asmaa Sayed

اتكلمي معاه ف انه من حقه يلعب اللعبه الي هو عايزها طبعا بس بكذا شرط اولهم انه ميأرش ع سلوكه زي العصبيه والشتيمه وانه من حفكم كمان متسمعوش الالفاظ دي والشرط التاني يكمل حياته بشكل طبيعي وينمي هوايته وتشتركيله ف كورس محترف ف الرسم والكلام ده تتفقي عليه مع ماما وبابا بحيث انه رفضه او منفذهوش هنضطر اننا نسحب الفون لحد متقدر تتحكم ف انفعالاتك عند استخدامه وممكن تقسم وقتك بين اللعبه وكذا حاجه وكذا حاجه تانيه مفيده عشان تركيزك ميقلش وتأثر ع صحتك وعصبيتك

اهدي كده بس وتعالي نشوف مشكله مشكله نحكلها اول حاجه علاقتك بالمس بتاعتك مشكلتها ايه وبتدايقك ازاي هي اكيد مش بتكرهك وكش بينها وبينك عداوه ممكن يكون اسلوبها خانها ف وقت ما بس اكيد هدفها انك تكوني شاطره ومستواكي يتحسن ولو بتعمل غير كده اتكنى انك تتكلمي معاها بأدب وتقوليلها انك زعلانه منها عشان حصل موقف معين منها وانك خبيتي تقوليلها ده عشان ميبقتش في بينك وبينها حاجز بالنسبه للأكل والخسسان ان جسمك يتضبط بشكل معين مش بمنع الاكل بس كل بشكل طبيعي وروحي الجيم العبي رياضه هتخسي بشكل صحي ويخلي شكل جسمك افضل وكلي اكل صحي متوازن عشان صحتك الجسديه والعقليه بالنسبه لصحابك خلي عندك مبدأ الي يجري عليكي ويعافر عشانك اجري عليه والي مش بيتحرك ليكي اوعي تتحركي ليه الي يمشي خطوه ليكي امشي نفس الخطوه ليه لا اكتر لا اقل لانك كده بتحافظي ع نفسك من الاستغلال العاطفي واي مشاكل تجيلك من الصحاب الاستغلالين الصلاه اهم حاجه لازم تحافظي عليها الانها طريقه الاتصال بينك وبين ربنا تحبي تقطعيها؟؟ هي بتحميكي من كل شر وبتطمنك وبتحسن نفسيتك وتوفيقك واجتهادك بأيد ربنا متضيعيش تعبها ربنا يكرمك ويقويكي

متكونش طرف فيها حتى لو الاهل خلوك طرف ارفض ده ووقت المشاكل اطلع برا محيط الصوت العالي او المشاكل لمكان هادي حاول تسترخي وتشتت نفسك وابدا ذاكر واطلب منهم بأدب انتو اخترتوا تتجوزوا وتكونوا عيله اتفقتوا او لا دي مش مشكلتنا حاولوا تحلوا مشاكلكم بهدوء متأثرش علينا بس

خليكي صاحبتها واسمعي منها كل حاجه هي محتاجه تقولها دايما متوقفيهاش وتقاطعيها بنصحيه لحد متسمعي منها كل حاجه ده مبدأيا بعد كده بطريقه غير مباشره بعد فتره تحكي ان واحده صحبتك حصلها مشكله بسبب شخص بتكلمه وانه قريبها وابدأي بناء ع ملاحظتك تالفي ليها حكايه تشوف المغزى والعبره من غير متقصديها بنصيحه ودايما تحسسيها بالفخر والثقه فيها وانك احسن منها ميت مره انتي صغيره بس عاقله ومش مندفعه ومش بتعمل حاجه تأذيكي

برافو عليكي جدا انك قلتيله كده حقيقي فخوره بيكي وهفهمك هو قال كده ليه .. هو شخص للاسف ثقته بنفسه مهزوزه وخايف من الرفض عايز الرفض يجي منه مش منك انتي هزيتي بكلامك عنده ثقته بنفس ايه ده هو انا هتساب ف هيقولك ازاي عملتي كده او هنت عليكي عشان حاجه من الاتنين ي يقلب عليكي الطربيزه ويقولك كنت بختبرك اشوف هتقدري تتحملي معايا لحد ايه وللأسف فشلتي ف الاختبار انا ماشي وسايبك ومش مسامحك او يقولك مش هقدر اسيبك ويومين تلاته يعمل مشكله عشان هو برضه الي يسيبك وميحسش انه اتساب واترفض ف كل الاحوال امشي واقفلي كل الابواب لالي ممكن يدخلك منها بأي شكل بعد كده عشان تعرفي تبدأي ف رحله تتخطيه وتعيشي حياتك وتبداي من اول وجديد مع حد يستحقك فعلا ويعملك المستحيل ويتمنالك الرضى ترضي لانك تستحقي كل حب وكل معافره وكل مجهود حاولي تفضلي فاكره المشاكل بينكم والتفاصيل الي اتأذيتي بيها منه ع مدار السنين دي كلها اوعي تنسيها عشان كل مافكري فيه تفتكريها ويسهل عليكي تخطيه كمان اهتمي بنفسك بصحابك بأهلك بصحتك بلياقتك طوري نفسك خدي كورسات اعملي انشطه تطوعيه اسألي ع اهلك المهم متسيبيش نفسك ف اوضتك وتقفلي عليها وربنا يكرمك بعوض قريب ان شاءالله

مش مرعبه بالقدر الي الناس بتظهره طالما انت متابع دروسك ع طول وبتحل كتير ومش بتراكم درس ع التاني وبتعمل ملخصاتك لنفسك وبتحفظ المحتاج حفظ وبتستخدم وسائل للمذاكره مختلفه زي الحفظ والفهم بالشرح وعمل خرايط ذهنيه ومراجعه درس قديم وقت مذاكره درس جديد لو مشيت بالنظام ده مثلا هتكون سنه سهله بالنسبالك والصعوبه بس ف انك تفضل ملتزم بس برضه طالما عندك هدف وحلم عايز تحققه هتلاقي الثبات والالتزام والاجتهاد ان شاءالله

حاولي مع بدايه المذاكره تذاكري ماده واحده بس قدامك مش مواد كتير وكتاب واحد مش كتب كتير وتذاكري بصوت عالي متذاكريش بصمت وحاولي تذاكري عن طريق الشرح انك تشرحي لحد وانتي بتذاكري عشان تقوي عندك الفهم والتركيز ف يكون النسيان اقل واستخدمي خرايط ذهنيه لتلخيص كل جزء ولخصي الاجزاء المهمه عل هيئه نقط بسيطه سهله الحفظ والفهم وعيدي على نفس المعلومه الي حفظتيها كتير عشان تساعدك على سهوله عمليه الحفظ والتخزين وقسمي الماده ع اكتر من جزء وكل جزء تخلصيه قومي اتحركي كلي حاجه اشربي حاجه خمس دقايق وارجعي تاني وبعد كل جزء كبير تخلصيه كافئي نفسك بحاجه بتحبيها تحفزك انك تكملي وابعدي عنك اي مشتتات وقت المذاكره الاصوات العاليه والفون والتلفزيون مثلا

اهتم بالتفريغ الانفعالي دائما عن مشاعرك ومشاكلك حتى لو بسيطه اهتم بتمارين الاسترخاء واليقظه العقليه مارس رياضه بشكل مستمر واقرأ كتير كتب تساعدك تفهم نفسك والعالم المحيط بيك ويزود خبرتك الاجتماعيه والمهنيه والاسريه وعلاقتك بربنا مهمه جدا حافظ ع صلاتك والقرأن والاذكار هتحس بفرق كبير جدا

ايوه بيكون كويس ومساحته حلوه جدا

اوصفلي علاقاتك بالي حواليك وهل مريت بتجربه من فتره كانت سيئه ولما طلعت منها اكتشفت الشعور ده ؟ وتركيزك وانتباهك وقت شغلك عامل ايه؟ وهل في افكار معاك مفرطه او سلبيه او مشاعر حزن واحباط ويأس

شوف ان في حجات ف حياتك كتير كويسه وفي حجات كتير انجزتها حتى لو بسيطه افتكرها وشوفها قدامك حياتنا مش وتيره واحده ولازم ننجح ف كل حاجه في انجازات وفي اخفاقات وزي مبنقع بنقوم وبنبقا احسن من الاول لازم تفضل شايف ده قدامك وهيفرق جدا ف حياتك

حاولي مع بدايه المذاكره تذاكري ماده واحده بس قدامك مش مواد كتير وكتاب واحد مش كتب كتير وتذاكري بصوت عالي متذاكريش بصمت وحاولي تذاكري عن طريق الشرح انك تشرحي لحد وانتي بتذاكري عشان تقوي عندك الفهم والتركيز ف يكون النسيان اقل واستخدمي خرايط ذهنيه لتلخيص كل جزء ولخصي الاجزاء المهمه عل هيئه نقط بسيطه سهله الحفظ والفهم وعيدي على نفس المعلومه الي حفظتيها كتير عشان تساعدك على سهوله عمليه الحفظ والتخزين وقسمي الماده ع اكتر من جزء وكل جزء تخلصيه قومي اتحركي كلي حاجه اشربي حاجه خمس دقايق وارجعي تاني وبعد كل جزء كبير تخلصيه كافئي نفسك بحاجه بتحبيها تحفزك انك تكملي وابعدي عنك اي مشتتات وقت المذاكره الاصوات العاليه والفون والتلفزيون مثلا وان شاءالله تقدري تركزي وتنجزي وقتك وتحققي الي نفسك فيه

شوفي طالما اديتي لحد حاجه هيعتاد عليها وهيعتبرها حق مكتسب وهم اعتبروا المفروض عليكي انك تشيلي المسؤليه دي حتى لو مش بتاعتك وانه حق مكتسب مفروض عليكي الحل فيه انك ترفضي تشيليها وتقولي دي مش مسؤليتي وانا لما حبيت اساعدكم انتو نسيتوا ان ده واجبكم انا مسيري اتجوز وتبقالي حياتي المستقله بعيده عنكم هتعملوا ايه وقتها هيتغيروا معاكي ف الاول وردود فعلهم صعبه لكن مع الوقت هيعتةدوا انك مش هتدي حاجه مش مسؤليتك تاني

التزم بتمارين الاسترخاء العضلي والتنفسي والرياضه بشكل منتظم وقلل استخدام الكافين وبدله بمهدئات زي اليانسون النعناع والكركاديه والحليب وكل اكل صحي واتعرض للشمس بشكل كافي

طالما بيلقح يبقا دي علامه من ربنا تقولك كويس انه مشي ده انسان مش امين وانسان مش سوي ف دي نعمه من ربنا انك سبتيه تاني حاجه حزنك ومشعرك متقاوميهاش حسيها زي مهي وتقبل وجودها فتره لان طبيعي تحسي بالحزن انتي لو مربيه قطه ومشيت هتحزني عليها ف مابالك انسان خد من عمرك سنين ومواقف وتجارب ومشاعر وف نفس الوقت حياتك متقفش تكمليها تشتغلي او تكملي دراستك تخرجي تعملي انشطه تاخدي كورسات تطوري نفسك ومتستسلميش لأنك تنزوي عن العالم حتى وانتي حزينه عيشي حياتك وتقبلي حزنك هتعدي الفتره دي ان شاءالله

سعادتك ورضاكي يخصك يعني مش مهم نظره الناس ايه طالما انتي راضيه ومبسوطه ودايما حطي قدامك احلامك الي حققتيها وسببتلك السعاده والاخفاقات الي قدرتي تتجاوزيها هتسببلك السعاده والرضى والحماس كمان انك تقدري تنجزي مع الوقت وتحققي حجات اكتر

اسألهم وواجههم بده واشمعنى بتعملوا معايا كده افرق ايه عن اخواتي وممكن اكون مقصر ف ايه عشان تدوني نفس الاهتمام واسال حد مقرب منكم هل هو كمان ملاحظ التفرقه دي او لا

تعدد الشخصيات اسمه اضطراب الهويه الانشقاقيه والفصام مختلف اعراضه بتكون ضلالات وهلاوس سمعيه وبصريه

الحكمه بالتجربه والممارسه والاضطلاع والقرائه وانك تسمع لناس كبيره ف السن مثقفه تاخد خبرة الحياه منهم وتفهم الدنيا اكتر منهم ومن تجاربهم الي اكتر منك بحكم عمرهم

عاملبه بنفس الاسلوب سأل اسألي اهتم بدرجه اهتمي بنفس الدرجه متأفوريش ف مشاعرك ليه ولو زعل واتقمص اديله نفس الحجج الي بيتحجج بيها وعموما اتعلمي متمشيش لحد خطوات اكتر من الي مشيها ليكي لو واقف مكانه خليكي مكانك مشي خطوتين امشيله زيهم لا اكتر ولا اقل والمفروض يحس ان في حاجه غلط ويتغير

ليكي الحق انك تلاقي ناس تحبك وناس تسمعلك وتشاركيهم همومك العلاقات مش بس هدفها نشارك فرحتنا وحزننا وزعلنا كمان وحقيقي مش اي حد بياخد الحق ده القريبين جدا هم الي هيهتموا يعرفوا الوحش قبل الحلو ويقفوا جنبك ف الصعب لحد متتحسني وتعيطي معاهم وتضحكي معاهم واي انسان محتاج لدعم الصحاب ف حياته ومشاركتهم لافراحهم واحزانهم ممكن انتي لسه مقابلتيهمش ولكن هتلاقيهم ان شاءالله ف حياتك وهتفرحي بوجودهم جدا وهترتاحي انك بتشاركيهم مشاعرك ايا كانت

في طبعا ادويه وفاعليتها كويسه وكمان لو هتاخدها مع علاج نفسي هيكون النتيجه افضل لكن انصحك تاخد الدوا من طبيب يشوفك الاول ويقرر الدوا اللمثل ليك عشان يحدد الحرعه والمده للعلاج وطريقه سحبه عشان تحس بنتيجه كويسه ومياثرش عليك فيما بعد ويكون عرضه الجانبي اخف

ربنا يتقبل يارب وحقيقي فرحتني جدا الدعوه ربنا يجازيك خير عنها ويردهالك اضعاف مضاعفه يارب🤲❤

الانتحار مش حل انتي جميله وحياتك فيها حجات حلوه كتير تعيشيها معاكي انه صعب انك تعيشي لوحدك بس في حلول كتير نعملها عشان نحسن حياتنا وعشان منحسش الوحده دي وعشان يخفف عنك الزعل ارجوكي اطلبي المساعده من مختص هتحسي بفرق كبير وان طعم الدنيا اختلف بعد التجربه دي

هتقدري ان شاءالله طالما عندك هدف وطموح نفسك توصليله هتتعبي وتحققيه وتوصلي لنتيجه متوقعتيهاش ابدا ربنا يوفقك تركزي بس ان مع لدايه الدروس تذاكري درس بدرس وتحفظيه وتحلي عليه كتير وكل متعدي فتره ف المنهج تاخدي درس قديم مع درس جديد بحيث تكون ذاكرتي وراجعتي طول السنه اهم حاجه عزيمه وطاقه وان شاءالله هتوصلي

واجب الاغتسال غسل جنابه

النوم ف الوضع بتاعك بيكون من ضغط المذاكره يعني بنسميه نوم قهري بيكون غصب عنك بس محتاج مننا شويه مقاومه متعتمديش ع المنبه بس خلي حد يساعدك انه يصحيكي ويفضل يتكلم معاكي شويه لحد متفوقي وخدي شاور عشان تتنشطي وخلي اوضتك متهويه ع طول وداخلها شمس واتعرضي للشمس كتير طول اليوم وقسمي مذاكرتك وكل متنعسي قومي اعملي اي تمارين رياضيه بسيطه ف مكانك واغسلي وشك بميه ساقعه وارجعي تاني تذاكري وحاولي تعملي اي نشاط ف اليوم يفرغ عنك طاقتك وكبتك مياخدش منك وقت كتير بس يفرق ف نفسيتك ع حسب الحجات الي بتفضليها وبتحبيها وحاولي تغيري مكان مذاكرتك واستخدمي اقلام ملونه واوراق مختلفه وخلي في روايح منعشه حوليكي طول اليوم واهتمي بغذاكي يكون فيه فواكه وخضراوات كتير وقللي من المقليات والحلويات هيزود عندك الخمول

طيب هسألك سؤال انتي مهما كنتي لئيمه وقاسيه وبوشين مجاش عليكي وقت بينك وبين نفسك قلبك وجعك ع حد وعيطتي وهنا في فرق انك تعيطي قدام الناس لان ده فعلا ممكن يكون تمثيل لكن وانتي لوحدك هتمثلي ع مين ؟ كمان افتكري كل المواقف الي انتي بتقولي انك بتحسي انك وحشه انتي كان هتبقا مصلحتك ايه لما تمثلي المشاعر دي كمان افتكري مين وانتي صغيره بيفضل يوصمك بالصفات دي لان ربنا خلقك ع احسن صوره وبخلق حلو جدا لكن مبنتعبش ونشك ف نفسنا كده غير لو حد بدأ يرمينا بيها من صغرنا وبتاثر علينا طول عمرنا كمان مفيش حد فيه صفات وحشه كده هيبعت وهيسأل لان الي فيه الصفات دي مش هيهتم ابدا انه يتطمن ويشوف انا وحش ولا لا

هي دي حاجه اشبه لأحلام اليقظه وبتكون شائعه اكتر مع المراهقين بس بتقل مع الرشد لو انت عديت فتره المراهقه ولسه معاك ركز ف الوقت الي بتزيد فيه وقت قلق وضغط ولا ف كل وقت بتحس بده وكمان لو انت بتشتغل بيحصل معاك ده ف شغلك ولا لا؟

تقدري ان شاءالله هتحتاجي بس تبعدي عنك اي مشتتات وتحطي هدفك قدامك وتشوفي نقط ضعفك ايه ف المذاكره والنوةد الي انتي مش مركزه عليها من اول السنه هتبدأي تركزي عليهم ف الاول هتقرأي المواد وبعدين تمسكي كل الاسأله ع كل باب وتحليها والي متعرفيهوش دوري ع الاجابه النموذجيه بتاعته وسجليها ف نوت ويبقا كل بابا ذاكرتيه جمعتي الاسأله الصعبه والمهمه والتعريفات وتعملي خريطه ذهنيه تلخص كل فصل انتي كده ذاكرتي وراجعتي وعملتي ملخص تذاكريه ليله الامتخان ويساعدك انك تعرفي هتركزي ع ايه الاهم حلي كتيييير واستخدمي طريقه المذاكره بالشرح انك الجزء الي مش حفظاه او مش ثابت معاكي هاتي اي حد واشرحيه ليه كأنك مدرس هيثبته معاكي جدا وهتفهميه وتحفظيه وبالتوفيق ان شاءالله

بصي دي بتكون في مشاكل مع شخصية الاتنين بس بيكملوا بعض زي ان الشخص النرجسي بيندمج مع الاعتمادي جدا والشخصيه الحديه ي بتحتاج شخص اعتمادي ي بيستغلها شخص نرجسي او بيكون شخص غير سوي تماما شاف بنت عندها افتقاد لمشاعر الحب والاهتمام من الاسره ف بدأ يجرها ليه بانه يديها المشاعر دي بتد كده لما يضمنها يبدا يستغلها ويأذيها وللاسف بتكون فاقت متأخر بعد متأذت بكل الاشكال منه

اوقات مبتخديش الي انتي عايزاه عشان ربنا كاتبلك حاجه تانيه احسن او عشان يشوف منك اجتهاد اكتر او عشان يشوف هترضي وهتحمدي ربنا وتشكريه ولا هتمكري ع الي اداهولك دي حاجه مهمه جدا لازم تنتبهي ليها وتحمدي ربنا ع السراء والضراء وتركزي الترم التاني لانه سهل جدا طالما عندك هدف تجيبي مجموع اكبر وتفرحي وتحققي الي نفسك فيه حفزي نفسك بأنك تفتكري شعور السعاده للنجاح عامل ازاي وفرحه اهلك بيكي ازاي وفخرك بنفسك وبمجهودك وتعبك وانك من حقك تفرحي وتنحجي محتاجه شويه معافره وكل متقعي تقومي وتكملي وربنا هيجازيكي خير ويعوضك ومش هيضيع تعبك ابدا

شوفي الحب جميل جدا وربنا بيرزق الانسان بيه بس ف نفس الوقت ف حجات تنفع وحجات متنفعش يعني انك تهزري طبيعي يفهموكي غلط ومش بعيد يقولوا عليكي كلام وحش ويأذي سمعتك كمان الشخص ده هو مقلكيش انه بيحبك او وعدك بحاجه رسمي ف هو كده بياخد مشاعر الارتباط بدون ارتباط وبدون وعود هو مش هيتأذي انتي وحدك الي هتتأذي فيها لما تلاقي مشاعرك يوم عن التاني بتفرق وهو مش واعدك بحاجه وشايفك صغيره وبتلعبي ف هو كمان بيلعب خلي بالك من حاجه زي دي عشان تحافظي ع سمعتك وع قلبك وع مشاعرك حرام تضيعيها وتاذيها

طيب ايه المشاكل الي وصلتك انك تحسي لكل ده ؟ وبقالك قد ايه لتحسي بيه؟ وهل كان في محاولات او افكار انتحار؟

انا معاك ان مشاكل الطلاق كتير والمشاكل الاسريه بيروح ضحيتها الاطفال بس مش كل العلاقات سيئه ومش كل الاطفال مرضى نفسين يكفي ان يكون الزوجين مختارين بعض عن قناعه وحب وتفاهم وقعدوا فتره محترمه خطوبه يفهموا طباع بعض وميخلفوش بسرعه تدوا نفسكم فرصه تأسسوا البيت سوا وتختبروا المشاكل الي ممكن تحصل وهتعدوها ازاي وانكم قد ايه هتكونوا سند لبعض نفسيا وعاطفيا وماديا ..الفكره ان فعلا مش كل العلاقات بكون سيئه انا بيجي وقت بشوف كميه مشاكل وطلاق كتير وناس مش طايقه بعض وفجأه وكانها رساله من ربنا الاقي علاقه سويه وجميله جدا واحب اعرف تفاصيل عرفتوا بعض ازاي اتجوزتوا ازاي الاقي ان علاقتهم قايمه ع حب وتفاهم وانهم بيعشقوا بعض لدرجه انها لما تعبت كان قاعد جنبها ع السرير يعيط لان قلبه مفطور عليها واطفالهم متزنين وعلاقتهم حلوه كمان ع فرض حصل مشاكل عملوا حاجه اسمها المعالج الزواجي او الاسري عشان نحل المشاكل اول بأول من غير منوصل لطلاق وعقد للاطفال مش بقنعك بالجواز لانه ده رئيك حقك بس بقولك ان الدنيا كلها مش كده والعلاقات مش سيئه بالشكل ده خالص في كده وفي كده

السن قد ايه وعملت فحوصات ع المثانه وتحاليل او لا؟ وهل بيحصل مع ضغط نغسي او خوف او قلق ولا ف اي وقت

المشاكل والضغوطات النفسيه موجوده من زمان ممكن مع تطور الاجيال اتغيرت اسبابها وبقت ظاهره بسبب الاعلام وان بقا في قبول شويه لفكره المرض النفسي رغم ان لسه في ناس شيفاه عيب بس ده افضل من الاجيال السابقه جدا بس احنا ممكن نستفاد رغم انه شائع جدا لجيلنا بس كمان شائع معاه العلاج وطرق ومدارس العلاج النفسي كمان اتطورت واماكن العلاج انتشرت الي مجانيه والي متوسطه والي غاليه والاونلاين كمان وكل ده مكنش موجود زمان ف النفروض تبقا فرصه العلاج افضل ومتاحه لناس كتير وانا اكتشفت ان مصر من الدول القليله الي مديه اهميه كبيره للعلاج النفسي وجودته عاليه وتكلفته اقل من دول عربيه واجنبيه كتير ف دي حاجه ايجابيه تحمسنا اننا نسلعد نفسنا لما نقع

شوفي الحب والجواز رزق من عند ربنا حتى لو صالونات بيزرع ف قلبكم الحب وبتكون كل المشاعر الي نفسك فيها موجوده وحساها وطبيعي تحتاجي انك تلاقي الحب والاهتمام ف الجواز لان ده حقك وانك تختاري شريكك بشكل صح ويبقا في خطوبه هتحسي انه ده الي هيقدر يديكي المشاعر دي او لا وان شاءالله ربنا يكتبلك الزوج الصالح والحبيب الحلال يارب

شوفي الطبع ده انتي لازم تفهمي انه جزء صغير بتشوفيه دلوقتي واضعاف منه لما تتجوزوا ايا كان الطبع ف هل هتقدري تتحمليه ؟ وع اساسه هتقدري انك تردي عليه او لا هو عايز تكلميه كل شويه وانتي الي تحايلي وانتي الي تصالحي غلطانه او مش غلطانه وده مش صح الطبيعي جدا انا غلطت هعتذر مغلطتش مهعتذرش مهما حصل ولا هحايل لانه مش عيل صغير بسكته واحايله واراضيه وهو بيسوء فيها عشان اتكتب كتابك ف لو زهقتي مش هتعرفي تمشي ف كأنه ضمنك واي علاقه مبنيه ع الضمان بتكون سيئه جدا لان طرف واحد بس فيها مستفيد والتاني مضغوط ع طول انتي مش مجبره انك تعتذري انك كنتي تعبانه ومكلمتيهوش بالعكس ده دوره انه يسأل لان الجواز موده ورحمه والموده والرحمه بتيجي من كده وبتكون تبادليه ومفيش حاجه اسمها عشان متكلمش اكلمه انا هو ضامن انك هتتكلمي ف حسسيه ان ده كمان مش مضمون ده رئي وربنا يكتبلك الخير

🖼️ صور مرفقة

في اضطرابات نفسيه كتير وده بيكون عرضن منها زي اضطرابات الفصاميه واضطرابات الهويه الانشقاقيه ده ف حاله ان الشخص مش معترف انه بيتكلم مع نفسه وواثق تماما من وجود شخص تاني لكن لو واعي لانه بيتكلم مع نفسه ومتخيل حد تاني معاه ف بيكون من ضغط وكبت واوقات من زياده الافكار وبيتعامل معاها كانها تفريغ

متقاومش المشاعر دي طبيعي حبيت شخص في مشاعر في ذكريات ومفيش زرار ف دماغك وقلبك تقوله انسى ف هينسى لا بالعكس هتفضل تضغط عليه ينسى هتفضل الفكره ف دماغك اكتر بس لازم تتقبل فكره الفقد وانا فقدت الشخص ده وانفصلت عنه ومكنش ينفع بأي شكل افضل معاه وف كل مره تفتكره اكتب انت سيبته ليه واتأذيت منه ازاي بس متقفش لحد هنا ف نفس الوقت كمل حياتك كملها ومتتجاهلش الوجع حسه عادي بس وانت بتسعى وانت بتشتغل وانت بتضغط ع نفسك تتعامل مع باقي الناس ومتخبيش مشاعرك انك تبين انك مبسوط بس انت منهار من جواك لا اظهره بالي انت حاسه وخلي فكره واحده ف دماغك هي فتره وهتعدي صعبه شويه بس هتعدي وهطلع منها احسن من الاول وشوف المعنى والمغزى من انفصالك اكيد ربنا بعد عنك شر عشان يرزوقك بخير كبير انتظر تشوف الخير ده

شوفي الهروب بيبقا سببه ضغط نفسي احساس بالغربه او انك اقل من زمايلك وانك مش هتعرفي تلحقيهم المشاعر دي لو موجوده هتضعفك جدا مش هتقويكي وتساعدك خالص بس نقدر نعمل حاجه انك تفرغي عن نفسك بالطريقه الي انتي بتحبيها وبتفضليها وتفصلي نفسك عن اي حاجه تخص المذاكره يوم واحد بس كلمي الناس الي بتحبيهم اخرجي كلي اكل بتحبيه شوفي فيلم او مسلسل واستمتعي بيه تاني يوم هتغيري شكل اوضتك ومكان مذاكرتك ومتحطيش جدول كبير خليه بسيط ف الاول انك هتخلصي جزء من مادتين وبين كل ماده والتانيه بريك وتبداي المذاكره بشرط الفون بيعيد عنك خالص ولو لازم تذاكري من تاب او لاب يكون ممسوح من عليه ايه سيشوال ميديا وبعد كل جزء تذاكريه كافئي نفسك بحاجه بتحبيها كمان كل متحسي بالضغط وتانيب الضمير سجلي مشاعرك دي كلها بشكل مكتوب وبتدها ابداي ذاكري تاني وهكذا عشان تفرغي اول بأول مشاعرك وتقدري تذاكري بشكل كويس بالتوفيق ان شاءالله

تمارين الاسترخاء العضلي والذهني والتنفسي وتمارين اليقظه الذهنيه

الأحلام والكوابيس ملهاش وقت ف السنه بيفرق فيها لانها مخزون اللاوعي عندك وبيظهر ف احلامك ومخاوفك وامنياتك زرغباتك بتظهر ف الاحلام ف لو يومك كان صعب وفي مشاكل كتير ممكن تظهر جدا ف الاحلام والكوابيس واكبر مخاوفك تظهر فيها كمان لو بتاخدي دوا معين في ادويه كتير بيكون ده العرض الجانبي ليها لكن غير كده متقلقيش اقراي قران قبل النوم واستغفري ونامي ع وضوء

جفاف شعر وبشره وف الشفتين وجفاف ف العين وقد يرفع الكوليستيرول بالدم والاكتأب وفقدان الطاقه الاهم متاخديهوش من نفسك وبنصيحه الطبيب وبعد تحاليل وكل فتىه بتعيدي تحاليل تاني وتمشي ع كورس العلاج بشكل منتظم متوقفيهوش غير بامر الطبيب

شوفي الساديه معناها انك تستمتعي لألم الاخرين مش انك تحسي بالراحه لما تاخدي حقك باي طريقه مؤلمه لانه ف الساديه الشخص اذاكي مأذاكيش بتاذيه عشان تستمتعي لا وكمان بتاذي اكتر ناس بتحبيهم وبتحبي تكوني معاهم وبتحسي بالمتعه دي ف هل انتي بتحسي بده؟ كمان وارد يكون عندك غضب وعدوان مكبوت لظروف مريتي بيها وانتي صغيره ومواقف حسيتي فيها بكبت وضعف ومعرفتيش تاخدي حقك فيها ف لما جات الفرصه بس تماديتي ف سلوكك وكمان وضحيلي هل الايذاء الي بيحصلهم جسدي ونفسي ولا نفسي بس نتيجه انهم اذوكي ولو حد معملكيش حاجه بتأذيه برضه؟

بقالك قد ايه بتحسي بده ؟ وهل حصلت مشاكل ضاغطه او مريتي بمشاكل اسريه او صحيه او فقدان شخص عزيز ؟

بصي اتحطيتي ف موقف هنحاول نتجاوزه ونعديه وخليكي فاكره هم ٣سنين بس وهترتاحي مش هتذاكري طول عمرك والموضوع مش محتاج منك غير انك تروحي الدرس تركزي فيه وترجعي تذاكري الي اخدتيه وتحلي الواجب بس كده انتي ذاكرتي اول باول مركمتيش عليكي حاجه تقرفك وتضغطك وكمان ممكن تستخدمي الالوان ف المذاكره وتعملي خرايط ذهنيه ملونه لكل جزء خدتيه وفهمتيه وحفظتيه ولو في حاجه واقفه قدامك ف حفظها استخدمي اسلوب الشرح انك تشرحي لاي حد معاكي الجزء الي واقف معاكي هتلاقي انك هفمتيه وثبت معاكي بس كده المووضع مش صعب ومعقد خالص وان شاءالله لما تخلصي ثانوي وتدخلي كليه كويسه هتفرحي جدا بتعبك وبالي وصلتيله

المشكله مش ضروري تكون فيكي خالص انتي بتحاولي دايما تعملي الي عليكي ف علاقاتك باصحابك ف انتي مش مقصره ومتخليش ده يسببلك ضغط لسبب بسيط الاصحاب المقربين مش بيجوا بشكل مقصود بيجوا صدفه بيجوا من مواقف بيجوا من اوقات تعبك وضعفك يقوكي ومهما حصل بينكم اول ميعرفوا ان عندك احتياج ليهم بيجوا من غير كلام ودول انتي مش بتدوري عليهم وتنقيهم هما بيظهروا وبيفاجؤكي بلطفهم ومساعدتهم ليكي كمان عشان يبقا ليكي صحاب بتحاولي تعملي الحجات الي بتحبيها عشان وانتي بتعملي الي بتحبيه هتلاقي ناس تانيه موجوده بتعمله والي بيجمعكم الانشطه المشتركه والمفضلات وهنا ممكن تلاقي اصحاب وهنمشي بمبدأ الي يمشيلك خطوه امشي خطوه والي يقف اقفي مكانك متتحركيش ليه عشان توفري ع نفسه تعب التفكير انا بقدملهم حجات كتير وهم مش بيقدموا ليه

اشربه بس اقل من كل يوم كميه اقل ف الفنجان وعدد مرات اقل لانها فعلا بتزود ضربات القلب والرجفه والحركه الزياده ف المكان ومشاعر القلق ومش بتخليك مستقر

الله يسلمك يارب

قلله مش امنعه وبالذات ف لحظات التوتر لان الكافينات بكل انوعها قهوه شاي نساكافيه بيبسي كوكاكولا شوكلت بيزود التوتر

فكره ان مديرك يعمل كده معناه انه شايف انك شاطر ومش عايزك تمشي وتروح مكان تاني تكبر وتعلى فيه وحس انك منافس ليه والغيره اكيد ليه انت ومترضش العرض ده علبا انا لو منك افرح جدا بالموقف ده لانه بيظهر كفائتي واني استاهل مكان احسن ومستقلش بنفسي ابدا ويديني حماس وطاقه ازود بيها العائد المادي ليا وان المكان ده مجرد مرحله انتقاليه وادور ع المكان فعلا الي استحقه ...لو فكرت بشكل زي ده وسعيت ف نفس الوقت انك تكبر دايره علاقاتك ومعارفك العمليه وتطور مهاراتك هتلاقي مكان افضل براتب افضل وهيفرق معاك ف مشاعر اليأس والاحباط هتقل جدا لانك لقيت مكانك اخيرا الي تستحقه

العفو ربنا يكرمك يارب

ملكش دعوه بباقي العيله ليك ف نفسك والطبيعي والسوي ايه مش الي الكل بيعمله

العلاج اول خطوه فيه التفريغ والي هيعالج جزء من مشكلتك انك هتتكلمي وهيتيح ليكي فرصه وجود مكان امن اقدر احكي فيه مش هيأذيني او يستغلني والمعالج هيساعدك بعد فتره الفتريغ مش هيسيبك كده ولا هيخليكي تتعاملي مع الموضوع انه سد فراغ ابدا هيخليكي تلاقي المفرغ ف حياتك والطريق الي تمشي فيه صح ويحل معاكي مشكلاتك ويعلمك تحليها لوحدك ازاي

انت محتاج تشوف مختص لانه ممكن تحتاج علاج بسيط يهدي الاعراض دي معاك عشان تقدر تقاوم الافكار دي وهدي القلق

الافكار دي كأنها قهريه بتقاومها وبتتعب ولا لا ف مقاومتها؟

طيب ادي نفسك فرصه تكبري وتتعلمي تفهمي الناس اكتر طبيعي انك تحسي المشاعر دي ومتحبيش تسيبيها لانها جميله لكن ف نفس الوقت افتكري انه مش وقتها وانك محتاجه تدي نفسك فرصه تكبري وتشوفي الدنيا والناس بشكل اوضح

العفو ربنا يكرمك ويوفقك يارب ويراضيكي

ده حقيقي انك تبدأ تعملها تاني مع الوقت هترجع تحس بطعمها وهتفرق معاك جدا

العفو

العفو

طبيعي تحس بده ومقلتلكش قاوم الشعور انك تتقبله اصلا اول طريق للتعافي منه بعد كده افتكر ايه هي اكتر الحجات الي بتسببلك السعاده في انشطه لو نفذتها زمان كنت بتبقا سعيد دي الي هنركز عليها وهبعتلك جدول وامثله للأنشطه دي عشان تنفذها مع اول محاولاتك مش هتحس بفرق كبير لكن مع الاستمرار عليها هتحس بفرق كبير جدا وحياتك هتبدا تتلون بالتدريج

مشاعر الفقد والخذلان مؤثره جدا ف حياه اي حد وبتبدا تغيره وتتعبه لو معرفش يتجاوزها صح ...الفقد عموما مكتوب علينا وامر واقع لان كل حاجه ف الحياه ليها بدايه وليها نهايه الانسان بيتولد وبيموت والناس بتكون موجوده وبتمشي لان دي سنه الحياه كل مقاومنها واعترضنا عليها هنتعب اكتر لكن لو تقبلتيها واكيد في خير ربنا كتبهولك بأن الناس دي تمشي من حياتك وانه اكيد في عوض من ربنا بس نصبر شويه وهنشوف علامه من ربنا تراضينا هترتاحي كتير

عادي احنا مش دايما بنعمل حجات بنحبها اوقات كتير بناخد الدوا واحنا مبنحبهوش عشان نخف اوقات بنضطر نروح اماكن مش بنحبها ونتعامل مع ناس مش بنحبها عشان الظرف حكم بكده بس الفكره انه وضع اتحطيتي فيه افضل اخبط وازعق واتعصب واتدايق منه واكمله بنكد ولا افكر ف وسيله تخليني اعدي فترته بأقل خساير؟ ده الي بحاول اوصلهولك تقبلي الوضع وانه مش دايم وانه فتره محدده بعدها ليكي الحريه تعملي الي انتي عايزاه

العفو

يعني برضه تقدر تنفذ معاه الي بقولك عليه بس بمرونه اكتر من الطفل لانه مراهق وحاول تكون صديق ليه اكتر ومتقللش من رجولته بانك تهينه قدام حد حاول تديله وضعه قدام الناس بس بينك وبينه شد عليه ولو علاقتكم مبنيه ع الحب ف لما تشد مش هيخاف منك قد مهو خايف ع زعلك منه لانه بيحبك

القلق ليه اسباب كتير والثقه بالنفس من ضمنها

تمام هتحتاجي انك تنتظمي ع تمارين الاسترخاء العضلي والتنفسي هتقلل معاكي الاعراض الجسديه دي وهتعملي حاجتين تانين مواجهه لافكارك وده عن طريق ان كل مأفكار القلق تزيد خاطبيها ذهنيا بانك مفكيش اي حاجه تخليكي تقلقي او حد يركز معاكي بشكل سلبي وافتكري المواقف الي كانت علاقاتك فيها كويسه وازاي عرفتي تكوني اصحاب ف المدرسه يعني انتي فعلا شخصيه كويسه والا صحابك مكنوش جنيك ولو الافكار استمرت هتشتتيها عن طريق الاستغفار التسبيح او ترديد جمله مطمئنه او عمل عمليه حسابيه ذهنيه تسلسليه مطوله بحيث انها تشتت الفكره وانتي ف الموقف الي بيقلقك وتكتفي بعدها انك مريتي بيه اهو مكنش كارثه ولا حاجه ومحدش اتريق ولا اتكلم ولا علق وعرفت انزل من غير صحابي وهتنفذي نزولك من غيرهم بشكل تدريجي يعني هتقابليهم الساعه٧ يبقا تنزلي ٦وتتمشي لحد متوصلي ليهم ممكن توصلي قبلهم شويه وتكوني لوحدك ف المكان هتتوتري يبقا اعملي التكرين التنفسي والمواجهه والتشتيت مره تانيه هتنزلي بدري اكتر وتقعدي ساعه كامله لوحدك وهكذا لحد متقدري تواجهي بشكل كامل وتخرجي اصلا من غيرهم

وقت القلق مع مواجه ناس جديده بيكون عندك اعراض زي ضربات القلب المرتفعه احمرار ف الوجه او تعرف او بروده ورجفه واضطرابات معده؟؟؟ وممكن يكون معاكي افكار وقت القلق ان الناس متتقبلكيش متحبكيش يشوفوكي وحشه او تعملي اي خطا يسببلك احراج؟

العفو

عنده كام سنه

يبقا خلي في فكره ف دماغك استحضرها اول مشاعر التعاطف المفرط تجيلك فكره انه تم استغلالك بسببها قبل كده وافضل افتكر المواقف دي مش عيب انك تحس مشاعر التعاطف لكن مش دايما لازم نتصرف بناء عليها

العفو

العفو وربنا يكرمكم ان شاءالله

في مدارس عادي بتقبل ومش بتركز على المؤهل ولكن ركز لان وقت الانترفيو بتاع المدرسه ممكن يكون في سؤال قدام الام او حاجه دي مبتبقاش مضمونه

زي مقلتلك ف كومنت امبارح انه تمتص فعلا غضبك بس متقفش لحد هنا توقف معاها كلام وتقولها انا مش هكمل معاكي كلام غير لما يبقا صوتك واطي ف درجه صوتي وبتتكلمي بهدوء ومهما اتكلمت وزعقت متىدش غير لما تنفذ الشرط ودي مهماره من مهارات اداره العلاقات

مش عذر ابدا ضغوطك انك تتعصب عليتا فعلا لانك مهما كنت شايل ومضغوط هي ذنبها ايه لا تلاقي الاهتمام الي طلباه ولا حتى الهدوء وتكون مكان لتفريغ الغضب هي مهما كانت علاقتكم وحقوقك مفيش اي حق انك تشوف انه عادي تتعصب عليها وتطلب منها انها تتحملك وظروفك طبعا من حقك انها تراعيها بس راعيها انت كمان ومتفرغش غضبك فيها ....وان الموضوع نستنى نبقا نحله بعدين مش صح برضه لانك هتلاقي نفس النبررات والحجج انك تشيل قبل الجواز هتلاقي كل الابواب متقفله وجبراك تشيل بعد الجواز ف لازم تلاقي الحل من قبلها عشانك وعشان خالتك متحسش انها تقيله ع حد ومحدش عايزها

التجنب مش حل وطالما انت الي عندك مطالب يبقا لازم تتحكم ف اعصابك قبل متطلب منها تحكم اعصابها وتوطي صوتك قبل متطلب توطي صوتها عشان لو انت بنفس وضعها ابسط حاجه هتقولهالك شوف انت بتتكلم ازاي اصلا طيب هو ينفع نطلل من حد يعمل حاجه احنا مبنعملهاش ؟ مينفعش وهي مش هتقتنع لانها شايفاك قدامها بنفس الوضع كمان بدل متاخد الخديث لجانب انت عايزه بسبب انك كمان مبتعرفش تضبط انفعالك الكلام بيروح ناحيه المشادات والخناق وبيبعد عن الاتفاق

طيب وده ف حد ذاته هتحتاجي انك تاخدي تجربه العلاج النفسي وهم معاكي وبيخضعوا لعلاج اسري عشان يقربوا بينكم المسافات ويساعدوكي تتخلصي من المشاعر دي كلها

في مستشفيات العباسيه وحلوان والمطار والمعموره بيعملوا ده والخط الساخن كمان وعشان تساعد نفسك تطلع من المستنقع ده لازم تواجه الخزي هيكون لو سبت نفسك تضيع تاني

بتروح وقتها لطبيب بيبدا يسحبه منك وبيديك بديل لحد متمنعه هو والبديل

العفو

العفو

الحد مينفعش للاسف ولكن التوعيه والانتباه للمحتوى من الطفوله بيكبر الفرد عارف اشوف ايه ومشوفش ايه بأرادته وهو فاهم ضررها

اكيد طبعا بتصدر مشاعد العنف والرعب واوقات الانحلال الاخلاقي واوقات الازدواجيه الفكريه والتحرر الغير مبرر والتمرد اكيد ليه دور كبير ف الاجيال السابقه التلفزيون كان محدود استخدامه كام قناه ووقت محدد بتقفل والام بتاخد بالها ولادها بيشوفوا ايه دلوقتي تلفزيون وفون واي باد وكل حاجه ومن غير تقنين

العفو

العفو

العفو

الزيوت الطبيعيه محتاجه مداومه وفتره طويله عشان يبان التأثير

العفو

العفو

شوفي هو في افكار عن ذاتنا والمحيطين بينا بتكون مسؤله عن شعورنا بالراحه والتوازن والحب والاستقرار زي فكره انا مستحقش الحب ف هم يحبوني ليه ف لو فكره زي دي معاكي مهما عملوا هتفضلي حاسه بكده طالما الي قدامك بيعبر عن حبه او وجوده بشكل فعلي جنبك ده تعبير ضمني عن الحب ف هو عايز يبقا جنبك مش مجبر مهما كان الشخص ده ودي فكره تاني لازم تفضل ف دماغك محدش جابر الناس دي تفضل جنبي ولو في مصلحه من وجودي معاهم ميت حد غيري بيعملها ف هم فعلا موجودين عشاني ...افضلي كرري افكار تنافي الافكار السلبيه هتخفف عنك الضيق والشعور بالضغط والوحده او الخوف من الوحده ....وطبعا هتدايقي وتتخنقي لما تحسي انك كملتي ف حاجه مش عايزاها ومطلبتيش انها تقف زي الغيبه لانك هتحسي انك مقاومتيش او كان عندك الرغبه توقفي ده بس خايفه الي قدامك مثلا يزعل منك وف الحالات دي بتقاومي الموضوع من اوله بأن عندك مبدأ انك متغتابيش حد والطبيعي ان الي حوليا يقدروه ويحترموه مش يرفضوه واكيد لو انا طلبت منهم منتكلمش عن حد هم مش خيزعلوا وفعلا اطلبي منهم ع طول

ربنا يطمنك ويريحك دايما

العفو واحنا معاكي ف اي وقت

لا اهدي من غير عياط القلق والخجل عند الناس كلها وبيجي مواقف قلقنا يزيد وممكن اي حد فينا يمر بده ويعرقل حياته بس بيمشي بشويه تعليمات تنظم حياته وقلقه وافكاره وبيتحسن انا قلت انك محتاج مساعده مش بالضروره تكوني مريضه وعشان اطمنك انا وانا صغيره كان عندي قلق وحاولت اطبق نفس الي قلتلك عليه واقاوم القلق مع نفسي وسط الناس والتجمعات وفرق جدا معايا الى الان وميبانش خالص اني كنت بمره بمشكله وانا صغيره ف ارجوكي اهدي مش عيب اننا نطلب مساعده ومش عيب ان يكون معانا مشكله بس العيب اننا نتجاهلها ونسيبها لحد متستحوذ ع حياتنا انتي تستحقي تعيشي مبسوطه ومتقلقيش ولا تتوتري ف اي محيط اجتماعي وتندمجي وسط صحابك بشكل مريح

انا اخصائيه نفسيه

بس انتي محتاجه تطلبي المساعده ممكن اقرب حد ليكي ف البيت احكيله واعملي معاهوسيرش عن اعراض الرهاب او الخجل الاجتماعي والقلق وهم هيشوفوا ده بيحصل معاكي وان ده هيبسببلك ف تعطيل حجات كتير ف حياتك بعد كده