تعرفت على صديقه ليا كانت عندها مشاكل بس انا حليت ليها كل المشاكل وحبتها وهيه حبتني بس هيه حبتني لدرجه الجنون مره زعلنا من بعض بس هيه كانت هتقتل نفسها بس اتخطينا ولحقتها وانا تعبت نفسيا وقلبي وجعني المره التانيه اتخنقنا مع بعض قالتلي هريحك وبلعت دواء بس انا لحقتها بردو السؤال هنا انا مش عارف اعمل ايه انا من كتر ما بخاف عليها قلبي بقى يوجعني مش عارف ابعد عنها وتدمر ولا انا اكمل وانا ادمر اكتر منا مدمر نفسيا
السلام عليكم ورحمه الله وبركاته حضرتك لازم تكون واعي بمشكلة خطيبتك هي في الغالب عندها اضطراب الشخصية الحَديه بتخاف من الترك والتعلق عندها بيك غير آمن ،، محتاجه مساعده متخصص ،، تحياتي
تم النشر الخميس، ١١ يوليو ٢٠٢٤
واضح إن وضعك صعب ومسبب لك ضغط كبير... مقدرش أحكم الحقيقة هل البنت فعلا عندها تعلق شديد ومرضي بك أو هي بتحاول تحسسك بالخطر عشان تهتم بها ومتبعدش والحقيقة أنا مش مختصة عشان أعطي حكم بخصوصها أو أنصحك تتعامل معها إزاي بس لا تقلق... إن شاء الله الخبراء المختصين أول لما يقرأوا المشكلة هيجاوبوك وينصحوك أفضل مني تتصرف إزاي.
تم النشر الأربعاء، ١٠ يوليو ٢٠٢٤
أنا حاسة قد إيه الوضع ده صعب ومعقد عليك. أول حاجة حب أقولك إنك إنسان طيب وقلبك كبير وبتحاول تكون جنبي حبيبك في كل الظروف، ده شيء جميل. بس بصراحة، الموضوع أصبح خطر وعليك تاخذ خطوات جد لحماية نفسك وحماية حبيبتك. هي واضح إنها محتاجة دعم نفسي محترف علشان تتعدى المشاكل اللي بتواجهها. ممكن ترشدها إنها تروح لطبيب نفسي أو معالج نفسي يساعدها تتعامل مع حالتها. وأنت كمان ما تنساش إن صحتك النفسية مهمة، مش لازم تشيل الحمل كله على كتافك لوحدك. حاول تاخذ راحة وتفكر في اللي يناسبك. لو الأمور أصبحت تقيلة عليك، من المهم تشوف حد تتكلم معاه سواء كان معالج نفسي أو حتى شخص تثق فيه. العلاقات الصحية بتحتاج تكون مبنية على الدعم المتبادل والتوازن، ومش لازم تضحي بصحتك علشان تنقذ شخص تاني. فكر كويس وخذ الخطوات اللي تشوفها مناسبة لمصلحتكم الاثنين. وخليك دايمًا فاكر إنك مش لوحدك، وممكن تلاقي المساعدة اللي تحتاجها علشان تتخطى الأوقات الصعبة دي.
تم النشر الأربعاء، ١٠ يوليو ٢٠٢٤
لعرض السؤال في فدني اضغط هنا