A.M .

شيلى يوزر التيليجرام خالص، ولو هو معاه رقمك يبقى اعملى اكونت جديد برقم مختلف لفترة مؤقتة انقلى عليه كل الجروبات واحذفى اكونتك الأساسى فترة كدة لغاية ما ينسى

من فترة طويلة مش باكل كويس مثلا وجبة ف اليوم وممكن يعدى يومين تلاته ماكلش غير بسكوت أو سندوتش كان بسبب مشكلة في معدتى ونفسيا كمان كنت ٤٥ كيلو وحاليا للاسف رجعت أزيد تانى واكل كتير وأغلب الوقت جعانة حتى لو لسة مخلصة اكل وبقيت ٥١ كيلو وانا ١٥٥، ازاى اظبط اكلى بحيث متخنش انا نزلت جيم الاسبوع ده بس ازاى احافظ على وزني كدة بحيث يبقى عندى صحة عشان معنديش خالص من غير ما اتخن

مفيش اضمن من دار الإفتاء تقدر تسأل اى حاجة وبيردوا عليك, أو تشوف الفتاوى اللى الناس سألتها قبل كدة

بصى انتى عايزة تتعلميه ليه الاول يعنى سفر ولا شغل ولا ايه وهو اصلا مجال دراستك ولا لا ؟! ومستعدة تاخدى كورسات ولا لا

حبى الصلاة مش هتبقى دايما ملتزمة كلما بنجاهد وبتيجى اوقات ننتكس فيها بس لازم نرجع تانى بسرعة، نزلى تطبيق صليت ولا لا هيفكرك وكمان بشجعك لما تحسي صلواتك قبل الاذان بخمس دقائق كدة خليكى متوضية بجد هتلاقى نفسك بتكسلى من حوار الوضوء ده ف انتى تبقى جاهزة وبمجرد الاذان تصلى على طول مش هيبقى فيه حاجة تأخرك، متمسكيش الفون قبل الصلاة عشان هيعطلك جدااا، صل حتى لو مش حساها مع الوقت هتتعودى ولو مصلتيش أو اتأخرتى هتحسى أنه فيه حاجه ناقصة، خليها فكرة انك هتروحى تقابلى ربنا وهتحكيله عن اللى مضايقك تدعي باللى عايزاه، تشكريه على الحاجات الحلوة اللى حصلت ف يومك. حوار الفون ده محتاج تبقى أمينة مع نفسك وأنه فعلا هتذاكرى كتير عليه ولا لا ممكن تقفلى النت منه لغاية ما تخلص مذاكرة امشى بنظام المكافأة اللى لو خلصت الجزء ده همسكه بس وقت محدد هااا مش تمنتلاف ساعة😂

بصى ياجميلة المشكلة كلها تكمن في الفراغ وعااش جداا انك موقفة ليكى اسبوعين ده انجاز عظيم ماشاءالله كملى بجد♥️، اهم نقطة انك تشغلى نفسك البداية كدة اعملى جدول لكل مادة متراكمة وابدأي لميها بهدف انك تبقى اشطر وتحققى اللى بتتمنيه، اتفق مثلا مع مامتك انك لو خلصت المتراكم ف مادة معينة تخليكى تخرجى تتفسحى، مش هعرف أفيدك ف نقطة الصحاب بصراحة عشان ف الوقت ده كان كل صحابى سوشيال بس ومش بخرج، فممكن تصاحبى سوشيال أو تتعرفى على البنات اللى معاكى ف المدرسة وتتواصلوا حتى لو مش بتروحى

بصى الانجلش حاولى تعملى جملة بسيطة على كل كلمة عشان تثبت ف دماغك ومع التكرار هتظبط معاك، الفرنساوى ده اسهل حاجه ممكن تتعلميها بجد مادة قمورة لما تبدأى فيها هتحبيها ابدأى شوفى الاساسيات يوتيوب وواخدة واحدة هتبقى سهلة معاكى، لو احتجتى حاجة ف الانجلش ممكن اساعدك ♥️

بص الاول اتكلم مع مامتك بالراحة وتفاهم، مش لازم تنزل جيم عشان تعمل رياضة اتمشي ف الشارع انزل اجرى، نزل تطبيق للرياضة وطبق اللى فيه، ده هيشتتك شوية عن العادة وانت عندك فراغ كبير عشان كدة هتفضل تعملها كتير الفكرة كلها انك تشغل نفسك بأى حاجة، امسح اى حاجة ممكن ترجعك للدايرة دى، اتعلم حاجة جديدة ليها علاقة بمجال كليتك مثلا اللى هتدخلها، اعمل ربع ساعة بس تقرأ فيها او اسمع الكتب زى قناة دوباميكافيين دى جامدة ف تلخيص الكتب، الفكرة كلها انك تبدأ وتتحرك من مكانك

بصى هو بيبقى كورس معين لمدة 14 يوم وبعدها شهر وتعملى تحليل تتأكدى انها مشيت ولا لا ولو لا الدكتور بى كورس اقوى وكدة، ولو مفيش ننيجة بيبقى الحل غالبا منظار

قناة مدرستنا ، نون اكاديمى ، ممكن تتابعى يوتيوب ولو عايزة مدرسين لمادة معينة ممكن ارشحلك

بصى مش هفضل اجلدك واقولك حرام وكل الكلام ده عشان اكيظ عارفاه حطى قدامك فكرة انك هتقولى لربنا ايه وكمان هتسببلك تعب جسدى ونفسي كبيير من جلد ذات وتأنيب ضمير وكدة. اول حاجة ابعدى عن اى حاجة ممكن تثيرك او تخليكى تفكرى كدة، متفضليش لوحدك او حطى حواجز انك لو فكرتى تعمليها هيحصل كذا مثلا، شيلى اى موقع او تطبيق يوصلك ليها، حافظى على صلاتك اهم حاجة عشان "ان الصلاة تنهى عن الفحشاء والمنكر" وادعى ربنا يبعدك عن الحوارات دى انتى لسة صغيرة متخليش فضولك يوديكى لحتة مش شبهك ♥️

قولى شكرا بشكل حاد بحيث يبقى عارف انه انتى فاهمة هو عايز ايه فيه ناس كتير كدة

غالبا تالتة ثانوى ف الاول كفاارة انك خلصت خلاص😂 وربنا يوفقك ويجبر بخاطرك ف النتيجة، متبدأش بكرة على طول خد فترة ريست على الاقل اسبوع عشان كل اللى فات كان ضغط عليك مش مطلوب منك تجهد نفسك زيادة ممكن اتعلم ساعة ف اليوم مثلا بس حس بالاجازة الاول، ممكن تبدأ تسويق او كتابة محتوى دول من الحاجات المطلوبة، وامبارح عرفت مجال جديد ليه علاقة بالخدمات اللوجستية احنا كلغة مطلوب مننا، فمش عارفة ممكن تاخد فكرة عنه او على حسب مجالك بعدين ،

شفاك الله وعافاك ، لازم دكتور اللى يحدد وخصوصا الدوا النفسي

لازم تقوليلهم أيا كانت النتيجة عشان مينفعش تكذبي عليهم، حتى لو لقيتى رد فعل وحش منهم بس لازم يكونوا عارفين قوليلهم انك هتحاولى تشوفى نقاط الضعف فين وتقويها وتبدأى من جديد

ادخلى على جروب اسمه عنبر مناخوليا على الفيس هتلاقى اغلبه اخصائيين وكدة هيفيدوكى

حاولى تدعميها بشكل تانى تواسيها بحيث تخففى عنها شوية هيبقى حاجة حلوة

ممكن بيبقى كواجب او جميل للشخص ده وممكن كانت حد كويس ،ربنا يرحمهم ويغفر لهم يارب

فيه جروب مناخوليا على الفيس هتلاقى هناك اخصائيين ودكاترة كمان هيفيدوكى جامد

ممكن منصة كورسيرا تفيدك بيبقى فيها دعم احيانا وكمان الحاجات اللى بتبقى كمبادرات

الفكرة كلها تكمن ف الرضا وتبقى متيقنة تماما انه اللى هيجى هو خير ليكى وده اللى ربنا كاتبه، اكيد هتزعلى وكدة بس متاخديش وقت فيه، ربنا يوفقك ويكتبلك الخير وتحققى اللى بتتمنيه

Z American English, elsa هيساعدك ف النطق، duolingo هيساعدك ف التدريب

صليت ولا لا جميل اوى ف متابعة الصلاة وكدة وكمان تطبيق اذكارى

صدفة وكانت جميلة بس للاسف التحديث الاخير بتاع اننا منقدرش نسأل غير لما نكون مجاوبين ٩ اجابات ده صعب

احفظيها على Google photos بتبقى محفوظة على اكونت جوجل ولو فتحتى من اى حاجة هتلاقيها

كل الانسرز اللى اتقالت جميلة وحاولى تنفيذها، كمان هاتى ورقة اكتبى فيها انتى وصلتى لفين او ايه الاستفادة من انك تتكلمى مع حد ممكن يبقى عشان محتاجة ده او معندكيش صحاب او مش مقربة من حد مثلا ف حاولى تعرفى الاسباب ايه ، سبب رئيسى هيبقى الفراغ وانك تشغلى وقتك بحاجة مختلفة ومفيدة ، هل هتقدرى تحذفى مرة واحدة من غير ما ترجعى تانى ؟! او فيه حاجة ممكن تخليكى تلتزمى بكلامك ومترجعيش فيه !؟

بصى الاول الدروس اللى انتى عارفة انك محتاجة المراجعة فيها بجد انزليها، او خلى حد من صحابك يسجلك الحصص كلها، جربى تاخدى المراجعات اونلاين خطوة فيها توفير وقت وجهد، نامى بدرى واصحى الفجر داومى على قيام الليل حرفيا بركة رهيبة ، خليكى واثقة تماما انه الوقت كافى وتقدرى تخلصى، متوتريش نفسك وتفكرى بسلبية ثانوية مش نهاية العالم والمجموع فيها كله توفيق من ربنا وسعى منك، لو انتى ادبى واحتجتى حاجة انا دفعة السنة الفاتت ممكن اساعدك ، ولو عايزة مدرسين اونلاين سواء علمى او أدبى ممكن افيدك برضو ، وربنا يوفقك ويكتبلك الخير كله ويديكى على قد كرمه يارب♥️

بما انك ف البيت اونلاين فكدة احسن حاجة ممكن تعملها انك تنام بدرى وتصحى الفجر تذاكر حرفيا كمية بركة وانتاجية رهيبة، استعن بالله وانك تقدر تخلص ولسة فيه وقت متوترش نفسك خالص، ممكن تزود سرعة المحاضرات عشان تنجز ف الوقت

فيه دوولينجو ، busuu ، قناة مدرستنا ، آلاء حسان كمان

فيه ابليكيشن اسمه نون اكاديمى وكمان فيه ابواب ممكن تسوقى لنفسك من خلالهم او تبدأى فترة معاهم ببلاش او مبلغ رمزى لغاية ما يبقى عدد الطلاب كبير ف تبدأى يبقى فيه مجموعات برايڤت بفلوس

ممكن تكون بتنسى بسبب توتر او كدة، الاستيعاب عشان اكيد فيه مشتتات كتير فبالتالى التركيز التام بيبقى صعب، فيه كتاب اسمه deep work وكمان تلخيصه موجود على اخضر مفيد جدا بحيث انك تفهم وتنجز اكبر قدر وبتركيز اكتر

نزل تطبيق واعى ، وكمان فيه بيدج اسمها مستشفى موافى للادمان والعلاج النفسى ممكن تساعدك، وكمان فيه موقع شيزلونج