lama mohamed

التعلق صعب وعشان تقدري تتخطى لازم تمسي كل حاجه ممكن تفكرك بالشخص ده صور رسايل اي حاجه واازم تعرفي ان الاصعب من التعلق انك تكوني في علاقه ملهاش مسمى او مش هتطور لاي شئ هتضيعي عمرك وهتستزفي مشاعرك على الفاضي مجرد متفكري بالطريقه دي هتفكي التعلق ده نفس ما كل الاجابات قالت اشغلي نفسك علي قد متقدري وحوطي نفسك بناس بتحبيها هتنسي وربنا هيبعتلك شخص احسن وبعلاقه واضحه وهتنسى وهتقولي ايه الهبل الي كنت فيه ده

هي مشكلتك محتاجه منك مجهود شويه على شخصيه حاول تختلط في المجتمع وشارك في انشطه كتير هيكون صعب عليك في الاول بس بعد كده هتتعود وهتتعلم ازاي تتعامل زي اي حاحه في الاول صعبه العب رياضيه تساعد جدا في الثقه في النفس اتعود تقول رايك ومتخجلش منه جرب مره هتلاقي التانيه وتالته سهله هي عايزه منك شويه جرأه متسلمش نفسك للوساوس الي في دماغك اسمع برده بودكاست عن بناء الشخصيه لو عندك قدره تروح لحد مختص يساعدك برده متترددش

حبيبتي خلي بالك من نفسك معدش فيه امان دلوقتي لاي شخص وانتي لسه بنوته صغيره لسه قدام هتقبلي اشخاص احسن من الشخص ده والي شريكي وبيحبك فعلا هيخاف عليكي وعمره ميحطك في موقف وحش وهيصونك سيبك منه ده عيل باين عليه وعمرك ماتحكي لشاب عن علاقه سابقه ليكي وخصوصا لو مش رسمي زي خطوبه مثلا ربنا معاكي

ده طبيعي في بدايه العلاقه وخصوصا ان لسه كل واحد بيكتشف شخصيه التاني حولي تتكلمي معاه بصراحه عن احتياجاتك ومخاوفك واعرفي هو كمان احتياجاته ومخاوفه وعادي ان يكون في اختلاف وفي وجهات النظر بس تكون بحد المقبول وشوفي عيوبه ومميزاته وهل عيوبه هتقدري تتعيشي معاها ولا لا هقولك كلمه علطول بتتقلي انتي مش هيجيلك ملاك وربنا يوفقك ويهديكي للخير

لازم تشيل الوسواس دي الاول من دماغك تقنع من جواك انك تقدر تعمل دايت وتلتزم بين وتشوف حالات لناس قبل وبعد عشان تتفائل وتعرف ان في ناس كانت برده عندها نفس المشكله واتحلت عامة في دكاتره دايت بيراعوا ان الشخص متعود علي كميه معينه من الاكل في بداية الدايت مع التمارين إن شاء الله تلاقي النتيجه كويسه وهتتشجع انك تعمل بس اهم حاجه متخليش فكره انك مش هتقدر تسيطر عليك

الشعور ده ممكن يكون سببه الخذلان الي اتعرضتي وهز ثقه في نفسك وخلاكي مش بتثقي في الناس مهما اثبتوا ليكي صدقهم وحسن نواياهم مع تجارب لاشخاص مقربهم ليهم فوصلتي للمرحله دي حاولي تشوفي كل شخص حبك ايه الصفه الحلوه الي شافها فيكي وانتي هتعرفي انك فعلا انسانه تستاهل انها تتحب وتحب واشلغي نفس بحجات في حياتك دي هتعزز ااثقه في نفسك اكتر مفيش حد في العالم مفهوش صفه او اتنين حلويين ومفيش حد كامل وابعدي علي الافكار السلبيه دي لان ممكن تخسرك ناس بجد بتحبك وربنا ييسرلك حالك

دي حاله بتحصل لنا كلنا او بعضنا بعد التخرج متقلقيش لانك انتقلتي لمرحله مختلفه حاولي انك تاخدي كورسات او تستغلي متفكريش في الجواز دلوقتي كله بيجي في وقته ركزي علي نفسك في الفتره الحاله عشان اما يجي الشخص المناسب تكوني جهزتي نفسيا وفهمتي الدنيا الشغل بيفرق جامد في شخصيه الواحد وده من تجربه شخصيه وغير ده هتحسي انك عندك ثقه في نفسك وانك تجيبي فلوسك بنفسك

انا عندي نفس المشكله بس بدات احاول اطلع طاقه الغضب الي ممكن بتخليني اتصرف كده في رياضيه عشان اقلل من الموضوع ده اكيد في حاجه جواكي مضيقاكي فبطلع معاكي على هيئه عصبيه من اتفه الامور حولي تتكلمي مع حد زي صحبتك مامتك عن الحاجه دي يمكن تكون سبب انك تلاقيلها حل للعصبيه دي لانها مع الوقت هتخسرك ناس كتير

لازم ترجعي لطبيب نفسي عشان يقدر يقيم حالتك وممكن تحتاجي تاخدي ادويه وحاولي تخطلي بالمجتمع ممكن ده بسب انطوائيه او عدم الثقه في النفس اشغلي دماغك عن التفكير الكتير واشتركي في انشطه اشغلي وقتك على قد متقدري وتقربي من ربنا واقراي قراءن كتييير

انا مش عارفه هو بيردهالي عشان فضلت يوم كامل مش برد عليه مش عارفه بس انا وضحت ان في اليوم ده كنت مشغوله

الله يعينك حبيبتي ويرفع عنك هذا الابتلاء