Aya Aya

وعليكم السلام ورحمة الله وبركاته اولا مشكلتك هي انتا لازم تحب نفسك زي ما انت لان دي حاجه خارج ايرادتك يعني متسمعش للكلام السلبي دا وبعدين الناس اللي بتقولك انت مش راجل انا اسفه يعني هما فاهمين الرجوله غلط مش بالجسم ولا بالعضلات ولا حتي بالصوت يعني متسمعش للكلام الفارغ دا انتا لو شايف نفسك راجل وعامل قيمه لنفسك محدش يقدر يقول حاجه عليك انتا اللي سمحتلهم ينقدو فيك وبعدين انتا بتقول انا وحيد ومحدش من اهلي واقف معايا دا دليل انك مش واثق في نفسك ولا شايف نفسك راجل اعتمد علي نفسك في كل حاجه انتا دلوقت عندك 17سنه يعني مسؤول ومشكله ان جسمك مش حلو اعمل تمارين رياضيه حتي لو مش هتروح الجيم شوف فيدوهات من علي اليوتيوب والتزم بيها وجسمك هيبقا كويس وكمان علشان تكسب احترام الناس انت اولا لازم تحترم ذاتك وتحبها وبعد كدا خلي ليك كلمه وقول رأيك في اي حاجه انت شايفها مش عاجباك ومتخفش من النقد النقد موجود في كل مكان بس الذكي اللي يعرف يحول السم لدواء وانت عايز تملي الفراغ اللي جواك دا اشغل نفسك بحاجه انت بتحبها زي التمرين والدراسه او ي حاجه انتا بتحبها المهم اوعي تقعد كدا مش غير ما تعمل حاجه لان الفراغ دا هوا اللي مبوظ الدنيا كلها يعني اهتم بحياتك اصنع عالمك الخاص متصاحبش صاحب سوء او مش مرتاح معاه ولو معندك اصحاب مش مشكله عادي انا واحده من الناس اللي عندي صاحبه واحده بجد مش لازم تبقا مسنود علي حد اعمل لنفسك حاجه تتسند عليها اتمني اكون افدتك بحاجه

وعليكم السلام ورحمة الله وبركاته علشان تقوي شخصيتك لازم انت تقول لنفسك انا شخصيتي قويه يعني لازم تكون ايجابي وعلشان تكون قوي الشخصيه من الداخل عود نفسك علي الجرائه ومتهتمش لكلام الناس غير نظرتك في نفسك الاول شوف انت عندك ايه مميزات وخليها تعمل لصالحك انا شايفه ان مشكلتك انك بتكلم نفسك بطريقه سلبيه وتقدر تقوي شخصيتك من خلال مواجهة مخاوفك خليك واثق في نفسك و لو فضلت تقول انا لو عملت كذا او لو اتقدمت خطوه الناس هتتريق عليا طيب مايتريقوا المهم انت تعمل اللي انت حابه وعايزه وعايزه اقولك حاجه متديش لحد فرصه انو يتمسخر عليك اعمل لنفسك قيمه بس مش معني دا انك تتكبر التكبر حاجه والثقه في النفس حاجه تانيه

السلام عليكم ورحمه الله وبركاته اولا انا عايزه اقولك انا كنت كدا بالحرف الواحد بس الحمد لله اتخلصت منها هيا مشكله ان احنا كنا من بره الشخصه يبان علينا ان احنا شخصيه قويه وسعيده لكن من جوه انا فعلا محتاجين الدعم ومفيش اصدقاء ولا عيله نقدر نعبر ليهم عن مشاعرنا الحل هوا انك تدربي علي الثقه بالنفس في كل حاجه ولازم تكوني واثقه من نفسك من جواكي اولا هوا الموضوع مش بالسرعه دي علشان تقدري تتخطيه لكن انتي حاولي تدربي نفسك علي الجرائه وكمان انا اصلا الي الان شخصيه انطوائيه وانا في رأيي ان دي حاجه حلوه وكمان انا اصدقائي قليلين علشان انا مختاره اصدقاء كويسين يعني مش بالعدد انتي لو عايزه حد تحكيله اكتسبي ولو صديقه واحده بس خليكي معاها بس انصحك خلي جزء من شخصيتك لنفسك بس يعني مش كل حاجه تتقال وانتي عايزه حد تحكيه خليكي مع ربنا احكيلو وهوا اللي هيحللك مشاكلك اتمني لكي التوفيق

وعليكم السلام ورحمه الله وبركاته مشاء الله ربنا يوفققك يارب لكن انا حابه اقولك حاجه هل انت ليك هدف من المذاكره والدراسه وكدا ولا الغرض انك تظهر للناس انك فعلا شاطر وممتاز لاني انا كنت كدا بجد ومش هقولك اني قدرت اتأقلم علي فكره اني بذاكر وبتفوق علشان انا عندي حلم بس اقتنعت ان كلام الناس دا مش هيفيدني بالعكس دا هيدمر حلمي وطموحاتي لان مفيش حد بيحب حد يكون متفوق ولا احسن منو انا فعلا كنت بعاني من المشكله دي اانا كنت فعلا عبقريه في ماده الرياضيات وكنت بفرح وبسعد لما اسمع الكلام الحلو من الناس ومكنتش مدركه ان فيه حسد وناس حاقده وكدا كنت بحب انافس واجاوب بصوت مسموع علشان انا كنت شايفه ان مفيش حد اشطر مني بس ادركت دا بعد فوات الاون انا دلوقت لو سألتني في الرياضه بتاعه الاطفال مش هعرف اجاوب انا حقيقي الموضوع دا خانقني جدا ومش عارفه ارجع زي الاول بس انا بنصحك انك تشتغل في السر وانك متستناش التشجيع من حد غير نفسك صاحب نفسك وخليها هيا اللي تديك الدعم والتشجيع ونصيحه اخيره اوعي تحكي احلامك لحد والله لو انت اينشتاين نفسو هيحبطوك ومش هتعرف الكلام دا غير لما يفوت الاون انا كنت اتمني اني اسمع للناس اللي كانت بتقولي انتي شاطره اعملي في السر بس الحمد لله بحاول اشتغل علي نفسي من تاني وبدل ما كانت الرياضيات اسهل ماده في موادي بقيد بعمل جهد اكبر بس علشان اعرف احب الماده واتعامل معاها ذي الاول انت المهم داوم علي الاذكار والفروض وقرب من ربنا لان صدقني حتي لو انت بقيد تشتغل في السر انت خلاص بقيت مكشوف بالنسبه للكل لازم تعود نفسك علي التغيير دا لحد ما الناس يسبوك في حالك اتمنالك كل التوفيق

السلام عليكم ورحمةالله وبركاته اولا اللي انتا بتعاني منه دا ليه اسباب عديده اما انت بعيد عن ربنا مش بصلي او انتا بتصلي ولكن ايمانك بربنا ضعيف او انت مش بتصبر علي الاختبار اللي ربنا بيختبرك فيه وبتسخط انا هنصحك بنصايح شخصيه واتمني تنفذها مش تاخدها علي انه مجرد كلام عابر اولا عايز تتخلص من اي هم اي حزن والكلام دا كلو انتا لازم تصلي بخشوع وتسمع قران كتير وهنصحك انك تسمع قارئ انت بتفضلو وياريت تسمع مقاطع فيها خشوع وبكاء علشان تغسل قلبك من كل الهم اللي انت فيه لازم تسمع قصص فيها عبر وصبر علي البلاء وكدا وكمان وحاجه اخيره بسبب الوساوس دي انت حتي لو قربت من ربنا هيجيلك يوم وهتقع فتحاول انك تقرب تاني من ربنا انت التعامل مع ربنا بحب والله قلبك هيذوب لحب الله ومفيش حاجه هتصعب عليك ابدا انت بس ابحث وشوف مقاطع تعرفك اكتر عن ربنا ثانيا مشكله عدم الانجاز دي انا شخصيا كنت بعاني منها والحمد لله قدرت التزم وانجز اكتر انت عايز تنجز ايه انت قول لعقلك اولا وبعدين اكتب كل اللي انت عايز تنجزو في ورقه واعمل جدول اسبوعي انا عارفه انك سمعت كتير بقصه الجدول دا بس الطريقه اللي هتخليك تلتزم بالجدول دا هيا انك تكتب السبع ايام الاسبوعيه وامسك مثلا يوم السبت دا اكتب الروتين اليومي بتاعك من اول ما تصحي لحد ما تنام بالتفصيل الممل مثال انتا بتصحي الساعه 5الفجر مثلا يبقا هتصحي الساعه 5 +غسل وجهي والوضوء لصلاه الفجر وبعدين فطار وبعدين تمارين رياضيه وبعدين........هكذا بالتفصيل الغرض من كدا تعرف كل ثانيه غي يوم رايحه فين وعلشان متحسش انك معندك وقت واكتب علي المكتب بتاعك انا لو ملتزمتش بالجدول اليومي بتاع النهارده هتعاقب وشوف عقاب قاسي بالنسبه ليك علشان لو جيت مره نست وقعدت علي التلفون مثلا او اي ملهيات تفتمر العقاب دا تجري علي دراستك وفكره العقاب دا بقا انتا ونيتك اما انتا تكون مسؤول علي نفسك وحياتك وتنجز وام متعاقبش نفسك وتفضل كدا الفكره فكره نيه تمام وفققك الله 🍄