الأميرة المجهوله

مش هقولك كلام إيجابي ، هقولك تعمل اي علي ارض الواقع مبدائيا كدا استعن بالله واعلم انك تعيش في هذه الدنيا وتنجز وتتقدم بفضل الله وعونه فأستمد دائما العون من الله ثانيا انت لازم تصبر ، النجاح عايز وقت ومثابرة مش هتقول عايز انجح هتلاقي نفسك تاني يوم نجحت او هتاخد كورس تلاقي نفسك وصلت للي عايزه لا النجاح محتاج مثابرة ومجهود شخصي منك ومش مهم الشهر اللي فات ضاع لي ولا السنه اللي فاتت خلصت لي المهم خلصت ف اي والشهر عملت في اي ؟ ثالثا طور من نفسك في الحاجه اللي انت بتحبها وانت مش هتيأس لما الشهر ولا السنه يعدوا لأنك كدا كدا هتبقي شغال علي نفسك بلص ان سنك صغير شباب كتير في السن دا لسه بيبدأو يفهموا ميولهم وعايزين يشتغلوا اي انت مش متأخر ولا حد سابقك وافتكر ان النجاح محتاج وقت ومثابرة ، بالتوفيق ليك

بصي لما بكون كده بعمل هدنه مع نفسي خدي قسط كويس من الراحه والهدوء زي من ٣ ل ٤ أيام راحه ومتشغليش نفسك بالدراسة خديهم استرخاء وبعيد عن ضغط المذاكرة والتفكير فيها بعدين لما تخلص ال ٣ او ال ٤ أيام نبدأ نشوف المذاكرة المتراكمة والجديده درس درس وانزلي حصصك برضو ونتعامل مع مشاعرنا والضغط اللي بنواجهه بهدوء لما تقولي نفسك انا فاشله كدا انتي بتزيدي من الضغط علي نفسك انتي بدل م تفكري بسلبيه فكري ب إيجابيه قولي انا ناجحه هلحق ألم كل اللي ورايا شجعي نفسك بنفسك واللي بتقوليه لنفسك هو اللي بيحركك يعني ممكن اقول انا فاشله فاشله وكل شويه اقول كدا هتلاقي نفسك محبطه وقاعدة علي السرير دا طبيعي لأنك انتي اديتي الاشاره لمخك ب الكلام دا ف انتي ممكن تغيري من تفكيرك وكلامك قولي انا ناجحه انا شاطره وقومي صلي ركعتين وابدئي بالمذاكرة وعايزه اقولك انا لما كنت فتره ثانويه عامه كنت معلقه صور للكليه اللي عايزه ادخلها وحطاها هدف وكل م أحبط اشوفها ويزيد حماسي وذاكر علشان وأصلها اعملي كدا دا هيديكي حماس وشغف علي المذاكرة وبالتوفيق ليكي وافتكري ان لسه بدري انتي تقدري تلمي كل حاجه لسه قدامك وقت مواقفه يارب

بالنسبالي العلاقه السطحيه مبيبقاش فيها تكاليف يعني مش مضر اعمل واخرج ولا ملزوم بحاجات عميقه عكس العلاقات العميقة ملزوم فيها العلاقات السطحية مريحه وبتبقي في نطاق معين وضيق اهلا اهلا سلام سلام العلاقات العميقة دلوقتي بيبقي فيها مشاكل كتير علي عكس العلاقات السطحية بتكون صحيه وانا مقتنعه أن العلاقات السطحية مع كل الناس بتبقي more healthy relationship عن العلاقات العميقة لان العلاقات العميقة بتخلي عندك عشم اكتر وان الشخص دا مستحيل يخذلك فتلاقي معظم مشاكلنا بسبب عشمنا في الناس ، وحقيقي العلاقات السطحية صحيه واكتر راحه من العلاقات العميقة

من رأي الشخصي لما يكون راجل ظالم ومفتري وايده سابقه لسانه وبيمد ايده عمال علي بطال علي زوجته ومعندوش تفاهم وبيهن الست ومش مقدرها او ممكن غير مسؤول بالمرة مبيصرفش sorry يعني بياخد فلوس من مراته مبيعرفش يصرف ورامي الحمل علي زوجته او ممكن مدمن او بيشرب خمر والحاجات دي او خاين راجل بتاع ستات وهو متزوج اصلا أسباب كتير الحقيقه بس من رأي دول اللي لآزم الست تعمل فيهم stop وتطلب الطلاق

مبدائيا كدا نيجي لنقطه نقطه انتي مش فاهمه عايزه اي او عايزه تحققي اي ؟ بصي حطي ليكي اهداف واسعي لتحقيقها لما تحطي هدف قدامك هتبقي عارف انتي عايزه اي وهتعملي اي نيجي في نقطه انك مش مبسوطه وعايزه تكوني مبسوطه لو ليوم واحد ؟ مين قالك السعاده في الحاجات الفخمه الكبيره السعاده بتختلف من شخص للتاني انتي ممكن تتبسطي بقراءة كتاب ب حاجه انتي بتعمليها ب اي نشاط مثلا زي الرسم او القراءه او الخروج مع صديقه مريحه وبترتحيلها السعاده مش صعب اننا نصعنها بنفسنا ممكن قعده برضو مع نفسك مع مشروبك المفضل مع فيلم بتحبيه تخلقي جو من السعاده كل إنسان لي حاجات معينه بتبسطه صدقيني السعاده مش صعب انك تلاقيها نيجي لنقطه عندك خوف ورهبه من كل اللي جاي ؟ كل م يجيلك خوف من اللي جاي افتكري هل اللي جاي اللي انتي خايفه منه اصلا انتي موجوده فيه لقدر الله يعني انا مقصدش بس بفهمك احنا مش عارفين بكره موجودين او لا ف أخاف لي من بكره وهو مجهول وانا مش عارفه اذا كنت فيه او لا وعلشان تطمني برضو ربنا موجود استشعري وجود ربنا في كل لحظه في يومك وانتي هتعرفي انك ملكيش في الأمر شئ وخوفك وقلقك مش هيغير من قدرك حاجه كل شئ مكتوبلنا هنشوفه نيجي لنقطه نفسك تصلي وتنتظي كلنا بنعرج للطريق الي الله حتي نستقيم النهارده بتصلي الفجر والضهر بكره تصلي باقي اليوم بعده تصلي قيام اليل بعده تصلي السنن عايزه افهمك انها كلها خطوات ومجاهده منك علي نفسك وشيطانك ، ربنا يثيتك يارب وانصحك لمتابعه حازم شومان ومحمد الغليظ وهاله سمير بجد أسلوبهم وطريقتهم في الدين حلوين جدا اللهم بارك اتمنالك التوفيق واسفه لاني طولت😂

نعم اختي يمكننا انتظار عوض الله فعوض الله ات لا محاله تحلي بالصبر في كل أمور حياتك وسيأتي الفرج بعد الصبر فرح عظيم من الله ولكن بتوقيت من الله إن الله يدبر لك أمور لو علمتها لبكيت فرحا

لو عايزه نصيحه حلوه سبيه😇 واضح انكم لسه صغيرين وبتدرسي ، يعني في مرحله طيش ومراهقه ركزي علي مذاكرتك في الوقت دا بعدين كل حاجه هتيجي في وقتها المناسب اللي انتي فيه دا مش ارتباط هو يا بيتسلي ي بيتسلي مفيش حاجه تانيه

وعليكم السلام طيب هو كئيب علي طول و شايف الدنيا سودا علي طول ولا كل فتره وفترة ؟ لو كل فتره وفترة انا بشوف شئ طبيعي الإنسان بتعدي عليه اوقات بيبقي شايف الدنيا وحشه وعنده مشاكل وبيدخل في اكتئاب وايام بيشوف الدنيا حلوه والحياه لطيفه ثم هو مش فستان علشان يقولك شوفي التغير اللي عايزاه قوليلي عليه واعمله هو إنسان لو عايز يتغير فيتغير من نفسه مش علشان حد ، مش عيب الإنسان يشوف عيوب فيه ويبدأ يغيرها للأحسن ومن رأي برضو اديله فرصه لو هو كويس وحابب يتغير ساعديه في التغير، وهو عايز يتقدم لو هتتخطبي مثلا ومع الخطوبه هتلاحظي التغير اللي بيتكلم عنه، ولو مرتحتيش خلاص محدش هيجبرك وكل شئ قسمه ونصيب

الرسول عليه افضل الصلاة والسلام ارشدنا في اختيار الزوج وقال إذا جاءكم من ترضون دينه وخلقه فزوجوه ، مقلش ولا شكل ولا وزن ولا اي معاير تانيه للجمال المعاير الحقيقه أخلاقه ودينه فقط ولو علي القبول يمكن انتي خايفه من كلام الناس او حد حسسك بحاجه خلاكي مش متقبلاه او انتي عندك خوف لحد يقولك انتي اكبر منه في حين أن هو شكله اصغر منك مع انه أكبر منك بكام شهر بس ع فكره كام شهر مش حاجه وانصحك برضو صلي صلاه الأستخاره وربنا ينور بصيرتك ويقدملك اللي فيه الخير ي حبيبتي

من رأي انزلي ومتحطيش في بالك انك مش هتفهمي قولي إن شاء الله هفهم وحاولي تستوعبي حاجه من الشرح ومع الدروس الجديده ابدئي دخلي الدروس المتراكمة درس درس لحد مايخلصوا هتلحقي مع الوقت وهتلمي القديم وتكوني ماشيه مع الدروس الجديده بإذن الله وبالتوفيق ليكي

السلام عليكم بصي نصيحه هتقابلي من النوعيه دي كتير في المواصلات يستحسن تقعدي جمب بنات مفيش استني المواصلات اللي بعدها بعدين لو اتعرضتي للموقف دا تاني زعقي فيه وعلي صوتك قولي فيه اي وزعقي والسواق هيقومه ويقعده جمب شاب زيه بعدين حبيبتي قليل الأدب مش بيهمه لبس فضفاض او مش فضفاض بلص حبيبتي دا ظرف وحصل وعدي متخليهوش يأثر علي باقي إمتحاناتك ي جميله استهدي بالله وصلي وشوفي مذاكرتك وبالتوفيق ليكي

وعليكم السلام ورحمة الله وبركاته بصي هو فيه غيره طبيعيه ، وغيره مرضيه الغيره الطبيعيه بتترجم حب وليها مبررات ، اما الغيره المرضيه بتكون بشكل اوفر وغير مبرره صح الغيره حلوه بس بحدود ،مش الغيره اللي تخنقك ويكون غيران عليكي من كل حاجه متشتغليش متخرجيش متروحيش والكلام دا هنا الغيره بتخنق بعدين لو في غيره لازم يكون فيه ثقه يكون واثق فيكي وعلي العموم كويس انك لسه علي البر معاه لان يمكن بعدين متقدريش تستحملي غيرته بس بصي نصيحه اتكلمي معاه الأول واهي تكون فرصه اخيره اتكلمي معاه واعرفي دوافعه للغيره اللي ملهاش مبرر ولو اداكي أسباب وشايفه انك تقدري تكملي معاه وتتجنبي الأسباب اللي بتدفعه للغيره كملي معاه حاسه وشايفه نفسك مش هتقدري كل شئ قسمه ونصيب وسبيه وربنا يوفقك ويقدملك اللي فيه الخير

وعليكم السلام حبيبتي انك تقوي شخصيتك دا محتاج مجهود منك ومثابرة علي نفسك خلينا نبدأ بقلة الثقه ، قله الثقه بتيجي من العوامل البيئه او التفكير السلبي حاولي متجلديش نفسك وكوني أكثر رحمه بنفسك حاولي تتخلصي من السلبيات كوني إيجابية وفكري بإيجابية اكتبي مميزات ليكي في ورقه كل شويه بصيلها دا هيعزز من ثقتك ، ثقي بنفسك وقدراتك ومهارات ومتخليش حد يقلل من شأن نفسك ازاي تتخلصي من ضعف الشخصيه بصي حاولي تركزي علي لغه الجسد لان لو انتي واثقه في نفسك بيبان علي مظهرك ومشيتك وكلامك علي عكس شخص شخصيته ضعيفه تلاقيه التوتر باين من عنيه حركات اديه متشابكة مش عارف يقول كلمتين ف دربي نفسك علي الكلام قدام المرايا اسمع انها بتعزز من ثقه في النفس كمان لما تتكلمي مع حد خلي عينك قدام عينه يعني اقصد ارفعي عيونك لعنيه بصي علي عنيه دا هيخلي الشخص يفهم انك واثقه في نفسك وبرضو لما تتكلمي اتكلمي براحه علشان اللي حواليكي يفهموكي ولما تتكلمي استعملي كلمات انيقه زي شكرا ي افندم بلاش ي اسطا والكلام السوقي اللي بنسمعه دا ولما تتكلمي شاوري ب أيدك مثلا لو هتقولي حاجه او كدا المهم فكي اديكي عن بعض وبلاش تحطهم فوق بعض بيبان انك خجلانه اتمني اكون قدرتك افيدك ولو بحاجه بسيطه

انت متقدرش تتحكم بالتفكير بس تقدر تتحكم في نفسك حاول كل م تلاقي نفسك داخل في دوامه التفكير تفصل تروح تعمل حاجه كوبايه شاي مثلا تروح تحكي مع حد تشغل نفسك وبالتالي دماغك هتنشغل وكمان التأمل والاسترخاء مفيدين جدا في تفريغ العقل من الأفكار ، وتمارين التنفس كذالك وحاول تدرب عقلك علي عدم التفكير الغير ضروري يعني مش كل حاجه تتعب دماغك بالتفكير فيها حط اهداف واضحه وأولويات وركز عليها إنشغال الوقت بالعمل او اي نشاطات ممكن تساعدك زي الرسم او الكتابه او الجيم وبالتوفيق ليك

بصي عايزه اقولك في الأول اني معظمنا بتتفرض علينا حاحات مش علي هوانا بس بنطر نكمل ونسايس الأمور حتي لو علي عكس رغبتنا ازاي تتعايشي بصي لما تتعاملي مع مشاعرك بالرفض بتتعبي ف عكس الرفض القبول والتسليم تستوعبي ان ملكيش في الأمر شئ كل م رضيتي وسلمتي كل م سهل عليكي الأمر الرضا ب اي قضاء واي وضع مفروضين عليه بيهون علينا وأدعي ربنا يهون عليكي التعايش مع اي امر مضايقك ومفروض عليكي وحطي في بالك برضو اي وضع مفروض علينا مش بيستمر العمر كله اكيد هيجيله وقت وينتهي هي فتره وهتعدي وربنا يهون عليكي الفتره دي

انتي لآزم تفهمي انك مش طول الوقت عندك شغف وحماس لا يوم هتلاقي نفسك متحمسه وعايزه تنجزي كل شئ ويوم مش قادره تطلعي من عتبه البيت ف لازم تتقبلي ان دا امر طبيعي ولا داعي للقلق حبيبتي كلنا كدا ازاي تستعيدي الشغف؟ خدي قسط من الراحة احيانا قله الشغف بتيجي من كتر الضغط والتعب ركزي علي الإيجابيات وفكري بإيجابيه وحطي اهداف جديده لشغفك اتمرني كل يوم دا بيساعدك انك تسترخي وبيخلصك من المشاعر السلبية غيري محيطك لناس إيجابية وناجحة وطموحه دا هينقلك حماس وشغف من غير م تحسي وبالتوفيق ليكي

وعليكم السلام ورحمة الله وبركاته لا الحب مش لازم يكون مشروط مش لازم يكون فيه شروط علشان احب اللي قدامي والشكل زي م قولتي كلها شكليات الجوهر الحقيقي هو الإنسان طباعه اي حنين ومتفاهم وابن ناس وأخلاقه كويسه ، نصيحه برضو لأي بنت هتقرأ مش ليكي بس لما تيجي تختاري شريك حياه بصي علي الصفات دي انه يكون محترم وابن ناس وأخلاقه ومبادئه عالين ومتفاهم وقادر يشعرك بالأمان هي دي الصفات اللي لازم ندور عليها إنما الشكل بيتغير مش ثابت وبرضو فيه بنات لما بتيجي تختار بتبص لجيبه انتي ممكن تاخديه مقتدر ومعاه فلوس ومستواه المادي كويس جدا بس مش قادر يسعدك ومش عارف يطمنك كل حاجه عنده فلوس ميعرفش يقول كلمتين حلوين إنما لو خدتيه بالصفات اللي كتباها محترم وأخلاقه كويسه وحتي لو مش بالمستوى المادي اللي يسر بس كفايه انك مطمئنة بوجوده وعارفه انو لو مش معاه ومش قادر يشتريلك نجمه من السما بس قادر انه يسعدك وبيحاول يسعي ويشتغل في اكتر من شغلانه علشان تكونوا سوا ، عايزه اقولك برضو مقدره خوفك في حته مش مأمن نفسه وليكي حق تقلقي بس استني عليه شويه يكون جاهز ويكون نفسه علشان لما يجي يتقدم لأهلك يكون واثق انه اهلك هتقبل بيه ومش هترفضه يعني يكون معاه شقه والخ. وعايزه اقولك لو ليكوا نصيب في بعض ربنا هيجمعكوا ولا ظروف ولا غيره هتكون عائق وبالتوفيق ليكي ي قمر

من رأي لأزم تسألي نفسك سؤال هل انتي قادره تستغني عن السلام لأنك واحده كاتبه بتحب السلام ومش عايزه صراع لو شايفه نفسك هتقدري يبقي اوكي ، لأنك انتي اكيد بعد م تختاريله العروسه ويتجوز فيه واحده تانيه شاركته معاكي فيه غيره اكيد فيه مشاعر متلخبطه يبقي مش هيكون في سلام زي الأول فلو هضحي من البدايه متجيش في النص وتقولي لأ خلاص لو عندك المقدره الكافيه تشوفيه بيتحوز وهيخلف ف تمام لأن مش كل الستات بتقبل بكدا خدي القرار الصح وشوفي الأمور من المدي البعيد لأن انتي جايز ربنا يكرمك بطفل بعدين ، أسأل الله أن يرزقك بالذرية الصالحة

وعليكم السلام ورحمة الله وبركاته بصي هقولك كام خطوه اعمليهم هيساعدوكي شويه اولأ كدا حاولي تتحكمي في نفسك وانفعلاتك ولو معرفتش تتحكمي حاولي تتنفسي بهدوء ثانيا جربي انك تلعبي رياضه هتساعدك في الاسترخاء وتقلق من التوتر ثالثا بتخافي من الناس ، اسألي نفسك اي اللي بيخوفك من الناس ؟ الناس مش بتعض علشان أخاف منهم خلي خوفك يكون من ربنا بس اي اللي يخوفك من إنسان عادي زيه زيك كمان بتقولي بتخافي من الزحمه انتي ممكن تبدأي بتجمعات بسيطه فيها شخص اتنين تلاته ناس تعرفيها بعدين مع الوقت لما تحسي نفسك انك قادره تطلعي اطلعي عادي واحضري افراح بيبقي فيها تجمعات وناس كتير هتلاقي نفسك انك مش خايفه من الناس ولا الزحمة وحاولي تاخدي الدعم الإجتماعي من صديقه ليكي تكون قريبه منك رابعا حاولي تحددي أنماط التفكير والسلوك اللي قد تثير الزعر والقلق عندك

اولأ كدا العلاج انك تستعوض ربنا علي الوقت اللي ضاع لان الساعه الا بتروح مبنعرفش نرجعها في الوقت اللي ضاع نستعوض ربنا فيه وحاول تملي يومك بشئ مفيد ليك ازحم يومك بدراستك شغلك كتاب مفيد طاعه الله وهتلاقي في تغير ومفيش وقت للتفكير علي اللي راح بعدين الزعل والبكي علي اللبن المسكوب مش هيغير شئ انت بجد تشكر ربنا انه كشفهالك انت يمكن مصدوم فيها دا حقك ثانيا رحمه من ربنا انه كشفلك أمرها وسبحان من بعتلك صديقتها علشان تقولك انها ارتبطت تاني بص نصيحه مني خلي زعلك غالي علي اللي يستاهل وحده زي دا هتأمنها كنت ازاي وسوري يعني خانت ثقت اهلها يعني مش عايزها تبقي كدا ربنا يهديها ويصلح حالها ويبدلك خيرا منها بس بالطرق الصحيحه اللي ربنا أمرنا بيها وتتخطي صدمتك دي تسبها للوقت وهو كفيل بكل حاجه ، والله يوفقك ويعوضك خير ويرزقك ببنت الحلال اللي تستاهلك

يفرض سيطرته لو حاجه غلط عملتيها ، مش علشان يفرض سيطرته علشان عايز يزعق ويضربك وفاكر كدا انه فرض سيطرته بعدين فيه بعض الناس بيبقي عندهم control freak ودا زي مرض في علم النفس اسمه هوس السيطره بيبقي عايز يفرض سيطرته وخلاص ويدي تعليمات لكل اللي حواليه تتعامل معاه ازاي بقي ؟ المفروض اننا بنتجنب النوعيه دي من الناس بس دا خطيبك ف فهميه ان أسلوبه غلط او فاهميه انك بتضايقي من فرض سيطرته

اي قصدك بيعاملك حلو جدا في الشات ؟ بعدين كلامه في الشات مش هو اللي يحدد اهتمامه بيكي يمكن شاف انك انتي كمان مهتمة بيه فقرر يتجاهلك او ممكن مضغوط علي كلام ذكيه بس انا بشوف ان ولا ضغط ولا اني مش في المود يخليني أتجاهل غيري بعدين انا هكلمك بصراحه متزعليش مني يمكن نصيحه من اختك الكبيره بعض الشباب بعد م يوصلوا لغرض عندهم بيبان طريقتهم وأسلوبهم الحقيقي يمكن كان عايز يلفت انتباهك في الاول وشاف انه صعبه ان يكلمك، ولما شافك مهتمة وسألتي قرر يظهر لك جزء من اسلوبه بعدين هو كدا خلاص وصل للي عايزه انه كلمك بعدين معلش يدخل شات ليه دا زميل جامعه يعني لو في حاجه عايز يقولها ف تبقي في حدود الكليه وفي الجامعه نفسها مش في الشات

وعليكم السلام ورحمة الله وبركاته طيب انتي شاكه في رساله من الله ليكي علي سوره يوسف؟ ودا اللي قالقك ولا انتي قلقانة اصلا وحاسة اني في وراها رساله ومش عارفه اي هي الرسالة ؟؟ انتي ممكن تشوفي تفسير الأيه ، الآية كلها بشاير وتحقيق أماني ومن السور اللي بتعلمنا الصبر والرحمه والأيمان الراسخ بالله وأن من توكل علي الله كفاه في الحالتين تفسير السورة مطمن وفيها موعظه ف متقلقيش وان شاء الله خير

الحب شعور جميل صعب انك توصفي كم المشاعر الجميله دي في كام كلمه ، الحب أمان وتفاهم وانجذاب في البدايه بعدين بياخد مسار الحب ، الحب ثقه وتبادل مشاعر وتفاهم تام من الطرفين الحب الحقيقي اللي في حياتنا بيخلينا مبسوطين وقادرين نكمل من غير خوف الحب أفعال قبل م يكون كلام ، مش كلنا بنلاقي الحب الحقيقي في حياتنا بس المحظوظين ، الحب حياه لأنك بتكني كم كبير من مشاعر جميله لشخص مميزاه عن الكل ، الحب أن تري قدرك في عين محبك تجد فعله يسبق قوله الحب أمان واطمئنان وصعب اوصفهلك في كلمه او بيت شعر ، ومش شرط الحب حب شريك الحياه بس لا فيه حب اهلنا وصحابنا ازاي بقي نكتشف أننا في حاله حب بتكوني حابه تشوفي الشخص دا في كل الأوقات ، مش بتحسي بالملل في وجوده دا العين كمان بتلمع لما بنحب، والوش بيبقي مبسوط والقلب فرحان، والأهم من الحب هو اختيار الشخص الصح الشعور بالغيرة ، ان المحب علي من يحب غيور ب اختصار بياخد جزء كبير من تفكيرك عليه

بصي انا هديكي رأي وانا مش متجوزه نظرا لأنك كاتبه عايزه رأي المتزوجين، بس دا ميمنعش اني مدكيش نصيحه بصي اي شخص حنين بجد بيجذبك لي، الحنيه اجمل شعور إنساني حقيقي مش كلام انتي هتستفادي اي لما تاخدي واحد غشيم علي كلامك ومش متفاهم تزعلوا يبقي مش هامه يصالحك إنما الحنين والمتفاهم لما تزعلي معاه هيبقي هامه يصالحك ويراضيكي وكمان انك تلاقي حد فاهمك وحنين دا رزق الشخص المتفاهم بيبقي سهل تدخلي معاه اي نقاش ومتفاهم لا عمره هيغلط ولا يعيبك ولا يمد ايده عليكي عكس الشخص الغشيم اقل حاجه عنده في نقاش مثلا ومش متفاهمين يزعق وكمان لو مش حنين ف مش هيبقي هامه بصالح خدي اللي بيحبك لأن عمره م هيزعلك ولو زعلك هيبقي همه يرضيكي ، خدي المتفاهم الحنون اللي شاريكي وعايزه اوضحلك حاجه برضو بتقولي عايزه واحد قوي وغشيم علشان دا بيبقي راجل لا علي فكره مش بتتقاس كدا الغشيم ممكن يزعق يمد ايده انتي عايزه راجل كدا او شايفه كدا بيبقي راجل سوري يعني كدا مش راجل خالص دا بلطجي الراجل بذوقه واحترامه وأخلاقه وتعامله مع الست واحتوائه ليها وحنيته عليها مش بزعيق ولا بالضرب خالص الرجوله

وعليكم السلام ورحمة الله وبركاته اختي مش لوحدك بتشعري بالمشاعر دي أغلبنا بعد التخرج مش بيبقي عارف هيعمل اي او عايز اي حاولي الفتره اللي جايه ترتبي أولوياتك وتعملي plan للخطوه اللي جايه وتحددي انتي عايزه اي دا هيساعدك شويه الأول بس افهمي انك ف فتره وهتعدي ومهما طالت او قصرت مدتها هتعدي حاولي برضو بتقولي بتصلي بالعافيه تستغفري كتير وانتي قاعده وقرائه الأذكار وسوره البقره لو بقدر استطاعتك اقرائيها او شغليها كل يوم في البيت اما بقي امتي هكون بخير! ف دي ب أيدك حاولي متستسلمش للوضع والأفكار دي انك مش بخير وتعبانه والكلام دا وحاولي تشاركي حد بمشاعرك صديقتك اختك بالمشاعر اللي تعباكي هتحسي بالراحه اما بقي امتي هحس اني نجحت انا بشوف مش كل النجاح لأزم يكون ملموس فيه نجاحات تانيه انك تقدري تعدي من الفترة دي دا نجاح انك تكملي اليوم ومتسبيش نفسك ل افكارك دا نجاح انك تصلي فروضك ومتستسلميش لوضعك دا نجاح انتي ناجحه ومميزة في اي حاجه صعبه قدرتي تعديها اما بخصوص انك حاسه ثقتك قلت لأ مش قلت انتي بس حاسه بكدا علشان مرهقة شويه لكن في غير العادي وانتي كويسه بتبقي ثقتك ف نفسك تمام

انت ممكن تضيع كله دا بسبب فقدانك لشغفك وخصوصا انك خسرت مبلغ وقدره احب اقولك فقدان الشغف شعور طبيعي بيجيلنا من فتره للتانيه ولو استسلمت لي هضيع نفسك واللي عملته السنين اللي فاتت خساره اللي بنيته السنين اللي فاتت يتهد خصوصا انك شخص شاطر وناجح في شغلك نصيحتي ليك خد هدنه مع نفسك وارجع تاني وحاول برضو متخليش حياتك شغل شغل لأ في حاجات تانيه غير الشغل اخرج مع اصحابك سافر اتبسط شويه اعمل الحاجات اللي بتحبها دا هيساعدك ترجع الشغل بشغف وتعوض خسارتك ، المهم انك متستسلمش للوضع دا خصوصا انك مش ب أيدك تغير حاجه ولا ليك دخل بظروف الحياه الصعبه كمل طريقك وارجع وعافر في شغلك من تاني وربنا يوفقك ويعوضك خير عن خسارتك

أتفهم شعورك بشكل جيد أغلبنا مش راضي عن مظهره خصوصا البنات، بس بجد الجمال والشكل زائلين مع التقدم في العمر والله اهم حاجه الروح ومش كلام والله اللي بينجذب لحد بينجذبله بسبب اسلوبه وتفكيره وطريقته في الحوار الشكل اه مهم بس الروح اهم ياما بنقابل ناس شكلهم حلو جدا بس بيكونوا فاضين من جوا وتفكيرهم سطحي ، بعدين اتقبلي شكلك وأسنانك لو انتي متقبلتيش نفسك محدش هيتقبلك واللي هيحبك هيحبك ب اسلوبك وبشكلك، اما لو موضوع أسنانك مضايقك اوي شوفي دكتور كويس يظبطلك الدنيا وحاولي تقرئي كتب تزيد من ثقتك بنفسك زي كتاب الثقه والأعتزاز بالنفس لإبراهيم الفقي، وكتاب الثقه التامة بالنفس لروبرت أنتوني

من رأي الشخصي انا شايفه في ظلم وقهر وقع علي الأبن يعني اي يكون مغترب فوق ال ٤ سنين والتاني ب ال ٢٠ سنه وف الآخر انت ومالك لأبيك !! سوري يعني م الاب عارف سبب اغتراب ابنه انه عايز يتجوز يروح يجوز ابنه ولا يدور علي نفسه دي انانيه من الأب ومع احترامي لجميع اهالينا بس دي سنه الحياه انه يكبر ويعلم ويصرف ولو بأمكاني اساعدهم مش هتأخر طبعا ومش بقول برضو اشوف نفسي لا كانوا اتناقشوا او الأب اد علم ل ابنه اللي مسافر انه الفلوس اللي بيبعتها بيجوز نفسه بيها مش يرجع مصدوم فيه ، بعدين المراد من الحديث ليس للأب في مال الابن حق الإ اذا كان فقيرا لأن نفقه الأبن في الحاله دي لازمه وواجبه علي الأبن

وعليكم السلام ورحمة الله وبركاته من ناحيه انه كبير ف هو كبير عنك بالعمر والخبرات بس احب اقولك مش بالسن ولا المستوي التعليمي دي كلها شكليات الجوهر الحقيقي هو الشخص نفسه ب اسلوبه وتفاهمه معاكي وحنيته عليكي والاهم من دا كله الراحه والشعور بالأمان ف وجوده هل بيعرف يحتويكي ويحسسك ب بالأمان ويكون فيه تفاهم من البدايه علشان ميبقاش عائق بعدين وانصحك برضو تصلي صلاه الاستخاره واللي فيه الخير ربنا يقدمهلك

بصي هكلمك عن تجربه شخصيه هكلمك عن نفسي انا كنت شخصيه بتحب تفتح ع طول سوشيل من فيس لواتساب ل يوتيوب ل ابلكشينات كتير لحد م بقيت والله بجد بقعد بالأسبوع واكتر من غير سوشبل واحيانا ف اوقات دراستي افتح ب اليومين وكدا المهم علشان توصل لدا بتخدها بالتدريج مش مره وحده يعني كنت احدد وقت لنفسي اقول النهارده ساعتين ويخلص الساعتين بالفعل اشيل التلفون من ايدي أخت فتره برضو أعود نفسي ع دا وبدأت اشغل نفسي يعني بدل م كنت افتح اتشات مع فلان لي مشفوش بدل م نتشات بدأت برضو اقعد وسط اهلي بدل م انا كنت ع طول ماسكه الفون اخرج مع صحابي اعمل اي حاجه المهم ابعد عن الفون او احدد وقت ليا ع حسب م احدد بس خديها بالتدريج مش مره وحده وبدأت اشغل وقتي بالدراسة مثلا لو الدروس اون لاين كنت بشوف مجموعه احسن اهو بعيد عن النت عموما او كورس مثلا كنت انزل الغي فكره الاون لاين عموما اما بقي اضرار السوشيل ميديا ف أضرارها كتير جداا منها رغبه في الابتعاد والعزلة والانطواء وبتقلل فرص التواصل المباشر مع اصحابك بيبقي الكتروني والتفكك الأجتماعي مع اسرتك وكمان مفيش خصوصية انعدام الخصوصيه انت بتعرف كل حاجه عن طريق الاستوري كل الناس بقت حرفيا بتعرض حياتها ع الاستوري اللي مسافر تلاقيه قايل علي الاستوري واللي عنده فرح واللي عنده جنازه واللخ...... دا غير الإضطراب ف نمط الحياه لو بتنام بدري هتلاقي العكس لانه بيعمل زبزبه ف المخ واضاعه الوقت طبعا والتغيرات المزاجية بسبب الأخبار اللي كلها بتبقي ع السوشيل والشعور بالوحدة والتشتت الفكري والابتزاز الألكتروني ف اضررها كتير بجد دا اللي ف دماغي حاليا اما أيجابيات السوشيل ميديا سهوله التواصل طبعا انك بتقدر تكلم اي حد ف اي وقت وممكن لو شخص بعيد مسافر وكدا تشوفه video call سرعه اخذ المعلومات ممكن لو عايز تعرف اي حاجه أبسط شئ تفتح جوجل تعمل search وكمان تقدر تعبر عن طموحك وافكارك من غير قيود وتقدر كمان اتطور من نفسك ف اي وقت ! انا تقريبا حكيت كتير sorry لو طولت 😂 اتمني اكون فيدك.

بصي الثانوي حاليا باظ مبقاش تعليم بقي تجاره لو عايز تدخل ابنك اي دخله بس بالفلوس التعليم ف بلدنا دي محتاج كل حاجه فيه تتغير النظام نفسه يتلغي التابلت نظام بايظ وعن تجربه انا دفعه التابلت وكانت مهازل بتحصل والله اللي بيدخل بالسمعات والفون واللي بيتقي ربنا حرفيا بيتمسح بيه الأرض ف الزمن دا اعرف ناس ولا بتفهم ف اي شئ دخلت كليات واعرف ناس بجد ممتازين اقسم بالله متمرمطين في القطاع الخاص بالنسبه للقطاع الخاص برضو دا موضوع لوحده منصحش بيه وعن تجربه اما الدبلومات الفكره مش ف افضل الفكره انك هتاخدي ال ٣ سنين هتعملي اي ؟؟ الناس بتبص لطالب دبلوم ع انه فاشل وملهوش مستقبل هما بيفضلوا الثانوي علشان ليها مستقبل عن الدبلوم مش اكتر اما التمريض بفضله عن الثانوي والدبلوم عارفه لي لأنك بتخلصي بتلاقي وظيفه ف صيدليه مستشفي حكومي المهم بتشغلي التمريض شغال مش واقف اما الكليات بيخلص كليته بيتخرج قاعد مش عارف هيلاقي وظيفه ولا لا ف ظل بلد مفيهاش شغل اصلا غير بالوسطه

اتفق مع جلال الدين الرومي الهروب عمره م كان حل في اي حاجه علي العموم حتي الألم لازم نواجهه مش نهرب منه وفعلا تألم حتي تشفي

هكلمك عن تجربه بجد الخروج حاولي تطلعي حتي لو هتتمشي كل يوم نص ساعه احكي مع حد بتحبيه وبترتاحي معاه دا هيساعدك جدا زياره اماكن معينه بتحبي تروحي فيها قعده صحاب بتثقي فيهم وبترتحيلهم ولو فيه اي حاجه او هوايه بتحبها وبتبسطك مفيش مانع

ممكن تاكلي نشويات رز ومكرونه والبطاطس المقلية الحاجات دي بتساعد علي زياده الوزن والمكسرات برضو والشوكولاته الداكنه معروفه انها بتساعد علي زياده الوزن بشكل ملحوظ والفواكه المجففه طبعا ، والمانجو

طيب عايزه كتب ل اي بظبط ؟ وضحيلنا كتاب سري زي اي علشان ارشحلك !! اما لو عايزه كتاب غامض من الكتب اللي قريتها كانت غامضه بالنسبالي كتاب حالات نادره

وعليكم السلام ورحمة الله وبركاته التجاهل هو الحل سيبي اللي بيتكلم يتكلم تجاهلك ليهم هيستفزهم بعدين متسبيش شغلك علشان حد وصوتك حلو وشكلك حلو من غير م شوفك انتي مميزه علشان كدا بيتكلموا عليكي متخليش اي حد يهز ثقتك ف نفسك وبالتوفيق ليكي

حبيبتي كان الله ف عونك والله بأذن الله ربنا هيرضيكي مبدئيا كدا اصرارك علي تكميل تعليمك دا نجاح وسط كل الهزايم دي ومشاكل اهلك بصي كملي معاهم وتعالي علي نفسك سيريهم وقوليلهم لما تخلصي ٣ ث بعدين ابقي اتجوز وبعدين يبقي يحلها ربنا ي عالم الظروف تتغير بعدين حاولي انتي تناقشيهم ب أهدافك وطموحك عايزه ابقي كذا ي ماما مش نفسك تشوفيني دكتوره تفتخري بيا مش نفسك ابقي كذا وكذا حاولي معاهم مره واتنين وعشره علشان حلمك وعلشانك انتي انتي مش عايزه تتجوزي ومشاء الله راسمه أحلام ليكي ف قبل كل دا علشانك ربنا يعينك علي اهلك ويهديهم يارب ويوفقك عايزه اقول برضو الملحقين مش حوار كتر خيرك طالما مقصرتيش وعافرتي وسط ظروف اهلك وكلامهم هتدخليهم وتعديهم بأذن الله مواقفه يارب

الرياضه ف البيت مش بتجيب فايده علي العكس لو تابعتي مع مدربه ف الجيم انزلي الجيم دا هيساعدك كتير ف نزول وزنك وكمان بلاش اكل اليل ممكن زبادي عليها ليمونه وكلي الصبح وجبات خفيفه زي بيضه وكتري الخضروات والسلطه ؛ مع كل وجبه والفواكه حلوه برضو هتديكي طاقه وتشبعك والشاي الأخضر مفيد برضو او مغلي الكمون مع اليمون كله دا بيساعد وصح السكريات برضو قلليها علي قد م تقدري والحلويات امنعيها معلقه سكر كفايه ولو مفيش فايده روحي لدكتور تغذيه بس انك تنزلي من وزنك ده محتاج صبر ومتيأسيش ف تابعي مع جيم ومره ولا مره هتنزلي وهتحققي الوزن اللي عايزاه وبالتوفيق

من رأي الشخصي اهلك لازم تعرف موضوع زي دا مينفعش تتحمليه لوحدك تعرفي مامتك علشان لو فيه إجراءات قانويه ضد الشخص دا ولو قريبك ياخد جزاءه برضو وكمان علشان تتجنبي المشاكل بكره وبعده لما يتقدملك حد ف لازم حد من عيلتك يعرف علشان يتصرف وربنا معاكي ويهونها عليكي

مقدره مشاعرك وحاسه بيكي الحب من طرف واحد مؤذي انتي بتكني مشاعر لغيرك هو مش حاسس بيها ف دا صعب اسلم حلم ليكي من رأي انك تبعدي لان جايز يكون خطب استمرار حبك ومشاعرك لي هتتعبك انتي الأول اساليه هل هو فعلا خطب ولا اي موضوع بينزل استوري حب ومش بيفتح مواضيع زي الأول معاكي ولو مخطبش برضو انتي لازم تاخدي خطوه لان حب من طرف واحد وانتي مش متاكده من مشاعره اتجاهك ولو فيه مشاعر لي هو اتجاهك الصح ياخد خطوه رسميه ولو خطب حقيقي بقي ف انسي والنسيان مش من يوم وليله هتاخدي فتره اكيد خصوصا انه كنتوا متفاهمين أنصحك برضو اشغلي نفسك ب بالمذاكرة الخروج مع صحابك اتمني اكون فدك ولو بشئ بسيط ربنا يوفقك ويقدملك اللي فيه الخير

أولا كده هجاوبك علي ليه حد بيكون بيحب حد ويخونه؟ ببساطه عادي انتي ممكن تدي شخص حب واهتمام ومشاعر وقت ومجهود ويخونك سؤالك انا عملت اي علشان الاقي الخيانه بتلاقي الاجابه ف انك أديتي العطاء لازم يبقي بحدود ف ناس سفاحه طاقه ومشاعر والله تديها وقت وحب وتلاقي منهم جحود وخيانه ف الاخر وفيه ناس برضو بيقولوا كلام حب من هنا لبكرة ويطلعوا كدابين الناس دي بجد بشفق عليهم محتاجين يتعلاجوا اي اللي يخلي بني أدم يزيف مشاعره طول الوقت وزي م بتقولي بيقولك كلام انه بيحبك وبيعشك وهو اصلا غير كده اكيد مريض استعوضي ربنا ف الوقت اللي ضاع مع الشخص ده وربنا يعوضك باللي يستحققك عايزه اقول كام حاجه كده الناس بتبان ي جماعه والحقايق بتظهر ف المواقف بلاش غض البصر عن اغلاط اللي بنحبهم فيه ناس تقول كلام حلو وشيك بس بتلاقيه مش من القلب الكلمه الحلوه بتبان اذا كانت طالعه من القلب او من وراه ركزوا ف نظره العيون النبره انتي يمكن مش ناضجه كفايه علشان تعرفي اذا كان الشخص اللي بيغرقك ب الكلام اللي بيقوله حقيقي ولا كدب وفي الاول وفي الاخر كله هيتدردلة داين تداين

مفيش دوافع اصلا بتقول ان البنت متستقلش احنا بس اللي بنشوف ان البنت مكانها في البيت والمطبخ والكلام الهابط دا و ٧٠% من الرجالة بتشوف كدا وفي أهل كمان كدا يقلولك بلاش تعليم اخرها كدا كدا بيت جوزها لكن لو انتي عايزه تتعلمي وتستقلي بنفسك دا ليكي العلم هو الشئ الوحيد اللي بيرفع من شأن المرأة اما بخصوص الأهل اللي بيعارضوا بناتهم وعنف وكلام من دا هو اكيد حرام بس انا معنديش رؤيه دينه زي ما انتي عايزه بس بجد نصيحه اتعلمي واعملي اللي انتي عايزاه طالما مش بتغضبي ربنا وعارفه حدودك كويس

بصي العين مبتحبش الاحسن منها سوا الشاطر او الاذكي و.... الخ ودا انا بشوفه حقيقي وواقعي بعض البنات بيبقوا غيرانين من نجاح غيرهم علشان بيحبوا يطلعوا عقدهم علي غيرهم بمعني مش عايزين يقربولك علشان انتي شاطره وكدا بصي اتجنبي النوعية دي من البنات واللي يقرب ي مرحب بيه واللي يبعد مع السلامه بلص من كلامك بتقولي انك شاطره ومشاء الله عليكي واعتقد مفيش انسان شاطر مش بيحب نفسه واثق من نفسة برضو بلص عايزه اقولك مطربتيش دي بدي مش علشان انتي كويسه معندكيش صحاب مش بتتقاس كدا يمكن انتي شخص مش اجتماعي بطبعك واقولك حاجه بجد ممكن تفيدك متخليش شعور معين أو حاجه معينه تحسسك بالنقص من ناحيتها بمعني مش علشان معندكيش صحاب يبقي انتي شخص وحش والكلام دا بلص انتي مش في آخر محطه في الدراسه هتعملي صحاب بعدين وتلاقي ناس نظيفه وشبهك ويفرحوا لنجاحك لان الصاحب اللي يغير من نجاح صاحبه مش صاحب وانا واثقه هتلاقي صحاب بجد بعدين انتي حد شاطر وذكي وربنا يوفقك ويكرمك يارب

الخوف شعور لا أرادي وكلنا بنحس بالخوف في بعض الأوقات والشعور بالخوف من المستقبل امر طبيعي كلنا عندنا خوف علي مستقبلنا بس الخوف الطبيعي مش الخوف المرضي متخليش الخوف يسرق منك الحظات السعيدة حاولي تواجهي مخاوفك شوفي مثلا لي بتخافي وانتي وسط الناس ؟؟ هل مثلا هما مش عارفين يوصلولك الامان اللي يخليكي مطمنه !! بلص متفكريش كتير اي يعني اللي هيحصل بعد ساعتين سيبي الامور تمشي بسلاسة متفكريش كتير اي اللي هيحصل وهعمل اي والكلام دا كدا انتي اللي بتدي الامور حجم أكبر سيبي الامور تاخد مجراها الطبيعي عيشي اليوم بيومه والساعة بساعتها مش لازم نشيل هم الكام الساعه اللي جاية هما كدا كدا هيعدوا يعدوا من غير خوف احسن ما نشيل همهم بلص الحظات اللي بنعيشها وسط الناس اللي بنحبهم من اجمل الأوقات فمتخليش الخوف يسرق فرحتك بلص ولو انتي بطبعك بتخافي اعملي تمارين تنفس وحاولي تسترخي اعملي مدتيشن

في آخر شهر من الثانويه العامه كل اللي بنحتاجه هو الحل علي المنهج كله بشكل عام حلي نماذج علي المنهج كله وفي كل المواد واكتر من مصدر ياريت مش كتاب واحد لا كل ما حليت اكتر كل ما كان عندك خلفيه اكتر ودرجات اكتر حلوا علي قد ما تقدروا الحل هو اللي بيثبت المعلومه ربنا يوفقكم ويفرحكم بنجاحكم يارب

حاولي تفهمي الدروس من اليوتيوب وبعدين طبقي عليها بصي الفهم اهم من الحفظ ولو انتي فاهمه هتعرفي تحفظي بسهوله اعملي جدول امشي عليه كل يوم خودي درس او اكتر علي قد ما تقدري من اللي متراكم عليكي دا غير حاولي تواكبي الدروس الجديده برضو علشان متتراكمش

هكلمك بصراحه وبشكل واقعي كونك اتعرفتي علي شخص من ابلكيشن وحبيتوا بعض ف دا مش حب الحب أفعال قبل ما يكون كلام خلينا نقول انك اتعلقتي بيه مش اكتر حبيتي اهتمامه ان بيسمعك وبيطمنك ثم انتي بتقولي بيكلم بنات غيرك من نفس التطبيق ما يمكن معلق بيه اكتر من وحده غيرك خلينا نتفق مفيش حب من علي اي ابلكيشن ازاي حبينا بعض وانتي اصلا ولا تعرفيه ولا يعرفك وممكن يكون بيقول الكلام دا ل ١٠٠ وحده غيرك وموضوع انا حاسه انه كويس ومحترم ما يمكن احساسك غلط وبعدين كل الناس بتظهر اجمل ما فيها من صفات علي السوشيل و تيجي في الواقع تلاقيه ميعرفش حاجه عن الاحترام بصي خديها مني نصيحه كل مواقع التواصل بشكل عام تسليه مش اكتر ف سوا اي حد يدخلك شات ويقولك بحبك والكلام الفارغ دا كله ف هو بيتسلي لا اكتر ولا اقل

انا بالنسبالي ازاي افرق ما بين الشخص دا كويس ولا لا ؟ هي طريقه تعامله مع الناس اللي حواليه لما يكون قدامه الخير والشر ويختار الخير لما تلاقيه بيتعامل مع الكل بشكل سوي لما يكون في خلاف بينه وبين شخص ويختار الطريق السوي ولا يشتم ولا يقل أدبه الانسان اللي يعرف يصون لسانه وقت الغضب وقت تعارض المصالح والخلاف الانسان اللي مهما تتخانق معاه تلاقيه لا بيعيبك ولا بيعيرك بحاجه تعرف تتفاهم معاه بكل أريحية الشخص اللي يكون قدامه الشر والخير ويختار الخير من غير تردد الشخص اللي ميعرفش يأذي غيره حتي لو اتأذه ببساطه كدا الشخص اللي متقي ربنا في كل اللي حواليه بالنسبالي دا مدي قياسي للأشخاص

عدم الاعتناء بالمنزل مش سبب كافي علشان يسيبك او يطلقك فية رجالة بتتلكك زي ما قولتي تلاكيك لو عايزك وعايز يحافظ علي بيته كان قالك الأمر كذا وان لازم تعتني بالبيت اللي عايز حد في حياته بيخلقله ١٠٠ سبب واللي مش عايز بيعمل مشكله من مفيش مفيش داعي تلومي نفسك وتحميلها فوق طاقتها ويمكن دا خير ليكي وكله في الاول وفي الاخر نصيب وربنا يعوضك خير عنهم