Y F

الله مولي لنا والإنسان ضعيف جدا وعجول وبيحتاج يرجع لحد يهديه وهوه ربنا سبحانه وتعالي أي أمر ربنا كلفه بينا بنقول سمعنا وأطعنا لأن عندنا يقين إن ده الخير لينا فأحنا بنعبد لأننا خلقنا لهذا سبب ونكون من المتقين أو نتقي الله ما استطعنا وبنتوكل عليه ويكون فينا يقين طول ما خدنا بالأسباب وتوكلنا علي الله النتيجة الي هيحصل هوه خير لينا وأنصحك بسماع سيرة الأنبياء زي سيدنا أبراهيم مثلا أو سيدنا نوح

ألحقيه عشان موضوع ميكبرش معاه ويوصل لإدمان وهوه لسه صغير وهوه اكيد غير واعي بالي بيعمله ده ومش فاهم فلازم حد يفهمه وخليه يحفظ قرآن في أكاديمية وعلميه صلاة عشان ولد ده مسؤولية هتتسألوا عليه عشان لو كبر وهوه كده هتندموا عليه علموه القرآن وإنه يصلي الفروض

انا بنصح تجاهدي نفسك يعني لما تحسي انك مكسلة لا تغصبي عن نفسك انك تصلي لأن دي مسؤولية صلاة دي هتتحاسبي عليها وحتي لو وراكي مشوار تحاولي قدر استطاع أن تصلي الفرض الي عليكي قدر استطاع عشان دي مسؤولية وفي نفس الوقت لا يكلف الله نفساً إلا وسعها يعني بدام حاولتي تصلي وعملتي الي في ايدك خلاص ودي الي بيفرق فيها الصدق لو لقيت نفسك مفيش صدق حاولي تعرفي ربنا افتحي المصحف بنية انك بتتعرفي عن ربنا اسمعي درس عن صفات الله في اسبوع علي اقل وادعي أن ربنا يرزقك بالصحبة صالحة وعلي فكرة لو كان عندك صدق ربنا هيصدقك إن شاء الله خدي بالأسباب ودوري عليهم في بيئات الإيمان أسمعي ولو مرة في أسبوع عن أهمية صلاة والأحاديث الي وردت عن صلاة اسمعي دروس دينية في العموم ولو مرة واحدة من آخري رجلك عطريق صح يعني حاولي تحطي نفسك في بيئات الإيمان زي مثلا أكاديمية قرآن والتشتت في صلاة لازم تستحضري مقام الله عز وجل وانت واقفة قدامة ربنا إلي وسع كرسيه السماوات والأرض يعني ربنا مقام عرش رجليه بس إلي لا مثيل لها طبعا قد السموات والأرض لازم تكوني عارفة كلام ده وتكوني عارفة أحاديث ثابتة الي ورد فيها صلاة وأهميتها يعني لازم تسمعي درس عن أهمية صلاة أو تقرأي عن فقه صلاة حاجات دي كلها المقتصد منها انك تحطي رجلك عطريق الصح والي ربنا لما يشوفك بتحاولي توصليله وبتجاهدي نفسك وبتدري علي حلول ربنا هيهديكي إن شاء الله وعلي فكرة لو عندك ذنوب أو مشاكل مستصعبة إنك مش هتعرفي تقربي من ربنا بسببها زي انك صلاة مش عارفة تلتزمي فيها أو بتعملي ذنوب كل مشاكل دي بتتيسر لما بتحطي رجليكي عطريق صح وعن تجربة

ممكن ربنا يغفر له ووممكن يكون جاهل أو معذور أو يبقا عنده حسنات كتير تشيل سيئاته له حسنات تمحوا ولو أمر أو نصح بنته بالحجاب قد ما يقدر وهي رفضت نصيحته فهوا عن عمل الي عليه مش هيعذب إن شاء الله لأن لا يكلف الله نفساً إلا وسعها

متفكريش كتير خدي القرار وخلاص لو عايزة تسألي سؤال او تسلمي علي حد أو تفتحي موضوع ..... ومتشوفيش نفسك قليلة طول ما بتكلمي باحترام وأدب فمفيهاش حاجة لما تكلمي ولو حد كسفك عادي يعني مش عشان سألت سؤال وحد كسفني مثلا ومهتمش مش مشكلة إنها تأثر في نفسيتي ومفيش حد اصلا بيركز مع حد ولو حصل موقف محرج معاكي عادي ناس بتنسي مفيهاش حد بيدقق مع حد يعني

انت عندك هشاشة نفسية لأن موضوع عندك كبر اوي وكده غلط

ومتيأسيش إنك تتغيري وتبقي قريبة من ربنا أو إنك بتعملي ذنوب مش مخلياكي عارفة تلتزمي بالعكس لما تاخدي القرار فعلا بصدق والله يري ذلك ويهديكي ويثبتك بإذنه هتلاقي كل الذنوب دي اتيسرت وتوبي علي طول حتي لو كل يوم ولو أكتر كمان

قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ

وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ

وأعلمي أن نحن الفقراء إلي الله وأن الإنسان ضعيف جدا فعليكي أن تسألي الله الهداية بصدق وأن يصبرك ويرزقك الصحبة الصالحة ويتعين جدا علي عبادات

-وجاهدي نفسك إنك حتي لو مكسلة وظروف سيئة جاهدين نفسك إنك تصلي من رغم من الظروف

-إستعيني بالله عز وجل وتوكلي عليه وعليكي بالدعاء وأسئلي الله الهداية والثبات والصحبة صالحة

-خلي عندك صدق،، -شوفي ايه الحاجات الي بتعيقك من صلاة أو اي عبادة. -شوفي ليها حل والحل ده يلزمك أو تشدك إنك تصلي

وخلي عندك ورد قرآن ولو بصفحة واحدة

اقرأي عن صلاة وأهمية والأحاديث الي ورد فيها الصلاة وتارك صلاة أعظم من الي بيعمل ذنوب لأن ثبت عن النبي ﷺ أنه قال: العهد الذي بيننا وبينهم الصلاة، فمن تركها فقد كفر أما المسلم الي زنا والي سرق ما زال مسلم والحاجات دي لما تعرفيها من أهمية صلاة هيكون عندك صدق بإذن الله إنك تقربي من ربنا وإنك تجاهدي نفسك

ابدأي بصلاة في وقتها وشوفي ايه الحاجات الي بتشتتك عن الصلاة ووتتخلصي منها ونشوف حل او طريقة تلزمك بالصلاة يعني انا عشان التزم بصلاة لما كنت بصلي في البيت كنت بكسل وبصلي بالعافية بس بقيت اول ما اسمع اذان اصلي في المسجد وكمان ممكن انزل اتوضي في مسجد عشان متأخرش عن الجماعة بركعة واحدة

وهدعيلك بإذن الله انهاردة

جزاك الله خيراً، وعلي فكرة نصيحة يعني صلاة في المسجد هتخلي حضرتك تلتزم اكتر في الفروض وهتثبتك أول ما تسمع الأذان تتوضي وتنزل هي عايزة جهاد نفس يعني انك تغصب نفسك تنزل تصلي وصدق بس وصلاة في المسجد جميلة اوي بذات المغرب والعشاء والفجر وجرب بس تكون رايح المسجد قبل إقامة وتصلي صف أول