أمة الله

مينفعش تحكمي على اي علاقة صحوبية بآنها توكسيك لسبب بسيط زي ده،انت عارفة اي معنى كلمة توكسيك! صاحبتك بتقولك تعالي المدرسة عشان بتحبك وبتحب وجودك،حتى لو معاها صحاب تانيين،لي متقوليش انها بتحبك ومتعلقة بيكي فحاولي تقعنيها براحة انك تعبانة ومش هينفع،والمفروض تبقي فرحانة من جواكي عشان عندك صاحب بيحبك مش تقولي عليها توكسيك وزهقتي،للأسف السوشيال ميديا قدرت تخلي الناس تكره بعضها وتسئ الظن في الغير على حجات بسيطة اقولك انا اهو فالكلية وبقعد اتحايل على صاحبتي تحضر معايا المحاضرات وبزعل جدا لو مجتش وبرن عليها مليون مرة وبقولها عشان مصلحتك والكلية من غيرك مش حلوة يبقى انا كده توكسيك!! ثم مفيش حد جابرك انك تسمعي كلامها انت لازم تقوي شخصيتك لانك حرة دي مش امك او ابوكي او حد فالبيت فانت مضطرة تسمعي كلامه عادي لوزنت عليكي اقفلي الموبايل ونامي ولو زعلت قوليلها انك كنتي تعبانة لكن تنهي علاقتك بصديقة عزيزة ومعاكي من ستة ابتدائي عشان موقف زي ده ده اللي غريب بصراحة!! كلامك فالأول كان يوحي انها غدرت بيكي أو اذتك أو بتحقد عليكي،مش على موقف زي ده اعذريني بس متفرطيش فالغاليين عليكي عشان حجات بسيطة الناس لا تعوض ربنا ييسر امورك وامورها

حبيبتي انا حاسة بزعلك اولا وتعبك النفسي عشان حاسة ان مامتك قاصدة تتعبك واهلك بيسخروا منك انا فاهمة شعورك بس حاولي تسألي نفسك هي لي بتضربك ولي قاصدة كده،وصدقيني حاولي تصالحيها عشان مامتك وباباكي اهم شئ لرضا ربك واكتر ناس بيحبوكي حتى لو قاسيين انا فاهمة شعورك جدا وبرضو كنت بحس ان اهلي قاسيين عليا وبزعل منهم في مواقف كتير بس ممكن يكون سوء تفاهم يعني حاولي تفهميهم براحة اكيد هم مش شياطين وربنا يشفيكي يارب ويخفف المك وقلبي معاكي ولله نفسيا وجسديا❤️‍🩹❤️‍🩹 ودايما قربي من ربنا واقرأي قرآن وادعيه انه يشفيكي ويهديلك اهلك ربنا قريب مجيب وانا اسفالك بجد عن اي حد زعلك واذاكي🥹❤️❤️🫂

لا حول ولا قوة إلا بالله طب هل هي تزوجتك غصب ولالا؟ يعني اهلها اقنعوها بالعافية انها تتجوزك ووافقت بك وخلاص لان ممكن يكون ده سبب وربنا يصلح حالك وحالها ويعوضك خير

بصي بصراحة انا خايفة تتجوزيه يحصل مشاكل بينكم بسبب مراته لإن اكيد مراته هتعرف وممكن تخرب عليكي البيت ومش بعيد ولعياذ بالله تجيب بلطجية يقتلوكي او تعملك عمل تفرق بينك وبينه او لو خلفتي تإذي ولادك،فبادية كده ياتحطيله شرط انه يعرف مراته وكل شئ يبقى على نور،يابلاش خالص يابنتي وياما عرسان بيتقدموا كويسين انت بس اصبري وادعي ربنا يرزقك بالزوج الصالح

قربي من ربنا بجد لما تقرأي قرآن وورد يومي من المصحف الورقي هتحسي براحة نفسية غريبة وتحسي انك مش بتشبع من القرآن وانك بتشعري بلذة لما تقرأي كل آية وتعيشي معاها واقرأي فتفسير الآيات الحجات دي هتشغلك وهتحببك فالدين والحياة بجد روعة وجربي اسمعي قرآن بصوت المنشاوي قمة فالسعادة والراحة النفسية هتروحي في عالم تاني جربي اعملي الحجات دي بشكل بسيط وهتدعيلي،ومش لازم كم كبير اهم حاجة انك تستمري وتجربي من الأول

انا مش شيخة بس الموضوع ده انسب حل ليه انك تتوضي كل ماتيجي تصلي يعني لو الظهر اذن تتوضى وتصلي بعدها فورا مش تعملي حاجة فالنص،ده رأي شيوخ كتير سمعته وانت ملكيش ذنب عشان بتنزل باستمرار مفيش اي حرج وبإذن الله صلاتك مقبولة الدين يسر وليس عسر وربنا بيحبني ويسهل علينا الطاعات اعملي زي ماقولتلك وملكيش دعوة بالنتيجة عشان متقلبش وسواس والشيطان بيصدق يبعدنا عن الصلاة ولعياذ بالله❤️

بصي ياقلبي انا زيك لو بتتكلمي عن الاخوات،انا متعودة لما بجيب حاجة اكل بدوقهم حبا وعشان يبقوا كلوا زيي ولو لبس بفرجهم لو بنت بعرض عليها تلبس معايا،ومع ذلك لما بيجيبوا اكل من برا مش بيعرضوا عليا او يعزموا كل واحد مع نفسه،واختي حرفيا نفس الأسلوب تقولي متلمسيش حاجة من حجتي رغم اني بقولها البسي من لبسي بس ده طبعا أو بتقرف،برضو انا اتعودت اني ممكن اكون حنينة زيادة أو حساسة وبفكر في غيري دايما هم مش كده بس هم مش وحشين برضو بيخافوا عليا ويحبوني بس ده طبع،وكنت بتدايق زيك كده يعني لو جبت بيبسي من حبي لاخويا اشربه من الازازة براحته لحد مايشبع وهو اكبر مني هو لو جاب ليه مش بيعرض عليا بق واحد بس بيصعب عليا لان مش كلنا زي بعض ممكن يكون حابب يستمتع بحاجته لوحده،عمتا انت الصفة دي جميلة فيكي بس افتكري انها فضل وحنية لكن هم مغلطوش عشان انا كنت بتضايق زيك بس وقت الشدة ولله مش بلاقي زيهم يخاف عليا فلو دوى اخواتك تأكدي انهم بيحبوكي ويخافوا عليكي متاخديش عالحجات البسيطة دي،لو حد غريب مش ملزمة تتعاملي معاه او تتقاسمي معاه عشان متتعبيش نفسيا او تحسي انك دايما بتدي ومش بتداخدي خلي حاجتك لنفسك معاه هو خصوصا،واتعاملي بطبيعتك مع ناس تانية بس لو اخواتك صدقيني دوب اكتر حد بيخاف عليكي ويحبك وبيسندوكي فالشدة فمتخليش حجات بسيطة تشيلك منهم وانا فاهمة شعورك جدا ومش بلومك،تحياتي❤️❤️✨️

فهماكي وعندي شبه مشكلتك وبصراحة مش هعيش في جو الناصحة لاني حاسة بشعورك كويس واللي عاوزة اقولهولك بس انا بنت وتعالي كلميني فأي وقت وعن اي حاجة واعتبريني صاحبتك البيست انا الحمدلله طيبة وبفهم الناس وصدقيني لو بقينا صحاب مش هتندمي ابدا لو عاوزة تكلميني اعملي كومنت وهبعتلك لينك اكونت الفيس وبجد انت زي القمر وانا حاسة بيكي اوعي تزعلي وكلميني من دلوقتي ومش هزهق🥹❤️❤️

انصحك بإنك تاخدي مع مصطفى عبد الرحمن لوكنت من القاهرة بيدي. فالمعادي تقريبا وحلوان اسألي عن اسمه عالفيس اكتبي مصطفى عبد الرحمن لغة عربية ممتاز ولو انت من الصفر هيأسسك إن شاء الله وطريقته سهلة جدا ولذيذة وهتحببك فالعربي ومتقلقيش العربي جميل وسهل بس انت متحطيش فدماغك انه صعب ومتقيسيش نفسك بتجارب الآخرين عشان ده غلط ركزي عالمادة وحبيها هتلاقيها سهلة جدا بإذن الله صدقيني العربي أسهل مادة فالنظام الحديث متخافيش ومتتوتريش واقرأي قرآن وادعي ربنا تجيبي مجموع فيها وانا دعيتلك يا حبيبة قلبي❤️❤️

بص ولله انا فاهمة شعورك كويس،بس سيبك من مين ليه مستقبل ومين لا،انت بتحب اي؟ لو فعلا حابب مجال البرمجة خش حاسبات حتى لو خاص بس الحاجة الي بتحبها هتعرف تثبت نفسك فيها،وصلي صلاة استخارة ده الاساس وشوف قلبك هيرتاح لإيه والف مبروووك مجموعك ماشاءالله حلو جدا ربنا يوفقك اعتقد ممكن تدخل سياسة واقتصاد او السن او اعلام فكر فيهم

اوعي تنزليه بجد حرام وغلط على صحتك دي جريمة تعتبر 💔💔

بصراحة انا فاهمة حضرتك وحاسة ان الموضوع فعلا محرج رغم اني متزوجتش او خلفت قبل كده بس فعلا موضوع محرج جدا ومدام انت مش مرتاح نفسيا مفيش مشكلة تدوروا عى دكتورة شاطرة اكيد ومدام انت غرضك الستر ربنا هيكرمك واكيد في دكتورة شاطرة وسط مليون دكتورة هترتحولها إن شاء الله بس انت معاك حق جدا يعني الموضوع فعلا محرج وغريب

ربنا يفك كربك يا حبيبتي حاسة بيكي ربنا يحل مشاكلك وافتكري ان ربنا لما بيحب عبد بيبتليه عشان كده ربنا بيحبك كل ده فميزان حسناتك اهم حاجة تكوني مواظبة على صلاتك وبتقرأي ورد قرآن كل يوم حتى لو صفحة هتحسن نفسيتك وهتخليكي مرتاحة نفسيا وحابة الحياة اكتر،وافتكري ان جزاء الصابرين عند ربنا عظيم وبإذن الله ربنا يجعلك من اهل الجنة عليكي بالدعاء ربنا بيتقبل دعواتنا ادعي ربنا انه يهدي ابيكي ويهديكي ويحللكم مشاكلكم ربنا قريب مجيب اقرب لنا من حبل الوريد ربنا رحيم لو دعيتيه وقربتي منه هيحللك مشاكلك ربنا يسعدك🥹❤️‍🩹❤️‍🩹

اللي انت بتعمليه مر على بنات كتير في سن المراهقة اعتقد انك في فترة المراهقة وكلنا نفسنا نكلم شباب وعندنا رغبة عاطفية وفهماكي الحل انك تبعدي عن ده كله حتى لو مش بتعمله حاجة حرام عشان ده نفسه حرام وممكن يخليكي تتعلقي بحد مش مناسب واشغلي وقتك بعبادة الله وقراءة القرآن وتدبر بجد أمتع حاجة ممكن تعمليها وهتغيرك للأحسن وهتحببك في نفسك والحياة وهتديكي ثقة في نفسك كفاية الثواب اللس هتاخديه

الحل الوحيد هو الدعاء طبعا لان ربنا هو المنجي لازم تدعي ربنا يخرجها من الازمة دي على خير وتقول هذا الدعاء كاير:لا إله إلا أنت سبحانك إني كنت من الظالمين وربنا تواب رحيم خليها تستغفر كتير وتدعي ربنا انه يحلها والجزء لربنا هو الحل وانا من رأيي انها تحاول تقنع اهلها يوافقوا عليه وتتزوجه وبعدين تتطلق منه بأي حجة وبكده الصور اللي معاه حتى لو طلعها بعد كده مش هيعرفوا انها قبل الزواج ولو وراهم الصور تقول لأهلها ده عمل كده وصورني عشان مش عاوز يطلقني وهددني وقالي لو هتتطلقي هضحك على اهلك واقولهم ان الصور دي قبل الزواج وطبعا تفهمهم انه كان بيصورها وهم مع بعض متزوجين وكانت بتستغرب من تصرفاته أو مكانتش تعرف انه بيصورها اي حكاية وخلاص المهم انها لو اتزوجته هتروح اي تهمة تنسب ليها فالبحر لان الزواج ستر هو ده انسب حل من وجهة نظري وتروح تضحك عليه وتفهمه انها بتحبه ونفسها تتزوجه بس أهلها مش موافقين وتقوله حاول تضغط عليهم يا حبيبي وهي تحاول تضغط عليهم ولو وافقوا زي ماقولت يتجوزوا ويتطلقوا وده حل يسمى احسن الوحشين طبعا الزواج والطلاق حاجة مش سهلة بس احسن من المصايب اللي هتحصل لو معملتش ده

ربنا يكرمك حط فدماغك ان دي السنة اللي هتحدد مستقبلك مش كرستيانو ولا الاكل اللي مامتك هتعملهولك انا كنت زيك بالظبط بس لما المراقب يهمس مكنتش بديله فرصة لإن ماما مدرسة وفاهمةالكلام ده وقالتلي من حقك تقوليلهم ان الصوت مدايقك وهم هيخافوا لانه ممكن يأثر عليهم اصلا ويحصلهم مشكلة فشغلهم فأنت لو حد اكلم اوعى تتكسف تتطلب حقك وقوله انا مش عارف اركز من الصوت هيخاف ويكش ويسكت بالنسبة لأفكارك دي طبيعي اصلا انا كنت زيك برضو الحل الوحيد انك تقرأ اذكار الصباح حتى لو مش كلها كفاية تقول بسم الله الذي لا يضر مع اسمه شئ ف الأرض ولا في السماء وهو السميع العليم ٣ مرات وأعوذ بكلمات الله التامة من شر ما خلق ٣ مرات ونقرأ آية الكرسي وصدقني كل ده هيعدي وهتلاقي نفسك جايب مجموع عالي بإذن الله وربنا هيجبر بخاطرك عشات أتت تعبأ فكرة انك بتفكر فحجات تانية والضغط بتاع اللجنة ومخك والبطئ فالحل ده كله من ضمن التعب التهب مش مذاكرة بس وربنا عالن بده وهتلاقي نتيجة بإذن الله احسن من االي تتوقعه انا ببشرك ❤️❤️

انت انسانة جميلة، لا تقلقي المشكلة دي عند ناس كتير ومن ضمنهم انا كلنا بتخيل كده،لما تلاقي نفسك كده قومي إقرأ قرآن من المصحف،اتوضي واقرأي من المصحف ولة صفحة نفسيتك هترتاخ وذهنك هيبقى صافي

انت انسانة جميلة وربنا بيحبك عشان فوقتي وحسيتي انك غلط،بكل بساطة الحياة الجميلة فالاجتهاد والسعي مش فالفراغ والتفاهات،جربي خدي كورس انجليش عاليوتيوب وانت قاعدة فالبيت كل يوم حلقة هتستمتعي جدااا وبرشحلك قناة إبراهيم عادل،اولا المذاكرة وتعلم أشياء جديدة بتحسس بانك ناجحة وانجزتي وبتحسن المزاج وبتخلي الواحد فريش وضميره مرتاح كده وسعيد،خصصي وقت للهوايات رسم بقى قراءة كتب مفيدة بلاش روايات حب وغرام عشان هتوصلك لأحلام اليقظة وهتضيعك اكتر،اقعدي مع اهلك وقربي منهم،قبل كل ده بقى قربي من ربنا والصلاة وقراءة القرآن يبقوا نمبر وان،اسمعي كلامي بجد لما تقربي من ربنا وتذاكري كويس اي حاجة صدقيني هتحسي انك احسن الكسل ده وحش وبيموت الانسان وعن تجربة وربنا يوفقك يا قمراية🥰💖💖

امرك غريب فعلا وازاي شخص يفضل متنح وميردش عليكي،مش عارفة اقولك اي بس انا اسفة ممكن يكون مريض نفسي أو يكون فاكرك اذيتي حد من عيلته أو مثلا شكلك بيفكره بواحدة بيحبها الحل هو انك تدعي ربنا انه لو شر يبعد عنك وان ربنا يحفظك من كل سوء وممكن تروحي تصاريحخ وتقوليله ليه بتفضل باصصلي كتير لو سمحت مثلا انا بتوتر من نظرات حضرتك أو نظرات حضرتك ليا غريبة احنا بشر والانسان اللي بيقولك ركزي فمستقبلك ده غيب واقعي طبيعي اي حد يحصله اللي حصلك يقعد يفكى

الحل هو صلاة الاستخارة ودعاء الاستخارة وربنا يقدملك اللي فيه الخير ويوفقك

انا فاهمة قصد حضرتك بس للأسف اغلب الناس مش فاهمين ومشكورين طبعا عالنصيحة حضرتك من النوع اللي بتحب لما تشتغل تتعب وتحس انك عملت حاجة ومش بيفرق معاك الفلوس في الشغل قد مابيعرف معاك انك بتحقق ذاتك وانك فرد مهم في هذا العمل وحضرتك شايف انك ملكش دور وانك لو اتصلت الشغل مش هيتأثر غير لو في ناس مثلا لو اتقالت الشغل هيبوظ والشغل مش هيكمل غيب بيهم وحضرتك معاك حق وفعلا الفلوس بلا تعب ليس لها طعم والشغل برضو حلاوته فتعبه وعرفه وبعدين تجازى على هذا العمل الحل انك تسيب الشغل لو انت لسة طالب أو لسة في فرصة اهلك يصرفوا عليك او بمعنى اصح غير مسئول عن بيت اما لو الشغل ده مهم جدا وحياتك مش هتمشي من غيره فالحل انك تكمل شغل وتروح تدور على شغل تاني وانا بتشتغل ولو اتقبلت فالوظيفة الجديدة تسيب الوظيفة القديمة وممكن تشتغل وظيفتين مع بعض لو ليك القدرة وانا من رأيي الخاص بفضل الشغل السهل ده اللي متحسش بانك عملت حاجة وشايفة إن ده نعمة الصراحة الواحد بياخد فلوس عالجاهز والشقى مش حلو برضو بس طبعا كل فرد وشخصيته وحاولت أقدم الحلول المناسبة لك اتمنى اكون فيدتك

قال تعالى:" قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ (53)" انت خلاص توبتي وربنا غفور رحيم مدام توبتي توبة نصوحة وندمانة عاللي عملتيه ومرجعتيش لهذا الذنب مرة أخرى من سنوات عديدة تأكدي مليون فالمية إن ربنا بإذنه عز وجل غفرلك ما مضى وقال عز وجل:"وَالَّذِينَ لَا يَدْعُونَ مَعَ اللَّهِ إِلَٰهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ ۚ وَمَن يَفْعَلْ ذَٰلِكَ يَلْقَ أَثَامًا (68) يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا (69) إِلَّا مَن تَابَ وَآمَنَ وَعَمِلَ عَمَلًا صَالِحًا فَأُولَٰئِكَ يُبَدِّلُ اللَّهُ سَيِّئَاتِهِمْ حَسَنَاتٍ ۗ وَكَانَ اللَّهُ غَفُورًا رَّحِيمًا" شوفي يعني حتى اللي زنوا أو قتلوا حد مدام تابوا ربنا هيبدل سيئاتهم حسنات،وانت الحمدلله محدش لمسك ومحصلش حاجة،يبقى لي تروحي تفضحي نفسك قدام خطيبك،الكلام ده لو مبقيتيش عذراء ساعتها كنا نتناقش وقتها هل ينفع تقوليله ولالا،لكن اللي انت عملتيه الحمدلله ملوش أثر وربنا سترك متفضحيش نفسك يا حبيبتي وانسي اللي فات وربنا يوفقك ويسعدك ويرضى عنك يارب🥺❤️❤️

اللي انت فيه ده أمر طبيعي بالنسبة لسنك ويسمى بأحلام اليقظة،وأحلام اليقظة دي تحدث لأغلب المراهقين اقرأي عنها على جوجل أو اكتبي عاليوتيوب علاج احلام اليقظة،لانها لو تطورت وزادت عن حدها فعلا هتقلب كارثة،اتطمني احلام اليقظة دي بتحصلي وبتحصل لكل الناس اللي فسن المراهقة ويمكن الكبار كمان،الحل الوحيد انك لما تلاقي نفسك هتتخيلي روحي اقعدي مع اهلك او العبي مع اخواتك متقعديش لوحدك،ولو بتحبي القراءة بدلي الروايات بكتب مفيدة أو عالاقل حددي وقت معين ساعة فاليوم مثلا تتخيلي فيها وتعملي فيها كل اللي فدماغك واول ماتخلص الساعة دي افصلي وروحي ذاكري،ومارسي حياتك مخك مع الوقت خلاص هيتعود،ونصيحة مني قللي من قراءة الروايات دي صدقيني مضيعة للوقت وملهاش لازمة،وبتسببلي انا كمان احلام يقظة واي بنت مش انت بس،لو بتقرأي روايتي فاليوم خليهم رواية واحدة قللي مع الوقت،طلعي طاقتك دي فالقاعدة مع الناس والرسم الرسم هواية مفيدة لكن للأسف هذا الأمر مفيهوش إفادة ابدااا،واقرأي قرآن كل يوم خلي ليكي ورد ولو صفحة واحدة هيأثر بشكل كبير بالايجاب صدقيني وهيصفي ذهنك

بصي انا فهماكي وعلى فكره يعني اغلب الاطفال كده بس الحل بقى ايه انك يعني مثلا لو هو قاعد يعيط ويزن على حاجه اعملي نفسك مش واخده بالك وما يصعبش عليك ابدا لو هو لقاك مع الوقت بقيتي تتجاهل عياط وبعد كده مش هيعمل كده وهيحترمك وهيعرف انك ايه لك حدود لكن لو هو لاقيت لي كل مثلا ما هو بيجي يعيط ويزن ويلاقيكي بتعملي له الحاجه دي هو كده هيعرف ان خلاص الحل ان هو يعيط ويزن فهيستخدم العياط والزن ده وسيله عشان ايه تنفذي له طلباته لا انت حطي له حدود لو انت شايفه انه خلاص ما ينفعش الحاجات دي يعملها دلوقتي قولي له لا خلاص لا اقعدي قولي له لا ما تشتمهوش ولا تزعقي له بس قولي له لا مليون مره مهما اعيط ومهما زن برضو قولي له لا هو كده هيعرف انك ليكي حدود. ومش هيبقى طماع برضو يبقى عايز ياخد كل حاجه.

تطبيق مفيد جداا بارك الله فيكم وشكرا لكن على هذا التطبيق الجميل و كل عام وانتم بخير

ادعي ربك وقولي اللهم ردني إليك ردا جميلا،يارب قويني على العبادة،يارب سهل عليا العبادة،يارب اهديني،الدعاء هو الحل

مفيش حل غير انك تصارحه بكده،وهو هيخجل منك لأنك ابنه فتخيل هو القدوة لما يشوف ابنه عرف بحاجة زي دي هيحس بتقصيره،وبجد لو تعرف تقول لمامتك فالسر بعيدا عن اخواتك أو من غير ماتقوله شخصيا هيبقى حل افضل بكتير،هي اكيد هتتصرف وعلى الاقل هتكون عرفت انك مش انت اللي كنت بتتفرج على هذه المواقع،وبجد انا بحييك انك مش العكس وانك مدرك اثر هذه المواقع على الشخص واثر هذا الذنب العظيم على حياته،ربنا يثبتك

عليك بكثرة الذكر كل ما تذكري ربنا كتير كل ماتبقي أهدى،ولما تيجي تتكلمي متاخديش الموضوع على أعصابك واعرفي انه مش نهاية العالم متديش الناس اكبر من حجمها ولا تدي المواضيع اي اهتمام،حطي فدماغك انه اهم حاجة نفسك وروقانك مش مهم يفهموا اي كده كده رأيهم فيكي مش هيزودك ولت هينقصك فخليكي هادية وريلاكس وزي ماقولتلك قربي من ربنا اكتر هتلاقي نفسك هادية اكتر ومزاجك رايق واقرأي قرآن كتير بجد القرآن دع اكتر حاجة هتهديكي وتهدي أعصابك وهتخلي اسلوبك جميل مع الناس تلقائيا واستغفري ربنا كتير وفي حيلة حلوة لما تيجي تدافعي عن نفسك عدي واحد اتنين تلاتة فمخكوابدأي اتكلمي براحة عشان تبقي مستوعبة اللي بتقوليه وانت زي القمررر متزعليش نفسك بإذن الله تتحل❤️❤️🥰

عليك بالصلاة والدعاء اولا على الإعانة والتوفيق،طول مانت عايشة يبقى لسة عندك فرصة توصلي لحلمك،وياما ناس بدأت متأخر وسبقت اللي بدأوا بدري بفضل الله ،اوعي تيأسي

فهماكي عامة وبحس نفس شعورك بس بيجي فبالي انه ده رزق من ربنا ووقت ما ربنا يبعت هيكون انسب وقت وكل واحد مختلف عن التاني يمكن لو اتجوزتي بدري مترتاحيش او تتجوزي شخص مش كويس او متلحقيش تحققي إنجازات عشان كده حاولي على قد ماتقدري تستمتعي بالفترة اللي انت فيها دي احسن فترة حرفيا تقدري تنزلي انشطة وتخرجي وانا ولله مقدرة شعورك عشان نفس شعوري بس افتكري ان رزق ربنا بيجي فالميعاد المناسب لكل شخص ومتنسيش الدعاء يا قلبي وربنا يرزقك بالزوج الصالح في الوقت اللي فيه الخير❤️❤️

ماهو يعتبر غلط فيك الاول المفروض انت اللي تهدده بالمحضر ده مش هو وفالآخر انصحك انك تمشي الدنيا وتتصالحوا لمصلحتك

نصيحة مني بلاش تشيلي هم مستقبلك متشيليش هم حاجة لان الدنيا بسيطة وكلنا رايحين صدقيني والدنيا دي دار اختبار ومكان غير دائم ومؤقت بس لو اقتنعتي بده هتعيشي مرتاحة البال زي الفراشة من خفة روحك،خدي وقت في حزنك ومتشيليش نفسك فوق طاقتها من حقها تزعل وتتصدم وكل حاجة ودي فترة طبيعية وهتعدي،لكن طول مانت بتحاولي تضغطي على نفسك مش هتبقي كويسة

الفترة اللي انت فيها طبيعي يا حبي انا حاسة بيكي اوي🥹❤️ عاوزة اقولك ان ربنا عز وجل بنفسه وعظمته قال فالقرآن الكريم في سورة البقرة:-"وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ" يعني حتى ربنا فاهمك وكمان ذكر فقدان الاشخاص والنفوس أو وفاة الاشخاص من الابتلاءات وبعد كده قال وبشر الصابرين، اذا انت مشكلتك دي مش لوحدك فيها ده ناس كتير اوي مرت بيها بس ميأسوش اكيد في منهم كمل حياته وفي منهم للاسف مصبرش زي ما ربنا قال،ده اختبار عليكي بالصبر يعني حاجة مريحة حتى لما تلاقي انك مش لوحدك فالمشكىة دي لا ناس كتير جربتها وعندها نفس الشعور وأصعب وكمان ربنا نفسه فاهمك

مش عيب انك تفكر في ده لانك في سن مشجع وانت كده طبيعي جدا واجمل شئ انك محترم ومدخلتش في علاقات والتخيلات والرغبة حاجة مش بإيدك ومش حرام لانك ملكش ذنب فيها الحل انك تفكر في الزواج او في خطوة رسمية وتكون جاهز لها ولما تعمل شئ برضا ربنا ربنا هيكافأك يبقى مش لازم ارتباط ممكن تشوف انسانة كويسة وتخطبها وتتزوجها وتحبوا بعض فالحلال وده اجمل حاجة واحييك على ثباتك في زمن الفتن ادعي ربنا بالثبات دائما ربنا يثبتك على طاعته انت شخص صريح ومؤمن بإذن الله ربنا مش هيضيع صبرك ويجازيك كل خير،ودايما ادعي ربنا انه يرزقك بالحب الحلال والزوجة الصالحة وقول:اللهم اغنني بحلالك عن حرامك

مفيهاش مشكلة اظن في ناس جاوبت حضرتك قوله انها حابة تكشف عند دكتورة ست واتمنى تركز على اهدافك وقلل من نظرة الناس لك ولا تضحي براحتك النفسية لإرضاء شخص آخر ده حق حضرتك مفيهاش حاجة لما تغير الدكتور حتى لو كان صديقك واكيد مش هيزعل جامد عادي ده شغل ومفيش حاجة عيب كل واحد حر

اعتقد ان شهوة الرجل تجاه المرأة ليس لها علاقة إذا كان دكتور محترم ولالا فالأول وفالآخر ده بني آدم والصراحة شى حساس جدا لما يكشف عن جسد واحدة ست عارية وكمان زوجة صديقه هو ليس ملاك وممكن يحس بشهوة وربنا امر الرجال بغض البصر اكيد لهذا الامر فالأفضل ان يقنعها بدكتورة انثى وإن شاء الله تكون شاطرة

مش عارفة اقول اي بس ادعيلها وقولي لمامتك برضو وقوليلهاتتعامل معاها براحة أو بدون عنف وتعاقبها بس من غير ضرب لو مجتش بالحنية يعني العقاب برضو واجب في السن ده عشان الحنية الزيادة بتخلي الولا ياخدوا راحتهم

ربنا يفك كربك ويحل كل مشاكلك اتمنى انك تواظبي على الصلاة وتدعي ربنا تستغفري كتير بجد دي أجمل حاجة وربنا ييسرلك امورك❤️❤️❤️

٧ شهور بحالهم وهو صابر عليكي ده انسان مثالي،وأهله متكلموش ولا اي حد لاحظ حاجة غريبة،ده لو شهر يبقى عمل جميل لكن ٧ شهور،متزعليش مني هو مش اخوكي أو ابوكي مدام انت ضد فكرة الزواج اللي هو أساسه العلاقة اللي انت مهملاها أو شايفاها مش مهمة يبقى مكنش ينفع تتزوجي وكنتي ممكن تعيشي حياتك عزباء مع اهلك وتروحي شغلك عادي لكن حرام تظلمي حد وتتزوجي ومتأديش اكبر واجب تجاهه،الزواج اول حاجة مبنية عليه هو الحاجة اللي انت شايفاها مش مهمة،الحل انكم تتطلقوا أو تروحي لدكتور نفسي مش عيب تحاولي تحلي المشكلة لكن فعلا مدام مش حابة فكرة الجواز مكنتيش تتجوزي انت كده كمان مش هتجيبي اطفال يعني متجوزة لي معلش

انت بجد بتهزري؟

الشكر لله ربنا معاك

الشكر لله انت اللي جميلة ربنا يوفقك ويسعدك ويرضى عنك❤️

حبيبتي فرق السن مش كبير خالص بالعكس،ده مناسب جدا،لازم يكون الرجل أكبر منك عالأقل ب٥ سنين عشان متكبريش قبله، فرق الست ده تفكري فيه لما يكون عنده ٣٠ وانت٢٠،لكن فرق السن بتاعكم مناسب جدا بل وفرصة متتعوضش،وأهم حاجة صلاة الاستخارة وربنا يقدملك اللي فيه الخير

مش هقولك اكتر من حديث الرسول صل الله عليه وسلم:قال رسول الله صلى الله عليه وسلم: إذا صلت المرأة خمسها وصامت شهرها وحفظت فرجها وأطاعت زوجها قيل لها ادخلي الجنة من أي أبواب الجنة شئت❤️❤️✨️ ركزي كده على حفظت فرجها من ضمن شروط دخولك للجنة هو حفظ الفرج من الحرام

انت عاوزة تعملي فودافون كاش؟ روحي لأي فرع فودافون وقوليله عاوز اعمل فودافون كاش

صلي صلاة استخارة وربنا يقدملك اللي فيه الخير

معك حق

بارك الله فيك كلامك صحيح

لا حول ولاقوة إلا بالله..حبيبتي الله يصبرك على هذا الابتلاء اعلمي ان كل هذا فميزان حسناتك وان الله يحبك ويختبرك ليلى صبرك الله يجعلك من الصابرات ويجعل هذا الابتلاء في ميزان حسناتك اللهم آمين،عليكي بالدعاء حبيبتي هذا هو الحل الأنسب لاي مشكلة فالحياة ادعيلهم بالهداية وادعي ربك بالعوض وبكل اللي نفسك فيه،وتذكري دائما أن لكل مشكلة حل عليك بالتقريب من الله والمحافظة على الصلوات الخمس وقراءة القرآن وحجابك الشرعي الله يعوضك خير قلبي معك🥺🥺🖤🖤

حل جميل وفدني انا شخصيا جزاك الله خيرا

وزي ماقولتلم انت لسة صغيرة كمان وياما هتقابلي صحاب تانية وهتنسيهم وكل مرحلةوليها صحابها،ابعدي عنهم وشوفي أصدقاء تانيين صالحين يستاهلوا قلبك الجميل ده❤️❤️🥰

ابعدي وكبري مخك وصاحبي غيرهم عشرة ومليون ياقلبي❤️❤️مدام صحاب يتعوضوا عادي اللي ميتعوضوش هم الأخوات غير كده في غيرهم،وصلة الرحم بس الي تخليكي تصبري وتضطري تتعاملي مع شخص يضايقك،دول مافيش بينك وبينهم صلة رحم يبقى ابعدي طبعا ده الصح لي تتعبي نفسك بجد،وعاوزة اقولك انه باين من طريقة كلامك إن مخك كبير وعاقلة ماشاءالله ولبقة كده وجميلة يعني بإذن الله تلاقي صحبة صالحة وهم اللي خسرانين مش انت.❤️👌👌

فهماكي ياحبيبتي انسب حل انك تقربي لربنا صدقيني نفسيتك هتبقى أفضل بكتير لما تقرأي قرآن وتصلي الخمس فروض،كل يوم اقرأي صفحة واحدة قرآن من المصحف وهتشوفي الفرق والجمال ❤️ وانا حاسة بيكي وربنا يقويكي معلش

الأفضل انك نبعد ومفيش حاجة اسمها تقعد معاها وتفهم هي لي بتكدب،الكدب مالوش مبررات،ولو عملت كده فأنت كده بتحرجها وطبيعي هتبرر موقفها،وللاسف اللي فيه طبع الكدب مش بيغيره،نصيحة لله دي مش صلة رحم عشان تربط نفسك بيها،ابعد عنها بكل احترام وبنات الناس كتير وربنا يعوضك بالأفضل

وبالمناسبة مافيش حاجة اسمها كدبة كبيرة وكدبة صغيرة

نصيحة مني بلاش وابعد عنها ومش كل الناس بتكدب طبعا،أي حاجة ممكن الواحد يعديها الا الكدب،وربنا يعوضك بالزوجة الصالحة اكيد في بنات كتير كويسة

ايوا انت صح وبإذن الله لما تدعي ربنا بيه لو في خير سيتزوجك وربنا يثبتك ياقمر برافو عليكي❤️❤️

ايوا صح

ده لينك الفيس بتاعي ابعتيلي وربنا معاكي شدي حيلك بقى وذاكري وتعالي على نفسك ياقلبي

طيب انت حرفيا نفس قصتي، بس انت لسة فأيدك انك ترسمي نهاية مختلفة،انا كنت الخامسة عالمدرسة في تالتة اعدادي وكنت جايبة ٩٩،من ساعت ما دخلن ثانوي وانا مبقتش افتح كتاب بسبب مشاكلي مع احد قرايبي،جين فتالتة للاسف مكنتش بذاكر والحمدلله عدت على خير وجبت ٨١% ادبي وعيلتي كانوا فرحانين. دخلت تربية لغة عربية بس لحد دلوقتي حاسة بالذنب لاني كنت ممكن اجيب مجموع اعلى وادخل كلية قمة،بس الحمدلله انا خابة تربية،الخلاصة اوعي تعملي زيي،واعتبري ان ربنا بعتني ليكي اشارة،صدقيني محدش هينفعك غير مذاكرتك دي اللي هتخليكي واثقة من نفسك قدام عيلتك أو حتى زوجك المستقبلي🖤اسفة لو طولت

ايوا الحل هو انك تدوسي على كلمة فيدني وتعملي اجابة مش تعليق عادي عالبوست،زي اللي انت عملاه ده كده بالظبط دلوقتي ده اجابة على سؤال البنوتة،وكل ما تيجي تنزلي سؤال هتلاقيه طالب منك اجابة اولا

لو انت بتلعب كرة ممكن يكون بسببها،ممكن يكون دور برد برضو عشان بيوجع الرجل،مفيش احسن من انك تخبر والدتك اولا لان امهاتنا خبرة،وممكن تروح لدكتور اكيد هو ادرى

نصيحة مني بجد اوعي تيجي على الصغيرة عشان الكبيرة ترتاح انا من واقع التجربة وبقولك كده هتخسري واحدة منهم،فحتى لو هي شايفة انك بتحبي اختها اكتر منها قوليلها انا بحبكم كلكم زي بعض حتى لو مصدقتش انت مش غلطانة فحاجة لكن اهم حاجة المساواة

علميها ان محدش هيحبها اكتر من اختها لا صاحبتها ولا غيره،فحاولي تصحبيهم على بعض ومثلا تقعدي تحببييها فيها عن طريق الكلام عن صلة الرحم وقوة علاقة الاخوة هي صغيرة عارفة بس لما تتربى عالكلام ده من صغرها احسن مايحصل مشاكل بينهم لما يكبروا

والحل انك تربيها عالقرآن والصلاة هي واختها وتعلميها ان اختها دي اكتر مت صاحبتها وتقوليلها لو عامليتيها حلو هجبلك شكولاتة وحببيها فاختها،وبرضو اعمليلها تعزيز اجابي من حيث المذاكرة قوليلهالو ذاكرتي هجبلك كذا وشوفي هي بتحب اي واعمليهولها

مش عارفة اقول لحضرتك اي بس انت ملكيش ذنب الحل الوحيد انك تقعدي من الشغل الفترة دي لو في مقدرتك وتحاولي تدافعي عن بنتك الصغيرة عشان متتعقدش بسببها،انا اخت صغيرة وعندي اخت كبيرة وحرفيا عمري ما قصرت معاها وسبحان الله نفس الصفات عصبية وبتغل وبابا وماما بطلوا يمدحوني قدامها فعلا وبقوا يمدحوها هي قدامي ويقللوا مني قدامها عشان تفرح وده بقى يسببلي مشاكل نفسية فالحل انك تحمي الأخت الصغيرة عشان متعيشش فاللي انا بعيشه ملهاش ذنب

معاك حق

دوري على مدارس وبإذن الله تلاقي، شوفي المدارس اللي على مستوى محافظتي وروحي اسألي بإذن الله تلاقي

العفو ربنا معاك ايوا اهلك بيحبوك صدقني وعاوزين مصلحتك كلمهم براحة وهم هيتقبلوا لان انا كنت زيك بالظبط ربنا يبعد عنكم الشيطان ويكرمك يارب❤️❤️

احضريها من محل العطارة وابحثي عن طريقة استخدامها على اليوتيوب،إنها مفيدة جدا وثمنها رخيص

عليك بالشابة

ربنا يصبرك ياحبيبتي وربنا يرحمها ويغفرلها ادعي ربنا كتير أنه يلهمك الصبر وادعيلي بالرحمة وافتكري ان الدنيا فانية وأننا كلنا ميتين وربنا يجمعك بيها في الجنة بإذن الله،اذكري ربنا كتير واقرأي قرآن كتير والصلاة حافظي عليها وربنا يرحمها ويصبرك ياحبيبتي🖤🖤

صلي صلاة استخارة وشوفي انت بتحبي اي وهل المجال ده له مكان في سوق العمل ولالأ،ممكن تحولي لغة عربية لو متاح لك

شفاكي الله وعافاكي❤️ متحطيش فدماغك انه حسد ولو شايفة انه حسد ادعي ربنا يحفظك واقرأي اذكار الصباح والمساء،وروحي لدكتور جلدية ممكن تكون مشكلة صحية،وادعي ربنا دايما بالشفاء احنا فايام مفترجة وهدعيلك معايا ياقمر❤️متزعليش انت كده كده حلوة فكل حالاتك

الكلام ده انا سمعته كتير على اليوتيوب ادخلي دوري على فيديوز عاليوتيوب عن حالتك هتلاقي زيها كتير وهتلاقي حل مناسب،وأهم حاجة تقرأي آية الكرسي قبل النوم وتصلي الخمس فروض ده اساسي وبإذن الله خير

مكنش ينفع تعملي وضعيات زي دي من الأول حتى لو بدافع الشغل اكيد هيجي فبالك انها عاوزة حاجة وحشة،الحل انك تخبري اهلك وهم هيساعدوكي

الموضوع مش موضوع اسمع مين أو اعمل اي،ابراهيم عادل فوق الممتاز لكن انت اكيد زهقتي أو مليتي وانا زيك برضو اتفرجت فترة وسبته لكن هو تحفة لو التزمتي عليه مستواكي هيتحسم

اسمعي كتير مش شرط أغاني ممكن بودكاستس أو افلام او بلاش افلام عشان حرام وانت معاك حق فان بلاش اغاني عشان حرام،في قنوات انجليش بتبقى معلمينها أجانب مفيش احسن من انك تتعلمي اي لغة من أهلها،وأهم حاجة الاستمرارية والصبر لإن الموضوع مش من يوم وليلة،ممكن ياخد أكتر من شهر أو سنة خلي عندك ارادة وصدقيني هتتعلمي انجليش واي حاجة نفسك تتعلميها فحياتك

ادعي ربنا انه يبعدك عنه لو في خير وانه يغنيك بحلاله عن حرامه وادعي لنفسك وليه بالهداية