Marwa Mohamed

وجهه نظر لذيذه بصراحه وتحترم ✨♥️

اعمل مراجعه مع ذاتك لكل الصفات اللي مش عجباك ف نفسك ولما تعرفهم دور ع طريقه لتتطوير من نفسك ف كل مشكله عندك ♥️

انا شايفه أنك لو خدتي اسكرين لسؤالك ده هو هيفهم وجهه نظرك وتقوليلو انك هتعملي بلوك عشان خاطر كده ♥️

من وجهه نظري لو كانت تهمك مكنتش فكرت ف انك تسيبها اصلا الاحسن انك تسبها من دلوقتي لان علاقتكو ف المستقبل ممكن تاذيها اكتر لأنك مش بتحبها ♥️

المواقف الاكثر قسوه تعلمنا دروس الحياه بطريقه لن ننساها يعني اكتر موقف وحش هو اكتر موقف علمني ♥️

حبيبتي هوني ع نفسك انتي تعبتي وجبتي معلومات كتير ودورتي وكتبتي عشان دي اكتر ماده بتحبيها انا ف تانيه ثانوي وبرضه عندي مواد معينه بحبها جدا لما بعمل ملخص او حاجه بمجهودي الشخصي انا مش ملزمه ابعتها لحد ع الجاهز ممكن ابعتلهم ملخص من ع النت او بتاع المدرس انما مجهودي الشخصي يبقي ليا بس انتي كده مش بتعملي حاجه غلط لأن الواحد لما بيحب ماده بيبقي عايز يقفلها وبيبذل فيها جهد كبير فعلا ف ربنا يوفقك ومتحسيش بالذنب بس اهتمي ب موادك التانيه كمان عشان تجيبي مجموع كويس ♥️

اللي ايده ف المايه مش زي اللي ايدو ف النار حضرتك شايف الموضوع من نظره بعيده لكن اللي جرب الالم النفسي ده بيبقي محتاج ناس حواليه وياخد رايهم وده الصح واكيد مش هيبقي في شخص بيفكر ف الانتحار ومحتاج حد يقف جمبه ويرجعه عن ده تقولو حضرتك خلي عندك شجاعه مع الذات هو اصلا مفيش طاقه للكلام ده 👍

معنديش حل بس بالطريقة اللي انت بتحكي عنها دي بتمناها تبقي من نصيبك بجد+هي لو شافت كلامك عنها هتحبك وش رأيي انك تخلص كليتك وتستقر وبعديها تفاتح اهلك ف الموضوع تاني

انا شايفه المدرس اللي اجواءه مريحه احسن وبتعرفي تساليه الاساله اللي واقفه معاكي ده هيفيدك اكتر وهتقدرو تتطورا مع بعض ولو حبيتي الحصه واجواءها هتتشجعي ع المذاكره اكتر ومستواكي هيعلي جامد ♥️

انتي محتاجه ل معالج نفسي بيتكلم معاكي مش طبيب نفسي بيدي ادويه ♥️

هعمل نفس اللي عملتو ♥️

ف استطاعتك انك تتجوز حاليا ؟؟

حرفيا واحنا فاتحين التيك توك او الفيس بنشتت عقلنا بشكل مش طبيعي مثلا بنشوف خبر حزين ف نتأثر ف نفس الثانيه نشوف نكته ف نضحك ف نفس الثانيه نشوف اغنيه نقعد نسمعها الحاجات دي مش بتدي عقلنا وقت كاف انه يستوعب طب انت فرحان ولا زعلان ولا اي نظامك ده غير ان المقاطع القصيره مش بتحسسك بالوقت ف تقول هخلص الفيد ده واسيب الفون وتفضل كده لحد ما الوقت يفوتك الحل بدل ما هفتح تيك توك مثلا لا افتح فيلم يوتيوب ياخد وقت طويل او اقرأ روايه الحاجات دي هتساعدك ترجع قيمه الوقت وبعديها هتلاقي فراغ تهتم بدراستك ف الوقت ده ♥️

بص هو الحلم بيبقي من تأثير عقلك الباطن ف هو ملهوش علاقه ولو مشيت وراه ممكن تعشم نفسك بحاجة مش موجوده هي لو بتحبك هيبان عليها مش شرط خالص انكو تتكلمو ده مش مقياس ل حاجه بس اكيد لما بتشوفك يا بتعتبرك زي اي حد ومش بتعبرك يا اما بتحس انها بتحاول تبصلك او بتضحك وتبص ف الارض علامات من الواقع تبينلك يعني متبنيش احلامك ع مجرد حلم ♥️

انك تقدر قيمه ذاتك وانك متديش حد حجم اكبر من حجمه ف حياتك اي حد ف حياتي شخص عادي لا وجوده هيزودني حاجه ولا بعاده هينقصني حاجه عززي نفسك عن اي حد خلي نفسك جبل ثابت مفيش حاجه تعرف تحركه او تهز ثقته في نفسه ♥️

انا مش عارفه لي علاج ولا لأ بس في طريقين انك تستعملي الفاونديشين والميك اب ف توحيد البشره ودي لو عندك قله ثقه وخوف من راي الناس فيكي او تتقبلي شكلك ودي لو عندك ثقه اكبر انا عن نفسي بفضل تقبل شكلك وبشوف البهاق بيجمل وبيخلي الشكل جميل اوي وكيوت جدا ♥️

بتبع طريقه وبتجيب معايا نتيجه مع اي شخص كان سؤاء عاوزه اتخطي شخص حبيته او صديقه خانتني الخ الطريقه هي اني بفتكر اكتر موقف وجعني منهم والنهايه دي يوميا بفكر فيهم وبدي فرصه لنفسي اني اعيط واطلع كل مشاعر الحزن والخزلان اللي عندي وافضل فتره بعيط ع الموقف اللي وجعني ده لحد ما بلاقي نفسي مش قبلاهم بجد وبتخطاهم مش بأني بكره بل ب انهم بببقوا كانهم مجوش حياتي اصلا

هو مش ده قصده هو يقصد ان. في ناس مثلا بتقول ع ايامنا كان الناس طيبه وبتحب الخير لبعض ودلوقتي بيقولو معدتش في امان لحد ف هو بيقول ان زمان كمان كان في ناس وحشه زي دلوقتي بس كانت حكاويهم مستخبيه عشان مفيش حاجه تكشفها

عايز تقنعني انك بتحبها او باقي عليها ؟؟

ما انت مش تتجوز وخلاص وهي بطيخه يا طلعت حلوه يا طلعت قرعه لأ مفيش الكلام ده الفكره ف ان لو واحده عاجباك تتقدملها وتتخطبوا فتره كويسه تعرفها ولو لقيت فيها اللي انت عايزه تكمل

لأ الحديث بيقول ان حد كتم العلم في فرق كبير بين اجتهد ف حاجه واحتفظ بمجهوده الشخصي زي الزيادات اللي هو دور عليها وفرق بين انك تبخل بعلمك عن حد من الاساس كانك بتقولي ان احنا ف الامتحانات ندي مجهودنا الشخصي للي عايز يغش عشان منبقاش بنبخل عليه ب معلومه في فرق واضح ♥️

العفو حبيبتي ♥️

اذا اخترت صح حياتك هتتغير 180 درجه ♥️

انا مش متفقه معاكي خالص الصراحه

ممكن لو عندك اي هوايه بتحبها تتدرب عليها زي الرسم او الغني او الكتابه ولو معندكش ممكن تسمع افلام ماتشات تقرأ روايات لو بتحب كده تعمل اي حاجه بتحبها ف الفراغ ده

طب في حاجة معينه بتشجعك ع الموضوع ده او كده ؟؟

يمكن رياضه ماشي متنفعش بس ف الوقت اللي بتنشغل فيه بكده ممكن تستغله حتي تتمرن ف البيت او تخرج مع صحابك كده يعني

بصراحه انا مفهمش اوي ف الموضوع ده بس شايفه انه حاجه ممكن تصنف كطاقه زايده والطاقه الزايده دي ممكن نستغلها ف مجهود بدني زي الرياضات القتاليه او حتي انك تروح چيم بس معتقدش طول ما في فراغ ممكن الموضوع يتحسن

يا رب ويفرح قلبك وقلبي ♥️

فهمتك بجد كلامك حلو اوي ومنطقي اوي انا فعلا بجذب الطاقه دي لنفسي هحاول بكل مجهودي اشيل كل الطاقه السلبيه دي وافكر ف الخير دايما ♥️♥️

يعني مثلا الحكايه بالتفصيل السنه اللي فاتت ف نفس شهر واحد واحده كانت المفروض صحبتي عملت معايا موقف مش كويس ولما واجهتها واتخنقنا وكده عملت شير ل رقمي كان رقم تاني وفون تاني غير المعايا دلوقتي اصلل والسنه دي ف شهر واحد اهو متخانقتش مع حد ولا عملت اي مشكله والرقم اتعملو شير برضو لمجرد اني ف جروب درس المستر عامله ومثلا ف رمضان السنه اللي قبل اللي فاتت مع اول يوم حصلي مشكله كبيره سببتلي حزن كبير جدا بس انا فعلا كنت غلطانه بس السنه اللي فاتت اول يوم رمضان سبت السنتر اللي فيه صحابي غصب عني حصل مشكله بس انا مكنتش غلطانه السنه اللي فاتت وانا حرفيا بقي عندي عقده من الاحداث اللي بتتكرر دي لاني كده بقالي تلت سنين مع اول يوم رمضان حياتي بتبوظ كلها ف انا بخاف من رمضان اصلل وعارفه ان ف اول يوم ف رمضان السنه دي حياتي هتبوظ تاني وكمان رمضان ده بيبقي قبل امتحانات اخر السنه ف تعبي طول السنه بيضيع حرفيا من تالته اعدادي بسبب المشاكل والحزن اللي بيحصلي