الكلام ده انا بكتبه نقلاً عن صديق ليا ياريت حد يفيده انا ولد عندي ١٩ سنه عندي مشكله و هي اني دايما ضاغط علي نفسي و دايما متوقع مني الافضل يعني مثلا انا بشتغل مع الجامعه و دي حاجه كويسه صح؟ لا مش صح بالنسبالي لازم اشتغل اكتر و ان الي بعمله ده ولا حاجه و لما اشتغل و اخد مرتبي بردو بحس ان لا المفروض اعمل اكتر من كدا فا اشتغل زياده و اخد مرتب اعلي و مش بتبسط لا دايما لازم ازود علي نفسي و بفكر كتير جدا في المستقبل فا حطيت حد للي بيحصل ده و كان في كورس عايز اخده ب ٦٠٠٠ جنيه و كان ممكن جدا اخد الفلوس دي من والدي بس لا ضغط علي نفسي اني ادفع فلوس الكورس من جيبي انا و لو ده حصل هبقي مبسوط و فعلا حصل و جمعت فلوسه و دفعتها و بدات الكورس بس بردو مش مبسوط عايز الي بعده اني لو اشتغلت ب الكورس ده بقا هبقي مبسوط و انا عارف كويس اني لو اشتغلت بيه مش هيبقي كفايه و مش هعرف اتبسط و هعلي علي نفسي ب حاجه تانيه مش بتبسط ب انجازاتي و دايما شايفها قليله و لما بوصل ل حاجه مش بفرح بيها و بضغط علي نفسي اني اوصل للانجاز الي بعده مع العلم انا مش مضطر اشتغل اصلا و ممكن اخد فلوس من والدي بس لا بضغط علي نفسي اني اصرف علي نفسي الموضوع بدا يتعبني الاول كنت فاكرها شطاره و اني كدا طموح بس لا انا بدأت اتعب من فرط التفكير في الي جاي و كل ما اوصل ل خطوه مش بفرح بيها و بجري علي الخطوه الي بعدها منغير ما ارتاح كل الي حواليا شايفني شاطر اني قادر اشتغل مع الجامعه و بصرف علي نفسي بس انا لا شايفها قليله و بضغط اني اعمل حاجه اقوي من كدا خايف الموضوع يزيد و اني مثلا لو جبت عربيه متبسطش بيها و ابقي عايز اجيب عربيه احدث او اجيب شقه فا مبقاش فرحان و اني لازم اجيب فيلا و هكذا ازاي اقدر اهدي و اتبسط ب انجازاتي و دماغي تبقي هاديه عليا و متجلدنيش اني دايما قليل و لازم اعمل الاحسن و لما اعمل الاحسن لازم اعمل الافضل و لما اعمل الافضل لازم اعمل الاجمد و ملحوظه مهمه لو انا وقفت نفسي و وقفت عند انجاز وصلتله شويه دماغي بتفضل تهيألي اني بسبب اني واقف دلوقتي اني هفشل و لازم اقوم بسرعه اعمل الخطوه الي بعدها لان اي تضييع وقت دلوقتي هيفشلني مستقبلا دايما بجري في سباق مع نفسي و مش عارف اقف
تم النشر الجمعة، ١٢ أبريل ٢٠٢٤
اعملي حمام زيت مره كل اسبوع الزيوت من اكتر الحاجات الي بتطول الشعر بس حطيها علي فروه راسك بس و اعملي ماساچ للفروه و لما تغسليه اغسلي فروه راسك كويس اوي علشان الزيت الي الفروه متشربتهوش يتشال
تم النشر الجمعة، ٢ أغسطس ٢٠٢٤
بصي انا كنت زيك كدا بالظبط و في نفس سنك كمان الموضوع كان زاد عن حده و بدات اسرح في حصصي في المدرسه و قرأت ساعتها ان ده بيبقي هروب من الواقع دماغك مش عاجبها واقعك فا بتستخدم الخيال علشان تبسط نفسها هقولك حلول انا عملتها علشان اقلل من الموضوع شويه انا كان دايما بيبقي معايا موضوع الخيال زايد قبل ما انام فا كنت بوقف تفكير و بقعد استغفر لحد ما اروح في النوم او اني افضل اعد يعني ١. ٢ . ٣ هكذا لحد ما اروح في النوم الخيال حلو بس لازم تتحكمي فيه فا خدي بريك من الخيال الواسع و احلام اليقظه ب انك تشتتي دماغك في اي حاجه تانيه و الموضوع هيقل تدريجياً دماغك بعد كدا هتقدري تتحكمي فيها و تتحكمي امتي تسرحي و تستخدمي مخيلتك و امتي لا يعني مثلا كتاب القصص الخياليه بيبقوا عارفين امتي يستخدموا خيالهم وقت الكتابه و امتي يوقفوه فا انت مرني دماغك ب انك اول ما تلاقي نفسك بتسرحي و تتخيلي في وقت مش مناسب انك تشتتيها و تبدأي تستغفري او تقولي الحروب الابجديه او تعدي الارقام من ١ ل ١٠٠ بالشقلوب و هكذا شتتي دماغك
تم النشر الجمعة، ١٢ أبريل ٢٠٢٤
زيت شجرة الشاي و زيت الروزماري
تم النشر الجمعة، ٢ أغسطس ٢٠٢٤
الحلو في الالماني ان المدرسين بتوعه كتير جدا تقدري تختاري براحتك و تغيري براحتك انما الاسباني قليلين يعني حتي لو لقيتي مدرس و طلع وحش مش هيبقي عندك خيارات كتير و هتتعبي
تم النشر الجمعة، ٢ أغسطس ٢٠٢٤
بصي ادخلي اللغة الي امتحانها بيجي كويس و بصراحه انا كنت الماني و خدت مع عبدالمعز اسماعيل اونلاين و كان تحفه الالماني ناقصه فيه ٤ درجات و السؤال ب درجتين فا غلط في سؤالين بس ، الاسباني بيجي حلو بس المدرسين بتوعه مش احسن حاجه لو لقيتي مدرس اسباني كويس ادخليه لانك حباه
تم النشر الجمعة، ٢ أغسطس ٢٠٢٤
لعرض الملف الشخصي في فدني اضغط هنا