اسماء .

السلام عليكم، ، تعدد الشغف حقيقي جدًا، ومش حاجة غلط زي ما بعض الناس بتقول. بالعكس، ممكن يكون ميزة لو عرفتِ تستغليه صح. يعني بدل ما تحسي إنك مشتتة بين كذا حاجة، ممكن تدمجيهم سوا أو تشتغلي على كل واحد فيهم بطريقة تناسبك. مثلاً، لو بتحبي اللغات والتصميم، ممكن تشتغلي في الترجمة الإبداعية للمحتوى المرئي، أو لو بتحبي الكتابة والتسويق، ممكن تشتغلي ككاتبة محتوى تسويقي. الفكرة إنك تلاقي نقطة تلاقي بين اهتماماتك وتوظفيهم في حاجة مفيدة. المهم إنك تشتغلي على إدارة وقتك وما تخليش التعدد ده يخليكي تضيعي وقت بدون فايدة. وأهم حاجة، متسمعيش لكلام الناس اللي بيقولوا لازم تتخصصي في حاجة واحدة، لأن كل واحد بيعيش حياته بالطريقة اللي تناسبه. اتمني تكوني استفدتي، والسلام عليكم

السلام عليكم، اولا بص، لو عايز توصل لمعرفة حقيقية وتفكير عميق، لازم تبطل تاخد كل حاجة زي ما هي، وتبدأ تسأل وتدور بنفسك. متكتفيش بالمعلومات اللي بتجيلك جاهزة، اسأل "ليه؟"، "إزاي؟"، "مين قال كده؟"، وابدأ تحقق بنفسك. أول حاجة، وسّع قراءاتك، مش في مجال واحد، جرّب تقرأ في الفلسفة، الدين، العلوم، التاريخ، وحتى الأدب، لأن كل مجال بيديك منظور مختلف للحياة. بس اختار مصادر موثوقة، مش أي كلام مرصوص. ثاني حاجة، خليك دايمًا في حالة تفكير، متستقبلش المعلومة وخلاص، حللها، شوف مدى منطقيتها، اربطها بتجاربك وبالواقع. التفكير العميق مش معناه بس إنك تعرف معلومات كتير، لا، هو إنك تفهمها بعمق وتربطها ببعض. ثالث حاجة، اتناقش مع ناس عندهم فكر، بس مش أي نقاش، النقاش اللي يضيف لك، حتى لو حد بيعارضك، ده ممكن يفتح لك زاوية جديدة. بس خد بالك، متدخلش في نقاشات عقيمة مع ناس دماغها مقفولة، دول هيضيعوا وقتك. وأخيرًا، خليك لوحدك من وقت للتاني، فكر في اللي عرفته، استوعبه، جرّب توصله لوجهة نظر خاصة بيك، مش مجرد تكرار لآراء غيرك. المعرفة الحقيقية مش إنك تحفظ كلام، بل إنك تفهمه وتقدر تشرحه بطريقتك. ثانيا،، لو عايز توصل لمستوى فكري ومعرفي زي المشايخ والمفكرين دول، فالموضوع محتاج مجهود، التزام، وصبر. مش مجرد إنك تقرأ شوية كتب وخلاص، لازم يكون عندك منهجية واضحة في التعلم والتفكير. 1. بناء الأساس العلمي القوي لازم تبدأ بأساس متين في العلوم الشرعية والفكرية، وده يكون على مراحل: اقرأ في العقيدة، وابدأ بالكتب السهلة زي "الأصول الثلاثة" و"القواعد الأربع" لابن عبدالوهاب، وبعدها توسع في كتب ابن تيمية وابن القيم. بالنسبة للحديث والفقه، خليك على كتب المذاهب أولًا علشان تفهم الأصول، وبعدها ادخل في الاجتهادات الفكرية المعاصرة. اهتم بقراءة التاريخ الإسلامي والسياسي، لأنه هيفتح لك أبواب لفهم الواقع. 2. تطوير الفكر والتحليل العميق المشايخ اللي بتتكلم عنهم مش مجرد ناس عندهم علم شرعي، لكن عندهم قدرة على تحليل الواقع وربط الأحداث. علشان توصل لكده: اقرا في الفكر الإسلامي والسياسي، زي كتب ابن خلدون، مالك بن نبي، عبدالوهاب المسيري، وإبراهيم السكران. تابع التحليلات العميقة للأحداث، مش الأخبار السطحية بس، وحاول تفكر دايمًا في الأسباب والنتائج لكل حاجة بتحصل. مارس الكتابة والتلخيص، لأن الكتابة بتخليك تعيد ترتيب أفكارك وتوصل لاستنتاجات أقوى. 3. التمسك بالثوابت والبعد عن السطحية كل الشخصيات اللي ذكرتها عندهم وضوح في الرؤية وثبات على المبادئ، وده مش سهل في زمن الضغوط والتشويش. علشان تبقى زيهم: كن واضح في عقيدتك وما تتنازلش عن مبادئك لمجرد الضغوط الاجتماعية أو السياسية. حاول تفهم المخالفين بعمق، مش لمجرد الرد عليهم، ولكن علشان يكون عندك رؤية شاملة وقوية. طوّر مهارات الإلقاء والتأثير، لأن القوة مش في المعرفة بس، لكن في القدرة على توصيلها للناس. 4. الالتزام العملي والجهادي مش المقصود بالجهاد هنا المعارك، لكن جهاد النفس، والالتزام بالعبادة، وتطبيق العلم في الحياة. ناس زي الطريفي والشيخ السكران تميزوا إن عندهم زهد وورع وقوة شخصية، وده ناتج عن تربية نفسية وروحية قوية. لازم يكون عندك ورد يومي من القرآن، وقيام الليل، وصحبة صالحة تشدّك لفوق. 5. الصبر والثبات الطريق ده مش سهل، وأي شخص هيبدأ يفكر بجدية في القضايا الكبرى، هيتعرض لضغوط، سواء اجتماعية أو سياسية. لازم يكون عندك ثبات نفسي وإيمان قوي إنك على الحق، ومستعد تتحمل نتيجة أفكارك بدون خوف. الخلاصة: لو عايز توصل لمستوى الطريفي والسكران وأمثالهم، لازم تجمع بين العلم الشرعي العميق، والفكر التحليلي، والوعي السياسي، والثبات على المبدأ، مع تطوير نفسك في الخطابة والتأثير. الطريق طويل، بس لو بدأته بجدية، هتوصل لمستوى عظيم بإذن الله. اتمني اكون افدتك والسلام عليكم ورحمة الله وبركاته

السلام عليكم، أول حاجة لازم تهدى وتفكر بعقل، لأن القلق والتوتر ممكن يخليك تحس بأعراض مش موجودة أصلاً. أوقات كتير الواحد لما يفضل يفكر في حاجة يخاف منها، يبدأ يحس إنه تعبان وهي كلها وساوس. ثاني حاجة، لو فعلاً عندك شك في حاجة، ابدأ بالخطوات البسيطة، زي إنك تراقب نفسك، هل فيه أعراض واضحة؟ هل مستمرة لفترة طويلة؟ حاول تكتب أي حاجة بتحس بيها عشان تكون واضحة مع نفسك. وثالث حاجة، لو الموضوع فعلاً شاغل بالك، ممكن تبدأ بحاجة خفيفة زي تحليل دم روتيني، من غير ما تدخل في دوّامة الفحوصات اللي بتخوفك. روح لمكان تكون مرتاح فيه، ومع حد طيب في التعامل. ولو عندك حد من أهلك أو صحابك ممكن يروح معاك، ده هيطمنك أكتر. وأهم حاجة، فكّر إن الكشف مش معناه إن عندك حاجة وحشة، بالعكس، ممكن تطمن وتلاقي إن كل حاجة تمام، بدل ما تفضل عايش في القلق والوساوس. صحتك أهم من خوفك، ولو كان في حاجة – لا قدّر الله – كل ما تكتشفها بدري، يكون علاجها أسهل وأبسط. فخد نفس عميق، وابدأي خطوة خطوة، وإن شاء الله كله يكون خير.

السلام عليكم،، اولا، شوف، ربنا مش محتاج عبادتنا ولا دعانا، هو الغني وإحنا الفقراء إليه. يعني سواء عبدناه أو لا، هو مش هينقص منه حاجة، ولا هيزيد لو كل الخلق سجدوا ليه. بس هو خلقنا لحكمة، مش مجرد عبث، وزي ما قال في القرآن: "وما خلقت الجن والإنس إلا ليعبدون". لكن العبادة مش مجرد صلاة وصوم وبس، العبادة تشمل كل حاجة تعملها وأنت عندك نية صافية، حتى شغلك، أكلك، مساعدتك للناس، كل ده لو كان بنية لله يبقى عبادة. وده لمصلحتك أنت، مش لمصلحته. تخيل إنك معاك جهاز إلكتروني، والجهاز ده ليه كتالوج بيوضح لك إزاي تشتغل عليه من غير ما يتبهدل أو يبوز. ربنا هو اللي خلقنا وعارف إيه اللي يصلح حالنا وإيه اللي يضرنا، والعبادة هي "كتالوج" حياتنا اللي بيوصلنا للسعادة الحقيقية، مش سعادة لحظية زي متع الدنيا الزائلة. ولو فكرت، هتلاقي إن كل التشريعات اللي ربنا أمر بيها هي في مصلحتنا، الصلاة تهدي القلب، الصوم ينظف الجسد والروح، الزكاة تطهر المال وتقوي العلاقات بين الناس... يعني في الآخر، العبادة رحمة لينا قبل ما تكون أمر من ربنا. ثانيا،، سؤال منطقي، ليه ربنا خلقنا بإرادة حرة ومخيّرين، وما خلقناش زي الملائكة اللي كلهم طاعة وما بيعصوش أبدًا؟ الفكرة إن خلق الإنسان مختلف عن خلق الملائكة لحكمة عظيمة. الملائكة ما عندهم شهوات ولا رغبات، مبرمجين على الطاعة، لكن الإنسان ربنا كرّمه بالعقل والاختيار، وده اللي بيخلي طاعته ليه ليها قيمة. يعني لما تختار إنك تبعد عن الحرام وتلتزم بالصح، ده بيدل على حبك لله وإخلاصك الحقيقي، مش مجرد طاعة غريزية زي الملائكة. ربنا أراد يخلق مخلوقات تعبده بحب وإرادة حرة، مش مجرد "آلات طاعة". واللي يختار الطاعة، بيكون ليه ثواب عظيم، واللي يختار المعصية ويتوب، ربنا رحيم بيه. لكن اللي يعاند ويتكبر، هو اللي بيظلم نفسه. وعلشان كده، الإنسان ممكن يكون أكرم من الملائكة لو اختار الطريق الصح، وممكن يكون أسوأ من الشيطان لو اختار الطريق الغلط. في الآخر، الدنيا اختبار، وإنت اللي بتحدد مصيرك بإرادتك. اتمني اكون افدتك والسلام عليكم ورحمة الله وبركاته

السلام عليكم، اولا الانتحار حرام وبجانب انه حرام خليني اقولك حاجه، لما تفكر تنتحر انت كدا عندك ضعف ايمان بالله وشك بقدرته، عزيز وجل، لما تحاولي تنتحر انت كدا بتتهرب من واقعك وحياتك، ولما بتتهربي من واقعك وحياتك، فاكرة انك هتلاقي حياه افضل من حياتك وواقعك، ثانيا، لما تفكري تنتحري انتي كده مش مؤمنه بالعذاب وجهنم والعياذ بالله، لان بطبيعت الانسان وفطرته انه بيختار الاسهل له، ولا شك في ذالك، اما المشكلة فين المشكلة انك عارفه عذاب الاخره وجهنم وعقاب اللي ينتحر، هنا الشيطان بيمارس هوايته، اللي هي انه يقنعك ويدخل في راسك انك هترتاحي من الدنيا ومن الحياة، والكلام ده، انتي عارفه عقاب المنتحر بس مع كدا متعرفيش ليه بتيجي في دماغك الفكرة دي، بتيجي في دماغك لانك للأسف مؤمنه بجهنم والعذاب والعياذ بالله، لان زي ما قلتلك الانسان يختار الايسر والاسهل له،لانك لوحدي مؤمنه بالعذاب، مش هتفكري مجرد تفكير بالانتحار، لانك وقتها هتبقي عارفه النتيجة، ثالثا والاهم، احنا يا حبيبتي يا قلبي، خلقنا للعبادة فقط، يعني مش العبادة بس قصدي، لأ خلقنا للعبادة وللتأمل في مخلوقات الله عز وجل، والتعليم والاجتهاد والزواج والوظيفة........ الخ، كل الحاجات اللي ذكرتها واكتر شغلت ناس كتير مننا عن العبادة، والتأمل في مخلوقات وملكوت الله عذاب وجل، بس ده مش معانه اننا منعملش حاجه غير العبادة، لا، نعمل بس منخلهاش تلهينا عن السبب الرئيسي بوجودنا بهذة الحياة، الا وهو العبادة لله عز وجل، والمشكلة الاكبر هنا انك معندكيش شغف، او هدف في حياتك بمعني اصح، صلي استغفري اقرإي قران، حاولي تتأملي في ملكوت ومخلوقات الله زي ما قلتلك، وانتي تلقائي كدا هتعرفي وجهتك وهدفك ، وهيبقي عندك شغف كبيير، اعبدي الله علي قد ما تقدري، بس مش معني كده انه يمنعك من حياتك الدنيويه، اللي هو الزواج والشغل وووووكتير متعديش، وتذكري انك لو قعدتي مليون سنه تعبدي الله عز وجل، مش هتوفي نعمه، وده مش معناه تقضي حياتك فين العبادة فقط، لا مارسي حياتك الشخصيه اللي هيا الدنيويه، بس متخليهاش تلهيكي عن سبب وجودنا علي هذة الحياة، حاسه اني رغيت كتير، يارب اكون افدتك وحاولي انك تتقربي من الله ليصلح لكي حياتك، والسلام عليكم ورحمة الله وبركاته

السلام عليكم، بصراحة امك غلطانة باللي عملته، بما انك حاولتي معاها ومنفعش، خلاص توكلي علي الله وحسابها عند الله، وادعي ان ربنا يغفرلها ويسامحها، كلنا بنغلط، كل ابن ادم خطاء وخير الخطائين التوابون، وربنا غفور رحيم، ممكن سؤال بس، ايه عرفهم وقت اكتشافهم للمشكلة انك عارفه، انتي المفروض عارفه انك مشكلة زي دي كبيره ومعقدة وبتخرب بيوت وتهدم حياة، انتي كنتي عارفه وقتها، بس كنتي عملتي نفسك مش عارفه عشان الموضوع ميتقلبش عليكي، ثانيا، انتي بتقولي انك حاولتي تنتحري، الانتحار حرام، لكن خليني اقولك بما انه حرام دا ضعف ايمان بالله وشك في قدرته، لما تحاولي تنتحري انتي كدا بتتهربي وبتبعدي عن الواقع اللي عايشه فيه، ودا ضعف ايمان ليه؟، خليني اقولك ليه، لانك كدا مش مؤمنه ان ليكي رب مش هينساكي ومش بيسيب حق مظلوم،، مجربتيش ليه انك تدعي لامك بالهدايه وصلاح حالها، وتدعي ان ربنا يتوب عليكي من فكرة الانتحار، وتدعي كمان انه يعيشكم بسعاده، وتنجحي بحياتك، وييسرلك امورك، ليه مدعتيش ربنا بكدا بدال فكرة الانتحار، جايز تكوني دعيتي كدا واكتر وملقتيش نتيجة، فيإستي من ان ربنا ممكن يعدلك حياتك،(ولا تقنطوا من رحمة الله) ثاني حاجه، انك لما تفكري بالانتحار، كدا انتي عندك شك في عذاب الاخره، هتقولي اننا كلنا مؤمنين بالاخرة والعذاب، فعلا اننا كلنا مؤمنين، بس كل شخص انتحر وبيفكر ينتحر، مؤمن انه لما ينتحر هيرتاح من الدنيا، وانتي لما تيجي في بالك انك عايزة تنتحري اكيد انك فاكرة انك لما تنتحري هتروحي مكان افضل من ضرب والدتك وعذابك معاها، بس انتي اكيد مؤمنه بالله، وعارفه عقاب اللي ينتحر، بس متعرفيش ليه بتيجي فكرة الانتحار في دماغك مع انك عارفه عقابها، هنا الشيطان بيمارس هوايته، اللي هيا بيحاول يقنعك ويدخل في راسك انك لا تنتحري هترتاحي والكلام ده، وهنا انتي لما تتبعيه وتفكري بالانتحار، كدا انتي شاكه ان في عذاب وجهنم اصلا، لانك اكيد مش هتختاري تروحي جهنم والعياذ بالله عن عذاب امك ومعاملتها ليكي، فإنتي لو ايمانك بالله قوي مش هتفكري اصلا تفكير، واظن انك اكيد عرفتي الاسباب من الرغي كلو دا، صلي وادعي ربنا انه يتوب عليكي ويهدي امك، ااتمني اكون افدتك، لان عمري 14 بس، والسلام عليكم ورحمة الله وبركاته

السلام عليكم، اولا التفكير عمره ما كان بيغير القضاء او القدر المكتوب ليكي ولغيرك من قبل مانام تخرجي للدنيا، ثانيا كتير من الناس وارد انه يحصل معاها زي ما حصلك ودا شي طبيعي، ثالثا، بصي للمشكلة من زاوية اخري، يعني ربنا بيخترلك الافضل والايسر لكي، لو خير العبد بما كتبه الله له وحياة اخري هيختار اللي كتبه الله له، وربنا ممكن ربنا يكون غرق مكان شغلك اللي بتقولي عليه لانه فيه اذيه ليكي، متفكريش انك بتفكيرك ده انك بتخلي ده يحصل وتستغربي، التفكير ده بيدخله الشيطان في دماغك، وبعدين مش من موقفين تحكمي وتقولي كدا، كل اللي بيحصل سواء فكرتي فيه او لا وحصل، دا قضاء وقدر، السلام عليكم

السلام عليكم، انا مرات بجاوب علي سؤال، يعني ممكن سبع او ثمن، اسئلة، كتير من الاسئلة ببقي عارفه اجابتها وبعد ما اكتبها وهنشرها اهو، بقرأ الاجابات والتعليقات التانيه، بتاعت اشخاص يعني كبيره، بالعمر واكثر خبرة مني، فبكسل واقول ان اجابتي مش هتيجي حاجه قبال اجاباتهم

السلام عليكم، اولا انت لما بتصلي بتكون عايز جزاؤك الجنة، ولما بتكون عايز جزؤاك الجنة ومش مهتم بالدنيا بيبقي اسمك زاهد . بس ده مش معناه ان الواحد ميسعاش ويتمني ان حياته تكون مفهاش مشاكل او يكون مبسوط فيها، بس انت المفروص تخلي كل اهتمامك انك جزاؤك الجنة في الاخر، وانت لو ركزت في النعم اللي معطهاك الله هتعرف انك لو قعدت مليون سنه مش هتوفي نعمة البصر بس، واحنا بندخل الجنة برحمة الله، مش بأعمالنا، لان لو عاملنا الله بأعمالنا تأكد اننا مش هندخل الجنة اصلا، وتأكد ان انت لما تدعي دعوي في الصلاة او من غير صلاة، ربنا بيحققهالك، في الدنيا او الاخره، يعني انت مثلا قلت ياارب اكون غني، ربنا ممكن يخليك غني هو قادر علي دا، وممكن يسيبلك امنيتك دي للاخره، ويجيبلك يوم القيامه، يقولك هذا جزاؤك بدعائك، ويجبلك قصور قد ما يملك اغنياء وامراء الدنيا اضعاف، وممكن ربنا يحوش بيها اذي عنك، يعني انت قلت يارب اكون دكتور، وممكن كان يكون اذي هيصيبك، فممكن بالدعاء ده حتي لو مكنش بنيت انك تدعيه عشان حمايتك من الاذي، بس ربنا يحميك بالدعوه دي، وتذكر ان الدعاء يرد القضاء والقدر، وانت لو تأملت وركزت في حياتك هتلاقي نعم متقدرش تعدها لانها كبيره جدا جدا، عندك نعمة البصر والسمع والتذوق والشم والرجلين والايد ونعم كتير مستحيل تعدها، فأنت ادعي ربنا وتأمل في نعمه وهتلاقي ان حياتك افضل مليون مره من حياتك احد ربنا مبتليه في جسده او اولاده او ماله، ويارب اكون افدتك، والسلام عليكم ورحمة الله وبركاته

السلام عليكم، اولا احمد ربنا انه هداك للطريق الصحيح، ثانيا، شغلك ده شغل حلال حتي لو كان بمرتب قليل بس الحمدلله عايشين بيه لانه حلال وربنا مباركلك فيه (اللقمه الحلال توجع الضهر واللقمه الحرام توجع البطن) ومتفكرش انك تعمل فلوس بطريقة وحشه (ذي ما دماغي مسوحاني) الافكار دي سببها الشيطان لانه زعلان ومتغاظ انك رجعت لربنا وماشي في الطريق الحلال، بيقلك مثلا شوف دايما بيعمل فلوس بالطريقة دي (طريقة سيئة) وعايش ومبسوط ومعلهش ديون ومحصلتلوش حاجه لكن انت يدوبك مرتبك يكمل بالعافيه لاخر الشهر وعليك ديون.......،ويقعد يوسوسلك انك تعمل فلوس بالطريقة اللي بتقول عليها، اسمع كدا (دخل رسول الله ﷺ على عائشة ليس معه طعام وليس في البيت طعام، فقالت له نصبر علي جوع الدنيا ولا نصبر علي نار جهنم وعذاب الاخره) فخليك متأكد ان لك رب هيتولاك ويرزقك من ابواب رزقه، لأنك ماشي في الطريق الحلال، وكل ما الافكار دي تيجي في دماغك استفغر الله (الا بذكر الله تطمئن القلوب) وربنا يفك كربتك، عليك بالدعاء مش بالتفكير في تجيب فلوس منين، وقل ربي اجرني في مصيبتي خيرا منها، وتذكر ان ده ابتلاء من الله يشوف قوة ايمانك، وخليك فاكر ان الجنيه الحرام عمره ما هيقضي مصلحة او يحل مشكلة، الفلوس الحرام من الشيطان لكن الحلال من الله، عليك بالصدقه، حتي لو محتاج فلوس، تصدق بس تصدق باللي تقدر عليه حتي لو جنيه، وتأكد ان ربنا هيرزقك اضعافه، انت في نعمه كبيره جدا، لان ربنا هداك، متضيعش النعمه دي وتتبع الشيطان، والله يرزقك من اوسع ابواب رزقه، اسمعني انت ممكن اكون صغيره علي اني اقول كدا لان عمري 14 سنه، بس بجد متضيعش النعمه دي من ايدك، والسلام عليكم ورحمة الله وبركاته

السلام عليكم، حاولي انتي او والدتك او والدك تقعدوا معاها تفهموهوا انه مش مناسب وتحكولها علي كل تصرفاته السيئه بس انتبهوا لانها زي ما قلتي بتحبه وممكن تتعب لو عرفت، ممكن تقعد عند مامتها، وتنفصلوا بس من غير ما تعرف ولو سألت عليه قلولها مثلا انه مسافر، واحكيلها عن تصرفاته السيئه، بس مش كلها مره وحده زي انه مش بيحبها، احكولها بحاجه بسيط يعني مثلا، مينفعش يقعد يومين ميزوركيش، واستمروا كدا يوم عن يوم عرفوها افعاله السيئه وانه زواجها منه كان غلطه، وبباكي ومامتك مكنوش راضيين بيه بس محبوش يزعلوكي او يكسروا فرحتك، وانتي تستاهلي حد يقدرك ويحبك، مش يحبك علشان شكلك بس، وواحده وواحده هتتقبل الموضوع ومع الوقت هتنساه وتنسي حبه، وخلي بالك انها انها لو قعدت معاه، هتكبر المشاكل، وهتعيشوا في حالة خوف وقلق وترقب من انه ييجي في يوم ويزعلها، وهتكبر المشاكل وتكبر معاها اهانته ليها وقسوته، فالأفضل ليها انها تنفصل، وتبدأ حياتها من جديد، حاولوا تشغلوها بأي حاجه كحفظ القران الكريم، انصحيها مثلا انها تقرأ، رواية (ندى تشتكي لعائشة) الرواية دي بتحكي عن معاملة الرسول ﷺ للسيدة عائشة رضي الله عنها، وهيا من نفسها هتقارن تصرف زوجها بتصرف الرسول ﷺ ومع الوقت هتنساه، وتعرف ان الجواز ده كان غلطة

علاجك القران الكريم (وننزل من القرآن ما هو شفاء ورحمة للمؤمنين) واظب علي الصلاة وقراءة القران الكريم، واستغفر (ألا بذكر الله تطمئن القلوب) القرآن والصلاة والاستغفار احسن من مليون طبيب نفسي واحب اقولك ان كل الاعراض دي عندي عمري 14 سنه وعندي كل الاعراض اللي ذكرتها، لدرجة اني لو قعدت اكتر من نص ساعه، مقدرش اوقف علي رجليا، ولو حاولت اقف بقع من طولي وكشفت كتير جدا علي وجع ركبتي ومصحيتش، وعايشه، توكل علي الله،، والله يشفيك يارب

لو مكنتيش بتعاني من مشاكل صحيه، فده علي الاغلب طبيعي، لانك لما تبقي بقالك فتره مش بتصومي، وتيجي تصومي يومين على بعض ممكن يحصلك كدا، ودا بيحصل مع ناس كتير جدا لانك بتبقي جعانه، ولما تفطري، الوجع بيروح، ولو خايفه انها ممكن تكون مشكله كبيره اكشفي

السلام عليكم، تقربي من ربنا وقوي علاقتك بالله، اللي عندك ده مش عايز طبيب نفسي، ده عايز مواظبة علي الصلاة وقراءة القران الكريم واستغفري (الا بذكر الله تطمئن القلوب) و ده من الشيطان، لانه عايزك تشكي في ايمانك بالله، بس انتي كل ماجي تيجي الافكار دي في دماغك قولي اعوذ بالله من الشيطان الرجيم وقومي صلي ركعتين واستغفري ومتتبعيش الشيطان لانه عايزك تبعدي عن ربنا، اقرإي مذكرات تائب بالمصري، يعني المذكرات دي بتحكي وتقول كل اللي بيدور في بالك، وهتخليكي تحبي الصلاة، استغفري الله، والله يتقبل، ممكن اكون صغيره علي اني اقول كدا لان عمري 14 سنه، بس اعملي كدا ومش هتندمي باذن الله

السلام عليكم، اولا انتي غلطانة لان دي علاقه محرمه، وذنب اللي عملتيه، وانتي سبتيه اتمادي جدا، وركبتي معاه في العربيه، اذا كان بيحبك حقيقي، يجي يتقدملك، خطوبه حتي، الحب افعال مش كلام، ممكن تكون المشاعر اللي عندك تجاهه مشاعر عاطفيه بتحاولي تعوضي بيها الحنان، ممكن يكون يعني في البيت محدش بيسمعك او بيكلمك عن همومك، مترجعيش ليه او تكلميه انسيه، لانه واضح انه كان بيتسلي، ومتصدقيش الحب والكلام الفاضي ده، انتظمي في الصلاة، وتوبي، واستغفري (الا بذكر الله تطمئن القلوب) وانسي كل ثانيه قضيتيها معه، ممكن اكون صغيره علي اني اقول كدا لان عمري 14 سنه،، بس تبعيني انسيه خالص وابدإي حياتك من جديد، واتقربي من ربنا وربنا يصلح حالك، والسلام عليكم ورحمة الله وبركاته

السلام عليكم، اولا انتي صليتي استخاره مرتين، لو حسيتي بإرتياح ليه بعد ما صليتي استخاره، يبقي وافقي، لو محستيش براحه تجاهه، برضو بعد الاستخاره متقبليش، واوعي تتجاهلي الشعور اللي بتحسي بيه بعد الاستخاره، يعني مثلا محستيش براحه، متقوليش لا انا بحبه وهو بيحبني وهيعوضني، وتقبلي بيه، ممكن انتي تكوني بعد الاستخاره حسيتي براحه بس مش عارفه الشعور راحه ولا ايه، فالحلم ده من الشيطان، اللي خلاكي تحلمي بالشخص اللي ذكرتيه، وانتي مش عارفه مشاعرك ناحيته، ممكن تكون مشاعر يعني ممكن تكوني بتعوضي الحنان العاطفي اللي المفروض يقدمه لك بباكي او مامتك، ممكن تكون دي مشاعر عاطفيه بتحاولي تعوضي بيها الحنان اللي فقداه. الاذي النفسي. وتأكدي ان الاذي النفسي او اي حاجه مضيقاكي علاجها القران الكريم واستغفري (الا بذكر الله تطمئن القلوب) وتوبي لإنك لما قلتي كنت متعلقه بيه جدا، فممكن تكوني بتكلميه عالموبايل بتتقابلي معاه، وده ذنب، ولو كان بيحبك وراجل كان جه اتقدم مش كلام بس، ولما قعد خمس شهور متتكلموش، كدا دا رد فعل غير مباشر انه مش بيحبك، انتي مش لعبه عشان يعلقك بيه وبعدها يسيبك ويرجع لك تاني ويسأل عليكي، كدا هو معتبرك تسليه بس، ومتوقفيش نصيبك علشان حد زييه، كانتوا عارفين بعض من قبل ما يتقدملك يحيي، لو كان بيحبك حقيقي كان اتقدم، لان الحب افعال مش كلام، ومتوقفيش نصيبك عشانه، الاذي النفسي علاجه الصلاة والاستغفار والقران، ومتخفيش مش هتظلميه، لو رفضتي اللي اتقدملك وقضيتي عمرك تكلميه كدا، كدا هتبقي ظلمتي نفسك، نفسك بس، استخيري مره واتنين وعشره، لحد ما تعرفي شعورك ايه، لوحدي شعرتي بالراحه تجاهه، اقبلي بيه واقبلي باللي يختاره ليكي بباكي، وشيلي اللي كنتي بتحبيه دهن من دماغك لانه مجرد تعويض نقص الحنان العاطفي،(وعسى ان تكرهوا شيئا وهو خير لكم) ممكن اكون صغيره علي اني اقول كدا لان عمري 14 سنه، بس اعملي كدا مش هتخسري حاجه، والسلام عليكم ورحمة الله وبركاته ♥

الشيطان دخل في دماغك انك بتصلي وتقري قران ومش بتسيبي فرض، وخلاكي انك مثلا بدل ما كل ما تروحي مكان تقرأي جزء، خلاكي متقرأيش ابدا الا في الصلاة، شويه شويه خلاكي متصليش قيام الليل شويه شويه خلاكي متصليش الفجر، بيقعد يقلك انتي بتصلي وتعملي وتعملي ودا مش بيصلي ولا يقرأ قران، لحد ما وصلتي لحالتك دي، وابدئي من جديد، وحسني علاقتك بربنا، وان شاء لله هتبقي أحسن من الاول، ممكن اكون صغيره علي كلامي لاني عمري 14 سنه، بس جربي وان شاء الله هتبقي افضل من الاول

الشيطان اللي بيقولك ان مثلا شوفي دا بيعمل كذا وكذا ومحصلوش حاجه، وانتي بتصلي، ودخل في رأسك وساوس، وانتي كل ما الفكره دي تيجي في رأسك، قولي أعوذ بالله من الشيطان الرجيم، وقومي صلي ركعتين واستغفري، ومتتبعيش الشيطان لانه زعلان ومتغاظ انك رجعتي لربنا

اللي بتحسي بيه طبيعي وانتي كدا قلبك ما ممتش لانك لو سمعتي خبر وفاة ومخفتيش او محستيش كدا، يبقي قلبك مات، ودي علامة من علامات حب الله لكي، وانتي فعلا معندكيش حاجه، خلي علاجك القران الكريم وستغفري، الا بذكر الله تطمئن القلوب، ممكن اكون صغيره علي اني اقول كدا لان عمري 14 سنه، بس اعملي كدا، مش هتخسري حاجه

استخيري واللي يختار لك الله اقبلي بيه، واهم حاجه طيعي والديك دايما، واللي يقول ابوكي عليه وافقي بعد ما تستخيري، وانتي متعرفيش ابن عمك ده هيلقى شغل امتي، العمر هيمضي وانتي بتستنيه، ويمكن ميحصلش نصيب، وممكن بباكي يكون رافض، لسببين، الاول انه معهوش شغل وبباكي ممكن يكون خايف تجيبوا اطفال مش سليمه لان كتير من زواج الاقارب بيحصل كده، والتاني انه بباكي ممكن يكون شايف انه مش مناسب وان اللي بيتقدملك مناسب اكتر، صدقيني متتبعيش ابن عمك، هتخسري وتندمي، خلي كل طاعتك في الدنيا لوالديك بس، ولو قالك هبقي في حاله وحشه ومعرفش ايه، قولي له الحاله الوحشه اللي هتجيلك دي بسبب بعدك عن ربنا مش انا، وانتي خلي بالك هتندمي انا مسمعتيش كلام بباكي، بباكي عايز مصلحتك والله اسمعي مني، ومتخافيش تحصله حاجه، كله بإيد ربنا، ومتتردديش في انك تسمعي ابوكي لانك كل ما تكبري وترفضي عرسان، فرصتك بتقل في الزواج، وممكن بعد ما تأخري نفسك عشان ابن عمك، ممكن ييجي ويتجوز، وانتي بعدها هتندمي جدا، لانك متبعتيش بباكي وتندمي انك مشفتيش حياتك عشان الحب ومعرفش ايه، والحب اللي بيقول عليه ده وقتها كان عمرك 17 سنه يعني مراهقه، وده يعتبر حب مراهقه، وخليكي فاكره ان الراجل دايما بيحب ويعجب بالمرأة اللي يعني متبينش مشاعرها، وممكن احتمال كبير جدا يسيبك ويتجوز غيرك، وخليكي فاكره ان الحب بعد الزواج، واستغفري لربنا علي ارتباطك بيه تلت سنين، وشوفي حياتك وطيعي ابوكي وامك ومتصدقيش حاجه اسمها حب، انا ممكن يعني مكنش كبيره كفايه يعني اني اقول كدا لاني عمري 14 سنه، بس والله هتندمي ان متبعتيش ابوكي قبل فوات الاوان، والسلام عليكم ورحمة الله وبركاته ♥