انا عندي ٣ صحاب واحده مصحباها من سنه ١ ابتدائي وأصحاب اوي بس دلوقتي انا وهي في ٦ ابتدائي انا في فصل وهي كانت في فصل لحد ما انا رحت جبتها من الفصل الثاني علشان في واحده منهم اسمها جنه بتتجاهلني بتتحسسني أن انا مش مهمه عندها اصلا احنا مش أصحاب وبحس أن هي بتضايق لما انا اقوم اجاوب في الفصل وتقول لي نزلي ايدك متحاوليش وهي معترفه لي بده قبل كده أن هي غيوره فلما بتضايق انا من صاحبتي اللي مصاحباها من وانا في سنه أولى اسمها ملك بروح العب معاهم وكده بحس أن ملك بتضايق من كده وتقعد تعمل نفسها مقموصه وكده وانا ماليش في الجو ده اللي زعلان مني يقول أنا زعلان منك عشان كذا والتالته اسمها جودي دي صحبتي اوي بحسها زيي بتحب لي النجاح بتفرح باللي بعمله، ملك اللي بعمله بالنسبة لها عادي بحسها مبتفرحليش مع أن انا مش كده و جودي وجنه دول اصلا انا عارفاهم السنه دي بس ملك اللي معايا من صغري
تم النشر الخميس، ٢٣ يناير ٢٠٢٥
انا بفضل طول اليوم استجمع معلومات وطاقات سلبية وإيجابية وفي نهاية اليوم ببقى حاسة إني عايزة أحكي لحد كل اللي أنا مريت بيه طول اليوم وطبعا بآجي أحكي لماما تقولي طب اعملي كذا طب مش هنتكلم دلوقتي وساعات بنتخاصم أنا ومامتي بسبب إن أنا بتعصب بسبب كده وغصب عني ببقى عايزة أقطع النوتة بتاعتي أو أكسر أي قلم رصاص أو اطرش حبر القلم الجاف وكنت بحاول إني أكتب في النوتة بدل كده بس لقيت نفسي مش برتاح زي ما بحكي لمامتي.
تم النشر الأربعاء، ٢٢ يناير ٢٠٢٥
انا زيك بس الفرق بيني وبينك أن انا عندي ١٢ سنه وانتي عندك ١٨ انتي عايزه تشتغلي عشان تملي وقت فراغك يبقى ليكي شغلك الخاص وكده وطبعا انا بفكر اني اشتغل لما يكون عندي ١٨ سنه زيك لكن اخويا رافض ويقول لا مفيش شغل للبنات وانا فاهمه أن هو خايف عليا بس مفيش مشكله لو جيتي تستشيري اهلك فإنك تشتغلي من عالنت بس المهم أن الشغل ده يكون موثوق فيه أو في المصدر بتاعه وهكذا
تم النشر الخميس، ٢٣ يناير ٢٠٢٥
متحكميش علي كل الناس من تصرف شخص واحد وانا عارفه الاحساس ده لاني بنت زيك وصعب تكوني واخده شخص قدوه وبعدين تلاقي الشخص ده فيه صفات مش كويسه زي الخيانه بس انا دائما بدعي وانا بصلي أن ربنا يرزقني الزوج الصالح اللي يسعدني ويحبني واللي يحسسني اني اختارت صح ادعي كده انتي كمان وباذن الله ربنا يصلح لك الاحواب
تم النشر الأربعاء، ٢٢ يناير ٢٠٢٥
انا لو قلتلك سيبيه هبقي بخرب بيتك تقريبا بس طالما المشاكل بتبدا من دلوقتي هتعملوا ايه بعدين وطالما أهله كده ايه هيبقي موقفك معاهم بعد كده والمهم راحتك النفسية بس انا من كلامك استنتجت انك مش مرتاحة فاختاري الحاجه اللي تريحك, تمام ؟
تم النشر السبت، ٤ يناير ٢٠٢٥
هو ممكن عمل كده عشان لقاكي في الاول مش مهتمه بس برده دي مش طريقه 😭
تم النشر الخميس، ٢٣ يناير ٢٠٢٥
تمام وشكرا لنصائح حضرتك 💗
تم النشر الخميس، ٢٣ يناير ٢٠٢٥
بحاول بس انا اليوم كنت مضايقه وكنت بذاكر وانا اصلا بذاكر من علي النت ففي مساله وقفت عليا وعشان اتاكد انها صح بعمل خطوات معينه فأنا اخترعت خطوات وطلعت حل تاني والاستاذ علي النت قال هنسيب المساله علي جنب فسألتها قالتلي المستر قال تتساب علي جنب عشان عارف ان محدش يعرف يحلها غير لو مخه خارق وانا دائما بحط مقارنه وبحس أن انا في سباق في الفصل مع تلات أشخاص جنه وهبه ويوسف فلما ماما قالت لي كده حسيت أن هما دول الخارقين فاتضايقت وكسرت القلم الرصاص وقطعت النوته بتاعتي ومن ساعتها وهي متضايقه مني
تم النشر الخميس، ٢٣ يناير ٢٠٢٥
شكرا ☺️😊
تم النشر الخميس، ٢٣ يناير ٢٠٢٥
ولاحظت أن ارتجاع مرئ بيجيلي بسبب أن باكل اكل غير صحي زي الشيبس والشيكولاتة و أن انا لما بتعصب معدتي بتقوم واجعاني جامد ويحاول على قد ماقدر اني ماتعصبش وبالذات أن انا عصبيه زي بابايا
تم النشر الخميس، ٢٣ يناير ٢٠٢٥
انا عندي نفس الاعراض دي واهلي بيدوني علاج للمعده وكده بس انا مش ملتزمة بيه
تم النشر الخميس، ٢٣ يناير ٢٠٢٥
واتمني أن أكون بفيدك
تم النشر الخميس، ٢٣ يناير ٢٠٢٥
انا كبنت بفكر اني اشتغل في مشروع الاكسسوارات و الكروشيه وكده بس لما اخلص تعليمي عشان محدش يبقى له حجه وكده والحاجات اللي هعملها هسوقها عالانترنت وكده فإنتي ممكن تشوفي ايه الهوايه بتاعتك وتبحثي عن شغل في المجال اللي انتي بتحبيه وكده وتستشيري اصحابك اه انا عايزه اعمل كذا ايه رايكوا بس المهم أن باباكي ومامتك يكونوا موافقين وتدوري علي الجانب الإيجابي ليكي
تم النشر الخميس، ٢٣ يناير ٢٠٢٥
المشكله ان بعض الأحيان بيكون كلام مامتي هو اللي بيجرحني أو مزعلني
تم النشر الخميس، ٢٣ يناير ٢٠٢٥
انتي بتصلي؟ حتى لو مش بتصلي ليه متحاوليش تتقربي من ربنا يمكن ربنا يخليكي تحسي كده عشان تلجئي له
تم النشر الأربعاء، ٢٢ يناير ٢٠٢٥
انا متفقه مع انك تكلميها الاول بس انا اعرف حد بيعمل كده عشان بيعاني من مشكله نفسيه زي عدم الاهتمام فبيحاول من خلال السرقه أنه يلفت الإنتباه فجربي تتكلمي معاها وتساليها ليه هي بتعمل كده
تم النشر السبت، ٤ يناير ٢٠٢٥
لعرض الملف الشخصي في فدني اضغط هنا