طيب انا واحدة مكنتش قريبة من ربنا قبل تلت سنين ويكاد يكون كنت في عالم موازي وكنت بقطع في الصلاة لأني مكنتش فاهمة ليه بصلي بس لما بقيت في اولي ثانوي ابتديت اصلي بسبب واحده بارك الله فيها. حاليا من ساعة ما بدأت الدراسة في سنة تالته ثانوي بقيت لما بصلي بحس بعدم الخشوع وذكري لله قل كتير ولما بصلي بحس ان صلاتي مش مقبوله يعني لما برجع من مدرستي مثلا اكل وكدا وبعد كدا اتوضي علشان اصلي الاذن يأذن عليا التاني وانا لسه مكملتش ركعة كامله في الصلاة فهل بكدا كفرت؟! وكذلك لما برجع بقعد شوية وبتكلم مع اهلي او بمعني اخر برتاح لأن مشوار مدرستي طويل جدا وكذلك ساعات بصلي وانا قاعده بسبب انه ساعات بتبقي رجلي وجعاني اوي او ساعات بسبب ضيق التنفس او ساعات بسبب الدوخه وبعدها ممكن اهدي وميأذنش الصلاة التانية فهل لازم اصلي الصلاة الأولي؟! بجد انا موسوسه لدرجة اني بحس من اي تصرف غلط اني استهزأت وكفرت عندي وسواس الطهارة وسواس الصلاة وسواس القراءة وسواس الرياء وبجد حقيقي بحس لما بفضفض اني منافقة وكمان كان المفروض مرة اصلي العشاء وفضلت أؤجل فيها علشان كان عندي ضيفة وكذلك ورايا مذاكرة بذاكرها وجمبي وجعني قبل نص الليل فلما جه نص الليل قولت انام واصحي قبل الفجر اصلي وجيت اعمل كدا بسبب قله النوم مزاجي تقلب اكتر لما حد صحاني من اهلي اتعصبت عليه ونمت تاني وصحيت قبل الصلاة بنص ساعة ومقدرتش اقوم بسبب وجع في البطن.
تم النشر الجمعة، ١١ أكتوبر ٢٠٢٤
انا 3 ثانوي تمريض، دايما بحس ان انا شخص مش كويس ومحتاجة تعديل في حاجة، انا كنت شخصية هادية ولطيفة دلوقتي بقيت كل ما اتكلم احاسب نفسي كتير هل انا محترمه ولا طريقة كلامي وحشة حتي عندي وسواس في الدراسة وبخاف اني متفوقش في دراستي وكله يخيب ظنه فيا كل ما بمسك التليفون شوية بحس اني بضيع وقت كتير لو مسكت التيلفون شوية مبذكرش كتير او انا اللي بحس كدا وبحس اني محتاجة ضبط سلوك بجد مش عارفة اتصرف وكل شوية الوسواس تزيد
تم النشر الأربعاء، ٢ أكتوبر ٢٠٢٤
نبدأ نتكلم في الجد بقا طول ما حضرتك بيواجهك احساس "كله احسن مني وكل بدأ بدري عني وانا اللي متأخرة" ابعدي عن الفكرة دي لأنك لو ركزتنا مش هناخد خطوة قدام لا نستعيذ بالله من الشيطان لأنه دا من مكايدة انه يوقعنا ويخلنا نتدمر طب نعمل اي بقا؟!: اهم حاجة طبعا القرب من الله والصلاة وعدم التقصير مع الله لأن احنا اللي عاوزين نصلي مش ربنا اللي محتاج لينا لا احنا اللي محتاجين ليه وبعد كدا ونتوكل علي وناخد بالأسباب ونحاول طب نعمل اي؟!: 1_نبدأ ومش مهم مين خلص ومين بدأ اسرع لا نحاول ونبقي احسن 2_نشتغل اكتر علي نفسنا وندي نفسنا مهام اكتر بس اسهل ونجزئها مثلا اذا دراسة اه دا انا ورايا 5 دروس وكله مذاكرة وبقوا في الدرس 6 دلوقتي طب انا هذاكر النهاردة درس قديم ودرس جديد وهكذا وعلي حسب قدرتك 3_ مش هقول نشيل التليفون خالص بس نستفاد منه في دروس بقا وحاجات تخلينا نتقدم لو مش هنعمل كدا يبقي نعمله صامت ونشيله بعيد عننا 4_التحفيز والثقة بالنفس علشان احنا لو ضعفنا وموثقنش في نفسنا هنضيع ولازم نحفز نفسنا ونقول "احنا نقدر" وربنا يوفقنا جميعا ونبقي احسن من اي حد
تم النشر الجمعة، ١١ أكتوبر ٢٠٢٤
بصي حضرتك الزواج قسمة ونصيب من الله تمام؟! صلي صلاة استخارة اولا قبل اي حاجة وادعي ربنا فـ لو ظهرلك انه خير ومرتاحه وكل الأمور معاكي كويسه وبتمشي كويس وبراحه يبقي اقبلي بيه واذا لا وكله متعسر ومفيش حاجة بينكم متيسرة خالص ولا اي قبول يبقي تبعدي البدايات ممكن تبان انها لطيفة ومتزينة ولكن دا جواز ولازم فيه صلاة استخارة وانك تطلبي من ربنا يختارلك الصح لأنه ربنا اعلم بكل حاجة يبقي تعملي اي؟!: 1_صلي صلاة استخارة وبعدها متركزيش بقا في اي حاجة ومش من اول يوم ولا اول مرة تحسي فيها براحه او خنقة استني كدا كام يوم يومين تلاته كدا 2_ادعي ربنا بدعاء الإستخارة وادعيه انه يختارلك الصح 3_بناءً علي احساسك انتِ مرتاحه ولا لا والقبول مش من اول مرة وتانية ممكن فعلا تكوني مش متقبله بس لما تتخطبي له تلاقي انه لا فعلا حسيتي بالقبول بعد كدا ناحيته 4_متظلمهوش وتظلمي نفسك وترفضي مرة واحدة بدون ما تصلي استخارة وفي نفس الوقت متوفقيش إلا بعد صلاة الأستخارة ووفقك الله تعالي
تم النشر الجمعة، ١١ أكتوبر ٢٠٢٤
فهمت كلامك كويس وشكرا لحضرتك وعلي نصيحتك و وفقنا الله جميعًا
تم النشر الجمعة، ١١ أكتوبر ٢٠٢٤
شكرا كتير وحقيقي هحاول اعمل بنصيحتك وفقنا الله جميعا♡
تم النشر الجمعة، ١١ أكتوبر ٢٠٢٤
لست متأكدة من ذلك ولكنني ادرس التمريض واستطيع مساعدك بشكل ما فـ تستطيع عرض مشكلتك علي
تم النشر الخميس، ١٠ أكتوبر ٢٠٢٤
صلي استخارة وتوكلي علي الله وشوفي ربنا مقدرلك اي ان كان خير ليكي تمام ان لم يكن فـ دا نصيبك
تم النشر الخميس، ١٠ أكتوبر ٢٠٢٤
لعرض الملف الشخصي في فدني اضغط هنا