يوتيوب 🤍
تم النشر الثلاثاء، ٢٧ يونيو ٢٠٢٣
طب م تجرب تدخل فنون هتحبها لأن فيها اقسام كتير ومحتاجه إبداع ممكن تحس أنك منجز فيها أكتر ويبقي كده مضاعش عليك حاجه .. صلي إستخاره وجرب حظك .. شايفه أنها كويسه ومفيده ليك بجد وشغلها كتير بردو .. ممكن متحتاجش تحول .. متتشتش شوف اللي قدامك وابدأ فيه .. ولو مصمم وعايز تحول ف انك تضيع السنه ف حاجه مفيده أحسن من لما تضيعها ف الفاضي واثقه أنك هتستفيد بإذن الله .. مش مهم سنه زياده المهم انك تكون راضي
تم النشر الثلاثاء، ٢٧ يونيو ٢٠٢٣
تابعي كوتش سما ع السوشيال ميديا وشوفي كانت رفيعه إزاي ودلوقتي بقا جسمها مناسب وماشيه علي نظام ورياضه وبتقول حاجات مفيده جداً ماشاء الله
تم النشر الثلاثاء، ٢٧ يونيو ٢٠٢٣
ممكن تتابع مع اخصائي نفسي لان كده في مشاكل ف الثقه .. ارجع لربنا وهو هيتقبلك ومع الوقت الناس بتنسي لما بتنشغل ف موضوعات جديده .. تابع تطبيق وعي علي فيسبوك هيساعدوك جداً ف الالتزام عن الابتعاد عن الادمان .. ربنا يهدينا كلنا
تم النشر الخميس، ٢٢ يونيو ٢٠٢٣
ممكن تدوري علي ڤيزيتا هو موقع علي جوجل عادي 🤍
تم النشر الخميس، ٢٢ يونيو ٢٠٢٣
العاب ذكاء كل شويه .. كلي فواكه وخضروات صحيه وكمان كاجو والحاجات دي مفيده .. خدي اوميجا ٣ .. ابعدي عن الميديا عشان مشتته لعقلك .. ممكن كمان تدوري يوتيوب هتلاقي كتير جداً.. اعملي خرائط ذهنيه عشان تفكرك وتخلي تركيزك أكبر
تم النشر الخميس، ٢٢ يونيو ٢٠٢٣
انتظري النتيجه مني 🤍🤍🤍🤍 أشكرك
تم النشر الخميس، ٢٢ يونيو ٢٠٢٣
لعرض الملف الشخصي في فدني اضغط هنا