therapist/Sara Ehab

اتقبلي مشاعرك زي ماهي ومتحكميش علي نفسك من خلالها ، الضعف أو العجز أو أي شعور بنحس بيه مشاعر طبيعيه مينفعش نفضل نلوم نفسنا عليها ونقول ازاي حاسه كده ، وسمي الشعور صح يعني مينفعش ابقي حاسه بشويه حزن فقول أنا عندي اكتئاب ولا اني حاسه اني زهقانه فقول أنا مخنوقه سمي مشاعرك بالشعور الحقيقي اللي حساه ، والتفريغ خطوه مهمه تختاري الطريقه المريحه ليكي اللي تعبري بيها زي تفرغي بالكتابه أو رقص أو رياضه أو رسم ولو بالكتابه مثلا هتسالي نفسك حاسه بايه دلوقتي وليه حاسه بدا وعايزه اعمل ايه تحطي خطط لنفسك

انت دلوقتي مقتنع وعارف أن اللي بتعمله دا غلط ودي خطوه كويسه منك للعلاج ، لازم يكون عندك اراده قويه عشان ترجع احسن ، واعرف ان ليها اضرار كتيره لو مبدأتش تظهر عليك دلوقتي ، هتظهر بعد كده لو انت فضلت بتمارسها و شايف أن الدنيا ماشيه عادي ومفيش اي تغيير بس للاسف أضرارها بتيجي مع الوقت ، فلازم تاخد الخطوه انك توقفها ، متقعدش لوحدك خااالص ومتدخلش تنام غير وانت هتموت وتنام واشتغل وقتك دايما باي حاجه بتحب تعملها وذاكر ومتفكرش كتير في ممارستها وافتكر انك لو وقفتها ل ٣ شهور جسمك هيبدأ يرجع احسن وهتبدأ تركز تاني و كل حاجه هتكون كويسه و هينتهي احساسك بالذنب ، ابدأ من دلوقتي وخلي عندك اراده ومتديش لعقلك فرصه أن هو اللي يتحكم فيك والتحكم انت في عقلك وسيطر عليه ...

قوليله كل واحد يروح لحاله عادي ، الراجل لما يحب مش هيهددك لو هو عايز يشوفك عشان بيحبك مش هيقولك كده اصلا

اذيك يارب تكوني بخير ، انتي حاليا بتمري بفتره المراهقه ودي مرحله لازم تمري بيها بس المهم أن يكون عندك وعي وتعديها صح ، انتي مش بتحبيه انتي عايزه تحسي انك بتحبي وتتحبي زي صحابك ، مش غلط انك تحبي لأن دي مشاعر غصب عننا بنحسها لكن مهم انك تعرفي أن دلوقتي مستقبلك اهم و صحابك لازم يكونوا شبهك ابعدي عن اي حد يجرك لطريق مش طريقك واهتمي بنفسك وبمذاكرتك ومتفكرش في الموضوع دا تاني لانه مش صح الحب هيجي بس في وقته مش دلوقتي ..

طبيعي لان حصل انتكاسه ، العلاج الدوائي بيعدل المسارات العصبيه بالدماغ ودا طبعا محتاج وقت اول شهور بتحسي بتحسن بس بيكون تحسن أولي بتحتاجي لشهور تاني علي حسب حالتك ودا بيحدده الدكتور اللي بتكوني متابعه معاه

دا بيكون من كتر التراكمات اللي جواكي فابتحسي من أبسط حاجه بتطلعي الغضب والانفعالات اللي جواكي في انك تكسري اي حاجه ، محتاجه تعبري عن مشاعرك اكتر

السلام عليكم ، بيكون في أوقات اكتئاب موسمي ، الاكتئاب الموسمي دا بيكون في بدايه تغيير المواسم بتلاقي نفسك حاسه بزعل بدون سبب ..

السلام عليكم ، يفضل معالج نفسي او اختصاصي نفسي اكلينكي ، بنحدد الأفكار مع بعض و بنستخدم فنيات معينه من العلاج المعرفي السلوكي عشان تقدر انت في الاخر تختار يعني بيكون توجيه عشان تتعلم ازاي تاخد قرار لنفسك

معاكي أ. ساره ، دا رهاب اجتماعي محتاجه جلسات نفسيه عشان تتعلمي فنيات جديده تعلمك ازاي تتعاملي مع الناس اللي حواليكي و تثقي في نفسك اكتر

معاكي أ. ساره ، حضرتك بتعاني من رهاب اجتماعي ودا بيحتاج جلسات نفسيه مادام موقف حياتك في التعامل مع الاخرين لتعلم بعض الفتيات العلاجيه المناسبه

معاكي أ. ساره ، دي مرحله جديده في حياتك فامسببالك اكتئاب بسبب الأفكار اللي حطاها في دماغك فاحنا بنشتغل علي تعديل الأفكار دي ومع العلاج بقولك انشطه تعمليها لو حاسه ان حياتك واقفه و منعزله لازم تبدأي جلسات نفسيه

معاكي أ. ساره ، من المهم انك متكونيش وقفتي العلاج من نفسك لأن العلاج لازم يكون بمتابعه مع الدكتور و هو اللي يحدد توقفيه أمتي ، تاني حاجه الأفكار محتاجه تتعدل من الاول ودي بتكون بالعلاج المعرفي السلوكي مع العلاج الدوائي

الطبيعي أنك تزعل ، بس مش الطبيعي أنك توقف حياتك ، ركز علي حياتك و علي دلوقتي و تطور من نفسك وشوف انت كان فيك عيب ايه محتاج تغير منه و صلح من نفسك و متفضلش زعلان علي اللي حصل وفكر في دلوقتي واللي جاي احسن عشان تقدر تتغير وتكون احسن وربنا يعوضك خير

يعني اقعد معاهم متفضلش قاعد في اوضتك لوحدك أو يكون اخواتك معاك في الروضه ، اول ماتحس انك عايز تمارس العاده فكر في اي حاجه تاني زي مثلا انا هقوم اذاكر أو قوم صلي ، طبعا ممارستها بتخليك مش عارف تصلي فاخدها حتي لو من الناحيه دي انك لازم تلتزم في الصلاه هتقوم تتوضي وتصلي وهتستحرم انك تعمل كده ، وعارفه انك مش عايز تعمل دا اصلا بس عقلك هو اللي مسيطر عليك عشان كده عيزاك انت اللي تبدأ من النهارده تسيطر علي عقلك ومتدلوش الفرصه أنه يتحكم فيك ، انت اللي بتتحكم في عقلك بارادتك القويه

متفضليش مركزه الناس هتقول ايه لو اتكلمتي أو عملتي اي حاجه قدامهم متفضليش مركزه علي ردود فعل الناس عليكي ، وواجهي حياتك وخلي عندك ثقه بنفسك وانسي اي حاجه فاتت حصلت وابدأي من جديد ، ركزي علي نفسك وعلي دلوقتي و متبصيش للناس نهائي

دا بيكون بسبب الرهاب الاجتماعي ، لازم تواجهي بدل ما تخافي لما تواجهي هتحسي انك قادره تتعاملي مع الناس بعد كده و عندك ثقه بنفسك اكتر ، لازم تمارسي تمارين رياضية وتكوني قريبة من اهلك وصحابك اللي دايما بيدعموكي وابعدي عن أي شخص سلبي او اي حاجه تسببلك توتر وضغط نفسي وتاكلي اكل صحي و يكون في استرخاء ...

لان القلق والخوف من التعامل مع الناس دا بيكون بسبب الرهاب الاجتماعي ...

هل خضعت لعلاج نفسي وتم تقييم حالتك النفسيه ؟

لازم يكون عندك ثقه بنفسك اكتر وانك تعمل اي انجاز في حياتك حتي لو حاجات بسيطه بس انك تحس انك بتعمل حاجه عشان متخافش ان اي حد يكون احسن منك في اي حاجه وعشان متحسش الاحساس دا لازم تعمل حاجه لنفسك و تركز علي نفسك انت وبس وتطورها اكتر ..

لازم متفكريش كتير تفكير سلبي بان دا هيقولك عليا ايه ودي هتقول ايه لو غلطت في كلامي والدكتور يهديني كام متفكريش في اي حاجه من الكلام دا ، واعرفي أنك بتتعلمي يعني وارد جدا الواحد يغلط عادي مش هيكون واقفلك بسكينه لحظه عاديه جدا هتمري بيها في حاجات كتير ولازم تكوني متقبلاها الاول عشان تقدري تواجهيها

لازم تواجهي خوفك عشان تقدري تواجهي اي حاجه بعد كده يعني لو حولتي وروحي كليه تاني هيحصل نفس الموقف بردوا انتي كده بتهربي من مشكله بدل ماتحليها ، لازم تواجهيي المشكله دي بانك تحضري قبلها كويس لو بريزنتيشن لو اسئله تكوني مذاكره يكون عندك ثقه بنفسك وتكوني عارفه أن دي مش نهايه الدنيا دي لحظه وهتعدي يعني ، لو مواجهتيش هتفضلي خايفه من حاجات كتير هتقابلسها زي بعد كده الانترڤيو وكل الحاجات اللي بيتوجهلك ليها اسئله

لازم يكون عندك وعي كافي بأن سنك صغير جدا و أن دا سن مراهقه طبيعي انك تعجبي باي شخص ، لكن دا مش حب ، دا مجرد اعجاب مش اكتر ، ركزي دلوقتي علي مذاكرتك وانك تعملي كارير لنفسك تكوني احسن دايما متبصيش دلوقتي لخطوبه وجواز وعيشي سنك

محتاجه تنسي كل اللي فات و تفكري في دلوقتي وبس عشانك وعشان اولادك ، واهتمي بي احتياجاتهم اللي كان نفسك انتي كمان تلاقيها وبصي دلوقتي واللي جاي وبس وانك تكوني افضل وأولادك واخدين منك حب واهتمام

محتاج جلسات عشان تقدر تغير أفكارك عشان أفكارك هي الوحيده المسؤوله عن مشاعرك وسلوكك

هو الطبيعي أنك تحسي كده لان دا سن مراهقه ومش كل الولاد بتكون بتحب بجد اوقات بيكون مش عارف دا حب فعلا ولا لا اصلا لانه سن مراهقه ، لاما بيكون في ولاد سلوكهم مش كويس محتاجين تعديل سلوك وطبعا دا مش كله في ولاد محترمه بردوا

الاكتئاب الحاد مش سهل ، يفضل جلسات نفسيه ، ولكن تقدر تكون افضل إن شاء الله بانك تتناول اكل صحي و تمارس تمارين رياضيه وتظبط مواعيد نومك يفضل ٨ ساعات ولا يكون وقت اقل ولا اكتر من كده و تمارس هوايه بتحبها أو اي حاجه بتحب تعملها وإن شاء الله هتكون زي الفل 🥰

عشان تقدري تتخلصي من القلق والتوتر لازم تتخلصي من أي تفكير سلبي ، كتر التفكير وبالذات لما بيكون تفكير سلبي بيرهق عقلك و يخليكي مش قادره تفكري كويس ولا ترتاحي ودايما تحسي انك قلقانه أو متوتره من غير سبب ، لازم تحولي أي تفكير سلبي بتفكير إيجابي بانك تفكري في اي حاجه بتحبيها حصلت في يومك أو في حياتك عموما أو تعملي اي حاجه بتحبيها

اهلا بحضرتك في منصه فدني 🥰♥️