Ahmed ibrahim

بصي حاولي تكثري من الدعاء أن ربنا يثبتك ويهديكي ويطمئن قلبك بالقران وللدين انا علي فكره كان عندي ذنوب وكانت الذنوب ديه بتثير عندي الشك لحد ما أدركت اهميه الدعاء وان الدعاء فعلا مهم ولازم فعلا انك وانت بتدهي يكون عندك يقين أن ربنا اكيد هيجبر بخاطرك ويستجيب لدعائك بطريقه تسعدك في الدنيا والآخرة ده من حسن الظن بالله وفتكر حديث الرسول صلى الله عليه وسلم عن الله أَنَا عِنْدَ ظَنِّ عَبْدِي بِي، وَأَنَا مَعَهُ حِينَ يَذْكُرُنِي، إِنْ ذَكَرَنِي فِي نَفْسِهِ، ذَكَرْتُهُ فِي نَفْسِي، وَإِنْ ذَكَرَنِي فِي مَلَإٍ، ذَكَرْتُهُ فِي مَلَإٍ هُمْ خَيْرٌ مِنْهُمْ، وَإِنْ تَقَرَّبَ مِنِّي شِبْرًا، تَقَرَّبْتُ إِلَيْهِ ذِرَاعًا، وَإِنْ تَقَرَّبَ إِلَيَّ ذِرَاعًا، تَقَرَّبْتُ مِنْهُ بَاعًا، وَإِنْ أَتَانِي يَمْشِي أَتَيْتُهُ هَرْوَلَةً.

بص حاول لا تسترسل مع تلك الأفكار وادعي ربنا انا ربنا يصرف عنك الهم الهم والحزن والرسول صلى الله عليه وسلم علمنا دعاء نقوله عشان نتخلص من الهم والحزن ( الدعاء الذي رواه الإمام أحمد رضي الله عنه وغيره، ورواه ابن حبان في صحيحه، عن ابن مسعود رضي الله عنه قال: قال رسول الله صلى الله عليه وسلم: «ما أصاب عبدا قط هم ولا حزن فقال: اللهم إني عبدك ابن عبدك ابن أمتك، ناصيتي بيدك، ماض في حكمك، عدل في قضاؤك، أسألك بكل اسم هو لك، سميت به نفسك، أو أنزلته في كتابك، أو علمته أحدا من خلقك، أو استأثرت به في علم الغيب عندك، أن تجعل القرآن ربيع قلبي، ونور صدري، وجلاء حزني، وذهاب همي وغمي إلا أذهب الله همه وغمه، وأبدله مكانه فرحا»، قالوا: يا رسول الله، أفلا نتعلمه؟ قال: «بلى، ينبغي لمن سمعه أن يتعلمه» ادعي كتير وتسلح بالدعاء فإن الدعاء من أهم الأسباب التي تعين العبد

بص ادعي ربنا كتير ولا تيأس من الله وحاول أن لا تسترسل مع تلك الأفكار الشاذه وحاول تتعرف علي أصدقاء كويسين وزي ما قولتلك ادعي ربنا فالدعاء هو أقوى سلاح للمؤمن وكن علي يقين أن دعوتك ستجاب وجاهد نفسك انا عارف الموضوع صعب بس مفيش حاجه مستحيله عافر وحاول لو انت فعلا نفسك تخف وحاول بردوا تتواصل مع طبيب نفسي ممكن يساعدك

لو انت فعلا بتحب الشخص ده عاتبه عادي ده مش ضعف شخصيه ده معني من معاني الحب والدليل أن الرسول كان بيعاتب الصحابه احيانا لما بيخلطوا واكيد طبعا الصحابه مكنوش بيتعمدوا فعل الخطأ ، لكن لو الشخص الي اذاك انت مش بتحبه أو مش متقبله سامحه واحتسب الأجر علي الله المهم انك تشوف نفسك هل انت اذيته فعشان كده هو اذاك وممكن تكون انت فعلا مظلمتوش فعادي زي ما قولتك انت ممكن تسامح عادي وهيكون ليك الأجر من عند الله إن شاء الله وده كان رأي انا مش خبير ولا حاجه انا شاب عندي ١٧ سنه فلو تسأل حد من أهل الحكمه ياريت هيكون احسن

بصي محد هيقدر يساعدك في الدنيا ديه كلها غير ربنا احنا مجرد اسباب في بعض وربنا هو من يسبب الأسباب حاولي تواظبي علي الصلاه وانت بتصلب اقفلي باب الأوضه عليكي وأبكي لربنا واشكي كل همك صدقني بجد هتعرفي يعني ايه ربنا رحيم

للأسف كتير مننا بينسي ده حتي انا،انا الصراحه مش فاكر امتي اخر مره انا مراست في فيها الإمتنان والشكر أسال الله أن يجعلنا من الشاكرين والحامدين له

بص انا عايز اقولك علي اهم سلاح ألا وهو الدعاء صدقني ادعي ربنا من كل قلبك انك تتوب وصدقني وده عن تجربه هتحس بفرق ادعي حتي لو اسبوع او اكتر وممكن يوم وربنا يستجبلك ادعي من قلبك ( اصدق الله يصدقك ) ثانيه حاول أن لأ تسترسل مع الأفكرا الجنسيه لأن الأفكار تولد العزيمه علي فعل المعصيه حاول تواضب علي الصلوات في المسجد بشكل يخليك مشغول وفي نفس الوقت صلي بخشوع ووبكاء وحاول تستشعر بقد ايه انت ظلمت نفسك واطلب من ربنا المغفره لو تترك معصيه عليك بالطاعه يعني صلي النوافل كلها وصلي القيام حتي ولو ركعه الموضوع صلاه ده هيكون عاده في حياتك بدل المعصيه https://youtu.be/IFOWmBNNVL8?si=lqwTSUxE49Wfl8ny

بصي لازم يكون عندك فن المبادرة يعني أنت الي بتتحكمي في إن ازاي الموقف ده يؤثر فيكي انا عارف ان موضوع إن الأهل بيحطونا نفسياً ده صعب وانا جربته لكن بردوا هقولك إن الأهل دول مكوش بإختيرانا دول هم الي ربنا اختارهم وبعدين حاولي كده تشوفي الصحابه رضي الله عنه أهلهم كان بيعملوا فيهم ايه ومع ذلك كملوا في طريقهم ومخلوش موضوع الأهل ده يؤثر علي حياتهم انت اعملي الي عليكي بريهم وخلاص انت بتبريهم عشان ربنا مش عشانهم وافتكري إن ده ابتلاء ربنا بيقول { أَحَسِبَ النّاسُ أَن يُترَكوا أَن يَقولوا آمَنّا وَهُم لا يُفتَنونَ }[ العنكبوت: ٢ ] وبردوا في نفس السوره ربنا تكلم عن أن بر الوالدين ده وصيه من ربنا ليكي حتي لو الأهل أمرونا بمعصيه ربنا المفروض منشتمهمش ولا نضربهم بل قال سبحانه { وَوَصَّينَا الإِنسانَ بِوالِدَيهِ حُسنًا وَإِن جاهَداكَ لِتُشرِكَ بي ما لَيسَ لَكَ بِهِ عِلمٌ فَلا تُطِعهُما إِلَيَّ مَرجِعُكُم فَأُنَبِّئُكُم بِما كُنتُم تَعمَلونَ }[ العنكبوت: ٨ ]

بص أم حاجه هي الدعاء ومتنساش إن احنا في أيام مباركه ادعي ربنا من كل قلبك إن تبطل العاده وأكثر في الدعاء حتي تمل الموضوع في الأول صعب وحاول تصلي الفروض كلها ويسلام لو صليت ركعه واحده قيام ليل تدعي فيها ربنا بالي انت عايزه وإياك تمل قال صلى الله عليه ﴿عَلَيْكُمْ مِنْ الْعَمَلِ مَا تُطِيقُونَ فَوَاللَّهِ لَا يَمَلُّ اللَّهُ حَتَّى تَمَلُّوا﴾ تاني حاجه حاول إن لأ تسترسل مع الأفكار ديه المعصيه بتبدأ بفكره وخيال ف إياك تسترسل مع الأفكار ديه ولو معرفتش توقف الأفكار ديه حاول تاكل معلقه ملح بحيث تخلي عقلي يحس بمراره الملح وينسي الشهوه ده عن تجربه ولو انت حاسس بضيق في الصدر ادعي السجود قول ﴿﴿اللهم إني عبدك ابن عبدك ابن أمتك، ناصيتي بيدك، ماض في حكمك، عدل في قضاؤك، أسألك بكل اسم هو لك، سميت به نفسك، أو أنزلته في كتابك، أو علمته أحدا من خلقك، أو استأثرت به في علم الغيب عندك، أن تجعل القرآن ربيع قلبي، ونور صدري، وجلاء حزني، وذهاب همي وغمي﴾﴾ وده فيديو حلو جداا لعلاج الإكتئاب لدكتور حازم شومان https://youtu.be/FhhWi_3YjZM?si=SsQdpLytQkl9wkF1

بصي في فديو علي اليوتيوب اسمه اطروحه ابن القيم لعلاج الميول الجنسيه بصي الفديو اسمه كده لكنه بيتكلم عن الإدمان عموماً ياريت تسمعيه https://youtu.be/IFOWmBNNVL8?si=_wkK2ksFASHpdaoZ واحنا في رمضان ف أكثري من الدعاء

بصي هو المسلم مينفعش يكون ساذج لازم يكون ناصح في ناس معينه أولي بالفلوس ديه زي أهلنا في غزه ده فرض علينا أن احنا نديهم فلوس لأن ديه حرب بين الإسلام والكفر أنت فهماني يعني المفروض يكون أولويات ده غير أن الناس الي فعلا بتبقا محتاجه فلوس بيكون عندهم حياء وعفه ومش بيطلبوا من أي حد الا بالعفه وخجل شديد مش زي الي إحنا بنشوفهم في الشارع

بس حاولي تدعي في رمضان قبل الفطار وإن شاء الله ربنا يستجيب وتجهادي نفسك وتعيدي ترتيب أولوياتك يعني تحطي في نيتك انك بتذاكري عشان تدخلي الكليه المعينه عشان تنصري اخواننا في غزه وعشان ترضي ربنا وترضي ابيكي وامك تحققي غايتك من وجودك في الدنيا وهكذا حاولي تعيدي ترتيب أولوياتك لكني إياكي أن اليأس يتملك منك وانت بتحطي أولوياتك

اسمعي تدبر القرءان من الشيخ فاضل سليمان حلو جداا جداا فوق ما تتخيلي كمان هو بيطول شويه لكن هتستفاظي كتير جدا

كان الله في عونك انت في ابتلاء شديد لكن إياكي تكبري الموضوع لدرجه الإنتحار ده شيطان بيوحيلك بأفكار انتحاريه افتكري أن في ناس في غزه فقدوا كل شئ كل شئ حرفيا وكانوا بيقولوا الحمدالله انا عارف ان الموضوع صعب جداا لكن افتكري ان الدنيا ديه كلها زائله ولن يبقي منها إلا عملنا متخليش الدنيا تكون معيار لنجاحك وفشلك كلنا بنفشل وكلنا مطالبون بالسعي وافتكري انا ربنا موجود وهيجبلك حقك سواء في دنيا أو في الأخره ... أسأل الله أن يجبر بخاطرك وان يعوضك خيرا ربنا يعنيك

اخي في الله لو انت مسلم فده لا يجوز لازم تخش الباب من بيته وهتلاقي ولو مش مصدقني كلم دار الإفتاء المصريه وممكن تسألهم بنفسك

حاول أن لا تسترسل مع تلك وكل ما تأتيك قل لنفسك لا تسترسل وادعي ربنا كتير خصوصا قبل الفطار احنا في أيام مباركه وياريت لو تتواصلي مع دكتور نفسي هيكون أحسن بكتير جدا

السلام عليكم ورحمه الله وبركاته انا مش مختص ولا دكتور لكني في نفس عمرك ونا فعلا كنت بمر بظروف شبيه جدا بظروفك أدت إني اكتئب اكتاب شديد الحاجه الي أنا استفدها من التجربه ديه ألا وهي كثره الدعاء والإعتراف بالخطأ وعدم تعليق المشاكل الي انا بعاني منها علي أشخاص تانيه أو علي الظروف اول يا أختي انك تتقي الله ولا تجعلي الله اهون الناظرين إليك ونحن في أيام مفترجه فدعي الله في كل وقت خصوصا قبل صلاه الإفطار وكوني صادقه وانت بتدعي ربنا في دعاء حلو كان النبي صلى الله عليه وسلم بيقولوا (( اللهمَّ آتِ نفسي تقواها، وزكِّهَا أنت خيرُ من زَكَّاهَا، أنت وَلِيُّهَا ومولاها، اللهمَّ إني أعوذ بك من علمٍ لا ينفع، ومن قلبٍ لا يخشع، ومن نَفْسٍ لا تشبع، ومن دعوةٍ لا يُستجاب لها)) بعد ما تقولي الدعاء ادعي بالي نفسك فيه وهقولك حاجه أياكي تلجأي للإنترنت وإياكي تكلمي ناس مجهوله انا فعلاً اتاذيت جامد بسبب ده ولكن طبعا الخطأ كله عليا لأني أنا سمحت لنفسي إني أكلمهم واختلط معاهم وخليكي عارف ان من ضمن الأسباب الي بتمنع الدعاء ألا وهي المعصيه فالأول توبي إلي الله من معصيه وادعي ربنا أنه يثبتك علي أنك مترجعيش للمعصيه ديه تاني إن الله يغفر الذنوب جميعا ثم ادعي الله وقولي كل ألي نفسك فيه ولكن إياك تستعجلي الجواب وإياكي تيأسي من الدعاه(( إِنَّهُ لا يَيأَسُ مِن رَوحِ اللَّهِ إِلَّا القَومُ الكافِرونَ)) وأحسني الظن بالله وطبعا قولي لربنا كل حاجه انت زعلانه منها حاول تتابعي سلسله التدبر للشيخ فاضل سليمان أو ممكن تبدأي بالسلسله بتاعته عبره وعظه اسم البرنامج عبره وعظه وحاولي تزودي إيمانك بالله وده عن طريق تدبر القرآن الكريم ولو هتدبري القرآن يا ريت تتفرجي علي سلسله فاضل سليمان تدبر القران وانا أسف لو انا طولت عليكي

انا انصح حضرتك لقراء كتاب الداء والدواء لإبن القيم أول فصل اناةهقول الملخص بتاعه 1-لكل داء دواء فإن الإبتلاء الذي يبتلي بيه المسلم ينزل معه الفرج 2-عليك بكثره الدعاء والإلحاح في الدعاء وعدم الإستعجال في الجواب 3-ان تعترف بانك إنسان وأنك خلقت ضعيف فعليك بالإستعانه بالله وتوكل علي الله لتجاوز تلك المعصيه وعليك ان تعزم ان لا تعود لذلك الذنب مره أخري 4-لا تسترسل مع الأفكار الشيطانيه التي تأتي في وذكري نفسك دائما أنه يجب عليك أن لا تسترسلي مع تلك الأفكار لأن المعصيه تبدأ بالتفكير والخيال فيها انا بنصحك انك تقرأي الكتاب علي الأقل اول فصل انا الصراحه كان نفسي ابعت لينك الكتاب لكن الموقع مش بيدعم ده ممكن تحمليه من علي النت

كلنا بنمر بظروف نفسنا ننعزل فيها عن الناس فأعترف انك بني ادم بيجي عليك اوقات حزن وفرح مفيش مشكله انك تنعزل عن الناس لكن حاول تستغل الفتره ظيه في انك ترجع اقوي يعني مثلا لو انت مكنتش بتصلي حاول تواظب عليصلاه العشاء في المسجد هي والفجر وطبعا بقيت الصلوات وهكذا حاول تشفوف ايه هي عيوبك وتحاول تصلحها واتفكر ان احنا جاين الدنيا ديه عشان نتعب مش نستريح الدنيا دار زراعه والأخره دار حصاد

الله يعينك يا اخوي ويصلح حالك يارب و ،،أعلم ان الله لا يكلف نفساً إلا وسعها ركز علي حياتك وانسي القديم في غيرك اتودلوا و مكنش ليهم لا أب ولا ام وفي ناس كل اهلها ماتوا قدام عنيهم في غزه فقل الحمد الله وتوكل علي الله واستعن بالله في قضاء حوائجك ركز في المستقبل واشتغل علي نفسك

الشعور بالحزن شئ طبيعي بس حاول تستفيد منه صح يعني مثلا اقفل علي نفسك باب الأوضاع واسمع قرءان وحاول تركز في كلام ربنا متسحرش وانت بتسمع قرءان.او صلي أو روح الجيم وهكذا حاول تطلع الطاقه ديه في حاجه مفيده ولكن اياك تئذي نفسك وبردوا حاول تستشير دكتور

بصي انا ولد عايز اقولك ان احنا فعلا بقينا عايشين مجتمع لا يعرف دين ولا شهامة مجرد مجتمع رجعي متخلف ذكوري بالشكل الجاهلي.. ... لو انت ليكي أخ أو حد راجل يكون محرم ليكي ممكن يوصلك اطلبي منهم متتكسفيش هما مش هيقولوا لأ انا ليا أخت بنت وعارف انا بقولك ايه ....لكن لو مفيش..... ممكن تطلبي من حد من زميلايلك البنات أنهم يروحوا معاكي لما تمشوا في مجموعه هيكون كويس ....لو بردوا مفيش...حاولي تختاري مكرباص ميكنش فيه رجاله كتير وحاول تقعدي جنب الباب أو جنب الشباك أول كرسى وتحطي الشنطه جنبك بحيث محدش يعقد جنبك أو يلصق فيكي ولو لمسك حد حاولي تعلي صوتك بمعني اصح للأسف بقولك حاول تبيقي راجل في الموقف ده بس... لأن احنا في زمان اصبح مفيش حد متمسك بدينه (((((((انا قولتك خليكي راجل في الموقف هنا مقصدش انك تتخلي عن انوثتك لأ طبعا .. أنا أقصد حاولي تبيني ليه انك ممكن تخليه يروح في داهية زي مثلا تقوليلي أن اخوكي ظابط أو انك متجوزه وجوزك ممكن يجي يضربه وهكذا يعني))))).. وفي النهايه حابب اقولك أهم حاجه استعيني بالله أولا وقولي اذكار الصباح والمساء وقولي دعاء الخروج وتوكلي علي الله وادعي ربنا واتخذي بالأسباب وأيضا حاول تحسني علاقتك مع ربنا ..