سـارة عفىٰ اللّه عنها 🎀"".

وعليكُُ السَّلامُ ورحمةُ اللَّهِ وبركاتُه شوفي أفضل حاجة تروحي لـ دكتورة نسـا حتى لو هتكون بعيدة عن بيتك شوية ويكون معاكي ماما او اختك الكبيرة ومتقلقيش يعني انتي بس هتطمني وبما انك بنوتة الدكتورة بتكشف عليك بطريقة غير الطريقة اللي بتكشف بيها على المتزوجات هتحط جهاز على بطنك ممكن متحتحش تيجي جنب المنطقة التناسُلية يا حببتي فاهمة... بس ممكن اقولك على حجات للون الدورة الغامق ممكن تكوني بتسيبي الفوطة تبع الدورة فترة لبساها يعني في لونها بيتغير فاهمة،بالنسبة لـ ريحة العرق شوفي نظام اكلك عامِل إزاي وبردك شُربك للماية عامل ازاي، الف سلامة عليكِ.

تقدر تشوف هنا فِ محرك البحث لـ تطبيق فدنِي هتلاقي الخُبرا مجاوبين.. ويكفيك من الإباحية إنك هتعشم نفسك بحاجة مش واقِعية وهتظلم نفسك وهتظلم اللي هتتجوزك وهتغير ميولك وحجات كده ربنا يعافينا وإياكُم لو مش عامل حساب لـ ربنا...

شوفي يا حببتي في نُقطة أقدر افيدك بيها ألا وهي إن لو حد دعىٰ عليكِ مهما كانت المُناسبة ونتِ مش غلطانة فِ حقه متخافيش يا روحي، يعني ربنا مش ظالم ده أحنّ عليكِ من أي حد في الدُنيا دي كُلها فاهمة ربّ يصلحلك حالك ويسعد أيامِك 🤲🏼💗

ممكن الإحساس ده جالك بسبب إنك لاحظت اللِّي حواليك بيتبسطوا لما يشفوا مقاطِع لـ شواذ فاهِم قصدي.. زي اللي الولد اللِّي بيشوف والده بيمد إيده على والدته ويتبسظ بده فَـ هو يطلع بيحب مثلا يضرب عشان ده بيسببلوه إحساس الانبساط كده.. عُموما الإباحية قايمة على فكرة تغير الميول وتبديل الأدوار زي مثلا الست تكون هيا اللي بتقود العلاقة مش العكس مع إني ربنا خالقها تكون مُستقبِلة والراجل ربنا خالقة يكُون مُبادِر.. الإباحية بقى بتصدر ان مثلا الميول الشاذ ده بيبسط ويخلي اللي بيتفرج عاوِز إنه يِجرب فاهِم... فَ الحل انك تتوب بإنك تبعِد عنها.. لو مبعدتش حط فِ بالك إن مثلا لو اتفرجت على حاجة هتقوم تغتسل وتـقرأ جزء قرآن، تصوم تطوع، تصدق،... وهكذا مع الوقت هتلاقي نفسك بتعبد شوية لو مبعدتش زود في الحسنات بس حط في بالك انك لازم تكون بتجاهِد ومتقلقش مش هتموت لو بطلت تتفرج عليها بالعكس هيكون عندك طاقة تخليك تنجز حجات هتفيدك... لو قدرت انك تروح لـ أخصائي نفسي يكون بعيد عن بيتك بِـ شوية هيكون كويس وربِّ يصلحلك الحال... انصحك بمتابعة قناة.واعي على يوتيوب هتفيدك بإذن الله لان القناة دي بتبين حقيقه الاباحية وكواليسها وكده وده هيخليك انجذابك ليها يقِل... بردو شوف رد الخبرا هنا هيكون إيه وان شاء الله يفيدوك بإذن الله...

إحتمال الحمل يحصل عادي.. بس عاوزين نفهم الأول يعني إي عذراء عذراء دي اللي معملتش علاقة جنسية أصلا مش معملتش علاقة في فتحة المهبل وعادي لو عملت في اي مكان تاني.. دي نقطة بس حبيت اوضحها ليكِ..

نُقطة انك رفضتيه عشان قِصر القامة معلكيش حاجة لازم تبقي حاسه ان اللي متقدملك ده وان شاء الله يكون جوزك تبقى حاسه تجاهه انه هيملىٰ عينك تمام.. ده بالنسبة لـ أول حاجة تاني حاجة عموما لو أي حد اتقدم ليكي ولقتي أسلوبه معاكي مش كويس او اسلوبه مش كويس ف العموم يعني ده تصرفه كده قبل الجواز بقا وبعدين؟

ابحث في التطبيق عن سؤال كيفية التخلص من العاده و الإباحية هتلاقي أسئلة وإجابات متعددة ليها... كمان ممكن ارشح ليك قناة إسمها واعي علىٰ اليوتيوب دي بتوضح الاباحية و الإستمناء وتأثيرها على الجسم وكده ودي حاجة اعتقد مش هتخليك تتأثر بيها كمان في ناس بطلت لكونهم مثلا ادركو ان اللي موجود ف الافلام الاباحية ده مش واقعي ومش دي العلاقة الجنسية اللي بتحصل بين أي اتنين متجوزين ونفس الكلام عن العاده يعني انت بتعود نفسك على مستوىٰ مُعين من الضغط ممكن ميكونش موجود مع البنت اللي هتتجوزها وهيا تكون طبيعية وتكون انت المتطرف فاهِم انا اقصد انك بما ان مش مُتاح الجواز في الوقت الحالي بلاش تضغط نفسك ف الموضوع ده لان هتفرغ الطاقة دي بطريقة غلط وهتستهلك نفسك وممكن يجيلك سرعة قذف وضعف انتصاب والحجات دي استنى لما تتجوز هتبدؤ تجربو حاجات مع بعض وتكتشفو وكده ... طبيعي يجي عليك لحظات ضعف عادي الجنس اساسا رغبة موجودة جوانا وحاجة جميلة بس لما تحصل داخل إطار الزواج مع الإلتزام بحدود الشرع عشان تعرف تستمتع بالحلال تمام كده.. في ناس بتقول ان الجسم بيرجع لحالته الطبيعية بعد ترك الاباحية و الاستمناء بـ ٦ شهور تقريبا مش متذكرة بالظبط.. ده اللي اقدر اقوله لحضرتك وخليك فاكر يعني مش هتموت لو معملتهاش بس الأكيد لو عملتها بتستهلك جسمك على الفاضي.. ف الأحسن تتجنبها عشانك بس كده

ممكن تشوف في المُحيط اللي حوالين حضرتك او تكلم والدتك او أختك او مرات اخوك تشوفلك عروسة كده واستغل فترة الخطوبة ف التعارف عادي..

وعليكُم السَّلامُ ورحمةُ اللَّهِ وبركاته انا بس عاوزة أقولك ان الدكاترة بيقولو للي متجوزين وبيحصل بينهم علاقة منتظمة إن الحمل عادي يتأخر سنة بعد كده بتروحو تكشفو انتو الاتنين... لكن الللي العلاقة مش بتحصل بينهم بصورة منتظمة يعني مثلا الزوج بيسافر فاهمة،دول بيروحو يشكفو بعد سنة ونص.. الخُلاصة انتو فات على جوازكُم سنة تمام كده السنة دي العلاقة كانت بتحصل بصورة منتظمة ومحصلش حمل روحو لـ طبيب/ة لو العلاقة مش بتحصل بصورة منتظمة وهو بيسافر ممثلا لاء كده هتستنو ٦ شهور ولو محصلش روحو اكشفو متأخريش الكشف عشان لو في حاجة عاوزة تتعالج متخدش وقت فاهمة في نقطة حابة حضرتك تفهميها الـ ذُرية دي رِزق ربنا بيبعتوه فِ وقتُه المُناسب ممكن تكونوا انتو الاتنين كويسين بس الحمل محصلش وكده ده رزق ربنا أوقات بيكتبه لـ ناس و ناس لاء.. دي النقطة اللي اقدر افيد حضرتك بيها وربنا يصلحلكُم الحال ويسعد ايامكُم..

إضافة لإجابة الطبيبة امشى على نظام حياة مُتزن خدي بالِك من أكلِك مش بقولِك متكليش واحرمي نفسك لاء كُُلي كُل حاجة بس بكمِّيات فاهمة ظبطي نومِك وكده... والف سلامة عليكِ

بما ان الدورة نزلت بعد الانفصال كده مفيش حمل فعلا... بعد انقضاء العده تقدري تتجوزي من راجل أخر ربنا يصلح لحضرتك الحال.

بالنسبة للشغف هتجربي مثال: خدي دورة تدريبة عن أي مجال مثلا البرمجة، التصميم، ترجمة،،،،، وغيرها من الحجات اللي هتلاقي نفسك مستمتعه بيه ده ممكن يكون شغفِك ممكن يكون شغفك انك تكوِّني أسرة وتطلعي نبتة صالحة للمجتمع ده ده مش عيب ولا غلط دي أسمىٰ حاجة ممكن تحصل بصراحة تتعلمِي لُغة.. تاخدي دورة دينية هتفيدك وهتساعدك تعرفي أهدافك وغايتك وكده فاهمة ممكم ارشح ليكي قناة فقه النفس على يوتيوب لـ دكتور عبد الرحمن ذاكِر الهاشيمي هتفيدك جدا...

طبيعي متقدريش تحددي شغفك عادي مش كُلنا نعرف شغفنا وكدة لاء ده نسبة كبيرة مننا متعرفش اساسا.. تمام كده.. شوفي نتي ممكن توصلي لـحاجة بتحبيها وتشوفي نفسك فيها عن طريق تجربة مثلا جربي تاخدي دورات تدريبة مثلا مثلا عن البرمجة لقيتي نفسك فيها وحابه الموضوع ده طريق قدامك ملقتيش نفسك فيه شوفي التصميم و الحجات دي فاهمة قاصدي ... خدي دورات في الحجات هتلاقي في حجات مجانية على يوتيوب.. ودي خديها بتكون زي مهارات ليكي كده إضافة للشهادة بتاعتك... بردك موضوع اللُغة فاهمة بما إن بابا رافض انكم تخرجو وكده اكيد ليه أسبابه بس نتِي ممكن تتعاملي يعني هتلاقي ندوات على يوتيوب وكذلك بردك بودكاست وحجات جميلة كده فاهمة ممكن ارشح ليكي حاجة في قناة اسمها فقه النفس لـ د/ عبد الرحمن ذاكِر الهاشمي في فديو ليه عن الإنجاز ممكن تسمعيه هتلاقيه بيوجهك وسط كل حاجة حوالينا بتضغطنا فاهمة ربنا يحفظك ويصلحك حالنا وحالك 🤲🏼🤍'

وعليكُم السَّلامُ ورحمةُ اللَّهِ وبركاتُه ممكن اقترح على حضرتك حاجة بدل السُلف وكده في منصة إسمها OLX أو تطبيق Dubizzel هتلاقي معروض عليه وظايف ممكن تشتغل لو ملقتيش شغل في المُحيط اللي من حواليك... الشغل هيساعدك نفسيا ومتقلقش بيكون فيه دوام جزئي للطبلة لو لسه في بتدرس..

السَّلامُ عليكُم ورحمةُ اللَّهِ وبركاتُه https://youtu.be/HyrOZI6CB7I?si=shGZddTEfg6y7r4q الفديو ده لـ ياسِر ممدوح بإذن الله هيفيد حضرتك،برضو هتلاقي فديوهات ليـه بعنوان ( إيه لازمة العبادة) و فديوهات غيرها... ممكن تاخد لفة كده فِ القناة تبعه وهتستفاد بإذن الله..

وعليكم السلام ورحمة الله وبركاته خد المذاكرة على انها حاجة بتزود معلوماتك وبتثقفك فاهم الرياضة مثلا هتخليك تفكر بمنطقية وتساعدك تعرف تحل المشاكل فاهم الدراسات انها بتخليك عارف مناخ البلاد وحجات كده كذلك العلوم او الكميا و الفزيا و الأحياء فاهم قاصدي مش متذكرة منهجكم بصراحه كويس " ذكرت في التغليقات انك ف ٣ اعدادي " لو لقيت عندك وقت ممكن تنزل تشتغل اي حاجة تجمع فلوس تساعدك انك تاخد دورات تدريبة هكذا فاهم اكتشف يعني وممكن تطور الانجليزي بتاعك وكده ربنا يوفقك

وعليكم السلام ورحمة الله وبركاته الشهادة الجامعية هتفيدك اجتماعيا ومهنيا حتى لو حبيت تغير المسار المهني بحيث انك تاخد دورات تدريبية في المجال اللِّي شايف نفسك فيه... لو حبيت تشتغل في شركة مثلا غالبا بيطلبو مؤهل عالي حتى لو عملت تغير مسار مهني فاهم في فديو لـ م / أحمد ابو زيد هو اتكلم عن الموضوع ده بشكل مُلِم جدا ممكن تشوف الفديو هتستفاد وهيجاوبك على كل اللي فـ بالك بإذن الله .. https://youtu.be/HQT7AvCrrYo?si=-QK7mM-R5maM_uOE

وعليكُم السَّلامُ ورحمةُ اللَّهِ وبركاتُه الافضل ليكي تصحي بدري وتذاكري بصراحه لان هتبذلي مجهود زياده عشان تقدري تركزي بالليل. بخصوص الرباضيات حاولي ترجعيها مع نفسك وتجمعي كام حاجة فعلا واقفة معاكي كده ولو روحتي كلمتي المُدرسين اللي بتاخدي معاهم دروس يعيدو عليها او يشرحوهالك اعتقد مش هيقولو حاجة او ممكن تسمعي شرح ليها بس تكوني حاولتي تفهميها وتستوعيبها كده فاهمةة والكلام ده على اي ماده عموما مش الرباضيات بس جاهدي شوية الكام يوم دول .. وربنا يوفقك يا رب وييسرلك الخير ليكِ..

روحِي لـ دكتورة نسا إتأكدي ان هرومانتِك كويسة وممكن تحكلها مُشكلتك وهيا هتقولك إذا كنتي طبيعية ولا لاء.. شوفي نتي ممكن تكوني طبيعية بس عشان بتبصي مثلا على الممثلات وكده ده يخليكي تشكي فِ نفسك، عموما الثدي لما يبقئ مُناسب مش هيكون زي بردُك الحجات اللي بتشوفيها فِي الـ تلفزيون وكدت هتبقي طبيعية عادِي بس خليني اقولك ممكن لما تيجي تتجوزي تيجبيي حمالة صدر تبرز شكله مش بوش أب لاء الحجات اللي بتكون فيها دانتيل دي بتكون جميلة لانجيري بردُك وكده تبرزي المكان ده صح .. لو دكتورة النِسا قالِت إنك كويسة روحِي بعدها لِـ دكتورة تغذِية.. وربنا يتمملِك على خِير.

حابة أضيف حاجة موضوع ان البني آدم يكون بيصلي وبيعمل طاعات ده طبيعي هو كده بني آدم طبيعي عادي ده المفروض عليه اصلا ارجوكي متنخدعيش بحاجة زي كده ربنا يحفظك

سمعت دكتور إسمه حسام موافي بيقول ان المُذاكرة على الساعة ٤ او ٥ مساءً بتكون مرهقة لإنك هتبذلي مجهود عالي مقارنة بالمذاكرة في وقت مُبكِر.. حاولي تظبطي يومك انك تذاكري بدري لانه هيساعدِك فِي إنك يتبقى معاكي وقت وتحسي بالإنجاز لما تصحي بدري على الساعة ٥ صباحاً تذكري وكده جربي برضو موضوع انك تذاكري ٢٥ دقيقة وتفصلي ٥ دقايق بتفكري في اللاشيء فاهمة مش تفصلي على الفون وهكذا لغاية ما تكملي ساعتين مذاكرة تقومي واخده ساعتين راحه بقا فاهمة تقضيهم براحتِك... حاولي بردك وأنتي بتذاكري تشوفي الموضوع من زواية تانية ان ده هيرفع عنك الجهل ( عدم العلم بالشيء) وانك بتثقفي نفسك وكده فاهمة ربنا يوفقك ويصلح حالنا وإياكُم.

ينفع تتغير بس متفكرش تغير حد حواليك إبدأ بيك نتَ حتى ولو عادة بسيطة تستمر عليها فترة وتبدأ تزود هيكون أحسن لـ نفسيتك نتَ... موضوع الذنوب أين كان الذنب اعمل وراه حسنات زي قرأة القرآن،صدقات،تطوع، تصوم،..... بخصوص تربية والدة حضرتك ليك معلش هيا ربتك بالطريقة اللِّي تعرفها لو كانت تعرف طريقة أحسن من كده كانت عملتها دي والدتك واكيد مكنتش تعرف عواقب اللي عملته بس خلاص اللي حصل حصل... ربنا يصلح حال حضرتك وحالنا.

كُلنا عبيد ربنا وبنغلط ونتوب ونغلط ونتوب.. موضوع انك تكون بتصلي وحاسس انك غلط عشان بتتفرج علىٰ المواد الأباحية او بتعمل أي ذنب عموما ده مش صح ده باب الشيطان بيضحك على ابن آدم منه عصلي واعمل المفروض وجاهد نفسك في موضوع أي ذنب بتعمله مثلا لو اتفرجت على المواد دي اغتسل بعدها واقرأ جزء قرآن وتصدق بعدها او صوم ايام تطوع لله وهكذا اربط دايما فعل الذنب انك هتحاول تكتر الحسنات من الناحية التانية فاهِم كلنا نسير إلى اللهِ عرجى بين تذبذب و إستقامة المهم انك تعرف ان ربنا دايما بيقبلنا واحنا بنجاهِد عشان ننول رضاه.. ممكن تتابع قناة واعي على يوتيوب اعتقد هتفيدك هدانا اللَّه وإياكُم

"تركتُ فيكُم ما إن تَمسَّكتُم بهِ لن تضِلُّوا بعدي أبدًا، كتابُ اللّٰهِ وسُنَّتِي." -نبيُّنا الكريم ﷺ من خُطبة الوداع.

في فحوصات ما قبل الزواج ودي تقريبا بتعرفكم الاطفال اللي إن شاء الله هتجبوها هيكون عندهم مشاكل او لاء

إلبس النضاره عشان عيونَك وعلفكرة اعتقد كلنا بنتأثر بكلام الناس بس المشكلة اننا منخليش كلامهم ده هو اللي يمشي حياتنا ونخليها على مزاجهم و الف سلامة

وعليكم السلام ورحمة الله وبركاته ممكن تبحث هنا في التطبيق عن الاسئلة عن كيفية التخلص من الاستمناء و الاباحية هتلاقي ردود للخبراء كمان خد لفة في قناة واعي على يوتيوب وفقه النفس للدكتور عبد الرحمن ذاكِر.. وبس كده وربنا يعافيك

ممكن ماما عاوزة تجيب حجات اهم دلوقت و الفلوس م هتكفي للعجان و الميكرويف بس خليني اقولك اقتراح ممكن تحوشي وممكن بردك تجبيهم بعد الجواز وربنا يتمملك على الف خير..

انا ممكن أفيد حضرتك بخصوص حاجة ألا وهي انك ممكن تاخد لفة على بودكاست او مقاطع فديو لـ دكتور عبد الرحمن ذاكِر على يوتيوب فِي قناة فقهِ النفس...

وعليكم السَّلامُ ورحمةُ اللَّهِ وبركاتُه ممكن تصلِي استخارة وامشي فِ الموضوع لقيتي نفسك متقبله كملي ملقتِيش نفسك قادرة وكده كل شيء قسمة ونصيب كده كده الخطوبة مش جواز انتو بتشوفو نفسكو قادرين تتكيفو مع بعض ولا لاء....

احتمال الحمل ضعيف شوية هنا بس عموما استني اسبوع او ١٠ ايام واعملي فحص منزلي لو طلع موجب اعملي فحص فيِ المستشفىٰ عشان تطمني اكتر بس انتظري الفترة دي عشان نفسيتك وربنا يقدم لحضرتك اللي فيه الخير

وعليكم السَّلام ورحمةُ اللَّـهِ وبركاته ^^ اعتقد اهم مشكلةة للتنظيم هيا الصحيان بدري وتكوني عارفةة من بليل المهام اللّي هتصحي تعمليها يعني من بليل تحددي كام حاجةة كده تعمليها وتصحي على الفجر تصلي وترتبي مكانك بحيث لما تيجي يكون نضيف ومترتب وبعدين تذاكري ويجي وقت الجامعه تروحي وتيجي لو هتريحي شويةة وكده هتلاقي معاكي وقت متقلقيش..

ادخلي الإعدادات تبع الوتساب اعملي ان الصورة الشخصية تظهر فقط للناس اللِي مسجلاهُم وكذلك بردك الناس اللي مسموح ليها تضيفِك في group خلي محدش يضيفك بردك،بردك شوفي الاعدادات تبع الحاله شوفي مين اللي مسموح ليهم انهم يشوفها بردك موضوع انه شاف صورتك ده ممكن تتجاهلي اكنك مش واخده بالك وخير ان شاء الله

وعليكم السلام ورحمة الله وبركاته سمعت مره عن الموضوع ده و ارجو لو حد لاحظ حاجةة غلط في كلامي يصححلِي علاقتك نتِي مع ام زوجك مش هيبقى فيها قطيعه رحم لكن زوجك هيا والدته واولادك هيا جدتهُم حتى لو هتكتفي بالسلام عشان متبقاش قطيعة رحم فاهمةة والله اعلم كان في واحده بتقول لينا حطي نفسك مكانها خصوصا لو ده ابنها الوحيد او الكبير جات واحده اتجوزته وبقى معاها اغلب الوقت هتغير عليه فاهمةة مش ببر ليها الغلط الكلام في عرض الناس بيوقف الواحد على باب الجنة ومش هيدخل إلا لو صاحب الحق سامحه.

وعليكم السلام ورحمة الله وبركاته اجابتي هتكون تأكيد ايوة هيا ممكن تحس بالشهوة فِ السن ده وممكن اصغر من كده كمان يعني م مرتبط بالسن رب يحفظك ويحفظها

وعليكم السلام ورحمة الله وبركاته ربِّ يتمملِك على خير 🤲🏼 شوفي هيا الطبيبة هيا اللي هتقولك الوسيه المناسبةة ليكِ لان ممكن حد يقولك تاخدي حبوب منع الحمل وتأثر عليكِ انها تأخر الحمل حتى بعد ما توقفيها، الافضل تروحي لطبيبة نسا هيا اللي ترشحلك

إسألي طبيبة نسا هيا هتفيد حضرتك،بس هفهمك حاجةة مش الغده الكظرية فقط اللي بتفرز هرمونات جنسيةة بتأثر على الحمل في أماكن تانيةة الغده النخاميةة مهمة جدا و الدرقِيةة بس اعتقد ان الكظرية بتأثر على الهرمونات الجنسيةة الثانوية مش الأولية خالص يعني في الشكل مش مثلا فكره الحمل بس ريحي نفسك وإسألي طبيية هتفيدك اكتر والف سلامةة عليكِ متقلقيش

وعليكم السلام ورحمة الله وبركاته هقول لـ حضوتك على الحاجةة اللي انا مجرباها ولاحظت انها بتأثر على طريقة كلامي انه يكون مثلا لغة عربية او في قواعد نحو مظبوطة قرأه القرآن، ممكن تقرئي كُتب او تشوفي ناس بتتكلِم باللغة العربية عموماً ده بيعمل تأثير ولو بسيط

انا ممكن افيد حضرتك في الموضوع ده بحاجةة ممكن تسألي نفسك هو فعلا بخيل مثلا ولا دي حالته المادية وده اللِّي يقدر عليه.؟

ممكن يكون إحساس بالفتُور محتاجة تجددي ف العلاقة، مثلا تعملي عشا رومانسي يعني إضاءه هادية شموع كده حاجةة تتاكل خفيفه جدا تمام، او مثلا ان العلاقة تحصل فِ أماكن مختلفة في البيت كده بأوضاع جديدة ممكن حضرتك تزودي الشغف بحيث تجيبي حاجةة حديدة مختلفه تكوني لبساها فاهمةة واقعد مع نفسك فكري كده اي اللي ممكن يخليكي مبسوطةة مثلا وكلمي جوزك فيه عادي .... ربنا يصلح لحضرتِك الحال

من منظور ديني اي حد هنتكلم عليه بالسوء هيقتص مننا يوم القيامة، ربنا بيغفر الذنوب كلها عدا حقوق العباد لو مستعد ان اللي هتتكلم عليه ده ياخد حقه منك تمام فاهم وبردك موضوع انك ممكن متدخلش الجنه عشان فلان مش مسامحك دي صعبة شويةة يعني؟؟ معقول؟ من منظور اجتماعي اسمك احمد راجل يعني " ملحوظة مش ببرر الفعل ده للسيدات ابدا " كل واحد ذنبه على جنبه بس عشان محدش يفكرك غيران منه او او او او فاهم حتى لو معاك حد بيلت برده ممكن يكون بيشوف اخرك ونت بتركز في اي بس مش هيثق فيك فاهم متقلقش هتقدر تتحكم في نفسك

بالإضافة للإجابات الموجودة في قناة يوتيوب إسمها واعي دي بينزل فيها حجات كويسةة بتبين حقيقة الإباحية اعتقد لما تعرف الحجات دي شغفك تجهها هيقِل.

وعليكم السلام ورحمة الله وبركاته ^^ شوفي انا اعرف ناس بيذاكروا بس بتكون المذاكره بتاعتهم سطحية فاهمةة ممكن تراحعي طريقة المذاكره بتاعتِك وحاولي تقعدي على الكتاب وقت كافي يعني وطبيعي تنسي تمام بس انك ترجعي للي ذاكرتيه وتترددي عليه كذه مره ده هيساعد ان اللي ذاكرتيه يثبت بإذن الله وربّ يوفقك يا جميل

هيا ممكن تكون محتاجة طبيب/ة نفسية تتكلم معاها. كمان ممكن تخليها تنام بس تكون شاربة ماية كوبايةة بس لان في حد كان بيشرب ماية كتير وكان بيحصله وهو نايم تبول لا ارادي تمام. موضوع ان حضرتك عاوزة برشام ده مينفعش تاخدي من حد غير لما يشوف البنت ويشخصها عشان الادوية بتعمل أضرار للكبد والكُلى وربنا يعافينا وإياكم والف سلامة عليها.

شوفي يا حببتي الشيخ الشعراوي قال حاجةة بخصوص موضع الختان للبنات ده فديو لا يتعدى الـ 3 دقايق ممكن تشوفيه تمام عموما الشيوخ بيقولو انه سُنة واجبه بخصوص الذكور لكن للبنات عند الضرورة زي ان في جلد طالع بره الشفرين الكُبار فاهمةة ده بيدايق البنت او ان منطقة البظر تكون متغطية بجلد كتير كده ده ممكن يعمل فطريات عندها وحجات فاهمةة هو بيتعمل بضرورة والبنت تكون بتشتكي من حاجةة مديقاها والدكتورة هيا اللِّي تعمله وتكون دكتورة كويسة وسمعتها كويسةة فاهمةة.. وربِّ يهدينا ويهدي الناس..

بأيد كلام دكتورة مي انتِ لسه على البر ومش مجبرة تكملي في علاقة بتضغط علىٰ اعصابك متقوليش انتي بعد الجواز ممكن يتغير اذا كان في فترة الخطوبة وبيقعد ايام مش بيكلمك متخيله اي الوضع بعد الجواز؟

بما انك ادركت انها بتسبب ليك مشكلةة وقفها ومتقلقش الطاقة الجنسية اللي عندك دي بتتفرغ بالإحتلام وده تخفيف من ربنا ليكم، انوي انك فعلا توقفها وصدقني لولا ان ربنا مش بيعاقبنا بالذنب بعد فعله ( لو هنفترض ان احساس الخنقة و الطاقة اللي بتضيع وكده ده م جزاء) كنت هتبطلها. ممكن انصحك في قناة اسمها واعي على يوتيوب ممكن تاخد فيها جولة واعتقد ان من الحجات اللي ممكن تخليك تبطل الاباحية انك تُدرك حقيقة الحاجةة اللي بتتفرج عليها وكده.. ربّ يصلحلك حالك

بأيد كلام دكتورة مي بصراحه انتي مش ضامنة هو فعلا بعد الـ ٧ سنين هيجي ولا هيتحجج فاهمةة وبعدين ٧ سنين مش هتزهقوا يعني هيكون في كلام تتكلموه بعد الجواز؟

نصيحة بعد ما حضرتك تصحى من النوم وفي حلم وحش انفث على شمالك ٣ مرات " اي انفخ " وقول اللهمَّ إني أعوذ بك من شر هذا الحلم وشر ما فيه.

وعليكم السَّلام ورحمةُ اللَّـهِ وبركاته سُُبحان الله بالإضافةة للإجابات الموجودة كنت لسه شايفة فديو الصبح عن حادثة ان بنت راحت قابلت حببها وحصل إعتداء وكان متفق مع واحد و الكلام ده، ربنا يحفظك يا حببتي بس خدي بالك من نفسك ولو بيهددك بكلام كان بينكم او اي ريحي دماغك وروحي اعملي بلاغ في مباحث الانترنت وهيتحبس انتي مش اقل من واحده واحد بيروح يتقدم لها انتي مش ناقصك حاجةة عشان تقابلي واحد مش من حقه اصلا يعني فاهمةة ربنا يحفظك.