Maryam Ahmed

علاقة الخوات القريبين من بعض دي حاجة حلوة لما الخوات يكونوا قريبين من بعض، لكن في الآخر بيكون في وقت خلاص كل واحد هيروح من طريق و يشوف حياته الخاصة، اتكلمي معاه بهدوء و فهميه وجهة نظرك براحة ان انتي معندكيش مشكلة يكون هو و اخته قريبين مع بعض و بيتكلموا مع بعض لكن اي حاجة ما بينكو محدش يعرفها حتى لو ممتك أو مامته، لازم يكون فيه احترام للخصوصية، و الاحترام المتبادل ده الأساس اللي هتتبني عليه العلاقة، اي حاجة تحصل ما بينكو تكون بينكو و بس و محدش تاني يعرفها اطلبي منه انه مش اي حاجة تحصل يروح يقول لاخته لان دي خصوصية، و قوليله خليها تتكلم مع جوزها مش لازم كل حاجة تحكيله لان هما الاتنين ليهم حياتهم الخاصة

فعلا كلامك صحيح، أحيان كثيرة أشعر بعدم الرغبة في الكتابة و الإبداع و أشعر بالقفلة عن الكتابة و الإبداع، و لكن اعتقد ان هذا طبيعي، حيث انه من الممكن أن أكون شعرت بالتعب و اريد استراحة، ليس تسويفا بل يمكن انا يكون ملل، بصراحة أحيانا احاول حل هذه القفلة و أحيانا أخرى لا أرغب و لكن قولي ان هذا أمر طبيعي تماما

اطمني يا حبيبتي الموضوع مش بالخطورة دي، مش معنى انك دخلتي صباعك يبقى كده فقدتي عذريتك مش ده معنى العذرية اصلا. خليني اوضحلك حاجة العذرية هي حالة الشخص اللي مدخلش في علاقة جنسية قبل كده سواء كان راجل أو ست. اللي انتي عملتيه ده مش دليل على العذرية و انتي كده مفقدتيش عذريتك ولا حاجة فمتخافيش. بالنسبة لخطيبك، متكلموش في اي حاجة خالص ولا تقوليله حاجة و اللي انتي عملتيه ده مش هيضرك ان شاء الله و ده مش معناه انه حصلك حاجة أو خطيبك لازم يعرف او اهلك أو لازم تروحي عند الدكتور لا لا مش محتاجة كل ده. بكل بساطة غشاء البكارة مش دليل على العذرية، لأنه عبارة عن غشاء رقيق و حساس جدا ممكن يتقطع لأي سبب، زي مثلا الرياضة أو العمل اللي محتاج مجهود أو رياضة ركوب الخيل و أمثلة كتير ممكن يتقطع بسببها. فاطمني و متخافيش.

اولا مبروك النجاح يارب دايما بالتوفيق ثانيا عايزاكي تعرفي انك مش لوحدك و إن ده عادي و بيحصل كتير و هتلاقي كام واحد بيحصله كده انتي بس عشان في أول الاجازة ف مش عارفة انتي عايزة تعملي ايه انا في ثانوي زيك و خدت الاجازة و اول ما خدتها حسيت اني بنام كتير برده بس عادي ده تعويض عن التعب و السهر و الدروس و المراجعات و الامتحانات فمتخافيش بمناسبة انك مش لاقية شغف لهواياتك و على طول عايزة تنامي و دايما فاضية و حاسة بفراغ ده بسبب ان لما كنا في الدراسة و بالذات في فترة الامتحانات مكناش بنعمل حاجة تقريبا غير ان احنا يا بنذاكر يا بنام يا رايحين دروس يا رايحين مراجعات، كانت المذاكرة واخدة وقتنا كله فلما خدنا الاجازة بقينا فاضيين مبنعملش حاجة غير بنام فمتقلقيش كل حاجة هتيجي واحدة واحدة و شغفك هيرجعلك انتي لسه في أول الاجازة فمتحكميش على حالك من دلوقتي و كمان بما انك بتصومي ف برده الصيام بيتعبك فبتنامي و ده شيء طبيعي انا برده زيك و بصوم و ببقى تعبانة جدا فبنام وقت طويل فمتقلقيش يا جميلة انتي مش لوحدك❤️ العيد داخل علينا و الدنيا هتختلف معاكي شوية و أما يعدي شوية ع الاجازة هتلاقي شغفك رجعلك و بتعملي حاجات انتي بتحبيها

حاجة تضايق فعلا....بس احنا في وقت الكل فيه بقى منافق نادرا لما تلاقي ناس صادقة في مشاعرها، و الذكي هو اللي يعرف المنافق من اللي مش منافق و يعرف يتعامل معاه، و خدها قاعدة عدو ذكي خير من صديق احمق، الحلو مش هيجيب غير الحلو أما الوحش تتعلم منه و تتعلم ازاي تتعامل معاه عشان تدافع عن نفسك من غير ما تؤذي حد ف دي حاجة كويسة و استعملها لمصلحتك عشان تعرف فعلا مين اللي بيكلمك بصدق و مين اللي بيضحك عليك فتضحك عليه

حل مفيد انا بعمله و هو أن انا بصحى الصبح بدري و أقف في الشباك أو البلكونة و اقعد اتأمل السماء و الشوارع و الجناين و الأشجار و النباتات و بعمل تمارين تنفس شهيق و زفير سبع مرات، ده حل من الحلول هيديكي طاقة إيجابية و هيحسسك براحة زائد ان تمارين التنفس مفيدة لان أما بتاخدي شهيق بتدخلي الأوكسجين لجميع أنحاء الجسم و بيخفف التوتر و القلق و الافكار السلبية و بيهديكي فجربي الحل ده و إن شاء الله هتحس بإحساس إيجابي

اعتذريله عن اللي حصل منك و متكلميهوش خالص تاني و و عامليه كأنه شخص غريب متعرفهوش ده احسن ليكي عشان تحافظي على نفسك و على مشاعرك و عدام هو قال مش هيكلمك خلاص يبقى متخليش في تعامل أو تعامل بحدود، و بعدين الله اعلم إذا كان زميلك ده هيكون من نصيبك ولا لا

ابحثي اكتر عشان تكوني واعية و تخلي اخوكي كمان واعي لازم يعرف من صغره ان دي حاجة غلط عشان ميكبرش عليها و يدمنها و دي هتكون مشكله كبيرة ف الحقيه قبل ما يدمنها، دوري عن معلومات عن العادة السرية و كلميه بجرأة و متتكسفيش انك تقوليله حاجة لان لازم يكون فاهم و واعي من صغره و يكبر و هو عارف ان دي حاجة غلط و لو هو مش فاهم هو بيعمل ايه فهميه و كلميه براحة و ممكن ميسمعش كلامك من اول مرة لكن افضلي وراه و حفظوه قرآن و علموه ينتظم في صلاواته و ودوه نادي يلعب رياضة عشان يفرغ طاقته و متسيبوهوش قاعد في البيت لوحده لان ده هيحفزه ان هو يمارسها

انتي مش غلطانة ده حقك و اللي انتي عملتيه صح انك تحطي حدود بين اخواتك و متحسيش بالذنب، لو هما بيتجاهلوكي و بيبعدوا عنك ف هما مش فاهمين يعني ايه حدود و يعني ايه حرية شخصية ممكن ان انتي تفهميهم النقطة دي و تتكلمي معاهم و تعرفيهم الفرق بين الهزار بالكلام و الضرب و انتو خوات و عادي تهزروا مع بعض لكن مش بالضرب و فهميهم ان انتي بتدايقي من الضرب ده

هسألك سؤال، فلنفترض ان مديرك الإسرائيلي قتل حد من عيلتك هل هتكملي شغل معاه و تتعاملي معاه بلطف و تودد و طيبة؟ انا متفهمة ان ده شغل و اكل عيش و لكن دول ناس مينفعش نتودد معاهم خالص ولا نعاملهم احسن معاملة، زي بالظبط لو حد بيشتغل في مطعم كنتاكي أو ماك و ده مقاطعة اصلا تفتكري هيكمل شغل فيه ولا هيسيبه؟ اشتغلي في أي فرع للشركة أو لو عندك شغل تاني كويس في حتة كويسة يبقى ده الأفضل و الأحسن، و افتكري ان احنا مبنتعاملش مع ناس بيقتلوا خواتنا

ادعي ربنا لو كان خير لكي يقربهولك و لو كان شر ليكي يبعده عنك، و لو مكنش من نصيبك اعرفي ان نصيبك لسه مجاش أو ربنا كاتبلك حد احسن ليكي و ربنا مبيجبش غير الخير دايما، فادعي ربنا كتير و صلي صلاة استخارة و إن شاء الله هيديكي اجابة

و عليكم السلام و رحمة الله و بركاته كلمي اختك براحة و عرفيها ان ده غلط و مينفعش تكلم ولد من ورا بابا و ماما و الا هتحصل مشكلة لو مستجابتش في الأول ده طبيعي قوللها تاني و اقعدي نبيهيها و اذكرلها عواقب اللي بتعمله و خليكي وراها شوية قبل ما تقولي لحد لو مفيش فايدة خالص قولي لخالتك تكلمها برده قبل ما توصلوا حاجة لمامتك لو انتي خايفة عليها.

اللي انت فيه ده اكتئاب و ضغط نفسي، انت محتاج تفكر بهدوء و تريح اعصابك و تحاول تعمل كنترول على نفسك لأنك بتئذي نفسك بالشكل ده، انصحك تروح لدكتور نفسي هو هيعرف يساعدك و الدنيا معاك هتتظبط من ناحية الجانب النفسي و برده ابعد عن أي حاجة تسببلك إجهاد أو إرهاق نفسي و ابعد عن أي مشاكل، و لازم تقرب من ربنا لان اللي انت فيه ده اكيد اختبار و ربنا ابتلاك لأنه عايزك ترجعله، مفيش حاجة بتيجي مرة واحدة لكن حاول خطوة بخطوة الأول ابدأ بالصلاة، خلي عندك هدف انك هتصلي الخمس صلاوات النهاردة في وقتهم و بعدين بكرة نفس الحكاية و هكذا و أفضل محافظ على كده، و مع الصلاة ادعي كتير بالذات في اوقات استجابة الدعاء زي الوقت اللي ما بين الآذان و الإقامة أو الثلث الأخير من الليل ادعي ربنا كتير يصلحلك حالك و خليك صادق مع نفسك و مع ربنا ان انت ناوي فعلا تاخد خطوة جد تصلح بيها حياتك و علاقتك مع ربنا و حاول و أسعى لربنا و ربنا لما يلاقيك كده هيوفقك بإذنه بس انت حاول، و اقعد اقرأ قرآن و اقرأ تفسير الآيات هتحس براحة و طمأنينة، و افتكر إن النبي عليه الصلاة و السلام قال ان أمر المؤمن كله خير لو كانت حياته كويسة و عايش سعيد و شكر ربنا يكون خير ليه و لو كان في ابتلاء و صبر هيكون خير ليه برده و النبي عليه الصلاة والسلام ما ينطق عن الهوى، الابتلاء ده ممكن يكون سبب في ان مكانتك عند ربنا ترتفع أو الابتلاء ده ممكن يكون تكفيرا عن ذنوبك و في الحالتين ده شيء كويس جدا لأن ربنا ما بيرضاش لعبده الشر ولا الهلاك و لكن هو عايزك تفتكره و ترجعله، فعيد حساباتك مع ربنا و فكر في حياتك و ازاي هتبنيها من تاني، كلنا بنقع و بنقوم و بنقع تاني بس متقعش و متقومش تاني،و متستسلمش و متيأسش كلنا بيمر علينا اوقات صعبة و بناخد وقتنا في الزعل و الحزن اهم حاجةساعد نفسك ،و استشير دكتور نفسي برده يساعدك على حل المشكلة دي و ربنا يوفقك ان شاء الله.

و عليكم السلام انا مش متخصصة لكن مشكلتك انك مراكمة مشاعر و مشاكل جواكي و مش عارفة تطلعيها، انتي تايهة عشان مش عارفة تتكلمي و تعبري عن اللي جواكي بشكل صحيح او بالاصح مش واثقة في حد عشان تحكيله، اللي انتي فيه ده توتر نفسي أو ضغط نفسي انتي محتاجة تتكلمي مع حد و تطلعي اللي جواكي و بالذات يكون حد فاهمك و دارس علم نفس روحي لاخصائي يشخص حالتك و يعالجك. و بالنسبة لباباكي انا فاهمة اد ايه ده شيء مؤلم لما الأهل يتصرفوا بطريقة قاسية ناحيتنا لكن متخليش حد يحبطك حتى لو اهلك، للأسف احنا مش هنقدر نغيرهم و لكن ممكن احنا نغير نفسنا، تقبلي باباكي زي ما هو و العيب اللي فيه حاولي تتكيفي معاه و تتعاملي معاه و خواتك لو مش عايزاهم يحسوا بنفس اللي انتي حساه روحي و قوللهم يتصرفوا ازاي، زائد بصي للجوانب الإيجابية في باباكي، مفيش حد كامل و كلنا فينا مميزات و عيوب لكن الذكي اللي يعرف يتعامل مع العيوب دي، برده لو اتكلمتي مع باباكي و فهمتيه ان النقد بيدايقك ده يكون كويس و ممكن يحسن من علاقتكوا لو لقيتيه مستجبش يبقى خلاص هو طبعه كده و صعب يغيره بس ده مش عيب فيه هو اتعود على كده، و طالما انتي عارفة ان التصرفات دي بتدايقك يبقى متعمليش زيه و دوري على طرق تتعاملي بيها مع التصرفات دي و غيري انتي من نفسك و تفكيرك. و متستسلميش و متخليش حاجة تحبطك روحي لدكتور و اتكلمي معاه و إن شاء الله كل حاجة هتكون كويسة.

و عليكم السلام و رحمة الله ولا يهمك ساعات بتظهر حشرات منعرفش هي جت منين و ازاي بس بما ان الجو حر ف الحشرات هتظهر كتير، و ممكن تكون الحشرات دي مش جاية من اوضتك ممكن كانت في اي حتة تانية في الشقة و دخلت اوضتك فمتقلقيش، رشي مبيد حشرات في زوايا الأوضة، و لو شاكة انه حسد شغلي قرآن في الاوضة و ولعي بخور هتحسي براحة اكتر، و قبل ما تنامي ارقي نفسك بالقرآن و اقرأي سورة الإخلاص و الفلق و الناس تلات مرات و إن شاء الله كل حاجة هتكون كويسة.

كفارة الحلفان كدب صوم تلات ايام، و عايزاكي تعرفي الولد اللي بتكلميه و في بينك و بينه كلام ده حرام حتى لو كلام عن الدروس أو المواضيع العامة فالاحسن متتكلميش معاه تاني عشان برده متخسريش ثقة اهلك و قربي من ربنا عشان لو كملتي و اتكلمتي معاه هتحصل مشاكل بعد كده و انتي مش اد المشاكل دي فالاحسن انك تحافظي على نفسك و على ثقة اهلك

الله يرحمه و يغفر له، انا عارفة انها حاجة صعبة بس انتي لازم تكملي حياتك و كل ما تفتكريه ادعيله و ادعي ان ربنا يجمعك بيه في الآخرة، اكيد ربنا هيعوضك عوض احسن، بس انتي حاولي تشغلي نفسك بحياتك و كملي و كل ما تفتكريه ادعيله و ادعي ربنا يعوضك

صلي صلاة استخارة و استخيري ربنا في اللي انتي حيرانة فيه، بس هو حبك و جه اتقدملك و سعى ليكي و عمل كل حاجة عشانك فتوكلي على الله يمكن هو ده نصيبك

اللي اعرفه انك ممكن تقفلي السؤال يعني محدش يرد ولا يتفاعل عليه لكن ملاقتش حذف للسؤال

انا فاهمة اد ايه ده احساس بيوجع جدا بالذات لما المقارنة بتيجي من الأهل، اقعدي اتكلمي مع ممتك و فهميها ان ده بيدايقك و بيجرح مشاعرك و هي لو جربت نفس الاحساس هتتدايق و اطلبي منها ان هي تتفهم ده و تشجعك مش تقارنك بحد. في نفس الوقت خليكي واثقة من نفسك و متخليش ده يهدم من ثقتك في نفسك انتي جميلة زي ما انتي. ممكن تتكلمي مع حد كبير بتثقي فيه باباكي أو حد تاني، أو ممكن تستشيري حد أو أخصائي يساعدك على التعامل مع الموقف ده.

الوساوس مصدرها الشيطان، و لما تجيك الوساوس و مش عارفة تتحكمي فيها أو تسيطري عليها خدي نفس عميق (شهيق و زفير) لكي تهدأ الأفكار دي و اكتبي في ورقة كل الوساوس و الأفكار في ورقة عشان تخرجيها من دماغك و تستريحي منها و تتخلصي من الإرهاق.

لو حاسس انك مش مرتاح في شغلك و مش مرتاح في المكان اللي انت شغال فيه دور على شغل تاني، لأن بيئة العمل بتأثر على انتاجك و اجتهادك في الشغل. لكن متحكمش من البدايات، لو مش هتعرف تلاقي شغل تاني ممكن تاخد مرتب الشغل اللي انت بتشتغله و تفتح بيه مشروع خاص بيك، لو مش هيكفي اشتغل شغلانة تانية مع الشغلانة دي او حوّش. مش حابب فكرة المشروع، اشتغل شغلانة انت بتحبها في مكان انت مستريح فيه و ناس مستريح معاهم، ده حقك، و ده كمان هيأثر عليك بالإيجاب. و برده استخير ربنا في إذا كنت تسيب الشغل ولا لا بإذن الله هتلاقي الإجابة.

ادعي ربنا انك تسيب العادة دي و قرب منه و هتلاقيه جنبك و سامعك و هينقذك من اللي انت فيه، انت مش محتاج دكاترة انت محتاج ربنا، ربنا ابتلاك بالابتلاء ده عشان انت بعدت عنه فعايزك تقرب منه و ترجعله مش تكتئب و توقف حياتك، ربنا لطيف بينا مش بيعذبنا إنما بيبتليك عشان عايزك ترجع تاني ليه لكن لو كان ربنا غاضب عليك فعلا كان سابك تبقى مبسوط في حياتك و انت بتعصيه و مش حاسس، لكن عدام عرفت خطأك ف دي حاجة كويسة، متكتئبش و استعيذ بالله، الشيطان بيعمل كده عشان تبعد. صلي قيام ليل و ادعي و ربنا هينجيك بإذنه، ثق في ربنا و اعرف انه عمره ما هيخذلك و متستسلمش للشيطان.

استخيري ربنا و ادعي لو كان فيه خير يقربهولك و لو كان فيه شر يبعده عنك و اشغلي نفسك بحاجة اول ما تيجي الأفكار دي ابعديها و فكري في حاجة تانية أو اتنفسي بعمق عشان الأفكار الهائجة دي تهدى و حاولي تبعدي عن المكان اللي بتشوفي فيه الشخص اللي انتي بتحبيه أو لو مش هتقدري فحاولي تتجنبي التركيز عليه و النظر ليه و ادعي ربنا يحميكي

ربنا خلقنا في أحسن صورة لينا و خلقنا كلنا مختلفين عن بعض و احنا اودام ربنا يوم القيامة مش بالشكل إنما بالأعمال، انتي حلوة زي ما انتي و ربنا خلقك شكلك جميل لان ربنا مبيخلقش حاجة وحشة و لو انتي حاسة عكس كده ف احساسك غلط، ممكن تجيبي منتجات عناية بالبشرة و عناية بالشعر و تهتمي بنفسك ده هيزود ثقتك بنفسك، بس انتي جميلة زي ما انتي و الناس اللي بتقولك كلام حلو هي بتقول اللي شايفاه فعلا، ايش عرفك انهم بيضحكوا عليكي؟ و كمان ايا كان وزنك انتي برده جميلة، متحطيش في دماغك فكرة الوزن المثالي أو مقاييس الجمال كذا و كذا و كذا، كل ده شيليه من دماغك مفيش حاجة اسمها مقاييس جمال ولا الشكل المثالي ولا الوزن المثالي، كل بنت حلوة زي ما هي زي ما خلقها ربنا و كل بنت ليها جمالها الخاص و مش لازم الجمال يكون في الشكل ممكن يكون في الأخلاق و الأعمال و السلوك، انتي بس محتاجة تغيري طريقة تفكيرك، شيلي الأفكار السلبية من دماغك و حطي مكانها افكار إيجابية، انتي جميلة زي بقيت البنات و متقارنيش نفسك بحد لان كل واحد فينا مختلف عن التاني و مينفعش كلنا نكون زي بعض، انتي حلوة و صحبتك حلوة و كل البنات حلوين فمتفكريش كتير انك وحشة و استعيذي بالله من الشيطان الرجيم لان دي وساوس.

انا فاهماكي انا كنت زيك بالظبط. بس انتي لازم تشوفي دكتور نفسي يشخص حالتك و يعالجك عشان تستريحي، و ممكن قبل ما تنامي تحطي السماعات في ودنك و تسمعي قرآن بصوت شيخ هادي و هتهدي و هتكوني مطمنة و هتنامي و انتي مرتاحة، و كمان ممكن تكتبي مشارعك و اللي انتي حاسة فيه في ورقة عشان تفرغي مشاعرك السلبية و ده حل مريح جدا و انا بعمله أو ممكن تحكي لحد و تفضفضيله و ده برده هيريحك