انا الحمد لله داخل تالته ثانوي فا طبعا هيبقي في وقت تعب في نص او في اخر السنه ازاي انا اقوي النفسيه واعزز الاراده
بص أنا هقولك كل غلطة أنا غلطها و شوفت غيرى غلطها طول السنة دي ١ هتذاكر و هتشد حيلك و هتعمل مجهود عمرك معملتوا فى السنوات اللي فاتت و هيجي وقت امتحان الحصه و هتجيب درجه وحشه (مش دايما) طب و الحل ؟ الحل سهل هو أنك ترضى بالدرجة و تحاول مع كل مره انك تحسنها و تجيب اكتر و لو معرفتش مش مهم معاك محاولات لا تنفذ حتى يوم الامتحان. ٢ ملكش دعوه بحد ،منا اكيد مش هيبقى ليا دعوه بحد و هركز فى المذاكرة ،لا مش ده المقصد المقصد متركزش فى كلام أى حد اللي انت شايفوا هيفيدك اعملوا فكر فيه كويس لقيته هيفيدك اعملوا من غير كلام ،طب لو مدرس و بيقول اعمل كذه؟ نفس الكلام لو كلاموا يمشي معاك و هيفيدك اعملوا مش هيفيدك ولا كأنك سمعت حاجه ٣ حاول تتعرف على صحبه صالحه و طيبه ،ليه منا هسد طول السنه لوحدي .لا غلط السنة دي وقت طويل و مفيش راحه و هتحتاج حد تضحك معاه و تهزر معاه لما تخرج من الدرس ٤ حاول تختار مدرس و تثبت معاه طول السنه علشان لو فضلت تلف على المدرسين هضيع وقت و هتشتت نفسك على الفاضي ٥ ثق ثقه عمياء فى المدرس اللي أنت بتاخد عندو حتى لو غلط و أنت عدلت عليه ٦ ذاكر فى اليوم من مادتين ل تلاته ٧ و الاهم حافظ على الصلاة و ذكر ربك دايما و ابدا خصوصا لما تكون ماشى فى الطريق و رايح درس و مدايق اقعد اذكر ربك و هتروح تلاقي نفسك مركز و هادى ولا كأن فى حاجه حصلت دول اللي جم فى بالي اخر حاجه علشان تقدر تحافظ على إرادتك طول الوقت ده لازم تؤمن إنك تقدر .ده اللي أنا عملتوا علشان كده لسا عندي إرادة لو وزعتها تكفي الكثيرين و تفيض.
تم النشر الأربعاء، ٧ يونيو ٢٠٢٣
اعمل لنفسك جدول منظم و اعمل لنفسك وقت راحه بسيط و اهم حاجه تمارس رياضه لو مرتين تلاته في الاسبوع و اهم حاجه تخلى في حلم قدامك و كل اما تمل او تتعب فكر في حلمك
تم النشر الأربعاء، ٧ يونيو ٢٠٢٣
قسم وقتك وذاكر أول بأول .. علشان متتراكمش عليك الدروس. لو حسيت في يوم انك حاسس بأنك مضغوط جدا، واصبحت مش قادر تكمل .. متيأسش خد بريك وممكن تغير جو واشحن طاقتك من تاني. كافئ نفسك بعد ما تخلص اللي وراك، او بعد ما تجيب درجة كويسة في الامتحان، حتى لو بأقل شئ. متقارنش نفسك بحد .. خليك في حالك وبس وحسن من نفسك ديما. لو فيه حد احتاج لحاجه من زمايلك متتأخرش عنه، لكن لو حسيت انك بتيجي على نفسك وعلى وقتك اعتذر بشياكة وقوله وقت تاني.
تم النشر الأربعاء، ٧ يونيو ٢٠٢٣
كل ما عزيمتك تقل افتكر يوم النتيجه شكللك هيبقي عامل ازاي افتكر اهللك الي تعبو معاك طول السنه وحط عهد بينك وبين نفسك أن لازم أفرحهم هما تعبو معايا ولازم اعوضهم عن التعب دا
تم النشر الخميس، ٨ يونيو ٢٠٢٣
بالنسبة إنك تعزز الإرادة، فأنا مش هقولك غير حدد هدف ومجهود السنة هو المحصلة إنك توصله، لما تلاقي نفسك أثرت دون إرادتنا أو مضغوط أو حتي كسل، أسئل نفسك بتأثيرك ده هوصل لهدفي؟؟، طيب هبقي مبسوط لو موصولتلوش، هتجاوز خسارته عادي، إرادتك هي أنت عاوز توصل ليه وهتقدر علي خسارته ولا لأ، بإختصار عاوز تعزز إرادتنا صمم علي هدف، وأسعي إنك متخسروش، بالتوفيق
تم النشر الأربعاء، ٧ يونيو ٢٠٢٣
تقوي نفسيتك بقربك من ربنا وإنك متشغلش نفسك بحاجات تانية السنة دي، أنت بس عاوز تعيش مرحلة الثانوية صح، ومتطلعش ندمان وخسران، ده يكون ال فدماغك، وفر وقتك وراحتك للمذاكرة وإنك تكون مش مضغوط، وتأجل أي حاجة تانية لبعد ما تخلص، نصيحة: ذاكر وراجع وأخرج عادي، أرتاح وذاكر، ترتاح وتذاكر أحسن م تذاكر وأنت مش كويس ف متلقيش محصلة لمذاكرتك فتزعل وتتأثر، خدها بسلاسة، ومتبدأش بقوة، وتبدأ السنة تموت نفسك من المذاكرة، لأ أبدء السنة بالراحة وكل م تدخل فالمنهج أكتر ضاعف مذاكرتك، لكن هتيجي فالأول تموت نفسك من المذاكرة، هتيجي فالنص هتفضل وتقع ولما تقوم هتحسك مضغوط وفايتك شوية، ف لأ زود سرعتك بأنتظار عشان طاقتك تتوزع علي السنة مش علي جزء فيها
تم النشر الأربعاء، ٧ يونيو ٢٠٢٣
لعرض السؤال في فدني اضغط هنا