زهرة اللوتس

طيب بصي نصيحه مني تتابعي مع دكتور نفساني وده لا هو عيب ولا حرام هو دكتور زي اي حد والاكتئاب والوسواس تعب بصي قربي من ربنا وانتظمي في الصلاة لو مش منتظمة وخليكي اجتماعيه وكل م الفكره تيجي في بالك اشغلي نفسك بأي حاجه وربنا يشفيكي يارب♡

وربنا؟ ونفسك؟ واهلك؟ والناس اللي بتحبك؟ تفتكري ده الحل لو الدنيا بالنسبالك تعب ف انتي رايحه للجحيم بإيديك يا حبيبتي اي ابتلاء بيحصل ده معناه ان ربنا بيحبك ربنا بيختبر صبرك تقومي انتي تغضبي ربنا غضب شديد الانتحار ده مش حل ارجوكي بلاش تفكري كده بلاش تخسري الدنيا والاخره قربي من ربنا انتظمي في الصلاه لو مش منتظمه احكي ل ربنا هو احسن عليكي من اي حد بلاش يا حبيبتي استغفري وبلاش تفكري في كده

وليه تقلعيه؟ الحجاب فرض احنا الحجاب دي حاجه ربنا فرضها علينا نصيحه مني بلاش تقلعيه

بصي يا حبيبتي انا رايحه اولي جامعه يعني لسه مخلصه ثانوية عامه سيبك من الكلام اللي بيتقالك انتي لو ركزتي ع كل كلام بيتقالك وخصوصا السنه دي هتتعبي اوي بجد انتي اعملي اللي عليكي اهم حاجه تتعبي وتعملي اللي عليكي عشان قدام تكوني راضيه وفخوره بنفسك انك عملتي اللي عليكي ومتسمعيش كلام حد انتي اللي ربنا كتبهولك هيحصل اهم حاجه خليكي ريلاكس جدا ومتوتريش نفسك ولا تفكري في كلام حد وربنا يوفقك وتحققي حلمك يارب💜

اغلب الناس كده بس خليكي من النوع البارد لان بجد الناس البارده هي اللي بتعيش

خلوا الطلاق ده اخر حاجه فكروا ف الاطفال لازم تشوفوا حلول اقعدوا معاه فهموه ان اي حاجه بيعملها بتأثر ع عياله ف لو في حلول هتكون افضل من الطلاق

بص اولا انت تدخل اللي حابه واللي يريحك انت لان ده مستقبلك دي حياتك كلها لو ف امكانيه للخاص ومستواك الدراسي كويس ف من رأي طب اسنان

بصي ي حبيبتي ف الاول والاخر ده باباكي يعني نصيحه مني بلاش تسيبيه خصوصا وهو تعبان اقعدي معاه وصفوا اللي بينكوا الدنيا متستهلش كل ده وراضيه لانه تعبان وربنا يشفيه يارب

بص اول حاجه لازم تعرفها انك تقدر ع اي حاجه بس اول خطوه انك تاخد قرار بينك وبين نفسك خد قرار واوعد ربنا عشان تجبر نفسك انك خلاص وعدت ربنا وخلي عندك امل ويقين انك هتنجح وصدقني هتتغير خد القرار + لو الموضوع صعب اوي عليك ممكن تتابع مع دكتور نفسي الموضوع جميل جدا وهيساعدك والتعب النفسي زي اي تعب لا هو عيب ولا هو حرام

اكتشفت ان ف ناس بتحب كده تفضل لوحدها وتنعزل بس بستغرب لان انا واحده من الناس لو اتسبت بزعل ف خليكي معاها ودايما ابعتي ليها رسايل تحفيز وكيوت ليها وان شاء الله هتكون كويسه

لسه بدري بلاش خوف وتفكير وشوفي انتي عايزه ايه وحابه مجال ايه انا كنت زيك ع فكره ومكنش عندي هدف بس لما بدات اركز ف حاجه لاقيت اني عندي هدف. ومتحطيش ف دماغك انك مش هتقدري تجيبي مجموع حلو لا تقدري طبعا وربنا معاكي ويوفقك

كمان عقلي بيفضل يقولي ان ممكن اقابل حد زي م انا عايزه من حيث الكليه والمستوي وكل التفاصيل اللي انا عايزاها

انا مبفكرش خالص اني اعلي منه والله ولا عمرها جت ع بالي او اني اتكبر عليه لا نهائي انا بس دماغي بتفضل تقولي حاجان انا نفسي بدايق منها بس ده تفكير غصب عني ان صحابي الدكاتره ممكن يتجوزوا دكاتره زيهم او يعيشوا ف مستوي احسن واعلي مني علما اني نفسي بجد ميفرقش معايا الحاجات دي بس تفكيري متلخبط

بصي ي حبيبتي اولا فكره الموت دي تنسيها من دماغك حرفيا تمسحيها بأستيكه بصي مفيش اهل بيكرهوا عيالهم اكبر مثال ان مامتك بتحبك انها سفرتك تكملي تعليمك برا اي ان كان النتيجه بتاعتك كانت ايه او عملتي ايه بس ركزي انها مسبتكيش مجموعك ع فكره يجيب اي كليه هنا ف مصر تفتكري ليه سفرتك؟ عشان عايزه تشوفك حاجه حلوه الناس الكبيره اللي هما اهلنا تفكيرهم مختلف وزمانهم غير زمانا بمعني ان مامتك مفكره انها لما تعايب ع حاجه فيكي او تنتقدك كده هي بتشجعك انك تتغيري للاحسن وده غلط بس الناس الكبيره تفكيرهم غير تفكرينا راضي مامتك وخلي عندك ثقه بالله ثم نفسك وانتي جميله ب كل حالاتك ربنا مبيخلقش حد وحش وربنا معاكي ويوفقك♡