الخالة وداد

ذاكري في مجموعة اعملي جدول تمشي عليه استخدمي الألوان في المذاكرة متذكريش وانتي مشتته أو بالك مشغول ذاكري في الصباح الباكر مارسي الرياضة واهتمي بغذائك الصحي

وازني أمورك اتكلمي مع أهلك وشوفي في ايه قادرة تقنعيهم بيه اكسبي ثقتهم فيكي علشان يدوكي مساحة من الحرية قربي من ربنا علشان أمورك تتظبط ابعدي عن الشخص لو مؤذي ليكي ده بإختصار

كل واحده علي حسب حياتها وشخصيتها وشخصيه الي معاها يعني في ستات نظامها بيبدأ من ٥ الفجر دي بتعرف توازن وتظبط دنيتها لأنها ماسكه اليوم من أوله في ستات تانيه بتبدأ من ١٠ الصبح دي صعب توازن لأن يادوب صاحيه فنص يومها ضاع فأحسن نصيحة كل ما صحيتي بدري ورتبتي اولوياتك هتلاقي بركه في الوقت

لو ليكي في الهاند ميد ممكن تصنعي وتعرضي وتبيعي اون لاين ليكي في الكتابه أو أي عمل مصغر تقدري تنشري شغلك علي منصات العمل الحر شوفي انتي بتعرفي تعملي ايه او موهوبة في ايه وادخلي ابحثي عبر مواقع العمل الحر عن العملاء المهتمين بخدمتك وربنا يوفقك يارب

صلاه الفجر والاذكار وقراءه القرآن اللهم لك الحمد وأدمها نعمه واحفظها من الزوال

الافضل تسألي طبيبك الي شخصك مينفعش حد يفتي في حاجة زي دي لانها ممكن تضرك

ربنا يراضيك ويسعدك ويطعمك ويهديك لما يحبه ويرضاه

طالما اعتذرتي كتير وهو مش متقبل يبقي حياتك كده هتكون جحيم انتي وهو لازم بعض التنازلات والتغافل ففهميه ولو دي طبيعه فالافضل الانفصال

وضح سؤالك يابني العزيز لو بتعيد كذا مره علي الحاجه فأنت محتاج لطبيب نفسي أما لو بتفكر قبل ما تقدم علي خطوة فده ممتاز يعني انت عقلاني وحريص في اتخاذك للقرارات فوضح أنت بتعاني من ايه علشان نقدر نفيدك بإجابة وافية

أنماط الشخصية مختلفة مش لازم تكون بيرفكت المهم علي أد ما تقدر ما تكسرشي بخاطر حد ولا تنيم حد دمعته علي خده واستمر في نشر البسمه علي وشوش الي حواليك وربنا يراضيك ويغنيك من فضله ياضنايا

واحده واحده يحببتي خديها بالتدريج بعد الصلوات خدي خمس دقائق الاذكار بعد كل صلاه وربع ساعه ويمكن اقل الاذكار الصباح والمساء وبما انك ملتزمة بالقيام فخلاص لو كل يوم قراتلك صفحه ياسلاااام بالدنيا والي فيها يحببتي متضيقاهشي علي نفسك

اسمع يا ضنايا يومك فل الاول ... لو فضلت تلف كتير في الدايرة دي هيجيلك اكتئاب ومهتخرجشي منه فانت يحبيبي صلي مهما كانت الظروف حتى لو سطر وسطر المهم متسبشي الصلاه والعلاقة الي ربطاك بالله ادعيه كتير اووووي قاوم نفسك وخلي عندك اراده قوية وأوجد لنفسك هدف ودافع يخليك تكمل حياتك وتشجعك تكمل الي بدأته الرياضة والقراءة أو ممارسة الهوايات شئ اساسي وضروري فربما يوفقك ويعينك يارب وبلاش النظرة السوده ديه قوم كده وفرفش يا واااااد

الافضل تستشيري طبيبه لأن هي أدري وكل واحد حسب حالته بس الحالة المزاجيه فعلا بتأثر

اولا زوري طبيب متخصص ثانيا استعيني دائما بالله وتوكلي عليه ثالثا حاولى. تخرجي ومارسي الحاجة الي بتحبيها بلاش تكتئبي وحاولى تقربي من حد بيحبك وخائف عليكي

ذاكر بعد صلاه الفجر أو وقت السحر طاقة الذكر فيه عاليه قسم المواد والدرس نفسه بفقرات اعمل جدول للي شايف أنه صعب

اشغلي نفسك بالشغل مارسي الرياضة ابعدي عن أي حاجة تفكرك بيه افتكري الاذية وانتي هتنسي

اتكلمي معاها مرة واتنين وعشرة هاديها واعملي صدقة جارية باسمها مكان ما جبتي سيرتها مع نفس الناس روحي وصلحي صورتها متسبيهاشي غير لما تسامحك

لازم تبحثوا عن الدوافع الي جعلت الام بالطريقه دي واضح انها تحت ضغط عصبي يعني محتاجه دعم وتفهم الاول ليها بعدين نبحث في النتيجة على قدر الإمكان تجنبوها وتجنبو غضبها

اتكلمي معاه تاني قوليله ده حقي وحق بنتي وانك هتحوشي الي مش محتجاه وفهميه انك ليكي احتياجات خاصه انتي وبنتك ياما تعملي جمعيه وقوليله أنا عملت بالفلوس جمعيه او هاتي بيهم دهب وقوليله حوشتهم في دهب

اي عمل هتقبل عليه اجعل نيته خالصه لله وادعي ربنا يتقبله منك وادعي دائما اللهم واسم العمل لا رياء فيه ولا سمعه وسوسه الشيطان بقي استعيذ منها لانك بيدخلك من المدخل ده علشان متكملش طريقك في الخير فانت اعمل الخير بنيه الخير واستعيذ من اي وساوس

طيب ايه لزمتها بقي ؟؟؟! حطي حد للموضوع ده ، اسأليه إذا كان مهتم بالخطوبة ولا مغصوب وعرفيه واجباته وحدوده كشخص خاطب اعرفي مشاعره من البداية بدل ما تكتشفي ده في النهاية ...

هاوديها واعملي الي في صالحك هتفضل مشكلة الأجيال هو الاصابع ما بين الماضي والحاضر الاهل هيفضلوا شايفينا صغيرين وأفعالهم مش من باب التحكمات علي أد ما هي من وجهه نظرهم اهتمام فأحسن طريقة هاوديها واعملي الي شيفاه مناسب ليكي بدون ما تدخلي في جدال ومناقشة

ظبط أولوياتك يعني الي ليه أولوية اشتغل عليه شوف كم عدد ساعات عملك والمتبقي ذاكر فيه وأحضر محاضراتك اليوم ٢٤ ساعة لازم فيه اوقات فاضية واظب علي مواعيد صلاتك هتلاقي البركة في وقتك وفي دراستك وفي شغلك

بصي ياحبيبتي اتعودي تستقلي بنفسك حتى لو انتي وسطيهم يعني انتي اتجوزتي غصب وخلفتي غصب كفاية عليهم كده انزلي دوري علي شغل واشتغلي وفلوسك في جيبك حد ياخدها قوليله لا ده حق بنتي ودافعي عن حقها أما بخصوص الجواز طول ما انتي مش مستعدة ولا محتاجة متدخليش علاقات تأذيكي وتأذي غيرك وتأذي بنتك فكري في مستقبلك وحياتك وبنتك

أهم حاجة الثقافة يعني ثقافة المدن الشعبية من لغة وعادات ومعيشة تختلف تماما عن المدن الجديدة فمثلا فكرة الصوت العالي والشتائم واللعب في الشارع طول اليوم مش هتلاقيها أو نادر تلاقيها هناك فكل منطقة وليها عاداتها

الي يبيعك بيعيه يابنتي الي بيحب مبيقدرش يستغني ولو حتى كان عاوز بيدي لنفسه والطرق التاني فرصة للاختيار لكن طالما قالهالك وصمم يبقي ميستهلكيش ونصيحه بلاش تعلقي نفسك بأشخاص اتعشمي في الله وعلقي نفسك بالله وربنا يكتب لك الصالح يارب

الصبر طولة البال ممارسة الرياضة والالتزام بالغذاء الصحي متابعة العبادات

الهدية مش في قيمتها المادية علي أد مادياتك هادي الشخص مع ابتسامة وكلمتين حلوين هتكون احسن هدية بالنسباله

هو السويشال ميديا أو الفيس بشكل خاص بيقلل جودة الصور والفيديوهات فانت لو بتنتج فيديو الافضل يكون على 4k أو اعلي جودة علشان لما يقل علي الفيس يكون نوعا ما متشاف

كتري من النشويات والكربوهيدرات والمكسرات والسكريات بس نصيحه بلاش بعد الجواز كده كده هتتخني

لا هو للأسف دي ثقافة الدهب والموروث يعني مهما الاسعار اتشالت واتحطت لا البنات هتتراجع ولا الأهل بالعكس هيبقي الطلب في تزايد بغض النظر الراجل مستعد ولا لا

خليك واثق في نفسك وفي قرارك اشتغل علي نفسك وبعدين خد خطوة الاعتراف وخليك جدي وادخل البيت من بابه

الأفضل فعلا في الاستثمار هو الدهب أيا كان المبلغ الي معاك تقدر تستثمر فيه ويفضل بنفسك مع حد متخصص أو فاهم في الدهب تروح وتشتري واحسنلك تشتري سبايك

بصي لو حطيتي قدام عينيكي الآيات الي بتتكلم عن الكلمة الطيبة وأثرها هتتقدري تتحكمي في لسانك ولو تمعنتي في آيه ولو كنت فظا غليظ القلب لانفضوا من حولك هتقدري تتحكمي ومفيش حاجة اسمها صراحتي الزائدة في حاجة اسمها لما يطلب رأيي أقوله بإحترام ورقي وأحاول أوجد إيجابيات في الشخص الي قدامي الاول بعدين أقوله علي الشئ السلبي فكري في الكلمة قبل ما تقوليها لأنها سهم لو انطلق وجرح مش هيرجع ولا هينفع معاه اعتذار

حاول تستعين بتجار وأصحاب خبرات ينصحوك

اقرا في المجال الي بتحبه ممكن تسمع كتب صوتيه لو ملكش في القراءة اوجد لنفسك هدف من القراءة علشان تستمر عليه متقرئش حاجة أنت مش حاببها أو مش فاهم فيها ممكن تقرأ الفهرس وتشوف ايه اكتر المواضيع المهتم بيها

أستعين بالله وتوكل علي الله واعزم العزم علي رضاه ونفع الناس الزم نفسك بالطاعات ومواعيدها داوم علي صلاه القيام والفجر متأجلش عمل اليوم الي انت فيه لبكره داوم علي الأذكار الزم نفسك بهدف يومي يخليك مستمر

التطبيق للأسئلة والإستشارات يعني ايا كان المجال الي أنت بتسأل فيه هتلاقي مختصين وأصحاب خبرات بيجاوبوك من واقع خبراتهم ودراستهم

اعزم العزم وانوي أن نيه ما تفعله لله اشتغل في عمل ناجح وصالح يرضي الله ويجعل ليك فيه بصمه اختار الي بتحبه وليك شغف فيه متشتغلش في حاجة مش فاهم فيها لمجرد فلوسها كتير

عادي الزمي نفسك بهدف ودافع ممكن تقوي علاقتك بالأشخاص الإيجابية يدعموكي متفوتيش فرص للتعلم شوفي هدفك وحدديه بدقة وامشي عليه

كلنا بيجي علينا فترات الايمان بيقل ويضعف فيها متيأسيش حاولى مرة واتنين لحد ما ربنا يكرمك ويوفقك داومي علي الأذكار داومي علي النوافل والصيام خلي ذكر الله في لسانك علي طول حتي لو بتصلي علي سطر وسطر صلي مهما كان حالك المهم متبعديش ولا تقطعي الصلة الي بينك وبين ربنا وربنا ييسر لك الأمر

لأن طبيعة الحياة دلوقتي رتمها سريع ومبقاش فيه بركه عند البعض وبقي كل واحد بيصارع زي يوجد لنفسه مكان في الحياة ومع كثرة الضغوط كمان فالواحد مبقاش قادر يوازن لازم حاجة هتيجي علي حساب حاجة

ياتدوري حد اوف لاين بيدي كورسات يا تابعي المواقع التعليمية ويوتيوب

لو فيه ضرورة للنقل استخيري ربنا واسألي أهل العلم وتوكلي علي الله انما لو مفيش ضرورة خلاص خليكي علي وضعك

دوت ياخويا زي طلق الحصان من غير رابط 😃 مفيش حاجة اسمها اسيب الحبل علي الغارب الحرية حلوة اه لكن ليها شروط وضوابط اولكيشي نراعي حدود ربنا ورسوله ونعرف الي لينا والي علينا تانكشي 😃 طول ما مبنضرش حد نعمل الي في صالحنا ومصلحتنا تالت حاجة نشوف الي بنعمله ده فيه صالح في دنيتا واخرتنا ولا لا ورابع حاجة ابقي عارف ومتأكد أن واحد حرية لكن محاسب عليها علي كل خطوة وكل فعل وكل قول

اقرئي كتير اتفرجي غلي فيديوهات ليها هدف ومغزي كتير تابعي ناس فكرها عالي واتكلمي وحاوري وناقشي ابتعدي عن المحيط السلبي التافه طوري من نفسك بالعلم والتعلم طوري من شخصيتك تقريب اكتر في العلوم النفسية والإنسانية

لان التوازن في الحياة شي ضروري التوازن بين المنطق والعاطفة شي ضروري لاستمرار الحياة احيانا قرارات بتستلزم خل العقل والمنطق للتحذير من خطأ واحيانا بيتوجب عليك العاطفة علشان تحس بغيرك فمش كل المواقف بالعقل ولا كل المواقف بالعاطفة المهم تقدر توصل لمرحلة التوازن وتستخدم كل مرحلة في مكانها

هو كل واحد بيذاكر بطريقة تناسب قدرته العقلية لكن الإفتاء في الأمور ده ليس من تخصصنا لكن الدين وسطية وفي سعه في الأمر فمتخدهاش علي اعصابك وذاكر بالطريقة الي تنفعك

انت عندك وقت فراغ كبير الحل بقي انك تشغل وقتك بحاجة مفيده الصلوات والنوافل اول حاجة ممارسة الرياضة مهم جدا القراءة حتي لو هتسمع كتب صوتية اخرج لشغل او مع الأصدقاء الفراغ هو سبب كل الأمراض فالكسل وإدمان الموبايل معناه أن وقتك مش مليان

ابحثي في مواقع الفريلنسر عندك موقع خمسات مستقل كفيل خدماتي استكتب فريلنسر اب ورك وغيره كتير وممكن تسألي علي الجروبات او شوفي انتي تقدري تعملي ايه من حرف واعلني عنها